Filmy Adda

ప్రస్తుతం ఎక్కడ చూసిన సమంత-నాగ చైతన్యల జంట విడాకులు తీసుకోవడం గురించే చర్చ జరుగుతోంది. ముక్కుపచ్చలారని అందమైన బంధం చై-సామ్ ల బంధం. దీనిని ఇంత త్వరగా తెంచేసుకుంటారు అని ఎవరు ఊహించలేదు. గత వారం, పది రోజులు గా వీరు విడిపోతున్నారు అంటూ సోషల్ మీడియా లో ఓ రేంజ్ లో వార్తలు వచ్చాయి. ఈ పుకార్లని నిజం చేస్తూ.. చై, సమంత ఇద్దరు తమ సోషల్ మీడియా అకౌంట్స్ లో అధికారికంగా విడిపోతున్నట్లు ప్రకటించారు.

ఈ క్రమం లో వారిద్దరూ విడిపోవడానికి పలు కారణాలను నెటిజన్లు ఊహించేసుకుంటున్నారు. కొందరు నెటిజన్లు అయితే ఏకం గా స్టయిలిస్ట్ ప్రీతమ్ పైనే పడ్డారు. అతని వల్లే చై, సామ్ లు విడిపోతున్నారు అంటూ కధనాలు వచ్చాయి. మరోవైపు నెటిజన్లు ప్రీతమ్ ను తిట్టిపోస్తున్నారు. చాలా దురుసుగా మాట్లాడుతుండడంతో.. ప్రీతమ్ సైతం కొంతమందికి గట్టిగానే సమాధానం ఇచ్చారు. నెటిజన్లు ప్రీతమ్ ను ట్రోల్ చేయడం మాత్రం ఆపడం లేదు. కొన్ని నెలల క్రితం ప్రీతమ్ బర్త్ డే సందర్భంగా అతని ఒళ్ళో కాళ్ళు పెట్టుకుని పడుకున్న ఫోటో ఒకదాన్ని సమంత షేర్ చేసారు.

దీనితో సామ్ లైఫ్ లో అతని ఎంట్రీ వల్లే చై-సామ్ ల మధ్య గొడవలు వచ్చాయని అందరు అనుకుంటున్నారు. అసలు ఈ ప్రీతమ్ జుకల్కర్ ఎవరు..? సమంతకి ఎలా పరిచయమయ్యారో ఇప్పుడు చూద్దాం. ప్రీతమ్ వయసు 33 సంవత్సరాలు. హైదరాబాద్ లోనే పుట్టి పెరిగారు. ఫ్యాషన్ డిజైనింగ్ నే తన వృత్తి గా ఎంచుకున్నారు. అతని తల్లి మిషన్ కుట్టేవారు. ఆమెను చూసే తాను కూడా డిజైనర్ ను అవ్వాలి అన్న దృఢ సంకల్పంతో కష్టపడ్డారు.

మంచి అవుట్ పుట్ ఇస్తుండడంతో తక్కువ టైంలోనే ప్రీతమ్ కు మంచి గుర్తింపు వచ్చింది. ఆ తరువాత భారతీయ వస్త్ర సంప్రదాయమైన చేనేత దుస్తుల్ని పైకి తేవాలన్న సంకల్పంతో పనిచేసాడు. సమంత కూడా అందుకు తోడయ్యింది. తెలంగాణ రాష్ట్ర ప్రభుత్వం చేనేత వస్త్రాల వాడకాన్ని ప్రోత్సహించే దిశగా ఓ కార్యక్రమాన్ని చేపడితే.. దానికి సమంత మద్దతు తెలిపింది. ఈ క్రమంలోనే ప్రీతమ్ కు, సమంత కు పరిచయం ఏర్పడింది.

కాటన్ వస్త్రాలకు సంబంధించి ఫ్యాషన్ దుస్తుల్ని రూపొందించడంలో ప్రీతమ్ కు మంచి పేరు వచ్చేసింది. బయట పలు ఈవెంట్ లకు వెళ్లే సమయంలో సమంత కు మంచి అవుట్ ఫిట్స్ ను డిజైన్ చేసి ఇచ్చేవారు. కేవలం సమంతకే కాదు, రకుల్, రాశి ఖన్నాలకు కూడా ప్రీతమ్ అవుట్ ఫిట్స్ ను డిజైన్ చేసారు. ప్రీతమ్ వర్క్ బాగుండడంతో.. ఇండస్ట్రీలో మంచి పేరు వచ్చింది.

సోషల్ మీడియా వేదికగా నాగ చైతన్య, సమంత విడిపోతున్నట్లు ప్రకటించిన సంగతి తెలిసిందే. సమంత కూడా తన సోషల్ మీడియా హ్యాండిల్స్ లో ఇంటి పేరు తీసేయడం, ఈ విషయంపై ఇంటర్వ్యూలో అడిగినా కూడా, “నేను సమయం వచ్చినప్పుడు మాత్రమే ఇలాంటి వాటికి స్పందిస్తాను” అని చెప్పడం తో వారిద్దరూ విడిపోయారని సోషల్ మీడియాల్లో వార్తలు గుప్పుమన్నాయి.

సమంత తన ట్విట్టర్ హేండిల్ లో అక్కినేని అనే పేరుని తొలగించి కేవలం “S” ను మాత్రమే ఉంచినప్పటి నుంచి ఈ అనుమానాలు మొదలయ్యాయి. దానికి తోడు సమంత పెట్టె స్టేటస్ లు కూడా అనుమానాస్పదం గానే ఉంటూ వచ్చాయి. మరో వైపు నాగచైతన్య కానీ, అక్కినేని కుటుంబం గాని ఈ పుకార్లను ఖండించకుండా మౌనం వహిస్తుండడం తో సోషల్ మీడియా అంతా వీరిద్దరి గురించే చర్చ జరిగింది.

అసలు ఇంతమంది ఇన్నిరకాలుగా ప్రశ్నిస్తున్నా.. సమంత గాని, చైతన్య గాని నోరువిప్పలేదు. వారు ఇన్ని రోజులు మాట్లాడకుండా ఉండి.. అక్టోబర్ 2 నే చెప్పడానికి కారణం ఏంటబ్బా? అని నెటిజన్లు సైతం ఆలోచించేస్తున్నారు. గత నెల 24 వ తేదీన నాగ చైతన్య హీరో గా నటించిన “లవ్ స్టోరీ” సినిమా రిలీజ్ అయిన సంగతి తెలిసిందే. ఈ సినిమా రిలీజ్ అయ్యి.. మూవీ రిజల్ట్ తెలిసే వరకు విడాకుల గురించి చెప్పొద్దని ఈ జంట నిర్ణయించుకున్నారట.

ఈ సినిమా విడుదల అయ్యి ఓ వారం పైనే కావొస్తోంది. మూవీ కూడా బాగుంది అన్న హిట్ టాక్ కూడా వచ్చేసాక.. ఈ జంట తమ విడాకుల గురించి సోషల్ మీడియా లో అనౌన్స్ చేసేసారు. విడాకులు తీసుకుందాం అని నిర్ణయించుకున్నప్పటి నుంచే నాగచైతన్య ఓ పోష్ హోటల్ లోకి మకాం మార్చేసారట. దాదాపు నెల రోజుల నుంచి ఆయన ఒక్కరే ఉంటున్నారట. అక్కినేని కుటుంబం చాల పెద్దదే. ఇంతమంది ఉన్నా, నాగచైతన్య ఒంటరిగానే హోటల్ లో ఉండాల్సి వచ్చింది.

చాలా మంది జంటలు పెళ్లయిన తర్వాత, వారికి అభిప్రాయభేదాలు వచ్చి విడిపోవడం అనేది జరుగుతూనే ఉంటుంది. ఈ విషయంపై వారు అన్ని రకాలుగా ఆలోచించి నిర్ణయం తీసుకుంటారు. అయితే సినీ ఇండస్ట్రీలో కూడా ఎంతో మంది ప్రముఖులు ఇలా పెళ్లయిన తర్వాత విడాకులు తీసుకున్నారు. వారిలో కొంత మంది నష్టపరిహారం కిందట కొంత మొత్తాన్ని చెల్లించారు. ఆ జంటలు ఎవరో ఇప్పుడు చూద్దాం.

#1 సంజయ్ దత్ – రియా పిళ్ళై

వీరిద్దరూ విభేదాల కారణంగా విడిపోయారు. విడిపోతున్నప్పుడు సంజయ్ దత్ రియాకి ఒక సీ ఫేసింగ్ అపార్ట్మెంట్, ఖరీదైన కార్ భరణంగా ఇచ్చారు అనే వార్తలు వచ్చాయి.

#2 ఆదిత్య చోప్రా – పాయల్ ఖన్నా

యష్ రాజ్ ఫిలింస్ అధినేత ఆదిత్య చోప్రా తన భార్యతో విడిపోయినప్పుడు కొన్ని కోట్ల మొత్తాన్ని ఇచ్చారు అనే వార్తలు వచ్చాయి.

#3 కరిష్మా కపూర్ – సంజయ్ కపూర్

వీరిద్దరూ విడిపోయేటప్పుడు సంజయ్ కపూర్, 14 కోట్ల విలువైన బాండ్లను పిల్లల పేరు మీద కొనుగోలు చేశారట. వాటిపై నెలకు 10 లక్షల దాకా వడ్డీ వస్తుంది అనే వార్తలు వినిపిస్తూనే ఉంటాయి. అంతే కాకుండా ముంబైలోని ఖర్ ఏరియాలో ఉన్న తన ఖరీదైన ఇంటిని కూడా కరిష్మా కపూర్ కి నష్టపరిహారంగా ఇచ్చారట.

#4 సైఫ్ అలీఖాన్ – అమృతా సింగ్

దాదాపు 13 సంవత్సరాల తర్వాత వీరిద్దరూ విడిపోయారు. అయితే విడిపోయినప్పుడు సైఫ్ అలీఖాన్ అమృతా సింగ్ కి భరణంగా తన ఆస్తిలో సగభాగాన్ని ఇచ్చారట.

#5 హృతిక్ రోషన్ – సుజేన్ ఖాన్

వీరిద్దరూ విడిపోయినప్పుడు సుజేన్ కి హృతిక్ రోషన్ 380 కోట్ల రూపాయలను భరణంగా ఇచ్చినట్టు ఫిల్మ్ ఇండస్ట్రీలో ప్రచారం జరిగింది.

#6 అమీర్ ఖాన్ – రీనా దత్తా

బాలీవుడ్ స్టార్ హీరో అమీర్ ఖాన్, రీనా దత్తా వ్యక్తిగత విభేదాల కారణంగా విడిపోయారు. అయితే అమీర్ ఖాన్ కూడా కోట్ల మొత్తాన్ని రీనా దత్తాకి ఇచ్చారు అనే వార్తలు వచ్చాయి.

#7 ప్రభుదేవా – రమలత్

వీరిద్దరి మధ్య విభేదం గురించి అప్పుడు చర్చ జరిగింది. అయితే విడిపోయేటప్పుడు నష్టపరిహారంలో భాగంగా 10 లక్షల రూపాయల నగదుతో పాటు రెండు ఖరీదైన కార్లు, అలాగే 20 – 25 కోట్ల విలువ చేసే ఆస్తులను ప్రభుదేవా రమలత్ పేరున రాసి ఇచ్చారు అనే వార్తలు వచ్చాయి.