Sunku Sravan

మునుగోడు..మునుగోడు.. మునుగోడు..సోషల్ మీడియాలో కానీ ప్రింట్ ఎలక్ట్రానిక్ మీడియాలో కానీ ఎక్కడ చూసినా గత కొన్ని రోజులుగా మునుగోడు పేరే వినిపించింది. దేశవ్యాప్తంగా మునుగోడు ఎన్నికపై ఓ చర్చ జరిగిందని చెప్పవచ్చు. ఇక రెండు తెలుగు రాష్ట్రాల్లో ఈ ఎన్నిక పొలిటికల్ హీట్ పెంచేసింది.. ఇంతటి ఉత్కంఠ పోరులో టిఆర్ఎస్ తన సత్తాను చాటింది.. కేవలం మూడు రౌండ్లలో ఆధిపత్యం కొనసాగించిన బిజెపి ఆ తర్వాత టిఆర్ఎస్ ముందు నిలబడలేకపోయింది..!

అలాంటి మునుగోడు ఉప ఎన్నికపై అనేక సర్వేలు వారి వారి అంచనాలను ఇచ్చాయి.. కానీ ఫలితాన్ని 95% ఖచ్చితంగా చెప్పిన సర్వే సంస్థ “COPACT” మాత్రమే.. మునుగోడు లో జనాలు ఏమనుకుంటున్నారు.? గెలుపు తీరానికి వెళ్లేది ఎవరు.? ప్రజల ఆలోచన విధానం ఏ విధంగా ఉంది.? ఏ ఏ అంశాలు ఓటింగ్ సరళిని ప్రభావితం చేయనున్నాయి..? అనే ప్రశ్నలతో అక్కడి ప్రజల మనోగతాన్ని 95% తెలుసుకునే ప్రయత్నం చేసింది COPACT సర్వే సంస్థ. ఇప్పటికే మునుగోడులో రెండుసార్లు లోతుగా సర్వే నిర్వహించింది ఈ సంస్థ.. మునుగోడు నియోజకవర్గంలో మొత్తం ఏడు మండలాలలో మేజర్ గ్రామాలలో 3000 మంది నుంచి సమాచారాన్ని సేకరించింది.

పోలింగ్ 15 రోజులు ఉన్న సమయంలో ఒక సర్వే,పోలింగ్ నాలుగు రోజులు ఉన్న టైం లో మరో సర్వే నిర్వహించింది COPACT సంస్థ. తెరాస పార్టీకి 41% ఓట్లు వస్తాయని, బిజెపికి 36% వస్తాయని ముందే వెల్లడించింది. సంస్థ చెప్పినట్లుగానే టిఆర్ఎస్ పార్టీకి 42 శాతం ఓట్లు వచ్చాయి.. సంస్థ నిర్ధారించినట్లుగానే తెరాస పార్టీ అభ్యర్థి కుసుకుంట్ల ప్రభాకర్ రెడ్డి, ప్రధాన ప్రత్యర్థి అయిన బిజెపి అభ్యర్థి కోమటిరెడ్డి రాజగోపాల్ రెడ్డి పై విజయ ఢంకా మోగించారు. అయితే మండలాల వారిగా ఏ మండలంలో ఏ కారణాలవల్ల ఏ ఏ పార్టీకి లాభనష్టాలు ఉంటాయో కూడా COPACT ముందుగానే అంచనా వేసింది. 95 శాతం సర్వే వెల్లడించిన విధంగానే ఆయా మండలాల వారీగా ఫలితాలు కూడా వచ్చాయి. హైదరాబాద్ ప్రధాన కేంద్రంగా పనిచేస్తున్న “COPACT” రెండు తెలుగు రాష్ట్రాల్లో ఎన్నికల వ్యూహాలకు సంబంధించిన సేవలను అందిస్తోంది. 2020 జిహెచ్ఎంసి ఎన్నికల్లో ఒక ప్రధాన పార్టీ తరఫున కీలక పాత్ర పోషించింది. అప్పుడు కూడా మంచి ఫలితాలను అందుకుంది. తాజాగా మునుగోడు ఉప ఎన్నికల్లో “COPACT” బృందాల శాస్త్రీయ పరిశోధన ప్రకారం తెరాసకు పది నుంచి 12 వేల మెజారిటీ వస్తుందని చెప్పగా.. తుది ఫలితం కూడా ఆ విధంగానే వచ్చింది.. దీంతో “COPACT” చేసిన సర్వే నిజమైంది.

మునుగోడు నీదా?.. నాదా..? మునుగోడు ఉపఎన్నిక.. ప్రస్తుతం రెండు తెలుగు రాష్ట్రాలలో ఇదే హార్ట్ టాపిక్. టిఆర్ఎస్, బిజెపి, కాంగ్రెస్ ఇలా ప్రధాన పార్టీలన్నీ ప్రచారాన్ని పరుగులు పెట్టిస్తున్నాయి. మునుగోడు ఉప ఎన్నికలో ఎలాగైనా గెలవాలని పట్టుదలతో ఉన్నాయి. ముఖ్యంగా టిఆర్ఎస్, బిజెపి పార్టీలు తమ పూర్తిస్థాయి శక్తిని వినియోగిస్తున్నాయి. గెలుపు నీదా, నాదా అనే విధంగా పార్టీలు తలపడుతున్నాయి. రోజుకో రకమైన పరిణామాలు చోటు చేసుకుంటున్న నేపథ్యంలో మునుగోడు ఫలితం ఎలా ఉండబోతుందోనని రెండు తెలుగు రాష్ట్రాల ప్రజలు ఆసక్తిగా ఎదురు చూస్తున్నారు.

copact సంస్థ విశ్లేషణ ప్రకారం మునుగోడు మూడ్..!!

గతంలో దేశవ్యాప్తంగా వివిధ రాష్ట్రాల ఎన్నికలకు సంబంధించిన ఎన్నికల కచ్చితమైన విశ్లేషణలు అందించిన copact సంస్థ మునుగోడు ప్రజల మనోగతాన్ని అర్థం చేసుకునే ప్రయత్నం చేసింది. ఇందులో భాగంగా ఈనెల 22 నుంచి 29వ తేదీ వరకు మునుగోడు నియోజకవర్గం లోని ఏడు మండలాలలో దాదాపు 3,000 మంది సాధారణ ఓటర్లతో ఈ సంస్థ ప్రతినిధులు మమేకమై వారి మనోభావాలు తెలుసుకొనే ప్రయత్నం చేశారు. ఈ సందర్భంగా మునుగోడు ప్రజలు ఎవరికి పట్టం కట్టనున్నారు అని తేల్చే క్రమంలో చాలా ఆసక్తికర విషయాలులు వెళ్లడయ్యాయి.

Munugode voters Survey

7 మండలాలలో పార్టీల బలా బలాలు పరిశీలిస్తే..!!

1) మునుగోడు.
మొత్తం ఓటర్ల సంఖ్య – 36,000
మునుగోడు నియోజకవర్గ కేంద్రం అయినందున అన్ని పార్టీల చూపు దీనిపై ఎక్కువగా ఉంటుంది. మునుగోడు ఉప ఎన్నికల నగరా మోగినప్పుడే బిజెపి, టిఆర్ఎస్ పార్టీలు ఇక్కడ బహిరంగ సభలు పెట్టాయి. ఈ మండలంలో టిఆర్ఎస్ వర్సెస్ బిజెపిగా రోజురోజుకీ రాజకీయ పరిణామం మారుతుంది. ఈ మండలంలో కోమటిరెడ్డి వెంకటరెడ్డికి వ్యక్తిగతంగా మంచి ఇమేజ్ ఉండడం వల్ల రాజగోపాల్ రెడ్డికి లాభం చేకూరే అవకాశం ఉంది. ఇక ఇక్కడ అధికార పార్టీ భారీ ఎత్తున ఎమ్మెల్యేలను దించి అధికార దుర్వినియోగం చేస్తుందనే విమర్శలు పదేపదే వినిపిస్తున్నాయి. దీంతో టిఆర్ఎస్ పై కొంత వ్యతిరేకత కనబడుతోంది. అలాగే రాజగోపాల్ రెడ్డి తన స్వార్థం కోసం పార్టీ మారారని ప్రచారం ఉన్నప్పటికీ వారి కుటుంబానికి అభిమానులు ఉండడం బిజెపి అభ్యర్థికి ఊరటనిస్తుంది. అలాగే టిఆర్ఎస్ పార్టీకి రేపటి సీఎం కేసీఆర్ సభ వల్ల కొంత ప్రయోజనం జరిగే అవకాశం కనిపిస్తుంది. అయితే ఏ పార్టీ అధికారంలో ఉన్నా మునుగోడు ఓటర్లు మాత్రం తమదైన శైలిలోనే ఓటు వేసే ఒక సాంప్రదాయం మొదటి నుంచి ఇక్కడ ఉంది.

Munugode voters Survey

2) మర్రిగూడ.
మొత్తం ఓటర్ల సంఖ్య 27,800
ఈ మండలంలో కాంగ్రెస్ చాలా బలంగా ఉంది. కాంగ్రెస్, టిఆర్ఎస్ ముందు నుంచి ఇక్కడ బలంగానే ఉన్నప్పటికీ.. ఈ రెండు పార్టీలు యువత టార్గెట్ గా పనిచేస్తున్నప్పటికీ అధికార పార్టీ నుంచి ప్రలోభాలకు గురి చేస్తున్నారనే విమర్శలు ఇక్కడ వినిపిస్తున్నాయి. ఈ మండలంలో కాంగ్రెస్ కంటే టిఆర్ఎస్ 5% ముందంజలోనే ఉందని చెప్పొచ్చు. కానీ చివరకు పరిస్థితులు తారుమారైనా ఆశ్చర్యపోనక్కర్లేదు. ఈ మండలంలోని శివన్న గూడెం, చర్లగూడెం గ్రామస్తులు ప్రాజెక్టులో భూములని కోల్పోయిన వాళ్లు. రాజగోపాల్ రెడ్డి రాజీనామా అనంతరం ప్రభుత్వం భూ నిర్వాసితులకు వారి అకౌంట్లో డబ్బులు వేసి ఫ్రీజ్ చేసి ఉంచింది. అవి అన్ ఫ్రీజ్ కాకపోతే ఇక్కడ టిఆర్ఎస్ కి మైనస్ కావచ్చని చెబుతున్నారు.

3) చండూరు.
ఈ మున్సిపాలిటీలోని మొత్తం ఓటర్ల సంఖ్య – 9,950
రూరల్ ఓటర్ల సంఖ్య – 19,500
ఈ మునిసిపాలిటీలో యూత్ ఎక్కువ ఉన్న కారణంగా వీరందరూ 75% బిజెపి వైపు ఉన్నారు. ఈ మండలంలో టిఆర్ఎస్, బిజెపి మధ్య పోటా పోటీగానే ఉంది. ఈ మండలంలో డబ్బు పంపిణీ ప్రభావం ఎక్కువగా ఉన్నప్పటికీ ప్రజలు ఎవరికి ఓటు వేయాలో ముందే స్పష్టంగా నిర్ణయించుకున్నట్లు తెలుస్తోంది. అలాగే ఈ మండలంలో బీఎస్పీ కి కూడా కొన్ని ఓట్లు పడే ఛాన్స్ కూడా ఉంది. కాంగ్రెస్, బిజెపి ఓట్లు చీల్చుకోవడానికి టీఆర్ఎస్ శ్రమిస్తున్నప్పటికీ.. ఓటర్లు బిజెపి వైపే కాస్త మొగ్గు చూపిస్తున్నట్లు ఈ సర్వేలో వెళ్లడైంది.

4) చౌటుప్పల్.
ఏ మున్సిపాలిటీలో మొత్తం ఓటర్ల సంఖ్య – 25,493.
రూరల్ ఓట్ల సంఖ్య – 37,500
మునుగోడు నియోజకవర్గంలోని మొత్తంలో అత్యధిక ఓటర్లు ఈ మండలంలోనే ఉంటారు. అందువల్ల ప్రధాన పార్టీలన్నీ ఈ మండలం పైనే ఎక్కువగా ఫోకస్ చేశాయి. ఈ మండలంలో ఉన్న ప్రతి గ్రామంలో రోజురోజుకీ రాజకీయ పరిణామం మారుతుంది. బిజెపి, టిఆర్ఎస్ పార్టీలో ఈ ఓట్లపైనే ప్రధానంగా ఆశలు పెట్టుకున్నాయి. అలాగే ఈ మండలంలో కాంగ్రెస్ గ్రాఫ్ రోజురోజుకీ పడిపోతూ ఉండడం చూస్తే రాహుల్ జూడో యాత్ర ప్రభావం మునుగోడు నియోజకవర్గం పై ఏమాత్రం లేదని చెప్పవచ్చు. ఈ మండలం హైదరాబాద్ కు ఆనుకొని ఉన్నప్పటికీ.. ఇటీవల ఫామ్ హౌస్ లో ఎమ్మెల్యేల కొనుగోలు వ్యవహారం, ఆడియో లీక్ ల ప్రభావం కూడా ఇక్కడ ఏమాత్రం లేదు. ఇక టిఆర్ఎస్ పార్టీ బయటనుంచి ఎమ్మెల్యేలను భారీగా మోహరించడంతో లోకల్ క్యాడర్ కుభారీగా మోహరించడంతో లోకల్ క్యాడర్ కు నాన్ లోకల్ మధ్య గ్యాప్ పెంచినట్లు భావిస్తున్నారు. అలాగే ఈ మునిసిపాలిటీలో భారీగా పోలీసులను మోహరించడంతో ఒక భయాందోళన వాతావరణం నెలకొంది. ఇవే పరిస్థితిలో కొనసాగితే చౌటుప్పల్ మండలంలో బిజెపి కాస్త లాభపడే పరిస్థితి కనిపిస్తుంది. మిగతా మండలాలతో పోలిస్తే ఇక్కడ డబ్బు, మద్యం ప్రభావం తక్కువే.

5) గట్టుప్పల్.
ఈ మండలంలోని మొత్తం ఓటర్ల సంఖ్య 16,282
ఈ నియోజకవర్గంలోని అన్ని మండలాలలో ఇదే అతి చిన్నది. ఇక రాజగోపాల్ రెడ్డి రాజీనామా అనంతరం గట్టుప్పల్ ని మండలం గా ప్రకటించారు. గతంలో ఇక్కడి ప్రజలు గట్టుప్పల్ ని మండలం చేయాలని ధర్నాలు చేసినప్పటికీ రాజగోపాల్ రెడ్డి రాజీనామా అనంతరం చేసినందున కొంతమంది బిజెపికి అనుకూలంగా ఉంటే.. మండలంగా ప్రకటించిన టిఆర్ఎస్ కి మరికొంత మంది అనుకూలంగా ఉన్నారు. దీంతో ఇక్కడ బిజెపికి 50% ఓట్లు వస్తే, టిఆర్ఎస్ కి 45%, ఇతరులకు 5% వచ్చే అవకాశం ఉంది. టిఆర్ఎస్ ఎమ్మెల్యేలు ఇన్చార్జిలుగా ఇక్కడ మఖాం వేయడంతో ఓటర్లు సైలెంట్ గా ఓటింగ్ లో తమ మనోభావాలను వ్యక్తపరిచే అవకాశం కనిపిస్తుంది. ఇక ఈ మండలంలో కాంగ్రెస్ నాయకత్వం సరిగ్గా లేనందున ఆ పార్టీ పూర్తిగా ఖాళీ అయ్యేలా ఉంది. ఇక్కడ ప్రజల మాటలను బట్టి చూస్తే డబ్బు ప్రభావం ప్రధానంగా పనిచేయనున్నట్టు సమాచారం.

6) సంస్థాన్ నారాయణపురం.
మొత్తం ఓటర్ల సంఖ్య – 36,069
ఈ మండలంలో తండాలు ఎక్కువగా ఉన్న కారణంగా టిఆర్ఎస్, కాంగ్రెస్ పార్టీల ప్రభావం ఎక్కువగా ఉంది. ఈ ప్రాంతంలో డబ్బు ప్రభావం కీలకంగా మారనుంది. అందువల్ల కాంగ్రెస్ ఓటు బ్యాంకు బిజెపికి షిఫ్ట్ అయ్యే అవకాశం ఉంది. ఇక ఈ మండలంలో మాజీ ఎమ్మెల్సీ కర్ణ ప్రభాకర్ ప్రభావం బాగానే ఉండడం వల్ల టిఆర్ఎస్ పార్టీకి కలిసి వచ్చే అవకాశం ఉంది. అలాగే టిఆర్ఎస్ అభ్యర్థి కూసుకుంట్ల ప్రభాకర్ రెడ్డిది కూడా ఇదే మండలం కావడంతో ఈ మండలంలోని ఓట్లను పార్టీ ప్రతిష్టాత్మకంగా తీసుకుంది. అలాగే ఈ మండలంలో రాజగోపాల్ రెడ్డికి వ్యక్తిగత అభిమానులు ఉండడంతో ఇక్కడ సైలెంట్ ఓటింగ్ జరిగే ఛాన్స్ ఉంది. ఇక ఈ మండలంలోని గుడిమల్కాపూర్ లో 26 మందికి దళిత బంధు రావడంతో పాటు వివిధ పథకాలు గ్రామాలలో అమలు కావడంతో టిఆర్ఎస్ కి కలిసి వచ్చేలా ఉంది. అలాగే ఈ మండలంలో ఇంటింటికి చికెన్ బంద్ పథకం బాగానే అమల్లో ఉంది. ఇక కాంగ్రెస్ ఓటు బ్యాంకు పైనే బిజెపి ఆశలు పెట్టుకుంది. అదే జరిగితే ఇక్కడ బిజెపి నెంబర్ వన్ స్థానంలో ఉంటుంది.

7) నాంపల్లి.
మొత్తం ఓటర్ల సంఖ్య 35,000
ఈ మండలంలో ఎస్టీ లంబాడీలు ఎక్కువగా ఉంటారు. ఈ తండాలలో కాంగ్రెస్, బిజెపి, టిఆర్ఎస్ త్రిముఖ పోరు ఉంటుంది. అయితే మునుగోడు నియోజకవర్గంలో కాస్త వెనుకబడిన ప్రాంతం ఏదైనా ఉందంటే అది నాంపల్లి అనే చెప్పాలి. అభివృద్ధి ఆశించిన స్థాయిలో లేనందున టిఆర్ఎస్పై కాస్త వ్యతిరేకత ఉన్నా.. పథకాల ప్రభావం కూడా ఉంది. ఇక్కడ కూడా కాంగ్రెస్ ఓటు ఓటు బ్యాంకు ని ఎవరు చీల్చుకుంటారనేది ఎవరు చీల్చుకుంటారనేది ప్రధాన అంశం. అయితే ఇక్కడ కాంగ్రెస్ కు చెప్పుకోదగ్గ ఓట్లు వస్తే అది టిఆర్ఎస్ కే లాభం చేకూరుస్తుంది.

అయితే మునుగోడు నియోజకవర్గంలో టిఆర్ఎస్ ఎలాగైతే ఎమ్మెల్యేలు, మంత్రులను మోహరించిందో బిజెపి కూడా చుట్టుపక్కల నియోజకవర్గాల నుంచి భారీ స్థాయిలో బూత్ స్థాయి నాయకులు, కార్యకర్తలను ప్రచారంలోకి దించింది. బిజెపి అభ్యర్థి కోమటిరెడ్డి రాజగోపాల్ రెడ్డి తో పాటు ఆశించిన సంఖ్యలో కాంగ్రెస్ శ్రేణులు బిజెపిలోకి రాకపోవడం ఒక ఇబ్బంది అయితే.. బిజెపిలో చేరిన కాంగ్రెస్ వారికి ఇప్పటికే ఉన్న పాత బీజేపీ కార్యకర్తలకు మధ్య గ్యాప్ అలాగే ఉండడంతో ఇది బిజెపికి మైనస్ గా మారింది. కొన్నిచోట్ల రాజగోపాల్ రెడ్డి వచ్చి వెళ్ళాక ఆయన కోసం చేతి గుర్తుకే ఓటు వేయాలని మాట కూడా వినపడడం బిజెపికి ఆందోళన కలిగించే అంశం. అంటే ఇప్పటికీ రాజగోపాల్ రెడ్డి ని జనం కమలంతో కలిపి చూడడం లేదు. ఆ విషయాన్ని ప్రజల్లోకి తీసుకెళ్లడంలో బిజెపి విఫలమైందనే చెప్పాలి. ఇక చివరి 48 గంటలలో రాజగోపాల్ రెడ్డి ని ఢీకొనే సత్తా టిఆర్ఎస్ కి ఉండకపోవచ్చు అని కూడా స్థానికుల బలమైన నమ్మకం. స్థానికుల మాటలను బట్టి చూస్తే రాజగోపాల్ రెడ్డి పై చాలా ఎక్కువగానే ఆశలు కనిపిస్తున్నాయి.

ఇక మొత్తం మునుగోడు నియోజకవర్గం ఓటర్ల సంఖ్య – 2,43,594. మొత్తంగా చూస్తే తాజా పరిస్థితి ప్రకారం టిఆర్ఎస్ పార్టీకి 41%, బిజెపి 36%, కాంగ్రెస్ 14%, ఇతరులు 9% ఓట్లు రాబట్టుకోవచ్చని తెలుస్తోంది.

ప్రస్తుతం తెలంగాణ రాజ‌కీయాలన్నీ మునుగోడు చుట్టే తిరుగుతున్నాయి. మునుగోడు ఎమ్మెల్యే కోమ‌టిరెడ్డి వెకంట్ రెడ్డి రాజీనామాతో కేవ‌లం నియోజక‌వ‌ర్గంలోనే కాకుండా ఏకంగా రాష్ట్రమంతా మునుగోడులో గెలుపు ఎవ‌రిది అని చర్చించుకుంటున్నారు. వెంక‌ట్ రెడ్డి త‌న ప‌ద‌వికి రాజీనామా చేయ‌డంతో పాటూ కాంగ్రెస్ పార్టీకి సైతం గుడ్ బై చెప్పిన సంగ‌తి తెలిసిందే. కోమ‌టిరెడ్డి బ్ర‌ద‌ర్స్ కు ఎంతో అనుబంధం ఉన్న కాంగ్రెస్ నుండి వెంక‌ట్ రెడ్డి బ‌య‌ట‌కు రావ‌డం అంద‌ర్నీ ఆశ్చ‌ర్య‌ప‌రిచింది.

Bhongir MP Komati Reddy Venkat Reddy

అయితే వెంక‌ట్ రెడ్డి ఎందుకు త‌న ప‌ద‌వికి మ‌రియు పార్టీకి గుడ్ బై చెప్పారు అన్న‌ది చాలా మందికి ఇంకా ప్ర‌శ్న‌గానే మిగిలిపోయింది. కాగా నియోజ‌క‌వ‌ర్గంలో జరుగుతున్న ఓ చ‌ర్చ ప్ర‌కారం వెంక‌ట్ రెడ్డి త‌న క‌ల‌ల ప్రాజెక్ట్ అయిన ఎస్ఎల్ బీసీ కోస‌మేన‌ట‌. ఫ్టోరైడ్ కోర‌ల్లో నుండి న‌ల్ల‌గొడ ప్ర‌జ‌ల‌ను ర‌క్షించేందుకు ల‌క్ష‌ల ఎక‌రాల‌కు సాగు నీరు అందించ‌డానికి కోమ‌టిరెడ్డి మొద‌డులో త‌ట్టిన ఆలోచ‌నే ఎస్ఎల్ బీసీ ప్రాజెక్ట్ అని మునుగోడు ప్ర‌జ‌లు చెబుతున్నారు. నిజానికి ఈ ప్రాజెక్ట్ కోసం వెంక‌న్న‌నే అప్ప‌టి ముఖ్య‌మంత్రి వైఎస్ఆర్ వెంట‌ప‌డి ఒప్పించారు. అప్ప‌ట్లో దేశంలోనే అతిపెద్ద సొరంగ‌మార్గం క‌లిగిన ప్రాజెక్ట్ ఎస్ఎల్ బీసీ ప్రాజెక్ట్. ఈ ప్రాజెక్ట్ ను 1965 కోట్ల‌తో పూర్తిచేయాల‌న్న‌ది టార్గెట్ గా పెట్టుకున్నారు. 20007 నుండి 2013 వ‌ర‌కూ ఈ ప్రాజెక్టు కోసం 817 కోట్ల నిదులు మంజూరు అయ్యాయి.

Bhongir MP Komati Reddy Venkat Reddy

ఈ ప్రాజెక్ట్ వెన‌క వెంకన్న కృషి ఎంతో ఉంది. ఇక 2014లో టీఆర్ఎస్ అధికారంలోకి వ‌చ్చిన త‌ర‌వాత ఎస్ఎల్ బీసీ ప్రాజెక్టును ప‌క్క‌న పెట్టేశారు. 44 కిలోమీట‌ర్ల సొరంగ మార్గానికి గానూ 34 కిలోమీట‌ర్ల వ‌ర‌కూ కేసీఆర్ అధికారంలోకి రాక‌ముందే త‌వ్వించారు. ఇంకా మిగిలి ఉంది కేవ‌లం 10 కిలోమీట‌ర్లు మాత్ర‌మే. అయితే కేసీఆర్ అధికారంలోకి వ‌చ్చిన త‌ర‌వాత కేవ‌లం ప్రాజెక్టు కోసం బ‌డ్జెట్ నుండి మూడు కోట్ల చొప్పున మాత్రమే మంజూరు చేస్తూ వ‌చ్చారు. దాంతో వెంక‌ట్ రెడ్డి ప‌లుమార్లు ప్ర‌భుత్వానికి 2000 కోట్లు కేటాయిస్తే ప్రాజెక్టు పూర్త‌వుతుంద‌ని వాటిని విడుద‌ల చేయాల‌ని లేఖలు రాశారు. కానీ ప్ర‌భుత్వం నిధులు విడుద‌ల చేయ‌క‌పోవ‌డంతో ప్రాజెక్టు ప‌నులు న‌త్త‌న‌డ‌క‌నే సాగున్నాయి. మ‌రోవైపు ప్ర‌భుత్వం జీవో 246 తో న‌ల్గొండ రైతుల నోట్లో మ‌ట్టికొట్టే ప్ర‌య‌త్నం చేస్తుంద‌ట‌. ఈ జీవో వ‌ల్ల 45 టీఎంసీల‌ నీరు పాల‌మూరు, రంగారెడ్డి జిల్లాల‌కు త‌ర‌లిపోతుంది. ఈ నేప‌థ్యంలోనే వెంక‌ట్ రెడ్డి జీవోకి వ్య‌తిరేఖంగా పోరాటం చేశారు. ఇక ఇప్పుడు మునుగోడులో గెలిస్తే న‌ల్గొండ ప్ర‌జ‌ల గొంతుక‌ను త‌డ‌ప‌డంతో పాటూ ల‌క్ష‌ల ఎక‌రాల‌కు తాగునీటిని అందించే ప్రాజెక్ట‌ను పూర్తి చేస్తాన‌ని వెంక‌ట్ రెడ్డి హామీ ఇస్తున్నారు. మ‌రి ఈ ఎన్నిక‌ల్లో న‌ల్గొండ ప్ర‌జ‌లు ఎటువైపు నిల‌బ‌డ‌తారో చూడాలి.