Filmy Adda

ప్రతి ఒక్కరికి వేరు వేరు అభిప్రాయాలు ఉంటాయి. కొంతమంది కుటుంబానికి ప్రాముఖ్యతనిస్తారు. కొంతమంది కెరియర్ కి, ఇంకా కొంతమంది డబ్బు కి ఇలా ప్రతి మనిషి కొన్ని విషయాలను ఎక్కువగా పట్టించుకుంటారు కొన్ని విషయాలను వదిలేస్తారు. కానీ ఈ అభిప్రాయాలు ఉండటానికి ముఖ్య కారణం గతంలో వాళ్ళు ఎదుర్కొన్న సంఘటనలే.

అలా మన ఇండస్ట్రీలో చాలామంది హీరోయిన్లు 30 దాటినా కూడా వాళ్ల వ్యక్తిగత కారణాల వల్ల కెరియర్ కి ప్రాముఖ్యతనిచ్చి పెళ్లి చేసుకోకుండా ఉండిపోయారు. వాళ్ళలో కొంతమంది ఎవరంటే.

#1 అనుష్క శెట్టి

ఇప్పటి హీరోయిన్లు ఫీమేల్ ఓరియెంటెడ్ సినిమాలు చేయడానికి స్ఫూర్తి గా నిలిచిన అనుష్క పెళ్లి చేసుకోకపోవడానికి గల కారణం ఎవరికీ తెలియదు. అనుష్క కాంట్రవర్సీల కి చాలా దూరంగా ఉంటుంది. ఇంకా ఆమె వ్యక్తిగత జీవితం కూడా అసలు బయటికి రాదు. ఒక ఇంటర్వ్యూలో మాత్రం తను అన్నింటికీ సమయం ఉంటుంది అని నమ్ముతుంది అని, పెళ్లికి కూడా సమయం వచ్చినప్పుడు చేసుకుంటుందని, అంతేగాని దాని గురించి ఎక్కువగా ఆలోచిస్తూ సమయం వృధా చెయ్యదు అని చెప్పింది.

#2 కాజల్ అగర్వాల్

చాలామంది కాజల్ అగర్వాల్ ఎవరిని పెళ్లి చేసుకుంటుందో అని క్యూరియాసిటీ తో ఎదురుచూస్తున్నారు. కాజల్ మాత్రం తన ఇంట్లో వాళ్లకి లేని టెన్షన్ మీకెందుకు అని బహిరంగంగానే చెప్పేసింది.

#3 ఇలియానా

ఫోటోగ్రాఫర్ ఆండ్రూ నీబోన్ తో రిలేషన్ లో ఉంది అని పెళ్లి కూడా అయింది అని వార్తలు వచ్చాయి. ఇద్దరి ఫోటోలు కూడా ఇలియానా సోషల్ మీడియాలో పోస్ట్ చేసేది. కానీ ఆ తర్వాత కొన్నాళ్లకు బ్రేకప్ అయింది అనే వార్త బయటకు వచ్చింది.

#4 నిత్యా మీనన్

నిత్యా మీనన్ కూడా ఇంటర్వ్యూ లకు దూరంగా ఉంటుంది. సినిమా ప్రమోషన్ కోసం తప్ప మీడియాతో ఎక్కువగా మాట్లాడదు. కాబట్టి ఆమె పెళ్లి ఎందుకు చేసుకోలేదు అనే విషయం ఎవరికీ తెలీదు. ప్రస్తుతం నటనే కాకుండా డైరెక్షన్ వైపు కూడా వెళ్లనుంది. ఇటీవల హిందీలో వచ్చిన  బ్రీత్ వెబ్ సిరీస్ తో అక్కడ కూడా మంచి నటి అనే పేరు సంపాదించుకుంది నిత్య.

#5 కత్రినా కైఫ్

ముందు సల్మాన్ ఖాన్ తో రిలేషన్ లో ఉంది. తర్వాత గొడవల వల్ల ఇద్దరు విడిపోయారు. ఆ తర్వాత రణబీర్ కపూర్, కత్రీనా కొన్నాళ్ళు ప్రేమించుకున్నారు. వ్యక్తిగత కారణాల వల్ల ఇద్దరూ విడిపోయారు. సల్మాన్, కత్రీనా విడిపోయినా కూడా ఇప్పటికీ ఇద్దరూ మంచి స్నేహితుల లానే ఉంటున్నారు.

#6 ఛార్మి

జ్యోతిలక్ష్మి తర్వాత మళ్లీ ఇప్పటివరకు ఒక్క సినిమాలో కూడా నటించడం లేదు ఛార్మి. పూరి జగన్నాథ్ తో కలిసి పూరి కనెక్ట్స్ ప్రొడక్షన్ హౌస్ లో భాగస్వామిగా ఇస్మార్ట్ శంకర్ సినిమా కూడా నిర్మించింది. ఎన్నో ఇంటర్వ్యూలలో ఛార్మిని ప్రేమ గురించి పెళ్లి గురించి అడిగారు. అయినా ఆ ప్రశ్నలకు సమాధానం ఇవ్వలేదు ఛార్మి.

#7 అంజలి

తెలుగమ్మాయి అయిన అంజలి తెలుగు ఇండస్ట్రీలో కంటే తమిళ ఇండస్ట్రీ లోనే ఎక్కువ సినిమాలు చేసి అక్కడ ఎంతో గుర్తింపు సంపాదించుకుంది. జర్నీ సినిమాలో తనతో పాటు నటించిన హీరో జై తో ప్రేమలో ఉంది అనే వార్తలు వచ్చాయి. కానీ అందులో ఎంత నిజం ఉందో ఎంత అబద్ధం ఉందో ఎవరికీ తెలీదు.

#8 త్రిష

కొన్ని సంవత్సరాల క్రితం వరుణ్ మణియన్ అనే ఒక వ్యాపారవేత్తతో త్రిషకు నిశ్చితార్థం అయ్యింది. కానీ అది పెళ్లి వరకు వెళ్ళలేదు. త్రిష కూడా పెళ్లి గురించి ఎన్నో ఇంటర్వ్యూలలో అడిగినా కానీ సమాధానం చెప్పడానికి ఎక్కువగా ఇష్టపడలేదు.

#9 శృతిహాసన్

మైఖేల్ కోర్సేల్ తో ఎంతో కాలం రిలేషన్ షిప్ లో ఉన్న శృతి తర్వాత విడిపోతున్నాం అని సోషల్ మీడియా లో ఒక పోస్టు ద్వారా చెప్పింది. ఇద్దరికీ కుదరదని విడిపోయామని కానీ ఒకరిని ఒకరు గౌరవించుకుంటాం అని, ఇప్పటికీ మంచి స్నేహితులుగా ఉంటామని అని చెప్పింది శృతి.

#10 నయనతార

నయనతార, నేను రౌడీ నే సినిమా డైరెక్టర్ విగ్నేష్ శివన్ తో ప్రేమలో ఉన్నారని విగ్నేష్ సోషల్ మీడియా అకౌంట్ చూస్తే ఎవరికైనా అర్థమవుతుంది. కానీ ఇద్దరూ ప్రేమ గురించి గానీ పెళ్లి గురించి గానీ ఎక్కడ మాట్లాడరు.

వీళ్లే కాకుండా ఈ జాబితాలో తమన్నా, సదా, కమలిని ముఖర్జీ, ఆండ్రియా, సీనియర్ హీరోయిన్లు టబు, శోభన ఇంకా ఎంతో మంది ఉన్నారు.

తెలుగు సీరియల్ ఇండస్ట్రీలో ఎన్నో సంవత్సరాల నుండి హీరోయిన్ గా నటిస్తూ తనకంటూ ఒక గుర్తింపు తెచ్చుకున్నారు పల్లవి రామిశెట్టి. ఇటీవల జీ తెలుగులో వచ్చే మాటే మంత్రం సీరియల్ లో వసుంధర పాత్రలో నటించి అందరినీ అలరించారు పల్లవి. పల్లవి గురించి కొన్ని ఆసక్తికరమైన విషయాలు ఇప్పుడు తెలుసుకుందాం.

#1 పల్లవి ఆంధ్రప్రదేశ్ లో ఒక చిన్న ఊరిలో జన్మించారు. ఉద్యోగరీత్యా పల్లవి తండ్రి బెంగళూరుకి షిఫ్ట్ అయ్యారట. దాంతో పల్లవి కూడా బెంగళూరు లో పెరిగారు. చాలా మంది లాగానే పల్లవి కూడా పెద్దయిన తర్వాత సాఫ్ట్ వేర్ ఇంజనీర్ అవుదాం అనుకున్నారట.

#2 పల్లవి రామిశెట్టి ఒక తెలుగు కుటుంబానికి చెందినవారు. పల్లవి చదువుకుంటున్నప్పుడు తన తండ్రి స్నేహితుడి సలహా మేరకు ఒక ఆడిషన్ ఇచ్చారట. ఆ ఆడిషన్ లో పల్లవి సెలెక్ట్ అయ్యారట. అప్పటివరకు నటన గురించి, ఇండస్ట్రీ గురించి పల్లవి కి ఏమీ తెలియదట. తన కుటుంబం ఇంకా స్నేహితుల ప్రోత్సాహంతో పల్లవి ఇండస్ట్రీలోకి అడుగు పెట్టారు.

#3 పల్లవి నటించిన మొదటి సీరియల్ రంగుల కల. 2009 సంవత్సరంలో పల్లవి నటించిన భార్యమణి, ఆడదే ఆధారం సీరియల్స్ తనకు ఎంతో గుర్తింపు తెచ్చాయి. దాంతో పల్లవికి అవకాశాలు రావడం మొదలయ్యాయి. కానీ పల్లవి తల్లిదండ్రులు తనని ముందు చదువు పూర్తి చేయమని చెప్పడం తో హైదరాబాద్ లో తన చదువు పూర్తి చేశారు పల్లవి.

#4 తర్వాత మాటే మంత్రము, అత్తారింటికి దారేది, సీరియల్స్ లో కూడా నటించారు పల్లవి. అంతేకాకుండా తన నటన కి రాష్ట్ర ప్రభుత్వం నుండి నంది అవార్డు కూడా అందుకున్నారు.

#5 పల్లవికి హీరో సూర్య అంటే చాలా ఇష్టమట. సూర్య నటనను, ప్రతి పాత్రకి సూర్య కష్టపడే తీరును పల్లవి ఎంతగానో అభిమానిస్తారట. 2019లో దిలీప్ కుమార్ ని పెళ్లి చేసుకున్నారు పల్లవి.

ఇవి పల్లవి గురించి కొన్ని ఆసక్తికరమైన విషయాలు. భవిష్యత్తులో కూడా ఇలానే మంచి పాత్రలు చేస్తూ మనందరినీ అలరించాలి అని ఆశిద్దాం.

ప్రస్తుతం స్టార్ హీరోలుగా,హీరోయిన్స్ గా కొనసాగుతున్న వాళ్ళలలో చాలామంది మనల్ని చైల్డ్ ఆర్టిస్టులుగా అలరించి ఆతర్వాత స్టార్ లుగా ఎదిగారు.ఆ లిస్ట్ లో మహేష్ బాబు, రాశి,మీనా,హన్సిక,ఎన్.టి.ఆర్,తమన్నా వంటి స్టార్స్ ఎందరో ఉన్నారు.

హరికృష్ణ పెద్ద కొడుకు కళ్యాణ్ రామ్ ఒక చైల్డ్ ఆర్టిస్ట్ గా నటించి మనల్ని అలరించాడన్న విషయం మీకు తెలుసా!ఇంతకీ కళ్యాణ్ రామ్ నటించిన ఆ చిత్రం ఏంటంటే? 1989 లో కోడి రామ కృష్ణ దర్శకత్వంలో బాలకృష్ణ,సుహాసిని జంటగా ‘ బాలగోపాలుడు ‘ అనే చిత్రం చేశారు. ఈ చిత్రం ద్వారా కళ్యాణ రామ్ తొలిసారిగా తెరకు పరిచయమయ్యారు..

ఇందులో బాలయ్య తో పాటు ఇద్దరు పిల్లలు ఉంటారు. అందులో ఒకరు రాశి మరొకరు కళ్యాణ్ రామ్ వీరిద్దరూ చైల్డ్ ఆర్టిస్ట్ లుగా చేసిన నటన ప్రేక్షకులను బాగా ఆకట్టుకుంది.సినిమా కమర్షియల్ గా ఓకే అనిపించుకున్న చైల్డ్ ఆర్టిస్ట్ లుగా కళ్యాణ్ రామ్, రాశి చేసిన నటన వాళ్లకు మరియు ప్రేక్షకులకు ఒక స్వీట్ మెమరీగా నిలిచిపోయింది.

ఆతర్వాత సరిగ్గా పదేళ్ళకు చైల్డ్ ఆర్టిస్ట్ గా మనల్ని అలరించిన రాశి. ముత్యాల సుబ్బయ్య దర్శకత్వంలో వచ్చిన కృష్ణబాబు చిత్రంలో బాలయ్య సరసున హీరోయిన్ గా నటించింది. పదేళ్ళ ముందు బాలయ్యకు కూతురిగా నటించిన రాశి ఆతరువాత ఆయన పక్కన హీరోయిన్ గా చేసే స్థాయికి ఎదిగింది.ఈ చిత్రం అంతగా ప్రేక్షకులను ఆకట్టుకోలేక బాక్స్ ఆఫీస్ వద్ద బోల్తా పడింది.

ఇక మన కళ్యాణ్ రామ్ అటు హీరో ఇటు ప్రొడ్యూసర్ గా సినిమాలు చేస్తూ తెలుగు ప్రేక్షకులను ఆకట్టుకుంటున్నారు.

బుల్లి తెరపై బాగా పాపులర్ అయిన సీరియల్స్ స్వాతి చినుకు,వదినమ్మ తో ప్రేక్షకులకు సుపరిచితులు ప్రియాంక నాయుడు.ప్రత్యేకంగా వదినమ్మ సీరియల్ లో ప్రియాంక పాత్ర ప్రేక్షకులకు బాగా కనెక్ట్ అవ్వడంతో మరింత పాపులర్ అయ్యారు ప్రియాంక నాయుడు.అయితే లాక్ డౌన్ కారణంగా అందరిలాగే ప్రియాంక నాయుడు కూడా ఇంటికే పరిమితమయ్యారు.ఈ నేపథ్యంలో ఇన్ స్టాగ్రామ్ లో ప్రేక్షకులతో ముచ్చటిస్తూ తాను పెళ్ళి చేసుకోబోయే వ్యక్తి గురించి కొన్ని ఆసక్తికర విషయాలను పంచుకున్నారు..ఆ వివరాల్లోకి వెళ్తే …

ఇన్ స్టాగ్రామ్ లో ప్రేక్షకులతో ముచ్చటిస్తుండగా మీకు కాబోయే భర్త ను చూపించండి అని కొంతమంది నెటిజన్లు ప్రియాంక నాయుడు ను అడిగారు.దీంతో వెంటనే తాను పెళ్లి చేసుకోబుతున్న వ్యక్తి ఫోటో షేర్ చేసి అందరిని ఆశ్చర్యపరిచారు ప్రియాంక నాయుడు.ఇంతకీ ప్రియాంక నాయుడు పెళ్లి చేసుకోబోతుంది మధు అనే బుల్లితెర నటుడిని. అభిషేకం సీరియల్ ద్వారా ఫేమస్ అయ్యారు మధు.

మధు, ప్రియాంక నాయుడు కు దగ్గర బంధువు కావడం వలన వీరి పెళ్ళికి పెద్దలు కూడా ఎటువంటి అడ్డంకి తెలపలేదు.అయితే మధు ,ప్రియాంక నాయుడు త్వరలో ఏడూ అడుగులు నడవబోతున్నారు అని తెలుస్తుంది.మధు చాలా మంచి వ్యక్తిత్వం ఉన్న వ్యక్తి,నాకు ఎప్పుడూ సపోర్టివ్ గా ఉంటారు,అందరిలా మోసం చేసే వ్యక్తి కాదు అంటూ తన ఇన్ స్టాగ్రామ్ అకౌంట్ లో ప్రశంసలతో ముంచెత్తారు ప్రియాంక నాయుడు.