Health Adda

నాకు తిరుగు లేదు అని విర్రవీగిన మనిషిని..కంటికి కనిపంచని వైరస్ కదలకుండా చేస్తోంది..” ఇంతకుముందు తనకు ఇష్టమున్నట్టు బతికిన మనిషిని తన ఇష్టాలకు దూరం చేసింది..కేవలం భౌతిక దూరం మాత్రమే మనకి కరోనా సోకకుండా చేస్తుందని ,దానితో పాటు వ్యక్తిగత శుభ్రత ముఖ్యమని ముందు నుండి చెప్పుకుంటున్నాం..అందుకే ఈ లాక్ డౌన్ .. దాంతో పాటు మన రోగనిరోధక వ్యవస్థ పటిష్టంగా ఉంటే కరోనా బారి నుండి మనల్ని మనం కాపాడుకోవచ్చు అనే మాట కూడా వింటున్నాం.

ప్రస్తుతం కరోనా ప్రపంచాన్ని వణికిస్తుంది. అగ్రరాజ్యమైన అమెరికా సైతం ఏమి చేయలేని పరిస్థితి నెలకొంది. ప్రపంచంలో కరోనా పాజిటివ్ కేసుల సంఖ్య కోటి దాటగా.. 5,01,480 ఈ వ్యాధి బారిన పడి మృతి చెందారు. ఈ సంఖ్య రోజురోజుకి పెరుగుతుండడంతో ప్రజలు ఆందోళన చెందుతున్నారు. ప్రస్తుతం మన భారత దేశంలో 5 లక్షలకు పైగా కరోనా పాజిటివ్ కేసులు ఉన్నాయి. 15 వేల మందికి పైగా మరణించారు.

ఇది ఇలా ఉండగా…కరోనా లక్షణాల్లో తాజాగా మరో మూడు గుర్తించారు వైద్య నిపుణులు. వికారం లేదా వాంతులు, డయేరియా, ముక్కు కారడం కూడా కరోనా లక్షణాలే అని తేల్చారు. కరోనా లక్షణాలు వైరస్ సోకిన రెండు నుండి పద్నాలుగు రోజుల్లో కనిపిస్తాయని అంటున్నారు వైద్య నిపుణులు.

కరోనా లక్షణాలు..

• ఫీవర్
• వణుకు
• దగ్గు
• శ్వాస తీసుకోవడంలో ఇబ్బందులు
• అలసట
• ఒళ్లు నొప్పులు
• తలనొప్పి
• రుచి చూడలేకపోవడం, వాసన పసిగట్టలేకపోవడం
• గొంతునొప్పి
• ముక్కు దిబ్బడ
• వాంతులు
• డయేరియా

Also Read >> శరీరంలో రోగ నిరోధక శక్తిని పెంచే ఆహార పదార్థాలు ఇవే >>Click Here

కరోనా పూర్తిగా తగ్గడానికి చాలా సమయం పడుతుంది. కానీ అప్పటివరకూ అందరం ఇలానే పనులు ఆపుకొని కూర్చుంటే కష్టం కాబట్టి ప్రపంచవ్యాప్తంగా పలు శాస్త్రవేత్తలు కరోనా కి మందు కనుక్కునే పనిలో ఉన్నారు. ఇప్పటికే ప్రపంచానికి ఎంతో నష్టం అయ్యేలా చేసిన కరోనా ఇంకా ముందు ముందు ఎలా ఉండబోతోందో ఊహకు కూడా అందడం లేదు. కాబట్టి ఎంత తొందరగా వీలైతే అంత తొందరగా కరోనా కి వ్యాక్సిన్ కనుక్కోవడానికి పగలు రాత్రి తేడా లేకుండా శాస్త్రవేత్తలు కష్టపడుతున్నారు.

వరల్డ్ హెల్త్ ఆర్గనైజేషన్ ప్రకారం ప్రపంచ వ్యాప్తంగా 120 పరిశోధనలు జరిగితే వాటిలో డిసెంబర్ నాటికి ఖచ్చితంగా 7 వ్యాక్సిన్లు తయారవుతాయి. తమిళనాడులోని తాంబరం లో ఉన్న సిద్ధ ఇన్స్టిట్యూట్ కి చెందిన డాక్టర్లు తాము ఇప్పటికే కరోనా కి మందు కనిపెట్టేశాం అని చెబుతున్నారు. కబసుర కుడినీర్ అనే ఆయుర్వేద మూలికల తో తయారు చేసిన కషాయం కరోనా కి మందు గా వాడొచ్చు అని చెబుతున్నారు.

ఈ కషాయాన్ని వైరల్ ఫీవర్ లకు మందుగా వాడతారు దీన్ని ఐదు రోజులు వరుసగా తాగితే కరోనా పాజిటివ్ వచ్చిన రోగులకు తర్వాత టెస్ట్ చేసినప్పుడు నెగిటివ్ అని తేలింది. దాంతో కరోనా కి ఇది ఖచ్చితంగా విరుగుడు మందు అని సిద్ధ ఇన్స్టిట్యూట్ డాక్టర్లు ఎంతో నమ్మకంతో చెబుతున్నారు. ఈ కషాయం ఇప్పటికే రెండు దశల పరీక్షలు పూర్తి చేసుకుంది. మూడో దశ పరీక్ష కూడా పూర్తి చేసుకున్న తర్వాత ఐసీఎంఆర్ అనుమతితో ఈ కషాయాన్ని భారత దేశ వ్యాప్తంగా పరిచయం చేయొచ్చు అని డాక్టర్లు అంటున్నారు.

ఈ పరిశోధన డిసెంబర్లోనే మొదలైందట. చైనాలో కరోనా వచ్చింది అని తేలినప్పుడే సిద్ధ డాక్టర్లు వైరస్ లక్షణాలు ఏంటో తెలుసుకుని భారతీయ మూలికలను ఎంచుకొని వాటితో నయం చేయొచ్చా అన్న దానిపై పరిశోధనలు మొదలుపెట్టారు. ముందు ఆ మూలికలతో చూర్ణం తయారు చేశారు.

ఆయుర్వేదం కాబట్టి ఎలాగో సైడ్ ఎఫెక్ట్స్ ఉండవు దాంతో ఏప్రిల్ 1 రోజు పాజిటివ్ వచ్చిన కరోనా పేషెంట్లను రెండు గ్రూపులుగా విడదీసి ఐదు రోజుల పాటు ఈ చూర్ణాన్ని ఇచ్చారు. ఆరవ రోజు ఆ పేషెంట్లకు నెగిటివ్ వచ్చింది. తర్వాత కూడా వారిలో కరోనా లక్షణాలు కనిపించలేదు. దాంతో ఈ మందును ఐదు రోజులు వరుసగా తీసుకుంటే కరోనా బెడద తప్పుతుంది అని డాక్టర్లు నిర్ధారించారు.

ఈ చూర్ణాన్ని నీళ్లలో కలిపి ఉడికిస్తే కషాయం తయారవుతుంది. తిరుపత్తూర్ జిల్లాలోని అగ్రహారం లో ఉన్న క్వారంటైన్ కేంద్రంలో 42 మంది కరోనా పాజిటివ్ ఉన్న వ్యక్తులకు ఈ కషాయాన్ని ఇచ్చారు. పేషెంట్లకు ఆహారం కూడా క్వారంటైన్ కేంద్రంలో డాక్టర్ల పర్యవేక్షణలో తయారుచేసింది మాత్రమే ఇచ్చారు. ఈ కషాయాన్నిభోజనం అయిన తర్వాత పేషెంట్లందరికీ ఇచ్చేవాళ్ళు. పెద్దలకు 60 ఎంఎల్, పిల్లలకు 15 ఎంఎల్ ఇచ్చారు. ఇలా 14 రోజులు వరుసగా ఆ కషాయాన్ని పేషంట్ల చేత తాగించారు. 70 ఏళ్ళు ఉన్న పేషెంట్లకు చూర్ణాన్ని ఇచ్చారు.

ఒక 5 ఏళ్ల బాలుడికి ఈ కషాయం తీసుకున్న తర్వాత పొడి దగ్గు వచ్చింది దాంతో అతన్ని ఇంటికి పంపించేశారు. కషాయం తీసుకున్న వెంటనే పదిమంది పేషెంట్లకు అలసట తగ్గింది. ముందు ఈ కషాయాన్ని నేరుగా సోకిన పేషెంట్లకి ఇచ్చారు. తర్వాత కాంటాక్ట్ ద్వారా సోకిన పేషెంట్లకు ఇచ్చారు.

రెండు గ్రూపుల పేషెంట్లకి కషాయం తాగిన ఐదు రోజుల్లోనే ప్రభావం చూపి రిపోర్ట్ నెగిటివ్ వచ్చింది. తర్వాత 42 మందికి ఒకేసారి కరోనా టెస్ట్ చేశారు మళ్లీ నెగిటివే వచ్చింది. తర్వాత వాళ్లందరినీ 14 రోజులు క్వారంటైన్ పీరియడ్ లో ఉంచారు. తర్వాత వారిలో వ్యాధి లక్షణాలు ఏమీ కనిపించలేదు.

మూడోసారీ టెస్ట్ లో సక్సెస్ అయితే కరోనా మందుగా గుర్తింపు:

ఒక నెల తర్వాత కబాసుర కుడినీర్ కి మూడో దశ పరీక్ష ఉంటుంది. ఒకవేళ ఇది అప్రూవ్ అవుతే దీన్ని ప్రజల్లోకి తీసుకు రావడానికి వ్యాక్సిన్ తయారు చేసే సమయం కంటే తక్కువ సమయం పడుతుందట. ఎటువంటి రోగాన్ని అయినా నయం చేసే శక్తి ఆయుర్వేదానికి ఉంది అంటారు. ఒకవేళ ఈ ఔషధం మూడో టెస్ట్లో కూడా పాస్ అవుతే కషాయానికి అధికారికంగా గుర్తింపు లభించడంతో పాటు ఆయుర్వేదానికి దేశవ్యాప్తంగానే కాకుండా ప్రపంచ వ్యాప్తంగా ప్రజాదరణ దక్కుతుంది.

కరోనా వైరస్ కారణంగా ప్రపంచ దేశాలన్నీ కూడా తీవ్ర ఇబ్బందులను ఎదుర్కుంటున్న విషయం తెలిసిందే.మూడు నెలల నుండి దాదాపు అన్ని దేశాలు లాక్ డౌన్ లో ఉండిపోయాయి.కాగా ఇటీవల కాలంలో కొన్ని లాక్ డౌన్ రూల్స్ సడలించినప్పటికీ చాలా ప్రాంతాలలో లాక్ డౌన్ కొనసాగుతుంది.అయితే విస్తృతంగా వ్యాప్తి చెందుతున్న కరోనా వైరస్ పై వరల్డ్ హెల్త్ ఆర్గనైజషన్ జనరల్ అధనామ్ ఆందోళన వ్యక్తం చేసారు.వివరాల్లోకి వెళ్తే ..

ప్రపంచ వ్యాప్తంగా గురువారం ఒక్కరోజే 1 ,40 ,000 పైగా కరోనా కేసులు నమోదు అయ్యాయి.కాగా అందులో ఎక్కువ కేసులు అమెరికా లోనే నమోదు అయ్యాయి.అయితే కరోనా  ఇంతలా విస్తృతంగా వ్యాపించడంతో వరల్డ్ హెల్త్ ఆర్గనైజషన్ జనరల్ టెడ్రోస్ అధనామ్ గేబ్రియేసన్ ఆందోళన వ్యక్తం చేసారు. ఇప్పటికే ప్రపంచవ్యాప్తంగా 85 లక్షల కరోనా కేసులు నమోదు కాగా సుమారు 4 లక్షలకు పైగా మరణించారు.

వరల్డ్ హెల్త్ ఆర్గనైజషన్ ప్రధాన కార్యాలయం నుండి అధనామ్ మాట్లాడుతూ “కరోనా వైరస్ కి వాక్సిన్ కనిపెట్టడం చాలా కష్టమే కానీ, అసాధ్యం మాత్రం కాదు అని అన్నారు.అయితే వాక్సిన్ కనిపెట్టడానికి ఇంకా చాలా సమయం పడుతుంది అని అధనామ్ అన్నారు.అధికారులందరూ కరోనా వైరస్ గురించి అప్రమత్తంగా ఉండాలని, సరైన నియమాలను పాటిస్తూ కరోనా వ్యాప్తి ని అరికట్టాలని అధనామ్ అన్నారు.లాక్ డౌన్ వలన ప్రజలు విసుగెత్తిపోయారని….దీంతో కరోనా మరింత విజృంభిస్తుంది అని… ప్రపంచం ఇప్పుడు ప్రమాదకర దశలోకి అడుగుపెడుతోందని ఆయన హెచ్చరించారు.

ఆరోగ్యమే మహభాగ్యం అని పెద్దలు ఎందుకన్నారో ఇప్పుడు అందరికి స్ఫష్టంగా అర్దమవుతోంది.. కరోనా వైరస్ వ్యాప్తి చెందుతున్న నేపధ్యంలో అందరికి ఆరోగ్యం పట్ల శ్రద్ద పెరిగింది.. ఇప్పటివరకు చదువులు, కెరీర్, డబ్బు అంటూ పరుగులుపెట్టినవారందరూ కూడా ఇప్పుడు ఆరోగ్యం అంటూ వెంటపడుతున్నారు.. వ్యక్తిగత శుభ్రతతో పాటు, ఆహారం పట్ల కూడా చాలా శ్రద్ద వహిస్తున్నారు..

కరోనా సోకకుండా ఉండాలంటే శుభ్రతతో పాటు, రోగ నిరోధక శక్తి ముఖ్యం..మనకు ఇమ్యునిటి పవర్ మనం తీసుకునే ఆహారం మూలంగానే పెరుగుతుంది..పూడ్ తింటే ఇమ్యునిటి పవర్ పెరుగుతుంది నిజమే..కానీ ఏ ఆహారం తీసుకోవాలి..ఏది తీసుకోకూడదు అనేది ముఖ్యం..కరోనా ఉదృతి తగ్గేవరకు ఏ ఏ ఆహారపదార్దాలు తీస్కోకూడదో తెలుసుకుని దాన్ని బట్టి మీ రెగ్యులర్ డైట్ ఫాలో కండి.

• అసిడిక్ డైట్స్ తినకూడదు.. అసిడిక్ డైట్స్ అంటే హై ప్రొటీన్ ఫూడ్. సీడ్స్ చనా, రాజ్మా ఇలాంటివి తినకూడదు..
• పాలపదార్దాలకు దూరంగా ఉండాలి..పాలు,పెరుగు,వెన్న తీసుకోకుడదు..నెయ్యి వాడొచ్చు..పాలు, టీ బదులు గ్రీన్ టీ తీసుకోవచ్చు.
• నాన్ వెజ్ ఎక్కువగా తినకూడదు..
• ఆల్కహాల్ కి దూరంగా ఉండాలి.

ఇవన్నీ హై ప్రొటీన్ ఫూడ్.. వీటన్నింటి వలన మన బ్లడ్ అసిడిక్ అవుతుంది..దీని వలన ఆక్సిజనేషన్ సరిగ్గా జరగక బ్లడ్ లో కార్బన్ డయాక్సైడ్ ఉండిపోయి ఇబ్బంది అవుతుంది..బ్లడ్ అసిడిక్ అయినప్పుడు కరోనా అటాక్ అయితే పరిస్థితి సీరియస్ అయ్యే అవకాశం ఉంది..మరింత సమాచారం కోసం కింది వీడియో చూడండి.

దేశంలో రోజురోజుకి కేసులు పెరిగిపోతున్నాయి..జూన్ లో పరిస్థితి మరింత దారుణంగా ఉండబోతుందని హెచ్చిరస్తున్నారు నిఫుణులు..దీనికి లాక్ డౌన్ సడలించడమే ప్రధాన కారణంగా చెప్తున్నారు. మన దగ్గర ఆర్ధిక పరంగా నష్టపోతున్నామని, ఇతరత్ర కారణాలు చెప్తూ ప్రభుత్వాలు లాక్ డౌన్ సడలించాయి..కానీ ఇప్పుడు నిఫుణుల హెచ్చరికల ను బట్టి పరిస్థితి ఎలా ఉండబోతుందో ఊహించడానికే కష్టంగా ఉంది..

ప్రపంచ దేశాల్లో లాక్ డౌన్ సడలించగానే కేసులు పెరిగిన విషయం విదితమే..చైనాలోని వూహాన్ నగరం మూడు నెలల పాటు పూర్తి లాక్ డౌన్లో ఉండి, కరోనాని కట్టడి చేసాం అనుకొంది..కానీ కొత్త కేసులు నమోదవుతూనే ఉన్నాయి..ఒక్క చైనా ఏమిటి..ఇరాన్ , దక్షిణ కొరియా, బ్రిటన్, స్పెయిన్ ఇలా అనేక దేశాలు ..కరోనా వ్యాపించకుండా లాక్ డౌన్ ప్రకటించుకుని..కేసులు తగ్గుముఖం పట్టేసరికి లాక్ డౌన్ సడలించాయి.. తీరా చూస్తే కేసులు సంఖ్య పెరుగుతూ వచ్చింది. ఇరాన్, బ్రిటన్ , స్పెయిన్ దేశాలు రెండోసారి కరోనా అటాక్ కి గురి కానున్నాయి.

ఇదిలా ఉండగా , మన దేశంలో ఆర్దిక పరమైన నష్టాలు సంభవిస్తున్నాయని లాక్ డౌన్లో సడలింపులు చేశారు..రెండు నెలల పాటు లాక్ డౌన్ పాటించినప్పటికి, రోజురోజుకి కేసుల సంఖ్య విపరీతంగా పెరిగిపోతుంది..ఇదే పరిస్థితి కంటిన్యూ అయితే జూన్లో పరిస్థితి మరింత దిగజారే అవకాశం ఉందని అంటున్నారు అంటువ్యాధి నిఫుణులు తన్మయ్..ఈయన బీహార్ లో కేర్ ఇండియా సంస్థకి నాయకులుగా వ్యవహరిస్తున్నారు.

లాక్ డౌన్లో సడలింపులు ఇవ్వగానే ప్రజలు విపరీతంగా ప్రయాణాలు చేస్తున్నారని, సడలింపులకు అర్దం అది కాదని.. అత్యవసరం అయితే తప్ప బయటకి రావద్దంటున్నారు..ప్రస్తుతం పెరుగుతున్న కేసుల సంఖ్య చూస్తుంటే ఇది జూన్లో గననీయంగా పెరగొచ్చని..జూలై వచ్చేసరికి పరిస్థితి పూర్తిగా చేయిదాటిపోవచ్చని హెచ్చరిస్తున్నారు..భారత్ ని పూర్తి లాక్ డౌన్ లో ఉంచడం అనేది అసాధ్యం,కాబట్టి ప్రజలే వారికి వారుగా జాగ్రత్తలు పాటించాల్సిన అవసరం ఉందని అన్నారు.