Filmy Adda

కన్నడ స్టార్ నటుడు పునీత్ రాజ్‌కుమార్ గుండెపోటు కారణంగా మరణించారు. పునీత్ కి కేవలం కన్నడలో ఇండస్ట్రీలో మాత్రమే కాకుండా, ఇతర భాషల ఇండస్ట్రీలలో కూడా చాలా ఫాలోయింగ్ ఉంది. గత శుక్రవారం ఉదయం జిమ్ లో వ్యాయామం చేస్తున్నప్పుడు పునీత్ ఒక్కసారిగా కిందపడిపోయారు. ఆస్పత్రికి వెళ్లే సరికి పునీత్ పరిస్థితి చాలా విషమంగా ఉంది అని డాక్టర్లు చెప్పారు. చికిత్స అందించిన కొంతసేపటి తర్వాత పునీత్ తుది శ్వాస విడిచారు.

పునీత్ అకాలమరణం చిత్ర పరిశ్రమని తీవ్ర దిగ్బ్రాంతికి లోను చేసింది. పునీత్ ఇప్పటికే పలు సినిమాలు చేస్తూ ఉన్నారు. ఇప్పటికే షూటింగ్ మొదలైన రెండు సినిమాల పరిస్థితి ప్రశ్నార్థకంగా ఉంది. “జేమ్స్” సినిమా షూటింగ్ ఇప్పటికే చివరి దశకు చేరుకుంది. 60 కోట్ల రూపాయల బడ్జెట్ తో ఈ సినిమా తెరకెక్కుతోంది. ఈ సినిమాలో ఆయన బాడీ బిల్డర్ గా నటిస్తున్నారు. ఈ షూటింగ్ ఒక్క షెడ్యూల్ మాత్రమే మిగిలి ఉంది. చాల వరకు యాక్షన్ పార్ట్ ను పూర్తి చేసేసారట.

ప్రధాన సమస్య డబ్బింగ్ వద్దే వస్తోంది. పునీత్ ది కాకుండా మరొకరి వాయిస్ వినిపిస్తూ ఉంటె ఫ్యాన్స్ నిరాశపడతారని చిత్ర యూనిట్ భావిస్తోంది. ఈ క్రమంలో పునీత్ వాయిస్ నే వినిపించేలా చేసేందుకు చిత్ర యూనిట్ అధునాతన టెక్నాలజీని వినియోగించాలని భావిస్తోందట. ఇందుకోసం ముంబైకి చెందిన ఓ ఐటి కంపెనీ రంగంలోకి దిగుతోంది. షూటింగ్ టైం లో పునీత్ చెప్పిన డైలాగ్స్ నే క్వాలిటీ పెంచి మూవీ కి అటాచ్ చేయాలనీ చిత్రబృందం భావిస్తోందట. 2022 మార్చి 17న పునీత్ బర్త్ డే సందర్భంగా ఈ సినిమాను విడుదల చేయాలనీ చిత్ర యూనిట్ భావిస్తోంది.

గత సంవత్సరం ఆకాశం నీ హద్దురా సినిమాతో మన ముందుకు వచ్చిన సూర్య, ఈ సంవత్సరం జై భీమ్ సినిమాతో అలరించారు. నిజ జీవిత సంఘటనల ఆధారంగా రూపొందిన ఈ సినిమా ప్రేక్షకుల ప్రశంసలు అందుకుంది. జై భీమ్ సినిమా డైరెక్ట్ అమెజాన్ ప్రైమ్ లో విడుదల అయ్యింది. ఈ సినిమాలో సూర్య లాయర్ చంద్రు అనే పాత్రను పోషించారు. ఈ పాత్రతో పాటు మరో పాత్ర కూడా మంచి పేరునే తెచ్చుకుంది.

టీచర్ పాత్రని పోషించిన రాజిష విజయన్ కూడా మంచి పేరు సంపాదించుకున్నారు. జై భీం సినిమాలో ఆమె మారుమూల ప్రాంతంలో ఉన్న నిరుద్యోగులకు అక్షరాలను, నెంబర్లను నేర్పించే టీచర్ గా కనిపిస్తారు. చిన్నతల్లికి జరిగిన అన్యాయాన్ని ఎదుర్కోవడంలో కూడా ఆమె కీలక పాత్ర పోషిస్తుంది. ఈ సినిమా అయిపోయిన తరువాత కూడా మనం ఈ పాత్రని మర్చిపోలేం. అంతగా నటించి మెప్పించారు రాజిష.

కేరళలోని కాలికట్ లో 15 జూలై 1991వ సంవత్సరంలో రాజిష జన్మించారు. ఆమె తండ్రి విజయన్. ఆయన ఆర్మీలో పని చేసేవారు. తల్లి గృహిణి. రాజిషకు ఒక చెల్లి కూడా ఉందట. రాజిష నోయిడాలో అమిటి యూనివర్సిటీలో మాస్ కమ్యూనికేషన్ మరియు జర్నలిజం లో డిగ్రీ పూర్తి చేసారు. సినిమాల్లోకి రాకముందు ఆమె యాంకర్ గా పనిచేసేవారట.

“అనురాగ కరిక్కిన్ వెల్లం” అనే మలయాళ సినిమా ద్వారా రాజిష సినిమా ఇండస్ట్రీకి పరిచయం అయ్యారు. ఈ సినిమా 2016 లో రిలీజ్ అయ్యి ప్రేక్షకులని బాగా ఆకట్టుకుంది. ఈ సినిమాకి గాను రాజిషకు ఉత్తమ నటి అవార్డు లభించింది. ఆ తరువాత తమిళనాడులో కూడా ఎంట్రీ ఇచ్చింది. అక్కడ  కూడా ఆమె నటిగా రాణిస్తున్నారు. ప్రస్తుతం ఆమె తెలుగు సినిమాల్లోకి కూడా రానున్నారు. రవితేజ హీరోగా నటిస్తున్న “రామా రావు ఆన్ డ్యూటీ” సినిమాతో ఆమె టాలీవుడ్ లోకి కూడా ఎంట్రీ ఇవ్వనున్నారు.

నారప్ప సినిమాలో వెంకటేష్ ఫ్లాష్ బ్యాక్ లో మేనకోడలిగా కనిపించే హీరోయిన్ అమ్ము అభిరామి గుర్తుందా..? నారప్ప సినిమా తరువాత ఆమెకు ఫ్యాన్ ఫాలోయింగ్ పెరిగింది. తాజాగా ఈ అమ్మడు తన ఇంస్టాగ్రామ్ లో తన క్రష్ గురించి పంచుకుంది. అదేనండి.. ఆమె కొత్తగా కొనుక్కున్న కార్ గురించి.

తాజాగా ఆమె మహీంద్రా థార్ కారుని కొనుగోలు చేసారు. ఈ విషయాన్నీ ఇంస్టాగ్రామ్ లో పంచుకుంటూ ఈ కార్ గురించిన చిన్న స్టోరీని ఆమె చెప్పుకొచ్చారు. ట్రాఫిక్ సిగ్నల్ దగ్గర ఆగినప్పుడు ఒకచోట ఈ కార్ ను చూశానని.. ఈ కార్ బాగా నచ్చేయడంతో.. మా డాడ్ ని “ఎవడు డాడీ వీడు.. ఇంతబాగున్నాడు..?” అని అడిగేసింది. అసలు కార్స్ అంటే ఇష్టపడని అమ్ము ఫస్ట్ టైం ఓ కార్ గురించి అడగడంతో.. ఆ కార్ గురించి వాళ్ళ నాన్న వివరించారట. తానూ కార్ కొంటె.. ఫస్ట్ ఈ కారునే కొంటా అని అమ్ము ఫిక్స్ అయిపోయిందట. మొత్తానికి ఈ కార్ ని కొని.. ఈ కార్ గురించి ఇన్స్టా లో పంచుకుంది.

వి.వి.వినాయక్ దర్శకత్వంలో వచ్చిన అల్లుడు శీను సినిమాతో తెలుగు ఇండస్ట్రీ లోకి ఎంట్రీ ఇచ్చారు బెల్లంకొండ శ్రీనివాస్. ఆ సినిమా యావరేజ్ గా నిలిచింది. తర్వాత స్పీడున్నోడు సినిమాలో నటించారు. ఈ సినిమా అనుకున్న ఫలితాన్ని ఇవ్వలేదు. ఆ తర్వాత బోయపాటి శ్రీను దర్శకత్వంలో వచ్చిన జయజానకినాయక సినిమాలో నటించారు బెల్లంకొండ శ్రీనివాస్.

ఎన్నో అంచనాలతో విడుదలైన ఈ సినిమా ప్రేక్షకులను అంతగా ఆకట్టుకోలేకపోయింది. తర్వాత సాక్ష్యం సినిమాలో నటించారు. ఈ సినిమాకి మిక్స్డ్ రెస్పాన్స్ వచ్చింది. కాజల్ అగర్వాల్ తో కలిసి “సీత” సినిమాలో చాల డిఫరెంట్ రోల్ లో నటించారు. ఇది కూడా అనుకున్నంత హిట్ అవ్వలేదు. ఎలా అయినా హిట్ కొట్టాలి అనే కసితో బెల్లం అన్న తమిళ్ లో సూపర్ హిట్ అయిన రట్ససన్ (రాట్చసన్) సినిమా రీమేక్ అయిన రాక్షసుడుతో మన ముందుకు వచ్చారు. ఈ సినిమా సూపర్ హిట్ అయింది. ఇది బెల్లం అన్న కెరీర్ లో ఫస్ట్ హిట్ అయిన సినిమా.

#1.

#2.

#3.

#4.

#5.

దీని తరువాత రాబోతున్న సినిమా స్టూవర్టుపురం దొంగ. టైగర్ నాగేశ్వరరావు రియల్ లైఫ్ స్టోరీని సినిమాగా మన ముందుకు తీసుకురాబోతున్నారు. ఐతే.. ఇదే బయోపిక్ ని రవితేజ కూడా తీయనున్నారు. “టైగర్” పేరుతొ ఆయన చిత్ర యూనిట్ పోస్టర్ ను కూడా రిలీజ్ చేసింది.

#6.

#7.

#8.

#9.

#10.

అయితే.. తాజాగా బెల్లం అన్న కూడా “స్టూవర్ట్ పురం దొంగ” పేరుతో పోస్టర్ రిలీజ్ చేయడంతో సోషల్ మీడియా లో ట్రోల్స్ మొదలయ్యాయి. ఒకరి బయోపిక్ కి రెండు సినిమాలు ఎందుకు అని కొందరు పోస్ట్ చేస్తుండగా.. మరికొందరు ఈ సినిమాని రవి అన్న తీస్తున్నాడు గా మళ్ళీ ఎందుకు అంటూ మీమ్స్ ని పోస్టు చేస్తున్నారు. వాటిపై మీరు కూడా ఓ లుక్ వేసేయండి.

మహేష్ బాబు అందరికీ సుపరిచితమే. ప్రత్యేకించి మహేష్ బాబుని పరిచయం చేయాల్సిన అవసరం లేదు. సూపర్ స్టార్ మహేష్ బాబు టాలీవుడ్ లో చాలా సినిమాల్లో నటించారు. పోకిరి, అతిథి, సైనికుడు, ఖలేజా, సరిలేరు నీకెవ్వరు ఇలా ఎన్నో సినిమాల్లో మహేష్ నటించారు. పోకిరి సినిమా మహేష్ బాబుకి మంచి హిట్ ని ఇచ్చింది.

అలానే శ్రీను వైట్ల మహేష్ బాబుతో చేసిన దూకుడు సినిమా కూడా మంచి సూపర్ స్టార్ మహేష్ బాబుకి మంచి హిట్ ను ఇచ్చింది. కానీ శ్రీను వైట్ల మహేష్ కాంబినేషన్ లో వచ్చిన ఆగడు మాత్రం ఫ్లాప్ అయ్యింది. ఆలీతో సరదాగా షోకి శ్రీనువైట్ల వచ్చారు. ఆ షోలో అలీతో పాటుగా ఆయన సందడి చేసారు. తాజాగా ఆలీతో సరదాగా ప్రోమో విడుదల అయ్యింది. అయితే ఆగడు సినిమా ఫ్లాప్ అవ్వడానికి కారణం ఏమిటి అనే విషయాన్ని శ్రీనువైట్ల చెప్పుకొచ్చారు.

దూకుడు సినిమా మంచి హిట్ ని తీసుకొచ్చింది. ఆ సినిమాలో మహేష్ బాబు మందు కొట్టే సీన్ ని పెట్టించారని శ్రీనువైట్ల అన్నారు. ఇక ఆగడు సినిమా విషయానికి వస్తే.. మహేష్ బాబు ఫ్యాన్స్ మాస్ సినిమా కావాలని గోల చేశారని… ఆ పాయింట్ వల్ల ఆగడు సినిమా ఫ్లాప్ అయిందని శ్రీనువైట్ల అన్నారు.

దీపావళి సందర్భంగా మాస్ మహారాజ్ రవితేజ తన 71వ సినిమాను అనౌన్స్ చేసాడు. ఈ సినిమా పేరు ” టైగర్ నాగేశ్వర్రావు”. టైగర్ నాగేశ్వర్రావు బయో పిక్ నే సినిమాగా మలుస్తున్నారు. మాస్ సినిమాల్లో నటనను ఇరగదీసే రవితేజ ఈ సినిమాలో హీరోగా నటిస్తుండడంతో ఈ సినిమాపై భారీగానే అంచనాలు పెరిగాయి. ప్రస్తుతం రవితేజ చేతిలో నాలుగు సినిమాలు ఉన్నాయి. ఖిలాడీ షూటింగ్ ఇప్పటికే పూర్తికాగా, రామారావు ఆన్ డ్యూటీ షూటింగ్ నడుస్తోంది.

ఇది ఇలా ఉండగా, త్రినాథ రావు దర్శకత్వంలో “ధమాకా” అనే సినిమాను కూడా చేయనున్నాడు. ఇవి సెట్స్ దశల్లో ఉండగానే.. “టైగర్ నాగేశ్వర్రావు” సినిమాను అనౌన్స్ చేసాడు. వంశీకృష్ణ ఈ సినిమాకు దర్శకత్వం వహిస్తున్నారు. ఇటీవల విడుదల అయిన ఈ సినిమా పోస్టర్ కు బాగానే రెస్పాన్స్ వస్తోంది. ఈ పోస్టర్ లో కేవలం రవితేజ కాళ్ళు మాత్రమే కనబడుతున్నాయి.

ఇదే బయోపిక్ కాన్సెప్ట్ తో బెల్లం కొండ శ్రీనివాస్ కూడా “స్టూవర్టుపురం దొంగ” అనే టైటిల్ తో సినిమాను అనౌన్స్ చేసాడు. ఒకే వ్యక్తి బయోపిక్ తో ఇద్దరు హీరోలు సినిమా చేస్తుండడంతో సోషల్ మీడియా లో దీని గురించిన చర్చ మొదలైంది. “టైగర్ నాగేశ్వర్రావు” ఎవరు? అంటూ సోషల్ మీడియాలో చర్చ నడుస్తోంది.

టైగర్ నాగేశ్వర్రావు స్టూవర్టుపురం లో పేరు మోసిన దొంగ. అతను ప్లాన్ చేసి దొంగతనం చేస్తే ఎవ్వరికి దొరికేవాడు కాదు. లెక్కలేనన్ని దొంగతనాలు చేసి ప్రజలను భయపెట్టడమే కాదు పోలీసులను కూడా ముప్పతిప్పలు పెట్టి మూడు చెరువుల నీళ్లు తాగించాడు. అతని లైఫ్ స్టోరీ లో లెక్కలేనన్ని కీలక మలుపులు ఉన్నాయి. వాటి ఆధారంగానే ఈ రెండు సినిమాలు తెరకెక్కుతున్నాయి. ప్రస్తుతం ఈ సినిమాలపై తెలుగు ప్రేక్షకులు భారీగానే అంచనాలు పెట్టుకున్నారు.