విక్టరీ వెంకటేష్ హీరోగా.. అసిన్ హీరోయిన్ గా గౌతమ్ మీనన్ దర్శకత్వంలో తెరకెక్కిన చిత్రం ‘ఘర్షణ’. 2004 లో వచ్చిన ఈ చిత్రం సూపర్ హిట్ అయ్యింది. ఈ యాక్షన్ ఎంటర్టైనర్ తమిళంలో సూర్య, జ్యోతిక లు జంటగా నటించిన ‘కాక కాక’ మూవీకి రీమేక్ గా తెరకెక్కింది ‘ఘర్షణ’. ‘ఘర్షణ’ మూవీ కోసం వెంకటేష్ మేక్ఓవర్ కూడా ఆయన అభిమానుల్ని ఆకట్టుకుంది.

సినిమాలో ఇంటెన్సిటీతో కూడుకున్న కాప్ పాత్రలో వెంకీ పెర్ఫార్మన్స్ ఓ రేంజ్ లో ఉంటుంది.. అలాగే అసిన్ కూడా ఈ చిత్రానికి ఒక ప్లస్ పాయింట్. అయితే వీళ్లిద్దరి కాకుండా ఈ మూవీ చూసిన ప్రతి ఒక్కరికి గుర్తుండే మరో పాత్ర విలన్ ‘పాండా’. ఈ మూవీ లో విలన్ గా సలీమ్ బేగ్ నటించారు. ఆయన తన పాత్రలో జీవించేసారు అనే చెప్పొచ్చు. ఆ చిత్రం లోని స్క్రీన్ నేమ్ ని తన పేరుతో కలుపుకున్నారు సలీమ్ బేగ్ పాండా.

తెలుగులో జై చిత్రం తో ఇండస్ట్రీ లోకి అడుగు పెట్టిన ఆయన వరుసగా హిట్ చిత్రాల్లో నటించారు. మొత్తం గా 25 చిత్రాల్లో నటించిన సలీం తెలుగు, హిందీ, తమిళ్, కన్నడ భాషల్లో నటించారు. అయితే 2014 తర్వాత ఆయన ఎక్కువ సినిమాల్లో నటించలేదు. అప్పటి నుంచి కేవలం 5 చిత్రాలే చేసారు. చివరిగా 2021 లో గోపీచంద్ హీరోగా వచ్చిన ఆరడుగుల బుల్లెట్ చిత్రం లో కనిపించారు సలీం.

మంచి నటుడిగా నిరూపించుకున్న తనకు ప్రాధాన్యత లేని పాత్రలు వస్తుండటం తో సినిమాలకు దూరం అయినట్లు సలీం వెల్లడించారు. తనకు తగిన పాత్రలు ఇస్తే రెండు రెట్లు ఎక్కువగా కష్టపడతానని ఆయన వెల్లడించారు. ఇప్పటికి అడపా దడపా చిత్రాల్లో నటిస్తున్నారు సలీం. సోషల్ మీడియా లో యాక్టీవ్ గా ఉండే సలీం ఎప్పటికప్పుడు తన ఫోటోలని అభిమానుల తో షేర్ చేస్తూ ఉంటారు. ఆయన తిరిగి సినిమాల్లో బిజీ అవ్వాలని ఆయన ఫాన్స్ ఎదురు చూస్తున్నారు.

Comedian Sudarshan: సినీ రంగం లో అవకాశాలు రావాలంటే అనుకున్నంత ఈజీ ఏం కాదు. పొట్ట చేత ప‌ట్టుకుని కృష్ణాన‌గ‌ర్‌ లో అడుగు పెట్టి ఎన్నో కష్టాలను భరించి ఈ స్థాయికి చేరుకున్నారు. నిత్యం మనల్ని అలరించే యాక్టర్స్ ఈ స్థాయికి వచ్చే క్రమం లో పడిన కష్టాలు వింటే మనసు ఏదోలా అయిపోతుంది. తాజాగా ఒక ఇంటర్వ్యూ లో నటుడిగా ఎదిగే క్రమం లో తాను ఎన్ని కష్టాలు పడ్డాడో వివరించాడు కమెడియన్ సుదర్శన్.

Comedian Sudarshan

పలు సూపర్ హిట్ సినిమాల్లో భాగమై కమెడియన్ గా తమకంటూ ప్రత్యేకమైన గుర్తింపు తెచ్చుకున్న సుదర్శన్..నెల్లూరు యాసలో డైలాగులు చెబుతూ, నేచురల్‌గా యాక్ట్ చేస్తూ అభిమానుల్ని సంపాదించుకున్నాడు. ‘‘నేను హైదరాబాద్ వచ్చిన కొత్తలో యూసప్ గూడలో ముగ్గురం స్నేహితులం కలిసి ఒక రూమ్ రెంట్ కి తీసుకున్నాం. అక్కడ అగ్గిపెట్టెల్లా చిన్న రూమ్స్..ఎటాచ్‌డ్ బాత్రూమ్‌ లతో ఉండేవి. ఒక్కోసారి బాత్రూమ్ నీళ్లు బ‌య‌ట‌కు వ‌చ్చేసేవి. అప్పుడు పడుకోవడానికి కుదిరేది కాదు.

Also Read: “వెయ్యినొక్క జిల్లాల వరకు” లాగానే… తెలుగులో “రీమిక్స్” అయిన 19 పాత సూపర్ హిట్ పాటలు..!

అలాగే మా రూమ్ లో ఒక్కోసారి నీళ్లు వచ్చేవి కావు. అప్పుడు ఎప్పుడు పది గంటలు అవ్వుద్దా అని వెయిట్ చేసే వాళ్ళం. పొద్దున ప‌ది గంట‌లకు మా రూమ్ ప‌క్క‌నే ఉండే బిగ్ బజార్ ఓపెన్ చేసేవారు. ఆ షో రూమ్‌కి వెళ్లి అక్క‌డ వాష్ రూమ్‌ల‌ను ఉపయోగించుకునేవాళ్లం..” అని సుదర్శన్ చెప్పుకొచ్చారు. దీంతో ప్రస్తుతం స్టార్లు గా ఉన్న నటులు ఇలా ఇబ్బందులు పడి వచ్చిన వాళ్లే కదా అని అనుకుంటున్నారు ఫాన్స్.

అందరికి కృష్ణా నగర్ కష్టాలు తప్పవు అని అర్థం అవుతోంది. కొందరు బయటకు చెప్పుకుంటున్నారు.. మరికొందరు చెప్పుకోవట్లేదు అదే తేడా.. రీసెంట్‌గా ఓ ఇంట‌ర్వ్యూ లో క‌లెక్ష‌న్ కింగ్ మోహ‌న్ బాబు మాట్లాడుతూ నేను సినీ ఇండ‌స్ట్రీలో ప‌డ్డ ఇబ్బందులు ప‌గ‌వాడికి కూడా రాకూడ‌ద‌ని అన్నారంటే.. నచ్చిన వృత్తి కోసం ఆయన ఎలాంటి క‌ష్టాల‌ను ఆయ‌న ఫేస్ చేసుంటారో అర్థం చేసుకోవచ్చు.

సినిమా విజయం లో నటీనటులు, హీరో, కథ ఎంత పాత్ర పోషిస్తాయో పాటలు కూడా అంతే కీలక పాత్ర పోషిస్తాయి. ఒక ఆల్బమ్ హిట్ అయితే సినిమా సగం హిట్ అయినట్టే అని నమ్ముతారు చాలా మంది. అందుకే మంచి పాటలు, సంగీతం ఇచ్చేందుకు ప్రయత్నిస్తారు. అయితే కొన్ని సార్లు మన తెలుగులో సూపర్ హిట్ అయిన పాటలనే రీమేక్ చేసారు కొందరు హీరోలు. ఆ రీమేక్ సాంగ్స్ కూడా సూపర్ హిట్స్ గా నిలిచాయి. ఇప్పుడు ఆ పాటలేవో ఇప్పుడు చూద్దాం..

#1 ఆడవారి మాటలకు అర్థాలే వేరులే..

అప్పట్లో ట్రెండ్ సెట్టర్ అయిన ‘మిస్సమ్మ’ చిత్రం లోనిది ఈ సాంగ్.. ఇందులో సీనియర్ ఎన్టీఆర్, సావిత్రి నటించారు. తర్వాత ‘ఖుషి’ చిత్రం లో పవన్, భూమిక ఈ సాంగ్ ని రీమేక్ చేయగా సూపర్ హిట్ అయ్యింది.

#2 సోగ్గాడే చిన్ని నాయన..

ఓల్డ్ మూవీ ‘ఆస్తిపరులు’ చిత్రం లోది ఈ పాట.. దీనికి కొన్ని మార్పులు చేసి నాగార్జున ‘సోగ్గాడే చిన్ని నాయన ‘ చిత్రం లో రీమేక్ చేసారు.

#3 నిన్ను రోడ్ మీద చూసినది..

నాగార్జున నటించిన ‘అల్లరి అల్లుడు’ చిత్రం లోని నిన్ను రోడ్ మీద చూసినది.. సాంగ్ ని ‘సవ్యసాచి’ చిత్రం లో నాగ చైతన్య రీమేక్ చేసారు.

#4 బంగారు కోడి పెట్ట..

చిరంజీవి నటించిన ‘ఘరానా మొగుడు’ చిత్రం లో సూపర్ హిట్ అయిన బంగారు కోడి పెట్ట సాంగ్ ని, రామ్ చరణ్ ‘మగధీర’ చిత్రం లో రీమేక్ చేయగా సూపర్ హిట్ అయ్యింది.

#5 వాన వాన వెల్లువాయే..

చిరు సూపర్ హిట్ చిత్రమైన ‘గ్యాంగ్ లీడర్’ చిత్రం లో సాంగ్ వానా వానా వెల్లువాయే ని రామ్ చరణ్, తమన్నా ‘రచ్చ’ సినిమాలో రీమేక్ చేసారు.

#6 గువ్వా గోరింకా తో..

ఖైదీ నెంబర్ 786 చిత్రం లో సూపర్ హిట్ అయిన ‘గువ్వా గోరింకా తో..’ సాంగ్ ని సాయి ధరమ్ తేజ్ ‘సుబ్రహ్మణ్యం ఫర్ సేల్’ చిత్రం లో రీమేక్ చేసారు.

#7 అందం హిందోళం..

చిరంజీవి నటించిన ‘యముడికి మొగుడు’ చిత్రం లో హిట్ అయిన సాంగ్ అందం హిందోళం పాటని సాయి ధరమ్ తేజ్ ‘సుప్రీమ్’ మూవీ లో రీమేక్ చేసారు.

#8 చమకు చమకు చామ్..

మెగాస్టార్ నటించిన ‘కొండవీటి దొంగ’ చిత్రం లోని చమకు చమకు చామ్.. సాంగ్ ని సాయి ధరమ్ తేజ్ ‘ఇంటెలిజెంట్’ చిత్రం లో రీమేక్ చేసారు.

#9 శుభలేఖ రాసుకున్నా..

కొండవీటి దొంగ లోని మరో సూపర్ హిట్ సాంగ్ శుభ లేఖ రాసుకున్నా పాటని రామ్ చరణ్ ‘నాయక్’ చిత్రం లో రీమేక్ చేసారు.

#10 అరె ఓ సాంబ..

బాల కృష్ణ నటించిన ‘రౌడీ ఇన్స్పెక్టర్’ చిత్రం లోని అరె ఓ సాంబ సాంగ్ ని కళ్యాణ్ రామ్ ‘పటాస్’ చిత్రం లో రీమేక్ చేసారు.

#11 ఒక లైలా కోసం..

అక్కినేని నాగేశ్వర రావు నటించిన ‘రాముడు కాదు కృష్ణుడు’ చిత్రం లోని ఒక లైలా కోసం పాటని.. నాగ చైతన్య ‘ఒక లైలా కోసం’ చిత్రం లో రీమేక్ చేసారు.

https://www.youtube.com/watch?v=Cl8EvH3lTFQ

#12 వెల్లువొచ్చి గోదారమ్మ..

శోభన్ బాబు, శ్రీదేవి జంటగా నటించిన ‘దేవత’ చిత్రం లో సూపర్ హిట్ సాంగ్ వెల్లువొచ్చి గోదారమ్మ..ని వరుణ్ తేజ్ హీరోగా నటించిన ‘గద్దలకొండ గణేష్’ చిత్రం లో రీమేక్ చేసారు.

#13 వెన్నెలైనా చీకటైనా

సూపర్ స్టార్ కృష్ణ, శ్రీ దేవి జంటగా నటించిన ‘పచ్చని కాపురం’ చిత్రం లోని వెన్నెలైనా చీకటైనా.. సాంగ్ ని ఆయన అల్లుడు సుధీర్ బాబు ‘ప్రేమ కథ చిత్రం’ లో రీమేక్ చేసారు.

#14 స్వాతిలో ముత్యమంత

బాలకృష్ణ నటించిన ‘బంగారు బుల్లోడు’ చిత్రంలోని స్వాతిలో ముత్యమంత పాటని అల్లరి నరేష్ ‘బంగారు బుల్లోడు’ చిత్రం లో రీమేక్ చేసారు.

#15 ఆకాశంలో ఒక తార

కృష్ణ, జయప్రద కలిసి నటించిన సూపర్ హిట్ మూవీ ‘సింహాసనం’ చిత్రం లోని ఆకాశంలో ఒక తార పాటని అల్లరి నరేష్ ‘సీమ టపాకాయ్’ చిత్రం లో రీమేక్ చేసారు.

#16 గలగలా పారుతున్న గోదారిలా..

సూపర్ స్టార్ కృష్ణ నటించిన ‘గౌరీ’ చిత్రంలోని గలగలా పారుతున్న గోదారిలా సాంగ్ ని ఆయన కుమారుడు మహేష్ బాబు ‘పోకిరి’ చిత్రం లో రీమేక్ చేసారు.

#17 ఆరేసుకోబోయి పారేసుకున్నాను..

సీనియర్ ఎన్టీఆర్, జయప్రద నటించిన ‘అడవి రాముడు’ చిత్రంలోని ఆరేసుకోబోయి పారేసుకున్నాను పాటని ప్రభాస్, ఆర్తి అగర్వాల్ ‘అడవి రాముడు’ చిత్రం లో రీమేక్ చేసారు.

#18 వెయ్యినొక్క జిల్లాల వరకు

వెంకటేష్ నటించిన సూర్య ఐపిఎస్ సినిమాలోని ఈ పాటని రవితేజ రావణాసుర సినిమా కోసం రీమిక్స్ చేశారు.

#19 ఎన్నో రాత్రులొస్తాయి గానీ..

బాలకృష్ణ నటించిన ‘ధర్మక్షేత్రం’ చిత్రం లోని ఎన్నో రాత్రులొస్తాయి గానీ పాటని కళ్యాణ్ రామ్ ‘అమిగోస్’ చిత్రం లో రీమేక్ చేసారు.

సాధారణంగా తెలుగు సినిమా ఇండస్ట్రీలో తెలుగు హీరోలతో పాటు ఇతర ఇండస్ట్రీల హీరోలకి కూడా చాలా క్రేజ్ ఉంటుంది. అందులోనూ ముఖ్యంగా తమిళ్ ఇండస్ట్రీకి చెందిన హీరోలకి తెలుగు ఇండస్ట్రీలో దాదాపు చాలా మంది తెలుగు హీరోలకి సమానంగా ఫ్యాన్ ఫాలోయింగ్ ఉంటుంది.

మరి డబ్బింగ్ సినిమాలకు కూడా ఒక డైరెక్ట్ తెలుగు సినిమాకి ఉన్నంత రెస్పాన్స్ ఉంటుంది. అలా ఎన్నో సంవత్సరాల నుండి తన సినిమాలని తెలుగులో డబ్ చేస్తూ దాదాపు తెలుగు స్టార్ హీరోకి ఉన్న అంత క్రేజ్ సంపాదించుకున్న హీరో అజిత్ కుమార్.

అజిత్ హీరోగా నటించిన తెగింపు సినిమా ఇటీవల విడుదల అయ్యింది. ఈ సినిమా ప్రేక్షకులను ఆకట్టుకోలేకపోయినా కూడా అజిత్ ఒక మంచి ప్రయోగం చేశారు అని చాలా మంది అన్నారు. ఇప్పుడు అజిత్ వరుస సినిమాలతో బిజీగా ఉన్నారు. ఆ సినిమాలకి సంబంధించి ఏ విషయాలు కూడా ఇంకా బయటికి రావట్లేదు. అజిత్ సోషల్ మీడియాలో లేరు. ఇంటర్వ్యూలు కూడా పెద్దగా ఇవ్వరు. సినిమా కంటెంట్ బాగుంటే అదే పెద్ద ప్రమోషన్ అని చాలా సార్లు అన్నారు.

దాంతో అజిత్ ఎప్పుడు ఎక్కడ ఉన్నారు అనే విషయం తన అభిమానులకి కూడా పెద్దగా తెలియదు. అజిత్ ప్రతి సినిమాకి ఒక కొత్త గెటప్ లో కనిపిస్తూ ఉంటారు. ఇటీవల తెగింపు సినిమాలో తెల్లటి గడ్డంతో డిఫరెంట్ స్టైల్ లో కనిపించారు. అజిత్ చాలా స్టైలిష్ గా ఉన్నారు అని చాలా మంది అన్నారు. అయితే అజిత్ ఇటీవల తన భార్య షాలినితో కలిసి వెకేషన్ లో వెళ్లిన ఫొటోస్ ప్రస్తుతం వైరల్ అవుతున్నాయి. ఫోటోలు చూసిన చాలా మంది, “అజిత్ ఏంటి ఇలా అయిపోయారు?” అని కామెంట్స్ చేస్తున్నారు.

కొంత మంది అయితే, “సడన్ గా చూస్తే విజయ్ మాల్యా లాగా ఉన్నారు” అని అంటున్నారు. ఏదేమైనా కూడా ఇవి అన్ని ఫొటోస్ కాబట్టి తీసే విధానంలో కూడా ఉంటుంది అని అంటున్నారు. ప్రస్తుతం అయితే ఈ ఫోటోలు సోషల్ మీడియాలో చాలా వైరల్ అవుతున్నాయి. ఇంక సినిమాల విషయానికి వస్తే అజిత్ మగిళ్ తిరుమేని అనే దర్శకుడితో సినిమా చేయబోతున్నారు అని ఇటీవల ప్రకటించారు. మరి ఈ సినిమా ఎలా ఉండబోతోంది అన్న విషయాలు ఏవి ప్రస్తుతం అయితే ఇంకా బయటికి రాలేదు. ఇది కాకుండా అజిత్ మరికొన్ని సినిమాలు కూడా చర్చల దశలో ఉన్నాయి.