Filmy Adda

రెండు, మూడు సార్లు వాయిదా పడిన తర్వాత లవ్ స్టోరీ సినిమా చివరికి థియేటర్లలో విడుదల అయ్యింది. సినిమా బృందం కూడా ముందు నుంచి చాలా కాన్ఫిడెంట్ గా ఉన్నారు. ఈ సినిమా థియేటర్లలో చూడవలసిన సినిమా అని, అది కూడా కేవలం యూత్ మాత్రమే కాకుండా, కుటుంబం అంతా చూడాల్సిన సినిమా అని చెప్పారు. ఈ సినిమాలో కొన్ని ముఖ్యమైన అంశాల గురించి మాట్లాడారు. ఇలాంటి అంశాలను తెరపై చూడటం మనకి కొంచెం కొత్తగా అనిపిస్తుంది.

లవ్ స్టోరీ సినిమా ప్రస్తుతం సూపర్ హిట్ టాక్ తో దూసుకుపోతోంది. కలెక్షన్స్ పరంగా చూసుకుంటే ఇటీవలి కాలంలో ఇంత తక్కువ సమయంలో అంత వసూళ్లు రాబట్టిన సినిమాలు చాలా అరుదుగా వచ్చాయి.

లవ్ స్టోరీ డే వైజ్ ఆంధ్ర ప్రదేశ్, తెలంగాణ షేర్లు:
మొదటిరోజు – 7.13Cr
రెండవ రోజు- 5.08Cr
మూడవరోజు – 5.19Cr
నాలుగవ రోజు – 2.52Cr
ఐదవ రోజు – 1.26Cr
ఆంధ్ర ప్రదేశ్, తెలంగాణ మొత్తం షేర్: 21.18 కోట్లు (గ్రాస్ 34.38CR కోట్లు)

ఈ రకంగా లవ్ స్టోరీ భారీ కలెక్షన్లతో దూసుకుపోతోంది.

సాయి ధరమ్ తేజ్ హీరోగా దేవా కట్టా దర్శకత్వంలో రాబోతున్న సినిమా రిపబ్లిక్. ఐశ్వర్య రాజేష్ హీరోయిన్ గా నటించిన ఈ సినిమాలో జగపతి బాబు, రమ్య కృష్ణ ముఖ్య పాత్రల్లో నటించారు. మణి శర్మ ఈ సినిమాకి సంగీత దర్శకత్వం వహించారు. రిపబ్లిక్ సినిమా 2021 సంవత్సరం మొదట్లోనే విడుదలవ్వాల్సి ఉంది. కానీ కరోనా కారణంగా సినిమా విడుదల వాయిదా పడి అక్టోబర్ 1వ తేదీన థియేటర్లలోకి రాబోతోంది. ఈ సినిమాలో డిస్ట్రిక్ట్ కలెక్టర్ పంజా అభిరామ్ గా సాయి ధరమ్ తేజ్ నటించారు.

సినిమా రాజకీయ నేపథ్యంలో నడుస్తుంది. ఒక నిజ జీవిత సంఘటన ఆధారంగా ఈ సినిమాను తెరకెక్కించినట్లు సమాచారం. నిజ జీవిత ఘటనలో చూస్తే సాయి ధరమ్ తేజ్ పోషించిన పాత్ర బతికి ఉండరు. ఒక ఇంటర్వ్యూలో దేవ కట్టా మాట్లాడుతూ, “సాయి ధరమ్ తేజ్ కి కథ చెప్పి, క్లైమాక్స్ చేయలేవు” అని చెప్తే, అందుకు సాయి ధరమ్ తేజ్, “క్లైమాక్స్ ముందు రాసినట్టు ఉంటేనే చేస్తాను” అని చెప్పారట. ఇంతకీ క్లైమాక్స్ లో ఏం ట్విస్ట్ ఉండబోతోందో తెలుసుకోవాలంటే సినిమా విడుదలయ్యే వరకు ఆగాల్సిందే.

సినిమా టిక్కెట్ల విషయమై ఏపీ ప్రభుత్వం ఇటీవల తీసుకున్న నిర్ణయం పై సర్వత్రా వ్యతిరేకత వ్యక్తమవుతున్న సంగతి తెలిసిందే. పలువురు సినీ సెలెబ్రిటీలు ప్రభుత్వ నిర్ణయం పై తమ వ్యతిరేకతను వ్యక్తం చేసారు. ఈ క్రమం లో ఓ వార్త హల్ చల్ చేస్తోంది.

తెలుగు చలనచిత్ర పరిశ్రమలో కొంతమంది పెద్దలను ఏపీ ప్రభుత్వం ఆహ్వానించిందని ఈ వార్త కధానాలలో పేర్కొన్నారు. టిక్కెట్ ధర & థియేటర్ల ఆక్యుపెన్సీ వంటి కొన్ని సమస్యల గురించి చర్చించడానికి రేపు విజయవాడలో ప్రభుత్వ ప్రతినిధులతో సమావేశం జరిగే అవకాశం ఉందని తెలుస్తోంది. ఈ మేరకు v6 న్యూస్ సీనియర్ కరెస్పాండెంట్ ట్విట్టర్ మాధ్యమం గా ట్వీట్ చేసారు.

Reports say AP Government Invited Some biggies in Telugu Film Industry. A meeting with government representatives is likely to be held in Vijayawada tomorrow to discuss about few issues like ticket pricing & theatres occupancy. #AndhraPradesh#Tollywood

— Suresh PRO (@SureshPRO_) September 29, 2021

లెజెండరీ దర్శకుడు రాఘవేంద్ర రావు గారు, యాంకర్ సుమపై కేస్ పెడతాను అన్నారు. ఇది ఏదో సీరియస్ గా కాదు. రాఘవేంద్ర రావు గారి దర్శకత్వ పర్యవేక్షణలో వస్తున్న పెళ్లి సందడి సినిమా ట్రైలర్ ఇటీవలే విడుదల అయ్యింది. ఈ సినిమాలో నటుడు శ్రీకాంత్ కొడుకు రోషన్, శ్రీలీల హీరో హీరోయిన్లుగా నటిస్తున్నారు.

కొన్ని సంవత్సరాల క్రితం శ్రీకాంత్ హీరోగా నటించిన పెళ్లి సందడి సినిమాకి సీక్వెల్ ఇది. ఈ సినిమా బృందం అంతా సుమ యాంకర్ గా వ్యవహరిస్తున్న క్యాష్ ప్రోగ్రాంకి అతిథులుగా రాబోతున్నారు. ఇందులో భాగంగా రాఘవేంద్ర రావు గారు సుమపై సెటైర్లు వేశారు. “నీ మీద కేస్ పెడతాను” అన్నారు.

అందుకు సుమ, “ఎందుకు సార్?” అని అనగా, అప్పుడు రాఘవేంద్ర రావు గారు, “నువ్వు డేట్స్ ఇస్తావ్ ఏమో అని వెయిట్ చేస్తున్నాను. కానీ ఇప్పటివరకు నువ్వు నాతో సినిమా చేయలేదు. నీకోసం ఒక గుమ్మడికాయ కూడా రెడీగా ఉంచాను” అని అన్నారు. ప్రోమో చివరిలో, “ఈ ప్రోగ్రాం అంతా అబద్ధం. డబ్బులు ఇస్తానన్నారు. డబ్బులు లేవు” అని కోపంతో రాఘవేంద్ర రావు గారు, సినిమా బృందం అంతా సెట్ నుండి వెళ్ళిపోతున్నారు.

watch video :