Filmy Adda

అలనాటి సౌందర్య.. సావిత్రి కి ఏమాత్రం తీసిపోరు. ఎక్స్పోజింగ్ తో కాకుండా అభినయం తో ఆకట్టుకున్న నటి ఆమె. చిన్న వయసులోనే వందకు పైగా సినిమాలలో నటించింది. తక్కువ సమయం లోనే ఆమె స్టార్ హీరోయిన్ గా ఎదిగింది. అయితే, దురదృష్టవశాత్తు, ముప్పై ఏళ్లకే ఆమెకు నూరేళ్లు నిండిపోయాయి.

విమాన ప్రమాదం లో సౌందర్య మరణించారు. ఆమె మరణించినా.. ఇప్పటికీ, ఆమె సినిమాలను అభిమానించే వారి సంఖ్యా ఎక్కువే ఉంది.

నేటికీ ఆమె సినిమా టీవీ లో వస్తోందంటే చూసే వారు చాలా మంది ఉన్నారు. ఆమె ఇప్పటికీ అభిమానుల గుండెల్లో బతికే ఉన్నారనిపిస్తుంది. ఆమె సినిమాలలో నటించే సమయం లో ఆమని తో అత్యంత సన్నిహితం గా మెలిగేవారని చెబుతుంటారు. ఆమని కూడా పలు ఇంటర్వ్యూలలో సౌందర్య గురించి చెబుతూ వచ్చారు. సౌందర్య, ఆమని ఇద్దరు సన్నిహితం గా మెలిగేవారని, అన్ని విషయాలను పంచుకునే వారు అని చెబుతుంటారు.

ఇటీవల, “చావు కబురు చల్లగా” సినిమా లో నటించిన ఆమని, సినిమా ప్రమోషన్స్ లో భాగం గా పలు ఇంటర్వ్యూ లు ఇస్తున్నారు. ఇందులో ఆమె తన బెస్ట్ ఫ్రెండ్ సౌందర్య గురించి కూడా పలు ఆసక్తికర విషయాలను పంచుకున్నారు. సౌందర్య కి నేను కాకుండా ఇంకెవరైనా బెస్ట్ ఫ్రెండ్స్ కూడా ఉండి ఉండొచ్చని, నాకు మాత్రం ఇండస్ట్రీ లో సౌందర్యే బెస్ట్ ఫ్రెండ్ అని చెప్పుకొచ్చారు. పెళ్లి అయిన తరువాత కూడా సౌందర్య తో అప్పుడప్పుడు మాట్లాడేదానినని, కానీ తను రమ్మని చాలా సార్లు పిలిచినా వెళ్లలేకపోయానని బాధపడ్డారు.

సౌందర్య చనిపోయారు అంటూ వార్తలు వచ్చినప్పుడు మొదట నమ్మలేదని అన్నారు. ఎదో ఫేక్ న్యూస్ అయి ఉంటుందని అనుకున్నానని, కానీ తాను నిజం గా చనిపోయిందని సరికి స్థాణువైపోయానని అన్నారు. అప్పటికి షూటింగ్ లోనే ఉన్నానని, చేతులు, కాళ్ళలో షివరింగ్ వచ్చేసిందని తెలిపారు. ఆ తరువాత, తన అంత్యక్రియలు చూడ్డానికి వెళ్లలేకపోయానని, నెల తరువాత ఆమె అమ్మను కలవడానికి వెళ్లానని తెలిపారు. ఆమె అమ్మగారు కూడా చాలా అమాయకురాలిని, ఆవిడని ఆ పరిస్థితిలో చూడలేకపోయానన్నారు.

ఆ తరువాత కూడా ఓ సారి అటు వైపు వెళ్ళినపుడు.. సౌందర్య అమ్మగారిని చూడడానికి వారింటికి వెళ్లాలని, వారి ఫోన్ నెంబర్ తన దగ్గర లేకపోవడం తో ఇంటికే వెళ్లానన్నారు. ఇంటిని చూసి ఎంట్రన్స్ లో నే షాక్ అయ్యానన్నారు. అది ఓ బూత్ బంగ్లా లా మారిపోయిందని, అక్కడ ఎవరు లేరని బాధ పడ్డారు.ఆ తరువాత, అక్కడ వారిని అడిగితె, అక్కడ ఎవరు ఉండడం లేదని, షిఫ్ట్ అయిపోయారని, ఎక్కడకు వెళ్లారో తెలియదని చెప్పారు.

watch video:

కొంత మంది నటులకి వారు నటించిన సినిమా పేర్లు కూడా వారి పేరులో ఒక భాగం అయిపోతాయి. చాలా మంది నటులు వారి సినిమా పేర్లతో కలిపి వారి పేర్లను పెట్టుకుంటారు. లేదా ప్రేక్షకులు వాళ్ళని అలాగే గుర్తుపడతారు. అలా ఇండస్ట్రీలో చాలా మంది ఉన్నారు. ఒక వ్యక్తి కూడా తాను హీరోగా నటించిన సినిమాతోనే చాలా ఫేమస్ అయ్యారు. ఎంత ఫేమస్ అయ్యారంటే, ఆ సినిమా పేరుని తన పేరుతో యాడ్ చేసుకున్నారు. ఆ వ్యక్తి మహర్షి రాఘవ. మహర్షి అనే సినిమాతో ఎంత ఫేమస్ అయ్యారో అందరికీ తెలుసు. వంశీ దర్శకత్వం వహించిన ఈ సినిమా అప్పట్లో చాలా పెద్ద హిట్ టాక్ తెచ్చుకుంది.

ఇళయరాజా అందించిన పాటలు ఇప్పటికి కూడా అందరికీ గుర్తుండిపోతాయి. కథపరంగా కానీ, నటనపరంగా కానీ, టెక్నికల్ విభాగాల పరంగా కానీ సినిమా బలంగా ఉంటుంది. అందుకే ప్రేక్షకులు ఆ సినిమాని అంత ఆదరించారు. ఆ సినిమాలో హీరోగా నటించారు రాఘవ. రాఘవ ఈ సినిమా తర్వాత మహర్షి రాఘవ పేరుతో ఫేమస్ అయ్యారు. దాదాపు 170 కి పైగా సినిమాల్లో నటించిన రాఘవ, పదవ తరగతి వరకు తెనాలిలో చదువుకున్నారు. ఎన్నో నాటకాలలో నటించారు. చిత్రం భళారే విచిత్రం, జంబలకడిపంబ, కోరుకున్న ప్రియుడు, శుభాకాంక్షలు, సూర్యవంశం, హలో డార్లింగ్ సినిమాలతో గుర్తింపు పొందారు.

రాఘవ ఎన్నో సీరియల్స్ లో కూడా నటించారు. అన్వేషిత, కొంత కాలం క్రితం ఈటీవీలో వచ్చిన అంతపురం సీరియల్ లో కూడా నటించారు. మహర్షి భార్య పేరు శిల్ప. శిల్ప నటి, డబ్బింగ్ ఆర్టిస్ట్. ఎన్నో సినిమాలో ఎంతో మంది హీరోయిన్లకి శిల్ప డబ్బింగ్ ఇచ్చారు. అరుంధతి సినిమాలో అనుష్క పాత్రకి, క్షేత్రం సినిమాలో ప్రియమణి పాత్రకి కూడా శిల్ప డబ్బింగ్ ఇచ్చారు. వీరికి మౌనిక అనే అమ్మాయి, రుద్రాక్ష్ అనే అబ్బాయి కూడా ఉన్నారు. తన నటనకి రాఘవ ఎన్నో పురస్కారాలు కూడా అందుకున్నారు. ఎన్నో నంది అవార్డులు రాఘవ అందుకున్నారు. రాఘవ కొంత కాలం నుండి ఎక్కడ కనిపించట్లేదు.

కానీ ఇప్పుడు మళ్లీ బయటికి వచ్చారు. మెగాస్టార్ చిరంజీవి మహర్షి రాఘవని సత్కరించారు. చిరంజీవి ఐ అండ్ బ్లడ్ బ్యాంక్ మొదలు పెట్టినప్పటి నుండి, ఇప్పటి వరకు మహర్షి రాఘవ 100 సార్లు రక్తదానం చేశారు. 1998, అక్టోబర్ 2వ తేదీన ఈ బ్లడ్ బ్యాంక్ మొదలు పెట్టారు. వీరిలో మొదటిగా రక్తదానం చేసింది మురళీమోహన్ గారు. ఆ తర్వాత రక్తదానం చేసింది మహర్షి రాఘవ. అప్పటి నుండి ఇప్పటి వరకు మూడు నెలలకు ఒకసారి రక్తదానం చేస్తూ ఇప్పటికీ 100 సార్లు రక్తదానం ఇచ్చారు.

ఈ విషయం చిరంజీవి తెలుసుకున్నారు. మహర్షి రాఘవ చేసే 100 రక్తదానం తానే దగ్గర ఉండి చేయిస్తాను అని చిరంజీవి చెప్పినప్పటికీ కూడా కొన్ని కారణాల వల్ల కుదరలేదు. చిరంజీవి బ్లడ్ బ్యాంక్ చీఫ్ ఫైనాన్షియల్ ఆఫీసర్ శేఖర్, చిరంజీవి ఐ అండ్ బ్లడ్ బ్యాంక్ సిఓఓ రమణ స్వామి నాయుడు, మెడికల్ ఆఫీసర్ డాక్టర్ అనూష ఆధ్వర్యంలో రాఘవ 100వ రక్తదానం చేశారు. అందుకే చిరంజీవి తన ఇంటికి పిలిపించుకొని మరి రాఘవని సన్మానించారు. రాఘవ భార్య శిల్ప కూడా చిరంజీవి ఇంటికి వెళ్లారు.

ALSO READ : కార్తీకదీపం-2 చైల్డ్ ఆర్టిస్ట్ ఎమోషనల్ జర్నీ..! తల్లి, తండ్రి చెవిటి, మూగ అవ్వడంతో..?

సినిమా బాగుంటే అవార్డులు వస్తాయి. కొన్ని సినిమాలు మరీ బాగుంటే చాలా ఎక్కువ అవార్డులు వస్తాయి. అలా ఒక సినిమాకి 6 జాతీయ అవార్డులు వచ్చాయి. సాధారణంగా ఒక సినిమాకి ఒక జాతీయ అవార్డు వచ్చింది అంటేనే చాలా గొప్ప విషయం. అలాంటిది ఒక సినిమాకి ఆరు జాతీయ అవార్డులు వచ్చాయి అంటే ఆ సినిమా ఎంత గొప్పగా ఉంది అనేది మనమే అర్థం చేసుకోవాలి. ఆ సినిమా పేరు ఆడుకలం. ధనుష్ హీరోగా నటించిన ఈ సినిమాలో, తాప్సి హీరోయిన్ గా నటించారు. 10 కోట్ల బడ్జెట్ తో రూపొందించిన ఈ సినిమా దాదాపు 30 కోట్లు వసూలు చేసింది. 2011లో వచ్చిన ఈ సినిమా ఎంతోమంది ప్రశంసలు అందుకుంది.

వెట్రిమారన్ ఈ సినిమాకి దర్శకత్వం వహించారు. ఎస్ కతిరేశన్ ఈ సినిమాని నిర్మించారు. కోళ్ల పందాలు నేపథ్యంలో ఈ సినిమా నడుస్తుంది. చెప్పడానికి సినిమా లైన్ మామూలుగా అనిపించినా కూడా తెర మీద చాలా బాగా చూపించారు. జీవి ప్రకాష్ కుమార్ ఈ సినిమాకి సంగీత దర్శకత్వం వహించారు. ఈ సినిమా తెలుగులో పందెం కోళ్ళు పేరుతో విడుదల అయ్యింది. ఇది యూట్యూబ్ లో అందుబాటులో ఉంది. ఈ సినిమాకి ఉత్తమ దర్శకత్వం, ఉత్తమ నటుడు, ఉత్తమ స్క్రీన్ ప్లే ఒరిజినల్, ఉత్తమ ఎడిటింగ్, ఉత్తమ కొరియోగ్రఫీ, ప్రత్యేక జ్యూరీ అవార్డు విభాగాల్లో జాతీయ అవార్డులు వచ్చాయి. ఈ సినిమా తర్వాత ధనుష్ అంతర్జాతీయ వ్యాప్తంగా ఫేమస్ అయ్యారు.

ధనుష్ లో ఎంత గొప్ప నటుడు ఉన్నారు అనేది ఈ సినిమా చూస్తే అర్థం అవుతుంది. ఆ తర్వాత ధనుష్ కి ఎన్నో అవార్డులు వచ్చాయి. కానీ ఈ సినిమా మాత్రం ధనుష్ కెరీర్ లోనే ఒక ప్రత్యేకమైన సినిమాగా నిలుస్తుంది. ధనుష్ కి మాత్రమే కాదు. ఇందులో నటించిన ప్రతి ఒక్కరికి చాలా మంచి పేరు వచ్చింది. జాతీయ అవార్డులు మాత్రమే కాకుండా, ఆ సంవత్సరం ఇంకా ఎన్నో సంస్థలు ప్రధానం చేసిన అవార్డులు ఈ సినిమా అందుకుంది. సినిమాలో కమర్షియల్ అంశాలు పెద్దగా ఉండవు. కానీ సినిమా కంటెంట్ పరంగా చాలా బలంగా ఉంటుంది. టేకింగ్ పరంగా ఇంకా బలంగా ఉంటుంది. అందుకే అందరూ ఈ సినిమాని అంత పొగిడారు. ఈ సినిమా ఈ కారణంగానే అన్ని అవార్డులు కూడా అందుకుంది.

ALSO READ : ఇలాంటి సీన్ చేసే ధైర్యం ఏ తెలుగు హీరోకి అయినా ఉందా..? విషయం ఏంటంటే..?

ప్రభాస్ హీరోగా నటించిన ఆదిపురుష్ సినిమా విడుదల అయ్యింది. ఈ సినిమా ప్రీ-రిలీజ్ ఈవెంట్ తిరుపతిలో ఘనంగా జరిగింది. తెలుగుతో పాటు, హిందీ, తమిళ్, మలయాళం, కన్నడ భాషల్లో కూడా ఈ సినిమా విడుదల అయ్యింది.

బాహుబలి తర్వాత నుండి ప్రభాస్ నటించిన అన్ని సినిమాలు కూడా తెలుగుతో పాటు మిగిలిన భాషల్లో విడుదల అవుతున్నాయి. ఇప్పుడు ఈ సినిమా కూడా అలాగే విడుదల అయ్యింది.

ఈ సినిమాకి ఓం రౌత్ దర్శకత్వం వహించారు. ఓం రౌత్ అంతకుముందు తానాజీ సినిమాకి దర్శకత్వం వహించారు. ఆ సినిమా హిందీలో చాలా పెద్ద హిట్ అయ్యింది. ఇందులో సీత పాత్రలో కృతి సనన్ నటిస్తున్నారు. లక్ష్మణుడి పాత్రలో సన్నీ సింగ్ నటించారు.

రాముడిగా ప్రభాస్ లుక్ చాలా బాగుంది అంటూ ప్రేక్షకులు అభినందిస్తున్నారు. అలాగే బ్యాక్ గ్రౌండ్ స్కోర్ కూడా బాగుంది అని అంటున్నారు. సినిమాలో విఎఫ్ఎక్స్ ఎక్కువ ఉండేలా చూసుకున్నారు. రాముడిగా ప్రభాస్ చేయక ముందే రాముడి పాత్రల్లో పలు హీరోలు కూడా నటించారు. మరి అలా రాముడి పాత్ర చేసి ఔరా అనిపించినా వాళ్ళ గురించి చూసేద్దాం.

1. యడవల్లి సూర్యనారాయణ:

యడవల్లి సూర్యనారాయణ ‘శ్రీరామ పాదుకా పట్టాభిషేకం’ సినిమాలో రాముడి పాత్ర చేశారు. ఇది తొలిసారి రామాయణం ఆధారంగా చేసిన చిత్రం.

2. అక్కినేని నాగేశ్వరరావు:

అక్కినేని నాగేశ్వరరావు తన మొట్టమొదటి సినిమాలో రాముడి పాత్ర చేశారు ‘సీతారామ జననం’ సినిమా లో ఏఎన్నార్ కి రాముడి పాత్ర చేసే అవకాశం దక్కింది.

3. హరనాథ్:

సీతారామ కళ్యాణం, శ్రీ రామ కథ చిత్రాలలో హరనాథ్ రాముడి పాత్ర పోషించారు.

4. రామారావు:

అత్యధిక సినిమాల్లో రాముడిగా కనిపించిన నటుడు ఈయన. సంపూర్ణ రామాయణం, లవకుశ, రామదాసు, శ్రీరామాంజనేయ యుద్ధం, శ్రీరామ పట్టాభిషేకం చిత్రాలలో ఎన్టీ రామారావు రాముడు పాత్ర చేశారు.

5. కాంతారావు:

వీరాంజనేయ, సీతాకల్యాణం సినిమాలలో రాముడిగా కాంతారావు నటించారు.

6. శోభన్ బాబు:

‘సంపూర్ణ రామాయణం’ చిత్రంలో శోభన్ బాబు రాముడి పాత్ర చేసి ఆకట్టుకున్నారు.

7. జూనియర్ ఎన్టీఆర్:

బాల రామాయణం లో జూనియర్ ఎన్టీఆర్ రాముడి పాత్ర చేశారు. అది కూడా చిన్నప్పుడే నటించడం విశేషం.

8. సుమన్:

శ్రీరామదాసు సినిమా లో సుమన్ శ్రీరాముడిగా నటించారు.

9. శ్రీకాంత్:

దేవుళ్ళు సినిమాలో శ్రీకాంత్ అందరి బంధువయా పాటలో రాముడిగా కనబడతారు.

10. ప్రభాస్

హీరో ప్రభాస్ ఆదిపురుష్ సినిమాలో రాముడి పాత్రలో నటించారు.

11. అరుణ్ గోవిల్

ఈయన సీరియల్స్ లో రాముడిగా చాలా పేరు తెచ్చుకున్నారు. రామానంద్ సాగర్ రామాయణాన్ని సీరియల్ ప్రపంచానికి పరిచయం చేసిన వ్యక్తి. ఆ రామాయణంలో రాముడిగా అరుణ్ నటించారు. అప్పట్లో అరుణ్ రాముడిగా ఎంతో పాపులర్ అయ్యారు. సీరియల్ హిందీ అయినా కూడా చాలామంది తెలుగు ప్రేక్షకులకి అరుణ్ తెలిసే ఉంటారు. చాలామంది ఆయనని రాముడిగా భావించి పూజలు కూడా చేశారు.

12. బాలకృష్ణ:

బాలకృష్ణని రాముడి పాత్రలో శ్రీరామరాజ్యం సినిమాలో చూపించారు. ప్రభాస్ ఇప్పుడు ఆది పురుష్ లో రాముడుగా నటిస్తున్నారు.

సినిమాలు వస్తూ ఉంటాయి. పోతూ ఉంటాయి. కానీ కొన్ని సినిమాలు మాత్రం వచ్చి ఎన్ని సంవత్సరాలు అయినా సరే ప్రేక్షకుల గుండెల్లో నిలిచిపోతాయి. కొన్ని సినిమాలు అయితే రిలీజ్ అయిన తర్వాత ప్రేక్షకులని వెంటాడుతూనే ఉంటాయి.

ఇలాంటి సినిమాలు చాలా అరుదుగా వస్తాయి. అలా ఇటీవల వచ్చి సూపర్ హిట్ అయిన సినిమా సప్త సాగరాలు దాటి. కన్నడ సినిమా అయిన ఈ సినిమాని తెలుగులో డబ్ చేసి రిలీజ్ చేశారు. తెలుగులో కూడా ఈ సినిమాకి మంచి కలెక్షన్స్ వచ్చాయి.

ఈ సినిమాలో రక్షిత్ శెట్టి హీరోగా నటించారు. రుక్మిణి వసంత్ హీరోయిన్ గా నటించారు. సినిమా చాలా సహజంగా ఉంటుంది. అందులోనూ ముఖ్యంగా హీరో హీరోయిన్ల ప్రేమ కథ అయితే చాలా మందికి కనెక్ట్ అయ్యేలాగా తీశారు. అంతే కాకుండా ఈ సినిమాలో జైలుకి సంబంధించి చాలా సీన్స్ ఉంటాయి. అవి కూడా చాలా రియలిస్టిక్ గా రాసుకున్నారు అని దర్శకుడు ఒక సందర్భంలో చెప్పారు.

ఇందులో హీరో ఎదుర్కొనే సంఘటనలు చూస్తూ ఉంటే ప్రేక్షకులకు కూడా చాలా బాధ అనిపిస్తూ ఉంటుంది. అయితే ఈ సినిమాలోని ఒక సీన్ కి మాత్రం హీరో నటనకి చప్పట్లు పడ్డాయి. అసలు ఈ సీన్ చేయడానికి ఏ స్టార్ హీరో కూడా ధైర్యం చేయడు ఏమో అని అన్నారు. అందులోనూ ముఖ్యంగా మన తెలుగు హీరోలు అయితే అస్సలు ఇలాంటివి చేయలేరు ఏమో అన్నారు. ఈ సినిమాలో హీరో ఒక సందర్భంలో టాయిలెట్ కడగాల్సి వస్తుంది.

సాధారణంగా ఇలాంటి సీన్ చూడటానికే ప్రేక్షకులకు చాలా ఇబ్బందికరంగా ఉంటుంది. అందులోనూ ఈ సీన్ చాలా రియల్ గా తీశారు. ఆ సీన్ లో ఉండే వాతావరణం అంతా చూస్తూ ఉంటే నిజంగా ఒక శుభ్రంగా లేని టాయిలెట్ లోకి హీరో వెళ్లి కడుగుతున్నట్టే అనిపిస్తుంది. అయితే ఈ సీన్ చూశాక రక్షిత్ శెట్టి మీద చాలా మందికి ఇంకా గౌరవం పెరిగింది. నటుడు అన్నాక తన పాత్ర కోసం ఎలాంటి పని అయినా చేయాల్సి వస్తుంది. అది నిజమే. కాకపోతే స్టార్ హీరో అయ్యాక వాళ్ళకి ఉండే కొన్ని రెస్ట్రిక్షన్స్ వల్ల కొన్ని రిస్క్ లు తీసుకోలేరు.

ఒక సమయంలో రిస్క్ చేసే సీన్స్ చేసిన హీరోలు, స్టార్ హీరో అయ్యాక వారి ఫ్యాన్స్ మనోభావాలు అర్థం చేసుకొని, వారు ఇబ్బంది పడుతూ ఉంటే అలాంటివి చేయటానికి ధైర్యం చేయరు. అందులోనూ ముఖ్యంగా మన తెలుగు సినిమాల్లో హీరోలని ఎంతగా అభిమానిస్తామో ప్రత్యేకంగా చెప్పాల్సిన అవసరం లేదు. అందుకే మన హీరోలు రిస్క్ చేయడం అనేది చాలా తక్కువగా చేస్తూ ఉంటారు. దాంతో ఈ సీన్ చూసిన తర్వాత చాలా మంది ఇలాంటి ఒక సీన్ చేసే ధైర్యం ఒక స్టార్ తెలుగు హీరో, అది కూడా ఈ జనరేషన్ లో ఉన్న తెలుగు స్టార్ హీరో చేయగలుగుతాడా అంటూ కామెంట్స్ చేస్తున్నారు.

ALSO READ : “ఆడ నెమలి” పాటతో ఫేమస్ అయిన ఈ అమ్మాయి ఎవరో తెలుసా..?

సోషల్ మీడియా అనేది చాలా తెలియని విషయాలని తెలుసుకునేలాగా చేసింది. ముఖ్యంగా సెలబ్రిటీలకి, ప్రేక్షకులకి మధ్య దూరాన్ని తగ్గించింది. మామూలుగా అయితే సెలబ్రిటీలు అంటే, వాళ్లతో మాట్లాడటం కష్టం, వాళ్ళు ఏం చేస్తున్నారు అనేది తెలుసుకోవడం కష్టం అని అనుకునేవారు. కానీ సోషల్ మీడియా వల్ల వాళ్ళకి సంబంధించిన విషయాలు ఈజీగా తెలుస్తున్నాయి. సోషల్ మీడియా ద్వారా ఎంతో మంది సెలబ్రిటీలు తమ అభిమానులు అడిగే ప్రశ్నలకు సమాధానాలు చెప్తూ ఉంటారు. ఇదే సోషల్ మీడియా ద్వారా ఆ సెలబ్రిటీల చిన్ననాటి ఫోటోలు కూడా వస్తూ ఉంటాయి.

కొంత మంది వారికి వారే స్వయంగా షేర్ చేస్తారు. కొంత మంది మాత్రం తమ అభిమాన సెలబ్రిటీకి సంబంధించిన విషయాలని తెలుసుకోవడానికి ఆసక్తి చూపిస్తారు కాబట్టి, వారే సోషల్ మీడియాలో పోస్ట్ చేస్తూ ఉంటారు. ఇప్పుడు పైన కనిపిస్తున్న ఫోటో ఒక కాలేజ్ గ్రూప్ ఫోటో. ఇందులో ఒక హీరో ఉన్నారు. తెలుగు సినిమా ఇండస్ట్రీ చరిత్రని ఇంకొక మెట్టు ఎక్కించిన వారిలో ఆ హీరో చాలా ముఖ్య పాత్ర పోషించారు. ఈ ఫోటోలో చిరంజీవి ఉన్నారు. చిరంజీవి చదువుకునే రోజుల్లో దిగిన ఫోటో ఇది. ఇందులో ఎడమ నుంచి కుడి వైపుకి, పై వరుసలో మొదటి వారిలో చిరంజీవి ఉన్నారు. ఈ ఫోటోని మెగాస్టార్ చిరంజీవి ఫ్యాన్ క్లబ్ వారు సోషల్ మీడియాలో షేర్ చేశారు. చిరంజీవి చదువుకున్న తర్వాత సినిమాల్లోకి రావడం, ఆ తర్వాత మెగాస్టార్ స్థాయికి చేరుకోవడం, ఇవన్నీ మనకి తెలియని విషయాలు కావు.

చిరంజీవి తన స్నేహితులందరికీ కూడా కాంటాక్ట్ లోనే ఉంటారు. ఎంత ఎదిగినా సరే చిరంజీవి తనని ప్రోత్సహించిన వారిని ఎప్పటికీ మర్చిపోరు. అందరితో చాలా స్నేహంగా ఉంటారు. మామూలుగా కూడా ఎవరి సినిమా అయినా సరే రిలీజ్ అవుతూ ఉంటే, ఈవెంట్ అతిథిగా వెళ్లడం, సినిమా గురించి, అందులో పని చేసిన వారి గురించి మాట్లాడటం చేస్తూ ఉంటారు. అంత పెద్ద స్టార్ అయ్యాక కూడా అందరి గురించి ప్రతి చిన్న విషయాన్ని గుర్తు పెట్టుకొని, వారు చేసిన మంచి పనుల గురించి మాట్లాడడం అనేది చాలా అభినందించాల్సిన విషయం. చిరంజీవి సీనియర్ నటులతో మాత్రమే కాకుండా, యంగ్ నటులతో కూడా చాలా స్నేహంగా ఉంటూ, వారిని ప్రోత్సహిస్తూ ఉంటారు. అందుకే చిరంజీవికి దేశవ్యాప్తంగా ఇంత మంది అభిమానులు ఉన్నారు.

ALSO READ : ఇదేందయ్యా ఇది…”భరత్ అనే నేను” లోని పాటలో ఈ సీన్ ఎప్పుడైనా గమనించారా.?

సుశాంత్ హీరోగా నటించిన ఇచట వాహనములు నిలుపరాదు సినిమాతో ఇండస్ట్రీలోకి అడుగు పెట్టి, ఆ తర్వాత వరుసగా సినిమాలు చేసుకుంటూ వెళుతున్న హీరోయిన్ మీనాక్షి చౌదరి. మీనాక్షి సినిమాల్లోకి రాకముందు మిస్ ఇండియా పోటీల్లో పాల్గొన్నారు. ఆ తర్వాత సినిమాల్లోకి అడుగు పెట్టారు. ఇచట వాహనములు నిలుపరాదు సినిమా మంచి టాక్ సంపాదించుకుంది. ఆ తర్వాత రవితేజ హీరోగా నటించిన ఖిలాడీ సినిమాలో నటించారు మీనాక్షి చౌదరి. అడవి శేష్ హీరోగా నటించిన హిట్ 2, మహేష్ బాబు హీరోగా నటించిన గుంటూరు కారం సినిమాల్లో కూడా మీనాక్షి చౌదరి నటించారు.

ఇప్పుడు తలపతి విజయ్ హీరోగా నటిస్తున్న గోట్, దుల్కర్ సల్మాన్ నటిస్తున్న లక్కీ భాస్కర్, వరుణ్ తేజ్ నటిస్తున్న మట్కా, విశ్వక్ సేన్ హీరోగా నటిస్తున్న సినిమాలో కూడా మీనాక్షి చౌదరి హీరోయిన్ గా నటిస్తున్నారు. ఇంకా కొన్ని తమిళ్ సినిమాల్లో కూడా మీనాక్షి చౌదరి నటించారు. ఇప్పుడు మీనాక్షి చౌదరి మరొక సినిమా సైన్ చేసినట్టు వార్తలు వస్తున్నాయి. అది కూడా ఒక సీనియర్ హీరో పక్కన నటిస్తున్నట్టు సమాచారం. అనిల్ రావిపూడి కామెడీ టైమింగ్ కి గుర్తింపు పొందిన డైరెక్టర్. అనిల్ రావిపూడి నెక్స్ట్ సినిమా వెంకటేష్ తో ప్రకటించారు. ఉగాది రోజు ఈ సినిమా ప్రకటన చేశారు.

ఈ సినిమా ఒక వ్యక్తి, అతని భార్య, అతని మాజీ ప్రేయసికి మధ్యలో జరుగుతుంది అని స్టోరీ లైన్ కూడా అనౌన్స్మెంట్ వీడియోలో ప్రకటించారు. ఈ సినిమాలో మీనాక్షి చౌదరి హీరోయిన్ పాత్రలో నటిస్తున్నట్టు సమాచారం. అయితే స్టోరీ లైన్ చెప్పిన దాని ప్రకారం ఈ సినిమాలో ఇద్దరు హీరోయిన్లు నటిస్తారు. మరి ఎవరి పాత్రలో మీనాక్షి చౌదరి నటిస్తారు అనేది మాత్రం ఇంకా తెలియాల్సి ఉంది. ఈ సినిమాకి సంక్రాంతి వస్తున్నాం అనే టైటిల్ అనుకుంటున్నారు అనే వార్త ప్రచారంలో ఉంది. ఇటీవల వచ్చిన ఎన్నో సూపర్ హిట్ సినిమాలకు సంగీతం అందించిన భీమ్స్ సిసిరోలియో ఈ సినిమాకి సంగీతం అందిస్తున్నారు. కానీ మీనాక్షి చౌదరికి 27 సంవత్సరాలు. వెంకటేష్ కి 63 సంవత్సరాలు.

దాంతో వాళ్ళిద్దరి కాంబినేషన్ తెరమీద చూడడానికి బాగుంటుందా అనే ఆలోచన అందరిలో నెలకొంది. తండ్రి, కూతుర్ల వయసు ఉన్నవాళ్లు కపుల్ గా ఎలా నటిస్తారు అని అంటున్నారు. హిందీలో అజయ్ దేవగన్ హీరోగా నటించిన దే దే ప్యార్ దే సినిమాలో కూడా ఇదే కాన్సెప్ట్ ని చూపించారు. హీరోయిన్ గా రకుల్ ప్రీత్ సింగ్ నటించారు. హీరోకి, హీరోయిన్ కి మధ్య చాలా వయసు తేడా ఉంటుంది. కానీ వాళ్ళిద్దరూ ప్రేమించుకుంటారు. దాంతోనే కథ నడుస్తుంది. కాబట్టి ఈ సినిమాలో కూడా అలాంటివి ఏమైనా చూపిస్తారా అనేది ఇంకా తెలియాల్సి ఉంది.

ALSO READ : మొదటి సినిమా అట్టర్ ఫ్లాప్… 7 ఏళ్ల బ్రేక్… ఇప్పుడు దేశం గర్వించదగ్గ హీరో అయ్యాడు..! ఎవరో తెలుసా..?

అతిలోక సుందరి శ్రీదేవి బాలనటి గా కెరీర్ ను మొదలు పెట్టిన సంగతి తెలిసిందే. బాల కృష్ణ కూడా బాల నటుడి గానే కెరీర్ ను మొదలు పెట్టారు. కానీ ఈ ఇద్దరి కాంబినేషన్ లో ఒక్క సినిమా కూడా రాలేదు. సూపర్ స్టార్ కృష్ణ హీరో గా వచ్చిన సినిమా “మా నాన్న నిర్దోషి” అనే సినిమా 1970 లో వచ్చింది.

ఈ సినిమా లో శ్రీదేవి బాల నటి గా కనిపించింది. ఆ తరువాత “బడిపంతులు”, “విధి విలాపము” “నేను మనిషినే” వంటి సినిమాల్లో కూడా బాలనటి గా నటించింది. ఆ తరువాత 1978 లో వచ్చిన “పదహారేళ్ళ వయసు” సినిమా లో శ్రీదేవి హీరోయిన్ గా కనిపించింది.

ఆ తరువాత చాలా తెలుగు సినిమాల్లో చేసారు. మోసగాడు, వేటగాడు, కొండవీటి సింహం, ప్రేమాభిషేకం, బెబ్బులి పులి, కిరాయి కోటిగాడు, దేవత వంటి సినిమాలలో నటించనుంది. హటాత్తు గా ఆమెకు ఉత్తరాది లో అవకాశం వచ్చింది. 1974 లో బాలకృష్ణ బాలనటుడి గా సినిమాలు చేయడం ప్రారంభించారు. “తాతమ్మ కల” సినిమా తో బాలకృష్ణ తెలుగు తెర కు పరిచయం అయ్యారు. ఆ తరువాత భలే దొంగ, మంగమ్మ గారి మనుమడు, రామ్ రహీమ్, అన్నదమ్ముల బంధం, ముద్దుల మావయ్య, ముద్దుల కృష్ణుడు వంటి సినిమాల్లో కనిపించారు.

శ్రీదేవి హీరోయిన్ గా అయిన తరువాత వెంకటేష్, చిరంజీవి, నాగార్జున వంటి హీరోలందరితో కలిసి నటించింది కానీ బాలకృష్ణ తో మాత్రం శ్రీదేవి ఒక్క సినిమా కూడా చేయలేదు. దీనికి కారణం ఏంటనే విషయమై పలు రూమర్లు చక్కర్లు కొడుతున్నాయి. వాస్తవానికి వీరిద్దరి కాంబినేషన్ లో రెండు సినిమాలు రావాల్సి ఉంది.

1987 లో దర్శకేంద్రుడు రాఘవేంద్ర రావు వీరిద్దరి కాంబినేషన్ లో “సామ్రాట్” అనే సినిమా ను అనౌన్స్ చేసారు. ఆ తరువాత 1989 లో కోదండరామిరెడ్డి దర్శకత్వం లో “భలేదొంగ” సినిమా లో కూడా శ్రీదేవి నే హీరోయిన్ గా తీసుకోవాలనుకున్నారు. అయితే, శ్రీదేవి హిందీ సినిమాలతో వరుస ఆఫర్లతో బిజీ అయిపోయారు. దీనితో, బాల కృష్ణతో ఒప్పుకున్నా సినిమాల నుంచి తప్పుకోవాల్సి వచ్చింది. రౌడీ రాముడు, కొంటె కృష్ణుడు సినిమా లోను, అనురాగ దేవత అనే సినిమాలో కూడా వీరిద్దరూ ఒక ఫ్రేమ్ లో కనిపించారు. కానీ, బాల కృష్ణ, శ్రీదేవి జంట గా మాత్రం ఎపుడు కనిపించలేదు.