Filmy Adda

రాజమౌళి దర్శకత్వం వహించిన ఆర్ఆర్ఆర్ సినిమా ఎప్పుడెప్పుడు విడుదల అవుతుందా అని రెండు తెలుగు రాష్ట్రాలు మాత్రమే కాదు భారతదేశం అంతా కూడా ఎదురు చూసింది. అందుకు మొదటి కారణం రాజమౌళి అయితే రెండో కారణం ఇద్దరు స్టార్ హీరోలు ఒకే తెరపై కనిపించడం. రాజమౌళి వారిద్దరిని కలిపి చూపించాలి అన్న ఆలోచనని ప్రేక్షకులు ఎలా రిసీవ్ చేసుకుంటారు?

వారిద్దరిలో ఒకరికి ప్రాముఖ్యత పెరిగి మరొకరికి ప్రాముఖ్యత తగ్గుతుందా? ఇలాంటి ప్రశ్నలు చాలా నెలకొన్నాయి? కానీ సినిమా ట్రైలర్ చూసిన తర్వాత ఇద్దరికీ సమానంగా ప్రాముఖ్యత ఉంటుంది అని అర్ధమైపోయింది. సినిమాలో ఇద్దరికీ సమానమైన పాత్రలు ఉంటాయి. అంత పెద్ద స్టార్ హీరోలని ఒకే తెరపై చూడటం కూడా ప్రేక్షకులకు చాలా కొత్తగా అనిపించింది.

ముఖ్యంగా వారి మధ్య వచ్చే సీన్స్ చాలా మందిని ఎమోషనల్ చేశాయి. వీరిద్దరూ మొదటిసారి కలుసుకునే సీన్ కూడా చాలా బాగా తీశారు. నిజంగానే వారిద్దరినీ చూస్తూ ఉంటే పెద్ద హీరోల్లాగా కాకుండా ఆ పాత్రల్లాగానే కనిపిస్తూ ఉంటారు. సినిమా హిట్ అవ్వాలి అంటే దర్శకుడు సీన్స్ రాసే విధానం కూడా చాలా ముఖ్యమైన పాత్ర పోషిస్తుంది. ఈ సినిమాలో కూడా రాజమౌళి చాలా సీన్స్ విషయంలో జాగ్రత్త తీసుకున్నారు. అందుకు ఉదాహరణ ఈ సీన్స్. ఇద్దరు హీరోలు మొదటిసారి కలిసినప్పుడు వారిని వారు పరిచయం చేసుకుంటూ చేతులు పట్టుకున్నట్టు చూపిస్తారు.

అప్పుడు ఇద్దరు చేతులు సమానంగా ఉండేలా చూపిస్తారు. ఇంటర్వెల్ కి ముందు వచ్చే సీన్ లో రామరాజు చేయి పైన ఉంటే భీమ్ చేయి కిందకి ఉంటుంది. అలాగే వారిద్దరికీ మధ్యలో తాడు ఉంటుంది. అంటే ఇప్పుడు రామరాజు పై చేయిలో ఉన్నాడు అని, అలాగే వారిద్దరికీ మధ్య దూరం ఉంది అని చూపిస్తారు. మళ్ళీ భీమ్ రామరాజుని కాపాడటానికి వెళ్ళినప్పుడు జైల్ లో నుండి రామరాజుని పైకి లేపుతాడు. అప్పుడు కూడా రామరాజు పైకి వచ్చిన తర్వాత ఇద్దరి చేతులు సమానంగా ఉన్నట్టు చూపిస్తారు. అంటే ఇక్కడ ఇద్దరూ కలిసిపోయారు అని చూపించారు. అలా వాళ్ళిద్దరూ ముందు కలిశారు అని, తర్వాత వాళ్ళ ఇద్దరి మధ్య వచ్చిన గొడవల వల్ల దూరం అయ్యారు అని మళ్ళీ చివరికి కలిశారు అని చూపించారు.

watch video :

https://www.instagram.com/reel/CeoPjZJsvRL/?igshid=YmMyMTA2M2Y%3D

సినిమా అనే రంగుల ప్రపంచంలో ఎందరో తమ కలలని నెరవేర్చుకోవడానికి వస్తుంటారు. కొందరు సాగినంత కాలం కొనసాగి తరువాత ఇండస్ట్రీ ని వదిలేసి వెళ్లిపోతుంటారు. అయితే.. అవకాశం వస్తే తమని తాము ప్రూవ్ చేసుకోవాలని ఉవ్విళ్లూరుతుంటారు. అలా తనకి వచ్చిన అవకాశాలను ఉపయోగించుకుని తక్కువగా కాలంలోనే స్టార్ హీరోయిన్ గా ఎదిగిన నటులలో సంఘవి ఒకరు.

ఈమె తొలిసారిగా తమిళనాట అజిత్ తో కలిసి ఓ సినిమాలో నటించారు. ఆ తరువాత తెలుగునాట కూడా నటించి పాపులర్ హీరోయిన్ అయిపోయారు. తమిళ్, తెలుగు, కన్నడ , హిందీ సినిమాలలో సంఘవి నటించారు.

తాజ్ మహల్ సినిమా ద్వారా తెలుగు తెరకు పరిచయమైన సంఘవి దాదాపు 23 సంవత్సరాల పాటు ఇండస్ట్రీ లో కొనసాగారు. వెంకటేష్ తో నటించిన “సూర్య వంశం” మూవీ తో సంఘవికి చాలా పేరు వచ్చింది. తెలుగు నాట ఆమెకు మరిన్ని అవకాశాలను తీసుకొచ్చింది ఈ సినిమా. స్టార్ హీరోయిన్ గా ఉండగానే సంఘవి ఓ స్టార్ డైరెక్టర్ ను ప్రేమించి పెళ్లి చేసుకున్నారు.

1998 లో రిలీజ్ అయిన “శివయ్య” సినిమాలో నటించే సమయంలోనే ఆ సినిమా దర్శకుడు సురేష్ వర్మను సంఘవి ప్రేమించి పెళ్లి చేసుకున్నారు. అయితే.. వీరి వివాహ బంధం ఎక్కువ కాలం కొనసాగలేదు. సురేష్ వర్మ పెట్టిన ఇబ్బందుల్ని ఆమె భరించలేక సురేష్ వర్మ నుంచి విడిపోయారు. ఆ తరువాత బెంగళూరు కు చెందిన వెంకటేష్ అనే ఓ సాఫ్ట్ వేర్ ఉద్యోగిని సంఘవి పెళ్లి చేసుకున్నారు. ఇటీవలే తన 42 సంవత్సరాల వయసు లో ఓ ఆడబిడ్డకు జన్మనిచ్చింది. ఆమె ఫోటో లు నెట్టింట్లో వైరల్ అయ్యాయి.

రణబీర్ కపూర్, ఆలియా భట్ హీరోహీరోయిన్లుగా నటిస్తున్న బ్రహ్మాస్త్ర ట్రైలర్ ఇవాళ విడుదల అయ్యింది. ఈ సినిమా పాన్ ఇండియన్ సినిమాగా విడుదల అవుతోంది. ఈ సినిమా తెలుగులో బ్రహ్మాస్త్రం పేరుతో విడుదల అవుతుంది. ఆ ట్రైలర్ కూడా ఇవాళ విడుదల చేశారు. ఈ సినిమాకి అయాన్ ముఖర్జీ దర్శకత్వం వహించారు.

అమితాబ్ బచ్చన్ ఈ సినిమాలో ఒక ముఖ్య పాత్రలో నటించారు. అలాగే కింగ్ నాగార్జున కూడా ఈ సినిమాలో నటించారు. వీరు మాత్రమే కాకుండా ఇంకా ఎంతో మంది ప్రముఖ నటులు ఈ సినిమాలో ఉన్నారు.

సినిమా ట్రైలర్ చూస్తూ ఉంటే ఇది ఒక మైథాలజీ అలాగే యాక్షన్ కూడా ఎక్కువగా ఉండబోతోంది అని అర్థమవుతోంది. ఈ సినిమా ట్రైలర్ చూస్తూ ఉంటే చాలా మందికి నాగార్జున హీరోగా నటించిన ఢమరుకం సినిమా కూడా గుర్తొచ్చింది. అంతే కాకుండా.. ఈ సినిమాలో కొన్ని పాత్రలు మార్వెల్ సినిమా పాత్రలను పోలి ఉన్నాయంటూ నెటిజన్స్ కామెంట్స్ చేస్తున్నారు.

తాజాగా వీటిపై రణబీర్ కపూర్ స్పందించారు. రణబీర్ బ్రహ్మాస్త్రాన్ని ఏ సినిమాతోనూ పోల్చలేమని స్పష్టం చేసారు. ఇది మార్వెల్ చిత్రం లాంటిది కాదు. ప్రపంచవ్యాప్తంగా రూపొందించిన ఏ చిత్రంతో ‘బ్రహ్మాస్త్ర’ను పోల్చలేము. ఇతర దేశాల పెద్ద సినిమాలను నేను కూడా చాలా చూసాను. కానీ.. ఈ సినిమాలో వాటి గురించిన ప్రస్తావన ఉండదు అని స్పష్టం చేసారు.

లేడీ సూపర్ స్టార్ నయనతార పెళ్లి తర్వాత తన సినీ జీవితంలో కొన్ని కట్టుబాట్లు విధించుకోవాలి అని నిర్ణయించుకున్నట్టు సమాచారం. ఈ మేరకు ఆమె తన వద్దకు వచ్చే నిర్మాతలకు, డైరెక్టర్లకు కొన్ని షరతులు విధిస్తున్నట్టు తెలుస్తుంది.

అవి ఏంటి అంటే పెళ్లి తర్వాత ఆమె ఖాళీ సమయాలలోనే సినిమాలు చేస్తానని, తదనుగుణంగానే తన కాల్ షీట్స్ ఉంటాయని, శృంగార భరిత సన్నివేశాల్లోనూ, బికినీ సీన్స్ లో నటించను అని తెగేసి చెబుతుంది అట. ఈ షరతులు కి ఒప్పుకుంటేనే సినిమా చేస్తాను అని, లేకుంటే చెయ్యను అని తన నిర్ణయాన్ని సూటిగా నిర్మాతలకు తెలియజేస్తుంది అని కోలీవుడ్ వర్గాలు చెప్పుకుంటున్నాయి.

అయితే నయనతార ఇలాంటి కఠిన నిర్ణయం తీసుకోవడం వెనుక సమంతా కారణం అయ్యి ఉంటుంది, అని మరికొంత మంది అభిప్రాయపడుతున్నారు. పెళ్లి తర్వాత సమంతా సూపర్ డీలక్స్, ఫామిలీ మేన్ 2 లాంటి సినిమాల్లో గ్లామర్ హద్దులు దాటి నటించింది. తదనంతరం తాను గాఢంగా ప్రేమించి పెళ్లి చేసుకున్న నాగ చైతన్య తో విడాకులు తీసుకోవడం జరిగింది.

వీరి విడాకుల వెనుక సమంత నటించిన ఆ సినిమా లే కారణం అని ఒక వాదన సినీ వర్గాల్లో ఉంది. అందుకే సమంత ను చూసి నయన్ అలాంటి కఠిన నిర్ణయాలు తీసుకుని ఉంటుంది అని ఆమె అభిమానులు అభిప్రాయపడుతున్నారు. అయితే పెళ్లి తర్వాత ఎలాంటి హద్దులు పెట్టుకోకుండా సమంతా తన కెరీర్ లో టాప్ గేర్ లో దూసుకుపోతుంటే, ఇటువంటి కఠిన నిబంధనలు పెట్టుకుని నయన్ తన కెరీర్ ని ఎలా మలుచుకుంటుందో చూడాలి.

హిందీలో “ఖుద్ ఘార్జ్” అనే పేరుతొ ఓ సినిమా వచ్చింది. అది అక్కడ విజయం సాధించడంతో ఆ సినిమాను తెలుగులో కూడా “ప్రాణ స్నేహితులు” పేరిట ఈ సినిమాను కృష్ణం రాజు రీమేక్ చేసారు. అయితే.. తమిళం లో రజినీకాంత్ నటించిన “అన్నమయ్య” సినిమా కూడా ఇంచుమించు ఇలానే ఉంటుంది.

అన్నమయ్య సినిమా కూడా తమిళనాట సూపర్ హిట్ గా నిలిచింది. ఈ సినిమాను తెలుగులో కూడా రీమేక్ చేయాలనీ టాలీవుడ్ దర్శక ప్రముఖులు చాలా మందే అనుకున్నారు. కానీ, డిమాండ్ ఎక్కువ ఉండడంతో ధర కూడా ఎక్కువ ఉంది.

కేవలం నిర్మాత కెవివి గారు మాత్రమే ఎక్కువ ధర పెట్టి ఈ సినిమా రైట్స్ ను కొనుక్కున్నారు. ఈ సినిమాను తెలుగులో ఎవరితో రీమేక్ చేయాలి.. ఏ దర్శకుడితో పని చేయాలి అని ఈవీవీ సందిగ్ధంలో పడిపోయారు. ఈ క్రమంలో ఓ సారి ఫ్లైట్ లో ప్రయాణిస్తూ చిరంజీవికి ఈ కథ చెప్పడం.. ఆయన కూడా ఒకే చేయడం జరిగిపోయాయి. అప్పటికే సుందరకాండ సినిమా సక్సెస్ లో కెవివి బిజీగా ఉన్నారు.

అదే టైంలోనే రవిరాజా పినిశెట్టి వెంకటేష్ తో మరో సినిమా చేయాలనీ కోరారట. ఆ సమయంలో వెంకటేష్ తో సినిమా చేయాలా లేదా చిరుతో చేయాలా అని కెవివి సందిగ్ధంలో పడిపోయారట. సుందరకాండ విజయం సాధించి ఉండడంతో.. వెంకటేష్ తోనే సినిమా తీయాలని అనుకున్నారు. “కొండపల్లి రాజా” సినిమాను తెరకెక్కించారు. ఇందులో సుమన్, వెంకటేష్ స్నేహితులుగా నటించారు. నగ్మా హీరోయిన్ గా నటించారు. పాటల కోసమే 25 లక్షలు ఖర్చు చేసారు. ఈ సినిమా విజయం సాధించినా “ప్రాణ స్నేహితులు” సినిమా పాటలను అనుమతి లేకుండా రీమిక్స్ చేసారు అంటూ.. కృష్ణంరాజు గారు కెవివి గారిపై కేసు వేశారు. దీనితో ఈ సినిమా విజయం సాధించిందన్న ఆనందమే కెవివి గారికి లేకుండా పోయింది. పైగా ఆయన జైలుకు వెళ్లాల్సిన పరిస్థితి వచ్చింది.

ఒకరు తెలుగు ఇండస్ట్రీ కి సూపర్ స్టార్ అయితే.. మరొకరు బాలీవుడ్ లో బిగ్ బీ. వీరిద్దరికి ఏమి పోలిక ఉందా అని ఆలోచిస్తున్నారా? సూపర్ స్టార్ కృష్ణ మరియు బాలీవుడ్ బిగ్ బీ అమితాబ్ బచ్చన్ ఇద్దరూ అరవైవ దశకంలోనే ఇండస్ట్రీ లో అడుగుపెట్టారు. 1965 లో సూపర్ స్టార్ కృష్ణ తేనే మనసులు సినిమాతో ఎంట్రీ ఇచ్చారు.

అలాగే.. 1969 వ సంవత్సరంలో బిగ్ బీ అమితాబ్ అబ్బాస్ దర్శకత్వంలో సాత్ హిందూస్థానీ అనే సినిమా ద్వారా ఎంట్రీ ఇచ్చారు. ఇది బిగ్ బీ నటించిన ఏకైక బ్లాక్ అండ్ వైట్ మూవీ కావడం విశేషం.

మరో విశేషం ఏంటంటే.. బాలీవుడ్ లో బిగ్ బీ నటించిన ఎన్నో సినిమాలు తెలుగునాట రీమేక్ అయ్యాయి. ఎన్టీ రామారావు తో సహా పలువురు టాలీవుడ్ ప్రముఖులు బిగ్ బీ అమితాబ్ నటించిన సినిమాలను తెలుగులోకి రీమేక్ చేసారు. ఇక సూపర్ స్టార్ కృష్ణ కూడా అమితాబ్ నటించిన సినిమాలను తిరిగి తెలుగులో చేసారు. అమితాబ్ నటించిన సత్తే పే సత్తే సినిమాను తెలుగులో అందరికంటే మొనగాడు పేరిట సూపర్ స్టార్ కృష్ణ రీమేక్ చేసారు.

హిందీలో అమితాబ్ నటించిన మహాన్ సినిమాను తెలుగులో సూపర్ స్టార్ కృష్ణ “కుమార్ రాజా” పేరిట రీమేక్ చేసారు. ఈ సినిమా మంచి విజయమే సాధించింది. ఇది కాకుండా.. అమితాబ్ “ఇంక్విలాబ్” సినిమాను తెలుగులో “ముఖ్యమంత్రి” పేరిట సూపర్ స్టార్ కృష్ణ రీమేక్ చేసారు. తెలుగులో కృష్ణ నటించిన సినిమాలను కూడా అమితాబ్ బాలీవుడ్ లో రీమేక్ చేసారు.

సౌత్ సినిమా ఇండస్ట్రీలో హీరోల ప్రభావం ఎక్కువ అనేది సౌత్ సినీ ప్రేక్షకుల మాట. ఇక్కడ హీరోలని దేవుళ్లుగా అభిమానించే అభిమానులకి లోటు లేదు. కానీ హీరోయిన్ ల విషయానికొస్తే ఆ స్ధాయి అభిమానం కనిపించదు.

అటువంటి సౌత్ సినీ ఇండస్ట్రీలో లేడీ సూపర్ స్టార్ గా పేరు తెచ్చుకుంది నయనతార. హీరోలతో సమానమైన క్రేజ్తో, తమిళ సినిమాలతో  పాటు తెలుగులోనూ అభిమానుల్ని సంపాదించుకుంది ఈ కన్నడ మలయాళ గుమ్మ.

సినీ కెరీర్ ఎల్లప్పుడు విజయవంతంగా నడిచిన ఈమెకి, వ్యక్తిగతంగా మాత్రం ఎల్లప్పుడు వివాదాలు చుట్టుముడుతూనే ఉన్నాయి. తమిళ్ హీరో శింబుతో నయన్  ప్రేమ వ్యవహారం కోలీవుడ్ లోనే కాక, టాలీవుడ్లో కూడా హాట్ టాపిక్ గా మారింది. ఆ తర్వాత అభిప్రాయ భేదాలతో వీరిరువురు విడిపోవడం జరిగింది. కొన్ని సంవత్సరాలు సాధారణం గా గడిచిన ఈమె జీవితంలోకి మళ్ళీ వివాదాలు డైరెక్టర్ ప్రభుదేవా రూపంలో అడుగు పెట్టాయి. నయన్ ప్రభుదేవాల ప్రేమ వ్యవహారం పెళ్లి పీటల దాకా చేరినట్టు కోలీవుడ్ వర్గాలు అప్పట్లో బాగా ప్రచారం చేశాయి.

ఆ క్రమంలోనే ప్రభుదేవా అతని భార్య లత కి కూడా విడాకులు ఇచ్చి నయన్ ని పెళ్లి చేసుకోవడానికి సిద్ధపడ్డాడు అని ప్రచారం జరిగింది. కానీ ఏం జరిగిందో ఏమో ఆ బంధం కూడా నయన్ జీవితంలో వివాదాలకు నిలయం గా మారుతూ తెగిపోయింది. అప్పట్లో ప్రభుదేవా భార్య లత, నయన్ వల్లనే తన జీవితం నాశనం అయ్యింది అని, ఆమె కనిపిస్తే ఖచ్చితంగా శిక్షిస్తానని కామెంట్ చేసింది.

అయితే నయన్ ఆ వివాదాలు అన్నింటినీ దాటుకుని కొన్ని సంవత్సరాలు గా తను ప్రేమిస్తున్న దర్శకుడు విఘ్నేష్ ని వివాహం చేసుకుంది. ఈ క్రమంలో నయన్ పైన ప్రభుదేవా భార్య అప్పట్లో చేసిన కామెంట్ లను వైరల్ చేస్తున్నారు నెటిజన్లు.