Filmy Adda

ఇటీవల ముఖంపై సెలెబ్రిటీలు చేయించుకునే సర్జరీలు ఒక్కోసారి వికటించడం.. వారి రూపం గుర్తుపట్టలేని విధంగా మారిపోవడం చూస్తూనే ఉన్నాం. కానీ.. దంత సమస్యల కారణంగా రూపు రేఖలు మారిపోయిన సంఘటన ఎప్పుడైనా చూశామా? ప్రస్తుతం దంత వైద్యంలో టెక్నాలజీ బాగానే అభివృద్ధి చెందింది. కానీ.. హీరోయిన్ స్వాతి మాత్రం దంత చికిత్స నిమిత్తం వెళ్లి.. తన రూపు రేఖల్ని కోల్పోవాల్సి వచ్చింది.

వివరాల్లోకి వెళ్తే.. శాండల్ వుడ్ కు చెందిన స్వాతి సతీష్ అనే హీరోయిన్ ఈ సమస్యని ఎదుర్కొంటోంది. సాధారణంగా లైపో సెక్షన్, ప్లాస్టిక్ సర్జరీ వంటివి రిస్క్ తో కూడుకున్నవి. వికటించి అవకాశాలు ఎక్కువ ఉంటాయి.

కానీ, టెక్నాలజీ పరంగా అభివృద్ధి చెందిన దంత వైద్యంలో కూడా సర్జరీ వికటించిన సంఘటన చోటు చేసుకుంది. శాండల్ వుడ్ కు చెందిన హీరోయిన్ స్వాతి ఇటీవల పంటి సమస్య కారణంగా ఇబ్బంది పడుతున్నారు. అయితే.. ఆమె దంత వైద్యుడిని సంప్రదించగా.. రూట్ కెనాల్ ట్రీట్ మెంట్ చేయాలని సూచించారు. అందుకు సిద్దమైన స్వాతి రూట్ కెనాల్ ట్రీట్ మెంట్ ను తీసుకున్నారు. అయితే.. సర్జరీ తరువాత ఆమె మూతి బాగా వాచి ఉబ్బిపోయింది.

అయితే ఆమె సదరు వైద్యుడిని సంప్రదించగా.. ఇది సహజమేనని.. మూడు రోజుల్లో తగ్గిపోతుందని చెప్పి పంపించారు. కానీ, మూడు వారాలు అయినా ఆమె వాపు తగ్గకపోవడంతో మరో వైద్యుడిని సంప్రదించారు. సర్జరీ సమయంలో అన‌స్థిషియా బ‌దులుగా సాలిసిలిక్ యాసిడ్ ను ఇవ్వడం వలన ఇలా జరిగిందని తేలింది. ఇప్పుడు ఏమి చెయ్యాలో తెలియక స్వాతి సతమతమవుతున్నారు. తన రూపు రేఖలు మారిపోయాయని.. ఎవరూ గుర్తుపట్టడం లేదనీ బాధపడుతున్నారు. ప్రస్తుతం ఆమె చికిత్స తీసుకుంటున్నారు. తాను కోలుకున్న తరువాత తనకి తప్పుడు చికిత్స ఇచ్చిన డాక్టర్ పై కేసు పెడతానని చెప్పారు.

సుకుమార్ దర్శకత్వంలో అల్లు అర్జున్ నటించిన “పుష్ప ది రైజ్” గతేడాది చివరిలో విడుదలై ఎంతటి ఘన విజయాన్ని సాధించిందో అందరికీ తెలిసిందే. ముఖ్యంగా బాలీవుడ్ లో ఎలాంటి అంచనాలు లేకుండా, అస్సలు పబ్లిసిటీనే చేయకుండా రిలీజ్ అయ్యి 100 కోట్లకు పైగా వసూలు చేసి ట్రేడ్ నిపుణులను సైతం నివ్వెర పోయేలా చేసింది.

అంతేకాదు.. క్రికెటర్లు, ఇతర దేశ క్రీడాకారులు కూడా మైదానంలో అల్లు అర్జున్ వేసిన సిగ్నేచర్ స్టెప్పులు వేసారు అంటే పుష్ప రాజ్ అందరిని ఎంతగా ఆకట్టుకున్నాడో అర్థం చేసుకోవచ్చు. “పుష్ప ది రైజ్” (పార్ట్ 1) సినిమా చూసిన వాళ్ళందరూ పుష్ప సీక్వెల్ లో భాగంగా వచ్చే “పుష్ప ది రూల్” (పార్ట్ 2) కోసం ఎదురు చూస్తున్నారనడంలో ఎలాంటి సందేహం లేదు.

మరి “పుష్ప ది రూల్” కూడా బాలీవుడ్ లో అంతటి విజయాన్ని సాధిస్తుందా..? మన సౌత్ ఇండియా నుంచి హిందీలోకి డబ్బింగ్ చేయబడి విజయాన్ని అందుకున్న ‘సీక్వెల్ సినిమాల” ట్రేడ్ లెక్కలపై ఓ లుక్కేద్దాం.. తమిళ సూపర్ స్టార్ రజినీకాంత్ నటించిన, శంకర్ దర్శకత్వంలో 2010లో వచ్చిన “రోబో” (పార్ట్ 1) హిందీలో 22 కోట్లు వసూలు చేయాగా, అదే కాంబినేషన్ లో అక్షయ్ కుమార్ కూడా నటించిన, 2018 లో రిలీజ్ అయిన “2.O” (పార్ట్ 2) ఏకంగా 180 కోట్లు వసూలు చేసింది.

మన దర్శకధీరుడు రాజమౌళి దర్శకత్వంలో ప్రభాస్, అనుష్క, రానా ప్రధాన పాత్రధారులుగా 2015లో వచ్చిన “బాహుబలి ది బిగినింగ్” చిత్రం హిందీలో 115 కోట్లు వసూలు చేయగా, సీక్వెల్ గా 2017 లో రిలీజ్ అయిన “బాహుబలి ది కంక్లూజన్” 510 కోట్లు వసూలు చేసి సినిమా పండితులని సైతం నివ్వెరపోయేలా చేసింది.

కన్నడ దర్శకుడు ప్రశాంత్ నీల్ దర్శకత్వంలో యశ్ హీరోగా నటించిన “కె జీ ఎఫ్ చాప్టర్ 1” 2018 లో విడుదలై హిందీలో 45 కోట్లు వసూలు చేసి అందరి దృష్టినీ ఆకర్షించింది, ఇక ఈ ఏప్రిల్ లో రిలీజ్ అయిన “కె జీ ఎఫ్ చాప్టర్ 2” ఏకంగా 435 కోట్లు వసూలు చేసి హిందీ ట్రేడ్ వర్గాలకు మన సౌత్ సినిమా అంటేనే జలసీ పుట్టేలా చేసింది.

ఈ లెక్కలని గమనిస్తే హిందీ ప్రేక్షకులు మన సౌత్ ఇండియన్ సీక్వెల్ సినిమాలని ఎంతగా ఆదరిస్తున్నారో అర్థమవుతుంది. ఇక మనం ఎప్పుడెప్పుడా అని ఎదురు చూస్తున్న “పుష్ప ది రూల్” రిలీజ్ అయితే బాక్స్ ఆఫీసు దగ్గర వసూళ్లు ఏ రేంజ్ లో ఉంటాయో అని ట్రేడ్ నిపుణులు ఇప్పటి నుంచే లెక్కలు కట్టడం మొదలు పెట్టారు. పుష్ప2 లో నవాజుద్దీన్ సిద్ధిఖీ కూడా ఒక ముఖ్య పాత్రలో నటించనున్నట్టు సమాచారం. అదే నిజం అయితే పుష్ప2 కి విజయావకాశాలు మరింత మెరుగైనట్టే. ఈ సీక్వెల్ సినిమాల విజయపరంపర బాలీవుడ్ లో అలాగే కొనసాగాలని సౌత్ సినీ ప్రేమికులు కోరుకుంటున్నారు.

ఫిల్మ్ ఇండస్ట్రీలో ఎవరి జీవితం ఎప్పుడు ఎలా మారుతుందో ఎవరు ఊహించలేరు. రాత్రికి రాత్రే కొందరు స్టార్లు అయిపోతే,  చూస్తుండగానే కొందరి జీవితాలు దీన స్థితికి చేరుకుంటాయి. సీనియర్ నటి లక్ష్మీ మీకు గుర్తుండే ఉంటారు. మురాలి, నిన్నే పెళ్లాడతా, మిథునం వంటి సినిమాల్లో తన పాత్రతో అందరిని ఆకట్టుకున్నారు.

లక్ష్మీ కూతురుగా ఐశ్వర్య సినీ అరంగ్రేటం చేశారు. “న్యాయంగళల్ జయిక్కట్టుం” అనే చిత్రం ద్వారా వెండితెరకు పరిచయం అయ్యి 200లకు పైగా చిత్రాల్లో నటించారు ఐశ్వర్య. హీరోయిన్ వేషాలు లేని సమయంలో చిన్నచిన్న పాత్రల్లో కూడా నటించారు. ఈ నేపథ్యంలో ఆమె తాజాగా ఇచ్చిన ఇంటర్వ్యూలో తన ఆర్థిక కష్టాలను వివరించారు. ఇల్లు గడవడం కష్టం కావడంతో ఇంటింటికి వెళ్ళి సబ్బులు విక్రయిస్తున్నట్టు తెలిపారు.

‘ఇప్పుడు నాకు పని లేకపోవడంతో ఎలాంటి ఆదాయం లేదు. ఇల్లు గడవాలంటే ఏదో ఒక పని కావాలి. అందుకే ఇంటింటికి వెళ్లి సబ్బులు విక్రయిస్తున్నాను. మంచి వేతనం ఇస్తే పాచి పనులు చేసేందుకు కూడా సిద్ధం. ఇప్పుడు నేను చేస్తున్న పని ఎంతో సంతోషంగా ఉంది. ఎందుకంటే ఇప్పుడు నాకు అప్పులు లేవు. ఇతర సమస్యలు కూడా లేవు. కానీ, సరైన పని ఒక్కటే లేదు.

screengrab from Multi Mommy (YouTube)

నా కాళ్ళపై నేను నిలబడి జీవిస్తున్నానని గర్వంగా వుంది. నేను నలుగురు పిల్లలతో కలిసి ఉంటున్నాను. యోగా సాధన వల్ల కేవలం ఒక్క పూట మాత్రమే తింటున్నాను. నా క  మారాలంటే నాకు ఒక మెగా టీవీ సీరియల్‌ కావాలి. నేను బతికింది సీరియల్స్‌ ద్వారానే. నాకు సినిమాలు అన్నం పెట్టలేదు. బుల్లితెర మాత్రమే అన్నం పెట్టింది’’ అంటూ ఐశ్వర్య కన్నీంటి పర్యంతమయ్యారు. చూడాలి ఈ ఇంటర్వ్యూ ద్వారానైనా ఐశ్వర్యకు మంచి అవకాశాలు లభించి మళ్లీ ఒకప్పటి వైభవం వస్తుందేమో.

watch video :

మిడిల్ క్లాస్ మెలోడీస్ సినిమాతో అమెజాన్ ప్రైమ్ మరొక హిట్ కొట్టింది. నవంబర్ 20 వ తేదీన ఈ సినిమా అమెజాన్ ప్రైమ్ లో విడుదలయింది. ఈ సినిమాకి ఒక ప్లస్ పాయింట్ ఏంటంటే, సినిమా చాలా నాచురల్ గా ఉంది. పాత్రలు కూడా అంతే నాచురల్ గా ఉన్నాయి. అసలు ఈ సినిమాకి పెద్ద హైలెట్ హీరో తండ్రి కొండల్ రావు పాత్ర. ఈ పాత్రకి చాలా మంది రిలేట్ అయ్యారు. ఈ పాత్రని పోషించిన యాక్టర్ గోపరాజు రమణ.

ఒక వైపు కోపం, ఇంకొక వైపు ప్రేమ ఇలా అన్నీ ఎమోషన్స్ ఉన్న కొండల్ రావు పాత్రని పర్ఫెక్ట్ గా బ్యాలెన్స్ చేశారు గోపరాజు రమణ. ఈ సినిమాకి రివ్యూ ఇచ్చిన ప్రతి ఒక్క క్రిటిక్ గోపరాజు రమణ పర్ఫామెన్స్ ని ప్రశంసించారు. ఇలా అంతకుముందు కూడా ఎంతో మంది నటులు పోషించిన తండ్రుల పాత్రలు ఎక్కడో ఒక చోట నిజజీవితానికి రిలేట్ అయ్యేలా ఉంటాయి. వాళ్ళు ఎవరంటే.

#1 కోట శ్రీనివాసరావు

ఆడవారి మాటలకు అర్థాలే వేరులే

ఈ సినిమాలో కోట శ్రీనివాస్ రావు గారికి, వెంకటేష్ కి మధ్య వచ్చే సీన్స్ చాలా రియలిస్టిక్ గా అనిపిస్తాయి.

#2 రావు రమేష్

మజిలీ

ఎలాంటి క్యారెక్టర్ అయినా సరే రావు రమేష్ నటనకి వంక పెట్టలేం. ఈ సినిమాలో కూడా అంతే బాగా చేశారు.

#3 సముద్రఖని

రఘువరన్ బీటెక్

ఈ సినిమా స్ట్రైట్ తెలుగు సినిమా కాకపోయినా కూడా, తెలుగు ప్రేక్షకులకు కూడా చాలా కనెక్ట్ అయింది. అందులోనూ ముఖ్యంగా ధనుష్, ధనుష్ తల్లి పాత్ర పోషించిన శరణ్య, ధనుష్ తండ్రి పాత్ర పోషించిన సముద్రఖని పాత్రలు అయితే మనకి తెలిసిన వాళ్ళ లాగా అనిపిస్తారు.

#4 గోపరాజు రమణ

మిడిల్ క్లాస్ మెలోడీస్

అటు సీరియస్ గా ఉంటూనే, కామెడీ టైమింగ్ కూడా కరెక్ట్ గా ఉన్న పాత్రలో చాలా బాగా నటించారు గోపరాజు రమణ.

#5 ఎస్పీ బాలసుబ్రమణ్యం

ప్రేమికుడు

బాలసుబ్రహ్మణ్యం గారిలో అద్భుతమైన గాయకులు మాత్రమే కాదు, అద్భుతమైన నటులు కూడా ఉన్నారు అని ఈ సినిమా చూస్తే అర్థమవుతుంది.

#6 చంద్రమోహన్

7/G బృందావన్ కాలనీ

నువ్వు నాకు నచ్చావ్

అసలు చంద్రమోహన్ గారి గురించి అందులోనూ 7/G బృందావన్ కాలనీ సినిమాలో ఆయన పాత్ర గురించి ఇంట్రడక్షన్ అవసరమే లేదు. సినిమా వచ్చి ఇన్ని సంవత్సరాలు అయినా సరే మనం సోషల్ మీడియాలో రోజుకి ఒక్కసారైనా చంద్రమోహన్ గారు హీరోని కొట్టే టెంప్లేట్ చూస్తూనే ఉంటాం.

#7 ప్రకాష్ రాజ్

సీతమ్మ వాకిట్లో సిరిమల్లె చెట్టు

కొత్త బంగారులోకం

కొత్త బంగారులోకం సినిమాలో తన కొడుకుకి ఏది నచ్చితే అది ఇవ్వాలి అనుకునే తండ్రిగా, సీతమ్మ వాకిట్లో సిరిమల్లె చెట్టు లో అవతలివాళ్ళు ఎలాంటి వాళ్లయినా సరే మనం మాత్రం అందరితో మంచిగానే ప్రవర్తించాలి అనుకునే వ్యక్తిగా ప్రతి పాత్రకి న్యాయం చేశారు ప్రకాష్ రాజ్.

#8 తనికెళ్ల భరణి

జులాయి

తనికెళ్ల భరణి గారు ఎంత మంచి నటులో చెప్పాల్సిన అవసరం లేదు. అంత మంచి నటుడికి త్రివిక్రమ్ డైలాగ్స్ యాడ్ అయితే ఆ పాత్ర స్క్రీన్ పై ఎంత బాగా కనిపిస్తుందో చెప్పడానికి ఇది ఒక ఉదాహరణ.

సుకుమార్ దర్శకత్వంలో అల్లు అర్జున్ నటించిన పుష్ప చిత్రం దేశవ్యాప్తంగా బాక్సాఫీస్ ను ఏ విధంగా షేక్ చేసిందో అందరికీ తెలిసిన విషయమే.

పుష్ప చిత్రం బాహుబలి తర్వాత మన తెలుగు వారి సత్తా ఏమిటో మరోసారి దేశవ్యాప్తంగా చాటిచెప్పింది.  దర్శకుడు సుకుమార్ కి మరియు హీరో అల్లు అర్జున్ కి ఒక రేంజ్ లో క్రేజ్ ని తెచ్చిపెట్టింది పుష్ప చిత్రం.

పుష్ప చిత్రంలో సన్నివేశాలు అన్నీ చాలా చాలా అద్భుతంగా ఉంటాయి. వెనుక బ్యాక్ గ్రౌండ్ లొకేషన్ అదిరిపోయినట్లు అనిపిస్తుంది. కానీ ఇదంతా మన VFX మాయాజాలం అని మనలో చాలా మందికి తెలియదు. అంత సాధారణంగా కనిపిస్తుంది ప్రతి లొకేషన్.

పుష్ప చిత్రాలోని కొన్ని సన్నివేశాలు చిత్తూరులోని శేషాచల అడవుల్లో చిత్రీకరించారు. మరికొన్ని మారేడుమిల్లిలో చిత్రీకరించారు.  ప్రతి సన్నివేశాన్ని ఎంతో అద్భుతంగా చిత్రీకరించి ప్రేక్షకులను ఆకర్షించేలా చేశారు. ఇంతకీ ఈ చిత్రం లో ఏది వర్జినల్ లో, ఏది vfx ఎఫెక్ట్స్ ఒకసారి చూసేద్దాం రండి.

#1. శ్రీవల్లి సాంగ్ లో :

శ్రీవల్లి పాటలు అల్లు అర్జున్ చేసే సిగ్నేచర్ స్టెప్స్ అన్ని భాషల్లోనూ ప్రేక్షకులను ఆకట్టుకుంది. చాలా మటుకు ఈ స్టెప్ ని అనువదించకుండా  ఎవ్వరూ లేరు. సోషల్ మీడియాలో ఈ పాటకు సంబంధించి అనేక వీడియోలు హల్చల్ చేశాయి. ఖాళీ కొండపైన  చేసిన  ఈ వీడియోను విజువల్ ఎఫెక్ట్స్ తో చిత్ర యూనిట్ ఎలా మార్చి వేశారు  మీరు గమనించవచ్చు.

#2. లారీ చేసింగ్ సీన్ :

అల్లు అర్జున్ చేసిన లారీ చేసింగ్ సీన్ సినిమా మొత్తానికి హైలెట్ అని చెప్పవచ్చు. అసలు ఈ సీన్లో నిజంగా లారీనే లేదు. ఒక ట్రాలీ పై లారీ ముందుభాగం క్యాబిన్ లా డోర్ వరకు సెట్ వేశారు. ఈ సైట్ ని Vfx ఎఫెక్ట్స్  ద్వారా ఈ విధంగా చేంజ్ చేశారు.

#3. చందనం దుంగలు నదిలో వదిలే సీన్ :

ఈ సన్నివేశం అసలుకు మారేడుమిల్లిలో జరిగింది. ఎర్రచందనాన్ని పోలీసుల నుండి రక్షించేందుకు నదిలో పడే ఈ సన్నివేశంలో రియల్ గా వెనక బిల్డింగ్స్ కనిపిస్తూ ఉంటాయి. Vfx ఎఫెక్ట్స్ తో దానిని కొండలుగా చిత్రీకరించారు.

#4. ఎర్ర చందనాన్ని తప్పించి ఆలోచనలో ఉన్నా సీన్ :

ఎర్రచందనం గురించి పోలీసులు జాడ తెలుసుకొని వస్తుండగా,  ఎలా తప్పించాలి అనుకున్న సీన్లో అక్కడ ఎలాంటి అడవి ఉండదు. Vfx ఎఫెక్ట్స్ మాయాజాలంతో దానిని దట్టమైన అడవిలా చిత్రీకరించారు. ఇలా కొన్ని సన్నివేశాల్లో ఎఫెక్ట్స్ వాడటం ద్వారా టోటల్ గా చిత్రానికి  అదిరిపోయే ఔట్పుట్ వచ్చిందని చెప్పవచ్చు.

చాలా మంది నటీనటులు వేరే ఇండస్ట్రీలోకి కూడా వెళ్లి నటిస్తూ ఉంటారు. అక్కడ వాళ్లకి అవకాశాలు వచ్చి.. అదృష్టం కలిసి వస్తే ఆ ఇండస్ట్రీలో సెటిల్ అయిపోతారు. చాలా మంది నటీనటులు ఈ విధంగానే ఉంటారు. అయితే కన్నడ నటులై తెలుగు ఇండస్ట్రీలోకి వచ్చిన వారి గురించి ఇప్పుడు చూద్దాం.

ఐశ్వర్యరాయ్, దీపికా పదుకొనె లాంటి అందాల తారలు కన్నడకి చెందిన వాళ్ళు అయినా సరే బాలీవుడ్ లో సెటిల్ అయిపోయారు. అలాగే కొంతమంది కన్నడ తారలు తెలుగు ఇండస్ట్రీలోకి వచ్చారు.

#1. సౌందర్య:

సౌందర్య ఎన్నో అద్భుతమైన పాత్రల్ని చేశారు. తెలుగు చిత్ర పరిశ్రమలో అత్యంత ప్రసిద్ధి చెందిన నటులలో ఈమె ఒకరు. రాజా, జయం మనదేరా, అమ్మోరు, పవిత్ర బంధం ఇలా ఎన్నో సినిమాల్లో సౌందర్య నటించారు.

#2. ప్రేమ:

కన్నడ నటి అయిన ఈమె తెలుగులో మంచి పాపులారిటీని పొందింది. అయోధ్య, అంజనీ పుత్రుడు, సుందరకాండ ఇలా ఎన్నో అద్భుతమైన సినిమాల్లో ప్రేమ నటించారు.

#3. రక్షిత:

కన్నడ నటి రక్షిత తెలుగులో కూడా అద్భుతమైన సినిమాలు చేసి మంచి పాపులారిటీ పొందింది. ఇడియట్, నిజం, లక్ష్మీనరసింహ ఆంధ్రావాలా వంటి తెలుగు సినిమాల్లో ఈమె నటించి మెప్పించింది.

#4. అనుష్క:

అనుష్క గురించి చెప్పక్కర్లేదు. అందరికి అనుష్క సుపరిచితమే. సూపర్, అరుంధతి,బాహుబలి మొదలైన ఎన్నో అద్భుతమైన తెలుగు చిత్రాల్లో అనుష్క నటించిన మెప్పించింది. తెలుగు చిత్ర పరిశ్రమలో ఈమె మంచి ఫాలోయింగ్ ని కూడా పొందింది.

#5. ప్రణీత సుభాష్:

ప్రణీత కూడా తెలుగు సినిమాల్లో నటించి పాపులర్ అయ్యింది. అత్తారింటికి దారేది, బావ, పాండవులు పాండవులు తుమ్మెద, రభస మొదలైన తెలుగు చిత్రాలలో నటించింది.

#6. పూజా హెగ్దే:

పూజా హెగ్డే కూడా తెలుగులో అనేక సినిమాల్లో నటించింది. టాలీవుడ్ ప్రేక్షకుల్ని ఎంతగానో ఈమె తన నటనతో మెప్పించింది. ఒక లైలా కోసం, ముకుందా, దువ్వాడ జగన్నాథం, అల వైకుంఠపురం, మోస్ట్ ఎలిజిబుల్ బ్యాచిలర్ ఇలా ఎన్నో సినిమాల్లో ఈమె నటించింది.

#7. రష్మిక మందన్న:

గీత గోవిందం, కిరాక్ పార్టీ, అంజనీ పుత్ర, ఛలో, భీష్మ , సుల్తాన్ మొదలైన సినిమాల్లో నటించింది. ఫిలిం ఫేర్ అవార్డు మరియు సౌత్ ఇండియన్ ఇంటర్నేషనల్ మూవీ అవార్డు కూడా ఈమె పొందింది.

#8. నిత్యా మీనన్:

నిత్యా మీనన్ తన నటనతో బాగా పాపులర్ అయ్యింది. కన్నడ, మలయాళం, తమిళ్, తెలుగులో కూడా ఈమె నటించింది. మూడు ఫిలిం ఫేర్ అవార్డులు, రెండు నంది అవార్డుని కూడా నిత్యా మీనన్ పొందింది.

#9. నభా నటేష్:

నాభా నటేష్ తెలుగు, కన్నడ సినిమాల్లో నటించింది. ఇస్మార్ట్ శంకర్, నన్ను దోచుకుందువటే, సోలో బ్రతుకే సో బెటర్ వంటి తెలుగు సినిమాల్లో నాభా నటేష్ నటించి మెప్పించింది.

యువచిత్ర ఆర్ట్స్ యూనిట్స్ బ్యానర్ లో 1990లో కోదండరామిరెడ్డి దర్శకత్వంలో బాలకృష్ణ, శోభన, నిరోషా హీరో, హీరోయిన్స్ గా నటించిన చిత్రం నారీ నారీ నడుమ మురారి.

ఊర్వశి శారద, కైకాల సత్యనారాయణ, అల్లు రామలింగయ్య, రమాప్రభ, తనికెళ్ల భరణి ప్రధాన తారాగణంగా అల్లరించి మెప్పించారు. అప్పటిలో ఈ చిత్రానికి గాను కీరవాణి తండ్రి శివశక్తిదత్తలు మరియు రాజమౌళి తండ్రి విజయేంద్ర ప్రసాద్ రచయితగా పనిచేశారు.

యాక్షన్ హీరోగా గుర్తింపు తెచ్చుకున్న బాలకృష్ణకు ఈ చిత్రం ఫ్యామిలీ ఓరియెంటెడ్ చిత్రాలు కూడా చేయగలరని గుర్తింపు వచ్చింది. అత్త గా నటించిన శారద, బాలయ్య మధ్య సన్నివేశాలు చాలా హాస్యాస్పదంగా అప్పట్లో ప్రేక్షకులను అలరించాయి. ఇద్దరి భామల మధ్య నలుగుతున్న ముద్దులు బావగా ప్రేక్షకులను అలరించాడు బాలకృష్ణ.

ఈ చిత్రానికి కె.వి.మహదేవన్ గారు సంగీత దర్శకత్వం వహించారు. ఈ చిత్రం లోని ఇరువురి భామల కౌగిలిలో స్వామి అనే పాట ఇప్పటికీ ప్రేక్షకుల మదిలో మెదులుతూనే ఉంటుంది.

ఈ చిత్రం ఫ్యామిలీ ఓరియెంటెడ్ మూవీగా మంచి హిట్ ను అందుకుంది. అసలు విషయానికొస్తే, అప్పటిలో ఈ సినిమాలోని కొన్ని సన్నివేశాలు మెగాస్టార్ చిరంజీవిగారి ఇంట్లో చిత్రీకరించినవే.

తమిళనాడులోని వెలచ్చేరి ప్రార్థనలో చిరంజీవికి హనీ హౌస్ అనే గెస్ట్ హౌస్ ఉంది. దీని పక్కన రెండు ఎకరాల స్థలం కూడా చిరంజీవిదే.

ఈ చిత్రంలో బాలకృష్ణ ఒక పూరి గుడిసెల్లో నివసిస్తున్నారు. ఆ పూరి గుడిసె కూడా చిరంజీవి చెందిన స్థలంలోనే నిర్మించారు. ఈ చిత్రంలోని చాలా మటుకు సన్నివేశాలు చిరంజీవి గెస్ట్ హౌస్ లోనే చిత్రీకరించారట.

Also Read :

• ఆ తప్పు వల్లే చిరంజీవి తమిళనాట స్టార్ హీరో అవ్వలేదు.. అసలు విషయం చెప్పిన కమల్ హాసన్..!
• “సర్కారు వారి పాట” క్లైమాక్స్‌లో ఇది గమనించారా..? ఇంత పెద్ద పొరపాటు ఎలా చేశారు..?