విజయ్ ఆంటోనీ “బిచ్చగాడు” మూవీ తమిళం లోనే కాదు తెలుగు నాట కూడా మంచి పేరు తెచ్చుకున్న సంగతి తెలిసిందే. కానీ, ఈ సినిమా ఎక్కడ నుంచి ప్రేరణ పొందిందో తెలుసా..? ఒక న్యూస్ పేపర్ నుంచి. తమిళ్ డైరెక్టర్ శశి తన బుక్స్ ని సర్దుకుంటుంటే.. ఒక న్యూస్ పేపర్ కనిపించిందట.
ఆ న్యూస్ లో పేపర్ శశి కి ఒక న్యూస్ చాలా ఇంటరెస్టింగ్ గా కనిపించింది. ఓ బిచ్చగాడు బిజినెస్ మాన్ గా ఎలా మారాడు అన్న స్టోరీ అది. ఆ రోజు రాత్రి నిద్రలో కూడా అతను అదే కల కన్నాడట. దీనితో ఎలాగైనా, ఈ పాయింట్ లో సినిమా తీయాలని అనుకున్నారట. అయితే చాలా మందికి ఈ స్టోరీ లైన్ చెప్పినప్పటికీ అందరు బిచ్చగాడు టైటిల్ తో సినిమా ఏంటి..? అని నిరుత్సాహ పరిచారట. అయితే, శశి మాత్రం తన కథ మీద నమ్మకం ఉంచుకుని ప్రయత్నాలు చేస్తూనే ఉన్నాడట.
తమిళ్ నేటివిటీ కి తగ్గట్లు కొన్ని మార్పు చేర్పులు చేసుకుని కథను సిద్ధం చేసుకున్నాడట. ఓ సారి విజయ్ ఆంటోనీ ని కలిసి ఈ కథను వివరించాడట. విజయ్ ఆంటోనీ అయితే తనకి కథ నచ్చితే తానే ప్రొడ్యూస్ చేస్తాడు, మ్యూజిక్ డైరెక్టర్ గా పని చేస్తాడు. అందుకే, శశి ముందు విజయ్ ఆంటోనీ ని సంప్రదించాడు. అయితే, అనుకున్నట్లు గానే ఈ కథ విజయ్ ఆంటోనీ కి బాగా నచ్చేసింది. ఈ సినిమాలో నటించడానికి, ప్రొడ్యూస్ చేయడానికి ముందుకొచ్చాడు.
కానీ, మ్యూజిక్ డైరెక్టర్ ని మాత్రం వేరే ఎవరినైనా పెట్టుకుందామని ఆంటోనీ చెప్పాడట. అలా, రెండు కోట్ల బడ్జెట్ లో ఈ సినిమా షూటింగ్ పూర్తి చేసేసారు. మ్యూజిక్ డైరెక్టర్ గా కూడా విజయ్ ఆంటోనీ నే పని చేసాడు. ఈ సినిమా సూపర్ హిట్ అయింది. దాదాపు నలభై కోట్లను కలెక్ట్ చేసిన సంగతి మనకి తెల్సిందే. అసలు ఈ సినిమా ని తెలుగు లో రీమేక్ చేయాలనుకున్నారు. తొలుత రానా ను, సునీల్ ను సంప్రదించినా.. తెలుగు వాళ్లకి నచ్చకపోవచ్చు అని చెప్పి ఇద్దరు ఈ సినిమా ని రిజెక్ట్ చేశారట. కానీ, చదలవాడ లక్ష్మణ్ ఈ సినిమా డబ్బింగ్ రైట్స్ ను 45 లక్షల పెట్టి కొనుక్కున్నాడు. తెలుగు లో రిలీజ్ ఐన బిచ్చగాడు ఇక్కడ కూడా మంచి టాక్ తెచ్చుకుని 20 కోట్ల కలెక్షన్ రాబట్టింది.
