Filmy Adda

శ్రీకాంత్ అడ్డాల దర్శకత్వంలో మహేష్ నటించిన `బ్రహ్మోత్సవం` భారీ అంచనాల నడుమ 2016 మే 20న రిలీజై.. ఘోర పరాజయాన్ని మూటగట్టుకున్న సంగతి తెలిసిందే. ఈ సినిమా మహేష్ కెరీర్ లోనే భారీ డిజాస్టర్ గా నిలిచింది. అంతకు ముందు ‘సీతమ్మ వాకిట్లో సిరిమల్లె చెట్టు’ సినిమా చేసిన నేపథ్యం లో మహేష్ ఈ చిత్రాన్ని ఓకే చేసినట్లు టాక్. అయితే ఫామిలీ చిత్రాలు తీయడం లో సిద్ధహస్తుడు అయిన శ్రీకాంత్ అడ్డాల కథ, కథనం, పాత్రల విషయాల్లో ఫుల్ కన్ఫ్యూజ్ అయిపోయాడు. దీంతో ఈ చిత్రం అట్టర్ ప్లాప్ అయ్యింది.

ఈ చిత్రం మహేష్ కెరీర్ లో ఆల్ టైం డిజాస్టర్స్ లో ఒకటి. నిజానికి ఈ సినిమా ప్రారంభానికి ముందే మహేష్ ను చాలా మంది హెచ్చరించారట. నిజానికి శ్రీకాంత్ అడ్డాల ఈ చిత్రం కథని ముందు ఎన్టీఆర్ కి చెప్పాడట. అయితే ఏడు తరాలు… కుటుంబం కోసం దేశ యాత్రలు.. అందులోనూ కమర్షియల్ ఎలెమెంట్స్ లేకపోవడం.. ఇవన్నీ చెక్ చేసుకుని ఎన్టీఆర్ ఈ స్క్రిప్ట్ ను రిజెక్ట్ చేసాడట. నిర్మాత బి.వి.ఎస్.ఎన్ ప్రసాద్ ఈ చిత్రాన్ని మొదట నిర్మించాలి అనుకున్నారు.. కానీ ఎన్టీఆర్ వద్దనేసరికి తప్పుకున్నాడట.

మరోపక్క దిల్ రాజు కూడా ఓ సందర్భంలో ఈ కథ మీకు అంత కరెక్ట్ కాదు అని కూడా మహేష్ తో చెప్పారట. అయినా మహేష్ అర్ధం చేసుకోలేదు. చివరికి బిగ్ ప్లాప్ ని మూటగట్టుకున్నాడు. మహేష్ ఆ తర్వాత వరుస సినిమాలు చేసాడు కానీ బ్రహ్మోత్సవం సినిమా తో సాలిడ్ దెబ్బ తిన్న శ్రీకాంత్ అడ్డాల నుండి కొత్త సినిమా రావడానికి ఏకంగా 5 ఏళ్ల టైం పట్టింది. అయితే తన అన్ని సినిమాల్లోలాగే ఈ చిత్రం లో కూడా బంధాలు, బంధుత్వాలు చాలా చక్కగా చూపించాడు శ్రీకాంత్ అడ్డాల. అయితే ప్రస్తుతం ఈ చిత్రం లోని ఒక సీన్ లో ఒక మిస్టేక్ ఉంది గమనించారా అంటూ సోషల్ మీడియా లో వైరల్ చేస్తున్నారు నెటిజన్లు.

ఈ మూవీ లో మహేష్ మదర్ రేవతి తన కుమార్తె తో వీడియో కాల్ మాట్లాడుతూ ఉంటుంది. అప్పుడు మహేష్ వచ్చి తన సోదరిని సరదాగా ఏడిపిస్తాడు. అయితే ఈ వాళ్ళు వీడియో కాల్ మాట్లాడే సమయంలో కాల్ మ్యూట్ లో ఉంటుంది. దాన్ని గుర్తించిన నెటిజన్లు.. మ్యూట్ లో ఉన్నప్పుడు కాల్ ఎలా మాట్లాడుతున్నారు అంటూ ట్రోల్ చేస్తున్నారు. ప్రస్తుతం ఆ వీడియో నెట్టింట వైరల్ గా మారింది.

watch video :

అల్లు అర్జున్ హీరోగా గుణశేఖర్ దర్శకత్వంలో తెరకెక్కిన మూవీ ‘వరుడు’ చిత్రం గుర్తుండే ఉంటుంది. ఎన్నో అంచనాల మధ్య వచ్చిన ఈ చిత్రం డిజాస్టర్ అయ్యింది. ఈ సినిమా విడుదల సమయంలో పెళ్లి సెట్‌తో పాటు అంతలా హాట్ టాపిక్‌గా మారిన అంశం ఏంటి అంటే ఈ చిత్రం లో పెళ్లి కూతురు ప్లస్ హీరోయిన్ ఎవరు అనే..

పోస్టర్లలో ఎక్కడా హీరోయిన్ ముఖాన్ని రివీల్ చేయకుండా గుణశేఖర్ జాగ్రత్తపడ్డాడు. ఆమె ఎవరనే సస్పెన్స్‌తో ప్రేక్షకులను థియేటర్లకు నడిపించాడు. అంతలా ఆసక్తి రేకెత్తించిన ఆ హీరోయిన్ ‘భాను శ్రీ మెహ్రా’ గుర్తుండే ఉంటుంది.

‘వరుడు’ చిత్రం పరాజయాన్ని చవిచూడటంతో తెలుగులో ఈ భామకు ఆశించిన స్థాయిలో అవకాశాలు రాలేదు.

గోవిందుడు అందరివాడేలే, బ్రదర్ ఆఫ్ బొమ్మాళి, అలా ఎలా చిత్రాల్లో గెస్ట్ రోల్స్ చేసిన ఈ అమ్మడు గతేడాది నెట్‌ఫ్లిక్స్ వేదికగా విడుదలైన కీర్తి సురేష్ సినిమా ‘మిస్ ఇండియా’లో సహానా పాత్రలో మెరిసింది. ఈ సినిమాలో కీర్తి సురేష్ అక్క పాత్రలో నటించింది. కానీ సినిమాలో భాను శ్రీ కనిపించేది కొంచెం సేపు మాత్రమే. దాంతో పెద్ద సినిమాలో నటించిన కూడా అంత పెద్దగా గుర్తింపు రాలేదు.

భాను శ్రీ మెహ్రా గతేడాది కరణ్‌మన్‌హాస్‌ను పెళ్లాడింది. ప్రస్తుతం భాను శ్రీ చేతిలో సినిమాలు లేవు. కానీ ఆమె సోషల్ మీడియా ద్వారా నిత్యం ఫాన్స్ తో టచ్ లోనే ఉంటుంది.

ఆమె ఫొటోలను చూసిన చాలా మంది ఫాన్స్  అల్లు అర్జున్ ‘వరుడు’ సినిమాలో పెళ్లి కూతురిగా నటించిన ఆ అమ్మాయి, ఈ పంజాబీ హాట్ బ్యూటీ ఒకరేనా అని సందేహంతో నోరెళ్లబెడుతున్నారు.

చాలా మంది హీరోయిన్లు కొన్ని సంవత్సరాలు పాటు ప్రేక్షకులకు కనిపించకుండా పోయి మళ్లీ ఇప్పుడు సినిమాల్లోకి వస్తున్నారు. వారిలో చాలామంది పెద్ద పెద్ద హీరోయిన్లు కూడా ఉన్నారు. మళ్లీ సినిమాల్లో హీరోయిన్ పాత్రలో కాకపోయినా కూడా ఒక ముఖ్య పాత్రలో నటిస్తున్నారు. మరి భాను శ్రీ మెహ్రా కూడా మళ్లీ అలా సినిమాల్లో కనిపిస్తారు ఏమో. ప్రస్తుతం అయితే భాను శ్రీ సినిమాలకి దూరంగానే ఉంటున్నారు. అసలు మళ్లీ సినిమాల్లోకి వస్తారు లేదు అనేది కూడా తెలియదు.

సినిమా ఇండస్ట్రీలో సమాజ సేవ కూడా చేస్తున్న సెలబ్రిటీలు చాలా తక్కువ మంది ఉన్నారు. అది కూడా తెలుగు సినిమా ఇండస్ట్రీలో అయితే ఇంకా తక్కువ మంది ఉన్నారు. వారిలో హీరోయిన్లు కూడా ఉన్నారు. అలా, సమాజ సేవ కోసం తన వంతు కృషి చేస్తున్న హీరోయిన్ సమంత.

సమంత సినిమాల్లోకి వచ్చిన కొత్తల్లోనే ప్రత్యూష ఫౌండేషన్ పేరుతో ఒక స్వచ్ఛంద సంస్థ నెలకొల్పి, ఎంతో మందికి వైద్యం, ఆర్థిక సహాయం అందించారు. సమంత సామాజిక అంశాల మీద కూడా మాట్లాడుతూ ఉంటారు. సోషల్ మీడియా ద్వారా ఎన్నో విషయాలను షేర్ చేస్తూ ఉంటారు.

సమంత ఇటీవల టేక్ 20 అనే ఒక పాడ్ కాస్ట్ మొదలు పెట్టారు. ఇందులో కొన్ని ఆరోగ్యానికి సంబంధించిన విషయాల మీద సమంత మాట్లాడుతున్నారు. ఈ పాడ్ కాస్ట్ సమంత యూట్యూబ్ ఛానల్ లో ఉంది. ఈ పాడ్ కాస్ట్ 2 ఎపిసోడ్స్ రిలీజ్ అయ్యాయి. అయితే ఇందులో సమంత చెప్పిన ఒక విషయం మీద ఒక డాక్టర్ ఫైర్ అయ్యారు. తెలివి లేకుండా ఇద్దరు కూర్చొని మాట్లాడుతున్నారు అని చెప్పారు. ఇటీవల సమంత చెప్పిన పాడ్ కాస్ట్ లో లివర్ డిటాక్సింగ్ అనే అంశం మీద మాట్లాడారు. అసలు అలా చేయడం కుదరదు అని ఈ డాక్టర్ చెప్పారు. ద లివర్ డాక్ పేరుతో ఈ డాక్టర్ సోషల్ మీడియా అకౌంట్స్ ఉంటాయి.

సమంత ఈ అంశం మీద మాట్లాడినది అంతా కూడా తప్పు అంటూ ఆ డాక్టర్ వివరంగా దానికి సంబంధించిన విషయాలని చెప్పారు. అసలు మానవ శరీరం అనేది ఎలా పని చేస్తుంది అనే విషయం తెలియదు అని అన్నారు. ఈ విషయం మీద తప్పుడు వివరణ, తప్పుడు సందేశం ఇస్తున్నారు అని చెప్పారు. ఆరోగ్యం గురించి తెలియని ఒక అజ్ఞాని ఈ వీడియోలో మాట్లాడారు అని సమంతతో ఉన్న మరొక వ్యక్తి గురించి కూడా ఈ డాక్టర్ చెప్పారు.

This is Samantha Ruth Prabhu, a film star, misleading and misinforming over 33 million followers on "detoxing the liver."

The podcast feature some random health illiterate "Wellness Coach & Performance Nutritionist" who has absolutely no clue how the human body works and has the… pic.twitter.com/oChSDhIbu2

— TheLiverDoc (@theliverdr) March 10, 2024

ఇటీవల కీర్తి భట్ కుమారి ఆంటీ ఫుడ్ బాలేదు అంటూ మాట్లాడిన సంగతి తెలిసిందే. కుమారి ఆంటీ ఫుడ్ కి డిమాండ్ విపరీతంగా పెరిగిపోయింది. చాలా మంది కుమారి ఆంటీ ఫుడ్ స్టాల్ దగ్గరికి వెళ్లి సినిమా ప్రమోషన్స్ కూడా చేస్తున్నారు. ఇప్పుడు కుమారి అంటే ఏకంగా టీవీలోనే కనిపిస్తున్నారు. ముందు ఈవెంట్స్ లో, ఇప్పుడు సీరియల్స్ లో కూడా వస్తున్నారు.

కేవలం ఒకే ఒక్క వీడియోతో చాలా ఫేమస్ అయిపోయారు. కానీ ఆ వీడియో పక్కన పెడితే, కుమారి ఆంటీ ఫుడ్ స్టాల్ వెనుక చాలా కష్టం కూడా ఉంది. చాలా సంవత్సరాల నుండి ఈ ఫుడ్ స్టాల్ కుమారి ఆంటీ నడుపుతున్నారు. అయితే ఇప్పుడు ఇంత ఫేమస్ అవ్వడంతో, చాలా మంది సెలబ్రిటీలు కూడా కుమారి ఆంటీ ఫుడ్ స్టాల్ కి వెళ్తున్నారు.

కీర్తి భట్ భర్త తనని కుమారి ఆంటీ స్టాల్ కి తీసుకెళ్లారు. అక్కడ కీర్తి భట్ భోజనం చేసి, ఎందుకు ఇంత హైప్ ఇస్తున్నారు తనకి అర్థం కాలేదు అని అన్నారు. చికెన్ కర్రీ చాలా కారంగా ఉంది అని అన్నారు. అంతే కాకుండా, కుమారి ఆంటీ కంటే చికెన్ కర్రీ తానే బాగా చేస్తాను అని కూడా చెప్పారు. అయితే, ఎవరి అభిప్రాయం వారిది అని కూడా కీర్తి చెప్పారు. ఇప్పుడు కుమారి ఆంటీ ఈ విషయం మీద స్పందించారు. ఈ విషయంపై కుమారి ఆంటీ మాట్లాడుతూ, “కీర్తి భట్ షాప్ దగ్గరికి వచ్చిన రోజు నేను లేను. నేను ఆరోజు ఊరు వెళ్లడంతో అంకుల్, మా అన్నయ్య, వదిన వాళ్ళు ఉన్నారు. అప్పుడే కీర్తి భట్ వచ్చి తిన్నట్టు ఉన్నారు. మగవాళ్ళు వండిన దానికి ఆడవాళ్ళు వండిన దానికి తేడా ఉంటుంది కదా.”

“నేను ఎప్పుడూ ఒకరిని తక్కువ చేసి మాట్లాడను. కానీ ఎవరి టేస్ట్ వాళ్ళది. ఒకరికి నచ్చేది ఇంకొకరికి నచ్చదు. మంచిని అంగీకరించినప్పుడు చెడుని కూడా అంగీకరించాలి. వాళ్ళకి నచ్చలేదు అని అంటే అది వాళ్ళ అభిప్రాయం. నా గురించి చెడుగా చెప్పారు అనే కారణంతో వారిని తక్కువ చేయను. నా పని నాది. వాళ్ళ పని వాళ్ళది. వాళ్ళు నా గురించి చెడుగా మాట్లాడారు అని నేను వాళ్ల గురించి చెడుగా మాట్లాడడం అనేది గౌరవం కాదు. కీర్తి అభిప్రాయాన్ని నేను గౌరవిస్తున్నాను” అని కుమారి ఆంటీ చెప్పారు.” దాంతో కుమారి ఆంటీ ఇలాంటి పరిస్థితిని కూడా చాలా బాగా హ్యాండిల్ చేశారు అని అంటున్నారు.

ALSO READ : “రాధిక మర్చంట్” ఆస్తుల విలువ ఎంతో తెలుసా..? “అనంత్ అంబానీ” కంటే ఎంత తక్కువ అంటే..?

సౌత్ ఇండియ‌న్ నెంబ‌ర్ వ‌న్ హీరోయిన్‌గా కొన్నేళ్ల పాటు చ‌క్రం తిప్పిన అనుష్క శెట్టి బాహుబలి చిత్రం తర్వాత చిత్రాలను తగ్గించేసింది. బాహుబలి తర్వాత అనుష్క చాల ఆచితూచి చిత్రాలను చేస్తోంది. ఆ తర్వాత భాగమతి, నిశ్శబ్దం చిత్రాలు మాత్రమే చేసింది. ప్రస్తుతం నవీన్ పోలిశెట్టి తో మరో చిత్రం లో నటిస్తోంది. ఇటీవలే ఆ చిత్రానికి సంబంధించిన ఫస్ట్ లుక్ పోస్టర్ రిలీజ్ చేసారు. సైజ్ జీరో చిత్రం కోసం బరువు పెరిగిన అనుష్క ఇప్పటికీ ఆ బరువును తగ్గించుకోడానికి తంటాలు పడుతోంది.

సూపర్ చిత్రం తో హీరోయిన్ గా ఎంట్రీ ఇచ్చిన అనుష్క తక్కువ కాలం లోనే స్టార్ హీరోలందరితో నటించేసింది. అరుంధతి చిత్రం తో స్టార్ హీరోయిన్ గా ఎదిగిపోయింది. ఆ తర్వాత లేడీ ఓరియెంటెడ్ చిత్రాలకు కేర్ అఫ్ అడ్రసుగా మారిపోయింది అనుష్క. ఆ తర్వాత రాజమౌళి తీసిన బాహుబలి చిత్రం తో నేషనల్ స్టార్ గా మారిపోయింది.

అయితే తన కెరీర్ లో అనుష్క చాలా మంది స్టార్ హీరోలతో నటించింది. కానీ ఒక ఇద్దరు హీరోలు మాత్రం ఆమెకు కొడుకుగా, లవర్ గా, భర్తగా నటించారు. వారిద్దరూ ఎవరా అనుకుంటున్నారా.. వారే ప్రభాస్, అడివి శేష్. ప్రభాస్, అనుష్క ది సూపర్ హిట్ పెయిర్. వీరిద్దరూ చాలా హిట్ చిత్రాల్లో నటించారు. అయితే అనుష్కకి ప్రభాస్ బిల్లా, మిర్చి చిత్రాల్లో లవర్ గా నటించాడు. అలాగే బాహుబలి చిత్రం లో ప్రభాస్ పాత్ర అమరేంద్ర బాహుబలి అనుష్కకి భర్తగా, మరో పాత్ర అయిన శివుడు కొడుకుగా నటించాడు.

అలాగే మరో హీరో అడివి శేష్ కూడా అనుష్కకి భర్తగా, లవర్ గా, కొడుకుగా నటించాడు. ప్రస్తుతం పాన్ ఇండియా హీరోగా మారిన అడివి శేష్.. కెరీర్ ప్రారంభం లో చాలా చిత్రాల్లో సహాయక పాత్రల్లో నటించారు. అలాగే అడివి శేష్ అనుష్క నటించిన సైజ్ జీరో చిత్రం లో అనుష్కకి లవర్ గా నటించాడు. అలాగే నాగార్జున, కార్తీ నటించిన ఊపిరి చిత్రం లో అనుష్కకి భర్తగా నటించాడు శేష్. అదే విధంగా బాహుబలి చిత్రం లో అడివి శేష్ భల్లాల దేవుడికి కొడుకుగా నటించారు. అలా చూస్తే అమరేంద్ర బాహుబలి, దేవసేన పాత్రలకు కూడా కొడుకే. ఇలా శేష్ అనుష్క కి కొడుకు పాత్రలో కూడా నటించాడు.

కంటెంట్ బాగుంటే సినిమాలను క్రేజీగా చూస్తున్నారు ప్రేక్షకులు. దీంతో భాషతో సంబంధం లేకుండా…పాత్ర ఏదైనా సరే పట్టించుకోకుండా.. స్టార్ హీరోయిన్స్ సినిమాలు చేయడానికి ఇంట్రెస్ట్ చూపిస్తున్నారు.

అందుకే కీర్తి సురేష్ ,నయనతార లాంటి హీరోయిన్లు చిరంజీవి పక్కన చెల్లెలు క్యారెక్టర్ చేయడానికి కూడా వెనకాడడం లేదు. సిస్టర్ క్యారెక్టర్ వరకు పర్లేదు.. కానీ ఏకంగా ఒకప్పుడు ఎన్టీఆర్ తో హీరోయిన్ గా చేసి ఇప్పుడు అతని తల్లి క్యారెక్టర్ కి ఓకే చెప్పింది ఒక నటి.

యంగ్ టైగర్ ఎన్టీఆర్ కొరటాల కాంబోలో వస్తున్న మోస్ట్ అవైటెడ్ మూవీ దేవర . ఇందులో ఎన్టీఆర్ కు తల్లి క్యారెక్టర్ లో నటించనున్న హీరోయిన్ ఎవరో కాదు ప్రియమణి. అవునండి ఇదే ప్రియమణి ఎన్టీఆర్ తో యమదొంగ చిత్రంలో హీరోయిన్ గా చేసింది. ఆ మూవీలో వాళ్ళిద్దరూ మధ్య సాంగ్స్, స్టెప్స్ ఒక రేంజ్ లో ఉంటాయి. మొన్నటికి మొన్న షారుక్ ఖాన్ జవాన్ చిత్రంలో సౌత్ స్టార్స్ పవర్ చూపించింది. ఎన్టీఆర్ అమ్మ క్యారెక్టర్ కి ప్రియమణిని తీసుకోబోతున్నట్లు ఒక న్యూస్ ప్రస్తుతం సోషల్ మీడియాలో వైరల్ అవుతుంది.

ఇది విని చాలా మంది షాక్ కి కూడా గురి అవుతున్నారు మరి. అయితే దేవర మూవీలో ఎన్టీఆర్ అమ్మ క్యారెక్టర్ లో ప్రియమణి అతని చిన్నప్పటి సమయంలో కనిపిస్తుంది. అంటే అప్పటికి ఎన్టీఆర్ ..ఎన్టీఆర్ లాగా ఉండడు.. ఏదో ఒక చిన్న పిల్లాడి లాగా ఉంటాడు కాబట్టి పర్లేదని సరిపెట్టుకోవచ్చు. అయితే ప్రస్తుతం ఈ విషయంపై సోషల్ మీడియాలో ఒక చిన్న డిస్కషన్ జరుగుతోంది. కత్తిలాంటి పాపను అమ్మ క్యారెక్టర్ కి ఎట్లా సెట్ చేశావయ్యా…అంటూ నెటిజెన్స్ కొరటాల శివ పై కామెంట్స్ పెడుతున్నారు.

ALSO READ : “రాశి ఖన్నా” కి ఏమయ్యింది..? తెలుగు సినిమాలకి ఎందుకు దూరం అయ్యారు..?

సూపర్ స్టార్ కృష్ణ ప్రయోగాలకు మారుపేరు. టాలీవుడ్‌కు కౌబాయ్, జేమ్స్ బాండ్ చిత్రాలను పరిచయం చేసిన హీరో. తెలుగు సినిమా ఖ్యాతిని మరోస్థాయికి తీసుకువెళ్లి సంచలనాలకు కేరాఫ్ అడ్రస్‌గా నిలిచారు. టాలీవుడ్ ఇండస్ట్రీకి ఎన్నో బ్లాక్‌బస్టర్ సినిమాలను అందించి చరిత్రలో తన పేరును నిలిచిపోయేలా చేసుకున్నారు. కృష్ణ తేనే మనసులు చిత్రం తో సినిమా ఇండస్ట్రీ లోకి అడుగు పెట్టారు. అయితే ఆ చిత్ర సమయంలో కృష్ణ తనని తాను ప్రేక్షకులకు పరిచయం చేసుకుంటూ ఒక లేఖ రాసారు.

ఆయన స్వయంగా రాసిన ఆ లేఖ ఇప్పుడు వైరల్‌గా మారింది. ఆ లేఖ లో కృష్ణ ఏం రాసారంటే..” రసిక ప్రపంచానికి నా వందనాలు నాపేరు కృష్ణ. ‘తేనె మనసులు’ చిత్రంలో పేరు బసవరాజు. సినిమాలో నటించాలన్న ఆశతో ఎన్నాళ్ల నుంచో లెఫ్ట్ రైట్ కొడుతూ కలగంటున్న నాకు ఇన్నాళ్లకు అది రంగురంగుల కలగా ఈస్ట్మన్ కలర్లో నిజమైంది. కాని దానికోసం దర్శకులు, డాన్సు డైరెక్టర్ నాచేత మూడు మాసాలబాటు అక్షరాలా డ్రిల్లు చేయించారు. తరవాత నటన నేర్పారు. డాన్సు నేర్పారు. చివరికి నావేషం ఏమిటండీ అంటే.. డ్రిల్లు మేష్టరేనన్నారు. నటన మాత్రం డ్రిల్లు లాగే రాకుండా జాగ్రత్తగా, శ్రద్ధగా చేశాననుకోండి. మీరందరూ చూసి బాగోగులు చెప్పే క్షణం కోసం ఆశతో ఆరాటంతో ఎదురు చూస్తున్నాను. ఉగాదికి నా శుభాకాంక్షలు – కృష్ణ, 27.03.65” అని రాసారు.

ఆదుర్తి సుబ్బారావు దర్శకత్వంలో వచ్చిన ‘తేనెమనసులు’ సినిమా 1965 మార్చి 31న రిలీజ్ అయింది. దానికి ముందు ప్రీ రిలీజ్ కార్యక్రమంలో కృష్ణ తనను తాను ఇలా సరికొత్తగా పరిచయం చేసుకున్నారు. ఇలాంటి వినూత్న ఆలోచనలతో కృష్ణ అందరి దృష్టినీ ఆకర్షించే వారు. ప్రస్తుతం ఈ లెటర్ వైరల్ అవుతోంది. ఈ చిత్రం తర్వాత వచ్చిన ‘గూఢచారి 116’ సినిమా తో ఆయన వెనుదిరిగి చూసుకోలేదు. ఆ తర్వాత ఆయన 20 చిత్రాల్లో నటించేందుకు సంతకాలు చేసారు.

కృష్ణ రోజుకి మూడు షిఫ్టుల్లో పనిచేసి ఏడాదికి పదుల సంఖ్యలో సినిమాలు విడుదల చేసేవారంటే సినిమా పట్ల ఆయనకు ఉన్న ఆసక్తి ఏంటో అర్ధమవుతుంది. అప్పట్లోనే కౌ బాయ్, జేమ్స్ బాండ్ లాంటి సినిమాలను పరిచయం చేసి ట్రెండ్ సెట్ చేశారు కృష్ణ. ఆయన చేసే ప్రతీ ప్రయోగం ఇండస్ట్రీకు ఎంతో ఉపయోగపడింది. ఒక రకంగా చెప్పాలంటే తెలుగు సినిమా ఇండస్ట్రీ సాంకేతికంగా అభివృద్ధి చెందటానికి కృష్ణ ప్రముఖ పాత్ర పోషించారు.

ఒక సినిమా అన్న తర్వాత చాలా మంది కష్టపడాలి. పాత్ర కోసం వాళ్ళని వాళ్ళు మార్చుకోవాలి. సాధారణంగా సినిమాల్లో హీరోయిన్లకి పాత్ర పరిమితి తక్కువగా ఉంటుంది. చాలా తక్కువగా హీరోయిన్లకి మంచి పాత్రలు వస్తాయి. అందులోనూ పాత్ర కోసం వారిని వారు మార్చుకోవాల్సినలాంటి పాత్రలు మాత్రం ఇంకా తక్కువగా వస్తాయి.

అలా వచ్చినప్పుడు ఆ పాత్ర కోసం కష్టపడి వాళ్ళని వాళ్ళు నిరూపించుకుంటేనే వాళ్ళ కెరీర్ లో ఒక మెట్టు పైకి ఎదుగుతారు. అలా మన హీరోయిన్లలో కొంత మంది వాళ్ళ పాత్రల కోసం, అవి సహజంగా రావడం కోసం తమని తాము మార్చుకున్నారు. పాత్ర కోసం ఎంత కష్టపడాలో అంత కష్టపడ్డారు. అలా పాత్రల కోసం వాళ్ళని వాళ్ళు మార్చుకున్న హీరోయిన్స్ ఎవరో ఇప్పుడు చూద్దాం.

#1 శ్రీయా రెడ్డి

సలార్ సినిమా కోసం శ్రీయా రెడ్డి వెండి జువెలరీ వేసుకోవాల్సి వచ్చింది. ఇయర్ రింగ్స్ బరువు ఎక్కువగా ఉండడంతో చెవులకి గాయాలు అయ్యి కుట్లు కూడా పడ్డాయి. పాత్ర కోసం ఇంత కష్టపడ్డారు.

#2 సప్తమి గౌడ

కాంతార సినిమాలో తన పాత్ర కోసం సప్తమి గౌడ నిజంగానే ముక్కు కుట్టించుకున్నారు.

#3 కంగనా రనౌత్

మణికర్ణిక సినిమాలోని ఝాన్సీ లక్ష్మీబాయి పాత్ర కోసం కత్తి యుద్ధాలు నేర్చుకున్నారు. తలైవి సినిమాలో జయలలిత పాత్ర కోసం బరువు పెరిగారు. మళ్లీ వెంటనే బరువు కూడా తగ్గారు.

#4 లిజోమోల్ జోస్

జై భీమ్ సినిమాలోని తన పాత్ర కోసం అక్కడ మాంసాన్ని తినడం వంటివి చేశారు.

#5 సమంత

రంగస్థలంలో సమంత బర్రెలని తోమే సీన్ ఉంటుంది. నిజంగానే సమంత బర్రెలని నడిపించడం, బర్రెలని తోమడం చేశారు. యశోద కోసం ఫైటింగ్ కూడా నేర్చుకున్నారు.

#6 ప్రియాంక చోప్రా

బర్ఫీ సినిమాలోని తన పాత్ర కోసం ప్రియాంక చోప్రా మాట్లాడలేని, వినిపించని వారి స్కూల్ కి వెళ్లి వారి ప్రవర్తన ఎలా ఉంటుంది అనేది చూసి తెలుసుకున్నారు. అందుకనే సినిమాలో అంత బాగా నటించారు.

#7 అనుష్క శెట్టి

అరుంధతి కోసం కత్తి యుద్ధాలు నేర్చుకున్నారు. సైజ్ జీరో సినిమా కోసం బరువు పెరిగారు.

#8 రితిక సింగ్

రజినీకాంత్ హీరోగా నటిస్తున్న వెట్టయ్యన్ సినిమాలో రితిక సింగ్ ఒక ముఖ్య పాత్రలో నటిస్తున్నారు. ఈ సినిమా కోసం ఫైటింగ్స్ నేర్చుకున్నారు. ఇందులో భాగంగా గాయాలు కూడా తగిలాయి. ఈ విషయాన్ని సోషల్ మీడియా ద్వారా షేర్ చేసుకున్నారు.

#9 పూర్ణ

కోడి వీరన్ అనే సినిమాలో పూర్ణ గుండుతో కనిపించే సన్నివేశం ఉంటుంది. ఈ పాత్ర కోసం నిజంగానే పూర్ణ తన జుట్టు తీయించుకున్నారు. సాధారణంగా ఒక హీరోయిన్ ఇలా చేయడం అంటే సాహసం. కానీ పూర్ణ చేశారు.

#10 కృతి సనన్

మిమి అనే సినిమా కోసం గర్భవతిగా కనిపించడానికి కృతి సనన్ 15 కిలోల బరువు పెరిగారు. అది తగ్గడానికి చాలా సమయం పట్టింది అని కూడా చెప్పారు. ఈ సినిమాకి జాతీయ అవార్డు అందుకున్నారు.

వీళ్లు మాత్రమే కాకుండా ఇంకా చాలా మంది హీరోయిన్లు తమ పాత్రల కోసం ఎంతో కష్టపడి గుర్తింపు సాధించారు.

ALSO READ : సినిమా రిలీజ్ అయిన 15 ఇయర్స్ తర్వాత తెలిసిందిగా.? “ఓయ్” అంటే అర్ధం ఇదా.?

కళాతపస్వి కె.విశ్వనాథ్ తెలుగు చిత్ర పరిశ్రమలోనే కాకుండా బాలీవుడ్ ఇండస్ట్రీలో కూడా మర్చిపోలేని సినిమాలను తెరపైకి తీసుకువచ్చారు. కొన్ని సినిమాలు బాక్స్ ఆఫీస్ వద్ద భారీ స్థాయిలో విజయాలను అందుకునేవి. స్టార్ హీరోలు కూడా కమర్షియల్ గా ఆలోచించకుండా ఆయనతో సినిమాలు చేయడానికి ఎక్కువగా ఆసక్తిని చూపించేవారు. ఆయన సినిమాలతో ఎన్నో లెక్కలేనన్ని అవార్డులు, రివార్డులు అందుకున్నారు. ఆయన ప్రతి సినిమాకి ఏదో ఒక అవార్డు వచ్చింది. అంతలా ఆయన సినిమాలు అవార్డుల జ్యురి మెంబర్స్ ని కూడా కదిలించాయి.

ఎన్నో కల్ట్ క్లాసిక్స్ లాంటి సినిమాలతో ప్రేక్షకులని మెప్పించడమే కాకుండా భావి దర్శకులకు ఒక మార్గదర్శకంగా నిలిచారు కె.విశ్వనాథ్. ఇక విశ్వనాథ్ సినీ జీవితంలో తీసిన మరపురాని చిత్రాలేవో ఇప్పడు చూద్దాం..

#1 శంకరాభరణం

1980 లో వచ్చిన ‘శంకరాభరణం’ సినిమా తెలుగు బెస్ట్ క్లాసిక్ సినిమాల్లో ఒకటి. సాంప్రదాయం సంగీత కళకు అద్దం పట్టేలా ఉండే ఆ సినిమా విడుదలైన అన్ని భాషల్లో కూడా మంచి క్రేజ్ అందుకుంది. అత్యంత ప్రజాదరణ పొందిన సినిమాగా శంకరాభరణం నేషనల్ అవార్డు గెలుచుకుంది. ఈ చిత్రం లో సోమయాజులు, మంజు భార్గవి, చంద్రమోహన్ నటించారు. కెవి. మహదేవన్ సంగీతం ఈ చిత్రానికి ప్రాణం పోసింది.

#2 సాగర సంగమం

కళాతపస్వి తో చిత్రాలు చేసేందుకు స్టార్ హీరోలందరూ క్యూ కట్టేవారు. కమలహాసన్ స్వయంగా విశ్వనాధ్ దగ్గరకు వచ్చి ఆయనతో సినిమా చేస్తానని చెప్పారట. అలా ‘సాగర సంగమం’ చిత్రం చేసారు విశ్వనాథ్. అప్పట్లో ఈ చిత్రం బాక్స్ ఆఫీస్ వద్ద కమలహాసన్ కెరీర్ లో అత్యధిక కలెక్షన్స్ అందుకున్న సినిమాగా నిలిచింది.

#3 స్వాతి ముత్యం

ఆ తర్వాత వచ్చిన స్వాతి ముత్యం చిత్రం కూడా రికార్డ్స్ కొల్లగొట్టింది. 1985లో విడుదలైన తెలుగు కుటుంబ కథా చిత్రం ‘స్వాతిముత్యం’. పెద్దలని ఎదిరించి పెళ్ళి చేసుకున్న ఒక సాంప్రదాయ సామాన్య కుటుంబానికి చెందిన యువతి, చిన్నపుడే భర్త పోతే ఎదురుకున్న పరిస్థితులు ఇందులో చూపించారు. ఈ చిత్రం లో రాధికా, కమల్ హాసన్ ప్రధాన పాత్రల్లో నటించారు.

#4 స్వర్ణ కమలం

చిత్రకారుడైన యువకుడు తన పక్కింట్లో ఉండే బ్రాహ్మణ విద్వాంసుని కుమార్తెను నాట్యకళలో ప్రోత్సహించి ఉన్నత శిఖరాలకు చేర్చడమే ఈ సినిమా కథ. ఇందులో వెంకటేష్, భానుప్రియ అద్భుతంగా నటించి మెప్పించారు.

#5 స్వయంకృషి

కృషి, నైతికత, స్వావలంబన విలువలను పెంపొందించే గొప్ప కుటుంబ కథా చిత్రం ‘స్వయంకృషి’. ఈ సినిమాలో చిరంజీవి చెప్పులు కుట్టే వ్యక్తి పాత్రలో నటించారు. చెప్పులు కుట్టుకునే సాధారణ వ్యక్తి ఆ తర్వాత ఎన్నో చెప్పులు దుకాణాలు ప్రారంభించి గొప్ప సంపన్న వ్యక్తిగా ఎలా మారతాడనేది ఈ సినిమాలో చూపించారు. అప్పటికే కమర్షియల్ చిత్రాల్లో హీరోగా నటిస్తున్న చిరంజీవిని ఈ చిత్రం లో చెప్పులు కుట్టే వ్యక్తిగా చూపించడమంటే పెద్ద సామసమనే చెప్పాలి.

#6 శుభలేఖ

అప్పటికి సినిమాల్లో నిలదొక్కుకుంటున్న చిరంజీవికి ‘శుభలేఖ’ మంచి గుర్తింపు తెచ్చింది. వరకట్నానికి వ్యతిరేకం గా తెరకెక్కించిన ఈ చిత్రం లో సుమలత, చిరంజీవి అద్భుతంగా నటించారు.

#7 సిరివెన్నెల

1986లో విడుదలైన సంగీత ప్రాధాన్యతా చిత్రం ‘సిరివెన్నెల’. సర్వదమన్ బెనర్జీ, సుహాసిని జంటగా నటించారు. కె. వి. మహదేవన్ సంగీత దర్శకత్వం వహించిన ఈ సినిమాలోని పాటలన్నీ సీతారామ శాస్త్రి రాశారు. ఆ తర్వాత ఈ సినిమా పేరే ఆయన ఇంటి పేరుగా మారింది.

#8 స్వాతి కిరణం

‘స్వాతి కిరణం’ చిత్రం 1992లో విడుదలై అద్భుత విజయాన్ని అందుకుంది. మమ్ముట్టి, రాధిక ప్రధాన పాత్రల్లో నటించారు.

#9 శ్రుతిలయలు

రాజశేఖర్, సుమలత ప్రధాన పాత్రల్లో తెరకెక్కిన శ్రుతిలయలు చిత్రానికి గాను విశ్వనాథ్ గారు బెస్ట్ డైరెక్టర్ అవార్డు గెలుచుకున్నారు.

#10 శుభ సంకల్పం

కమల్ హాసన్, ఆమని ముఖ్యపాత్రల్లో నటించిన ఈ చిత్రానికి కీరవాణి సంగీతం అందించారు.

#11 ఆపద్భాంధవుడు

చిరంజీవి స్టార్ హీరోగా ఎదిగిన తర్వాత తీసిన చిత్రం ఆపద్భాంధవుడు. ఈ చిత్రం లో మీనాక్షి శేషాద్రి హీరోయిన్ గా నటించారు.

#12 సప్తపది

కళాతపస్వి విశ్వనాథ్ తన సినిమాల్లో అన్నిభావాలను వ్యక్తపరచడానికి సంగీతాన్ని ప్రధాన ఆయుధంగా ఎంచుకున్నారు. ఈ చిత్రం లో కూడా సినిమాలో త్యాగరాయ కీర్తన ద్వారా తన ప్రేమను, అందులో తన్మయత్వాన్ని, ఎదురుచూపును తెలియజేస్తుంది కథానాయక.

#13 సిరి సిరి మువ్వ

ఈ సినిమాతో దర్శకుడు విశ్వనాథ్ ప్రతిభ వెలుగులో వచ్చింది. ఒక మూగ యువతికి, అనాధ యువకుడికి మధ్య ఉన్న బంధాన్ని ఈ చిత్రం లో చూపించారు.