Featured

ఆటోడ్రైవర్ అయిన తండ్రి కాలికి గాయం కావడంతో  ఏ పనికి వెళ్లలేని పరిస్థితి.. బతకడానికి వచ్చిన ఊరిలో లాక్ డౌన్ కారణంగా పనులు కూడా లేవు..సొంత ఊరికి వెళ్దామంటే తండ్రి నడవలేడు..దీంతో ఒక సైకిల్ కొని తండ్రిని వెనక కూర్చొబెట్టుకుని ఢిల్లి శివార్లలోని గురుగ్రామ్ నుండి బీహార్ లోని స్వగ్రామానికి బయల్దేరింది జ్యోతి..మొత్తం 1200కిమి ఏడు రోజుల్లో చేరుకుని అందరిని ఆశ్చర్యపరిచిన జ్యోతికి CFI (భారత సైక్లింగ్ సమాఖ్య) బంపర్ ఆఫర్ ప్రకటించి తనని ఆశ్చర్యపరిచింది.

బీహార్లోని దర్భాంగ్ కి చెందిన మోహన్ పాశ్వాన్ పొట్టకూటి కోసం ఢిల్లిలోని గురుగ్రామ్ కి వచ్చాడు.. అక్కడే కిరాయికి ఆటోరిక్షా తీసుకుని నడుపుకుంటూ కుటుంబాన్ని పోషించుకునేవాడు.లాక్ డౌన్ కారణంగా పనులు లేవు, కిరాయి కట్టలేదనే ఆటోరిక్షా కూడా లాక్కుపోయాడు ఓనర్.. ఏ పని చేయలేని పరిస్థితుల్లో ఇంటి అద్దె కట్టలేక అక్కడే ఉండి పస్తులుండే కంటే ఊరికి వెళ్లిపోవడం బెటర్ అనుకున్నాడు..చేతిలో ఉన్న 1000రూపాయల్లో 500తో ఒక పాత సైకిల్ కొన్నాడు..తండ్రిని వెనుక కూర్చొబెట్టుకుని జ్యోతి ప్రయాణం ప్రారంభించింది.

మద్యమద్యలో ఆగుతూ, రాత్రిపూట పెట్రోల్ బంక్స్ లో పడుకుంటే..ఎవరైనా దాతలు ఆహారం అందిస్తే దాన్నేతింటూ మొత్తానికి ఊరుచేరుకుంది..ఊరికి చేరుకోగానే తండ్రి కూతుర్లకు క్వారంటైన్ పరీక్షలు చేయగా నెగటివ్ వచ్చింది..ప్రస్తుతం ఇద్దరూ హోం క్వారంటైన్లో ఉన్నారు..జ్యోతి సాహసం సోషల్ మీడియాలో వైరల్ కావడంతో. కంటే కూతుర్నే  కనాలి అని మరోసారి నిరూపించింది అంటూ నెటిజన్లందరూ తనల్ని ప్రశంసల్లో ముంచెత్తారు..అయితే భారత సైక్లింగ్ సమాఖ్య తన ప్రతిభను గుర్తించి లాక్ డౌన్ తర్వాత ట్రయల్స్ కోసం ఢిల్లికి రావాలని కోరింది.ట్రయల్స్ లో తన టాలెంట్ నిరూపించుకుంటే జాతీయ సైక్లింగ్ అకాడమీలో శిక్షణ ఇస్తామనే ఆఫర్ ప్రకటించింది.

జ్యోతి ప్రయాణానికి, వసతికి అయ్యే పూర్తి ఖర్చు ఫెడరేషనే భరిస్తుంది.. అంతేకాదు జ్యోతితో పాటు మరొకరు వస్తే వారి ఖర్చులు కూడా పూర్తిగా తామే భరిస్తామని ప్రకటించింది..  ఢిల్లీలో జరిగే ట్రయిల్ లో జ్యోతి పాస్ అయినట్లయితే… న్యూఢిల్లీలోని IGI స్టేడియం కాంప్లెక్స్  దగ్గరున్న స్టేట్ ఆఫ్ ది ఆర్ట్ నేషనల్ సైక్లింగ్ అకాడమీలో ట్రైనీగా జ్యోతి సెలక్ట్ అవుతుంది. అకాడమీలో ఉన్న కంప్యూటరైజ్డ్ సైకిల్ పై తనకు పరీక్ష పెట్టి, ఎంపిక చేస్తారు..అక్కడ తనని తాను ప్రూవ్ చేస్కుంటే తర్వాత ట్రైనీలలో తను ఒకరిగా ఉంటుందని, తన ట్రైనింగ్ కి జ్యోతి నుండి ఒక్క రూపాయి కూడా తీసుకోమని CFI ప్రకటించింది.

జ్యోతికి ఈ ఆఫర్ ని ప్రకటించడం గురించి క్వశ్చన్ చేయగా. “జ్యోతిలో ఏదో తెలియని టాలెంట్ దాగి ఉంది.  1200 కి.మీ సైక్లింగ్ చేయడం మామూలు విషయం కాదు. జ్యోతి తప్పనిసరిగా బలం మరియు శారీరక ఓర్పు కలిగి ఉండడం మూలంగానే అది సాధ్యం అయిందని మేం నమ్ముతున్నాం.అందుకే తనని పరీక్షించాలనుకుంటున్నాం” అని CFI చైర్మన్ ఓనార్క్ సింగ్ అన్నారు..

వారం క్రితం వరకు ఆ అమ్మాయెవరో మనకి తెలీదు..ఇప్పుడు సోషల్ మీడియాలో తనొక స్టార్..లాక్ డౌన్ ఎత్తేశాక తనకొచ్చిన సదవకాశాన్ని వినియోగించుకుంటే తనెక్కడుటుందో కూడా మనం చెప్పలేం.. ఏం చెప్తున్నానో అర్దం కావట్లేదా..తండ్రి పట్ల తన ప్రేమను చాటుకున్న కూతురికి CFI ప్రకటించిన అవకాశాన్ని సద్వినియోగం చేసుకుంటే భవిష్యత్లో మనం జ్యోతిని ఊహించని స్థానంలో చూడవచ్చు..కంగ్రాట్స్ అండ్ ఆల్ ది బెస్ట్ జ్యోతి…

చాలా మంది సమస్యలకు భయపడి ఆత్మహత్య చేస్కుంటుంటారు..నిజానికి తమ ప్రాణాన్ని తీసుకునే హక్కు ఏ మనిషికి లేదు..అది చట్టరిత్యా నేరం కూడా.. కానీ ఏదైనా అనారోగ్య రీత్యా ఇక బతకడం అసాధ్యం అనుకుంటే, చావే శరణ్యం అనుకునే పరిస్థితిల్లో న్యాయస్థానం అనుమతి ద్వారా మెర్సీకిల్లింగ్ కి వెళ్లవచ్చు.. కానీ ఇది ప్రతి కేసుకి వర్తించదు..ప్రస్తుతం ఉన్న పాండమిక్ సిట్యుయేషన్లో నర్సులపై ఎటువంటి ఒత్తిడి ఉంటుందనేది జౌనిత నిట్ల అనే నర్సు బిబిసితో స్వయంగా పంచుకున్నారు.

రోగి ట్రీట్మెంట్ కి సహకరించకపోతే, మేమే స్వయంగా వెంటిలేటర్ తీసేస్తాం అని ప్రకటించారు… కానీ ఈ ప్రకటణ వెనుక ఎంతో వేదన ఉంది..అది ఎంత సుదీర్ఘమైన ప్రక్రియ..అది వారి రోజువారి జీవితంపై ఎలాంటి ప్రభావం చూపుతుంది..అనే ప్రతి విషయాన్ని పంచుకున్నారు..తన అనుభవాలు.. జౌనిత మాటల్లోనే.. “”వెంటిలేటర్లని తొలగించడం మానసికంగా చాలా బాధాకరంగా ఉంటుంది. ఒక్కొక్కసారి రోగి మరణానికి నేనే కారణమేమో అనిపిస్తూ ఉంటుందని” జౌనిత నిట్ల చెప్పారు. ఆమె లండన్ రాయల్ ఫ్రీ హాస్పిటల్‌లో ప్రధాన నర్స్ గా పని చేస్తున్నారు.

కరోనా శ్వాససంబంధమైన సమస్యలను కలిగిస్తుందని, రోగి సొంతంగా శ్వాస తీసుకోలేని పరిస్థితుల్లో ఊపిరితిత్తుల్లోకి ఆక్సిజన్ పంపించి, కార్బన్ డయాక్సైడ్‌ని బయటకి తెచ్చే పనిని ఈ వెంటిలేటర్లు చేస్తాయి. అలా అని కేవలం వెంటిలేటర్లు రోగి ప్రాణాన్ని కాపాడలేవు. కానీ కొన్ని ప్రత్యేక పరిస్తితుల్లో వెంటిలేటర్లను తొలగించాల్సిన కఠిన నిర్ణయాలు ఉన్నాయి. ఈ వెంటిలేటర్లు తొలగించడం అనేది వారి డ్యూటిలో ఒక భాగంగా చెప్పారు జౌనిత.

వెంటిలేటర్ తొలగించే ముందు, తర్వాత ఏం చేస్తారంటే..

గత నెలలో  నిట్ల పొద్దునే డ్యూటీకి వెళ్ళేటప్పటికి ఐసీయూలో చికిత్స పొందుతున్న ఒక కోవిడ్-19 రోగికి వెంటిలేటర్ తొలగించమని ఆదేశాలు అందాయి.ఆ రోగి కూడా కమ్యూనిటీ వైద్యంలో నర్సుగా పని చేసేవారు. వెంటనే నిట్ల ఆ రోగి కూతురితో మాట్లాడారు. “ఆమె ఆఖరి కోరికలు కానీ, మతపరంగా పాటించాల్సిన అంశాలు ఏమన్నా ఉన్నాయేమోనని అడిగి తెలుసుకున్నారు.

ఐసీయూలో  ఆ రోగితో పాటు, మరో ఎనిమిది మంది ఉన్నారు..వారెవరూ స్పృహలో లేరు.. రోగి చుట్టు ఉన్న అన్ని కర్టెన్లు వేసేసి, అలారం ఆపేసాను. నేను ఆ పని చేసేటప్పుడు “వైద్య బృందం అంతా ఒక్క క్షణం మౌనంగా ఉంటారు. మా రోగుల సౌకర్యం కూడా మాకు ముఖ్యమే” అని నిట్ల చెప్పారు.తర్వాత “నేను నెమ్మదిగా ఫోన్ రిసీవర్‌ను రోగి చెవి దగ్గర పెట్టి వాళ్ళ అమ్మాయిని మాట్లాడమన్నాను”. నిజానికి వాళ్లు వీడియో కాల్ చేయమని అడిగారు, కానీ ఐసియు మొబైల్స్ అనుమతించరు. రోగి కుటుంబం కంప్యూటర్లో ఒక మ్యూజిక్ ని ప్లే చేయమని అడిగారు.. తన ప్రాణం వదిలే వరకు నేను ఆమె చేతిని పట్టుకుని పక్కనే నిల్చున్నాను… “వెంటిలేటర్ తొలగించిన ఐదు నిమిషాల్లోనే ఆ రోగి మరణించారు”. రోగి వాళ్లమ్మాయి తనతో మాట్లాడుతూనే ఉంది “నాకు అదొక ఫోన్ కాల్ మాత్రమే , కానీ అది ఆ రోగి కుటుంబానికి చాలా ముఖ్యమైన క్షణం.

“నేను ఐసీయూలో మానిటర్ మీద ఫ్లాష్ లైట్లని చూసాను. గుండె కొట్టుకునే వేగం సున్నాకి పడిపోయింది. స్క్రీన్ మీద ఫ్లాట్ లైన్ కనిపించింది”. రోగికి ఉన్న మత్తుమందు ట్యూబ్ లను తొలగించి, ఒక కొలీగ్ సాయంతో ఆమెకి మంచం మీదే స్నానం చేయించి తెల్లని వస్త్రంలో చుట్టాం. ఆమె నుదుటి మీద సిలువ గుర్తు పెట్టి ఆమె శరీరాన్ని బ్యాగ్‌లో పెట్టాం” అప్పటికి తన కూతురు ఫోన్లో మాట్లాడుతూనే ఉంది..అప్పుడు రిసీవర్ తీసుకుని తన తల్లి మరణించిందని చెప్పాను.

కరోనా రోజుల్లో ఇలాంటి పరిస్థితి వస్తే కనీసం రోగులను చూడడానికి కుటుంబ సభ్యులను అనుమతించేవాళ్లం, కానీ ఇప్పుడు ఆ సదుపాయం కూడా లేదు అని భారమైన హృదయంతో నిట్ల చెప్పారు. నా కళ్లముందే కొందరు శ్వాస ఆడక ఇబ్బంది పడుతూ, చివరిశ్వాస విడుస్తారు.. అలాంటివి రాత్రిపూట భయం కలిగిస్తుంటాయి..కాని అది కూడా నా డ్యూటిలో భాగం అని ధైర్యం చెప్పుకోవడానికి  ప్రయత్నిస్తాను..ప్రస్తుతం ఉన్న పాండమిక్ సిట్యుయేషన్లో మాకు మేమే ధైర్యం చెప్పుకుంటున్నాం..కానీ మాట్లాడుకునేప్పుడు మాటల్లో వచ్చే వణుకుని బట్టి అందరూ భయంతోనే గడుపుతున్నారనేది అర్దం అవుతుంది అని తమ పరిస్థితిని వివరించారు జౌనిత నిట్ల.

source: bbc

ఒకవైపు కరోనా భయంతో ప్రజలు అల్లల్లాడుతుంటే, మరో వైపు లాక్ డౌన్ తో పనులు లేక ఆకలితో అలమటిస్తున్న ప్రాణాలెన్నో.. అలాంటి వారి అవసరాలు తెలుసుకుని  చిన్నాపెద్దా తేడాలేకుండా  అహర్నిశలు కష్టపడుతూ తమ వంతు సాయం చేస్తున్నారు అనేకమంది. అటువంటిది  “అమ్మా.. ఆకలి అంటూ” అడిగిన తర్వాత కూడా ఎవరైనా ఊరికే ఉండగలుగుతారా?? అర్దరాత్రి అపరాత్రి అని చూడకుండా ఆకలి అని కాల్ రాగానే వలసకూలీల ఆకలి తీర్చింది.. మహిళా పోలీస్ అధికారి..

ఒకవైపు డాక్టర్లు ప్రత్యక్షంగా కరోనాతో పోరాడుతుంటే , మరోవైపు ప్రజలందరూ లాక్ డౌన్ నిబంధనలు పాటిస్తూ ,కరోనా వ్యాప్తి చెందకుండా చూడడంలో పోలీసులు ఎంత తలమునకలై పని చేస్తున్నారో తెలిసిన విషయమే..ప్రతి రోజు లానే ఆరోజు కూడా డ్యూటీ ముగించుకుని ఇంటికి చేరుకున్నారు విజయనగరం జిల్లా ఎస్పీ రాజకుమారి. రాత్రి 11.30 గంటల అప్పుడు ఫోన్ రింగైంది..ఈ టైమ్లో ఏ ఎమర్జెన్సి అనుకుంటూనే ఫోన్ లిఫ్ట్ చేశారు రాజకుమారి.. అమ్మా, ఆకలేస్తుంది అంటూ అవతల ఉన్న మహిళ చెప్తూ పోతుంది.. ఆవిడ మాటల్లో వాళ్లు పదిమంది చెక్ పోస్టు దగ్గర ఉన్నారని అర్దం అయింది.

వెంటనే అసిస్టెంట్స్ కి ఫోన్ చేసి వారికి ఫూడ్ విషయం చూడమంది..ఈ టైమ్ లో ఏం దొరకవు అంటూ వాళ్లు సమాధానం చెప్పారు.. దాంతో తన వల్ల కాదని ఊరికే ఉండలేకపోయింది. ఇంట్లో ఏమన్నా ఉన్నాయోమో చూద్దామని కిచెన్లోకి వెళ్లి చూస్తే నిమ్మకాయలు మాత్రమే కనపడ్డాయి..వెంటనే రైస్ పెట్టేసి, ఆ నిమ్మకాయలతో పులిహోర చేసి, ఆ ఫూడ్ ని తీసుకుని చెక్ పోస్టు దగ్గరకు వెళ్లింది..తీరా చూస్తే అక్కడ వాళ్లు లేరు..తనకొచ్చంది ఫేక్ కాల్ ఆ అని కాసేపు డౌట్ వచ్చింది.. ఎంక్వైరీ చేస్తే..అక్కడున్న వారిని క్వారంటైన్ సెంటర్ కి తరలించారని తెలియడంతో ఫూడ్ పట్టుకుని అక్కడకు వెళ్లి వారికి ఇచ్చి, వారి ఆకలి తీర్చింది.

వాళ్ల భోజనం అయ్యాక అప్పుడు వారి గురించి ఆరా తీస్తే “గత మూడు రోజుల క్రితం మేము నెల్లూరు జిల్లా సూళ్లురుపేట నుంచి బయల్దేరాము. మధ్యలో మాకు ఎక్కడ కూడా ఆహారం దొరకలేదు. తెచ్చుకున్న డబ్బులు కూడా అయిపోయాయి. విజయనగరం చెక్ పోస్ట్ దగ్గర తినడానికి ఏదైనా దొరుకుతుందేమో అనుకున్నాము..కానీ ఏం దొరకలేదు, ఏం చేయాలో పాలుపోక మీకు ఫోన్ చేసాము అని జరిగిందంతా చెప్పుకొచ్చారు.

ఇంతకీ ఎస్పీ నంబర్ వారి దగ్గర ఎక్కడిది అనే డౌటొచ్చిందా?? అదే డౌట్ తో రాజకుమారి వారిని ప్రశ్నించగా.. నెల్లూరులో బయల్దేరినప్పుడే ఒక పెద్దాయన మధ్యమధ్యలో వచ్చే చెక్ పోస్టులు, పోలీస్ స్టేషన్ నంబర్లు, కలెక్టర్ నంబర్ తో సహా అన్ని నెంబర్లూ రాసిచ్చారట..ఏదన్నా అవసరం ఉంటే ఫోన్ చేయమని.. ఆ నంబర్లు వారిక ఆ రాత్రి అలా సహాయపడ్డాయి… ఈ టైంలో ఏం దొరకవు అని అందరిలా ఊరుకోకుండా , మూడురోజులుగా నడుస్తూ వస్తూ , అమ్మా , ఆకలి అనగానే ఆ వలసకూలీల  ఆకలి తీర్చారు..రియల్లీ హ్యాట్సాఫ్ మేడమ్.

లాక్ డౌన్ తో  ఎక్కడెక్కడో చిక్కుకుపోయిన వాళ్లంతా సొంతఊర్లకు చేరుకుంటున్నారు..అలా వచ్చిన వారి కోసం ప్రభుత్వాలు పరీక్షలు నిర్వహించి వారిని 14 రోజుల పాటు క్వారంటైన్లో ఉంచి , ఆరోగ్యంగా ఉంటే ఇళ్లకు, లేదంటే హాస్పిటల్స్ కి పంపిస్తున్నరు..ఈ క్వారంటైన్ ఏర్పాట్లన్ని ప్రభుత్వాలే చూసుకుంటున్నాయి..వాటి నిర్వహణ,అక్కడ సౌకర్యాలు ఇతరత్రా వ్యవహారాలు కూడా ప్రభుత్వ ఆధ్వర్యంలోనే నడుస్తున్నాయి..కాని టుంజాయ్ గ్రామ వాసులు మాత్రం భిన్నంగా ఆలోచించారు..స్వయంగా క్వారంటైన్ ఏర్పాట్లు చేస్కున్నారు.. ఇంతకీ  ఎక్కడ ఈ గ్రామం? వాళ్లేం చేసారు అనేది తెలుసుకుందామా??

మణిపూర్ రాష్ట్రంలోని  900 నుండి 1000 కుటుంబాలు కలిగిన టూంజాయ్ గ్రామం స్వయంగా  క్వారంటైన్ కేంద్రాలను ఏర్పాటుచేసుకున్నారు..ఆ గ్రామంలో నివసించే పౌముయ్ తెగకు చెందిన  ప్రజలకు క్రమశిక్షణ, కష్టించే పనిచేసే తత్వం ఎక్కువ అందుకే ప్రభుత్వ సేవల కోసం ఎదురు చూడకుండా వివిధ ప్రాంతాలకు ఉపాది కోసం వెళ్లి, లాక్ డౌన్ వేళ సొంత ఊరికి రావాలనుకుంటున్న తమ వారకోసం  ఎలాంటి ఇబ్బంది రాకుండా 80 క్వారంటైన్ కేంద్రాలను రెడీ చేశారు. వీటిల్లో క్వారంటైన్ లో ఉండాల్సిన వారికి ఏఏ సదుపాయాలుండాలో అన్ని సదుపాయాలను కల్పించారు.

గ్రామ శివారులో 80 గుడిసెలను నిర్మించారు. వీటిల్లో ఒక్కో దాంట్లో  ఓ మంచం, ప్రత్యేక టాయిలెట్, గ్యాస్ టేబుల్, విద్యుత్ సదుపాయం, చార్జింగ్ సాకెట్ వంటి సౌకర్యాలు ఏర్పాటు చేశారు. నీళ్ల కోసం ఇబ్బంది పడకుండా వాటర్ ఫెసిలిటి కూడా కల్పించారు..టుంజాయ్ గ్రామస్తుల పని తీరుపై స్వయంగా మణిపూర్ ముఖ్యమంత్రి బీరేన్ సింగ్ స్పందించారు..ఆ గ్రామ ప్రజలను మెచ్చుకుంటూ బీరేన్ చేసిన ట్వీట్ ప్రస్తుతం సోషల్ మీడియాలో వైరలవుతోంది.

“టుంజాయ్ గ్రామ పంచాయితీకి నా సెల్యూట్. రాష్ట్రం బైట నుంచి రాబోతున్న తమ గ్రామస్తులకు క్వారంటైన్ సదుపాయం కోసం వీరంతా కలిసి ప్రత్యేకంగా 80 గుడిసెలు నిర్మించారు. ప్రతి గుడిసెలోనూ ఓ మంచం, ప్రత్యేక టాయిలెట్, గ్యాస్ టేబుల్, విద్యుత్ సదుపాయం, చార్జింగ్ సాకెట్ వంటి సౌకర్యాలు ఉన్నాయి. నీటి సరఫరా కూడా ఏర్పాటు చేశారు…’’ అనేది సిఎం బీరేన్ సింగ్ ట్వీట్ సారాంశం.లాక్‌డౌన్‌తో తమ రాష్ట్రానికి చెందిన దాదాపు 40 వేల మంది ప్రజలు ఇతర ప్రాంతాల్లో చిక్కుకున్నారని, వారిలో చాలామంది వెనక్కి రావాలనుకుంటున్నారని, ఆప్రయత్నాలు చేస్తున్నామని పేర్కొన్నారు బీరేన్ సింగ్.

ఎవరో రావాలి , ఏదో చేయాలి అని ఎదురు చూడకుండా తమకు తోచినంతలో ఏర్పాట్లు చేసుకుని,లాక్  డౌన్ నిబంధనలు ఉల్లంఘించకుండా, సామాజిక దూరాన్ని పాటిస్తూ తమ రోజు వారి పనులకు ఆటంకం కలగకుండా సాగిపోతున్న టుంజాయ్ గ్రామ వాసులు దేశంలోని అన్ని గ్రామాలకే కాదు, ప్రపంచానికే ఆదర్శం.. కొన్ని జాగ్రత్తలు పాటిస్తే కరోనాతో సహజీవనం చేస్తూనే మనల్ని మనం కాపాడుకోవచ్చు.

My salute ,Tungjoy Village Authority have set up 80 huts for quarantine of their villagers who are going to come from outside the state. Each hut is fitted with a bed, separate toilet, gas table, electricity with charging socket. Water supply is provided at various locations. pic.twitter.com/lRCDFvzlIQ

— N.Biren Singh (@NBirenSingh) May 12, 2020