Health Adda

నిద్ర సుఖమెరుగదు అంటుంటారు కానీ.. కొంచమైనా సుఖం గా నిద్రపట్టకపోతే తెల్లారి పనులన్నీ అన్యమస్కం గా చేస్తుంటాము. ఆరోగ్యకరం గా పనులు చక్కదిద్దుకోవాలంటే.. ముందు రోజు రాత్రి హాయిగా నిద్రపోవాలి.చాలా మంది కలత నిద్రపోతూ ఉంటారు. పడుకున్నట్లే ఉంటారు కానీ.. గాఢం గా నిద్రపోలేరు.

ఫలితం గా రోజంతా అలసటను ఫీల్ అవుతూ ఉంటారు. సరైన పొజిషన్ లో పడుకుంటేనే నిద్ర హాయిగా పడుతుంది. అయితే కొందరు వైద్య నిపుణులు చెబుతున్న ప్రకారం ఎడమ వైపు తిరిగి పడుకుంటే ఆరోగ్య రీత్యా చాలా మంచిదట.

మీకు ఎడమవైపుకు తిరిగి పడుకునే అలవాటు ఉందా..? లేకపోతే అలవాటు చేసుకోండి. ఇలా పడుకోవడం వల్ల కలిగే ప్రయోజనాల గురించి ఈ ఆర్టికల్ లో తెలుసుకుందాం. ఎడమవైపుకు తిరిగి పడుకోవడం పై డాక్టర్ జోహన్ డుయిలర్డ్ అనే డాక్టర్ గతంలోనే చాలా పరిశోధనలు చేశారట. కుడివైపు తిరిగి పడుకోవడం వలన శరీరంపై నెగటివ్ ఎఫెక్ట్ పడుతుంది అని ఆయన గుర్తించారు.

Also Read:   అబ్బాయిలూ.. ఊరగాయలు ఎక్కువగా తింటున్నారా..? దాని వల్ల వచ్చే సమస్యలు తెలిస్తే ఇంకెప్పుడూ తినరు..!

అదే ఎడమవైపుకు తిరిగి పడుకునే వారిలో మాత్రం రెట్టింపు ఉత్సాహం ఉంటోందట. కుడివైపు తిరిగి పడుకుంటే జీర్ణ వ్యవస్థ పై ఆ ప్రభావం పడుతుంది. అదే ఎడమవైపు పడుకుంటే జీర్ణవ్యవస్థలోని ఆమ్లాలు సక్రమంగా పని చేస్తాయి. అంతేకాదు, తిన్న ఆహరం చక్కగా జీర్ణమవుతుంది. ఉదయాన్నే శరీరంలోని వ్యర్ధ పదార్ధాలు ఇబ్బంది లేకుండా బయటకి వెళ్లిపోతాయి. జీర్ణవ్యవస్థలో ముఖ్యమైన అవయవం అయిన లింఫ్ మనం ఎడమ వైపుకు తిరిగి పడుకోవడం వలన సక్రమంగా పని చేస్తుంది.

అంతే కాదు శరీరంలో ఇతర జీవ క్రియలు కూడా సక్రమంగా జరుగుతుందట. రక్తం శుద్ధి అవుతుందట. అన్ని అవయవాలకు సక్రమంగా రక్తం అందుతుంది. ఉదయాన్నే శరీరం ఉల్లాసంగా ఉంటుందట. ఇక, ఆ వైద్యుడు చెప్పిన మరిన్ని విషయాలను ఈ వీడియోలో చూసేయండి.

Also Read:  మోచేతికి ఒకోసారి సడన్ గా ఏదైనా తగిలితే “షాక్” కొట్టినట్టు ఎందుకు అనిపిస్తుందో తెలుసా.?

ఊబకాయం, అసిడిటీ, మలబద్ధకం వంటి సమస్యలు ఈ రోజుల్లో సర్వసాధారణం మారాయి. అసలు మన అలవాట్లతోనే ఇలా జరుగుతోందని చాలా మందికి అర్థం కాదు. ఎసిడిటీ, మలబద్ధకం వల్ల బరువు పెరగడం మొదలవుతుంది. ఇవన్నీ మన చెడు జీవనశైలి, తప్పుడు ఆహారపు అలవాట్ల ఫలితమేగా ఇలా జరుగుతుంది.
తప్పుడు అలవాట్లకు దూరంగా ఉంటూ మన ఆరోగ్యాన్ని మెరుగుపరుచుకోవచ్చు. ఇందులో ముఖ్యమైనది రోజు మనం తినే ఆహారం. ఇందులో మనం తెలుసుకోవల్సినది ఆహారం తిన్న తర్వాత.. ఆహారం తినక ముందు ఏం చేయాలో తెలుసుకోవాలి. ఆహారం తిన్న తర్వాత స్నానం చేయడం, పండ్లు తినడం, వ్యాయామం చేయడం వల్ల మన ఆరోగ్య సమస్యలు ఏర్పడుతాయి.

మీరు భోజనం లేదా అల్పాహారం తీసుకున్న వెంటనే స్నానం చేయడం అస్సలు మంచిది కాదు. ఈ సంగతి చాలా కాలంగా మన ఇంట్లోని పెద్దలు చెప్తూనే ఉంటారు. అందుకే స్నానం చేసిన తర్వాతే భోజనం చేయాలని సూచిస్తారు. దాని వెనుక శాస్త్రీయ కారణం కూడా ఉంది.

భోజ‌నం చేశాక మ‌న శ‌రీరంలో ర‌క్తం ఎక్కువ‌గా జీర్ణాశ‌యానికి స‌ర‌ఫ‌రా అవుతుంది. ఎందుకంటే తిన్న ఆహారాన్ని జీర్ణం చేసేందుకు కూడా శ‌క్తి అవ‌స‌రం. క‌నుక ఆ శ‌క్తిని అందించేందుకు జీర్ణాశ‌యానికి ఎక్కువ‌గా ర‌క్తం స‌ర‌ఫ‌రా అవుతుంది. అయితే తిన్న వెంటనే స్నానం చేస్తే అప్పుడు మ‌న శ‌రీర ఉష్ణోగ్ర‌త‌లో మార్పు వ‌స్తుంది. దీన్ని మెద‌డు వెంట‌నే గుర్తించి శరీర ఉష్ణోగ్ర‌త‌ను క్ర‌మ‌బ‌ద్దీక‌రించే ప‌నిలో ప‌డుతుంది. అప్పుడు ర‌క్తం మ‌న జీర్ణాశ‌యానికి కాక చ‌ర్మం వైపు స‌ర‌ఫ‌రా అవుతుంది. దీంతో జీర్ణ‌క్రియ‌కు ఆటంకం క‌లుగుతుంది.

ఒక వేళ మ‌నం తిన్నాక చ‌న్నీళ్ల స్నానం చేస్తే అప్పుడు ర‌క్త నాళాలు వెడ‌ల్పు అవుతాయి. దీంతో పెద్ద ఎత్తున ర‌క్త స‌ర‌ఫ‌రా జ‌రుగుతుంది. త‌ద్వారా శ‌రీర ఉష్ణోగ్ర‌త సాధార‌ణ స్థితికి చేరుకుంటుంది. అదే వేన్నీళ్ల స్నానం చేస్తే అప్పుడు చ‌ర్మంలో ఉన్న ర‌క్త నాళాలు పెద్ద‌విగా అయి అవి ఎక్కువ ఉష్ణాన్ని చ‌ర్మం ద్వారా బ‌య‌టికి పంపుతాయి. దీంతో శ‌రీరం సాధార‌ణ ఉష్ణోగ్ర‌త‌కు చేరుకుంటుంది.

ఈ ప్ర‌క్రియ ముగిసేంత వ‌ర‌కు జీర్ణాశ‌యానికి ర‌క్తం స‌రిగ్గా అంద‌దు. దీంతో తిన్న ఆహారం స‌రిగ్గా జీర్ణం కాక గ్యాస్‌, అసిడిటీ వంటి స‌మ‌స్య‌లు వ‌స్తాయి. అందుకే అలా స‌మ‌స్య‌లు రాకుండా ఉండ‌డం కోస‌మే తిన్న వెంట‌నే స్నానం చేయకూడ‌ద‌ని చెబుతారు. అలాగే తిన్న వెంటనే పండ్లు తినడం, వ్యాయామం చేయడం, ధూమపానం చేయడం, నిద్రపోవడం వంటివి కూడా మంచి అలవాట్లు కావు.

మనలో చాలామంది ఎక్కువగా నిద్రలేమితో బాధపడుతుంటారు. నిద్రలేమి అనే ఈ సమస్య క్రమేపి డిప్రెషన్ కి దారితీస్తుంది. ఎక్కువ ఒత్తిడికి గురవడం వల్ల నిద్రలేమి కలుగుతుంది అనేది మనకు తెలిసిందే.

కానీ ఒత్తిడి అనేది ఒక మనిషికి కలగడానికి చాలా కారణాలు ఉన్నాయి, అవి చూడడానికి చాలా చిన్నవిగా ఉన్న వాటి పర్యవసానం మాత్రం చాలా భారీగా ఉంటుంది. పిల్లల పరీక్షల యొక్క టెన్షన్, పని ఒత్తిడి, ఇంటి గొడవలు మొదలైనవి అన్ని మనలో ఈ సమస్యను పెంచుతాయి.

మనం ఆరోగ్యంగా ఉండాలి అంటే రోజులో కనీసం 8 గంటల నిద్ర తప్పనిసరి అని అందరికీ తెలిసిందే. కానీ ప్రస్తుత గందరగోళపు జీవనశైలి కారణంగా చాలామందికి నిద్ర కూడా పట్టని పరిస్థితి ఏర్పడింది. రాత్రిపూట నిద్ర లేకపోవడం వల్ల మరుసటి రోజంతా అలసటగా ఫీల్ అవుతాము. ఇది ఇలాగే కొనసాగితే క్రమేపి ఎన్నో ఆరోగ్య సమస్యలు కలుగుతాయి. ఈ సమస్యను కేవలం ఆరోగ్యకరమైన జీవనశైలి ద్వారానే మనం దూరం చేయగలుగుతాం. రోజు కంటినిండా నిద్రపోగలిగితే ఫ్రెష్ గా ,ఉత్సాహం గా ఉండడంతోపాటు మన శక్తి సామర్థ్యాలు పెరుగుతాయి. నిద్ర అనేది రోజు మొత్తం మనం పడిన అలసటను పోగొట్టి మన బాడీకి ఉపశమనాన్ని కలిగించే ఒక ప్రకృతి ప్రక్రియ.

నిపుణుల అధ్యాయనం ప్రకారం ఒక మనిషి నిద్రించే వ్యవధి అనేది అతని వయసును బట్టి ఆధారపడి ఉంటుంది. అప్పుడే పుట్టిన శిశువులు కనీసం రోజుకు 14 నుంచి 15 గంటల వరకు నిద్రపోవాలి. ఎదిగే పిల్లలు కు 12 నుంచి 14 గంటల వరకు నిద్ర చాలా అవసరం. అదే టీనేజర్లకు 10 నుంచి 12 గంటల విశ్రాంతి సరిపోగా, పెద్దల మాత్రం ఎనిమిది నుంచి పది గంటల వరకు నిద్రించడం అవసరం. అదే తిరిగి 60 ఏళ్లు దాటిన వాళ్ళు 6 నుంచి 7 గంటల వరకు నిద్రపోతే చాలు.

మన చుట్టూ ఎంత హడావిడి ఉన్నా, పనులను క్రమబద్ధీకరించుకొని సమయానికి తిని పడుకోవడం మన రోజువారి రొటీన్ లో భాగంగా మార్చుకోవాలి. రాత్రిపూట భోజనం చేసిన తరువాత కనీసం రెండు మూడు గంటల వ్యవధి ఇచ్చిన తరువాతే పడుకోవాలి. చాలామంది నిద్రలేమితో బాధపడుతున్నామని ప్రశాంతత లేదని కంప్లైంట్ చేస్తూ కనిపిస్తారు అలాంటివారు తమ బెడ్ రూమ్ నుంచి లాప్టాప్ లు ,టీవీలు ,మొబైల్ ఫోన్లు వంటివి తీసివేస్తే నిద్ర ఆటోమేటిక్గా అదే వస్తుంది.

అరటిపండు లో ఉన్న ఈ ప్రయోజనాల గురించి తెలిస్తే అసలు ఈ రోజు నుంచి మీరు అరటి పండుని తినడం మీ జీవనశైలిలో ఒక భాగంగా చేసుకుంటారు…. అవేమిటో తెలుసా…

చక్కని పసుపు రంగులో అందమైన ఆకారంలో నోరూరించే అరటి పండు అంటే ఎవరికి ఇష్టం ఉండదు. ఎన్నో రకాల పోషక విలువలకు, పీచు పదార్థానికి అరటిపండు పెట్టింది పేరు.కానీ ఈ అరటి పండ్ల లో ఎన్నో రంగులు ఎన్నో రకాలు ఉన్నాయని చాలామందికి తెలియదు.

పచ్చగా అందంగా ఉండే అరటిపండు మీద ఒక్క రవంత నల్లటి మచ్చలు వచ్చిన అవి తినడం హానికరమని చాలా మంది నమ్ముతారు.
మరి మచ్చలు ఉన్న అరటి పండు తింటే నిజంగానే ఏదైనా అవుతుందా…. తెలుసుకుందాం రండి.

సహజ పోషకాల నిలువైన అరటిపండు చాలా సులువుగా జీర్ణం అవుతాయి.అరటి పండ్లు మాగిన కొద్దీ వాటి మీద నల్లని లేదా గోధుమ రంగులో మచ్చలు ఏర్పడతాయి. అంతమాత్రాన అవి కుళ్ళయనో, తినడానికి పనికిరావు అన్నట్టు భావించకూడదు అని నిపుణుల అభిప్రాయం.

ఇంకో ముఖ్య విషయం ఏమిటంటే అరటిపండు మీద ఏర్పడే ఈ నల్లని మచ్చలు టీ ఎన్ ఎఫ్ ఫ్యాక్టర్ ని సూచిస్తాయి. అంటే ట్యూమర్ నికోసిన్ ఫ్యాక్టర్ అన్నమాట. ఇది మన రక్తంలోని క్యాన్సర్ కణాలు నియంత్రించడానికి వాటితో పోరాడడానికి తోడ్పడుతుంది.

బాగా మాగిన అరటిపళ్లలో ఎన్నో ఆక్సిడెంట్స్ ఉంటాయి. ఇది మన శరీరంలోని రోదనిరోధక శక్తిని పెంచడంతోపాటు ఎన్నో రకాల బ్యాక్టీరియాతో పోరాడేటటువంటి శక్తిని మనకు అందిస్తాయి.

అరటి పండ్లు జీర్ణక్రియను వేగవంతం చేయడమే కాక పేగులను శుభ్రంగా ఉంచడానికి కూడా సహాయం చేస్తాయి.అరటిపండు లో ఉండే పీచు పదార్థం వల్ల మలబద్ధకం కూడా చాలా వరకు తగ్గుతుంది. ఇవే కాక అరటిపండు వల్ల మన శరీరానికి పొటాషియం, విటమిన్ సి, విటమిన్ b6 ,మెగ్నీషియం తో పాటు మాంగనీస్, రాగి బయోటిన్ సమృద్ధిగా లభిస్తాయి. మరింకెందుకు ఆలస్యం రోజుకు ఒక అరటి పండు తిందాం మన ఆరోగ్యాన్ని కాపాడుకుందాం.

స్త్రీకి మాతృత్వం అనేది ఒక అద్భుతమైన వరం. ప్రసవం తర్వాత ప్రతి తల్లి తన పూర్వ రూపం రావడానికి ఆసక్తి చూపిస్తుంది. గర్భాధారణ సమయంలో బిడ్డ ఎదుగుదలకై అధిక ఆహారం తీసుకోవడం వల్లగాని, హార్మోన్లలో వచ్చే మార్పులు వల్లగాని బరువు పెరుగుతుంటారు. దీని వలన పొట్ట చుట్టూ పెరిగిన కొవ్వును తగ్గించుకోవడానికి నానా ఇబ్బందులు పడుతుంటారు.

పూర్వకాలంలో సహజ ప్రసవం వలన వచ్చే పొట్టకి నడికట్టు అని వస్త్రము చుట్టి పొట్ట కండరాలు బిగిసి యథాస్థానానికి తీసుకువచ్చేవారు. ఇప్పటి రోజుల్లో ఎక్కువ శాతం సిజేరియన్ డెలివరీ జరగడం వలన పొట్ట కండరాలు వదులుగా మారి యథాస్థానానికి రాలేకపోతుంది.

మరి ఇలా సాగిన పొట్టను తిరిగి మళ్ళీ యథాస్థానానికి తిరిగిరావాలి అంటే ఆహారంలో ఈ అద్భుతమైన చిట్కాలను పాటించండి.

#1. శొంఠి :

ఒక యాభై గ్రాముల శొంఠి చిన్న చిన్న ముక్కలుగా చేసుకొని, కొంచెం సువాసన వచ్చేవరకు చిన్న మంట మీద మందపాటి కళాయిలో వేపుకోవాలి. ఇలా వేపిన శొంఠిని చల్లబడిన తరవాత అరచెంచా రాళ్ల ఉప్పు వేసి మెత్తని పొడిగా చేసుకోవాలి. పావుచెంచా శొంఠి పొడిని మరియు ఒక చెంచా నెయ్యి ప్రతిరోజు  మధ్యాహ్నం భోజనం లో మొదటి ముద్దలో కలుపుకొని తీసుకోవాలి.

#2. మెంతులు :

ఒక లీటర్ నీటిలో 3 చెంచాల మెంతులను రాత్రి మొత్తం నానబెట్టి, మరుసటి రోజు వడగట్టుకోవాలి. ఆ మెంతుల నీటిని కొంచెం కొంచెంగా తాగుతుండాలి. ఈ మెంతులు నీటిలో ఉండే మంచి ఫైబర్ మీ శరీరంలోని చెడు కొలెస్ట్రాల్ను తొలగించి, పొట్ట దగ్గర కొవ్వు కరగడానికి సహకరిస్తుంది

#3. పసుపు కలిపి పాలు :

ఒక గ్లాసుడు పాలల్లో పావు చెంచా పసుపు కలుపుకొని రాత్రి నిద్రపోయే ముందు తీసుకోవాలి. ఈ పసుపు కలిపిన పాలను తీసుకోవడం ద్వారా శరీరంలోని టాక్సిన్స్ ను తొలగించి పొట్ట దగ్గర కొవ్వు కరగడానికి సహకరిస్తుంది.

#4. గోరువెచ్చని నీరు:

కాసి చల్లార్చిన గోరువెచ్చని నీటిని భోజనానికి అరగంట ముందు భోజనం అయిన అరగంట తర్వాత తీసుకోవడం ద్వారా మన శరీరంలోనే టాక్సిన్స్ పోయేలాగా చేస్తుంది.

#5. మర్దన :

నువ్వుల నూనెను గోరువెచ్చగా వేడి చేసుకుని, ఆ నూనెను  పొట్టపై మర్ధన చేసుకోవడం ద్వారా రక్త ప్రసరణ బాగా జరుగుతుంది. డెలివరీ తర్వాత సాగిన పొట్ట దగ్గర ఉన్న కొవ్వు కరుగుతుంది.

ఈ టిప్స్ పాటించండి ద్వారా మీ పొట్ట తిరిగి మునుపటి స్థితికి వస్తుంది.

మన ఆరోగ్యం బాగుండాలంటే మంచి ఆహారం తీసుకోవాలి అలానే ఎక్కువ నీళ్లు తాగుతూ ఉండాలి. వీటితో పాటుగా మంచి నిద్ర కూడా చాలా ముఖ్యం. నిజానికి చాలా మంది నిద్రను నిర్లక్ష్యం చేస్తారు కానీ అలా చేయడం మంచిది కాదు. నిద్ర బాగుంటే ఆరోగ్యం కూడా బాగుంటుంది. మంచి నిద్రను పొందితే ఆరోగ్యంగా ఉండొచ్చు.

కానీ చాలామంది మంచిగా నిద్రపోలేరు దీనివలన ఆరోగ్యం కూడా ప్రమాదంలో పడుతుంది. అయితే చాలామందికి సరిగా నిద్ర పోతున్నారా లేదా అనేది తెలియదు కానీ నిజానికి మీరు మంచి నిద్రని పొందుతున్నారా లేదా మంచిగా నిద్ర పోతున్నారా లేదా అనేది తెలుసుకోవాలి. ఈ లక్షణాలు కనుక ఉంటే ఖచ్చితంగా మీరు మంచిగా నిద్రపోతున్నట్లు అర్థం. మరి ఇలా మీరు మంచిగా నిద్ర పోతున్నారా లేదా అనేది తెలుసుకోండి.

#1. డీప్ గా నిద్రపోవడం:

మీరు డీప్ గా నిద్రపోతున్నట్లయితే మంచిగా నిద్ర పోతున్నట్లు అర్థం. ఇలా మంచిగా నిద్ర పోయినప్పుడు మజిల్స్ రిలాక్స్ అవుతాయి. హీలింగ్ ప్రాసెస్ జరుగుతుంది. ఆరోగ్యం బాగుంటుంది.

#2. మంచం ఎక్కిన ఐదు నిమిషాలకి నిద్రపోవడం:

మీరు నిద్ర పోవాలని కళ్ళు మూసుకున్న 5 నుండి 15 నిమిషాలకు నిద్ర వచ్చేస్తుంది. ఒకవేళ కనుక నిద్రపోవడానికి ప్రయత్నించినప్పటికీ గంట సేపటి వరకు నిద్ర పట్టట్లేదు అంటే నిద్ర లేమి సమస్య ఉన్నట్టు.

#3. నిద్ర లేవడానికి అలారం అక్కర్లేదు:

రెగ్యులర్ గా మీరు ఒకే సమయానికి నిద్రపోతూ ఒకే సమయానికి నిద్ర లేస్తున్నట్లయితే మంచిగా నిద్ర పోతున్నట్లు. పైగా అలారం పని కూడా అవసరం లేదు.

#4. మీ కలలను మీరు మర్చిపోతారు:

నిద్ర పోయినప్పుడు మీకు వచ్చే కలలు మీరు మర్చి పోతున్నట్లు అయితే మీరు మంచిగా నిద్రపోతున్నట్లు అర్థం.

#5. ఉదయాన్నే ఉత్సాహంగా నిద్రలేస్తారు:

మీరు నిద్ర పోయిన తర్వాత ఉదయాన్నే ఉత్సాహంగా చక్కగా నిద్ర లేస్తున్నట్లయితే మంచిగా నిద్ర పోతున్నట్లు అర్థం. ఒకవేళ కనుక ఉదయం లేస్తూ లేస్తూ బద్దకంగా ఉంది అంటే మీరు సరిగ్గా నిద్ర పొవట్లేదు.