Filmy Adda

ఒక స్టార్ హీరో సినిమా కి సంబంధించి ఈవెంట్ అయినా, చిన్న హీరో సినిమాకి ప్రీ రిలీజ్ ఈవెంట్ అయినా యాంకర్ సుమ ఉండాల్సిందే. అటు బడా ఈవెంట్ల నుంచి మొదలు కొని బుల్లితెర పై షోల వరకు సుమ కనకాల ఉంటారు. ఆమె షెడ్యూల్ లో ఒక రోజు కూడా తీరిక లేకుండా ఉంటారు.

అచ్చ తెలుగుని గడగడా మాట్లాడేసే సుమని చూస్తే.. ఎవ్వరు ఆమెను కేరళ అమ్మాయి అని అనుకోరు. కేరళ అమ్మాయి అయిన యాంకర్ సుమ రాజీవ్ కనకాలను పెళ్లి చేసుకున్న తరువాత తెలుగు వారింటికి కోడలిగా వచ్చేసారు.

అంతే కాదు.. తనదైన శైలిలో యాంకరింగ్ చేస్తూ తెలుగు సినిమా అభిమానులకు మరింత చేరువయ్యారు. ఇక బుల్లితెరపై ఆమె చేసే సందడిని ప్రత్యేకంగా చెప్పాల్సిన అవసరం లేదు. ఇది ఇలా ఉంటె.. యాంకర్ సుమకు ఓ అందమైన ఇల్లు కూడా ఉంది. ఆ ఇంటిని చాలా సినిమాలలో షూటింగ్ కి కూడా ఉపయోగించుకున్నారు. ఇంతకీ ఆ సినిమాలు ఏంటో ఓ లుక్ వేసేద్దాం.

#1. 100% లవ్:నాగచైతన్య, తమన్నా హీరో, హీరోయిన్లుగా వచ్చిన సినిమా 100% లవ్. ఈ సినిమా షూటింగ్ ఎక్కువ భాగం ఇంటిలోనే జరిగింది. ఆ ఇల్లు ఎవరిదో కాదు యాంకర్ సుమదే.

#2 పూల రంగడు:
సునీల్ హీరోగా వచ్చిన ఈ సినిమాలో కూడా సునీల్ ఉన్న ఇల్లు యాంకర్ సుమదే కావడం గమనార్హం.

#3 బాద్ షా:
శ్రీనువైట్ల దర్శకత్వంలో ఎన్టీఆర్ హీరోగా నటించిన సినిమా బాద్ షా. ఈ సినిమాలో కాజల్ అగర్వాల్ హీరోయిన్ గా నటించారు. ఈ సినిమాలో కాజల్ అగర్వాల్ ఫ్యామిలీ ఉన్న ఇల్లు యాంకర్ సుమదే.

#4 బ్రూస్ లీ:
రామ్ చరణ్ హీరోగా నటించిన ఈ సినిమాలో రామ్ చరణ్ ఉంటున్నట్లు కనిపించే ఇల్లు కూడా యాంకర్ సుమదే.

#5 దూకుడు:
మహేష్ బాబు హీరోగా నటించిన దూకుడు సినిమాలో ప్రకాష్ రాజ్, మహేష్ బాబు ఓ ఇంట్లో ఉన్నట్లు చూపిస్తారు. ఆ ఇల్లు కూడా యాంకర్ సుమదే కావడం విశేషం.

యాంకర్ సుమ ఇల్లు షూటింగ్ కి అనువుగా ఉండడంతో పాటు.. అందంగా కూడా ఉండడంతో ఆమె ఇంటిని చాలా మందే షూటింగ్ ల కోసం వాడుకుంటున్నారు.

రాజమౌళి దర్శకత్వం వహించిన ఆర్ఆర్ఆర్ సినిమా ఓ రేంజ్ లో రికార్డులు సృష్టించిన సంగతి తెలిసిందే. దర్శకుడు రాజమౌళి కావడం, ఇద్దరు స్టార్ హీరోలు ఉండడం, బాలీవుడ్ నటులు కూడా ఈ సినిమాలో భాగం కావడంతో ఈ సినిమాపై అంచనాలు ఓ రేంజ్ లో ఉండేవి. అయితే.. సినిమా విడుదల అయ్యాక కూడా అదే రేంజ్ లో రికార్డు లను దుమ్ముదులిపింది ఈ సినిమా.

ఇటీవలే జీ 5 ఓటిటి యాప్ లో కూడా విడుదల అయ్యి మంచి ఫలితాన్నే రాబట్టింది. అయితే.. ఈ సినిమా విడుదల అయ్యాక.. ఈ సినిమాలో నటించిన క్యారెక్టర్ ఆర్టిస్ట్ లకు సైతం మంచి పేరు లభించింది.

మల్లి పాత్రలో నటించిన అమ్మాయి కూడా అలానే ఫేమస్ అయింది. ఇది ఇలా ఉంటె.. ఈ సినిమాలో ఓ క్యారెక్టర్ ఆర్టిస్ట్ ఏకంగా రెండు పాత్రలను పోషించేసాడు. అతను ఎవరో కాదు.. కొత్త బంగారు లోకం సినిమాలో హాస్టల్ వార్డెన్ గా కనిపించి మెప్పించిన నటుడు. అతనెవరో కాదు. అతని పేరు చిన్ని కృష్ణ. కొత్త బంగారు లోకం సినిమా లో వార్డెన్ గా కనిపించి బాగా పాపులర్ అయ్యారు. ఆ తరువాత ఆయన ఫిలిం డైరెక్టర్ అయిపోయారు.

తాజాగా.. ఆర్ ఆర్ ఆర్ సినిమాలో ఆయన రెండు చోట్ల వేర్వేరు పాత్రలలో కనిపించారు. ఈ విషయాన్నీ చాలా మంది నోటీస్ చేయలేదు. కానీ సినిమాను మరో సారి చూసి అబ్జర్వ్ చేస్తే ఈ విషయం తెలుస్తుంది. ఒక క్యారెక్టర్ లో రామ్ చరణ్ ని కలిసిన వ్యక్తిగా నటుడు, క్యారెక్టర్ ఆర్టిస్ట్ చిన్ని కృష్ణ కనిపిస్తారు. ఆ తరువాత ఎన్టీఆర్ ఊరు వాళ్ళ లాగ, కామన్ పీపుల్ లో ఒకడిగా కూడా చిన్ని కృష్ణ కనిపిస్తారు.

మొదటి రోల్ లో కనిపించినప్పుడు క్లీన్ షేవ్ తో కనిపించిన చిన్ని కృష్ణ, రెండవ రోల్ లో కనిపించినప్పుడు మాత్రం ఫుల్ గడ్డంతో, పూర్తిగా మరో వ్యక్తిలా కనిపిస్తారు. చాలా జాగ్రత్తగా గమనించి చూస్తే ఈ రెండు పాత్రలు నటించిన వ్యక్తి ఒకరే అని తెలుస్తుంది. దీనిపై సోషల్ మీడియాలో కూడా మీమ్స్ ట్రెండ్ అవుతున్నాయి.

ఎక్కడైనా రాణించాలి అంటే ప్రొఫెషనాలిటీ చాలా ముఖ్యం. మనతో పాటు ఎవరెవరున్నారు. మనం ఎవరితో కలిసి పని చేస్తున్నాం అనేది ముఖ్యం కాదు. మన పని మనం బాగా చేయాలి అనేదే ముఖ్యం.

అలా ఇండస్ట్రీలో చాలా మంది హీరోయిన్లు తనకంటే వయసులో ఎంతో పెద్ద అయిన హీరోలతో నటించారు . వాళ్ళలో కొంత మంది ఎవరో ఇప్పుడు చూద్దాం.

#1 మహేష్ బాబు – రష్మిక మందన

సరిలేరు నీకెవ్వరు – 21 సంవత్సరాలు

మహేష్ బాబు, రష్మిక కలిసి 2020 లో విడుదలైన సరిలేరు నీకెవ్వరులో నటించారు.

#2 నాగార్జున – నయనతార

బాస్, గ్రీకువీరుడు- 25 సంవత్సరాలు

అక్కినేని నాగార్జున, నయనతార మొదటిసారిగా కలిసి 2006లో వచ్చిన బాస్ సినిమాలో నటించారు. ఆ తర్వాత 2013లో వచ్చిన గ్రీకువీరుడు సినిమాలో నటించారు.

#3 చిరంజీవి – తమన్నా

సైరా నరసింహారెడ్డి – 34 సంవత్సరాలు

మెగాస్టార్ చిరంజీవి హీరోగా నటించిన సైరా నరసింహారెడ్డి సినిమాలో తమన్నా ఒక హీరోయిన్ గా నటించగా మరొక హీరోయిన్ గా నటించారు.

#4 రవితేజ – నభా నటేష్

డిస్కో రాజా – 27 సంవత్సరాలు

మాస్ మహారాజా రవితేజ హీరోగా వచ్చిన డిస్కో రాజా సినిమాలో ఒక రవితేజ పక్కన నభా నటేష్ హీరోయిన్ గా నటించగా ఇంకొక రవితేజ పాత్ర సరసన పాయల్ రాజ్ పుత్ నటించారు.

#5 రామ్ పోతినేని – కృతి శెట్టి

ద వారియర్ – 16 సంవత్సరాలు

వీరిద్దరూ కలిసి ద వారియర్ అనే సినిమాలో నటిస్తున్నారు.

#6 వెంకటేష్ – అంజలి

సీతమ్మ వాకిట్లో సిరిమల్లె చెట్టు, మసాలా – 26 సంవత్సరాలు

విక్టరీ వెంకటేష్, అంజలి కలిసి సీతమ్మ వాకిట్లో సిరిమల్లె చెట్టు, మసాలా సినిమాల్లో నటించారు.

#7 బాలకృష్ణ – ప్రగ్యా జైస్వాల్

అఖండ – 31 సంవత్సరాలు

వీరిద్దరూ కలిసి అఖండ సినిమాలో నటించారు.

#8 పవన్ కళ్యాణ్ – అనూ ఇమాన్యుల్

అజ్ఞాతవాసి – 26 సంవత్సరాలు

పవన్ కళ్యాణ్ హీరోగా త్రివిక్రమ్ శ్రీనివాస్ దర్శకత్వంలో వచ్చిన అజ్ఞాతవాసి సినిమాలో ఒక హీరోయిన్ గా అనూ ఇమాన్యుల్ నటించగా ఇంకొక హీరోయిన్ గా కీర్తి సురేష్ నటించారు.

#9 రజినీకాంత్ – అమీ జాక్సన్

రోబో 2.0 – 40 సంవత్సరాలు

రజినీకాంత్ గారు, అమీ జాక్సన్ కలిసి రోబో 2.0 లో నటించారు.

#10 నాని – క్రితి శెట్టి

శ్యామ్ సింఘ రాయ్ – 19 సంవత్సరాలు

వీరిద్దరూ కలిసి శ్యామ్ సింఘ రాయ్ సినిమాలో నటించారు.

#11 విక్రమ్ – కీర్తి సురేష్

సామి స్క్వేర్ – 26 సంవత్సరాలు

విక్రమ్, కీర్తి సురేష్ కలిసి సామి కి సీక్వెల్ గా వచ్చిన సామి స్క్వేర్ లో నటించారు.

#12 సూర్య, సయేషా సైగల్

బందోబస్త్ – 22 సంవత్సరాలు

సూర్య, కలిసి సయేషా సైగల్ కలిసి కెవి ఆనంద్ దర్శకత్వంలో వచ్చిన బందోబస్త్ సినిమాలో నటించారు.

#13 నాగ చైతన్య – క్రితి శెట్టి

బంగార్రాజు – 17 సంవత్సరాలు

నాగ చైతన్య, క్రితి శెట్టి కలిసి సోగ్గాడే చిన్ని నాయనా సీక్వెల్ అయిన బంగార్రాజు సినిమాలో నటించారు.

#14 వెంకటేష్ – తమన్నా

ఎఫ్ 2, ఎఫ్ 3 – 29 సంవత్సరాలు

వీరిద్దరూ కలిసి ఎఫ్ 2, ఎఫ్ 3 సినిమాల్లో నటించారు.

#15 బాలకృష్ణ – నటాషా దోషి

జై సింహ – 33 సంవత్సరాలు

బాలకృష్ణ హీరోగా వచ్చిన జైసింహ సినిమాలో ఒక హీరోయిన్ గా నయనతార, ఇంకొక హీరోయిన్ గా హరిప్రియ నటించగా మరొక హీరోయిన్ పాత్రలో నటాషా దోషి నటించారు.

వీళ్లు మాత్రమే కాకుండా ఇంకా ఎంతో మంది తమ కంటే వయసులో చాలా తేడా ఉన్న హీరోలతో నటించారు. కానీ ఏదేమైనా వాళ్ళు యాక్టర్స్. కాబట్టి వారు ప్రొఫెషనాలిటీ తో కూడా ఎంతో గౌరవం ఇస్తారు.

చిరంజీవి, రామ్ చరణ్ కలిసి తెరపై కనిపిస్తే చూడాలని చాలా మంది ప్రేక్షకులు ఎదురు చూశారు. అంతకుముందు మగధీర సినిమాలో, ఆ తర్వాత బ్రూస్ లీ సినిమాలో చిరంజీవి చిన్న పాత్రలో కనిపించారు. అలా కాకుండా వారిద్దరూ కలిసి ఒక ఫుల్ లెంత్ సినిమాలో నటించాలి అని అందరూ అనుకున్నారు.

ఆచార్య సినిమాతో అది జరుగుతుంది అని తెలిసాక అసలు సినిమా ఎలా ఉండబోతోంది? ఇద్దరికీ సమానమైన పాత్రలు ఉంటాయా? అని అనుకున్నారు. కానీ సినిమా విషయానికి వచ్చేటప్పటికీ ప్రేక్షకుల అంచనాలను అందుకోవడానికి చేసిన ప్రయత్నం ఫలించలేదు అని చెప్పాలి.

సినిమా కథ మనం చాలా సినిమాల్లో చూశాం. సినిమా నడుస్తున్న కొద్దీ ఏమవుతుంది అనే ఆసక్తి ఎవరిలో ఉండదు. ఎందుకంటే ఏమవుతుంది అనేది అందరికీ తెలిసిపోయి ఉంటుంది. చాలా చోట్ల సినిమా డల్ గా అనిపిస్తుంది. చిరంజీవి నటన బాగున్నా కూడా చాలా సీన్స్ లో చాలా డల్ గా ఎనర్జీ లేకుండా నటించారు అన్నట్టు అనిపిస్తుంది. రామ్ చరణ్ తన పాత్ర పరిధి మేరకు బాగానే నటించారు. సహాయ పాత్రల్లో చాలా మంది తెలిసిన నటులు ఉన్నాకూడా పెద్దగా హైలెట్ అయ్యే పాత్రలు ఎవరివి లేవు. అంతే కాకుండా కాజల్ పాత్ర కూడా సినిమా నుండి కట్ చేశారు. అసలు కాజల్ పాత్ర సినిమా నుండి తీసేయడానికి కారణం ఏంటి అనేది తెలియదు.

ఈ సినిమా అమెజాన్ ప్రైమ్‌లో విడుదల అయ్యింది. అయితే ఈ సినిమాలో ఒక సీన్ ఉంది. సోను సూద్ కి సంబంధించిన ఒక వ్యక్తిని హీరో కొడతాడు. అతనిని బోట్ లో తీసుకొని సోను సూద్ ఇంటికి వెళ్తాడు. అయితే ఈ సీన్ పై నెటిజన్లు కామెంట్స్ చేస్తున్నారు. దీనికి కారణం బోట్ లో ఉన్నా కూడా అతనిని భుజం మీద వేసుకుని వెళ్లడం. దాంతో చాలా మంది, “అతనిని బోట్ లో పెట్టి తీసుకెళ్లొచ్చు కదా? అలా భుజం మీద పెట్టుకుని తీసుకెళ్లాల్సిన అవసరం ఏంటి?” అని కామెంట్స్ చేస్తున్నారు.

ఛలో సినిమాతో తెలుగు తెరకు పరిచయమైన రష్మిక తక్కువ టైం లోనే స్టార్ హీరోయిన్ గా ఎదిగింది. ఛలో సినిమా హిట్ అవ్వడంతో రష్మికను వరుస అవకాశాలు చుట్టుముట్టాయి. మంచి ప్రాజెక్ట్స్ ను ఎంచుకుంటూ తక్కువ టైం లోనే రష్మిక తెలుగు వాళ్లకి చేరువైపోయింది.

అయితే.. రష్మికకు గతంలోనే రక్షిత్ తో పెళ్లి నిశ్చయమైన సంగతి తెలిసిందే. అయితే.. పెళ్ళికి కొన్ని రోజుల ముందే వీరిద్దరూ విడిపోయారు. కారణాలు ఏమైనా వీరిద్దరి ప్రేమ పెళ్లి వరకు వెళ్ళలేదు.

ఇది ఇలా ఉంటె.. తాజాగా రక్షిత్ గురించి సోషల్ మీడియా లో వార్తలు హల్ చల్ చేస్తున్నాయి. రష్మిక మాజీ ప్రియుడు రక్షిత్ మరో కన్నడ స్టార్ హీరోయిన్ ను పెళ్లి చేసుకోబోతున్నాడు అంటూ వార్తలు గుప్పుమన్నాయి. ‘ఉలిదవవరు కందంటే’ చిత్రంలో హీరోయిన్ గ నటించిన రమ్యని రక్షిత్ పెళ్లి చేసుకోబోతున్నారంటూ వార్తలు గుప్పు మన్నాయి.

ఈ వార్తలపై స్పందించిన రక్షిత్ స్నేహితుడు, నటుడు రిషబ్‌ శెట్టి అలాంటిదేమీ లేదని కొట్టిపడేసారు. ” అయినా మా హీరోకి శాండల్ వుడ్ గోల్డెన్ గర్ల్ తో పెళ్లా..? అంటూ నవ్వేసాడు. కాలేజీ రోజులనుంచి ఆమెపై మా అందరికి క్రష్ ఉందని.. కానీ, పెళ్లి లాంటిదేమీ లేదని చెప్పుకొచ్చారు. యూట్యూబ్ లో ఏవో కల్పించి రాస్తున్నారని అలాంటిదేమీ లేదని చెప్పుకొచ్చారు.

ఈ మధ్య సినిమా హీరోల బర్త్ డే లకు వాళ్ళ సినిమాలకు సంబంధించిన అప్ డేట్లు ఇస్తున్నారు. మే 20 న తారక్ బర్త్ డే సందర్బంగా తన 31 వ సినిమా కు సంబంధించిన పోస్టర్ ని రిలీజ్ చేసింది చిత్ర యూనిట్. కెజిఎఫ్ డైరెక్టర్ ప్రశాంత్ నీల్ ఈ సినిమా కు డైరెక్షన్ చేస్తున్నాడు.

తాజాగా ఈ సినిమాకు సంబంధించిన పోస్టర్ రిలీజ్ అయ్యింది. ఈ పోస్టర్ లో ఎన్టీఆర్ ఫేస్ మాత్రమే కనిపిస్తోంది. అయితే ఆ ఫేస్ కూడా నల్లగా.. బొగ్గు గనుల్లో తిరిగినట్లు కనిపిస్తూ ఉంది.

దీనితో ఈ సినిమాలో కూడా ప్రశాంత్ నీల్ బొగ్గు ఫాంటసిని వదల్లేదుగా అంటూ సోషల్ మీడియాలో గట్టిగానే ట్రోల్స్ వచ్చాయి. ఈ పోస్టర్ విడుదల అయ్యిన దగ్గర నుంచి సోషల్ మీడియాలో ఇందుకు సంబంధించిన పోస్ట్ లు బాగానే వైరల్ అవుతున్నాయి. ఇది ఇలా ఉంటె ఇప్పుడు ఈ పోస్టర్ గురించి మరో ఆసక్తికర విషయం సోషల్ మీడియాలో హల్ చల్ చేస్తుంది.

ఎన్టీఆర్ 31 పోస్టర్ ను జాగ్రత్తగా గమనించి చూసినట్లయితే, ఎన్టీఆర్ 31 (NTR 31) అన్న టైటిల్ రెండు కలర్లలో కనిపిస్తుంది. N అనే అక్షరం ఎరుపు రంగులో కనిపిస్తూ ఉండగా.. TR అనే రెండు అక్షరాలు మాత్రం గ్రే కలర్ లో కనిపిస్తుంది. N అనే అక్షరం కెజిఎఫ్ సినిమా ఫాంట్ లో ఉంటె.. TR అనే రెండు అక్షరాలు సలార్ సినిమా ఫాంట్ లో కనిపిస్తున్నాయి. దీనిపై సోషల్ మీడియాలో మీమ్స్ ట్రెండ్ అవుతున్నాయి. ఈ టైటిల్ లెక్క ప్రకారం.. కెజిఎఫ్ లో రమిక కి, సలార్ లో జగ్గు భాయ్ కి పుట్టబోయే కుమారుడే ఎన్టీఆర్ అయ్యుంటాడు అంటూ సోషల్ మీడియాలో మీమ్స్ ట్రెండ్ అవుతున్నాయి.

సీరియల్స్ ద్వారా మనకు పరిచయమయ్యి, బిగ్ బాస్ షో ద్వారా ఇంకా సుపరిచితులు అయ్యారు అఖిల్ సార్థక్. టివి లో బిగ్ బాస్ ఇచ్చిన టాస్క్స్ చేయడంతో పాటు, పాటలు పాడుతూ, డాన్స్ చేస్తూ ప్రేక్షకులను ఎంటర్టైన్ చేస్తూ వచ్చారు. ఆ షో లో వచ్చిన పాపులారిటీతో బిగ్ బాస్ ఓటిటిలో కూడా పాల్గొనే అవకాశం సొంతం చేసుకున్నారు.

అయితే… బిగ్ బాస్ ఓటిటి లో కూడా అఖిల్ సార్థక్ ఎంటర్టైన్ చేసారు. అఖిల్ సీరియల్స్ లో నెగటివ్ షేడ్స్ ఉన్న పాత్రలలో నటించారు. అయితే స్క్రీన్ పై కూడా కొన్ని కొన్ని సార్లు ప్రేక్షకులకు అలానే అనిపించారు.

అయితే.. సహజంగా ప్రేక్షకులలో కలిగే ఈ ఫీలింగ్ ను పోగొట్టి మంచి ఆటగాడిగా పేరు తెచ్చుకున్నారు. బిగ్ బాస్ టీవీ షో లో కూడా మైండ్ గేమ్ తో బాగానే ఆడారు. చివరి వరకు పోరాడి చివరికి టాప్ 5 లో ఒకరిగా నిలిచి మంచి పేరు తెచ్చుకున్నారు. రన్నర్ గా నిలిచినప్పటికీ అఖిల్ సార్థక్ చాలా మంది అభిమానులనే సొంతం చేసుకున్నారు. అయితే.. బిగ్ బాస్ ఓటిటిలో కూడా అఖిల్ పాల్గొంటున్నారు అని టాక్ రాగానే ఆయన అభిమానులు ఫుల్ ఖుష్ అయ్యారు.

కానీ ఓటిటి లో కూడా ఆయన రన్నర్ గా నిలవాల్సి వచ్చింది. ఓటిటిలో కూడా అఖిల్ సార్థక్ చాలా బాగా గేమ్ ను ఆడారు. టాప్ సెకండ్ ప్లేస్ లో నిలిచారు. బిగ్ బాస్ ఓటిటిలో ఈ సారి ఎలా అయినా అఖిల్ గెలుస్తారని ఆయన అభిమానులు ఆశించారు. అయితే.. ఇటీవలే ఈ షో ముగిసిన సంగతి తెలిసిందే. అఖిల్ మాత్రం స్టార్ మా లో ప్రసారం అయినా బిగ్ బాస్ షో మాదిరిగానే సెకండ్ ప్లేస్ లో రన్నర్ గా నిలిచారు. ఇది ఇలా ఉంటె.. అఖిల్ అభిమానులు మాత్రం మా అఖిల్ అన్న బాగా ఆడాడని.. రెండు సార్లు టాప్ సెకండ్ ప్లేస్ కు వెళ్లడం అంత ఈజీ ఏమీ కాదని కామెంట్స్ చేస్తున్నారు.