Featured

లాక్ డౌన్ వలన కలుగుతున్న ఇబ్బందులు అన్ని ఇన్ని కాదు ..లాక్ డౌన్ వలన మనుషులు తీవ్ర కష్టాలను ఎదుర్కొంటున్నారు .మరి ముఖ్యంగా వలస కూలీలు ,నిరు పేదలు..పనులు లేక చేతిలో డబ్బులు లేక తినడానికి ఆహారం కూడా కష్టం అయిపోయింది .ఏ రోజుకి ఆ రోజే కష్టపడి  కడుపు నింపుకోవాల్సిన పరిస్థితి వాళ్ళది .కానీ లాక్ డౌన్ కారణంగా పని చేయడానికి అవకాశం లేదు దీంతో వారికి పూట  ఆహారం దొరకడం కూడా చాలా కష్టం అయిపోతుంది .లాక్ డౌన్ కారణంగా పరిస్థితులు దయనీయంగా మారాయి .చాలా ప్రాంతాలలో ఆకలితో చాలామంది అలమటిస్తున్నారు .నోరున్న మనుషుల పరిస్థితే ఇంత దారుణంగా ఉంటె మరి మూగజీవాలు ,వీధి కుక్కల
పరిస్థితి ఇంకెలా ఉంటుందో అర్ధం చేసుకోవచ్చు …

వీధుల్లో ఉండే కుక్కలు ఆకలితో బాధపడుతున్నాయి ..తిండి దొరకక ,నీరు కూడా దొరకక వాటి పరిస్థితి చాలా దయనీయంగా మారింది.లాక్ డౌన్ కారణంగా రోడ్లపై తిరిగేవారు ఎవరు లేరు .దీంతో వాటికీ ఆహారం నీరు అందించే వారే లేరు .ఇలాంటి క్లిష్ట పరిస్థితులలో జంతు ప్రేమికులు ఈ మూగజీవాలను ఆదుకుంటున్నారు..వీధి కుక్కలకు ఆహారం నీరు అందచేసి వాటి ఆకలి బాధలను తీరుస్తున్నారు .చండీఘడ్ లో గుండెలను పిండే దృశ్యం ఒకటి చోటు చేసుకుంది .

ఓ పోలీస్ మానవత్వానికి నిలువెత్తు నిదర్శనంలా నిలిచాడు .లాక్ డౌన్ లో వీధి కుక్కలకు ఆహారం అందచేసి తన సహృదయాన్ని చాటుకుంటున్నాడు ..ప్రతిరోజూ పోలీస్ వాహనంలో ఆయన వస్తాడు.సైరన్ మోగిస్తాడు .మనుషులకు మాత్రం అది భయపెట్టే సైరన్ కావచ్చు కానీ ఆ వీధి కుక్కలకు మాత్రం ఆహారానికి రమ్మని పిలిచే పిలుపు .ఆ సైరన్ శబ్దం వినగానే ఎక్కడెక్కడో ఉన్న కుక్కలు పరుగు పరుగున వచ్చి వాహనం దగ్గరకి చేరతాయి ..ఆ వాహనంలో ఉన్న పోలీస్ బయటకు వచ్చి వాటికి ఆహారం అందిస్తాడు .ఈ సంఘటనను ఓ జర్నలిస్ వీడియో తీసి సోషల్ మీడియాలో పోస్ట్ చేసాడు .ఈ వీడియో అందరి హృదయాలను కదిలిస్తుంది .కాగా లాక్ డౌన్ విధించినప్పటి నుండి స్థానిక ఇండస్ట్రియల్ ఏరియాకు చెందిన పోలీస్ వారు ఇలా వీధి కుక్కలకు ఆహారం అందిస్తున్నారు ..

ఇలాంటి సమయంలో ఎవరూ పట్టించుకొని  వీధి కుక్కలకు ఆహారం అందిస్తున్న పోలీసులను అందరు అభినందిస్తున్నారు..నిజమైన మంచి మనసున్న పోలీసులు అంటూ ప్రశంసిస్తున్నారు .ఈ విపత్కర పరిస్థితులలో మూగ జీవాలను కూడా అందరు పట్టించుకోని వాటికీ ఆహారం నీరు అందించాలని అది అందరి బాధ్యత అంటూ నెటిజన్లు కామెంట్ చేస్తున్నారు ..

#ChandigarhCurfew
It is a police siren for people, but, for these dogs this is a call that their food has arrived. A team of Industrial Area police station, has been feeding them since lockdown@thetribunechd @DgpChdPolice @ssptfcchd @nilambariips @ParveenKaswan @drqayumiitk pic.twitter.com/UF4SLRgmI2

— Amit Sharma (@amitsharma_17) April 23, 2020

“నేను బతుకుతానో లేదో..ఒక్కసారి ..ఒకే ఒక్కసారి నా పాపను చూడనివ్వండి” అంటూ ఆ తల్లి పడిన ఆవేధన తన పక్కన ఉన్న హాస్పిటల్ స్టాఫ్ నే కాదు, సోషల్ మీడియాలో వైరలవుతూ ప్రతి ఒక్కరి చేత కంటతడి పెట్టిస్తుంది..ఆ తల్లి బాధ తీర్చడానికి హాస్పిటల్ స్టాఫ్ ఏం చేయలేకపోయారు. చివరికి వీడియో కాల్ ద్వారా తన బిడ్డను చూపించి కొంతలో కొంత ఆ తల్లికి ఊరట కలిగించారు.

మహారాష్ట్రలోని ఔరంగాబాద్ సివిల్ హాస్పిటల్లో డెలివరి కోసం జాయిన్ అయిన ఒక మహిళకి టెస్టుల్లో కరోనా పాజిటివ్ అని తేలింది. దాంతో తనని ఐసోలేషన్లో ఉంచి ఏప్రిల్ 18న సిజేరియన్ చేసి డెలివరి చేసారు డాక్టర్లు.. పుట్టిన బిడ్డకు కరోనా నెగటివ్ రావడంతో బిడ్డను తల్లి నుండి దూరంగా ఉంచారు. స్పృహలోకి  వచ్చిన మహిళ బిడ్డను ఒక్కసారి చూడాలని ప్రాదేయపడింది. కాని చంటిబిడ్డలు త్వరగా కరోనాకి ఎపెక్ట్ అవుతుండడంతో డాక్టర్లు ఆ తల్లి కోరిక తీర్చలేకపోయారు.

చివరికి ఆ తల్లి బాధ చూడలేక వీడియో కాల్ ద్వారా బిడ్డను చూపించారు.. వీడియో కాల్లో బిడ్డను చూడగానే ఆ తల్లి భావోద్వేగానికి గురైతే.. ఆ చంటిబిడ్డ కళ్లు విప్పార్చి తల్లినే చూస్తున్న వీడియో సోషల్ మీడియాలో వైరలవుతూ అందరి చేత కంట తడి పెట్టిస్తోంది.. తన బిడ్డ ప్రాణాలు రక్షించుకోవాలంటే తను దూరంగా ఉండక తప్పదనే చేదు నిజాన్ని ఆ తల్లి అంగీకరించి, నవమాసాలు మోసి , పుట్టబోయే బిడ్డ గురించి ఎన్నో కలలు కన్న ఆ తల్లి వీడియో కాల్ ద్వారా మాత్రమే ఆ బిడ్డను చూసుకుని కొంత సంతోషపడింది.

ఇదిలా ఉండగా ప్రెగ్నెంట్ లేడికి కరోనా ఎలా సోకిందా అనే అనుమానాలు వ్యక్తం అవతుండగా స్వీడన్ కు చెందిన రీసెర్చర్స్ చెప్పిన సమాధానం బట్టి, మిగతా వాళ్లు కూడా ఎంత జాగ్రత్తగా ఉండాలో తెలుస్తోంది.ఇంతకీ వారు చెప్పింది ఏంటంటే “ప్రెగెన్సీ సమయంలో స్త్రీలకు వ్యాధినోరోధక శక్తి చాల వరకు తగ్గిపోతుంది.ఆ సందర్భములో కరోనా సోకి ఉండొచ్చు. కానీ జన్యుపరంగా కడుపులోని బిడ్డకు పుట్టుకతో తల్లి నుండి ఏ వ్యాధి సోకదు” అని వారు తెలిపారు.