Filmy Adda

బాలకృష్ణ హీరోగా బోయపాటి శ్రీను దర్శకత్వంలో వచ్చిన సినిమా అఖండ. ఈ సినిమాలో బాలకృష్ణ రెండు పాత్రల్లో నటించారు. సినిమా సెన్సేషనల్ విజయం సాధించింది. బాలకృష్ణకి మళ్లీ మరొక ఇన్నింగ్స్ మొదలయ్యింది ఈ సినిమాతోనే.

ప్రగ్యా జైస్వాల్ ఈ సినిమాలో హీరోయిన్ గా నటించారు. సినిమాలో బోయపాటి మార్క్ యాక్షన్ సీన్స్ చాలానే ఉంటాయి. అలాగే బాలయ్య మార్క్ డైలాగ్స్, డాన్స్ కూడా ఉంది. ఈ సినిమాకి చాలా విషయాలు ప్లస్ అయ్యాయి. దాంతో సినిమా అంత పెద్ద విజయం సాధించింది.

అయితే సినిమాకి ఒక హీరో బాలకృష్ణ అయితే, మరొక హీరో మ్యూజిక్ డైరెక్టర్ తమన్ అని అప్పట్లో చాలా మంది అన్నారు. ఈ సినిమాకి తమన్ ఇచ్చిన బ్యాక్ గ్రౌండ్ స్కోర్ వల్ల థియేటర్లలో సౌండ్ సిస్టం పగిలిపోతుంది అని ఒక థియేటర్ యాజమాన్యం ఫిర్యాదు చేశారు అంటే అది ఏ స్థాయిలో ఉంది అనేది తెలుసు. ఈ సినిమా వచ్చిన తర్వాత తమన్ బ్యాక్ గ్రౌండ్ స్కోర్ ఇవ్వడంలో స్పెషలిస్ట్ అని ఒక టైటిల్ కూడా వచ్చేసింది.

అయితే ఈ విషయంలో ఇటీవల బోయపాటి శ్రీను మాట్లాడుతూ మరొక విధంగా చెప్పారు. ఇటీవల ఒక ఇంటర్వ్యూలో బోయపాటి శ్రీను ఈ సినిమా గురించి మాట్లాడారు. ఈ విషయంపై బోయపాటి శ్రీను మాట్లాడుతూ, “అఖండ సినిమాకి తమన్ ఏం ప్రాణం పోయలేదు. సౌండ్ లేకుండా చూసినా కూడా ఈ సినిమా అలాగే ఉంటుంది. దానికి అంత దమ్ము ఉంది. చాలా గర్వంగానే ఫీల్ అవుతాను” అని అన్నారు. ఈ విషయం మీద సోషల్ మీడియా అంతటా కామెంట్స్ వస్తున్నాయి.

“అసలు అఖండ సినిమా హిట్ అవ్వడానికి ముఖ్య కారణం మ్యూజిక్ డైరెక్టర్ తమన్ అందించిన బ్యాక్ గ్రౌండ్ మ్యూజిక్. ఈ విషయాన్ని మర్చిపోయి అలా ఎలా మాట్లాడుతున్నారు?” అని అంటున్నారు. ఇటీవల వచ్చిన స్కంద సినిమాకి కూడా తమన్ ఇలాంటి బ్యాక్ గ్రౌండ్ మ్యూజిక్ ఇచ్చారు. కానీ అలాంటి టైప్ మ్యూజిక్ విని విని మనకి అలవాటు అయిపోవడంతో సినిమా, అందులోని మ్యూజిక్ అంత పెద్దగా ఎక్కలేదు. కానీ అఖండ సినిమాకి మాత్రం తమన్ కి సగం క్రెడిట్ ఇచ్చారు. కానీ ఇప్పుడు బోయపాటి శ్రీను మాత్రం ఇలా మాట్లాడడంతో ఇలా అంటున్నారు ఏంటి అని నెటిజెన్లు కామెంట్ చేస్తున్నారు.

watch video :

ALSO READ : “శ్రీరామ చంద్ర” నటించిన పాపం పసివాడు చూశారా..? ఎలా ఉందంటే..?

మన తెలుగు వాళ్ళకి సినిమాలు అంటే ప్రత్యేకమైన అభిమానం ఉంటుంది. అంటే ఇతర ప్రాంతం వాళ్ళకి ఉండదు అని కాదు. కానీ వారికి కొంచెం ప్రాంతీయ భేదం ఉంటుంది. అంటే, మిగిలిన భాషల సినిమాలని ఆదరించినా కూడా, వారి సినిమాలు అంటే కాస్త ఎక్కువ ప్రాముఖ్యత ఇస్తారు.

మన దగ్గర మన హీరోలని ఏ రేంజ్ లో అభిమానిస్తారో తెలుసు. కానీ ఇతర భాషల హీరోలు మంచి సినిమాలు ఇస్తే, వారిని కూడా అదే రేంజ్ లో అభిమానిస్తారు. అందుకే ప్రతి భాషకి చెందిన సినిమాలని తెలుగులో కూడా డబ్బింగ్ చేస్తున్నారు.

తెలుగులో తమిళ్ హీరోలకి దాదాపు తెలుగు హీరోలకి ఉన్న అంత క్రేజ్ ఉంటుంది. ముఖ్యంగా, రజనీకాంత్, కమల్ హాసన్, సూర్య, కార్తీ, అజిత్, విజయ్ లాంటి వారిని తెలుగులో కూడా స్టార్ హీరోల కింద చూస్తారు. వారి సినిమా వస్తోంది అంటే ఒక తెలుగు సినిమా వస్తోంది అన్నట్టే లెక్క వేస్తారు. ఈ మధ్య తమిళ్ యంగ్ హీరోలు అయిన శివ కార్తికేయన్, విజయ్ సేతుపతి వంటి వారు కూడా తెలుగులో అభిమానులను సంపాదించుకున్నారు.

డాక్టర్ సినిమా నుండి శివ కార్తికేయన్ నటించిన ప్రతి సినిమా తెలుగులో కూడా రిలీజ్ అవుతోంది. ఇప్పుడు సంక్రాంతి బరిలో పెద్ద సినిమాలకి పోటీగా శివ కార్తికేయన్ హీరోగా నటించిన అయలాన్ సినిమా రిలీజ్ అవుతోంది. అసలే సంక్రాంతి సినిమాలకి కొదవలేదు అంటే, ఇప్పుడు ఇది కూడా యాడ్ అయ్యింది. కానీ దాదాపు ప్రతి సంక్రాంతికి ఒక డబ్బింగ్ సినిమా వస్తోంది. కాబట్టి ఈ సారి ఈ సినిమా వస్తోంది. మరొక పక్క బాలకృష్ణ భగవంత్ కేసరి సినిమాకి పోటీగా విజయ్ హీరోగా నటించిన లియో సినిమా రిలీజ్ అవుతోంది.

అయితే విజయ్ మీద మన తెలుగు వాళ్లకి మాత్రం ఒక కంప్లైంట్ ఉండిపోయింది. దాంతో ఇప్పుడు ఇదే విషయాన్ని మళ్లీ ప్రస్తావిస్తున్నారు. అదేంటంటే, విజయ్ సినిమాలకి తెలుగులో దాదాపు మహేష్ బాబు, పవన్ కళ్యాణ్ సినిమాకి ఉన్నంత డిమాండ్ ఉంది. అంటే ఒక తెలుగు స్టార్ హీరో లాగా. అయితే మన హీరోలు వారి సినిమాలు రిలీజ్ అవుతూ ఉంటే ఏదో ఒక రకం అయిన ఇంటర్వ్యూలు ఇవ్వడం, లేదా ఇంకేదో చేసి సినిమాని ప్రమోట్ చేయడం చేస్తూ ఉంటారు.

కానీ విజయ్ మాత్రం తెలుగులో తుపాకీ సినిమా టైంలో కనిపించారు అంతే. మళ్లీ ఇప్పటి వరకు ఒక్క తెలుగు ఇంటర్వ్యూ కూడా ఇవ్వలేదు. కానీ దాదాపు పది సంవత్సరాల నుండి విజయ్ హీరోగా నటించిన ప్రతి సినిమా తెలుగులో కూడా రిలీజ్ అవుతుంది. “కనీసం ఒక్క ఈవెంట్ అయినా చేయడానికి తీరిక లేదా?” అని చాలా మంది కామెంట్స్ చేశారు. కమల్ హాసన్ చాలా పెద్ద స్టార్ హీరో.

అలాంటి వ్యక్తి తన విక్రమ్ సినిమా కోసం తెలుగులో పదుల సంఖ్యలో ఇంటర్వ్యూలు ఇచ్చారు. మన తెలుగు సినిమాని ప్రమోట్ చేస్తున్నప్పుడు జూనియర్ ఎన్టీఆర్, రామ్ చరణ్, అప్పటికే స్టార్ డైరెక్టర్ అయిపోయిన రాజమౌళి కూడా ఇతర భాషలో మన సినిమాని ప్రమోట్ చేశారు. అంతెందుకు. మహేష్ బాబు హీరోగా నటించిన స్పైడర్ సినిమా తెలుగుతో పాటు, తమిళ్ లో కూడా రిలీజ్ అయ్యింది.

ఈ సినిమాకి మహేష్ బాబు తమిళ్ లో కొన్ని షోలలో పాల్గొని, డైరెక్టర్ ఏఆర్ మురుగదాస్ తో కలిసి సినిమాని ప్రమోట్ చేశారు. అక్కడ ఒక ప్రీ రిలీజ్ ఈవెంట్ కూడా చేశారు. కానీ విజయ్ మాత్రం తెలుగులో ఒక్క ఇంటర్వ్యూ ఇవ్వడం కానీ, లేదా కనీసం సోషల్ మీడియా ద్వారా అయినా ఏదైనా మాట్లాడడం కానీ చేయలేదు.

ఇంకొక పక్క, శివకార్తికేయన్ రెమో తర్వాత నుండి తెలుగులో రిలీజ్ అయిన తన ప్రతి సినిమా కోసం ఇక్కడికి వచ్చి ఇంటర్వ్యూలు ఇస్తున్నారు. వచ్చి రాని తెలుగులో అయినా కూడా ప్రయత్నించి మాట్లాడి “మా సినిమా చూడండి” అని చెప్తున్నారు. దాంతో, “శివకార్తికేయన్ లాంటి యంగ్ హీరోని చూసి అయినా విజయ్ నేర్చుకోవాలి ఏమో. ప్రమోషన్ లేకపోయినా సరే సినిమా చూస్తారు అని అనుకోకూడదు” అని అంటున్నారు.

ALSO READ : “శ్రీరామ చంద్ర” నటించిన పాపం పసివాడు చూశారా..? ఎలా ఉందంటే..?

ప్రముఖ నటి రాధికా శరత్‌కుమార్, తెలుగుదేశం పార్టీ సీనియర్ నేత, అలాగే మాజీ మంత్రి అయిన బండారు సత్యనారాయణ మూర్తి పై తన ఆగ్రహాన్ని వ్యక్తం చేస్తూ సోషల్ మీడియా ద్వారా ఒక పోస్ట్ షేర్ చేశారు. ఇటీవల ఆంధ్రప్రదేశ్ పర్యాటక శాఖ మంత్రి రోజా మీద బండారు సత్యనారాయణ చేసిన వ్యాఖ్యలు వివాదాస్పదం అయ్యాయి.

ఒక మహిళపై ఇలాంటి ఆరోపణలు చేయడం సిగ్గుచేటు అని రాధిక అన్నారు. అలాంటి రాజకీయ నాయకుడిని చూసి నేను సిగ్గుపడుతున్నాను అని అన్నారు. రోజాకి తన మద్దతుని తెలుపుతూ సోషల్ మీడియాలో ఒక వీడియో షేర్ చేశారు. ఇందులో రాధిక ఈ విధంగా మాట్లాడారు.

ఈ విషయం మీద రాధిక మాట్లాడుతూ ఈ విధంగా తెలిపారు. “మంత్రి, నటి, మంచి స్నేహితురాలు అయిన రోజా గారికి నా మద్దతుని తెలుపుతున్నాను. గత కొద్ది రోజులుగా జరిగిన కొన్ని పరిణామాలు నన్ను చాలా బాధించాయి. అంతే కాకుండా నాకు కోపం కూడా తెప్పించాయి. మహిళలకు 33 శాతం రిజర్వేషన్ పార్లమెంట్ ఆమోదించింది. ఈ రోజు ఇండియా ఒక మంచి ప్రగతిశీల దేశంగా ఎదుగుతోంది. దీనికో సం దేశం అభివృద్ధి చేయడానికి ఎంతో మంది మహిళలు కూడా రాజకీయాల్లోకి వస్తున్నారు”.

“ఇలాంటి సమయంలో ఒక మహిళను అవమాన పరుస్తూ ఒక పార్టీకి చెందిన గౌరవనీయ సభ్యుడు నుంచి కామెంట్స్ వినాల్సి వచ్చింది. ఇవి ఎంతో సిగ్గుచేటు. మనం ఇండియాని భారతమాత అని అంటాం. అంటే ఒక మహిళతో మనం ఇండియాని పోలుస్తున్నాం. అలాంటప్పుడు ఒక మహిళకి మీరు ఇచ్చే గౌరవం ఇదేనా? మిమ్మల్ని చూసి సిగ్గు పడుతున్నాను. ఇది రాజకీయం కాదు. మీరు మాట్లాడిన భాష దిగజారడానికి నిదర్శనం. ఒక మహిళ గురించి ఇలాగేనా మాట్లాడేది. ఈ మాటలు ఏంటి? అసలు ఆ పదం ఎలా అన్నారు? మీ మాటలు విని ఆడవాళ్లు భయపడతారు అనుకుంటే అది చాలా తప్పు”.

“ఈ మాటలకు ఎవరు భయపడరు. మేం మీలాగా మాట్లాడడానికి సమయం పట్టదు. అలా మాట్లాడాలి అనుకుంటున్నారా? పొద్దున్నే మీరు కూడా లేచి పని మీద వెళ్తున్నారు కదా? మీ ఇంట్లో ఏం జరుగుతుందో మీకు తెలుసా? అందరూ మీ స్థాయికి వచ్చేలాగా చేయకండి. అలా మాట్లాడటం చాలా సులభం. ఇలా మీ మాటలతో ఒకరిని బాధించడం వల్ల మీకు వచ్చేది ఏంటి? సమాజంలో మీకు గౌరవం ఏమైనా పెరిగిందా? మిమ్మల్ని చూస్తే సిగ్గేస్తోంది. ఎంతో మంది గొప్ప వ్యక్తులు ఉన్న మీ పార్టీ గౌరవాన్ని మీరు తగ్గించారు” అంటూ రాధిక చెప్పారు.

watch video :

I condemn below the belt hitting , labelling women, objectifying and being unparliamentary, an ex minister #bandarasatyanarayana has no qualms with his language and attitude. I stand for minister /actor amd good friend @RojaSelvamaniRK #women #harassment #politics pic.twitter.com/nmGHyeLgi2

— Radikaa Sarathkumar (@realradikaa) October 6, 2023

ALSO READ : కలర్స్ స్వాతి, నవీన్ చంద్ర నటించిన “మంత్ ఆఫ్ మధు” చూశారా..? ఎలా ఉందంటే..?

పవర్ స్టార్ పవన్ కళ్యాణ్ క్రేజ్ గురించి ప్రత్యేకంగా చెప్పాల్సిన అవసరం లేదు. అటు సినిమాలతో పాటు, ఇటు రాజకీయాలని కూడా బ్యాలెన్స్ చేస్తున్నారు. ఎన్నికల ప్రచారంలో పాల్గొంటూనే, సినిమా షూటింగ్స్ లో కూడా పాల్గొని సినిమాలని ఎంత తొందరగా వీలైతే అంత తొందరగా పూర్తి చేస్తున్నారు.

ప్రస్తుతం పవన్ కళ్యాణ్ మూడు సినిమాల్లో నటిస్తున్నారు. అందులో ఒకటి హరీష్ శంకర్ దర్శకత్వంలో వస్తున్న ఉస్తాద్ భగత్ సింగ్ అయితే, మరొకటి క్రిష్ జాగర్లమూడి దర్శకత్వంలో వస్తున్న హరిహర వీరమల్లు.

మరొక సినిమా సుజిత్ దర్శకత్వంలో వస్తున్న ఓజి అలియాస్ ఓజాస్ గంభీర. ఈ సినిమా టీజర్ ఇప్పటికే సెన్సేషన్ క్రియేట్ చేసింది. పవన్ కళ్యాణ్ ని ఇలాంటి ఒక సీరియస్ రోల్ లో చూసి చాలా కాలం అయ్యింది. అయితే పవన్ కళ్యాణ్ కి సంబంధించిన ఒక వీడియో ప్రస్తుతం సోషల్ మీడియాలో నిలిచింది. కానీ మరొక విషయం ఏంటంటే ఇందులో పవన్ కళ్యాణ్ లేరు. కేవలం ఆయన పేరు మాత్రమే ప్రస్తావిస్తారు. ప్రముఖ సంగీత దర్శకుడు జీవి ప్రకాష్ హీరోగా నటించిన అడియే సినిమా ఇటీవల సోనీ లివ్ లోకి వచ్చింది. ఈ సినిమాని తెలుగులో కూడా రిలీజ్ చేశారు.

ఈ సినిమాకి సంబంధించిన ఒక సీన్ లో ఒక వ్యక్తి న్యూస్ చదువుతూ మన దేశ ప్రధానమంత్రి పవర్ స్టార్ అని అంటారు. అంతే కాకుండా ఈ సినిమాలో రాయల్ ఛాలెంజర్స్ బెంగళూరు జట్టు 7 సార్లు కప్ గెలిచింది అని కూడా చెప్తారు. ఇంక పవన్ కళ్యాణ్ విషయానికి వస్తే ఇటీవల వచ్చిన బ్రో సినిమాతో ప్రేక్షకులని అలరించారు.

సినిమా ఆశించిన ఫలితాన్ని పొందకపోయినా కూడా పవన్ కళ్యాణ్ పాత్ర తీర్చిదిద్దిన విధానం బాగుంది అని అన్నారు. అటు కమర్షియల్ సినిమాలు చేస్తూనే, పిరియాడికల్ డ్రామా అయిన హరిహర వీరమల్లు సినిమాలో కూడా నటిస్తున్నారు. ఈ సినిమా కోసం యుద్ధానికి సంబంధించిన ఫైటింగ్ సీన్స్ కి శిక్షణ కూడా పొందారు. సినిమా ఇప్పటికే చాలా వరకు పూర్తయింది. ఇది ఒక నిజ జీవిత వ్యక్తి కథ ఆధారంగా రూపొందిస్తున్న సినిమా.

watch video :

https://www.instagram.com/reel/Cxz7k3cpf9v/?igshid=NjZiM2M3MzIxNA==

ALSO READ : “లియో” ట్రైలర్‌లో కనిపించిన ఈ వ్యక్తి ఎవరో తెలుసా..? ఇతని బ్యాక్‌గ్రౌండ్‌ ఏంటంటే..?

ఈ వారం రిలీజ్ అయిన సినిమాలలో మ్యాడ్‌ ఒకటి. యంగ్ టైగర్ ఎన్టీఆర్ బావమరిది అయిన నవీన్‌ నార్నే ఈ మూవీతో హీరోగా టాలీవుడ్ లో ఎంట్రీ ఇచ్చారు. ఈ చిత్రంలో ముగ్గురు హీరోలు నటించారు. ఈ చిత్రానికి కళ్యాణ్ శంకర్‌ దర్శకత్వం వహించారు.

ఇప్పటికే విడుదలైన టీజర్‌కు, ట్రైలర్‌కు యూత్ నుండి భారీ రెస్పాన్స్ వచ్చింది. కాలేజ్‌ నేపథ్యంలో సాగే ఈ సినిమాలో ముగ్గురు హీరోలలో డీడీ క్యారెక్టర్ చేసిన నటుడి యాక్టింగ్ పై ఆడియెన్స్ అంతా ప్రశంసలు కురిపిస్తున్నారు. మరి ఆ నటుడు ఎవరో ఇప్పుడు చూద్దాం..
టాలీవుడ్ లో ఇప్పటివరకు కాలేజ్‌ బ్యాక్ డ్రాప్ లో ఎన్నో సినిమాలు వచ్చాయి. వాటిలో ఎక్కువ శాతం సినిమాలు సూపర్ హిట్ అయ్యాయి. యువతను ఫిదా చేశాయి. అలాంటి సినిమానే మ్యాడ్‌. ఇప్పటికే రిలీజ్ అయిన ట్రైలర్ యూత్ ను ఆకట్టుకుంది. కాలేజీలో గ్యాంగ్స్‌, సీనియర్లు, జూనియర్లు, ర్యాగింగ్‌, గొడవలు. ప్రేమలు వంటివాటిని ట్రైలర్ చూపించారు.
నేడు ఈ సినిమా థియేటర్లలో రిలీజ్ అయ్యింది. అయితే ఈ చిత్రంలో నటించిన ముగ్గురి హీరోలలో డీడీగా నటించిన యాక్టర్ తన నటనతో, కామెడీ టైమింగ్ తో ఆకట్టుకున్నాడని టాక్. మూవీ చూసిన ఆడియెన్స్ సైతం అతని పై ప్రశంసలు కురిపిస్తున్నారు. రివ్యూయర్స్ సైతం ఆ కుర్రాడి స్టైల్, కామిడి టైమింగ్, డైలాగ్ డెలివరీ ని మెచ్చుకుంటున్నారు.
ఆ నటుడి పేరు సంగీత్ శోభన్. అతను ఇప్పటికే పలు వెబ్ సిరీస్ లలో నటించి అలరించాడు. మ్యాడ్ సినిమాలో తన కామెడీ టైమింగ్ తో తెలుగు ఇండస్ట్రీకి మంచి కామెడీ హీరో లభించాడు అనుకునేలా నటించాడు. సంగీత్‌ శోభన్ మరేవరో కాదు యంగ్ హీరో సంతోష్‌ శోభన్ తమ్ముడు మరియు దివంగత డైరెక్టర్ శోభన్ రెండవ కుమారుడు. అన్నయ్య సంతోష్ హీరోగా సీరిస్‌, సినిమాలలో నటిస్తుంటే, తమ్ముడు సంగీత్ కామెడీ సిరీస్ లలో, సినిమాలలో నటిస్తున్నాడు.

https://www.instagram.com/p/Cx7KYiTx6h3/?hl=en

Also Read: MAD REVIEW : “ఎన్టీఆర్ బావమరిది” హీరోగా పరిచయం అయిన ఈ సినిమా ఆకట్టుకుందా..? స్టోరీ, రివ్యూ & రేటింగ్.!

కలర్స్ స్వాతి చాలా కాలం తర్వాత సినిమాలలోకి రీ ఎంట్రీ ఇస్తూ నటించిన మూవీ ‘మంత్ ఆఫ్ మధు’. ఈ మూవీలో  హీరోగా నవీన్ చంద్ర నటించారు. ఈ మూవీ తాజాగా థియేటర్ల లో విడుదల అయ్యింది. ఈ సినిమాకు శ్రీకాంత్ నగోతి దర్శకత్వం వహించారు. ఈ చిత్రంలో శ్రేయ నవిలే, జ్ఞానేశ్వరి, మంజుల, వైవా హర్ష వంటివారు కీలక  పాత్రల్లో నటించారు. రిలీజ్ కు ముందు చిత్ర యూనిట్ చేసిన ప్రమోషన్స్ తో మంచి బజ్ ను తెచ్చుకున్న ఈ సినిమా ఎలా ఉందో ఇప్పడు చూద్దాం.. కలర్స్ స్వాతి యాంకర్, హీరోయిన్, సింగర్, డబ్బింగ్ ఆర్టిస్ట్ గా మంచి గుర్తింపు తెచ్చుకున్నారు. పలు తెలుగు, తమిళ, మలయాళ చిత్రాలలో నటించి గుర్తింపు తెచ్చుకుంది. 2018లో స్వాతి వికాస్‌ అనే వ్యక్తిని ఆగస్టు పెళ్లి చేసుకుని, ఇండస్ట్రీకి దూరం అయ్యింది. చాలా గ్యాప్ తరువాత మంత్ ఆఫ్ మధు మూవీ ద్వారా రీఎంట్రీ ఇచ్చారు. ఇక ఈ మూవీ కథ విషయానికి వస్తే, వైజాగ్ లో నివసించే మధుసూధన్ రావు(నవీన్ చంద్ర) తన గవర్నమెంట్ జాబ్ ను పోగొట్టుకుంటాడు. ప్రేమించి పెళ్లి చేసుకున్న భార్య లేఖ (స్వాతి రెడ్డి) విడాకుల కోసం కోర్టుకు వెళ్తుంది. అయితే మధుసూధన్ తన భార్య ఎప్పటికైనా తిరిగి వస్తుందనే నమ్మకంతో వెయిట్ చేస్తుంటాడు. ఈ క్రమంలో అతను మద్యానికి బానిస అవుతాడు. ఇది ఇలా ఉంటే, యూఎస్ లో సెటిల్ అయిన మధుమతి(శ్రియ నవిలే) అనే అమ్మాయి బంధువుల ఇంట్లో వివాహానికి వైజాగ్ వస్తుంది. అయితే ఒక సందర్భంలో మధుమతికి మధుసూధన్ తో పరిచయం అవుతుంది. ఒకసారి మాటల సందర్భంలో మధుసూధన్ ఫ్లాష్ బ్యాక్ స్టోరీ ఆమెకు తెలుస్తుంది. ఆ తరువాత ఏం జరిగింది? లేఖ ఎందుకు విడాకులు తీసుకోవాలనుకుంది? ఆఖరికి లేఖ మధుసూదన్ కలిశారా? అనేది మిగిలిన కథ. మంత్ ఆఫ్ మధు సినిమా అనేది అమెరికా నుంచి వైజాగ్ కి వచ్చిన మధుమతి నెల రోజుల్లో ఎదుర్కొన్న అనుభవాలే ఈ మూవీ. Also Read: MAAMA MASCHEENDRA REVIEW : “సుధీర్ బాబు” ట్రిపుల్ యాక్షన్ చేసిన ఈ సినిమా ఎలా ఉంది..? స్టోరీ, రివ్యూ & రేటింగ్.!

ఎనర్జిటిక్ స్టార్ రామ్ పోతినేని హీరోగా మాస్ డైరెక్టర్ బోయపాటి శ్రీను తెరకెక్కించిన సినిమా ‘స్కంద’. ఈ మూవీ భారీ అంచనాల మధ్య సెప్టెంబర్ 28న ఆడియెన్స్ ముందుకు వచ్చింది. అయితే మొదటి షోతో మిక్స్డ్ టాక్ తెచ్చుకుంది. అయినప్పటికీ సినిమా పై ఉన్న అంచనాలకు తగ్గట్టుగా మంచి ఓపెనింగ్ కలెక్షన్స్  వచ్చాయి.

హీరో రామ్ పోతినేని ఈ మూవీలో రెండు పాత్రలలో నటించారు. మెయిన్ హీరోయిన్ గా శ్రీలీల నటించింది. అయితే హీరోల పాత్రలకు మరియు హీరోయిన్ శ్రీలీల పాత్రకు పేరు మూవీలో వెల్లడించలేదు. దాంతో చాలామంది నెటిజెన్లు వారి పేర్లు ఏమిటా అని తెగ సెర్చ్ చేశారు. వారి పేర్లు ఏమిటో ఇప్పుడు చూద్దాం..
“అఖండ” బ్లాక్ బస్టర్ హిట్ తరువాత దర్శకుడు బోయపాటి శ్రీను దర్శకత్వం వహించిన మరో మాస్ ఎంటర్ టైనర్ స్కంద. బోయపాటి శ్రీను మూవీ అంటే తప్పకుండా మాస్ ఎలిమెంట్స్ అధికంగా ఉంటాయి. ఊహకు అందని రీతిలో  బోయపాటి తన చిత్రాలలో ఫిక్షన్‌ను జోడిస్తారు. కానీ, స్కంద మూవీలో అది అతి అయ్యిందని ప్రేక్షకుల నుండి విమర్శలు వినిపిస్తున్నాయి.
రొటీన్ స్టోరీని కూడా విపరీతమైన వయొలెన్స్‌తో చూపించారని, మూవీలో పెద్దగా ఏమీ లేదని నెటిజెన్లతో పాటు విమర్శకులు కూడా అంటున్నారని టాక్. స్కంద మూవీలో హీరో రామ్ రెండు పాత్రలు చేసినట్టు తెలుస్తోంది. ఒక పాత్ర కాలేజీలో చదువుకునే యువకుడిగా నటిస్తే, మరో పాత్ర మొరాకోలో పేరుగాంచిన హంతకుడు. కాలేజీ స్టూడెంట్ గా నటించిన పాత్ర పేరు భాస్కర్ రాజు.
తెలంగాణ ముఖ్యమంత్రి కుమార్తె శ్రీలీలా రెడ్డిని ప్రేమిస్తాడు. ఇక మొరాకో నుండి వచ్చిన రామ్ క్యారెక్టర్ పేరు మణికంఠ స్కందరాజు. శ్రీలీలా రెడ్డి క్యారెక్టర్ లో హీరోయిన్ శ్రీలీల నటించింది. ఈ మూవీ 7 రోజుల్లో ఈ సినిమా ప్రపంచ వ్యాప్తంగా 31 కోట్ల షేర్ సాధించినట్టు తెలుస్తోంది. ఇక ఈ మూవీ బ్రేక్ ఈవెన్ కావాలంటే 47 కోట్ల షేర్ కలెక్ట్ చేయాల్సి ఉంటుందని తెలుస్తోంది.

https://www.instagram.com/reel/Cx01_XvyCWd/?igshid=NjZiM2M3MzIxNA%3D%3D

Also Read: “లియో” ట్రైలర్‌లో కనిపించిన ఈ వ్యక్తి ఎవరో తెలుసా..? ఇతని బ్యాక్‌గ్రౌండ్‌ ఏంటంటే..?

‘అద్దురి’ సినిమాతో కన్నడ సినీ ఇండ్రస్టీలో అడుగుపెట్టాడు హీరో ధృవ సర్జా. శాండల్‌వుడ్ హీరో ధృవ యాక్షన్ కింగ్ అర్జున్ సర్జాకు మేనల్లుడు.

అలాగే స్వర్గీయ చీరంజీవి సర్జాకి తమ్ముడు కూడా. కన్నడ చిత్ర పరిశ్రమలో ధృవకు ఫ్యాన్ ఫాలోయింగ్ కూడా ఎక్కువే.

అయితే ఈ ఇటీవల ధృవ చేసిన పనికి నెటిజన్లు ప్రశంసులు కురిపిస్తున్నారు. ప్రేమించి వివాహం చేసుకున్న ధృవకు ఒక పాప ఉంది. ఆమె భార్య ప్రేరణ మళ్లీ గర్భవతి. అయితే శ్రీ కృష్ట జన్మాష్టమి రోజు ధృవ తన భార్యకు సీమంత వేడుక నిర్వహించారు. దీనికి ఎందుకు నెటిజన్లు ప్రశంసిస్తున్నారని అనుకుంటున్నారా.. ఇందులోనే ఓ ట్విస్ట్ ఉంది.

తన అన్నయ్య చీరంజీవి మరణించిన సంగతి తెలిసిందే. అయితే తన భార్య సీమంత వేడుకను ధృవ ఫామ్‌ హౌస్‌లో చీరంజీవి సర్జా సమాధి దగ్గర జరిపించాడు. ఫామ్ హౌస్‌ మొత్తాన్ని పూలతో అలంకరించాడు కూడా. అలాగే పిల్లలకు కృష్ణుడి వేషం వేసి వేడుకగా జరుపుకున్నారు.

ఈ విషయాన్ని ధృవ సోషల్ మీడియాలో పోస్ట్ చేయగా నెటిజన్లు అన్న మీద నీకు ఉన్న ప్రేమను చాటుకున్నావు. నువ్వు సూపర్ అంటూ కామెంట్లు చేస్తున్నారు. ఇప్పటికీ సర్జా కుటుంబం చీరంజీవి మరణం నుంచి కోల్కోవటలేదు.

కోలీవుడ్లో ప్రస్తుతం మంచి సక్సెస్ఫుల్ నిర్మాతల్లో ఒకరు రవీందర్ చంద్రశేఖరన్. నిర్మాతగా బాగా ఉన్న రవీందర్ పై తనని వ్యాపారంలో మోసం చేశారు అని ఒకతను పోలీసులకు ఫిర్యాదు ఇవ్వడం జరిగింది. వ్యాపారంలో భాగంగా తన దగ్గర కోట్ల రూపాయల డబ్బు తీసుకొని చెల్లించకుండా మోసం చేస్తున్నారు అనేది అతని వాదన. ఈ ఫిర్యాదు మేరకు పోలీసులు నిర్మాత రవీందర్ ను అదుపులోకి కూడా తీసుకున్నారు.

ఈ నేపథ్యంలో అతని భార్య మహాలక్ష్మి.. భర్త జైలుకు వెళ్లినందుకు ఎటువంటి బాధ లేకుండా.. అతని బయటకు తీసుకురావాలి అన్న ప్రయత్నం కూడా చేయకుండా సోషల్ మీడియాలో ఎంతో యాక్టివ్ గా ఉండడంతో పాటు ఫోటోలు షేర్ చేయడం పై ఒక అభిమాని ఫైర్ అయ్యాడు. భర్త జైల్లో ఉంటే ఇంత సంతోషంగా ఉన్నాం అసలు నిజంగా నువ్వు అతని ప్రేమించి పెళ్లి చేసుకున్నావా లేకపోతే అందరూ అన్నట్టు డబ్బు చూసి చేసుకున్నావా అని భారీగా విమర్శిస్తూ ట్రోల్ చేశాడు.

మహాలక్ష్మి రవీందర్ ను రెండవ పెళ్లి చేసుకున్న విషయం అందరికీ తెలిసిందే. వీళ్ళ పెళ్లయిన కొత్తలో మహాలక్ష్మి కేవలం డబ్బు కోసమే రవీందర్ ను చేసుకుంది అని వీళ్ళిద్దరిపై విపరీతంగా ట్రోలింగ్ చేశారు. అయితే అప్పట్లో ఇద్దరు కలిసి ఈ విషయాన్ని ఖండించారు కూడా. ఇప్పుడు ఈ సందర్భంలో తిరిగి ఆ విషయాన్ని మరొకసారి నిటిజన్ లు గుర్తు చేస్తున్నారు. అయితే భర్త జైల్లో ఉన్నందుకు ఒత్తిడికి గురి అయిన మహాలక్ష్మి.. అతను చేసిన మోసం గురించి సన్నిహితుల దగ్గర ఆవేదన వ్యక్తం చేశారట.

పెళ్లికి ముందు అతను ఇలాంటి మోసాలు చేస్తాడు అన్న విషయం ఆమెకు తెలియదట. మభ్యపెట్టి తనను మోసం చేసి పెళ్లి చేసుకున్నాడు అని ఆమె బాధపడడం జరిగిందంట. ఇప్పటికే విడాకులు తీసుకొని ఒక కొడుకుతో ఒంటరిగా ఉంటున్న ఆమె…. జీవితంపై నమ్మకాన్ని కలిగించాడు కాబట్టి రవీందర్ ను రెండో పెళ్లి చేసుకుంది. అయితే ఇప్పుడు అతను జైలు పాలు అవ్వడంతో మరొకసారి వత్తిరికి గురి అవుతున్నట్టు ఆమె వాపోతోంది. అయితే ప్రస్తుతం ఈ వార్త కోలీవుడ్ ఇండస్ట్రీలో కలకలం రేపుతోంది.