Megha Varna Page 104
Author

Megha Varna

Health Adda

ఉదయాన్నే ఇలా జీలకర్రని తీసుకుంటే ఎన్ని ప్రయోజనాలు కలుగుతాయో తెలుసా..?

by Megha Varna
written by Megha Varna

ఈ మధ్య కాలంలో అనారోగ్య సమస్యలు అందర్నీ బాధిస్తున్నాయి. ఇటువంటి సమయంలో చాలా జాగ్రత్తగా ఉండాలి. ముఖ్యంగా అనారోగ్య సమస్యలు తలెత్తకుండా ప్రతి ఒక్కరు కూడా ఆరోగ్యంపై శ్రద్ధ పెడితే మంచిది. ఆరోగ్యం బాగుండాలంటే ఆహారపు అలవాట్లలో మార్పు చేసుకోండి. మనం ఆరోగ్యకరమైన ఆహారం తీసుకుంటే మన ఆరోగ్యం కూడా చక్కగా ఉంటుంది.

ఈ సమయంలో శరీరానికి జీలకర్ర ఎంతో మేలు చేస్తుందని వైద్య నిపుణులు చెబుతున్నారు. అయితే జీలకర్ర వల్ల ఎలాంటి బెనిఫిట్స్ పొందొచ్చు అనేది ఇప్పుడు చూద్దాం. జీలకర్ర ఔషధంలా పని చేస్తుంది. ఒక టీ స్పూన్ జీలకర్రను గోరు వెచ్చని నీళ్లల్లో వేసి ఆ నీటిని మరిగించి ఉదయాన్నే ఖాళీ కడుపుతో దీనిని తీసుకోండి. ఇలా చేయడం వల్ల డయాబెటిస్ వంటి సమస్యలు రావు. షుగర్ లెవెల్స్ కూడా కంట్రోల్లో ఉంటాయి.

ఐరన్ లోపం ఉన్న వాళ్లు కూడా దీనిని తీసుకుంటే అద్భుతమైన ఫలితాలు పొందవచ్చు. జీలకర్రను తీసుకోవడం వల్ల రక్తహీనత సమస్య ఉండదు. జీలకర్ర లో రాగి, కాల్షియం, ఐరన్, పొటాషియం, మాంగనీస్, జింక్ సమృద్ధిగా ఉంటాయి. అంతే కాదండీ అధిక బరువుతో బాధపడే వాళ్ళు గోరువెచ్చని నీటిలో జీలకర్ర పొడి వేసుకుని తీసుకుంటే బరువు తగ్గొచ్చు.

కీళ్ల నొప్పులతో బాధపడే వాళ్లు కూడా ఇది ఉపశమనాన్ని ఇస్తుంది. ముఖ్యంగా కీళ్ల నొప్పులతో పెద్దవాళ్లు బాగా బాధపడుతూ ఉంటారు. అటువంటి వాళ్ళకు ఇది చక్కగా పని చేస్తుంది. ఎముకల్ని దృఢంగా ఉంచుతుంది. చూశారు కదా జీలకర్ర వల్ల ఎన్ని లాభాలు ఉన్నాయో.. మరి ఈ విధంగా మీరు అనుసరిస్తే ఈ సమస్యలన్నిటికీ చెక్ పెట్టొచ్చు. ఆరోగ్యంగా ఉండచ్చు.

Mythology

దర్శనం చేసుకున్నాక గుడిలో ఎందుకు ఒకసారి కూర్చోవాలో తెలుసా..? అసలు కారణం ఇదే..!

by Megha Varna
written by Megha Varna

ప్రతి దేవాలయంలో కూడా నిత్య పూజ చేస్తూ ఉంటారు. అలాగే పండగలు ముఖ్యమైన రోజులు నాడు ప్రత్యేక పూజలు నిర్వహిస్తారు. ఎప్పుడు దేవాలయానికి వెళ్లిన సరే చాలా ఆనందంగా ఉంటుంది. అయితే నిజానికి ప్రతీ దేవాలయంలో కూడా ఏదో మహిమ ఉంటుంది. ఒక్కసారి ఆలయానికి వెళితే చాలు ఎంతో ప్రశాంతంగా ఉంటుంది. కొండంత బలం మనకి వస్తుంది. పైగా ప్రశాంతంగా ఉంటుంది.

ఏదో కొత్త ఉత్తేజం మనలో చేకూరినట్టు అనిపిస్తుంది. పైగా మన భయాలన్నీ కూడా పోయినట్టు మనం విజయం సాధించగలమన్న నమ్మకం మనలో కలుగుతుంది. భగవంతుడు దగ్గరికి వెళ్లి మన కోరిక చెప్పేస్తే ఇక తీరిపోయినట్లే ఉంటుంది. మరి అక్కడ ఉన్న భగవంతుడు మహిమో లేక దేవాలయం మహిమనో ఆ దేవుడికే తెలియాలి.

దేవాలయంలో మంత్రోచ్చారణాల్లోని శబ్ద తరంగాల వల్ల మనకి చెడు ఆలోచనలు కలగకుండా ఉంటాయి. పైగా మనం ఎలాంటి నిర్ణయాలునైనా తీసుకోడానికి అవుతుంది. అయితే ఎందుకు పెద్దలు దేవాలయంలో దర్శనం అయిపోయాక ఒక సారి కూర్చోవాలని అంటారు అన్న అనుమానం చాలా మందిలో ఉంటుంది. మీకు కూడా ఆ అనుమానం కలిగిందా..? అయితే మరి దాని కోసం ఇప్పుడు చూద్దాం.

ఎందుకు దేవాలయంలో దర్శనం అయిపోయాక కూర్చోవాలి నేరుగా ఇంటికి వెళ్లిపోవచ్చు కదా..? అయితే నిజానికి ఈ మంత్రోచ్చారణాల్లోని శబ్ద తరంగాల వల్ల మన మనసు బాగుంటుంది. చెడు ఆలోచనలు రావు. చక్కటి నిర్ణయాలు తీసుకోవడానికి అవుతుంది.

దైవ సన్నిధిలో కాసేపు అలా కూర్చోవడం వల్ల మన జ్ఞాపక శక్తి మెరుగుపడుతుంది. అదే ధ్యానం, జపం చేస్తే ఇంకా అద్భుతంగా ఫలితాలను పొందొచ్చు. ఏ సమస్యకైనా చక్కటి మార్గాన్ని మనం వెతుక్కోవచ్చు. అందుకే దేవుడు దర్శనం అయిపోయిన తర్వాత వెంటనే వచ్చేయకుండా దేవాలయంలో కాసేపు కూర్చోవాలి అని పెద్దలు చెబుతూ ఉంటారు.

Human angle

“నాలుగేళ్లు ప్రేమించుకున్నాక ఇలా జరిగింది..” అంటూ లెటర్ పంపిన ఓ అమ్మాయి..! తను చేసింది సరైనదేనా..?

by Megha Varna
written by Megha Varna

నేను ఇప్పుడు చాలా అయోమయంగా ఉన్నాను. ఏం చేయాలో తోచడం లేదు. నేను చదువుకున్న రోజుల్లో మా దగ్గర బంధువు అబ్బాయిని ప్రేమించాను. అతనికి కూడా నేనంటే ఎంతో ఇష్టం. ఇద్దరం కూడా నాలుగేళ్ల పాటు ప్రేమించుకున్నాం. అయితే మేము ప్రేమను గెలిపించుకుని.. పెళ్ళి చేసుకోవాలని అనుకున్నాము. ఇంట్లో ఈ విషయం చెప్పే సరికి అమ్మ నాన్న అస్సలు ఒప్పుకోలేదు.

నేను ప్రేమించిన వ్యక్తి తరపు కుటుంబ సభ్యులు ఎవరూ కూడా మా ఇంట్లో వాళ్లకి ఇష్టం లేదు. అందుకే పెళ్లి వద్దు అంటున్నారు. ఎంత ఒప్పించిన సరే ససేమిరా నో అని అంటున్నారు. పైగా మా నాన్న ఆ అబ్బాయితో మాట్లాడే సరికి అతనికి చాలా కోపం వచ్చింది. అందుకే కనీసం మా ఇంటికి వచ్చి పెళ్లి చేసుకుంటానని అడగడం లేదు. నిజంగా నేను ఎంతో బాధ పడుతున్నాను.

అలానే మా ఇద్దరి జాతకాలు తీసుకువెళ్లి ఒక సిద్ధాంతి గారికి చూపించారు. జాతకాలు కూడా కలవ లేదు. అందుకే పెళ్లికి ఒప్పుకోవడం లేదు అని చెప్పారు. అయితే నన్ను ప్రేమించిన వ్యక్తి కొన్ని రోజుల వరకు నాతో మాట్లాడలేదు. మళ్లీ కొన్ని నెలలు తర్వాత వచ్చి నాతో మాట్లాడటం మొదలుపెట్టాడు. మా అమ్మ వాళ్ళ పై కోపంతో.. వాళ్లకి తెలియకుండా నాతొ మాట్లాడాలని ప్రయత్నిస్తున్నాడు. అయితే మా అమ్మ నాన్నలని మోసం చేయాలని నాకు ఏమాత్రం లేదు. పైగా వాళ్లని మోసం చేస్తే నాకు గిల్టీగా ఉంటుంది.

అందుకనే నేను అతనితో మాట్లాడాలని అనుకోలేదు. పైగా అతన్ని వెళ్ళిపొమ్మని చెప్పాను. కన్న వాళ్ళని బాధపెట్టలేను అందుకనే నాకు అలా దొంగచాటుగా మాట్లాడాలని అనిపించడం లేదు. నిజంగా ఈ పరిస్థితి నాకు చాలా అయోమయంగా వుంది. మా అమ్మ నాన్నను నేను గుడ్డిగా నమ్మి అతన్ని ఏమైనా మోసం చేసానేమో అని బాధ వేస్తోంది. నేను చేసింది తప్పా..? ఒప్పా..? అనేది తెలియడం లేదు. ఇటువంటి పరిస్థితిలో ఏం చెయ్యాలో తోచక మిమ్మల్ని అడుగుతున్నాను. నేను చేసింది తప్ప..? ఒప్పా..? మీరే నాకు సలహా ఇవ్వండి.

Mythology

చాణక్య నీతి: మీ పిల్లల ప్రవర్తనలో ఈ లక్షణాలు కనిపిస్తున్నాయా..? అయితే వెంటనే ఈ పని చేయండి..!

by Megha Varna
written by Megha Varna

చాణుక్యుడు ఎంతటి మహాజ్ఞానో మనందరికీ తెలిసిందే. ఆయన చెప్పిన నీతి సూత్రాలు, ఆర్థిక సూత్రాలు నేటికీ ఎంతో ఆచరణీయమైనవి. ఆయన రచించిన అర్థశాస్త్రంలో ఎంతో జ్ఞానం మిళితమై ఉంది. ఈయన రచయితగా, సలహాదారునిగా ఎనలేని ఖ్యాతి గడించారు. ఈయన చెప్పిన నీతి వాక్యాలు నేటికీ చిరస్మరణీయాలు. వాటిని తరువాతి తరానికి కూడా అందచేసి.. మంచి భవిష్యత్ ను రూపొందించుకునేలా తోడ్పడాలి.

చాణక్య నీతి ఎన్నో ముఖ్యమైన విషయాలు చెబుతోంది. ఈ అలవాట్లు కనుక పిల్లల్లో ఉంటే తప్పకుండా తల్లిదండ్రులు నిర్లక్ష్యం చెయ్యకూడదు ఆని చాణక్యనీతి చెబుతోంది. కనుక పిల్లల్లో కనుక ఈ అలవాట్లు ఉంటే తల్లిదండ్రులు వాటిని మార్చాలి. లేదంటే తల్లిదండ్రులుగా మీరు విఫలమైనట్లు.

#1. అబద్ధాలు చెప్పే పిల్లలు:

మీ పిల్లలు మీతో అబద్ధం చెప్తున్నారని మీకు అనిపిస్తే వాళ్లని సరి చేయండి. ఆ అలవాటును తొలగించడానికి ప్రయత్నం చేయాలి. అబద్ధం చెప్పేటప్పుడు మీరు వాటిని గమనించి వాళ్ళకి తప్పు అని చెప్పకపోతే.. ఆ అలవాటు జీవితాంతం ఉండిపోతుంది. కాబట్టి తల్లిదండ్రులు తప్పకుండా సరి చేయాలి.

#2. మొండిగా వుండే పిల్లలు:

చాలామంది పిల్లలు మొండిగా ప్రవర్తిస్తుంటారు. అప్పుడు తల్లిదండ్రులు ఏం చేయాలో తెలియక వాళ్ళు చెప్పినదానికి తలాడిస్తూ ఉంటారు. అది కనుక ఒకసారి అలవాటైపోయింది అంటే ఇక వాళ్ళు అస్సలు మీ మాట వినరు. కాబట్టి ఎప్పుడూ కూడా పిల్లల్ని మితిమీరి ముద్దు చేయొద్దు. అలా చేస్తే మొండితనం మరింత ఎక్కువైపోతుంది కనుక ఈ సమస్యను కూడా పరిష్కరించుకోవాలి.

#3. పిల్లల ముందు గొడవపడద్దు:

భార్యభర్తలు పిల్లలు ముందు గొడవ పడితే వాళ్ళలో కోపం, చికాకు పెరుగుతుంది. కాబట్టి ఎప్పుడూ కూడా వాళ్ళ ముందు గొడవ పడొద్దు. వాళ్లకి ఇన్స్పిరేషన్ తీసుకురావాలి. అలానే వాళ్లకి గొప్ప వ్యక్తుల గురించి చెప్పండి. ఉత్తమ పౌరులుగా మార్చండి.

Viral

ప్రపంచంలోనే 2 వ అత్యంత విషపూరితమైన పాము…ఈ ఫోటో లో ఎక్కడుందో కనిపెట్టగలరా.?

by Megha Varna
written by Megha Varna

సామాన్యం గా పాములంటేనే విష జంతువులు. పాముల్లోనే రకరకాలు ఉన్నాయి. వాటిల్లో విషనాగులు అత్యంత ప్రమాదకరమైనవి. వీటి కోరల్లో ఉండే విషం ఎంతటివారినైనా క్షణాల్లో చంపేస్తుంది. ప్రపంచం లో ఉండే అన్ని సర్పాల్లోనూ విషనాగులు ఎక్కువ విషపూరితమైనవి. ఈ పాము ఫోటో ఒకటి ఇటీవల సోషల్ మీడియా లో వైరల్ అవుతోంది. ఆ సంగతేంటో మీరు కూడా చూసేయండి.

australia poisinous snake

ఈ ఫోటో ని చూస్తే మీకు ఏమి కనిపిస్తోంది. ఓ ఇంట్లో సోఫా సెట్, పైపు, ఇతర వస్తువులు తప్ప ఏమి కనిపించడం లేదా..? అయితే మీరు పప్పులో కాలేసినట్లే. ఈ ఫోటోని నిశితం గా గమనిస్తే ఓ విషనాగు తల మీకు కనిపిస్తుంది. ప్రపంచంలోకెల్లా రెండవ అత్యంత విషపూరితమైన పాము విషనాగు ఆ ఫోటో లో ఉంది. ఈ కింద ఫోటో చూడండి. సర్కిల్ వద్ద గమనించండి. రాళ్ల మధ్య విషనాగు తల కనిపిస్తుంది. ఈ ఫోటో ను స్నేక్ క్యాచర్ సోషల్ మీడియా లో పోస్ట్ చేయగా, ఈ ఫోటో వైరల్ అవుతోంది.

australia poisinous snake 2

ఈ ఫోటో ఆస్ట్రేలియా లో తీసినది. అక్కడ ఓ ఇంట్లో కి పాము చొరబడడం తో ఆ ఇంటి సభ్యులు స్నేక్ క్యాచర్ కు సమాచారం అందించారు. అతను దీనిని విషనాగు గా గుర్తించి దానిని అక్కడ నుంచి పట్టాడు. అయితే, ముందు ఈ ఫోటో ను తీసాడు. ఆ తరువాత సోషల్ మీడియా లో ఈ ఫోటో లో ఎక్కడ విషనాగు ఉందొ చెప్పాలంటూ ఈ ఫోటో ను షేర్ చేసాడు. సోఫా వెనుక, రాళ్ల మధ్య లో బ్రౌన్ కలర్ లో ఈ పాము ఇరుక్కుని ఉంది. సహజం గా, ఈ పాములు రాళ్ల మధ్యే ఇరుక్కుంటూ ఉంటాయి. ఎక్కువ గా ఆస్ట్రేలియా లోనే సంచరిస్తాయట. ఈ పాములు ఒక్కసారి గాని కరిచాయంటే.. అంతే ఆ వ్యక్తి మరణిస్తాడు. ఇవి ఎక్కువ గా రాళ్ల మధ్య లోనే ఉండి చిన్న చిన్న పురుగులను ఆహరం గా తింటాయట.

australia poisinous snake 3

Human angle

ఆ విద్యార్థి తన పేరు చెప్పగానే క్లాస్ లోంచి బయటకి వెళ్ళిపోమన్న టీచర్.. కానీ అసలు విషయం ఏంటో తెలిసేసరికి..

by Megha Varna
written by Megha Varna

ఏదైనా చిన్నపాటి అన్యాయం జరిగినా సరే సహించకూడదు. ఈ మాట చాలా మంది చెప్తూ ఉంటారు.కానీ ఆచరించే వాళ్ళు చాలా తక్కువ మంది వుంటారు. నిజానికి అన్యాయాన్ని ఎదుర్కోవడంలో తప్పు లేదు. ప్రతిఘటించకపోతే తప్పు. మన హక్కులను మనమే కాపాడుకోవాలి. మన హక్కులను కాపాడుకోకుంటే మన పరువు పోతుంది. నిజానికి గౌరవం అనేది రాజీపడే విషయం కాదు. కాలేజీలో ఓ టీచర్ చెప్పిన మాట ఇది. కాలేజీలో జరిగిన ఆ సీన్ ఇప్పుడు చూద్దాం.

teacher 1

లా కాలేజీలో పాఠం చెప్పేందుకు ఓ టీచర్ వచ్చారు. ఆ గురువు ఈరోజు హక్కుల గురించి కొన్ని ముఖ్యమైన విషయాలు చెప్పారు. క్లాస్ లోకి రాగానే స్టూడెంట్ కి మీ పేరేమిటి..? అని అడిగాడు రమణ. నీ మొహం చూడాలని లేదు. ఏం చేయాలో తోచక విద్యార్థి బయటకు వెళ్లాడు. ఆ టీచర్ ప్రవర్తన చూసి అక్కడున్న విద్యార్థులందరూ కూడా భయపడ్డారు. కొందరు అయితే ఎలాంటి తప్పు చేయకుండా పంపారని ఆగ్రహం వ్యక్తం చేసినా మౌనంగా కూర్చున్నారు.

teacher 5

ఇంత జరిగిన తర్వాత వచ్చే చట్టాల వల్ల ఎవరికి లాభం అని మాస్టర్ ప్రశ్నించారు. సమాజంలో చట్టాల వల్లే ఒక ప్రమాణం ఏర్పడుతుందని ఓ విద్యార్థి చెబితే.. దానికి కట్టుబడి ఉండాల్సిందేనని మరో విద్యార్థి బదులిచ్చారు. తప్పు చేసిన వారిని శిక్షించాలని మరో విద్యార్థి అన్నారు. అయితే ఇవేవీ సరైన సమాధానాలు కావు అన్నారు మాస్టారు. ఇంతలో ఓ అమ్మాయికి న్యాయం జరుగుతుందని చెప్పింది. కరెక్ట్ చెప్పారు మాస్టారు.

teacher 2

అలాంటప్పుడు న్యాయం వల్ల ఉపయోగం ఏమిటని ప్రశ్నించారు. మానవ హక్కులను కాపాడేందుకు, తప్పులను నిర్ధారించేందుకు, మంచిని గుర్తించి తగిన ప్రతిఫలం అందజేసేందుకు ఓ అబ్బాయి ఉన్నాడని మరో అమ్మాయి చెప్పింది. దగ్గరికి వచ్చానని చెప్పి.. చివరకు రమణను బయటకు పంపడం న్యాయమా అని మాస్టారు అడిగారు.

teacher 4

అన్యాయంగా ప్రవర్తించావా అని మాస్టారు అడిగితే క్లాసంతా అవుననే చెప్పింది. ప్రతి ఒక్కరికి సామాజిక బాధ్యత కూడా ఉంటుందా..? మరి అలాంటప్పుడు ఎందుకు అడగరు..? న్యాయం అడగాలి కదా అన్నాడు మాస్టారు. రమణను అన్యాయంగా తన్నినప్పుడు మీరంతా ఎందుకు ప్రశ్నించలేదని మాస్టారు ప్రశ్నించగా.. అందరికీ విషయం అర్థమైంది. అన్యాయం జరిగినప్పుడు మీరు ఎదుర్కోవాల్సినవన్నీ మాస్టారు ప్రాక్టికల్‌గా చెప్పారని తెలుసుకున్న వారి ముఖాల్లో ఆనందం వెల్లివిరిసింది. అన్యాయం అని తెలిస్తే మౌనంగా ఉండకూడదని రమణకు ఫోన్ చేశారు. అయితే, మన హక్కులను కాపాడుకోవడం మన గౌరవం. కాబట్టి అన్యాయం అని తెలిస్తే అస్సలు మౌనంగా ఉండకూడదు. అన్యాయాన్ని ప్రశ్నించాల్సిన బాధ్యత అందరిపై ఉందన్నారు.

Filmy Adda

లీడర్‌లో “బ్యాక్‌గ్రౌండ్‌ ఆర్టిస్ట్” గా నటించిన… ఈ “పాన్-వరల్డ్” సెలబ్రిటీని గుర్తుపట్టారా? ఎవరంటే..?

by Megha Varna
written by Megha Varna

సినిమాల్లోకి వచ్చే ముందు ఆ రంగానికి చెందిన వాళ్లు అందరూ చాలా కష్టాలు పడతారు. చిన్న చిన్న పాత్రల్లో నటించి లేదా కెమెరా వెనకాల పని చేసి ఇప్పుడు పెద్ద స్థాయికి ఎదిగిన నటులు ఎంతోమంది ఉన్నారు. అయితే, కొంత మంది డైరెక్టర్లు కూడా సినిమాల్లో చిన్న చిన్న పాత్రల్లో కనిపించారు.

ఇక ఇదిలా ఉంటే, రానా దగ్గుబాటి హీరోగా నటించిన లీడర్ సినిమా అందరికీ గుర్తుండే ఉంటుంది. అయితే ఈ సినిమాకు శేఖర్ కమ్ముల దర్శకత్వం వహించారు. ప్రియా ఆనంద్, రిచా గంగోపాధ్యాయ్ రానా సరసన నటించారు. మిక్కీ జే మేయర్ సంగీతం వహించారు.

pan indian celebrity as a background artist in leader

అయితే 2010 లో వచ్చిన ఈ సినిమాలో నాగ్ అశ్విన్ కూడా ఉన్నారట. అదేంటి నాగ్ అశ్విన్ లీడర్ సినిమాలో ఉన్నారా అని షాక్ అవుతున్నారా..? నాగ్ అశ్విన్ లీడర్ సినిమాకి అసిస్టెంట్ డైరెక్టర్ గా పని చేసిన సంగతి తెలిసిందే. కానీ సినిమాలో కూడా వున్నారు. సినిమా దర్శకుడిగా, స్క్రీన్ రైటర్ గా నాగ్ అశ్విన్ బాగా పాపులర్ అయ్యారు. ఎవడే సుబ్రహ్మణ్యం సినిమాకి మొట్టమొదటి సారి దర్శకత్వం చేశారు నాగ్ అశ్విన్. చిత్ర పరిశ్రమలో సహాయ దర్శకునిగా నాగ్ అశ్విన్ నేను మీకు తెలుసా అనే చిత్రంతో ఇండస్ట్రీ లోకి వచ్చారు.

pan indian celebrity as a background artist in leader

తర్వాత దర్శకుడు శేఖర్ కమ్ముల దగ్గర లీడర్, లైఫ్ ఈజ్ బ్యూటిఫుల్ చిత్రాలకు సహాయ దర్శకుడిగా పని చేశారు. రచయితగా, దర్శకుడిగా ఎవడే సుబ్రహ్మణ్యం, మహానటి సినిమాలు చేశారు నాగ్ అశ్విన్. మొన్న మొన్న వచ్చిన జాతిరత్నాలు సినిమాకి నిర్మాతగా పని చేశారు నాగ్ అశ్విన్.  అంతే కాకుండా ఇప్పుడు నాగ్ అశ్విన్ ప్రభాస్ హీరోగా నటిస్తున్న సినిమాకి దర్శకత్వం వహిస్తున్నారు. ఈ సినిమా నెక్స్ట్ షెడ్యూల్ దశలో ఉంది. ఇటీవల షూటింగ్ ప్రారంభం అయ్యింది.

Filmy Adda

ఆ స్టార్ హీరో ఇచ్చిన లెటర్ ని ఫ్రేమ్ కట్టించేసుకొన్నా.. ఇంతకీ అతనెవరో తెలుసా..?

by Megha Varna
written by Megha Varna

కృతి శెట్టి ఇప్పటికి మూడు సినిమాల్లో నటించింది. మూడు సినిమాలు కూడా హిట్ అవ్వడం విశేషం. టాలీవుడ్ లోకి అందాల తార కృతి శెట్టి మెగా హీరో వైష్ణవ్ తేజ్ సరసన ఉప్పెన సినిమాలో నటించి ఎంట్రీ ఇచ్చింది. బేబమ్మ పాత్రలో అదరకొట్టేసిన కృతి శెట్టి ఆ తర్వాత నాని సరసన శ్యామ్ సింగరాయ్ సినిమాలో నటించి తెలుగు ప్రేక్షకులను ఫిదా చేసింది. తాజాగా విడుదలైన బంగార్రాజు సినిమాలో నాగ చైతన్య పక్కన కృతి శెట్టి నటించి మరొక సారి ఈ ముద్దుగుమ్మ అలరించింది.

ఇక ఇదిలా ఉంటే తాజాగా ఆలీతో సరదాగా షో కు ఈమె వచ్చి కొన్ని ఇంట్రెస్టింగ్ విషయాలను షేర్ చేసుకుంది. మరి ఆ ఇంట్రెస్టింగ్ విషయాల గురించి ఇప్పుడు చూసేద్దాం. మొదట యాడ్స్ షూట్స్ చేసేదట కృతి. ఆ తరవాత సినిమాల్లోకి ఎంట్రీ ఇచ్చాను అని చెప్పింది. అదే విధంగా ఉప్పెన సక్సెస్ తనకి చాలా ఆనందం అనిపించింది అని ఆమె అంది.

ఆ సినిమా సక్సెస్ అవ్వడం తో మెగాస్టార్ చిరంజీవి ప్రశంసించారని… ఉప్పెన సినిమా తర్వాత చిరంజీవి తనకి ఒక బహుమతి ఇచ్చారట. స్వయంగా ఆయన చేతుల తో రాసిన ఒక లెటర్, గిఫ్ట్ పంపించారని కృతి శెట్టి చెప్పారు. ఆ లెటర్ లో చిరంజీవి ”యు ఆర్ ఏ బోర్న్ స్టార్” అని రాశారని..

అంత పెద్ద హీరో మెచ్చుకోవడం చాలా ఆనందంగా అనిపించి దానిని ఫ్రేమ్ కట్టించానని చెప్పింది. మెగా పవర్ స్టార్ రామ్ చరణ్ అంటే ఇష్టమని రంగస్థలం లో చరణ్ పాత్ర బాగుందని కృతి శెట్టి చెప్పింది. అవకాశం దొరికితే మెగా పవర్ స్టార్ రామ్ చరణ్ తో నటించాలని ఉందంది.

Filmy Adda

ఈ వీడియో అప్పట్లో చాలా వైరల్ అయింది.. కానీ, దీని వెనక ఉన్న ఈ స్టోరీ ఏంటో తెలుసా..?

by Megha Varna
written by Megha Varna

విజయ్ దేవరకొండ హీరోగా పూరి జగన్నాథ్ దర్శకత్వంలో వస్తున్న సినిమా లైగర్. ఈ సినిమా విజయ్ దేవరకొండ మొదటి పాన్ ఇండియన్ సినిమా. అంతకు ముందు విజయ్ దేవరకొండ హీరోగా నటించిన డియర్ కామ్రేడ్, అలాగే వరల్డ్ ఫేమస్ లవర్ సినిమాలు తెలుగుతో పాటు తమిళం, కన్నడ, మలయాళం భాషల్లో కూడా విడుదలయ్యాయి. కానీ లైగర్ సినిమా మాత్రం పూర్తి స్థాయి పాన్ ఇండియా సినిమాగా రూపొందుతోంది.

పూరి కనెక్ట్స్ బ్యానర్ పై పూరి జగన్నాధ్, చార్మి, ధర్మ ప్రొడక్షన్స్ బ్యానర్ పై బాలీవుడ్ నిర్మాత కరణ్ జోహార్ ఈ సినిమాని నిర్మిస్తున్నారు. ఈ సినిమాలో విజయ్ దేవరకొండ సరసన అనన్య పాండే నటిస్తోంది. ఇదిలా ఉంటే ఈ సినిమా ఆగస్టు 25న విడుదల కానుంది. తాజాగా లైగర్ సినిమా టీం ‘అన్‌స్టాపబుల్‌ విత్‌ ఎన్‌బీకే’ షో కి వచ్చారు. పూరి తో పాటు విజయ్ దేవరకొండ చార్మి కూడా సందడి చేశారు.

ఈ షో లో బాలకృష్ణ విజయ్ దేవరకొండకి సంబంధించిన ఒక వీడియోని ప్లే చేయించారు. అందులో విజయ్ దేవరకొండ బాల నటుడిగా నటించాడు. ఈ వీడియో ప్లే చేసే సరికి పూరి జగన్నాథ్ ఆశ్చర్యపోయారు. విజయ్ ఇలా నటించడం తనకు తెలియదని పూరి చెప్పారు.

అప్పుడు విజయ్ దేవరకొండ ఆ వీడియో పుట్టపర్తి సాయిబాబా పై తీసిన సీరియల్ లోనిది అని చెప్పారు. అయితే అందులో నటించింది నేనే కానీ వాయిస్ నాది కాదు అని ఆ వీడియో వెనుక ఉన్న కధని మొత్తం చెప్పారు విజయ్. సోషల్ మీడియాలో ఈ వీడియో ఇప్పుడు వైరల్ గా మారింది.

 

News

కూతురు ప్రేమ పెళ్లి చేసుకుందని బతికుండగానే పిండం పెట్టేసిన తండ్రి.. కన్నీళ్లు పెట్టిస్తున్న స్టోరీ..!

by Megha Varna
written by Megha Varna

ఈ మధ్య కాలంలో ప్రేమ పెళ్లిళ్లు ఎక్కువైపోయాయి. ప్రేమలో పడటం ఆ తర్వాత ఇంట్లో వాళ్లని ఎదిరించి పెళ్లి చేసుకోవడం.. లేదు అంటే ఇంట్లో చెప్పకుండా వెళ్లిపోవడం లాంటివి చేస్తున్నారు. తరచూ మనం ఇలాంటివి చూస్తూనే ఉంటాం. తల్లిదండ్రుల ఇష్టాన్ని కూడా అస్సలు పట్టించుకోవడం లేదు ఈ కాలం పిల్లలు. అయితే ఇదే పరిస్థితి ఒక తండ్రికి వచ్చింది.

తన కూతురు ఇష్టం లేని వివాహం చేసుకోవడంతో ఆ తండ్రి కుంగిపోయాడు. దీనితో ఒక నిర్ణయం తీసుకున్నాడు. అదేంటంటే తనకి ఇష్టం లేని పెళ్లి కూతురు చేసుకోవడంతో కోపం వచ్చి ఆమె బతికుండగానే పిండం పెట్టాడు తండ్రి. పైగా గుండు కూడా కొట్టించుకుని దిన కర్మలు కూడా చేశాడు. ఇక దీనికి సంబంధించి పూర్తి వివరాల్లోకి వెళితే… మహబూబ్ నగర్ జిల్లా, చిన్నచింతకుంట మండలం, మద్దూరు గ్రామానికి చెందిన భార్గవికి అదే ప్రాంతానికి చెందిన వెంకటేష్ అనే ఒక యువకుడు పరిచయం అయ్యాడు.

ఆ తరవాత వీళ్ళ పరిచయం కాస్తా ప్రేమగా మారింది. అయితే జీవితాంతం కలిసి ఉండాలని వీళ్ళు అనుకున్నారు. పెళ్లి చేసుకోవాలని అనుకుని పెద్దలని అడిగే సరికి వాళ్ళు ఒప్పుకోలేదు. అయినా సరే వీళ్ళ ప్రేమని నెగ్గించుకోవాలనుకుని.. పెద్దల్ని ఎదిరించి ఈనెల 13 న ఒక ఆలయంలో వివాహం చేసుకున్నారు. అయితే వద్దన్న వ్యక్తిని పెళ్లి చేసుకుందన్న కోపంతో తండ్రి గుండు గీయించుకుని కూతురికి కర్మకాండలు చేశాడు.

ఆమె ఫోటో కి పూల దండ వేసి శ్రద్ధాంజలి ఘటించాడు. ఇప్పుడు ఈ వార్త చర్చనీయాంశంగా మారింది. తనకు విలువ లేనందుకు కోపంతో తండ్రి ఆమెకి పిండ ప్రదానం చేస్తున్నాడంటూ ఈ వార్త ఇప్పుడు సోషల్ మీడియాలో వైరల్ గా మారుతోంది.

Newer Posts
Older Posts