మెగాస్టార్ చిరంజీవి సినిమాలో హీరోయిన్ ఛాన్స్ వచ్చిందంటే చాలు ఎవరైనా సరే ఎగిరి గంతేస్తారు. చిరు సినిమాలో ఛాన్స్ కోసం యంగ్ హీరోయిన్స్ దగ్గర నుండి సీనియర్ హీరోయిన్స్ అందరూ ఎదురు చూస్తూ ఉంటారు. అయితే చిరంజీవి ప్రస్తుతం మెగా156 సినిమాలో నటిస్తున్నారు. ఈ సినిమాని యూవి క్రియేషన్స్ బ్యానర్ పైన నిర్మిస్తున్నారు. కళ్యాణ్ రామ్ కి బింబిసారా వంట హిట్ మూవీ ఇచ్చిన డైరెక్టర్ వశిష్ట ఈ సినిమాని డైరెక్ట్ చేయనున్నాడు.
ఆస్కార్ విన్నింగ్ మ్యూజిక్ డైరెక్టర్ కీరవాణి ఈ సినిమాకి సంగీతం అందిస్తున్నాడు. సీనియర్ కెమెరామెన్ చోటా కె నాయుడు ఈ సినిమాకి పనిచేస్తున్నారు. అంత స్టార్ క్యాస్టింగ్ స్టార్ టెక్నీషియన్స్ తో ఈ సినిమా నిండిపోయింది. అయితే ఈ సినిమాలో హీరోయిన్ ఎవరనే విషయం పైన ఇంకా స్పష్టత రాలేదు.
అయితే ఇప్పుడు ఈ సినిమాలో హీరోయిన్ గురించి ఒక వార్త బయటకు వచ్చింది. చిరంజీవి సరసన సీనియర్ హీరోయిన్ కి ఛాన్స్ దొరికిందని అంటున్నారు. ఆ ఛాన్స్ దక్కించుకున్న హీరోయిన్ ఎవరో కాదు త్రిష. చిరంజీవి త్రిష గతంలో స్టాలిన్ సినిమాలో కలిసి నటించారు. అప్పట్లో వీరి కాంబినేషన్ ప్రేక్షకులను బాగా అలరించింది. మళ్లీ ఇన్నాళ్ళ తర్వాత వీరి కాంబినేషన్ తెరపైకి వస్తుంది. ఈ సినిమాకి విశ్వంభర అనే టైటిల్ ని పరిశీలిస్తున్నట్లు వార్తలు వచ్చాయి. తాజాగా ఈ సినిమా మారేడుమిల్లిలో ఫస్ట్ షెడ్యూల్ కంప్లీట్ చేసుకుంది. సోషియో ఫాంటసీ జోనర్ లో ఈ సినిమా ఉండబోతుందని డైరెక్టర్ ఒక క్లారిటీ ఇచ్చారు.
సూపర్ స్టార్ రజనీకాంత్ ప్రధాన పాత్రలో నటించిన సినిమా ‘జైలర్’. ఈ చిత్రాన్ని బీస్ట్ మూవీ డైరెక్టర్ నెల్సన్ దిలీప్ కుమార్ ఈ మూవీకి దర్శకత్వం వహించారు. కళానిధి మారన్ సన్ పిక్చర్స్ బ్యానర్ పై ఈ మూవీని ప్రతిష్టాత్మకంగా నిర్మించారు. జైలర్ పాటలకి, ట్రైలర్ కి మంచి రెస్పాన్స్ రావడంతో ఈ మూవీ పై భారీ అంచనాలు ఏర్పడ్డాయి. ఈ మూవీ ఆగస్టు 10న తెలుగు, తమిళ భాషలలో విడుదల అయ్యింది. ఈ చిత్రం మొదటి రోజు పాజిటివ్ టాక్ తెచ్చుకుంది. దాంతో మొదటి రోజు వసూళ్లు భారీగా వచ్చినట్టు తెలుస్తోంది. 
తాజాగా సోషల్ మీడియాలో సూపర్ స్టార్ రజినీకాంత్ వెడ్డింగ్ రిసెప్షన్ ఇన్విటేషన్ సోషల్ నెట్టింట్లో షికారు చేస్తోంది. తమిళ మూవీ ‘తిల్లు ముల్లు’ షూటింగ్ సమయంలో పరిచయమైన లతా రంగాచారిని రజనీకాంత్ వివాహం చేసుకున్నారు. తిల్లు ముల్లు మూవీ సెట్లో, ఎతిరాజ్ కాలేజీకి చెందిన ఇంగ్లీష్ లిటరేచర్ మేజర్ లత అప్పటికే స్టార్ స్టార్ గా రాణిస్తున్న రజనీకాంత్ను ఇంటర్వ్యూ చేసింది.
అయితే ఇంటర్వ్యూ ముగిసే సమయానికి, రజనీకాంత్ ఆమెను పెళ్లి చేసుకోమని అడిగాడు. లతా పెళ్ళికి అంగీకరించడంతో వారి వివాహం జరిగింది. 1981 లోని రజనీకాంత్ వెడ్డింగ్ రిసెప్షన్ ఇన్విటేషన్ ప్రస్తుతం నెట్టింట్లో సందడి చేస్తోంది. ఈ కార్డ్ పై స్టైలిష్ గా ఉన్న రజనీకాంత్ ను చూసిన అభిమానులు ఆశ్చర్యపోతున్నారు.
పవర్ స్టార్ పవన్ కళ్యాణ్ హీరోగా మెగా బ్రదర్ నాగబాబు తన సొంత బ్యానర్ అయిన అంజన ప్రొడక్షన్స్ లో గుడుంబా శంకర్ సినిమాని నిర్మించారు. ఈ చిత్రంలో పవన్ కళ్యాణ్ సరసన మీరా జాస్మిన్ హీరోయిన్ గా నటించింది. ఈ చిత్రానికి వీర శంకర్ దర్శకత్వం వహించారు. యాక్షన్ కామెడీ మూవీగా రూపొందిన ఈ మూవీ 2004లో రిలీజ్ అయ్యి, ప్లాప్ టాక్ తెచ్చుకుంది.
ఈ మూవీని పవన్ కెరీర్లో ప్లాప్ మూవీగానే చెబుతుంటారు. కానీ ఈ చిత్రంలో కామెడీ సూపర్ అనే ప్రేక్షకుల సంఖ్య ఎక్కువగానే ఉంటుంది. ఈ చిత్రంలోని పాటలన్నీ సూపర్ హిట్ గా నిలిచాయి. ఈ మూవీకి మణిశర్మ సంగీతం అందించారు. ఈ మూవీని ఆగష్టు 31న రీరిలీజ్ చేయనున్నట్లు నాగబాబు ప్రకటించారు. అయితే ఈ సినిమాను 2 రోజుల తరువాత పవన్ కళ్యాణ్ బర్త్ డే కానుకగా సెప్టెంబర్ 2న రీరిలీజ్ చేస్తున్నట్లు తాజాగా ప్రకటించారు.
ఇది ఇలా ఉంటే ఒక ట్విట్టర్ యూజర్ గుడుంబా శంకర్ మూవీలోని సీన్స్ కు సంబంధించిన ఫోటోలను, అలాగే మెగాస్టార్ చిరంజీవి నటించిన శంకర్ దాదా ఎంబిబిఎస్ పాటకు సంబంధించిన ఫోటోలను షేర్ చేశాడు. రెండింటిలోనూ పవన్ కళ్యాణ్ సేమ్ కాస్ట్యూమ్స్ ధరించినట్టు కనిపిస్తోంది. ఆ ఫోటోలకు ఆ యూజర్ ‘నీకు ఏం కాదు నేను ఉన్నాను అని ధైర్యం చెప్పి రాత్రి కళ్ళు కాంపౌండ్ కి వెళ్తాడు ఉస్తాద్’ అని రాసుకొచ్చారు.