Human angle

అమ్మా..! ఎలా ఉన్నావ్.. నువ్వు పక్కన ఉన్నంత వరకు నేను బాగానే ఉన్నాను అమ్మా.. నిన్ను వదిలి ఇక్కడకి వచ్చిన తరువాతే నువ్వు నాకోసం ఎన్ని త్యాగాలు చేసేదానివో తెలిసొచ్చింది అమ్మా.. నీ దగ్గర ఉన్నంత వరకు తెలియరాలేదు.

నా అందమైన కలల ప్రపంచం లో బతికేసాను.. నాకోసం రెక్కల గుర్రం పై వచ్చే రాకుమారుడి కోసం ఎదురుచూస్తూ ఉన్నాను.. నా జీవితమంతా అతనితో గడపాలని, నవ్విస్తే నవ్వాలని తాపత్రయపడ్డాను..

కానీ వాస్తవాలు కఠినం గా ఉంటాయని తెలుసుకోలేకపోయాను. పెళ్లి చేసుకుని వచ్చిన తరువాత, ఓ కుటుంబాన్ని నిర్వహించడం వెనక ఇంత కష్టం ఉంటుందని తెలుసుకున్నాను. ఒక్కసారిగా మారిపోయిన పరిస్థితులు నన్ను గందరగోళానికి గురి చేస్తున్నా, నేను స్థిరంగా ఎలా ఉంటున్నానో తెలుసా అమ్మా? నిన్ను చూసే నేను ఇలా ఉండగలుగుతున్నాను. నీకు గుర్తుందా అమ్మా, నేను రోజు పొద్దున్నే ఎన్నింటికి నిద్ర లేస్తానో. అది కూడా నువ్వు నన్ను బుజ్జగించి లేపేదానివి. లేవగానే నా చేతిలో కాఫీ ప్రత్యక్షం అయ్యేది. నేను స్నానం చేసేసరికి ప్లేట్ లో టిఫిన్ పెట్టేదానివి.. ఆడుతూ పాడుతూ గడిపేసే నేను పెళ్లి అయ్యాక కొత్త పాఠాలు నేర్చుకుంటున్నా అమ్మా. నువ్వు ఎన్ని సార్లు నాకు చెప్పినా అర్ధం కాలేదు.. అత్తారిల్లు అయితే మాత్రం ఏంటి లే అనుకునేదాన్ని.

కానీ ఇక్కడ, అందరికంటే నేనే ముందు లేవాలి. అందరిని నేనే బుజ్జగించాలి. అందరికి కావాల్సినవి నేనే చూడాలి. అందరు నా పైనే ఆధారపడి ఉంటారు. ఎవరికి ఏమి తినాలని ఉన్నా అది నేనే వండిపెట్టాలి.. నాకోసం కూడా నేనే చూసుకోవాలి. అందరిని నేనే పట్టించుకుంటూ ఉంటె, చిన్నపుడు నన్ను కూడా ఇలానే లాలించిన నువ్వు గుర్తుకొస్తున్నావు అమ్మా.. అత్తారింట్లో అన్ని ఉంటాయి కదా అనుకున్నాను. కానీ అమ్మ ఉండదు అన్న సంగతి ఇప్పుడే తెలిసొస్తోంది అమ్మా.

నీకో విషయం తెలుసా.. నాకు చాలా సార్లు ఇక్కడ ఉండాలనిపించదు. నీ దగ్గరకి వచ్చేసి నీ వొళ్ళో తల పెట్టుకుని పడుకోవాలనిపిస్తుంది. నీ చేత నాకు నచ్చినవి వండించుకుని తినాలనిపిస్తుంది. కానీ, ఆలోచిస్తే, ఒకప్పుడు నువ్వు కూడా నాలాగే అత్తారింటికి వచ్చి ఉంటావ్ కదా. నువ్వు ఎన్ని త్యాగాలు చేస్తే, మమ్మల్ని పెంచగలిగావు. ఎన్ని బాధ్యతలు మోస్తే మేము ఇంతవాళ్ళం అవ్వగలిగాం. నేను నిన్నే స్ఫూర్తి గా తీసుకుంటాను. నీలా బాధ్యతలు పంచుకుంటాను.

ఎప్పుడు కూడా మనం సహజంగా సమాజంలో కుల, మత జాతి వంటి వాటికి సంబంధించి వివక్షను చూస్తూ ఉంటాం. ఇలాంటి వాటి వలన చాలా ఇబ్బందులు పడుతూ వుంటారు.

ఎవరో ఒకరు ఇలాంటి వాటి వలన ఇబ్బంది పడతారు. అయితే ఇలాంటి వివక్షను మీరు చూడటం కాదు కదా విని, ఊహించి ఉండరు. ప్రపంచంలో ఎక్కడైనా రూపం బాలేదని వెలివేసే వివక్షను ఎక్కడైనా ఉంటుందా…? అయితే అసలేం జరిగిందనేది చూస్తే.. ఒక మనిషి రూపం బాలేదని అక్కడి ప్రజలు వెలివేశారు. దాంతో అతను సమాజంలో నివసించలేక అడవిలోకి వెళ్ళిపోయాడు.

కానీ ఇతనికి ఓ ఛానల్ అండగా నిలిచింది. దాంతో అతను తిరిగి వచ్చేసాడు. ఇది జరగడం వల్ల ఇప్పుడు ఒక రీయల్ హీరోగా నిలుస్తున్నాడు మరియు దీనిని చాలా మంది ఆదర్శంగా తీసుకుంటున్నారు. రువాండాకు చెందిన జాంజిమాన్‌ ఎల్లీకు ఈ సమస్య ఎదురైంది. ఇతన్నే మోగ్లీ అని కూడా పిలుస్తారు. ఇతని వయస్సు 22 ఏళ్ళు.

ఇతన్ని అందరూ అసహ్యించుకోవడం వలన అడవికి వెళ్ళిపోయాడు. ఇతనికి అరుదైన వ్యాధి ఉండడంతో రూపం అసాధారణంగా ఉంటుంది. ఈ వ్యాధి పేరు మైక్రో సెఫాలీ. ఈ వ్యాధి సంభవించిన వారి తల చాలా తక్కువ పరిమాణంలో ఉంటుంది. దాంతో అతను నివసించే గ్రామం లో ప్రజలందరూ మోగ్లీని వెలివేశారు.

ఈ వ్యాధి వల్ల గ్రామంలో ఉండే ప్రజలు ఇతన్ని అసహ్యించుకుంటారు. రూపంతో పాటు ఇతనికి వినిపించదు మరియు మాట్లాడలేడు. జాజి మాన్ గురించి తెలుసుకున్న తర్వాత అఫ్రిమాక్స్‌ అనే టీవీ ఛానల్ ఇతనికి సాయం చేయడానికి ప్రచారం చేసింది. దానికోసం గో ఫండ్ అనే వెబ్ సైట్ ద్వారా సహాయం చేయడం ప్రారంభించారు.

ఈ ఛానల్ సహాయంతో జాజి మాన్ తన ప్రదేశానికి వెళ్లి తిరిగి సాధారణంగా జీవిస్తున్నాడు. స్కూల్‌ యూనిఫాంతో జాజిమాన్‌ ఎల్లీ ఇచ్చిన ఫోజులు ఇప్పుడు సోషల్‌ మీడియాలో వైరల్‌ అవుతున్నాయి. ఇది ఇలా ఉంటే అతని తల్లి ఒకప్పుడు అంతా అతడ్ని చూసి నవ్వేవారు కానీ మా జీవితమంతా ఇప్పుడు మారిపోయింది అని అన్నారు. స్కూల్ కి వెళ్తున్నాడని ఆమె తన ఆనందాన్ని పంచుకున్నారు.

మన పురాణాల్లో భార్య భర్త ల బంధానికి విలువను ఇచ్చే కధలు అనేకం ఉన్నాయి. ఓ స్త్రీ వివాహిత అయిన తరువాత ఆమెను తల్లి లా గౌరవించాలని ఈ కధలు నీతిని బోధిస్తున్నాయి. ఒకసారి వివాహం అయిన స్త్రీ పై కామం, మోహం తగదు. ఇది మన భారతీయ వివాహ వ్యవస్థలోని సంప్రదాయం. అయితే, ప్రస్తుతం రోజులు చాలా మారి వావి వరుసలను మరిచి అక్రమ సంబంధాలు పెట్టుకుంటున్నారు. ఓ వివాహిత స్త్రీ ఎంత పునీతం గా ఉండాలో వివరించే కథ ఒకటి తెలుసుకుందాం.

ఓ రోజు.. ఒక రాజు వేటకు వెళ్లి మధ్యలో అలసి పోయాడు. ఆ అడవి దారికి దగ్గరిగా ఉన్న ఓ గ్రామానికి చేరుకున్నాడు. ఆ గ్రామం లో ఓ ఇంటి ముందు ఆగాడు. ఆ ఇంట్లో ఓ స్త్రీ తన భర్త కు భోజనం వడ్డించడాన్ని చూసాడు. ఆమె చాలా అందం గా ఉంది. ఆమె అందాన్ని చూసి.. అంతటి రాజే స్థాణువైపోయాడు. ఆమె భర్త భోజనం చేసి అక్కడ నుంచి వెళ్ళిపోయాడు. ఆమె కూడా తలుపులు మూసేసి లోపలకి వెళ్ళబోతున్న సమయం లో రాజు అక్కడకు వెళ్లి ఆ ఇంటి తలుపు కొట్టాడు.

ఆమె తలుపు తీసి ఎవరు అని ప్రశ్నించగా.. ఆ రాజు లోపలకి వచ్చి కూర్చుని తనను తానూ పరిచయం చేసుకున్నాడు. తాను ఈ రాజ్యానికి రాజునని చెప్పి.. నీవు ఎంతో అందం గా ఉన్నావు. నిన్ను పెళ్లి చేసుకోవాలనుకుంటున్నాను అని చెప్పాడు. దీనితో ఆమె ఆశ్చర్యపోయింది. తనకు మునుపే పెళ్లి అయినదని వారించింది. అయినా.. ఆ రాజు వినలేదు. దీనితో ఆమెకు పాలుపోలేదు. ఎదురు గా ఉన్నది మహారాజు. ఏమైనా తేడా వస్తే.. పరిస్థితి ఎలా ఉంటుందో అన్న భయం కలిగింది ఆమెకు. ఆమె ఎంతో గుణవంతురాలు..మరియు సంస్కారం కల అమ్మాయి.

వెంటనే, రాజా.. మీరు ముందు భోజనం చేయండి. చాలా దూరం నుంచి వచ్చి అలసి పోయి ఉంటారు అంటూ.. తన భర్త భోజనం చేసిన ఎంగిలి ఆకు వైపు చూపించింది. అది చూసి మహారాజు కు కోపం వచ్చింది. నీ భర్త భోజనం చేసిన ఎంగిలి ఆకులో నేను భోజనం చేయాలా అంటూ ఆగ్రహించాడు.

అప్పుడు ఆమె” రాజా.. శాంతించండి. నా భర్త భోజనం చేసిన ఆకులో భోజనం చేయడానికి అడ్డు వచ్చిన ఎంగిలి ఇది వరకే పెళ్లి అయి ఒకరి సొంతం అయిపోయినన్ను నన్ను మళ్ళీ పెళ్లి చేసుకోవడానికి అడ్డు రాలేదా? అని ప్రశ్నించింది. దీనితో, రాజుకు విషయం బోధపడింది. వెంటనే, అక్కడనుంచి లేచి ఆమెకు నమస్కరించి అక్కడ నుంచి వెళ్ళిపోయాడు. పరాయి స్త్రీని ఎప్పుడు చెడు దృష్టితో చూడకూడదని మన పెద్దలు మనకు చెబుతూ వస్తున్నారు.

భారతదేశం చాలా అభవృద్ధి చెందింది. చుట్టూ ఉన్న పరిసరాలు, వస్తువుల వాడకాలు అన్ని చాలా మారాయి. మనుషుల ఆహారపు అలవాట్లు, జీవన శైలి అన్ని మారాయి. కాని కొన్ని విషయాలు మాత్రం ఇప్పటికి కూడా అలాగే ఉన్నాయి.

అందులో ఒకటి వేరే వారికి గౌరవం ఇవ్వటం. గౌరవం అంటే ఎదుటివారిని మీరు, గారు అని పిలవడం కాదు వారి వ్యక్తిత్వాన్ని గౌరవించడం.

చాలా మంది అలా గౌరవించకపోయినా కూడా సర్దుకుపోతున్నారు. కొంత మంది మాత్రం ఇలాంటి విషయాలను పొరపాటు అయితే పొరపాటు అని చెప్తున్నారు. ఇప్పుడు ఇదే విషయంపై ఒక యువతి తన సమస్యని మనతో పంచుకొని, దానికి పరిష్కారం ఇవ్వమని అడిగారు. ఆ సమస్య ఏంటో ఆ యువతి మాటల్లోనే విందాం.

“నా పేరు విద్య. నేను ఒక ప్రైవేట్ కంపెనీలో ఉద్యోగం చేస్తున్నాను. నేను చిన్నప్పటి నుంచి కూడా కొంచెం బొద్దుగా ఉండేదాన్ని. ఎంత ప్రయత్నించినా, ఎన్ని ఎక్సర్సైజ్ లు చేసినా సరే నేను లావు తగ్గలేదు. డాక్టర్ ని సంప్రదిస్తే నా శరీరతత్వమే అంత అని చెప్పారు. కొద్ది రోజులకి మా ఇంట్లో వాళ్ళు నాకు ఒక సంబంధాన్ని తీసుకొచ్చారు. అతనితో మాట్లాడాను. నాకు నచ్చాడు.

నేను కూడా అతనికి నచ్చానని చెప్పాడు. దాంతో నన్ను నన్నుగా ఇష్టపడే వాళ్ళు దొరికారు అని నేను చాలా ఆనందించాను. మాకు కొద్ది రోజులకి నిశ్చితార్థం చేశారు. నిశ్చితార్థం జరిగిన తర్వాత నుంచి అతనిలో మార్పు మొదలవడం నేను గమనించాను. నాతో సరిగా మాట్లాడే వాడు కాదు. ఒకవేళ మాట్లాడినా కూడా మధ్య మధ్యలో నా గురించి ఏదో ఒకటి అని వెక్కిరిస్తూ ఉండేవాడు.

ఒకసారి వాళ్ళ ఫ్రెండ్స్ అందరికీ నన్ను పరిచయం చేద్దామని తీసుకెళ్ళాడు. అక్కడ కూడా ఊరికే నా శరీరాకృతి గురించి వెక్కిరిస్తూ మాట్లాడాడు. నేను “ఏంటిది?” అని అడిగితే “ఇదంతా జోక్. సరదాగా అంటున్నాను. సీరియస్ తీసుకోకు” అని చెప్పాడు. కానీ ప్రతిసారీ ఇలాగే నేను లావుగా ఉన్నాను అంటూ ఎగతాళి చేస్తూ ఉంటాడు.

నాకు ఇలాంటి వాడితో ఉండాలి అని లేదు. కానీ నా తల్లిదండ్రులకు ఈ విషయం ఎలా చెప్పాలో అని భయమేస్తోంది. నేను ఏం తప్పు చేశాను? నేను ఇలా లావుగా ఉండడంలో నేను చేసిన తప్పు ఏముంది? ఇలా నన్ను అసలు గౌరవించని వ్యక్తితో జీవితం పంచుకోవడం నాకు అవసరమా? ఈ సమస్యకు పరిష్కారం తెలపండి.

NOTE: images used in this article are just for representative purpose. But not the actual characters.

మేం కూడా అమ్మలమయ్యామే కానీ ప్రెగ్నేన్సీ ని ఇలా ఎంజాయ్ చేయలేదు అని ఒకరు ….అబ్బో ఆమె ఇప్పుడు అమ్మ అయింది బాబూ.. పిల్లలే లోకం మనమెక్కడ గుర్తుంటాం.. అని నా ఫ్రెండ్ నాతో అన్నమాటలు ఇప్పటికి గుర్తొస్తాయి…అవును బిడ్డ కడుపులో పడిన క్షణం నుండి వాడిని నా చేతిలోకి చేరిన క్షణం వరకు ఎంతో అపురూపం.

నా గుండెలో ఆ జ్ఞాపకాలు ఒకవేళ నేను చనిపోయినా పోవేమో… అంత భద్రం….రోజు రోజుకి బేబీ గ్రోత్ ఎలా ఉంటుంది అని ఇంటర్నెట్ లో తెలుసుకోవడం….ఆంటీ, ఈరోజు లోపల నా చింతల్లికి కాళ్ళు, చేతులు పెరిగాయి… ఈ రోజూ టోటల్ బాడీ పార్ట్స్… ఈ వారంలో హెయిర్ పెరుగుతుంది …ఈ రోజు బయట సౌండ్స్ వింటాడట… నిజమే ఆ రోజే మేం సినిమా కి వెళ్లడం…లోపల వాడు గిర గిరా తిరగడం …ఒహ్హొ..

Mother’s Day 2020 Images in Telugu

రోజూ ఉదయం లేవగానే గుడ్ మార్నింగు నైట్ పడుకునేముందు గుడ్ నైట్ చెప్తే ఒక తన్ను తన్నేవాడూ అదే వాడి రిప్లై …>ఒకరోజు మార్నింగ్ నుండి లోపల కదలికలేదు…నాకు టెన్షన్ ..భయంతోనే ఆఫీస్ కి బయల్దేరా… మధ్యలో ఎన్నిసార్లు పిలిచుంటానో చింతల్లి అని..అయినా కదలిక లేదు… లోపల మూవ్ మెంట్ బాగుంటే బేబీ హెల్థీగా ఉన్నట్టు అనే మాటలు పదే పదే గుర్తొస్తున్నాయ్… ఆఫీస్ కి.వెళ్లా..ఫీల్డ్ కి వెళ్లా.. జనాల్లో ఉన్నా లేనట్టే ఉన్నా… అమ్మకి..మామకి అందరికీ కాల్స్ చేస్తున్నా..ఏం కాదు కాసేపు చూడు అనే మాటె అందరూ….అయిష్టంగానే లంచ్ చేసా… చపాతీ పప్పు తినీ ఆఫీస్ నుండి బైటికి నడుచుకుంటూ వస్తున్నా…. అప్పుడు లోపల ఒకటి కాదు రెండు మూడు సార్లు తంతూనే ఉంది… నా ఆకలి ఎవరు చూస్తారూ…నువ్ తింటేనేగా నా కడుపు నింపేది అనేలా ఉంది లోపల వాడి రియాక్షన్…వామిటింగ్స్ లా ఉందని ముందు రోజు నైట్ నుండి నేను తినలేదు మరీ అందుకే ఇబ్బంది ఫీల్ అయ్యాడేమో…

Mother’s Day 2020 Images in Telugu

ఇవన్నీ బాగుంటాయ్… కానీ ప్రసవవేదన దాని గురించి నిజంగా ఎవరూ చెప్పరూ… మన అమ్మ కూడా మనకి చెప్పదు భయపడ్తామేమో అనో…మరే కారణం చేతో..నొప్పులతో హాస్పిటల్ లోకి ఎంటర్ అయుతుంటేనే మరొకామెని పట్టుకుని ఉన్న ముసలామే డాక్టర్ తో అంటుంది తలకాయ బైటికొచ్చిందమ్మా.. ఇంకెక్కడికి పోవాలీ అని…. ఒకసారిగా తొమ్మిది నెలలపాటు బిపి పెరగకూడదు ఎలాంటి సమస్యలు రావొద్దు అని ఎంత రిలాక్స్ గా ఉన్నానో…. అదంతా పోయింది ఆ ప్లేస్ లోటెన్షన్… భయం… బాధ…పదహారు గంటలు కరెక్ట్‌గా పదహారు గంటలు ప్రసవ వేదన…అయిదు నిమిషాల పాటు ఒంట్లో ఎముకలన్నీ విరిగిపోతున్నాయా అనేంత నొప్పి మరో నిమిషంలో మత్తుగా నిద్ర… మళ్లీ నిమిషం నిద్రపడ్తుందో లేదో మళ్లీ పెయిన్….మరో వైపు నా చుట్టూ ఉన్నవాళ్లది ఒక్కొక్కరిదీ ఒక్కో కథ…

Mother’s Day 2020 Wishes in Telugu

తొమ్మిది నెలలు బిడ్డని మోసిన తల్లి పండంటి బిడ్డ కోసం ఎదురు చూస్తుంది… కానీ లోపల బిడ్డ చనిపోయింది..ఆ సంగతి తెలిసిన వాళ్లమ్మ తన బాధ బిడ్డకి తెలియకుండా నరకం అనుభవిస్తుంది…ఇంకొకామే కవలపిల్లలు ఉన్నారట…ఒకరికి ఇన్ఫెక్షన్ అయింది..ఆ పాప ని తీసెయకుంటే ఇంకొకరికి కష్టం అంటే నెగ్లెక్ట్ చేసింది రెండో పాప కూడా చనిపోయింది… మరొకరిది అయిదునెలలకే పాప చనిపోయింది…. భయం పెరుగుతుంది …నొప్పి పెరుగుతుంది … బాద,భయం,టెన్షన్… పాప పుట్టబోతుందనే సంతోషం….బాధకి సంతోషానికి మధ్యన ఉన్నా ఆ కష్టమైన ఫీలింగ్ ఏంటో నాకిప్పటికీ తెలీదు…

Mother’s Day 2020 Wishes in Telugu

మీ బిడ్డ నొప్పులు తీస్తలేదు మాకైతే తెలీదు అని అమ్మతో నర్స్ చెప్పిందట…టెన్షన్ ఉన్నా కూడా ఏం కాదు అని డాక్టర్లను దాటుకుంటూ వచ్చి మధ్య మధ్యలో ధైర్యం చెప్పే అమ్మా అత్తమ్మా…బయట తన కళ్లలో ఖచ్చితంగా కన్నీళ్లుంటాయ్… మగాడు ఎన్ని విషయాల్లో కటువుగా ఉన్నా.. అమ్మకి,భార్యకి బాధ కలిగేప్పుడు మాత్రం పసిపిల్లాడే…నొప్పి పెరుగుతుంది ..నా వల్ల కావట్లే…మరోవైపు డాక్టర్లు కసురుకుంటున్నారు…నొప్పులు తీయ్ అనీ…బిడ్డ ఏడవదమ్మా..నొప్పులు తీయకపోతే కష్టం అయితది అంటుంది… నువ్ నొప్పులు తీయకపోతే డెలివరీ చేయము అని డాక్టర్లు వేరే పేషెంటు దగ్గరకి వెళ్లిపోయారు…నా పక్కన నా వాళ్లెవరూ లేరు…

Mother’s Day 2020 Images in Telugu

మరోవైపు శరీరం లో ఎముకలు విరుగుతున్నంత పెయిన్…హెడ్ నర్స్ వచ్చింది నేను డెలివరీ చేస్తా..బిడ్డ ఏడవకపోతే మాకు తెల్వద్ అని అంటుంది…. తొమ్మిది నెలలు కన్న కలలన్నీ మాయమైపోతున్నాయా అన్పిస్తుంది…నొప్పులు తీస్తా… నాతోనే ఉండండి అని హెడ్ నర్స్ చేయ్ పట్టుకున్నా….తలకాయ బయటికొచ్చింది నువ్ నొప్పులు తీయ్ అని హెచ్చరికలా బతిమాలుడుతుంది..ఒక క్షణం ఒకే ఒక క్షణం పాటు నా బిడ్డకావాలి నా బిడ్డ నవ్వులు కావాలి అని నర్స్ చెప్పినట్టు ఊపిరి బిగపట్టి… రెండు చేతులతో బెడ్ గట్టిగా పట్టుకుని నొప్పులు తీసా..వాడు వెయిట్ ఎక్కువుండటం అదో ఇబ్బంది..మూడున్నర కిలోలు…నువ్ అలాగే నొప్పులు తీయ్… తీయమ్మా.. బిడ్డ బయటకి వస్తుంది తీయమ్మా అంటంది…. ప్రాణం పోతున్నంత బాద… ఏడుపు వస్తుంది.

Mother’s Day 2020 Images in Telugu

నాకు ఏం కాదు మా అమ్మ నన్ను కనలేదా..ఎంతమంది పిల్లలు పుట్టలేదు భూమ్మీద అని ధైర్యం చెప్పుకుంటూ నొప్పుల్ని భరిస్తున్నా…. హెడ్ నర్స్ నా కుడి పక్కగా వచ్చి…నువ్ నొప్పులు తీస్తూనే ఉండు అని…. నా పొట్టపై చేయ్ పెట్టి ఒక్క తోపు తోసింది… కెవ్ అని ఏడుస్తూ బయటకి వచ్చిన బిడ్డని  నా కాళ్ల దగ్గర ఉన్న నర్స్ పట్టుకుంది … ఎర్రగా పండులా ఉన్నాడు… నల్లటి జుట్టూ…ఇప్పుడు ఇదంతా ఎందుకు చెప్తున్నా అంటే బిడ్డ పుట్టేప్పుడు ఏడవకపోతే మందబుద్ధి అవుతారట..అనేక హెల్త్ ప్రాబ్లమ్స్ వస్తాయట…అందుకే బిడ్డ పుట్టేప్పుడు ఏడవాలి..దానికోసం తల్లి ఎంతో నరకయాతన అనుభవించి బిడ్డని ఏడిపించే మొదటి ఆఖరిక్షణం అదే…కానీ మనం నాతో సహా అమ్మల్ని ఏడిపిస్తునే ఉంటాం అయినా అన్నీ భరిస్తుంది పురిటినొపఫులే భరించి మనల్ని.కన్న అమ్మ ఇవి భరించడంలో వింత లేదు..అమ్మల్నే కాదు ఆడపిల్లల్ని ఏడిపిస్తున్నాం….

Mother’s Day 2020 Images in Telugu

ఈ లోకంలోమగాడు ఎన్ని కష్టాలైనా పడొచ్చు కానీ బిడ్డకి జన్మనిచ్చేప్పుడు తల్లి పడే కష్టం ముందు అవన్నీ చాలా చిన్నవీ…. మీ మీ అమ్మలు మీరు కడుపులో పడ్డప్పటి నుండీ భూమి.మీద పడేవరకు ఎంతో కష్టం అనుభవించే ఉంటారు… మానసికంగా ..శారీరకంగా కూడా…“హ్యాపీ మదర్స్ డే” అని అందరికీ విష్ చేయడంతో పాటు… ఒకసారి ఒకే ఒకసారి మీ అమ్మలని దగ్గరకి తీస్కుని ఈ ఒక్కరోజైనా వారిని కష్టపెట్టకుండా ఉండండి.

పెళ్లి ఎవరి జీవితంలో అయినా ఎంతో ముఖ్యమైనది. మనం ఎంతో ఇష్టపడి పెళ్లి చేసుకున్న వారు పెళ్లి అయిన తరువాత మునుపటి లా ప్రేమించకపోతే మనసుకు బాధ కలుగుతూ ఉంటుంది. ఇలా చాలా కుటుంబాల్లో జరుగుతూనే ఉంటుంది.

కానీ కారణం ఏంటి అనేది ఎవరు ఆలోచించుకోరు. ఓ భార్య.. తన భర్తతో కూర్చుని మాట్లాడుకుని ఈ సమస్యని ఎలా పరిష్కరించుకుందో ఇప్పుడు చూద్దాం.

ఓ సెలవు రోజున ఇంట్లో తన భర్త మొబైల్ లో చూస్తూ ఉన్న సమయంలో పక్కన వెళ్లి కూర్చుంది. మీతో మాట్లాడాలి.. ఈ ఫోన్ ని స్విచ్ ఆఫ్ చేయమని కోరింది. మొదట నిరాకరించినా.. తన భార్య ఫేస్ డల్ గా ఉండడం చూసిన ఆ భర్త ఫోన్ ని స్విచ్ ఆఫ్ చేసాడు. ఆ తరువాత విషయమేమిటని అడగగా.. భార్య చెప్పడం స్టార్ట్ చేసింది.. “మీరు పెళ్ళికి ముందు చాలా సరదాగా ఉండేవారు. నాపై ప్రేమ గా చూసేవారు.. కవ్వించేవారు.. కానీ.. ఇప్పుడు మీరు రోజులో ఎక్కువ సేపు ఆఫీస్ వర్క్ లేదా ఫోన్ ని మాత్రమే చూస్తూ సమయం గడిపేస్తున్నారు..

నన్ను ఇంత దూరం పెట్టడానికి కారణమేంటి..? నాలో నేను ఏదైనా మార్చుకోవాలి అంటే మార్చుకుంటా..” అంటూ ఆ భార్య చెప్పడం ఆపింది. దానికి ఆ భర్త ఒక చిరునవ్వు నవ్వి ఇలా చెప్పాడు. ఇది సహజం గా అందరి కుటుంబాల్లోనూ జరిగేదేనని వివరించాడు. చిన్నప్పుడు తన అంకుల్ తనకు చెప్పిన ఉదాహరణను తన భార్య కి కూడా చెప్పాడు. “ఇప్పుడు మనం ఏదైనా బంగారం కొన్నాము అనుకో.. దానిని కొంతకాలం మాత్రం అపురూపం గా చూస్తాం. అందరికి చూపించుకుని మురిసిపోతాం. తరువాత బీరువాలో లాకర్ లో పెట్టుకుంటాం..

అంతే తప్ప.. అస్తమానం దానిని తీసి చూస్తూ కూర్చోలేము కదా..” అంటూ ఆ భర్త వివరించాడు. అతను ఈ మాటలు చెప్పగానే.. ఆ భార్య గలగలా నవ్వింది. ఆమె ఎందుకు నవ్వుతోందో భర్తకి అర్ధం కాలేదు.. నవ్వడం ఆపి.. ఆ భార్య ఇలా చెప్పింది.. ” చాలా బాగా కంపేర్ చేస్తున్నారు. కనీసం నన్ను ఎదో ఒక వస్తువు తో పోల్చకుండా బంగారం తో పోల్చినందుకు సంతోషం. అది వస్తువు.. కానీ..నేను మనిషిని. నన్ను కూడా లాకర్ లో పెట్టి ఎలా ఉంచుకుంటారు..? అని ప్రశ్నించింది. ఆమె భర్త ఆలోచనలో పడ్డాడు.

ఆమె చెప్పడం కొనసాగించింది. “ఇప్పుడు ఒక మొక్క ఉంది అనుకోండి. దానిని తీసుకొచ్చి నాలుగు రోజులు మురిసిపోయి, తిరిగి లాకర్ లో పెట్టుకోవడం కుదురుతుందా..? లాకర్ లో పెడితే అది వాడిపోతుంది. దానికి రోజు నీళ్లు పోసి.. ఎండా తగిలే ప్రదేశం లో ఉంచి.. రోజు పట్టించుకుంటేనే అది పెరుగుతుంది.. అని చెప్పుకొచ్చింది. అయినా బంగారాన్ని ఉంచుకుంటాం.. మొక్కలని పెంచుకుంటాం.. ఈ ఒక్క వాక్యం లోనే తేడాని అర్ధం చేసుకోవచ్చు.

మనుషులు కూడా అంతే అండి.. వారితో బంధాన్ని ప్రేమానురాగాలతో పెంచుకోవాలె కానీ బొమ్మల్లా ఇంట్లో ఉంచుకోకూడదు..” అంటూ చెప్పడం ఆగింది. ఆమె ఏమి చెప్పదల్చుకుందో అర్ధం చేసుకున్న ఆ భర్త.. ఆమె వైపు చూసి ప్రేమ గా నవ్వాడు.. గతం లో అతను నవ్వే జీవం లేని నవ్వుకి.. ఇప్పుడు ఆమె వైపు కురిపిస్తున్న ప్రేమతో కూడిన నవ్వులకు ఉన్న తేడాను ఆమె స్పష్టం గా గుర్తించింది. సంతృప్తిగా అతని గుండెలపై వాలింది.

NOTE: All the images used are for representative purpose only