Filmy Adda

సినీ ఇండస్ట్రీ లో విలన్ గా కెరీర్ ను ప్రారంభించి హీరోగా మారిన వాళ్లు చాలా మంది ఉన్నారు. ఆ లిస్ట్‌లో ఈ యాక్టర్ పేరు కూడా ఉంటుంది. అతడే నటుడు అర్జున్ దాస్. తమిళ చిత్రాలు మాస్టర్, ఖైదీ, విక్రమ్ సినిమాలతో బాగా పాపులర్ అయ్యాడు నటుడు అర్జున్ దాస్. గతంలో చేసిన సినిమాలకంటే ఈ మూడు సినిమాలు అతనికి మంచి పేరుని తెచ్చిపెట్టాయి. ఇక అతని వాయిస్ గంభీరంగా ఉండటంతో అతని వాయిస్ తో కూడా బాగా పాపులర్ అయ్యాడు. తక్కువ టైంలో అతనికి తమిళ్ తో పాటు తెలుగులో కూడా అభిమానులు వచ్చారు.

arjun das from oxygen movie

అతడు తెలుగులో నేరుగా చేసిన చిత్రం ఒకటే ఒకటి అది గోపీచంద్ హీరోగా వచ్చిన ఆక్సిజన్ మూవీ. ఆ తర్వాత అన్ని తమిళ చిత్రాలే చేస్తూ వచ్చాడు అర్జున్ దాస్. గతేడాది 7 సినిమాల్లో నటించాడు.అయితే క్యారెక్టర్ ఆర్టిస్ట్ గానే అతడు పాపులర్ అవుతుండడం విశేషం. అతడు తొలిసారిగా నటించిన మూవీ కార్తి హీరోగా వచ్చిన ఖైదీ. ఇండస్ట్రీకి వచ్చి అతి తక్కువ రోజుల్లోనే అర్జున్ తనని తాను నిరూపించుకున్నాడు. ఇప్పుడు తాజాగా ‘బుట్టబొమ్మ’ చిత్రం తో తెలుగులో హీరోగా ఎంట్రీ ఇస్తున్నాడు. సితార ఎంటర్‌టైన్‌ మెంట్స్‌, ఫార్చూన్ ఫోర్ సినిమాస్‌ బ్యానర్లపై తెరకెక్కనున్న ఈ చిత్రానికి శౌరి చంద్రశేఖర్ రమేష్ దర్శకుడిగా పరిచయం అవుతున్నారు.

చెన్నైలో జన్మించిన అర్జున్ చిన్న తనం నుంచి చదువులో ముందుండేవాడు.అలాగే నటన అంటే కూడా మహా ఇష్టం.కానీ కుటుంబ ఆర్థిక పరిస్థితుల దృష్ట్యా తాను ముందు లైఫ్ లో సెటిల్ అవ్వాలనుకున్నాడు అర్జున్. తర్వాత దుబాయిలో బ్యాంకు ఉద్యోగం సాధించి లక్షల్లో జీతం అందుకున్నాడు. ఆ తర్వాత కొంతకాలం తర్వాత ఆ జాబ్ మానేసి నటుడిగా తన ప్రయత్నాలు మొదలుపెట్టాడు. ఉద్యోగం మానేసి మళ్లీ చెన్నైకి వచ్చి చేరుకున్నాడు.

అయితే చెన్నైకి వచ్చాక అతను బాగా బరువు పెరిగాడు.అయితే సినిమాల్లో నటించాలంటే ఇంత బరువు ఉండకూడదు అనుకొని ఏకంగా 32 కేజీలు తగ్గాడు. అర్జున్ మొదటిసారిగా పెరుమాన్ అనే సినిమాలో నటించాడు.ఈ సినిమాలో మెయిన్ రోల్ లో నటించిన కూడా అతడికి పెద్దగా అవకాశాలు రాలేదు. ఆ తర్వాత చాలా కాలం తర్వాత కార్తీతో ఖైదీ సినిమాలో విలన్ గా నటించే అవకాశం దక్కింది. ఆ తరువాత అతడికి అవకాశాలు క్యూ కట్టాయి. ఒకే జోనర్ కి పరిమితం కాకుండా రకరకాల పాత్రలు ఎంచుకుంటున్నాడు అర్జున్ దాస్.

అపరిచితుడు సినిమా మీ అందరికీ గుర్తుండే ఉంటుంది. డబ్బింగ్ సినిమా అయినా కూడా మన సినిమా లాగా ఆదరించిన సినిమాల లో అపరిచితుడు కూడా ఒకటి. మల్టిపుల్ పర్సనాలిటీ డిజార్డర్ అనే ఒక కొత్త రకం వ్యాధి ని ఈ సినిమా ద్వారా జనాల్లోకి తీసుకువచ్చారు శంకర్.

ఇంక విక్రమ్ నటన గురించి అయితే చెప్పాల్సిన అవసరమే లేదు. ఆ పాత్రలో విక్రమ్ ని తప్ప ఇంకెవర్నీ ఊహించుకోలేం. ఇప్పుడు కూడా అపరిచితుడు పేరు వినగానే మనకి గుర్తొచ్చేది విక్రమ్ ముఖమే. ఒకసారి వెనక్కి వెళ్లి సినిమా మొత్తం మళ్లీ గుర్తు తెచ్చుకుందాం. విక్రమ్ కి మల్టిపుల్ పర్సనాలిటీ డిజార్డర్ ఉంటుంది. ఆ విషయం తనకి తెలీదు. అతని లో ఉండే ముగ్గురు మనుషుల లో ఒకతను అన్యాయం జరిగితే సహించడు. నరకంలో విధించే శిక్షల రూపంలో నేరస్తులు అందరిని చంపుతాడు.

పోలీసులు హత్యలు చేసేది ఎవరు అని ఎంత ఇన్వెస్టిగేట్ చేసినా ఎటువంటి ఆధారం దొరకదు. విక్రమ్ లో ఉన్న ముగ్గురిలో ఒక అతనితో ప్రేమ లో ఉన్న హీరోయిన్ విక్రమ్ ఇలా విచిత్రంగా ప్రవర్తించడం చూసి సైకియాట్రిస్ట్ దగ్గరికి తీసుకెళ్తుంది. అక్కడ విక్రమ్ హిప్నటైజ్ అవుతాడు.

తనకి ఒక చెల్లి కూడా ఉండేది అని, వాళ్ళ చిన్నప్పుడు స్కూల్ కి వెళ్లి వస్తూ ఉంటే వర్షం వల్ల రోడ్డుమీద నిలిచిపోయిన నీటిలో కరెంటు వైర్ పడి విక్రమ్ ఇంకా వాళ్ళ చెల్లి తో పాటు మరికొందరు వస్తున్న వాహనం అదుపు తప్పి ఆ నీళ్లలో పడడంతో వాళ్ళ చెల్లెలు నీటిలో పడి కరెంట్ షాక్ కొట్టి చనిపోతుంది.

అప్పటి నుంచి విక్రమ్ మానసికంగా కొంచెం బలహీనంగా ఉంటాడు. కరెంట్ దగ్గర పనిచేసిన లైన్ మ్యాన్ ని అరెస్ట్ చేయకుండా కోర్టులో కూడా సరైన తీర్పు ఇవ్వకపోవడంతో విక్రమ్ కి తెలియకుండానే మానసికంగా తనలో ఎంతో మార్పు వస్తుంది. అందులో నుండి వచ్చినదే ఈ మల్టిపుల్ పర్సనాలిటీ డిజార్డర్. తర్వాత సైక్రియాటిస్ట్ సహాయంతో విక్రమ్ మళ్ళీ మామూలు మనిషి అవుతాడు. కానీ చివరి లో ట్రైన్ లో మందు తాగుతున్న ఒక వ్యక్తిని చంపేస్తాడు.

అసలు ఈ సినిమా కథ అంతా అందరికీ తెలిసిందే కదా? మళ్లీ కొత్తగా చెప్పడం దేనికి? అనుకుంటున్నారా? ఒకసారి క్లైమాక్స్ ని గమనించండి. విక్రమ్ ఆ వ్యక్తిని ఎందుకు చంపుతాడు? మీలో సగంమంది దీనికి ఆన్సర్ తప్పుగా అనుకుంటారు.

ఏముంది? పబ్లిక్ ట్రాన్స్ పోర్ట్ లో తాగడం తప్పు. అతను తాగాడు అందుకే అపరిచితుడు చంపేశాడు. మీలో చాలా మందికి వచ్చిన జవాబు ఇదేగా? ఒకవేళ మీ ఆన్సర్ ఇదే అయితే మీరు తప్పు చెప్పినట్టే. విక్రమ్ పాత్ర ఆ వ్యక్తిని చంపడానికి గల అసలు కారణం ఏంటి అంటే తన చెల్లి చనిపోవడానికి గల కారణం అయిన లైన్ మ్యాన్ అతనే కాబట్టి. చూశారా మీలో చాలా మందికి ఇది తెలియకపోవచ్చు. చాలామందికి తెలిసి ఉండొచ్చు కూడా. తెలియని వాళ్ళు ఒకసారి మళ్లీ వెళ్లి సినిమా చూసి క్రాస్ చెక్ చేయండి. ఇదే కాకుండా ఈ సినిమా లో ఇంకా ఇప్పటివరకు గమనించని  కొత్త విషయాలు కూడా ఏమైనా తెలియచ్చు ఏమో.

నాగార్జున హీరోగా వచ్చిన “సోగ్గాడే చిన్ని నాయనా” సినిమా ఓ రేంజ్ లో హిట్ అయింది. అటు ఫ్యామిలీ ఆడియెన్స్ ని… ఇటు మాస్ ఆడియెన్స్ ని ఆకట్టుకున్న సంగతి తెలిసిందే. అయితే.. ఈ సినిమా పార్ట్ 2 కూడా ఉంటుంది అని అప్పుడే ప్రకటించారు. అప్పటినుంచి సీక్వెల్ ఎలా ఉండబోతోందా? అని అందరిలోనూ ఉత్సుకత నెలకొంది.

తాజాగా.. ఈ సినిమాకు “బంగార్రాజు” అనే టైటిల్ ను కూడా ఖరారు చేసారు. ఈ సినిమాలో నాగార్జునతో పాటు నాగ చైతన్య కూడా నటిస్తున్నారు. నాగ చైతన్య సరసన క్రితి శెట్టి నటించనున్నారు. న్యూ ఇయర్ సందర్భంగా బంగార్రాజు టీజర్ విడుదల చేసారు. ఈ సినిమా సంక్రాంతి కనుకగా విడుదల అవ్వబోతోంది.

టీజర్‌లో నాగార్జున, నాగ చైతన్య, రమ్య కృష్ణ, క్రితి శెట్టి కనిపించారు. వీరు మాత్రమే కాకుండా సినిమాలో ఉన్న మరి కొంత మంది నటులు కూడా ఇందులో కనిపించారు. అంతే కాకుండా బంగార్రాజు సినిమా ట్రైలర్ కూడా విడుదల అయ్యింది. పండగకి సరిపోయే సినిమా అని అనిపించేలాగా ఈ ట్రైలర్ ఉంది. ట్రైలర్ లో బంగార్రాజు అయిన నాగార్జున, రమ్య కృష్ణతో మాట్లాడుతూ ఉన్నప్పుడు నాగ చైతన్య పాత్ర వారి మనవడు అని రమ్య కృష్ణ చెప్తారు. అంటే రాము, సీత కొడుకు ఈ చిన బంగార్రాజు.

దీని ప్రకారం రెండవ నాగార్జున పాత్ర అయిన రాము పక్కన నటించిన లావణ్య త్రిపాఠి, నాగ చైతన్యకి తల్లి అవుతుంది. నాగ చైతన్య, లావణ్య త్రిపాఠి అంతకుముందు యుద్ధం శరణం సినిమాలో హీరోహీరోయిన్లుగా నటించారు. ఆ సినిమాకంటే ముందు మనం సినిమాలో ఇద్దరు ఫ్రెండ్స్ గా కనిపిస్తారు. ఇలా లావణ్య త్రిపాఠి నాగ చైతన్యకి ఫ్రెండ్ గా, నాగ చైతన్య పక్కన హీరోయిన్ గా, అలాగే నాగ చైతన్య తల్లిగా కూడా నటించారు అన్నమాట. బంగార్రాజు సినిమా సంక్రాంతి కానుకగా జనవరి 14వ తేదిన విడుదల అవ్వబోతోంది.

పవర్ స్టార్ పవన్ కళ్యాణ్ అటు సినిమాలలో నటిస్తూనే, ఇటు జనసేన అధినేతగా, ఆంధ్రప్రదేశ్ ఉపముఖ్యమంత్రిగా రాజకీయాలలోను క్రియాశీలకంగా పనిచేస్తున్నారు. రీసెంట్ గా బ్రో మూవీతో ఆడియెన్స్ ను పలకరించారు. ప్రస్తుతం వరుస సినిమాలలో నటిస్తున్నారు. సుజిత్ దర్శకత్వంలో ఓజీ, హరిహర వీరమల్లు, హరిశంకర్ దర్శకత్వంలో ఉస్తాద్ భగత్ సింగ్ మూవీలో నటిస్తున్నారు.

ఇటీవల ఉస్తాద్ భగత్ సింగ్ సెట్స్ నుండి పవన్ కళ్యాణ్ పోలీస్ యూనిఫామ్ లో ఉన్న ఫోటోలు నెట్టింట్లో వైరల్ గా మారాయి. తాజాగా ఈ మూవీ గురించిన అప్డేట్ సోషల్ మీడియాలో చక్కర్లు కొడుతోంది. ఆ వివరాలు ఇప్పుడు చూద్దాం..
పవర్ స్టార్ పవన్ కళ్యాణ్ తో గబ్బర్ సింగ్ వంటి బ్లాక్ బస్టర్ హిట్ సినిమా తీసిన దర్శకుడు హరీష్ శంకర్ చాలా కాలం తరువాత  పవన్ కళ్యాణ్ హీరోగా ఉస్తాద్ భగత్ సింగ్ మూవీని తెరకెక్కిస్తున్నారు. ఇప్పటికే కొంత షూటింగ్ పూర్తి చేసుకున్న ఈ సినిమా గత 3 నెలలుగా పోస్ట్ పోన్ అయ్యింది. పవన్ కళ్యాణ్ పాలిటిక్స్ లో బిజీగా ఉండడంతో  ఆయనకు టైమ్ దొరికినప్పుడు మాత్రమే షూటింగ్ లో పాల్గొంటున్నారు.
ఇటీవల జరిగిన షెడ్యూల్లో కీలక యాక్షన్ సీన్స్ ను షూట్ చేసినట్లుగా మేకర్స్ వెల్లడించారు. ఈ మూవీ కోలీవుడ్ మూవీ తేరికి రీమేక్ గా తెరకెక్కుతున్న విషయం తెలిసిందే.  తాజాగా ఉస్తాద్ భగత్ సింగ్ మూవీకి సంబంధించిన అప్డేట్ నెట్టింట్లో షికారు చేస్తోంది. ఈ మూవీలో సీనియర్ హీరోయిన్ గౌతమి ముఖ్యమైన పాత్రలో నటిస్తున్నారట. గౌతమి పవన్ కళ్యాణ్ కి మదర్ క్యారెక్టర్ లో నటిస్తున్నట్లు తెలుస్తోంది. తాజాగా పవన్ కళ్యాణ్, గౌతమి పైన డైరెక్టర్ హరీష్ శంకర్ కీలకమైన సీన్స్  చిత్రీకరించినట్లు తెలుస్తోంది.
గౌతమి ఒకప్పుడు స్టార్ హీరోల పక్కన హీరోయిన్ గా ఎన్నో సినిమాలలో నటించారు. తెలుగులో మాత్రమే కాకుండా తమిళంలోనూ హీరోయిన్ గా కమల్ హాసన్ వంటి స్టార్ హీరోలతో నటించి, స్టార్ డమ్ సొంతం చేసుకున్నారు.  ప్రస్తుతం పలు సినిమాలలో తల్లి క్యారెక్టర్లలో నటిస్తున్నారు. ఇటీవల రిలీజ్ అయిన శాకుంతలం, అన్ని మంచి శకునములే లాంటి  చిత్రాలలో గౌతమి నటించారు. అయితే ఉస్తాద్ భగత్ సింగ్ పవన్ కళ్యాణ్ కి గౌతమి తల్లిగా నటిస్తున్నారనే వార్తలు రావడంతో 52 ఏళ్ల హీరోకు తల్లిగా, 55 ఏళ్ల హీరోయినా అంటూ నెటిజెన్లు కామెంట్స్ చేస్తున్నారు.

Also Read: “పవన్ కళ్యాణ్” చేతులకి పెట్టుకున్న ఈ ఉంగరాలు ఏంటో తెలుసా..? వీటి వల్ల ఎలాంటి యోగం కలుగుతుంది అంటే..?

తెలుగు ప్రేక్షకులు ఎంతగానో ఇష్టపడే బిగ్ బాస్ తెలుగు ఎనిమిదవ సీజన్ ప్రారంభం అయ్యింది. ఎప్పటిలాగానే నాగార్జున మొదటి ఎపిసోడ్ లో కొత్త కంటెస్టెంట్స్ ని పరిచయం చేశారు. ఎంతో మంది సినీ ప్రముఖులు ఎపిసోడ్ కి అతిథులుగా హాజరు అయ్యారు. ఈ కంటెస్టెంట్స్ లో ఒక కంటెంట్ నాగ మణికంఠ. నాగ మణికంఠ కేవలం టీవీ మాత్రమే ఫాలో అయ్యే చాలా తక్కువ మందికి తెలుసు. కానీ యూట్యూబ్, సోషల్ మీడియాలో యాక్టివ్ గా ఉన్న వాళ్ళకి మాత్రం నాగ మణికంఠ చాలా బాగా తెలుసు. దాంతో ఇప్పుడు రెండు తెలుగు రాష్ట్రాలు కూడా నాగ మణికంఠ ఎవరు అని వెతకడం మొదలుపెట్టాయి.

నాగ మణికంఠ నటుడు కావాలి అని ఇండస్ట్రీలోకి అడుగు పెట్టి, షార్ట్ ఫిలిమ్స్ వెబ్ సిరీస్ చేశారు. ప్రియ స్వాగతం కృష్ణ అనే ఒక వెబ్ సిరీస్ నాగ మణికంఠకి పేరు తీసుకొచ్చింది. ఇలా ఇంకా చాలా వెబ్ సిరీస్ లో నటించి, యూట్యూబ్ లో ఫేమస్ అయ్యారు. స్టార్ మా లో ప్రసారం అయిన కస్తూరి సీరియల్ లో కూడా నటించారు. ఇంక నాగ మణికంఠ కుటుంబం విషయానికి వస్తే, నాగ మణికంఠకి రెండు సంవత్సరాలు ఉన్నప్పుడు తండ్రి చనిపోయారు. ఆ తర్వాత నాగ మణికంఠ తల్లి రెండవ పెళ్లి చేసుకున్నారు. కొంత కాలం క్రితం నాగ మణికంఠ తల్లి, క్యాన్సర్ కారణంగా ఈ లోకాన్ని విడిచి వెళ్లిపోయారు. తల్లితో ఎంతో సన్నిహితంగా ఉండే నాగ మణికంఠని ఈ విషయం చాలా బాధించింది.

సమయం కథనం ప్రకారం, చిన్న వయసులోనే నాగ మణికంఠ పెళ్లి చేసుకున్నారు. వారికి ఒక పాప కూడా ఉంది. నాగ మణికంఠ భార్య ప్రియతో కలిసి యూఎస్ లో ఉండేవారు. స్టేజ్ మీద నాగ మణికంఠ తన భార్య, తనని ఇండియా వెళ్ళిపోమంది అని, కూతురు కూడా భార్య దగ్గరే ఉంది అని చెప్పారు. కానీ బిగ్ బాస్ షోలో స్ట్రీమ్ అవుతున్నప్పుడు, మధ్యలో నాగ మణికంఠ తన భార్య బంగారం అని, వాళ్ళకి గొడవలు ఏం లేవు అని, ఫోన్లు కూడా చేసుకుంటున్నట్టు తెలిపారు. అంతే కాకుండా బిగ్ బాస్ కి నాగ మణికంఠని ఆయన భార్య పంపారు అని, షాపింగ్ కోసం డబ్బులు కూడా ఇచ్చారు అని చెప్పారు.

ఏదో గొడవ ఇక్కడికి వచ్చేసారు కానీ, తన భార్యతో తను విడిపోలేదు అని అన్నారు. నాగ మణికంఠ తన తల్లి పెళ్లి చేసుకున్న వ్యక్తి గురించి కూడా మాట్లాడారు. ఈ విషయంపై స్పష్టత ఇస్తూ నాగ మణికంఠ చెల్లెలు సోషల్ మీడియాలో ఒక పోస్ట్ చేశారు. నాగ మణికంఠ చెల్లెలు కావ్య, ఈ విషయం మీద మాట్లాడుతూ, ఇదంతా నాగ మణికంఠ అభిప్రాయం మాత్రమే అని, నిజానికి తన తల్లి పెళ్లి చేసుకున్న వ్యక్తి వారిని చాలా బాగా చూసుకున్నట్టు తెలిపారు. అయినా కూడా తన అన్న అభిప్రాయానికి గౌరవం ఇస్తున్నట్టు తెలిపారు. ఇంటి నుండి వెళ్లిపోవడం అనేది తన అన్న తీసుకున్న వ్యక్తిగత నిర్ణయం అని, వెళ్ళిపోమని ఎవరు చెప్పలేదు అని అన్నారు. తన అన్నని బిగ్ బాస్ లో సపోర్ట్ చేయమని కూడా కోరారు.

View this post on Instagram

A post shared by Kavya Amarnadh (@kavya_amarnadh)

పవర్‌ స్టార్‌ పవన్‌ కళ్యాణ్‌ క్రేజ్, ఫ్యాన్ ఫాలోయింగ్ గురించి ప్రత్యేకంగా చెప్పాల్సిన అవసరం లేదు. ఆయన పేరు స్క్రీన్ పై కనిపిస్తే చాలు పవర్‌ స్టార్‌ అభిమానులు ఊగిపోతారు. హీరోగానే కాకుండా ఆయన వ్యక్తిత్వాన్ని కూడా విపరీతమైన ఫ్యాన్స్ ఉన్నారు. దానికి అభిమానులు పెట్టుకున్న పేరు పవనిజం.

పవన్‌ కళ్యాణ్‌ మూవీకి సంబంధించిన ఎలాంటి అప్‌డేట్‌ వచ్చినా అభిమానులకు పెద్ద పండగే. సినిమాలలోను, రాజకీయాలలోనూ తనదైన శైలిలో రాణిస్తున్న పవర్‌ స్టార్‌ పవన్‌ కళ్యాణ్‌ అరుదైన ఫోటోలను ఇప్పుడు చూద్దాం..
మెగాస్టార్ చిరంజీవి తమ్ముడిగా తెలుగు పరిశ్రమలో అడుగుపెట్టిన పవన్ కళ్యాణ్, తన నటన, టాలెంట్ తో తనకంటూ ప్రత్యేక ఇమేజ్ ను సృష్టించుకున్నారు. స్టార్ హీరోగా ఎదిగి, కోట్లాదిమంది అభిమానులను సొంతం చేసుకున్నారు.  అక్కడ అబ్బాయి ఇక్కడ అమ్మాయి మూవీతో హీరోగా ఎంట్రీ ఇచ్చిన పవన్ కళ్యాణ్, మొదటి చిత్రంతో  తన ప్రత్యేకతను చూపించారు.

మార్షల్ ఆర్ట్స్ లో టాలెంట్ చూపించారు. రియల్‌ స్టంట్స్ చేసి, ట్రెండ్ ను సెట్ చేశారు. ఆ చిత్రంలోనే కాకుండా  ఆ తర్వాత వచ్చిన తమ్ముడు, బద్రి వంటి చాలా చిత్రాలలో పవన్ స్టంట్స్, యాక్షన్ సన్నివేశాలు తనదైన మార్క్ ను చూపించాడు. పవన్ మ్యానరిజం, యాటిట్యూడ్, స్టైల్ తో యువతలో విపరీతమైన క్రేజ్ ను సంపాదించుకున్నారు. ఇప్పటివరకు దాదాపు 28 సినిమాలలో నటించిన పవన్ కళ్యాణ్ అరుదైన ఫోటోలు మీరు చూసేయండి.

1.
2.3.4.5.6.7.8.9.10.11.12.13.14.15.Also Read: “ఇప్పటికి కూడా మాట్లాడకపోతే నా బ్రతుకు ఎందుకు..?” అంటూ… “బండ్ల గణేష్” కామెంట్స్..! వీడియోలో ఏం అన్నారంటే..?

నాని హీరోగా నటించిన సరిపోదా శనివారం ఇటీవల ప్రేక్షకుల ముందుకి వచ్చింది. హిట్ టాక్ తో ఈ సినిమా దూసుకుపోతోంది. వివేక్ ఆత్రేయ దర్శకత్వం వహించిన ఈ సినిమాలో, ప్రియాంక అరుల్ మోహన్, ఎస్ జె సూర్య, సాయికుమార్, అదితి బాలన్ ముఖ్య పాత్రలు పోషించారు. డివివి దానయ్య ఈ సినిమాని నిర్మించారు. వారం అంతా కోపాన్ని ఆపుకున్న వ్యక్తి శనివారం రోజు మాత్రమే తన కోపాన్ని చూపించడానికి కారణం ఏంటి అనేది ఈ సినిమాలో చూపించారు. చాలా డిఫరెంట్ పాయింట్ మీద ఈ సినిమా నడిపించారు. అయితే ఈ సినిమాలో ఒక విషయం మీద మాత్రం కామెంట్స్ వస్తున్నాయి.

కొన్ని విషయాలని ఇంకా వివరంగా చూపిస్తే బాగుండేది అంటూ చాలా మంది అంటున్నారు. సెకండ్ హాఫ్ లో చాలా వరకు ఎవడు సినిమా గుర్తొచ్చింది అని అంటున్నారు. మాస్ యాంగిల్ ని ఇంకా బాగా ఎస్టాబ్లిష్ చేసి ఉంటే బాగుండేది అని కామెంట్స్ గట్టిగా వినిపిస్తున్నాయి. సినిమా మొత్తంగా బాగున్నా కూడా మైనస్ పాయింట్స్ ఉన్నాయి అని అంటున్నారు. కొన్నిచోట్ల అయితే సీన్స్ మరి సాగదీసినట్టు అనిపించాయి అని అన్నారు. ఎలివేషన్స్ కూడా రొటీన్ కమర్షియల్ సినిమాల్లో చూసినట్టు ఉంది అని అంటున్నారు. కానీ, సినిమాకి మాత్రం మంచి టాక్ వస్తోంది. వివేక్ ఆత్రేయ, నాని కాంబినేషన్ లో వచ్చిన అంటే సుందరానికి సినిమా అంచనాలని అందుకోలేకపోయింది. దాంతో ఈ సినిమాకి టైం తీసుకుని మళ్లీ ప్రేక్షకుల ముందుకి వచ్చారు.

కానీ ఈసారి మాత్రం ఈ సినిమా అందరి ప్రశంసలు అందుకుంటుంది. సినిమాలో ప్రతి ఒక్క పాత్రకి ప్రాముఖ్యత ఉండేలాగా రాయడం అనేది చాలా కష్టం. కానీ ఈ సినిమాలో అలాగే చేశారు. సినిమాలో నటించిన వాళ్లందరూ కూడా ప్రేక్షకులకు గుర్తుండిపోతారు. వాళ్లు స్క్రీన్ టైం ఎంత ఉన్నా కానీ, ఉన్నంత సేపు బాగా చేశారు. నటనకి ఆస్కారం ఉన్న పాత్రలు వాళ్ళకి వివేక్ ఆత్రేయ రాశారు. అందుకే అందరూ వివేక్ ఆత్రేయని పొగుడుతున్నారు. ఇంక నాని విషయానికి వస్తే, సరిపోదా శనివారం సినిమా తర్వాత, నాని దసరా సినిమా డైరెక్టర్ శ్రీకాంత్ ఓదెలతో కలిసి పని చేస్తున్నారు. ఈ సినిమాని ఇటీవల ప్రకటించారు.

సినిమాలకి కథ, దర్శకత్వం, పాటలు, ఫైట్స్, హీరో హీరోయిన్ వీటన్నిటితోపాటు ముఖ్యమైనది టైటిల్. ఒక సినిమా ప్రేక్షకుల్లోకి వెళ్ళాలి అంటే టైటిల్ బాగుండడం కూడా చాలా ముఖ్యం. అందుకే సినిమా బృందం కూడా టైటిల్ డిఫరెంట్‌గా ప్రేక్షకుల దృష్టిని ఆకర్షించేలా చూసుకుంటారు.

అయితే టైటిల్స్ ప్రేక్షకులను ఆకట్టుకోవడం తో పాటు.. టైటిల్ వినగానే..ఆ మూవీ జోనర్ తెలిసేలా ఉండాలి. ఆ కథకి ఈ టైటిల్ సరిగ్గా సరిపోయింది అని ప్రేక్షకులు అనేలా ఉండాలి. కానీ టాలీవుడ్ లో ఇప్పటి వరకు వచ్చిన చాలా చిత్రాలకు వాటి టైటిల్స్ కి సంబంధం లేకుండా ఉన్నాయి. అలా వచ్చిన చిత్రాలేంటో చూద్దాం..

#1 సారొచ్చారు
రవితేజ హీరోగా పరశురామ్ డైరెక్షన్ లో తెరకెక్కిన సారొస్తారా సినిమా ప్రేక్షకులను ఆకట్టుకోవడంలో ఫెయిల్ అయిన సంగతి తెలిసిందే. ఈ మూవీ కి, కథకి అసలు సంబంధమే ఉండదు. ఈ సినిమా నిర్మాతలకు సైతం భారీ నష్టాలను మిగిల్చింది.

#2 స్పైడర్
సూపర్ స్టార్ మహేష్ బాబు, మురుగ దాస్ కాంబినేషన్ లో వచ్చిన చిత్రం స్పైడర్. ఈ సినిమా కమర్షియల్ గా డిజాస్టర్ రిజల్ట్ ను సొంతం చేసుకున్న సంగతి తెలిసిందే.ఈ సినిమా తర్వాత మురుగదాస్ కు తెలుగులో ఆఫర్లు తగ్గాయి.

#3 ఐస్ క్రీమ్
రామ్ గోపాల్ వర్మ దర్శకత్వం లో నవదీప్ , తేజస్వి మదివాడ జంటగా తెరకెక్కిన ఈ చిత్రం డిజాస్టర్ ఫలితాన్ని సొంతం చేసుకుంది.

#4 బ్రూస్ లీ

చరణ్ శ్రీనువైట్ల కాంబినేషన్ లో తెరకెక్కిన బ్రూస్ లీ సినిమాకు సైతం కథకు టైటిల్ కు పొంతన ఉండదు.ఈ సినిమా కూడా కమర్షియల్ గా ఫ్లాప్ గా నిలిచింది.

#5 ఖలేజా

త్రివిక్రమ్ దర్శకత్వం లో మహేష్ హీరోగా చేసిన ఖలేజా చిత్రం ప్లాప్ అయినా .. దానికి ప్రత్యేకమైన ఫ్యాన్ బేస్ ఉంది. అయితే ఈ చిత్రానికి, టైటిల్ కి సంబంధం ఉండదు.

#6 ఛలో

నాగశౌర్య హిట్ సినిమాలలో ఛలో ఒకటి కాగా ఈ సినిమాకు టైటిల్ కు ఏ మాత్రం సంబంధం లేదనే సంగతి తెలిసిందే.

#7 ఆరెంజ్

బొమ్మరిల్లు భాస్కర్ దర్శకత్వం లో రామ్ చరణ్, జెనిలియా జంటగా వచ్చిన చిత్రం ఆరెంజ్. ఈ సినిమా కథకి, టైటిల్ కి ఏం పొంతన ఉండదు.

#8 రాధేశ్యామ్

పాన్ ఇండియా స్టార్ ప్రభాస్ నటించిన రాధే శ్యామ్ ప్రేక్షకులను నిరాశ పరిచిన విషయం తెలిసిందే. అయితే ఈ సినిమాకు టైటిల్ కు ఏ మాత్రం సంబంధం ఉండదు.

సినిమాల్లో పొరపాట్లు జరుగుతూనే ఉంటాయి. అయితే ఇందులో కొన్ని పొరపాట్లని మాత్రం వాటిని పొరపాటు అనాలో లేకపోతే ఆ సినిమా టీం నిర్ణయం అనాలో మనకి తెలియదు. అలా ఒక క్వశ్చన్ మార్క్ తో వదిలేస్తారు. ఇలాంటిదే ఒక సినిమాలో జరిగింది. విషయం ఏంటంటే. స్టైలిష్ స్టార్ అల్లు అర్జున్ – త్రివిక్రమ్ శ్రీనివాస్ కాంబినేషన్ లో వచ్చిన మొదటి సినిమా జులాయి. ఈ సినిమా ఎంత పెద్ద హిట్ అయ్యిందో ప్రత్యేకంగా చెప్పాల్సిన అవసరం లేదు.

ఇప్పటికి కూడా టీవీలో టెలికాస్ట్ అయినప్పుడు ఈ సినిమాని చాలా మంది చూస్తారు. జులాయి సినిమాకి ఇప్పటికి కూడా అంత క్రేజ్ ఉంది. అయితే, సినిమా విడుదలైన 9 సంవత్సరాల తర్వాత ఇందుకు సంబంధించిన ఒక పొరపాటు వెలుగులోకి వచ్చింది. అదేంటంటే, ఇందులో హీరో అనుకోకుండా ఒక కేసులో ఇరుక్కుంటాడు. దాంతో బిట్టు హీరో పై కోపం పెంచుకుంటాడు. బిట్టు నుండి తప్పించుకోవడానికి హీరో ఒక ప్లాన్ వేస్తాడు. తను చనిపోయినట్టు ఒక ఫేక్ న్యూస్ క్రియేట్ చేయమని పోలీసులకు సలహా ఇస్తాడు.

హీరో చెప్పినట్టు పోలీసులు కూడా అదే సలహా పాటిస్తారు. అయితే, ఇందులో హీరో పోషించిన పాత్ర పేరు రవీందర్ నారాయణ్. కానీ పేపర్ లో పడిన ఫోటోలో మాత్రం రవి కుమార్ అని పడుతుంది. బిట్టుకి ఆల్రెడీ హీరో గురించి అంతా తెలుసు. అంతే కాకుండా హీరో తానే చనిపోయినట్టు చిత్రీకరించాలి అనుకుంటాడు. మరి అలాంటప్పుడు పేరు మార్చడం ఎందుకు? ఇది ఫేక్ న్యూస్ కాబట్టి పేరు మార్చారా? లేదా నిజంగానే పొరపాటు జరిగిందా? ఈ ప్రశ్నకు సమాధానం గురూజీ కే తెలియాలి మరి.

పాట అనేది లేకుండా ఈ ప్రపంచాన్ని ఊహించుకోవడం చాలా కష్టం. భాషలు వేరేగా ఉంటాయి. పాటల్లో ఎన్నో రకాలు ఉంటాయి. అయినా కూడా అందరూ సంగీతాన్ని ఇష్టపడతారు. సంగీతంలో శాస్త్రీయ సంగీతం, పాశ్చాత్య సంగీతం ఉంటాయి. అన్ని రకాల పాటలని ఇష్టపడే వాళ్ళు ఉంటారు. కొంత మంది ఏదో ఒక రకమైన పాటలు మాత్రమే వింటారు. ఏదేమైనా పాటలు మాత్రం వింటూనే ఉంటారు. తెలుగు సినిమా ఇండస్ట్రీలో సంగీతాన్ని అభివృద్ధి చేయడంలో కొంత మందిది మాత్రం చాలా ముఖ్యపాత్ర ఉంది. ఇప్పుడు అంటే ఎంతో మంది సింగర్లు వచ్చారు. కానీ గతంలో పరిస్థితి ఇలా ఉండేది కాదు.

కేవలం కొంత మంది సింగర్స్ మాత్రమే ఉండేవారు. వారే ప్రతి సినిమాలో హీరోకి తగ్గట్టుగా పాటలు పాడుతూ ఉండేవారు. ఈ పైన ఫోటోలో ఉన్న ఒక వ్యక్తి తెలుగు సినిమా ఇండస్ట్రీలో సంగీత అభివృద్ధికి పెద్ద మెట్టు వేశారు. ఈ ఫోటోలో తన గురువు గారితో ఆ వ్యక్తి ఉన్నారు. ఘంటసాల వెంకటేశ్వరరావు గారు. అయినని అందరూ ఘంటసాల అని కూడా అంటారు. ఒక గొప్ప సంగీతకారుడు. పాటలు బాగా పాడడంతో పాటు, బాగా స్వరపరుస్తారు కూడా. ఏ హీరో పాట పాడినా కూడా ఆ హీరో కి తగ్గట్టుగానే పాడటం ఘంటసాల గారి ప్రత్యేకత. ఈ ఫోటోలో ఘంటసాల గారు తన గురువు గారు అయిన పాట్రాయిని సీతారామ శాస్త్రి గారితో ఉన్నారు.

కుర్చీలో కూర్చున్న వ్యక్తి పాట్రాయిని సీతారామ శాస్త్రి గారు. కింద కూర్చున్న వారిలో కుడివైపు నుండి రెండవ వారు ఘంటసాల గారు. ఈ ఫోటో విజయనగరం సంగీత కళాశాలలో ఘంటసాల గారు చదువుకునే రోజుల్లో తన సహ విద్యార్థులతో కలిసి, తన గురువు గారితో పాటు ఘంటసాల గారు దిగిన ఫోటో. ఈ ఫోటోని కోరాలో వెంకటరమణ సూరంపూడి గారు షేర్ చేశారు. గుడివాడలో ఉన్న చౌటపల్లిలో ఘంటసాల గారు పుట్టారు. ఘంటసాల గారు విజయనగరంలో ఉన్న మహారాజాస్ గవర్నమెంట్ కాలేజ్ ఆఫ్ మ్యూజిక్ అండ్ డాన్స్ లో చేరారు. ఆ సమయంలో తీసుకున్న ఫోటో ఇది.