Filmy Adda

సినిమా ఉండేది మూడు గంటలే. కానీ ఆ సినిమా చూపించే ప్రభావం ఎంతో కాలం ఉంటుంది. కొన్ని సినిమాలు అలా చూసి, అలా మర్చిపోయేలాగా ఉంటాయి. కానీ కొన్ని సినిమాలు అలా కాదు. ఒకసారి చూస్తే జీవితాంతం గుర్తుండిపోతాయి. ఆ సినిమా మైండ్ లో నుండి పోవడానికి చాలా సమయం పడుతుంది. అలాంటి సినిమాలు చాలా వచ్చాయి. ఇంకా వస్తూనే ఉంటాయి. సినిమా చూశాక ఎన్నో సంవత్సరాలు ఆ సినిమా ప్రేక్షకులకి గుర్తు ఉంటే ఆ సినిమాని క్లాసిక్ అని అంటారు. అలాంటి ఒక సినిమా గురించి ఇప్పుడు మనం మాట్లాడుకోబోతున్నాం. కమల్ హాసన్. విలక్షణ నటుడు. ఆయన పోషించని పాత్ర లేదు.

ప్రతి పాత్రకి అదొక రకమైన గొప్పతనాన్ని ఆయన తీసుకొస్తారు. చాలా మంది నటులు ఆయన్ని స్ఫూర్తిగా తీసుకుంటారు. ఒక మనిషికి తన వృత్తిపట్ల ఎంత గౌరవం ఉంటుంది అనేది కమల్ హాసన్ ని చూస్తే తెలుస్తుంది. సినిమా కోసం ఆయన పడే తపనని చూస్తే ఆశ్చర్యం అనిపిస్తుంది. ప్రతి సినిమాకి, ప్రతి పాత్రకి తనని తాను మార్చుకుంటారు. ఇలా చాలా తక్కువ మంది చేస్తారు. 40 ఏళ్ల వ్యక్తిగా నటించిన కమల్ హాసన్, 80 ఏళ్ల వ్యక్తిగా కూడా నటిస్తారు. కమల్ హాసన్ నటించిన సినిమా అన్బే శివం. ఈ సినిమాని తెలుగులో సత్యమే శివం పేరుతో డబ్ చేసి విడుదల చేశారు. కమల్ హాసన్ సినిమాల్లోనే ఒక మంచి సినిమాగా ఇది నిలుస్తుంది.

ఇప్పటికి కూడా ఈ సినిమాని చాలా మంది క్లాసిక్ సినిమా అని అంటారు. ఇండియన్ సినిమాల్లోనే వచ్చిన బెస్ట్ సినిమాల్లో ఒకటిగా ఈ సినిమాని పరిగణిస్తారు. ఈ సినిమాలో కమల్ హాసన్ తో పాటు మాధవన్ కూడా ఒక ముఖ్య పాత్ర పోషించారు. హీరోయిన్ గా కిరణ్ రాథోడ్ నటించారు. సుందర్ సి ఈ సినిమాకి దర్శకత్వం వహించారు. ఇప్పుడు సుందర్ సి అంటే మనకి ఇటీవల వచ్చిన కళావతి సినిమా, దాని సిరీస్ సినిమాలు గుర్తొస్తాయి. కానీ సుందర్ సి ఇలాంటి సినిమాని కూడా తెరకెక్కించారు. చాలా మెసేజ్ ఓరియంటెడ్ సినిమా ఇది. సినిమాలు జీవితానికి అర్థం తెలుపుతాయి అనే దానికి ఒక నిదర్శనం ఈ సినిమా. విద్యాసాగర్ గారు ఈ సినిమాకి సంగీత దర్శకత్వం వహించారు. ఈ సినిమాకి కథ కమల్ హాసన్ అందించారు.

ఎంతో మంది దర్శకులకి కమల్ హాసన్ ఈ సినిమా కథని వినిపించారు. కానీ తర్వాత సుందర్ సి తో ఈ సినిమా చేశారు. ఈ సినిమా అమెజాన్ ప్రైమ్ లో అందుబాటులో ఉంది. సినిమా కలెక్షన్ల పరంగా ఆశించిన ఫలితాన్ని ఇవ్వలేదు. కానీ విమర్శకులు మాత్రం ఈ సినిమాని చాలా అభినందించారు. ఇప్పటికి కూడా కమల్ హాసన్ కెరీర్ లో మాత్రమే కాకుండా, భారతీయ సినిమా చరిత్రలోనే ఈ సినిమాని గొప్ప సినిమాల్లో ఒకటిగా అనుకుంటారు అంటే, నిజంగానే ఈ సినిమా ఎంత గొప్ప సినిమా అనేది మనమే అర్థం చేసుకోవాలి. చాలా మంది ఈ సినిమా చూశాక నటనని, సినిమాలో ప్రతి విషయాన్ని చూపించిన విధానాన్ని పొగిడారు.

మన ఇండస్ట్రీలో ఎంతో మంది బయట నుంచి వచ్చిన హీరోలు ఉంటారు. అలాగే తమ కుటుంబం ద్వారా సినిమాల్లోకి వచ్చిన నటులు కూడా ఉంటారు. ఎలా వచ్చినా కానీ, ఎంతో కష్టపడి వాళ్ళ నటనతో ఇండస్ట్రీలో ఒక స్థానం సంపాదించుకుంటారు. అలా ఒక ప్రముఖ కుటుంబం నుంచి వచ్చిన వ్యక్తి కళ్యాణ్ చక్రవర్తి. కళ్యాణ్ చక్రవర్తి నందమూరి కుటుంబానికి చెందినవారు. ఎన్టీఆర్ గారి తమ్ముడు త్రివిక్రమ రావు గారి కుమారుడే కళ్యాణ్ చక్రవర్తి.

తండ్రి, పెద్ద నాన్న సినీ రంగం లోనే ఉండేసరికి చిన్నతనం నుండి కళ్యాణ్ చక్రవర్తి నటుడు అవ్వాలని అనుకున్నారట. 1986 లో కోడి రామకృష్ణ గారి దర్శకత్వంలో వచ్చిన అత్తగారు స్వాగతం అనే సినిమాతో ఇండస్ట్రీలో అడుగు పెట్టారు కళ్యాణ్ చక్రవర్తి. ఆ తర్వాత ఇంటి దొంగ, తలంబ్రాలు, మామ కోడళ్ళ సవాల్, మారణహోమం, రౌడీ బాబాయ్, ప్రేమ కిరీటం ఇలా ఎన్నో సినిమాల్లో నటించారు. అంతే కాకుండా మెగాస్టార్ చిరంజీవి హీరోగా నటించిన లంకేశ్వరుడు సినిమాలో కూడా ఒక ముఖ్య పాత్రలో నటించారు కళ్యాణ్ చక్రవర్తి. కళ్యాణ్ చక్రవర్తి చివరిగా 2003 లో విడుదలైన కబీర్ దాస్ సినిమాలో నటించారు. ఆ తర్వాత మళ్లీ సినిమాల్లో నటించలేదు.

అయితే తాజాగా నందమూరి తారకరత్న చనిపోయినపుడు.. అంత్యక్రియల సమయం లో కళ్యాణ్ చక్రవర్తి గారు కనిపించారు. హైదరాబాద్ వచ్చిన ఆయన తారక రత్న నివాసం వద్ద కళ్యాణ్ రామ్, జూనియర్ ఎన్టీఆర్‌లను కళ్యాణ చక్రవర్తి పలకరిస్తున్న వీడియో కూడా నెట్టింట వైరల్ అవుతోంది. చాలా కాలం తర్వాత నందమూరి కళ్యాణ చక్రవర్తి కనిపించడంతో నందమూరి ఫ్యాన్స్ సంతోష పడుతున్నారు. అప్పటికి ..ఇప్పటికి చాలా మారిపోయారంటూ కామెంట్స్ చేస్తున్నారు. ప్రస్తుత సినిమాల్లో తండ్రి పాత్రలకు సరిగా సరిపోతారు.. మళ్ళీ సినిమాల్లోకి రావాలి అంటూ కామెంట్స్ చేస్తున్నారు ఫాన్స్.

అయితే కళ్యాణ్ చక్రవర్తి కొడుకు పృథ్వి రోడ్ యాక్సిడెంట్ లో చనిపోవడం, అలాగే కొన్ని సినిమాల్లో నటించిన కళ్యాణ్ చక్రవర్తి తమ్ముడు అయిన హరీన్ చక్రవర్తి కూడా ప్రాణాలను కోల్పోవడం, అదే ప్రమాదం లో త్రివిక్రమరావు గారికి గాయాలు అవ్వడంతో కళ్యాణ్ చక్రవర్తి గారు తండ్రిని చూసుకుంటూ చెన్నైలోనే ఉండిపోయారు. తన తండ్రి చనిపోయిన తర్వాత కూడా కళ్యాణ్ చక్రవర్తి మళ్లీ హైదరాబాద్ కి తిరిగి రాలేదు. చెన్నైలోనే వ్యాపారాలు చూసుకుంటూ ఉండిపోయారు. ఈయన సినిమాల్లో కొనసాగి ఉంటే పెద్ద స్టార్ అయ్యి ఉండేవారని అభిమానులు అభిప్రాయ పడుతున్నారు.

సినిమా ఇండస్ట్రీ లో నెగ్గుకు రావాలి అంటే..ప్రతిభతో పాటు కాస్త అదృష్టం కూడా ఉండాల్సిందే. ఎంతో ప్రతిభతో, వారి స్వయం కృషి తో హీరోలు కానీ, డైరెక్టర్ లు ప్రేక్షకుల మనసుల్లో స్థానం సంపాదించుకుంటారు. అయితే కొన్ని హిట్ లు రాగానే సరైన కథలు ఎంచుకోకుండా సినిమాలు తీస్తూ ఉంటారు.

అసలు అన్యాయం వైపు ఉన్న వ్యక్తుల్ని హీరోలుగా.. వాటిని అడ్డుకున్న వారిని విలన్లుగా చూపించటం ఇప్పటి సినిమాల్లో జరుగుతుంది. అది చూసి ప్రేక్షకులు వారిని అనుకరించటం వంటివి చేయడం మొదలు పెడితే అది చాలా పెద్ద సమస్యగా మారుతుంది. ఇది చాలా మంది హీరోలు, దర్శకులు గుర్తించట్లేదు.

ఒకవైపు అద్భుత చిత్రాలతో తెలుగు చిత్రసీమ ఖ్యాతి ఖండాంతరాలు దాటుతుంటే మరో వైపు ఇటువంటి చిత్రాలు దాన్ని తగ్గిస్తున్నాయి. వాటిలో చాలా వరకు హిట్ టాక్ తెచ్చుకున్నవే..అలాంటి కొన్ని సినిమాలేంటో చూద్దాం.

#1 ఇడియట్

అమ్మాయి మనోభావాలతో సంబంధం లేకుండా కౌగిలించుకో, ముద్దుపెట్టు అని హీరో హీరోయిన్ ను వేధిస్తుంటే అదే ట్రెండ్ అని యూత్ ఫాలో అయిపోతున్నారు.

#2 పోకిరి
ఈ సినిమా ఎంత పెద్ద హిట్టో కొత్తగా చెప్పక్కర్లేదు. ఇది మన యూత్ మీద ఎంతో ప్రభావం చూపించింది .. కృష్ణ మనోహర్ ని చూసి నేర్చుకుందామని ఒకడు కూడా అనుకోడు .. కానీ పండు గాడ్ని చూసి మాత్రం చాలా విధాలుగా చెడిపోయారు యూత్.

#3 చిత్రం
దర్శకుడు ఒక మెసేజ్ ఇద్దామని ట్రై చేస్తే అది చాలా ఎబ్బెట్టుగా మారింది.

#4 ఖతర్నాక్
మనకి విద్య చెప్పే గురువుల్ని గౌరవించేలా రేపటి తరానికి నేర్పించాలి కానీ ఈ సినిమా లో దానికి పూర్తి వ్యతిరేకం గా చూపించారు.

#5 అర్జున్ రెడ్డి
ఈ సినిమా రిలీజ్ అయినపుడు చాలా సెన్సేషన్ క్రియేట్ చేసింది. కానీ ఇందులో హీరో పాత్ర కానీ, హీరోయిన్ తో ప్రవర్తించే విధానం కానీ సరిగా ఉండవు.

#6 నేను లోకల్
ఒక అమ్మాయిని నిజం గా ప్రేమించిన వ్యక్తి తన తండ్రి మాట మేరకు జీవితం లో స్థిర పడ్డాకే వస్తాను అని చెప్పి వెళ్తాడు. అతడు ఈ సినిమాలో విలన్. కానీ ఆ అమ్మాయిని నిత్యం వేధిస్తూ.. ఆమె తండ్రిని కించపరుస్తూ..సరైన చదువు, ఉద్యోగం లేకుండా ఉన్న వాడు హీరో. కానీ ఈ చిత్రం హిట్ అయింది.

#7 హార్ట్ ఎటాక్
ఒక అమ్మాయిని ప్రేమిస్తున్నాను, ఎప్పటికి నీతోనే ఉంటాను అని చెప్పకుండా..హీరో నీ నుంచి ఒక్క ముద్దు ఇస్తే చాలు.. ఇంకేం వద్దు అని చెప్తాడు..ఇదే హీరోయిజం ఈ సినిమాలో.

#8 ఆర్ ఎక్స్ 100
అసలు హీరోని చూసి నచ్చడంతో తన కోసం హీరోయిన్ చేసే దుర్మార్గాలు అన్ని ఈ చిత్రం లో చూపించారు. దీన్ని ప్రేక్షకులు ఏ విధం గా తీసుకున్నారు అన్నది వేరే విషయం.

#9 ఉప్పెన
సరిగా జీవితం అంటే ఏంటో తెలియని ఒక అమ్మాయి.. ఒక పేద వ్యక్తి దగ్గర దొరికిన స్వేచ్చని ప్రేమ అనుకుంటుంది. దాని కోసం ఎన్ని ఆటంకాలు ఎదురైనా అతనితోనే ఉండేందుకు సిద్ధపడుతుంది.

#10 పుష్ప
ఈ చిత్రం లో ఒక నేరస్తుడే హీరో. అతన్ని అడ్డుకొనే పోలీసులు విలన్లు. ఆ హీరో మ్యానరిజాల్ని అనుకరిస్తూ అభిమానిస్తున్నారు ప్రేక్షకులు.

సక్సెస్ లో ఉన్నోడికి మన ఇచ్చే విలువ, మర్యాద కొంచెం ఎక్కువే. అదే ఫిల్మ్ ఇండస్ట్రీలో అయితే మరీ ఎక్కువగా  ఉంటుంది. వరుసగా హిట్ కొడుతున్న డైరెక్టర్ ఇంటికెళ్లి మరీ, నాకు కూడా ఓ స్టోరీ రాయి మనం కలిసి చేద్దాం అంటారు హీరోలు.

అదే ఓ ఫ్లాప్ లేదా యావరేజ్ టాక్ వస్తే ఆ డైరెక్టర్ తో కలిసి సినిమా చేయాలి అంటే ఒకటి రెండుసార్లు ఆలోచిస్తారు. కొందరైతే కథ వినడానికి కూడా ఇష్టపడరు.

కానీ జూనియర్ ఎన్టీఆర్ మాత్రం ఎందుకు భిన్నంగా సక్సెస్, ఫెయిల్యూర్ తో సంబంధం లేకుండా కథ నచ్చితే సినిమా చేయడానికి గ్రీన్ సిగ్నల్ ఇస్తున్నాడు.
అందుకు ఉదాహరణలే కింద పేర్కొన్న సినిమాలు..

1. వంశీ పైడిపల్లి

వంశీ పైడిపల్లి తొలి సినిమా మున్నా. ఈ సినిమాకు మిక్స్డ్ టాక్ రావడంతో బాక్సాఫీస్ దగ్గర యావరేజ్ గా ఆడింది. అయితే చాలా గ్యాప్ తర్వాత వంశీ దిల్ రాజు బ్యానర్‌లో “బృందావనం” చేసాడు. వంశీకి యావరేజ్ డెబ్యూ ఉన్నా కూడా తారక్ ఛాన్స్ ఇచ్చి హిట్ కొట్టాడు.

2. మెహర్ రమేష్

మెహర్ రమేష్ కి కంత్రి సినిమాలో తారక్ ఫస్ట్ టైమ్ వర్క్ చేసాడు. ఈ సినిమా యావరేజ్ అయినా మళ్లీ ఛాన్స్ ఇచ్చాడు ఎన్టీఆర్ కానీ డైరెక్టర్ శక్తి సినిమాతో డిజాస్టర్ సినిమా ఇచ్చాడు.

3. పూరీ జగన్నాథ్

పూరీ జగన్నాథ్ కి టెంపర్ ముందు వరకు రోమియో, హర్ట్ ఎటాక్ వంటి వరుస ఫ్లాప్ లే ఉన్నాయి. చాలాకాలం తర్వాత తారక్, పూరీ కలిసి టెంపర్ సినిమా తీశారు. ఇది పెద్ద హిట్ అయింది.

4. సుకుమార్

సుకుమార్ మహేష్ బాబుతో చేసిన 1: నేనొక్కడినే ఒక పాఠంలాంటిది. ఈ సినిమాకి విమర్శకుల నుంచి ప్రశంసలు వచ్చాయి కానీ కమర్షియల్ గా ఫెయిల్ అయింది. ఐతే 1: నేన్నొకడినే తర్వాత తారక్ సుక్కుకి ఛాన్స్ ఇస్తే “నాన్నకు ప్రేమతో” వంటి హిట్ మూవీ వచ్చింది.

5. బాబీ

సర్దార్ గబ్బర్ సింగ్ లాంటి ఫ్లాప్ తర్వాత బాబీ కి సినిమాలే రావు అనుకున్నారు. కానీ కట్ చేస్తే తారక్ బాబీకి ఛాన్స్ ఇచ్చాడు. జై లవ కుశ తారక్ కెరీర్‌లో బిగ్గెస్ట్ హిట్‌గా నిలిచింది.

6. త్రివిక్రమ్

పవన్ కళ్యాణ్ తో త్రివిక్రమ్ చేసిన అజ్ఞాతవాసి గురూజీ కెరీర్ లో డిజాస్టర్ మూవీగా నిలిచింది.
ఆ సమయంలో తారక్ త్రివిక్రమ్ ను నమ్మి “అరవింద సమేత” కి ఓకే చెప్పాడు. దీంతో త్రివిక్రమ్ మళ్లీ విజయాల బాట పట్టాడు.

7. కొరటాల శివ

మొన్న ఆచార్య తో ఫ్లాప్‌లు లేని కొరటాల కి పెద్ద డిజాస్టర్ వచ్చింది. కానీ జనతా గ్యారేజ్ లాంటి హిట్ ఇచ్చిన కొరటాల కి తారక్ మళ్లీ ఎన్టీఆర్ కు అవకాశం ఇచ్చాడు. ఫలితం ఎలా ఉంటుందో వేచి చూడాలి.

సినీ ఇండస్ట్రీ లో విలన్ గా కెరీర్ ను ప్రారంభించి హీరోగా మారిన వాళ్లు చాలా మంది ఉన్నారు. ఆ లిస్ట్‌లో ఈ యాక్టర్ పేరు కూడా ఉంటుంది. అతడే నటుడు అర్జున్ దాస్. తమిళ చిత్రాలు మాస్టర్, ఖైదీ, విక్రమ్ సినిమాలతో బాగా పాపులర్ అయ్యాడు నటుడు అర్జున్ దాస్. గతంలో చేసిన సినిమాలకంటే ఈ మూడు సినిమాలు అతనికి మంచి పేరుని తెచ్చిపెట్టాయి. ఇక అతని వాయిస్ గంభీరంగా ఉండటంతో అతని వాయిస్ తో కూడా బాగా పాపులర్ అయ్యాడు. తక్కువ టైంలో అతనికి తమిళ్ తో పాటు తెలుగులో కూడా అభిమానులు వచ్చారు.

arjun das from oxygen movie

అతడు తెలుగులో నేరుగా చేసిన చిత్రం ఒకటే ఒకటి అది గోపీచంద్ హీరోగా వచ్చిన ఆక్సిజన్ మూవీ. ఆ తర్వాత అన్ని తమిళ చిత్రాలే చేస్తూ వచ్చాడు అర్జున్ దాస్. గతేడాది 7 సినిమాల్లో నటించాడు.అయితే క్యారెక్టర్ ఆర్టిస్ట్ గానే అతడు పాపులర్ అవుతుండడం విశేషం. అతడు తొలిసారిగా నటించిన మూవీ కార్తి హీరోగా వచ్చిన ఖైదీ. ఇండస్ట్రీకి వచ్చి అతి తక్కువ రోజుల్లోనే అర్జున్ తనని తాను నిరూపించుకున్నాడు. ఇప్పుడు తాజాగా ‘బుట్టబొమ్మ’ చిత్రం తో తెలుగులో హీరోగా ఎంట్రీ ఇస్తున్నాడు. సితార ఎంటర్‌టైన్‌ మెంట్స్‌, ఫార్చూన్ ఫోర్ సినిమాస్‌ బ్యానర్లపై తెరకెక్కనున్న ఈ చిత్రానికి శౌరి చంద్రశేఖర్ రమేష్ దర్శకుడిగా పరిచయం అవుతున్నారు.

చెన్నైలో జన్మించిన అర్జున్ చిన్న తనం నుంచి చదువులో ముందుండేవాడు.అలాగే నటన అంటే కూడా మహా ఇష్టం.కానీ కుటుంబ ఆర్థిక పరిస్థితుల దృష్ట్యా తాను ముందు లైఫ్ లో సెటిల్ అవ్వాలనుకున్నాడు అర్జున్. తర్వాత దుబాయిలో బ్యాంకు ఉద్యోగం సాధించి లక్షల్లో జీతం అందుకున్నాడు. ఆ తర్వాత కొంతకాలం తర్వాత ఆ జాబ్ మానేసి నటుడిగా తన ప్రయత్నాలు మొదలుపెట్టాడు. ఉద్యోగం మానేసి మళ్లీ చెన్నైకి వచ్చి చేరుకున్నాడు.

అయితే చెన్నైకి వచ్చాక అతను బాగా బరువు పెరిగాడు.అయితే సినిమాల్లో నటించాలంటే ఇంత బరువు ఉండకూడదు అనుకొని ఏకంగా 32 కేజీలు తగ్గాడు. అర్జున్ మొదటిసారిగా పెరుమాన్ అనే సినిమాలో నటించాడు.ఈ సినిమాలో మెయిన్ రోల్ లో నటించిన కూడా అతడికి పెద్దగా అవకాశాలు రాలేదు. ఆ తర్వాత చాలా కాలం తర్వాత కార్తీతో ఖైదీ సినిమాలో విలన్ గా నటించే అవకాశం దక్కింది. ఆ తరువాత అతడికి అవకాశాలు క్యూ కట్టాయి. ఒకే జోనర్ కి పరిమితం కాకుండా రకరకాల పాత్రలు ఎంచుకుంటున్నాడు అర్జున్ దాస్.

అపరిచితుడు సినిమా మీ అందరికీ గుర్తుండే ఉంటుంది. డబ్బింగ్ సినిమా అయినా కూడా మన సినిమా లాగా ఆదరించిన సినిమాల లో అపరిచితుడు కూడా ఒకటి. మల్టిపుల్ పర్సనాలిటీ డిజార్డర్ అనే ఒక కొత్త రకం వ్యాధి ని ఈ సినిమా ద్వారా జనాల్లోకి తీసుకువచ్చారు శంకర్.

ఇంక విక్రమ్ నటన గురించి అయితే చెప్పాల్సిన అవసరమే లేదు. ఆ పాత్రలో విక్రమ్ ని తప్ప ఇంకెవర్నీ ఊహించుకోలేం. ఇప్పుడు కూడా అపరిచితుడు పేరు వినగానే మనకి గుర్తొచ్చేది విక్రమ్ ముఖమే. ఒకసారి వెనక్కి వెళ్లి సినిమా మొత్తం మళ్లీ గుర్తు తెచ్చుకుందాం. విక్రమ్ కి మల్టిపుల్ పర్సనాలిటీ డిజార్డర్ ఉంటుంది. ఆ విషయం తనకి తెలీదు. అతని లో ఉండే ముగ్గురు మనుషుల లో ఒకతను అన్యాయం జరిగితే సహించడు. నరకంలో విధించే శిక్షల రూపంలో నేరస్తులు అందరిని చంపుతాడు.

పోలీసులు హత్యలు చేసేది ఎవరు అని ఎంత ఇన్వెస్టిగేట్ చేసినా ఎటువంటి ఆధారం దొరకదు. విక్రమ్ లో ఉన్న ముగ్గురిలో ఒక అతనితో ప్రేమ లో ఉన్న హీరోయిన్ విక్రమ్ ఇలా విచిత్రంగా ప్రవర్తించడం చూసి సైకియాట్రిస్ట్ దగ్గరికి తీసుకెళ్తుంది. అక్కడ విక్రమ్ హిప్నటైజ్ అవుతాడు.

తనకి ఒక చెల్లి కూడా ఉండేది అని, వాళ్ళ చిన్నప్పుడు స్కూల్ కి వెళ్లి వస్తూ ఉంటే వర్షం వల్ల రోడ్డుమీద నిలిచిపోయిన నీటిలో కరెంటు వైర్ పడి విక్రమ్ ఇంకా వాళ్ళ చెల్లి తో పాటు మరికొందరు వస్తున్న వాహనం అదుపు తప్పి ఆ నీళ్లలో పడడంతో వాళ్ళ చెల్లెలు నీటిలో పడి కరెంట్ షాక్ కొట్టి చనిపోతుంది.

అప్పటి నుంచి విక్రమ్ మానసికంగా కొంచెం బలహీనంగా ఉంటాడు. కరెంట్ దగ్గర పనిచేసిన లైన్ మ్యాన్ ని అరెస్ట్ చేయకుండా కోర్టులో కూడా సరైన తీర్పు ఇవ్వకపోవడంతో విక్రమ్ కి తెలియకుండానే మానసికంగా తనలో ఎంతో మార్పు వస్తుంది. అందులో నుండి వచ్చినదే ఈ మల్టిపుల్ పర్సనాలిటీ డిజార్డర్. తర్వాత సైక్రియాటిస్ట్ సహాయంతో విక్రమ్ మళ్ళీ మామూలు మనిషి అవుతాడు. కానీ చివరి లో ట్రైన్ లో మందు తాగుతున్న ఒక వ్యక్తిని చంపేస్తాడు.

అసలు ఈ సినిమా కథ అంతా అందరికీ తెలిసిందే కదా? మళ్లీ కొత్తగా చెప్పడం దేనికి? అనుకుంటున్నారా? ఒకసారి క్లైమాక్స్ ని గమనించండి. విక్రమ్ ఆ వ్యక్తిని ఎందుకు చంపుతాడు? మీలో సగంమంది దీనికి ఆన్సర్ తప్పుగా అనుకుంటారు.

ఏముంది? పబ్లిక్ ట్రాన్స్ పోర్ట్ లో తాగడం తప్పు. అతను తాగాడు అందుకే అపరిచితుడు చంపేశాడు. మీలో చాలా మందికి వచ్చిన జవాబు ఇదేగా? ఒకవేళ మీ ఆన్సర్ ఇదే అయితే మీరు తప్పు చెప్పినట్టే. విక్రమ్ పాత్ర ఆ వ్యక్తిని చంపడానికి గల అసలు కారణం ఏంటి అంటే తన చెల్లి చనిపోవడానికి గల కారణం అయిన లైన్ మ్యాన్ అతనే కాబట్టి. చూశారా మీలో చాలా మందికి ఇది తెలియకపోవచ్చు. చాలామందికి తెలిసి ఉండొచ్చు కూడా. తెలియని వాళ్ళు ఒకసారి మళ్లీ వెళ్లి సినిమా చూసి క్రాస్ చెక్ చేయండి. ఇదే కాకుండా ఈ సినిమా లో ఇంకా ఇప్పటివరకు గమనించని  కొత్త విషయాలు కూడా ఏమైనా తెలియచ్చు ఏమో.

నాగార్జున హీరోగా వచ్చిన “సోగ్గాడే చిన్ని నాయనా” సినిమా ఓ రేంజ్ లో హిట్ అయింది. అటు ఫ్యామిలీ ఆడియెన్స్ ని… ఇటు మాస్ ఆడియెన్స్ ని ఆకట్టుకున్న సంగతి తెలిసిందే. అయితే.. ఈ సినిమా పార్ట్ 2 కూడా ఉంటుంది అని అప్పుడే ప్రకటించారు. అప్పటినుంచి సీక్వెల్ ఎలా ఉండబోతోందా? అని అందరిలోనూ ఉత్సుకత నెలకొంది.

తాజాగా.. ఈ సినిమాకు “బంగార్రాజు” అనే టైటిల్ ను కూడా ఖరారు చేసారు. ఈ సినిమాలో నాగార్జునతో పాటు నాగ చైతన్య కూడా నటిస్తున్నారు. నాగ చైతన్య సరసన క్రితి శెట్టి నటించనున్నారు. న్యూ ఇయర్ సందర్భంగా బంగార్రాజు టీజర్ విడుదల చేసారు. ఈ సినిమా సంక్రాంతి కనుకగా విడుదల అవ్వబోతోంది.

టీజర్‌లో నాగార్జున, నాగ చైతన్య, రమ్య కృష్ణ, క్రితి శెట్టి కనిపించారు. వీరు మాత్రమే కాకుండా సినిమాలో ఉన్న మరి కొంత మంది నటులు కూడా ఇందులో కనిపించారు. అంతే కాకుండా బంగార్రాజు సినిమా ట్రైలర్ కూడా విడుదల అయ్యింది. పండగకి సరిపోయే సినిమా అని అనిపించేలాగా ఈ ట్రైలర్ ఉంది. ట్రైలర్ లో బంగార్రాజు అయిన నాగార్జున, రమ్య కృష్ణతో మాట్లాడుతూ ఉన్నప్పుడు నాగ చైతన్య పాత్ర వారి మనవడు అని రమ్య కృష్ణ చెప్తారు. అంటే రాము, సీత కొడుకు ఈ చిన బంగార్రాజు.

దీని ప్రకారం రెండవ నాగార్జున పాత్ర అయిన రాము పక్కన నటించిన లావణ్య త్రిపాఠి, నాగ చైతన్యకి తల్లి అవుతుంది. నాగ చైతన్య, లావణ్య త్రిపాఠి అంతకుముందు యుద్ధం శరణం సినిమాలో హీరోహీరోయిన్లుగా నటించారు. ఆ సినిమాకంటే ముందు మనం సినిమాలో ఇద్దరు ఫ్రెండ్స్ గా కనిపిస్తారు. ఇలా లావణ్య త్రిపాఠి నాగ చైతన్యకి ఫ్రెండ్ గా, నాగ చైతన్య పక్కన హీరోయిన్ గా, అలాగే నాగ చైతన్య తల్లిగా కూడా నటించారు అన్నమాట. బంగార్రాజు సినిమా సంక్రాంతి కానుకగా జనవరి 14వ తేదిన విడుదల అవ్వబోతోంది.

పవర్ స్టార్ పవన్ కళ్యాణ్ అటు సినిమాలలో నటిస్తూనే, ఇటు జనసేన అధినేతగా, ఆంధ్రప్రదేశ్ ఉపముఖ్యమంత్రిగా రాజకీయాలలోను క్రియాశీలకంగా పనిచేస్తున్నారు. రీసెంట్ గా బ్రో మూవీతో ఆడియెన్స్ ను పలకరించారు. ప్రస్తుతం వరుస సినిమాలలో నటిస్తున్నారు. సుజిత్ దర్శకత్వంలో ఓజీ, హరిహర వీరమల్లు, హరిశంకర్ దర్శకత్వంలో ఉస్తాద్ భగత్ సింగ్ మూవీలో నటిస్తున్నారు.

ఇటీవల ఉస్తాద్ భగత్ సింగ్ సెట్స్ నుండి పవన్ కళ్యాణ్ పోలీస్ యూనిఫామ్ లో ఉన్న ఫోటోలు నెట్టింట్లో వైరల్ గా మారాయి. తాజాగా ఈ మూవీ గురించిన అప్డేట్ సోషల్ మీడియాలో చక్కర్లు కొడుతోంది. ఆ వివరాలు ఇప్పుడు చూద్దాం..
పవర్ స్టార్ పవన్ కళ్యాణ్ తో గబ్బర్ సింగ్ వంటి బ్లాక్ బస్టర్ హిట్ సినిమా తీసిన దర్శకుడు హరీష్ శంకర్ చాలా కాలం తరువాత  పవన్ కళ్యాణ్ హీరోగా ఉస్తాద్ భగత్ సింగ్ మూవీని తెరకెక్కిస్తున్నారు. ఇప్పటికే కొంత షూటింగ్ పూర్తి చేసుకున్న ఈ సినిమా గత 3 నెలలుగా పోస్ట్ పోన్ అయ్యింది. పవన్ కళ్యాణ్ పాలిటిక్స్ లో బిజీగా ఉండడంతో  ఆయనకు టైమ్ దొరికినప్పుడు మాత్రమే షూటింగ్ లో పాల్గొంటున్నారు.
ఇటీవల జరిగిన షెడ్యూల్లో కీలక యాక్షన్ సీన్స్ ను షూట్ చేసినట్లుగా మేకర్స్ వెల్లడించారు. ఈ మూవీ కోలీవుడ్ మూవీ తేరికి రీమేక్ గా తెరకెక్కుతున్న విషయం తెలిసిందే.  తాజాగా ఉస్తాద్ భగత్ సింగ్ మూవీకి సంబంధించిన అప్డేట్ నెట్టింట్లో షికారు చేస్తోంది. ఈ మూవీలో సీనియర్ హీరోయిన్ గౌతమి ముఖ్యమైన పాత్రలో నటిస్తున్నారట. గౌతమి పవన్ కళ్యాణ్ కి మదర్ క్యారెక్టర్ లో నటిస్తున్నట్లు తెలుస్తోంది. తాజాగా పవన్ కళ్యాణ్, గౌతమి పైన డైరెక్టర్ హరీష్ శంకర్ కీలకమైన సీన్స్  చిత్రీకరించినట్లు తెలుస్తోంది.
గౌతమి ఒకప్పుడు స్టార్ హీరోల పక్కన హీరోయిన్ గా ఎన్నో సినిమాలలో నటించారు. తెలుగులో మాత్రమే కాకుండా తమిళంలోనూ హీరోయిన్ గా కమల్ హాసన్ వంటి స్టార్ హీరోలతో నటించి, స్టార్ డమ్ సొంతం చేసుకున్నారు.  ప్రస్తుతం పలు సినిమాలలో తల్లి క్యారెక్టర్లలో నటిస్తున్నారు. ఇటీవల రిలీజ్ అయిన శాకుంతలం, అన్ని మంచి శకునములే లాంటి  చిత్రాలలో గౌతమి నటించారు. అయితే ఉస్తాద్ భగత్ సింగ్ పవన్ కళ్యాణ్ కి గౌతమి తల్లిగా నటిస్తున్నారనే వార్తలు రావడంతో 52 ఏళ్ల హీరోకు తల్లిగా, 55 ఏళ్ల హీరోయినా అంటూ నెటిజెన్లు కామెంట్స్ చేస్తున్నారు.

Also Read: “పవన్ కళ్యాణ్” చేతులకి పెట్టుకున్న ఈ ఉంగరాలు ఏంటో తెలుసా..? వీటి వల్ల ఎలాంటి యోగం కలుగుతుంది అంటే..?

తెలుగు ప్రేక్షకులు ఎంతగానో ఇష్టపడే బిగ్ బాస్ తెలుగు ఎనిమిదవ సీజన్ ప్రారంభం అయ్యింది. ఎప్పటిలాగానే నాగార్జున మొదటి ఎపిసోడ్ లో కొత్త కంటెస్టెంట్స్ ని పరిచయం చేశారు. ఎంతో మంది సినీ ప్రముఖులు ఎపిసోడ్ కి అతిథులుగా హాజరు అయ్యారు. ఈ కంటెస్టెంట్స్ లో ఒక కంటెంట్ నాగ మణికంఠ. నాగ మణికంఠ కేవలం టీవీ మాత్రమే ఫాలో అయ్యే చాలా తక్కువ మందికి తెలుసు. కానీ యూట్యూబ్, సోషల్ మీడియాలో యాక్టివ్ గా ఉన్న వాళ్ళకి మాత్రం నాగ మణికంఠ చాలా బాగా తెలుసు. దాంతో ఇప్పుడు రెండు తెలుగు రాష్ట్రాలు కూడా నాగ మణికంఠ ఎవరు అని వెతకడం మొదలుపెట్టాయి.

నాగ మణికంఠ నటుడు కావాలి అని ఇండస్ట్రీలోకి అడుగు పెట్టి, షార్ట్ ఫిలిమ్స్ వెబ్ సిరీస్ చేశారు. ప్రియ స్వాగతం కృష్ణ అనే ఒక వెబ్ సిరీస్ నాగ మణికంఠకి పేరు తీసుకొచ్చింది. ఇలా ఇంకా చాలా వెబ్ సిరీస్ లో నటించి, యూట్యూబ్ లో ఫేమస్ అయ్యారు. స్టార్ మా లో ప్రసారం అయిన కస్తూరి సీరియల్ లో కూడా నటించారు. ఇంక నాగ మణికంఠ కుటుంబం విషయానికి వస్తే, నాగ మణికంఠకి రెండు సంవత్సరాలు ఉన్నప్పుడు తండ్రి చనిపోయారు. ఆ తర్వాత నాగ మణికంఠ తల్లి రెండవ పెళ్లి చేసుకున్నారు. కొంత కాలం క్రితం నాగ మణికంఠ తల్లి, క్యాన్సర్ కారణంగా ఈ లోకాన్ని విడిచి వెళ్లిపోయారు. తల్లితో ఎంతో సన్నిహితంగా ఉండే నాగ మణికంఠని ఈ విషయం చాలా బాధించింది.

సమయం కథనం ప్రకారం, చిన్న వయసులోనే నాగ మణికంఠ పెళ్లి చేసుకున్నారు. వారికి ఒక పాప కూడా ఉంది. నాగ మణికంఠ భార్య ప్రియతో కలిసి యూఎస్ లో ఉండేవారు. స్టేజ్ మీద నాగ మణికంఠ తన భార్య, తనని ఇండియా వెళ్ళిపోమంది అని, కూతురు కూడా భార్య దగ్గరే ఉంది అని చెప్పారు. కానీ బిగ్ బాస్ షోలో స్ట్రీమ్ అవుతున్నప్పుడు, మధ్యలో నాగ మణికంఠ తన భార్య బంగారం అని, వాళ్ళకి గొడవలు ఏం లేవు అని, ఫోన్లు కూడా చేసుకుంటున్నట్టు తెలిపారు. అంతే కాకుండా బిగ్ బాస్ కి నాగ మణికంఠని ఆయన భార్య పంపారు అని, షాపింగ్ కోసం డబ్బులు కూడా ఇచ్చారు అని చెప్పారు.

ఏదో గొడవ ఇక్కడికి వచ్చేసారు కానీ, తన భార్యతో తను విడిపోలేదు అని అన్నారు. నాగ మణికంఠ తన తల్లి పెళ్లి చేసుకున్న వ్యక్తి గురించి కూడా మాట్లాడారు. ఈ విషయంపై స్పష్టత ఇస్తూ నాగ మణికంఠ చెల్లెలు సోషల్ మీడియాలో ఒక పోస్ట్ చేశారు. నాగ మణికంఠ చెల్లెలు కావ్య, ఈ విషయం మీద మాట్లాడుతూ, ఇదంతా నాగ మణికంఠ అభిప్రాయం మాత్రమే అని, నిజానికి తన తల్లి పెళ్లి చేసుకున్న వ్యక్తి వారిని చాలా బాగా చూసుకున్నట్టు తెలిపారు. అయినా కూడా తన అన్న అభిప్రాయానికి గౌరవం ఇస్తున్నట్టు తెలిపారు. ఇంటి నుండి వెళ్లిపోవడం అనేది తన అన్న తీసుకున్న వ్యక్తిగత నిర్ణయం అని, వెళ్ళిపోమని ఎవరు చెప్పలేదు అని అన్నారు. తన అన్నని బిగ్ బాస్ లో సపోర్ట్ చేయమని కూడా కోరారు.

View this post on Instagram

A post shared by Kavya Amarnadh (@kavya_amarnadh)

పవర్‌ స్టార్‌ పవన్‌ కళ్యాణ్‌ క్రేజ్, ఫ్యాన్ ఫాలోయింగ్ గురించి ప్రత్యేకంగా చెప్పాల్సిన అవసరం లేదు. ఆయన పేరు స్క్రీన్ పై కనిపిస్తే చాలు పవర్‌ స్టార్‌ అభిమానులు ఊగిపోతారు. హీరోగానే కాకుండా ఆయన వ్యక్తిత్వాన్ని కూడా విపరీతమైన ఫ్యాన్స్ ఉన్నారు. దానికి అభిమానులు పెట్టుకున్న పేరు పవనిజం.

పవన్‌ కళ్యాణ్‌ మూవీకి సంబంధించిన ఎలాంటి అప్‌డేట్‌ వచ్చినా అభిమానులకు పెద్ద పండగే. సినిమాలలోను, రాజకీయాలలోనూ తనదైన శైలిలో రాణిస్తున్న పవర్‌ స్టార్‌ పవన్‌ కళ్యాణ్‌ అరుదైన ఫోటోలను ఇప్పుడు చూద్దాం..
మెగాస్టార్ చిరంజీవి తమ్ముడిగా తెలుగు పరిశ్రమలో అడుగుపెట్టిన పవన్ కళ్యాణ్, తన నటన, టాలెంట్ తో తనకంటూ ప్రత్యేక ఇమేజ్ ను సృష్టించుకున్నారు. స్టార్ హీరోగా ఎదిగి, కోట్లాదిమంది అభిమానులను సొంతం చేసుకున్నారు.  అక్కడ అబ్బాయి ఇక్కడ అమ్మాయి మూవీతో హీరోగా ఎంట్రీ ఇచ్చిన పవన్ కళ్యాణ్, మొదటి చిత్రంతో  తన ప్రత్యేకతను చూపించారు.

మార్షల్ ఆర్ట్స్ లో టాలెంట్ చూపించారు. రియల్‌ స్టంట్స్ చేసి, ట్రెండ్ ను సెట్ చేశారు. ఆ చిత్రంలోనే కాకుండా  ఆ తర్వాత వచ్చిన తమ్ముడు, బద్రి వంటి చాలా చిత్రాలలో పవన్ స్టంట్స్, యాక్షన్ సన్నివేశాలు తనదైన మార్క్ ను చూపించాడు. పవన్ మ్యానరిజం, యాటిట్యూడ్, స్టైల్ తో యువతలో విపరీతమైన క్రేజ్ ను సంపాదించుకున్నారు. ఇప్పటివరకు దాదాపు 28 సినిమాలలో నటించిన పవన్ కళ్యాణ్ అరుదైన ఫోటోలు మీరు చూసేయండి.

1.
2.3.4.5.6.7.8.9.10.11.12.13.14.15.Also Read: “ఇప్పటికి కూడా మాట్లాడకపోతే నా బ్రతుకు ఎందుకు..?” అంటూ… “బండ్ల గణేష్” కామెంట్స్..! వీడియోలో ఏం అన్నారంటే..?