Filmy Adda

టాలీవుడ్ సూపర్ స్టార్ కృష్ణ పెద్ద కొడుకు రమేష్ బాబు మృతి చెందిన విషయం విదితమే. 55 సంవత్సరాల వయసులోనే ఆయన మృతి చెంది సూపర్ స్టార్ కృష్ణకు పుత్ర శోకం మిగిల్చారు. చిన్న వయసులోనే ఆయన మృతి చెందడం దురదృష్టకరం అంటూ సినీ పరిశ్రమ విషాదంలో మునిగిపోయింది.

ఈ క్రమంలో హఠాత్తుగా ఆయన మృతి చెందడంపై సోషల్ మీడియాలో పలు కధనాలు వస్తున్నాయి. ఓ వైపు సూపర్ స్టార్ మహేష్ బాబుకు కరోనా సోకడంతో అన్నయ్య అంత్యక్రియలకు కూడా హాజరు అయ్యే పరిస్థితి లేదు.

ఈ పరిస్థితిలో రమేష్ బాబు మృతి పై అనేక కధనాలు వస్తున్నాయి. ప్రస్తుతం కరోనా థర్డ్ వేవ్ వచ్చే అవకాశం ఉందన్న హెచ్చరికలు వస్తున్న క్రమంలో రమేష్ బాబు కూడా కరోనా వలనే మరణించారు అంటూ సోషల్ మీడియాలో వార్తలు వచ్చాయి. మహేష్ బాబుకి కూడా కరోనా సోకడంతో ఈ వార్తలు అందరు నిజమనే అనుకుంటున్నారు. కానీ, అసలు రమేష్ బాబుకి కరోనా సోకలేదు.

ఇప్పుడు ఎవరు చనిపోయినా కరోనా వల్లనేమో అనుకునే పరిస్థితి నెలకొంది. కానీ, రమేష్ బాబుకు గతంలో కూడా అనారోగ్య సమస్యలు ఉన్నాయి. ఆయన శ్వాస తీసుకోవడంలో ఇబ్బంది పడుతున్న టైంలో ఆయన కుటుంబ సభ్యులు ఆసుపత్రికి తీసుకువెళ్లారు. అయితే.. ఆసుపత్రికి తీసుకెళ్తున్న సమయంలోనే ఆయన మరణించారు. శ్వాస ఇబ్బంది ఎదురవ్వడం వల్లే ఆయన మరణించడంతో ఆయనకు కరోనా సోకిందని అభిమానులు బాధపడ్డారు.

కానీ, ఆయనకు ఉన్న అనారోగ్య సమస్యలే ఆయన మృతికి కారణమయ్యాయి. కరోనా కారణంగా మహేష్ బాబు కూడా అన్న అంత్య క్రియలకు హాజరు కాలేకపోయారు. వాట్సాప్ కాల్ లోనే అన్న అంత్యక్రియలను చూడాల్సి వచ్చింది. రమేష్ బాబు కూడా గతంలో హీరోగా పలు సినిమాల్లో నటించారు. అయితే ఆయనకు హీరోగా కలిసిరాకపోవడంతో.. నిర్మాతగా పలు సినిమాలకు వ్యవహరించారు.

ప్రతి బుధవారం ఈ టీవీ లో టెలికాస్ట్ అవుతూ టాప్ టీఆర్పీ తో దూసుకుపోయే డాన్స్ షో ఢీ. అయితే ఈ మధ్య ఈ షో లో చాలా మార్పులు చోటు చేసుకుంటూ వచ్చాయి. గత కొన్ని సీజన్ల నుండి ఢీ ప్రోగ్రాంలో అలరించిన సుధీర్ ఇక పై ఈ ప్రోగ్రాం లో కనిపించట్లేదు.

మొదట్లో కొంతకాలమే ఆయన షో నుంచి దూరంగా ఉంటారు.. తిరిగి మళ్ళీ కనిపిస్తారు అని అనుకున్నా.. అది జరగలేదు. తాజాగా ప్రసారం అవుతున్న షో లో సుధీర్, రష్మీ జంట లేదు.

సుధీర్, రష్మీ జంటకి ఏ రేంజ్ లో ఫాలోయింగ్ ఉన్నదో ప్రత్యేకంగా చెప్పక్కర్లేదు. ఒక రకంగా చెప్పాలంటే ఢీ హిట్ అవ్వడానికి సుధీర్ ఒక ముఖ్య కారణం. ఇలా ఉండగా, ఈ సీజన్లో మాత్రం సుధీర్ కనిపించడంలేదు. దాంతో, “అసలు షో కి మెయిన్ హైలైట్ అయిన సుధీర్ షోలో కనిపించకపోవడం ఏంటి?” అని ఫ్యాన్స్ కామెంట్స్ చేస్తున్నారు.

సుధీర్, రష్మీ జంట లేకపోవడంతో ఢీ షో రేటింగ్ పడిపోయింది. మొన్న బార్క్ రేటింగ్స్ చూడగా ఢీ షో కు 3.5 రేటింగ్ మాత్రమే వచ్చింది. అయితే.. ఈ షో లో పెర్ఫార్మన్స్ లకు కొదవలేదు. ఓ రేంజ్ లో డాన్సర్లు పెర్ఫర్మ్ చేసి అందరిని ఆకట్టుకున్నారు. కానీ, ఎంటర్టైన్మెంట్ విషయంలో మాత్రం సుధీర్-రష్మీ జోడి లేని లోటు కొట్టొచ్చినట్లు కనిపించింది. దీనితో ఈ ఎఫెక్ట్ రేటింగ్స్ పైనా పడిందని ఫాన్స్ ఫీల్ అవుతున్నారు.

సినిమాల్లోకి వచ్చే ముందు ఆ రంగానికి చెందిన వాళ్లు అందరూ చాలా కష్టాలు పడతారు. చిన్న చిన్న పాత్రల్లో నటించి లేదా కెమెరా వెనకాల పని చేసి ఇప్పుడు పెద్ద స్థాయికి ఎదిగిన నటులు ఎంతోమంది ఉన్నారు. అయితే, కొంత మంది డైరెక్టర్లు కూడా సినిమాల్లో చిన్న చిన్న పాత్రల్లో కనిపించారు. వివరాల్లోకి వెళితే, ప్రభాస్ ని స్టార్ గా చేసిన సినిమాల్లో మొదటిగా గుర్తొచ్చేది వర్షం. ఈ సినిమా ప్రభాస్ కి మూడవ సినిమా. ప్రభాస్ కి మొదటి సూపర్ హిట్ సినిమా కూడా ఇదే.

వర్షం సినిమాకి శోభన్ దర్శకత్వం వహించారు. త్రిష, ప్రభాస్ కాంబినేషన్ అప్పట్లో సంచలనం సృష్టించింది. ఈ సినిమాకి దేవి శ్రీ ప్రసాద్ పాటలు కూడా ప్రధాన బలంగా నిలిచాయి. అయితే, కింద కనిపిస్తున్న ఫోటో గమనించండి. ఇది సెకండ్ హాఫ్ లో ప్రభాస్, త్రిష విడిపోయి మళ్లీ కలిసిన తర్వాత బస్సులో ప్రయాణిస్తున్న సీన్. వీరిద్దరి వెనకాల ఉన్న వ్యక్తిని గమనించారా? ఆ వ్యక్తి ప్రస్తుతం టాప్ డైరెక్టర్లలో ఒకరిగా స్థానం సంపాదించుకున్నారు.

ఆయన ఎవరో కాదు. మహర్షి సినిమాతో జాతీయ అవార్డు అందుకున్న దర్శకుడు వంశీ పైడిపల్లి. వంశీ పైడిపల్లి ఈ సినిమాకి అసిస్టెంట్ డైరెక్టర్ గా వ్యవహరించారు. దాంతో ఒక సీన్లో అలా వంశీ పైడిపల్లి కనిపించారు. వంశీ పైడిపల్లికి, ప్రభాస్ కి కూడా చాలా మంచి స్నేహం ఉంది. వంశీ పైడిపల్లి దర్శకత్వం వహించిన మొదటి సినిమా కూడా ప్రభాస్ తోనే. 2007 లో వచ్చిన మున్నా సినిమాతో వంశీ పైడిపల్లి దర్శకుడిగా ఇండస్ట్రీలోకి అడుగు పెట్టారు. తర్వాత బృందావనం, ఎవడు, ఊపిరి సినిమాలకి దర్శకత్వం వహించారు. ఇటీవల వచ్చిన మహర్షి సినిమాతో జాతీయస్థాయి గుర్తింపు తెచ్చుకున్నారు. ప్రస్తుతం వంశీ పైడిపల్లి, తలపతి విజయ్ హీరోగా నటిస్తున్న సినిమా దర్శకత్వ పనిలో బిజీగా ఉన్నారు.

నాగార్జున హీరోగా వచ్చిన “సోగ్గాడే చిన్ని నాయనా” సినిమా ఓ రేంజ్ లో హిట్ అయింది. అటు ఫ్యామిలీ ఆడియెన్స్ ని… ఇటు మాస్ ఆడియెన్స్ ని ఆకట్టుకున్న సంగతి తెలిసిందే. అయితే.. ఈ సినిమా పార్ట్ 2 కూడా ఉంటుంది అని అప్పుడే ప్రకటించారు. అప్పటినుంచి సీక్వెల్ ఎలా ఉండబోతోందా? అని అందరిలోనూ ఉత్సుకత నెలకొంది.

తాజాగా.. ఈ సినిమాకు “బంగార్రాజు” అనే టైటిల్ ను కూడా ఖరారు చేసారు. ఈ సినిమాలో నాగార్జునతో పాటు నాగ చైతన్య కూడా నటిస్తున్నారు. నాగ చైతన్య సరసన క్రితి శెట్టి నటించనున్నారు.

న్యూ ఇయర్ సందర్భంగా టీజర్ విడుదల చేసారు. ఈ సినిమా సంక్రాంతి కనుకగా విడుదల అవ్వబోతోంది. టీజర్‌లో నాగార్జున, నాగ చైతన్య, రమ్య కృష్ణ, క్రితి శెట్టి కనిపించారు. వీరు మాత్రమే కాకుండా సినిమాలో ఉన్న మరి కొంత మంది నటులు కూడా ఇందులో కనిపించారు. వీరిలో ఒక షాట్‌లో నాగ చైతన్య ఒక అమ్మాయితో మాట్లాడుతూ కనిపిస్తారు. ఆ అమ్మాయి ఎవరా అని చాలా మంది వెతికారు. ఆ అమ్మాయి పేరు దక్ష నాగర్కర్.

దక్ష అంతకుముందు కొన్ని సినిమాల్లో నటించారు. హుషారు సినిమాలో కూడా ఒక హీరోయిన్‌గా నటించారు. 2013లో వచ్చిన “ఇష్ట సఖి” సినిమాతో దక్ష ఇండస్ట్రీలోకి అడుగు పెట్టారు. ఆ తర్వాత “ఏకే రావు”, అలాగే తేజ దర్శకత్వంలో వచ్చిన “హోరా హోరీ” సినిమాల్లో నటించారు. ఇటీవల విడుదలయిన “జాంబీ రెడ్డి”లో కూడా దక్ష నటించారు. ఇప్పుడు బంగార్రాజు సినిమాలో కూడా ఒక హీరోయిన్‌గా నటించారు. ఈ సినిమా సంక్రాంతి కానుకగా జనవరి 14న థియేటర్లలోకి రాబోతోంది.

పుష్ప సినిమా అల్లు అర్జున్ కి మంచి హిట్ ని తీసుకు వచ్చింది. ఈ సినిమాలో అల్లు అర్జున్ చాలా డిఫరెంట్ గా కనిపించారు. అంతే కాకుండా ఈ సినిమా అల్లు అర్జున్ మొదటి పాన్ ఇండియన్ సినిమా. అల వైకుంఠపురంలో తరవాత మంచి బ్లాక్ బస్టర్ బన్నీకి ఈ సినిమా తీసుకు వచ్చింది. అలానే దాదాపు 12 సంవత్సరాల తర్వాత మళ్లీ అల్లు అర్జున్, సుకుమార్ కలిసి చేస్తున్న సినిమా పుష్ప.

డిసెంబర్ 17 న ఈ చిత్రం విడుదల అయ్యింది. అద్భుతమైన కలెక్షన్లతో పాటు ఎంతో మంది హృదయాలను గెలుచుకుంది పుష్ప సినిమా. సెలబ్రిటీలు కూడా ఎంతో అందిస్తున్నారు. తాజాగా ఒక ఇండియన్ క్రికెటర్ నుంచి పుష్ప సినిమాకి ప్రశంసలు వచ్చాయి. మరి ఇక దీనికి సంబంధించి వివరాల్లోకి వెళితే.. తాజాగా ఇండియన్ క్రికెటర్ ప్రజ్ఞాన్ ఓజా పుష్ప సినిమాని చూశానని అన్నారు.

అలానే ఈ సినిమా పై ఊహించని కామెంట్స్ చేశారు ప్రజ్ఞాన్ ఓజా. ట్విట్టర్ వేదికగా ఈ మూవీను చూసినట్లు తెలిపారు. అలానే సినిమాకి సంబంధించి తన అభిప్రాయాన్ని కూడా షేర్ చేసుకున్నారు. నిజంగా యాక్టింగ్ నాకెంతో నచ్చింది. ఒకప్పుడు ‘పుష్ప.. ఏడవడం నాకు అస్సలు నచ్చదు’ అనే డైలాగ్ పాపులర్ అయ్యింది. ఇప్పుడు ‘పుష్ప పుష్పరాజ్ నీ అవ్వ తగ్గేదేలే’ డైలాగ్ బ్లాక్ బస్టర్  అంటూ ప్రజ్ఞాన్ ఓజా ట్వీట్ చేశారు.

ఇది చూసిన బన్నీ థాంక్స్ ప్రజ్ఞాన్ ఓజా గారు అంటూ రిప్లై ఇచ్చారు. పుష్ప సినిమాలో మనం బన్నీ వన్ మ్యాన్ షో తో అలరించడం చూసాము. అలానే దేవి శ్రీ ప్రసాద్ సంగీతం, రష్మిక యాక్టింగ్ ఎంతో బాగా ఆకట్టుకున్నాయి. అలానే సమంతా స్పెషల్ సాంగ్ కూడా పాపులర్ అయిపోయింది. ఓవర్ ఆల్ గా అద్భుతంగా అలరించింది పుష్ప సినిమా.

Thank you @pragyanojha garu . Humbled 🙏🏼 . Thank you for all the love 🖤

— Allu Arjun (@alluarjun) January 8, 2022

సీనియర్ ఎన్టీఆర్ కి ఎంత పేరు ఉందో మనకి తెలుసు. నటనతో ప్రత్యేకమైన ఇమేజ్ ని క్రియేట్ చేసుకున్నారు ఎన్టీఆర్. సినిమా పరిశ్రమలో ఎదురులేని నాయకుడిగా పేరు తెచ్చుకున్నారు. పౌరాణిక పాత్రల తో తెలుగు ప్రేక్షకులను మెప్పించారు ఎన్టీఆర్. నిజానికి అన్న గారి గురించి ఎంత చెప్పినా తక్కువే. అయితే ప్రతి ఒక్కరి జీవితంలో కూడా వివాహం అనేది ఎంతో మధురమైనది.

పెళ్ళితో రెండు జీవితాలు మాత్రమే కాదు రెండు కుటుంబాలు కూడా ఒకటి అవుతాయి. అలానే పెళ్లి తర్వాత ప్రతి దానిలో కూడా మార్పు వస్తుంది. అయితే పెళ్ళికి ముందు అందర్నీ ఆహ్వానించడానికి ఆనవాయితీగా మనం లగ్న పత్రికలని పంపుతాము. లగ్న పత్రిక ఇచ్చి వివాహానికి ఆహ్వానిస్తాము.

తాజాగా ఆనాటి పెళ్లి పత్రిక ఒకటి నెట్టింట వైరల్ అవుతోంది. అయితే ఆ శుభలేఖ ఎవరిదో కాదు. మన అన్న గారు ఎన్టీ రామారావు గారిది. ఎన్టీ రామారావు బసవతారకంల వివాహ ఆహ్వాన పత్రిక లో గ్రాంథిక భాష కనపడుతుంది. వీరి వివాహం కొమరవోలు అనే గ్రామంలో జరిగింది. ఈ పత్రికను గుడివాడ శ్రీ బాల సరస్వతి ప్రెస్ లో ముద్రించారు. ఎన్టీ రామారావు గారి వివాహం 22-4-1942 లో జరిగింది. 1985లో బసవతారకం గారు అనారోగ్యంతో మరణించిన సంగతి తెలిసిందే. అప్పుడు భార్య గుర్తుగా ఎన్ఠీఆర్ గారు క్యాన్సర్ ఆస్పత్రిని ఏర్పాటు చేశారు.

గత 2 సంవత్సరాల నుండి కోవిడ్ వల్ల పరిస్థితులు అన్నీ మారిపోయిన సంగతి తెలిసిందే. ఎంతో మంది కరోనా బారిన పడ్డారు. వారిలో చాలా మంది సెలబ్రిటీలు కూడా ఉన్నారు.

ఈ సంవత్సరం కూడా ఎంతో మంది సెలబ్రిటీలు కోవిడ్ పాజిటివ్ వచ్చినట్టు సోషల్ మీడియా ద్వారా తెలిపారు. ఆ సెలబ్రిటీలు ఎవరో ఇప్పుడు చూద్దాం.

#1 మీనా

హీరోయిన్ మీనా తన కుటుంబానికి మొత్తం కరోనా పాజిటివ్ వచ్చిందని సోషల్ మీడియా ద్వారా తెలిపారు.

#2 విశ్వక్ సేన్

హీరో విశ్వక్ సేన్ ఇటీవల కరోనా బారిన పడ్డారు.

#3 మహేష్ బాబు

సూపర్ స్టార్ మహేష్ బాబు కొద్ది రోజుల క్రితం కరోనా పాజిటివ్ వచ్చినట్టు చెప్పారు.

#4 మంచు మనోజ్

మంచు మనోజ్ కూడా తనకి కోవిడ్ పాజిటివ్ వచ్చినట్టు సోషల్ మీడియా ద్వారా తెలిపారు.

#5 కమల్ హాసన్

తమిళ్ స్టార్ హీరో కమల్ హాసన్ కూడా కరోనాకి చికిత్స పొందారు.

#6 మంచు లక్ష్మి

మంచు లక్ష్మి కూడా తనకి కోవిడ్ పోజిటివ్ వచ్చినట్టు తెలిపారు.

#7 నోరా ఫతేహి

నటి, డాన్సర్ నోరా ఫతేహి కూడా కరోనాకి చికిత్స పొందుతున్నారు.

#8 తమన్

మ్యూజిక్ డైరెక్టర్ తమన్ కి ఇటీవల కరోనా పాజిటివ్ వచ్చింది.

#9 వరలక్ష్మి శరత్ కుమార్

వరలక్ష్మి శరత్ కుమార్ కి కూడా ఇటీవల కరోనా వచ్చినట్టు సమాచారం.

#10 త్రిష

నటి త్రిష కూడా తను కోవిడ్ బారిన పడ్డట్టు సోషల్ మీడియా ద్వారా వెల్లడించారు.

#11 అరుణ్ విజయ్

ప్రముఖ తమిళ నటుడు అరుణ్ విజయ్ కి కూడా కోవిడ్ పాజిటివ్ వచ్చింది.

వీరందరూ మాత్రమే కాకుండా నవీన్ పోలిశెట్టి, శివకార్తికేయన్ వంటి కొంత మంది నటులకి కూడా కరోనా పాజిటివ్ వచ్చినట్లు సమాచారం. కానీ వారు బహిరంగంగా ఎక్కడా చెప్పలేదు.

కామ్నా జఠ్మలానీ తెలుగులో పలు సినిమాలు చేసి ఆకట్టుకుంది. కత్తి కాంతారావు, బెండు అప్పారావు, రణం, భాయ్ ఇలా ఎన్నో సినిమాల్లో నటించింది. ఈ ముద్దుగుమ్మ. అందంతో, అభినయంతో ఆకట్టుకునే ప్రయత్నం చేసినప్పటికీ కూడా ఈమె నటించిన సినిమాలతో అనుకున్నంత గుర్తింపు మాత్రం పొందలేక పోయింది. దీంతో చిన్న సినిమాలు, ఐటమ్ సాంగ్స్ చేసి ఆ తర్వాత సినిమాలకు కాస్త గ్యాప్ ఇచ్చింది కామ్నా జఠ్మలానీ.

ప్రముఖ వ్యాపారవేత్త సూరజ్ నాగపాల్ ను ఆరేళ్ల క్రితం బెంగళూరులో ఎవరికీ తెలియకుండా సీక్రెట్ గా వివాహం చేసుకుంది. ఆ తర్వాత కొన్ని సినిమాలు చేసినప్పటికీ కూడా వాటికీ కూడా అంతగా గుర్తింపు రాలేదు. అయితే ఇప్పుడు ఈమె ఫ్యామిలీ తో సమయాన్ని గడుపుతూ ఎంతో సంతోషంగా ఉంటోంది. తన ఫ్యామిలీ ఫోటోలను కూడా సోషల్ మీడియాలో షేర్ చేసింది ఈ భామ.

తన భర్త, పిల్లలతో పాటు ఉన్న ఫోటోలు ఇప్పుడు సోషల్ మీడియాలో సరదాగా పంచుకుంది. వాటిని చూస్తే ఈమె చాలా ఆనందంగా ఉందని తెలుస్తోంది. అలానే ప్రస్తుతం ఒక హౌస్ వైఫ్ గా ఈమె ఎంతో ఆనందంగా వుంది అని ఆ ఫొటోస్ ని చూస్తే అర్ధం అవుతోంది.

ఇది ఇలా ఉంటే చాలా మంది నటీనటులు సినిమాల్లో రీఎంట్రీ ఇస్తూ ఉంటారు. కొద్ది కాలం పాటు గ్యాప్ ఇచ్చి ఆ తర్వాత మళ్లీ సినిమాల్లోకి రీఎంట్రీ ఇస్తూ ఉంటారు. ఆ తర్వాత వాళ్లకి తగ్గ పాత్రలు చేసి మరో సారి ఆకట్టుకుంటారు. అయితే ఈ భామ కూడా రీఎంట్రీ ఇవ్వడానికి సిద్ధంగా ఉన్నట్లు తెలుస్తోంది.

తాజాగా కామ్నా జఠ్మలానీ తెలుగులో ఓ సినిమా చేయడానికి సరే అందట. కొత్త దర్శకుడు ప్రభు తీస్తున్న ఈ సినిమాలో ఈమె ప్రధాన పాత్ర పోషిస్తోందని తెలుస్తోంది. అయితే మరి ఈమె రీఎంట్రీ ఇచ్చి ప్రేక్షకుల్ని మెప్పిస్తుంద లేదా అనేది చూడాలి.