Filmy Adda

తెలుగు ఇండస్ట్రీలో తనదైన శైలిలో కుటుంబ కథ చిత్రాలను తెరకెక్కించడంలో ప్రత్యేకమైన ఇమేజ్‌ను  ఏర్పరుచుకున్న డైరెక్టర్లలో శ్రీకాంత్ అడ్డాల కూడా ఒకరు. చాలా కాలం తరువాత ప్రస్తుతం ‘అఖండ’ యూనిట్ తో ఒక చిత్రాన్ని చేస్తున్నారు. ఈ మధ్యే ఈ చిత్రం గురించి అధికారికంగా ప్రకటించారు.

తాజాగా ఈ చిత్రానికి ‘పెద్ద కాపు’ అనే టైటిల్ ను ఫైనల్ చేసి, ఈ మూవీ ఫస్ట్ లుక్‌ పోస్టర్‌ ను రిలీజ్ చేశారు. ‘అఖండ’ లాంటి బ్లాక్ బస్టర్ విజయం తరువాత మిర్యాల రవీందర్ రెడ్డి ఈ చిత్రాన్ని తన బ్యానర్ ద్వారక క్రియేషన్స్ పై నిర్మిస్తున్నారు. దాంతో ఈ మూవీ పై అంచనాలు ఏర్పడ్డాయి. మరి ఈ పెద్ద కాపు కథ ఏమిటో? ఈ మూవీలో హీరో ఎవరో ఇప్పుడు చూద్దాం.. మొదటి నుండి ఫ్యామిలీ సినిమాలతో ఆడియెన్స్ ను అలరించిన శ్రీకాంత్ అడ్డాల గత కొన్నేళ్ళ నుండి విజయం కోసం ఎదురుచూస్తున్నారు. చాలా గ్యాప్ తరువాత శ్రీకాంత్ అడ్డాల ‘పెద్ద కాపు’ అనే చిత్రాన్ని తెరకెక్కిస్తున్నారు. జయజానకి నాయక, అఖండ లాంటి సినిమాల నిర్మాత మిర్యాల రవీందర్‌రెడ్డి తన మేనల్లుడు విరాట్ కర్ణను ఈ మూవీ ద్వారా టాలీవుడ్ కి హీరోగా పరిచయం చేస్తున్నాడు. తాజాగా ఈ చిత్రం నుండి ఫస్ట్ లుక్‌ పోస్టర్‌ రిలీజ్ అయ్యింది. ఇది ఇప్పుడు ఇండస్ట్రీలో సంచలనంగా మారిపోయింది. ఈ పోస్టర్ లో హీరో విరాట్ కర్ణ మాస్ లుక్‌ తో కనిపించాడు. అదే కాకుండా విరాట్ ఊరులోని ఓ వర్గానికి నాయకుడిగా కనిపిస్తున్నాడు. ఇక ఈ పోస్టర్ పై ‘ఓ సామాన్యుడి సంతకం’ క్యాప్షన్ కనిపిస్తోంది. దీంతో మూవీ ప్రారంభంలోనే పోస్టర్ అందరిని ఆకర్షించింది. ఈ మూవీ కోనసీమలో 1980ల నేపథ్యంలో సాగే కథ అని సమాచారం. ఆ సమయంలో అక్కడ జరిగిన రాజకీయాలు, కులాల, వర్గ పోరాటాలు, గొడవల చుట్టూ ఈ మూవీ కథ తిరుగుతుందని తెలుస్తుంది.

Also Read: ఆ ఒక్క మాట అడిగినందుకు”కృష్ణ”ను స్టూడియో మొత్తం తిప్పించిన మహేష్ బాబు.. అసలేమైందంటే?

ఒక మూవీని నిర్మించడం అనేది ప్రొడ్యూసర్ కు ఒక యజ్ఞం వంటిది. నిర్మాత తన సినిమా కోసం ఆస్తులన్నీ తాకట్టు పెట్టడం లేదంటే ఎక్కువ వడ్డీలకు అప్పులు తీసుకురావడం వంటివి చేస్తుంటారు. అయితే ఆ మూవీ విజయం సాధించి, మంచి వసూళ్లు వస్తేనే ఇండస్ట్రీలో కొనసాగడం సాధ్యం అవుతుంది. లేదంటే నష్టాలతో నడిబజారున పడుతారు. అలా నష్టాలతో దివాళా తీసిన ప్రొడ్యూసర్స్ ఉన్నారు.

సినీ రంగంలో స్థిరపడాలంటే ఎన్నో సాహసాలు చేయాల్సి వస్తుంది. తాజాగా హీరో రానా దగ్గుబాటి బాహుబలి సినిమాలను నిర్మించడం కోసం ఆర్కా మీడియా డబ్బు విషయంలో ఎలాంటి రిస్కులు చేసిందో వెల్లడించారు. అవి ఏమిటో ఇప్పుడు చూద్దాం..యంగ్ రెబల్ స్టార్ ప్రభాస్, రానా దగ్గుబాటి ప్రధాన పాత్రల్లో దర్శకధీరుడు రాజమౌళి తెరకెక్కించిన చిత్రం బాహుబలి దేశవ్యాప్తంగా ఎలాంటి సంచలన విజయం సాధించిందో అందరికి తెలిసిన విషయమే. ఈ మూవీ భారతీయ సినీ ఇండస్ట్రీ తీరుతెన్నులను ఒక్కసారిగా మార్చివేసింది. సినీ హిస్టరీలో ఈ చిత్రం మైలురాయిగా నిలిచిపోయింది.
అయితే ఈ చిత్రాలకు ఊహించని స్థాయిలో ఖర్చు అయ్యింది. ఈ మూవీ కోసం ప్రొడ్యూసర్స్ 400 కోట్లు అప్పు చేశారని ఇటీవల రానా చెప్పుకొచ్చారు. 3, 4 ఏళ్ల క్రితం చిత్రాలకు డబ్బులు పెట్టాలంటే ప్రొడ్యూసర్ తన ఇంటి నుంచి, లేదా బ్యాంకులలో ఆస్తులను తనఖా పెట్టి డబ్బులు వడ్డీకి తీసుకొచ్చేవారని రానా అన్నారు. గతంలో 24-28 శాతం వడ్డీ కట్టేవాళ్లమని చెప్పారు.బాహుబలి 1,2 చిత్రాల కోసం 300-400 కోట్లు 24 శాతం వడ్డీకి అప్పుగా తీసుకువచ్చారని రానా అన్నారు. బాహుబలి 1  సమయంలో చాలా ఆర్థిక సమస్యలను ఎదుర్కొన్నామని చెప్పారు. ఆ సమయంలో నిర్మాతలు 180 కోట్ల రూపాయలు 24 శాతం వడ్డీకి అప్పు చేశారని చెప్పుకొచ్చారు. బాహుబలి ఆడకపోతే ఆ కండిషన్ ను ఊహించుకోవడం కూడా కష్టమని రానా అన్నారు.

Also Read: “గుంటూరు కారం” వీడియోలో మహేష్ బాబుతో పాటు ఉన్న… మరొక హీరోని గుర్తుపట్టారా..? అస్సలు గమనించలేదే..?

పాన్ ఇండియా స్టార్ ప్రభాస్ హీరోగా బాలీవుడ్ దర్శకుడు ఓం రౌత్ తెరకెక్కించిన పాన్ ఇండియా చిత్రం ఆదిపురుష్   జూన్ 16న థియేటర్లలో రిలీజ్ కాబోతుంది. ఈ చిత్రంలో ప్రభాస్ మొదటిసారి శ్రీరాముడిగా నటిస్తున్నారు. హీరోయిన్ కృతి సనన్ సీతగా నటిస్తుండగా, బాలీవుడ్ స్టార్ హీరో సైఫ్ ఆలీఖాన్ రావణుడి క్యారెక్టర్ లో నటిస్తున్నారు.

భారీ బడ్జెట్ తో రూపొందిన ఈ చిత్రం, ఇటీవల రిలీజ్ అయిన ట్రైలర్ తో అంచనాలు పెంచేసింది. దీంతో ఈ మూవీ ప్రీ రిలీజ్ బిజినెస్ కూడా బాగానే జరిగిందని సమాచారం. అయితే ఆదిపురుష్ ప్రీ రిలీజ్ బిజినెస్ ఎంతో ఇప్పుడు చూద్దాం..
ప్రభాస్, కృతి సనన్ లు సీతారాములుగా నటిస్తున్న ‘ఆదిపురుష్’ సినిమాని తానాజీ సినిమా దర్శకుడు ఓం రౌత్ దాదాపు 550 కోట్ల భారీ బడ్జెట్ తో నిర్మించారు. ఓం రౌత్ తో కలిసి టి సిరీస్, రెట్రో ఫైల్స్ సంస్థలు ప్రతిష్టాత్మకంగా ఈ మూవీని నిర్మించాయి. జూన్ 16న రిలీజ్ కాబోతున్నఈ చిత్రం ప్రీ రిలీజ్ డీల్స్ ఇప్పటికే పూర్తి అయ్యాయి. మొత్తం ఐదు భాషలలో ఈ మూవీ పై 550 కోట్ల బిజినెస్ జరిగిందని తెలుస్తోంది. బాలీవుడ్ లో ఇప్పటిదాకా ఇదే అతిపెద్ద ప్రీ రిలీజ్ బిజినెస్ అని సమాచారం.
ఈ మూవీ డిజిటల్ శాటిలైట్ రైట్స్ కి 250 కోట్లు ఇప్పటికే ప్రొడ్యూసర్ కి వచ్చాయి. పీపుల్స్ మీడియా ఫ్యాక్టరీ తెలుగులో 185 కోట్లకి రైట్స్ ని తీసుకుంది. హిందీ, ఓవర్సీస్ మరియు ఇతర భాషలలో టి-సిరీస్ భూషణ్ కుమార్ సొంతంగా విడుదల చేస్తున్నారు. ఇక ఈ మూవీ మ్యూజిక్ రైట్స్ మాత్రం టి-సిరీస్ అమ్మలేదని తెలుస్తోంది. తమిళ, కన్నడ, మలయాళం, హిందీ భాషలలో ఏరియా వైజ్ గా ఫ్యాన్సీ రేటుకి లోకల్ డిస్టిబ్యూటర్స్ రైట్స్ ని తీసుకున్నారు.
మొత్తంగా చూసుకుంటే ఆదిపురుష్ పై 550 కోట్ల బిజినెస్ జరిగిందని తెలుస్తోంది. ఈ సినిమా బడ్జెట్ లో దాదాపు 350 కోట్లు భూషణ్ కుమార్ పెట్టారు. ఇక డిజిటల్ శాటిలైట్ రైట్స్ తోనే 75 శాతం వరకు బడ్జెట్ రికవరీ అయ్యింది. అందువల్ల పాజిటివ్ టాక్ తో ఒక వారం ఆడితే, ప్రొడ్యూసర్స్ కి లాభాలు రావడం ఖాయం అంటున్నారు ట్రేడ్ నిపుణులు.

Also Read: లోకేష్ కనగరాజ్ స్టోరీ… విజయ్ సేతుపతి హీరో..! ఈ సినిమా గురించి తెలుసా..?

టాలీవుడ్ లో మొదటి సారిగా ఈస్ట్ మన్ కలర్  పరిచయం చేసిన నటుడు కృష్ణ. ఈయన ఎన్నో అద్భుతమైన సినిమాలను రూపొందిస్తూ నెంబర్ వన్ గా నిలిచారు. కృష్ణ నట వారసుడిగా టాలీవుడ్ లోకి యువరాజు చిత్రంతో ఎంట్రీ ఇచ్చాడు మన సూపర్ స్టార్ మహేష్ బాబు. నటనలో తండ్రిని మించిన తనయుడు గా మంచి గుర్తింపు సంపాదించుకున్నాడు.

మే నెల 31న సూపర్ స్టార్ కృష్ణ పుట్టినరోజు సందర్భంగా ఆమె కుమార్తె అయిన మంజుల  ఒక ఇంటర్వ్యూ చేశారు. ఈ సందర్భంగా మహేష్ బాబు గురించి ఆసక్తికరమైన విషయాలు వెల్లడించారు కృష్ణ.

సూపర్ స్టార్ కృష్ణ నట వారసుడిగా మహేష్ బాబు టాలీవుడ్ లో అగ్ర హీరోగా కొనసాగుతున్నారు. ఆ ఇంటర్వ్యూలో మహేష్ ను మీరు చిన్న వయసులోనే సూపర్ స్టార్ గా రూపుదిద్దారు. ఇలా మహేష్ ను సినిమాల్లోకి అనుకోని తీసుకువచ్చారా  లేక ఏదైనా కారణం వల్ల అలా జరిగిపోయిందా అని మంజుల ప్రశ్నించగా, దీనిపై స్పందిస్తూ కృష్ణ మహేష్ బాబు గురించి ఆసక్తికరమైన విషయాలు వెల్లడించారు.

చిన్న వయస్సు నుంచి మహేష్ బాబును నావెంట షూటింగ్ లోకి తీసుకెళ్లేవాడిని. షూటింగ్ జరుగుతున్న సమయంలో మహేష్ ఒక మూలన కూర్చుని అంత గమనించేవారు. నేను తన దగ్గరకి వెళ్లి నువ్వు సినిమాలో నటిస్తావా అని అడగగా, చేయమని మారాం చేశాడు.

సినిమాలో చేస్తావా? చేయవా? అని నేను అనగానే  మహేష్ లేచి స్టూడియో మొత్తం పరుగులు పెడుతూ నన్ను తిప్పలు పెట్టాడు అని కృష్ణ మంజుల ప్రశ్నకు సమాధానం ఇచ్చారు.

సూపర్ స్టార్ మహేష్, త్రివిక్రమ్ కాంబో తెరకెక్కుతున్న “గుంటూరు కారం” సినిమా నుండి తాజాగా ఫస్ట్ గ్లింప్స్ రిలీజ్ అయిన విషయం తెలిసిందే. మహేష్ ఫ్యాన్స్ ఎంతగానో ఎదురుచూస్తున్న అప్డేట్ తో ఒక్కసారిగా వారిలో ఉత్సాహం మరింత పెరిగింది. ప్రస్తుతం సోషల్ మీడియాలో ఎక్కడ చూసినా గుంటూరు కారం గురించిన చర్చే జరుగుతోంది.

గత కొన్ని రోజులుగా ఈ మూవీ టైటిల్ గురించిన వార్తలు వినిపిస్తూనే ఉన్నాయి. ఫైనల్ గా వచ్చిన వార్తలను నిజం చేస్తూ మేకర్స్ అదే టైటిల్ ను ఖరారు చేశారు. దాంతో పాటే గ్లింప్స్ లో మహేష్ ను ఊర మాసుగా చూపించి ఫ్యాన్స్ ను సంతోషపెట్టారు. అయితే ఈ వీడియోలో మరో స్టార్ హీరో కూడా ఉన్నారు. ఆ హీరో ఎవరో ఇప్పుడు చూద్దాం..
ద మోస్ట్ అవేటెడ్ మూవీగా మాటల మాంత్రికుడు త్రివిక్రమ్ దర్శకత్వంలో వస్తున్న చిత్రం గుంటూరు కారం. తాజాగా విడుదల అయిన గ్లింప్స్ సూపర్ స్టార్ ఫ్యాన్స్‌కు మంచి కిక్కిస్తోంది. బీడీ తాగుతూ, కర్ర తిప్పుతూ, ఊర మాసు లెవెల్ లో ఎంట్రీ ఇచ్చిన మహేష్ బాబు స్వాగ్‌ ప్రస్తుతం ట్రెండ్ అవుతోంది. ఈ వీడియో ప్రస్తుతం యూట్యూబ్‌ను షేక్ చేస్తోంది.
రిలీజ్ అయ్యి 24 గంటలు కాకముందే 20 మిలియన్ల వ్యూస్ పొంది, రికార్డుల దిశగా మహేష్ ‘గుంటూరు కారం’ గ్లింప్స్ దూసుకెళుతోంది. అయితే ఈ వీడియోలో మరో నటుడు కూడా ఉన్నారంటూ కామెంట్స్ వినిపిస్తున్నాయి. కొందరికి ఈ విషయంలో అతడు మూవీలోని ఎమ్ ఎస్ నారాయణ పాపులర్ డైలాగ్ గుర్తుకువస్తోంది.
ఎందుకంటే ఈ వీడియోలో త్రివిక్రమ్ మరో యాక్టర్ ను చూపించి, చూపించనట్టుగా చూపించారని నెటిజెన్లు అంటున్నారు. ఆ నటుడు ఎవరో కాదు జగపతిబాబు. ఒకప్పుడు ఫ్యామిలి హీరోగా అలరించిన, ఆయన సెకండ్ ఇన్నింగ్స్ లో విలన్ గా రాణిస్తున్నారు. ఈ చిత్రంలో తాను భయంకరమైన విలన్ గా నటిస్తున్నట్టు ఇటీవల ఆయనే ఒక ఇంటర్వ్యూలో కూడా వెల్లడించాడు. ఇక గుంటూరు కారం గ్లింప్స్ జగపతిబాబు ఉన్నారని అంటున్నారు. ఈ గ్లింప్స్ లో 27 సెకన్ల వద్ద మహేశ్‌తో పాటుగా జగపతిబాబు కనిపించాడు. కానీ అది బ్లర్ ఎఫెక్ట్‌లో ఉంది. మహేష్ సిగరెట్ వెలిగిస్తున్నపుడు, కాలుస్తున్నప్పుడు పక్కనే జగపతిబాబు ఉన్నారు. వీడియోను ఆపి చూస్తే జగపతిబాబు అని తెలుస్తుంది. అలాగే గాల్లోకి జీప్‌ లేచినపుడు చెవులు మూసుకున్న వ్యక్తి జగపతిబాబు అని తెలుస్తోందని నెటిజెన్లు అంటున్నారు.

Also Read: ఏంటి తమన్ అన్నా… “గుంటూరు కారం” BGM కూడా కాపీయేనా..? ఏ సినిమా నుండి అంటే..?

సినీమా ఇండస్ట్రీలో ఒక హీరో చేయాల్సిన చిత్రం కొన్ని కారణాల వల్ల మరో హీరో నటించడం, ఆ చిత్రం సూపర్ హిట్ లేదంటే ప్లాఫ్ కావడం అనేది సాధారణంగా జరుగుతూనే ఉంటుంది. ఆ విషయం తెలిసినపుడు ఆ మూవీ హిట్ అయితే సదరు హీరో ఫ్యాన్స్ తమ హిరో మంచి మూవీని మిస్ చేసుకున్నాడని బాధపడతారు. అదే మూవీ ప్లాప్ అయితే హమ్మయ్య మా హీరో తప్పించుకున్నాడు అని సంతోషపడుతుంటారు.

ఇలా తాజాగా ఒక చిత్రానికి జరిగింది. అదే సూపర్ స్టార్ మహేష్ బాబు నటిస్తున్న గుంటూరుకారం చిత్రం. ఈ మూవీ గురించిన వార్త ఒకటి వైరల్ గా మారింది. ఈ మూవీలో ముందుగా అనుకున్నది మహేష్ ని కాదంట. మరో తెలుగు స్టార్ హీరోని అంట. మరి ఆ స్టార్ హిరో ఎవరో ఇప్పుడు చూద్దాం..
సూపర్ స్టార్ మహేష్ బాబు హీరోగా త్రివిక్రమ్ దర్శకత్వం వహిస్తున్న చిత్రం గుంటూరుకారం. తాజాగా రిలీజ్ అయిన ఈ మూవీ గ్లింప్స్ యూట్యూబ్ లో రికార్డులు సృష్టిస్తోంది. సోషల్ మీడియాలో దీని గూర్చి చర్చ జరుగుతోంది. ఈ వీడియోకి ఫ్యాన్స్ మరియు ఆడియన్స్ నుండి  సూపర్ రెస్పాన్స్ వచ్చింది. ఇక మహేష్ చాలా ఏళ్ల తరువాత మాస్ లుక్ లో కనిపించడంతో అభిమానులు ఇలాంటి గ్లిమ్స్ రిలీజ్ చేసినందుకు మేకర్స్ కు కృతఙ్ఞతలు చెప్తున్నారు.
అయితే తాజాగా మరొక వార్త సోషల్ మీడియాలో వైరల్ గా మారింది. ఈ మూవీకి హీరోగా త్రివిక్రమ్ ముందుగా ఎంచుకుంది మహేష్ బాబుని కాదంట. త్రివిక్రమ్ చేయాలనుకున్నది జూనియర్ ఎన్టీఆర్ తో అంట. ఆర్ఆర్ఆర్ మూవీ తరువాత తారక్ త్రివిక్రమ్ డైరెక్షన్ లో ఒక సినిమా చేయాల్సింది. త్రివిక్రమ్ చెప్పిన స్క్రిప్ట్  లో కొన్ని మార్పులు చేయమని చెప్పడం, త్రివిక్రమ్ మార్పులు చేసినప్పటికీ ఎన్టీఆర్ కి నచ్చలేదంట.
దాంతో ఆ కథకు మహేష్ బాబు తగిన విధంగా అదనంగా కొన్ని సన్నివేశాలను రాసి మహేష్ బాబుతో గుంటూరు కారం గా తీస్తున్నాడని టాక్ వినిపిస్తోంది. ఇక ఈ మూవీలో హీరోయిన్లుగా పూజ హెగ్డే, శ్రీలీల‌ నటిస్తున్నారు. సీనియర్ హీరో జగపతిబాబు విలన్‌గా చేస్తున్నాడు.

Also Read: SPIDER-MAN : ACROSS THE SPIDER-VERSE REVIEW : ఈ యానిమేటెడ్ స్పైడర్ మాన్ మూవీ అలరించిందా..? స్టోరీ, రివ్యూ & రేటింగ్.!

మెగాస్టార్ చిరంజీవి, కళాతపస్వి కె.విశ్వనాథ్, అభిరుచిగల నిర్మాత, పూర్ణోదయ మూవీ క్రియేషన్స్ అధినేత ఏడిద నాగేశ్వరరావుల కలయికలో వచ్చిన చిత్రం ‘ఆపద్బాంధవుడు’. ఈ చిత్రం వచ్చి 30 ఏళ్ళు అయింది. చిరంజీవికి ఉత్తమ నటుడిగా రెండో సారి నంది అవార్డు తీసుకొచ్చిన చిత్రమిది.

మాధవగా చిరు అభినయం ఇంటిల్లిపాదినీ కట్టిపడేసింది. ముఖ్యంగా మానసిక వికలాంగుడిగా చిరు ప్రదర్శించిన అభినయం తెలుగు ప్రేక్షకులకు ఎప్పటికీ గుర్తుండిపోతుంది. అయితే చూడటానికి ఆర్ట్ మూవీ కానీ.. ఈ మూవీలో ఫైట్ సీన్స్ కూడా ఉన్నాయి. వాటిలో ఒకటే చిరుకు – ఎద్దుకు జరిగే ఫైట్. అయితే ఈ ఫైట్ కోసం ఏకంగా ఆరు వేల కుండల్ని తెప్పించారట దర్శకుడు విశ్వనాధ్.

ఈ మూవీ లో వచ్చిన ఎద్దు ఫైట్ సీన్ కోసం నాలుగు రోజులు పట్టిందట. దీనికోసం పూర్ణోదయా మూవీ క్రియేషన్ 50 వేలు ఖర్చు పెట్టి.. ఆరు వేల కుండలను తెప్పించారట. ఎప్పటికప్పుడు పగిలిన కుండల స్థానం లో కొత్త కుండలు పెట్టేవారట. ఇలా చివరికి సీన్ పూర్తయ్యేసరికి కుండలు మిగల్లేదట. అప్పటికే మద్రాసులోని కుండలన్నీ వీళ్ళే తీసుకున్నారట.

దీంతో ఇంకా కుండలు కావలసి వస్తాయేమో అని ఆర్ట్ డిపార్మెంట్ అసిస్టెంట్స్ కుండల కోసం మద్రాసు చుట్టుపక్కల గ్రామాలన్నీ తిరుగుతూనే ఉన్నారట. అలా ఆరువేల కుండలతో ఈ ఫైట్ సీన్ ని పూర్తి చేశారట విశ్వనాధ్. ఈ మూవీ లో మీనాక్షి శేషాద్రి కథానాయకిగా అద్భుతమైన నటనను ప్రదర్శించారు. అలాగే ఈ మూవీ కోసం తొలిసారి జంధ్యాల మేకప్‌ వేసుకొన్నారు. ఆయన నటించిన మొదటి మరియు చివరి చిత్రం ఇదే.

అలాగే వివిధ విభాగాల్లో ఈ చిత్రానికి  5 నంది అవార్డులు వచ్చాయి. ‘ఆపద్బాంధువుడు’ కమర్షియల్‌గా పెద్ద విజయం సాధించకపోయినా విమర్శకుల ప్రశంసలు అందుకుంది. యం.యం. కీరవాణి అందించిన స్వరాలు ఇప్పటికీ ప్రేక్షకులకు గుర్తుండిపోయేలా ఉంటాయి. మొత్తం మీద చిరంజీవి కెరీర్‌లో ‘ఆపద్బాంధువుడు’ ఒక మరపురాని చిత్రం. అంతేకాదు, కళాతపస్వి కె.విశ్వనాథ్‌తో చిరంజీవికి ఇది రెండో చిత్రం. మొదటిది ‘స్వయంకృషి’.

Watch video: