Human angle

సాధారణంగా చాలా మందికి ఒక అపోహ ఉంటుంది. హౌస్ వైఫ్ అంటే ఉద్యోగం చేసే ఆడవాళ్ళ కంటే పని తక్కువగా ఉంటుంది అని. అందుకే చాలా మంది హౌస్ వైఫ్ అంటే ఇంటి బాధ్యతలు చూసుకునే వాళ్ళు అని కాకుండా ఇంట్లో ఉండే వాళ్ళు అని అంటారు.

కానీ అలా ఆలోచించడం తప్పు అని ఒక సైకాలజిస్ట్ కి, అలాగే తన భార్య ఏం పని చేయదు అని కోపంగా ఉన్న ఒక భర్త కి మధ్య జరిగిన ఈ సంభాషణ చదివితే మీకు కూడా అర్థమవుతుంది.

representative image

సైకాలజిస్ట్ : ప్రాబ్లం ఏంటి?
రమేష్ : నా భార్య అసలు ఒక్క పని కూడా చేయదు.
సైకాలజిస్ట్ : మీరేం చేస్తుంటారు?
రమేష్ : నేను ఒక ప్రైవేట్ కంపెనీలో ఉద్యోగం చేస్తున్నాను.
సైకాలజిస్ట్ : మీ భార్య ఏం చేస్తూ ఉంటారు?
రమేష్ : ఏం చేయదు. ఇంట్లోనే ఉంటుంది.
సైకాలజిస్ట్ : మీ ఇంట్లో అందరి కంటే ముందు మీలో ఎవరు నిద్రలేస్తారు?
రమేష్ : నా భార్య. నాకు టిఫిన్, లంచ్ అన్ని ప్రిపేర్ చేయాలి కదా. అందుకే.

సైకాలజిస్ట్ : మీ పిల్లలని స్కూల్ కి ఎవరు తీసుకెళ్తారు?
రమేష్ : ఖాళీగా ఉంటుంది కాబట్టి నా భార్యే తీసుకెళ్తుంది.
సైకాలజిస్ట్ : పిల్లలు స్కూల్ కి వెళ్లిపోయిన తర్వాత మీ భార్య ఏం చేస్తారు?
రమేష్ : బట్టలు ఉతకడం, ఇల్లు శుభ్రం చేయడం, గిన్నెలు తోమడం.
సైకాలజిస్ట్ : మీ పిల్లలకి హోం వర్క్ చేయించడం లాంటి పనులను ఎవరు చూసుకుంటారు?
రమేష్ : నేను ఆఫీస్ లో అలిసిపోయి ఇంటికి వస్తాను కదా? ఎలాగో ఖాళీగా ఉంటుంది కాబట్టి హోంవర్క్ అంతా నా భార్య చేయిస్తుంది.
సైకాలజిస్ట్ : మరి డిన్నర్ అదంతా ఎవరు చేస్తారు?
రమేష్ : ఇంకెవరు? నా భార్యే చేస్తుంది.

representative image

సైకాలజిస్ట్ : ఇంట్లో అందరికంటే ఆలస్యంగా ఎవరు పడుకుంటారు?
రమేష్ : నేను ఆఫీస్ నుంచి అలిసిపోయి వస్తాను కదా? అప్పటికే నిద్ర వచ్చేస్తుంది. ఇంకా మళ్లీ నెక్స్ట్ డే ఆఫీస్ కి టైం కి వెళ్ళాలి కాబట్టి తొందరగా కూడా లేవాలి. అందుకే నేను తొందరగా పడుకుంటాను. అందరం తిన్న తర్వాత గిన్నెలు శుభ్రం చేసి, పిల్లలని పడుకోబెట్టి, నా భార్య పడుకుంటుంది.
సైకాలజిస్ట్ : దీన్ని బట్టి చూస్తే ఎక్కువ పని ఎవరు చేస్తున్నారు?

విషయం అర్థమైన రమేష్ కి ఏం మాట్లాడాలో అర్థం కాలేదు.
సైకాలజిస్ట్ : మీరు చాలా కష్టపడి పనిచేస్తున్నారు. కానీ మీ ఉద్యోగానికి టైమింగ్స్ ఉంటాయి. మీ భార్య రోజు మొత్తం విశ్రాంతి లేకుండా పని చేస్తూనే ఉన్నారు. మీ భార్య ఇంటి బాధ్యతలు తీసుకున్నారు కాబట్టే, మీరు ఆఫీస్ లో అంత ప్రశాంతంగా పని మీద దృష్టి పెట్టగలుగుతున్నారు. ఇప్పుడు మీ భార్య చేసే పనుల గురించి మీరే చెప్పారు. కాబట్టి, ఈసారి నుంచి మీ భార్య ఏ పని చేయట్లేదు అనే ముందు మీరు చెప్పిన మాటలనే ఒక్కసారి మళ్ళీ గుర్తు తెచ్చుకోండి.

రమేష్ మాత్రమే కాదు. మనలో చాలా మందికి ఇంట్లో ఉండే వాళ్ళు ఏ పని చేయరు అనే ఒక భావన ఉంటుంది. కానీ ఇంటి బాధ్యతలు నిర్వర్తించడం కూడా ఉద్యోగానికి తక్కువేమీ కాదు అన్న విషయం గుర్తుపెట్టుకుందాం. ఇంట్లో ఉన్నారు అని కాకుండా, ఇంట్లో ఉండి వాళ్లు ఎన్నో పనులు చేస్తున్నందుకు గౌరవిద్దాం.

భారతదేశంలో ఎంతో మంది పారిశ్రామికవేత్తలు ఉన్నారు. ఎంతమంది ఉన్నా అందులో టాటాలది మాత్రం ఒక ప్రత్యేకమైన మార్క్ ఉంటుంది. వారు ఏ పని చేసిన లాభాలే లక్ష్యంగా మాత్రం పెట్టుకోరు. అందులో కొంత హ్యూమన్ టచ్ తప్పనిసరి ఉంటుంది. అది మొదటి నుంచి టాటాలకు ఉన్నటువంటి అలవాటు. అదే ఒరవడిలో మధ్యతరగతి కుటుంబాలు పడుతున్న టువంటి బాధను తీర్చేందుకే నడుంకట్టారు టాటా గ్రూపు ఛైర్మన్ రతన్ టాటా. ఈ ప్రయత్నం నుండి వచ్చినది టాటా నానో వాహనం..

ఇటీవల జరిగిన ఓ ఈవెంట్ కి రతన్ టాటా ఈ నానో కార్ లోనే వచ్చారు. ముంబై లోని తాజ్ హోటల్ కు రతన్ టాటా ఈ నానో కార్ లో రావడంతో ఈ విషయం హాట్ టాపిక్ అయ్యింది. ఇందుకు సంబంధించిన ఫోటోలు కూడా నెట్టింట్లో ఓ రేంజ్ లో వైరల్ అయ్యాయి.

అయితే.. భారత దేశపు అత్యధిక ధనికుల్లో ఒకరైన టాటా ఇలా నానో కార్ లో రావడం వెనుక ఆయన ఔన్నత్యం గురించి ప్రత్యేకంగా చెప్పాల్సిన అవసరం లేదు. కానీ, ఇలా రావడం వెనుక ఓ కారణం ఉండే ఉంటుందని విశ్లేషకులు అంటున్నారు. నిజానికి నానో కారు రతన్ టాటా కలల ప్రాజెక్ట్. పెద్ద కార్లను కొనుక్కోలేని మధ్య తరగతి వ్యక్తుల సౌకర్యం కోసం ఆయన ఏదైనా చేయాలనుకున్నారు. ఆ కలల్లోంచి పుట్టుకొచ్చిందే ఈ నానో కార్. అయితే ఈ టాటా నానో ఎలక్ట్రిక్ కార్ తొందరలోనే మార్కెట్ లోకి రాబోతోంది.

సామాన్య ప్రజలకు అందుబాటులోకి రాబోతోంది. ఈ కార్ ను టాటా మోటర్స్ తయారు చేయలేదు. ఇది ఒక కస్టమ్ మేడ్ టాటా నానో ఎలక్ట్రిక్ కార్. ఎలక్ట్రిక్ వాహనాల కోసం పవర్ ట్రైన్ సొల్యూషన్స్ ను తయారు చేసే ElectraEV సంస్థ ఈ కార్ ను రతన్ టాటా కు బహుమతిగా ఇచ్చింది. టాటా చేతుల మీదుగానే ఈ కంపెనీ ప్రారంభమైంది. ఈ సంస్థ ప్రధాన కార్యాలయం పుణేలో ఉంటె.. కోయంబత్తూర్ లో మాన్యుఫాక్చరింగ్ యూనిట్ ఉంది. ఈ కార్ 150 మైలేజీను ఇస్తుంది. 624cc పెట్రోల్ ఇంజన్‌ తో ఎలక్ట్రిక్ వాహనంగా ఈ కార్ ను రూపొందించారు. ఈ కార్ కు బాటరీ బ్యాకప్ తో పాటు 72V పవర్‌ట్రెయిన్ కూడా ఇవ్వబడింది. పది సెకన్లలో 0 – 60 కి.మీ వేగాన్ని అందుకోగలదు.

ARAI మరియు RTO సర్టిఫికేట్ పొందిన ఈ కార్ ను రతన్ టాటాకు బహుమతిగా ఇవ్వడంతో ఆయన ఈ కార్ లోనే వచ్చి అందరిని షాక్ కి గురి చేసారు. అయితే.. రతన్ టాటా ఈ కార్ ను ప్రమోట్ చేయడం కోసమే ఇలా అందరిముందు తీసుకొచ్చారు అన్న అనుమానాలు కూడా చాలామందికి వచ్చాయి. ఎలక్ట్రిక్ నానో కార్ త్వరలోనే మార్కెట్ లోకి రాబోతోందని అందరు భావిస్తున్నారు.

వివాహబంధం లో ఒక్కో సారి పరిస్థితుల వల్ల వచ్చే దూరం ఇద్దరు వ్యక్తుల్ని దూరం చేయకూడదు. పరిస్థితుల్ని అర్ధం చేసుకుని నడవాలే తప్ప ఒకరికొకరు దూరం కాకూడదు.

ఈ విషయాన్నీ వివరిస్తూ ఓ అద్భుతమైన కథ నెట్టింట్లో చక్కర్లు కొడుతోంది. అదేంటో మీరు కూడా చదివేయండి. ఈ కథను ప్రతి భార్య, భర్త తప్పక చదవాలి.

ఓ భర్త తన ఆఫీస్ లో మరో మహిళ ప్రేమ లో పడి భార్యను నిర్లక్ష్యం చేసాడు. రాను రాను..అతనికి తన వివాహ బంధం పట్ల విసుగు కలగసాగింది. దీనితో, ఆమెకు విడాకులు ఇచ్చి, తన ఆఫీసులో మరో అమ్మాయిని పెళ్లి చేసుకోవాలనుకున్నారు. ఇదేవిషయాన్ని అతను ఓ రోజు రాత్రి తన భార్యతో చెప్పాడు. అది వినగానే, అతని భార్య ఉలిక్కి పడింది.

భర్త పై కోపం గా ప్రవర్తించింది. ఆమె ఆ రాత్రంతా నిద్రపోలేదు. ఏడుస్తూ కూర్చుంది. చివరకి ఓ నిర్ణయానికి వచ్చి.. పెన్ను పేపర్ తీసి రాయడం మొదలు పెట్టింది. ఆమె భర్త మధ్యలో లేచి చూసినప్పటికీ ఆమె రాస్తూనే ఉంది. అవేమి పట్టించుకోకుండా అతను పడుకుని.. ఉదయాన్నే లేచి ఆఫీసుకు వెళ్ళిపోయాడు. ఆరోజు సాయంత్రం ఆమె అతనితో విడాకులకు ఒప్పుకుంటున్నట్లు పేర్కొంది. అందుకు కొన్ని షరతులు విధించింది.

ఒక నెలరోజుల పాటు విడాకులు లేకుండా సాధారణమైన జీవితం గడపాలని కోరింది. అందుకు గల కారణాలు కూడా చాలా ప్రాక్టికల్ గా ఉన్నాయి. నెల రోజుల్లో పిల్లాడికి పరీక్షలు ఉన్నాయి. ఈ సమయం లో విడాకులు తీసుకుని బాబుకి ఇబ్బంది అవుతుంది కాబట్టి ఆగాలని కోరింది. ఈ నెల రోజులు పెళ్లి అయిన కొత్త లో లాగ, బెడ్ రూమ్ నుంచి హాల్ వరకు తనను ఎత్తుకుని తీసుకు రావాలని కోరింది.

మొదటి షరతులో అతనికి అభ్యంతరం కనిపించకపోయినా, రెండవ షరతు చూసి అతను విస్తుపోయాడు. సరేలే.. కలిసి ఉండేది నెల రోజులే కదా అని ఒప్పుకున్నాడు. అప్పటి నుంచి రోజు ఆమె ను ఎత్తుకుని హాల్ వరకు తీసుకొచ్చేవాడు. మొదటి రోజు కొంత మోటు గా అనిపించినా.. రెండవ రోజు నుంచి… అతనికి చాలా తేలిక గా అనిపించడం మొదలైంది.

ఇదే విషయాన్నీ అతను తన లవర్ కి చెప్పగా.. ఆమె పైకి నవ్వేసి.. విడాకులివ్వడం ఇష్టం లేక నాటకాలాడుతోంది అని వ్యంగం గా అంది. ఆ మాటలు అతనికి నచ్చకపోయినా అప్పటికి ఊరుకున్నాడు. ఆ తరువాత, రోజు అతను ఆమెను ఎత్తుకోవడం చూసి ఆ పిల్లాడు ఎంతో సంబర పడేవాడు. అయితే, చివరి రోజు వచ్చేసరికి అతని హృదయం బరువెక్కింది.రోజు రోజుకు ఆమె తేలికపడుతుంటే ఆమె వ్యధ వల్లనే బరువు తగ్గిపోతోందని అతను భావించాడు.

representative image

ఇక ఉండబట్టలేక పరిగెత్తుకుంటూ అతని లవర్ దగ్గరకు వెళ్లి.. నేను నా భార్య కు విడాకులు ఇవ్వడం లేదు.. మా బంధం లో అన్యోన్యత లోపించడం వల్లనే విసుగు చెందాను. కానీ, ఈ నెల రోజుల్లో ఆ అన్యోన్యత నాకు తెలిసి వచ్చింది. నా భార్య లేకుండా నేను ఉండలేను అని చెప్పి వచ్చేసాడు. దారిలో వస్తూ.. ఓ ఫ్లవర్ బొకే ను తీసుకున్నాడు. దానిపై ” మరణం మనల్ని వేరు చేసేదాకా నిన్ను మోస్తూనే ఉండాలని కోరుకుంటున్నా ” అని రాయించి తీసుకొచ్చాడు.

ఇంటికొచ్చి భార్య కోసం వెతుకగా, ఆమె మంచం పై చనిపోయి కనిపించింది. అతనికేమి అర్ధం కాలేదు. ఆ తరువాత అతను తెలుసుకున్న విషయం ఏమిటంటే.. ఆమె గత కొన్ని నెలలు గా కాన్సర్ తో బాధపడుతోంది. ఈ విషయాన్నీ గమనించకుండా విడాకులు కోరాడు. దీనితో అతను మరింత వ్యధ అనుభవించాడు. విడాకుల గురించి కొడుకుకు తెలియకుండా ఆమె జాగ్రత్తబడింది. తననొక ప్రేమించే భర్త గా కొడుక్కి చూపించింది.

అంతులేని ప్రేమని పంచిన ఆమె ఒంటరిగా వదిలేసి వెళ్ళిపోయింది. ఆ భర్త తన తప్పు తాను తెలుసుకున్నాడు. కానీ వెళ్ళిపోయినా భార్యను మాత్రం తీసుకురాలేడు కదా.. అందుకే భార్య భర్తలు ఎప్పుడు అన్యోన్యం గా ఉండాలి. కలిసి చర్చించుకుని సమస్యల్ని సాల్వ్ చేసుకోవాలి.

నిజానికి పిల్లలు అన్ని విషయాలు తల్లిదండ్రులతో చెప్పరు. ఫ్రీగా వాళ్ళు అన్నిటిని షేర్ చేసుకోవాలి అంటే కొంచెం కష్టమైన పనే. కానీ మీరు వాళ్ళని అర్థం చేసుకుంటూ… వాళ్ళతో మాట్లాడుతూ ఉంటే వాళ్ళ ఇబ్బందుల్ని మీతో సులభంగా పంచుకుంటారు.

అప్పుడు మీరు ఆ సమస్య నుండి వాళ్ళను బయటకి తీసుకురావడానికి అవుతుంది. అయితే పిల్లలకు ఏదైనా సమస్య కలిగిందని తల్లిదండ్రులు ఎలా గుర్తించాలి..? సమస్య కలిగే వాళ్ళ లో ఎలాంటి మార్పు వస్తుంది అనే దాని గురించి మొదట చూద్దాం.

• ఎప్పుడైనా సరే పిల్లల్లో సడన్ గా ఏదైనా మార్పు వచ్చిందంటే వాళ్లని ఎవరైనా బెదిరిస్తూ ఉండొచ్చు కూడా. వాళ్లను దాడి చేయడం లేదంటే హింసించడం, బెదిరించడం మొదలైనవి ఏమైనా అవ్వచ్చు.
• ఈ మధ్య కాలంలో సోషల్ మీడియా ద్వారా కూడా పిల్లల్ని బెదిరిస్తూ ఉంటున్నారు. ఇలా కూడా మీ పిల్లలకి జరిగి ఉండొచ్చు.
• నిజానికి ఇలాంటివి ఏమైనా జరిగితే పిల్లల్లో మొదట భయం కలుగుతుంది. అది నెమ్మదిగా న్యూనత కి కూడా దారి తీస్తుంది. కాబట్టి మీ పిల్లల ఆహార విషయాల్లో కానీ చదువులో కానీ లేదంటే బిహేవియర్ లో మార్పు ఏదైనా కనపడితే ఇటువంటి వాటికి వాళ్లు గురవుతున్నారని మీరు గ్రహించాలి.
• అలానే సమస్యను తెలుసుకోవాలంటే ముందు మీరు సమస్య కలిగిందని గుర్తించాలి.

వీటిని పిల్లలకి అలవాటు చెయ్యండి:

1. మీ పిల్లల్లో ముందు నుండి కూడా ఆత్మ గౌరవం, ఆత్మ విశ్వాసం పెంపొందించాలి.
2. వాళ్లు ఎంతో ధైర్యంగా, చురుకుగా అన్నిట్లోనూ ఉండేలా చూడాలి.
3. ఏ సమస్యనైనా వాళ్ళు సాల్వ్ చేసుకున్నట్టు మీరు మార్చాలి.
4. నిజానికి ఇలా వారిలో ఉండే శక్తిని బయటకు తీయాలి.
5. వాళ్లని ప్రశంసించడం, అభివృద్ధి చేయడం ఇవన్నీ కూడా చాలా ముఖ్యం.
6. అలానే పిల్లలు మనసువిప్పి మాట్లాడేటట్టు మీరు చేయాలి.

ప్రతి విషయంలోనూ వాళ్లని అర్థం చేసుకోవాలి. కేవలం స్ట్రిక్ట్ గా ఉంటేనే పిల్లలు సరిగ్గా ఉండరు. పిల్లలతో మీరూ స్నేహితులతో కూడా వ్యవహరిస్తూ ఉండాలి. మీరు స్నేహపూర్వకంగా వాళ్లతో మెలిగితే వాళ్ళు సెక్యూర్ గా ఫీల్ అవుతారు. ఇలా వాళ్ళకి ధైర్యాన్ని ఇవ్వాలి.

ఏమైనా తప్పు చేస్తే వాళ్లు భయపడకుండా దాని నుంచి సొంతంగా బయట పడేలా తల్లిదండ్రులు చెయ్యాలి. అప్పుడు ఖచ్చితంగా వాళ్ళు ఇబ్బందులను చెప్పగలరు, ధైర్యంగా ఉండగలరు. చిన్న సమస్య అయితే సొంతంగా బయటపడగలరు కూడా.

తల్లిదండ్రులు చదువుకోండి నాయనా అంటుంటే చదువుకోని పిల్లలు ఉన్న ఈరోజుల్లో.. ఎన్నో కష్టాలని భరించి చదువే అన్నీ అనుకుని ముందుకు వెళ్లే వాళ్ళు కూడా వున్నారు. ప్రియాంకకి చదువంటే ఇష్టం. కానీ ఈమెని బడి నుంచి గెంటేశారు. అయినప్పటికీ కూడా ఈమెకి చదువు మీద ఉన్న ఆసక్తి అమెరికా దాకా తీసుకు వెళ్ళింది. అయితే మరి ఆమె జీవితం గురించి తప్పక చూడాల్సిందే. ప్రియాంక జీవితంలో ఎంతో కష్టపడింది. ఆమె చిన్నతనంలోనే వరంగల్ నుంచి హైదరాబాద్ వచ్చి స్థిరపడ్డారు.

తన తండ్రి కూలీ. తల్లి ఏసీపీ కార్యాలయంలో స్వీపర్. వీళ్ళకి మొత్తం ముగ్గురు పిల్లలు. అయితే తమ పిల్లలు మాత్రం వాళ్ళల్లా కాకూడదని ప్రైవేట్ స్కూల్లో వేశారు. కానీ ఫీజులు కట్టలేకపోవడంతో ఆమె నాలుగో తరగతిలో ఉన్నప్పుడు స్కూలు నుండి గెంటేశారు. ఆ తర్వాత ఆమె చాలా బాధపడింది. జీవితంలో ఇలాంటి బాధ ఎప్పుడు రాకూడదని.. ఇకపై చదువు భారం కాకుండా ఉండాలంటే ఏం చేయాలి అని అంతా కలిసి ఆలోచించారు.

ఏపీ రెసిడెన్షియల్ స్కూల్లో చదువుకుంటే ఫ్రీగా చదువుకోవచ్చు. అలానే వసతి కూడా ఉచితమని తెలిసింది. ప్రియాంక పరీక్ష రాసింది. ఆ పరీక్షలో పాస్ అయింది. దీంతో బోరబండలోని రెసిడెన్షియల్ స్కూల్లో 90 శాతం మార్కులతో పాస్ అయింది. ఆ తర్వాత గౌలిదొడ్డి ప్రభుత్వ కాలేజీ గురించి ఆమె తెలుసుకుని అక్కడ చేరింది. అక్కడ సీటు రావడం కూడా చాలా కష్టం. స్క్రీనింగ్ తో పాటు మరో వ్రాత పరీక్ష కూడా పాస్ అవ్వాలి. అయితే ఈమె అందులో కూడా పాస్ అయ్యి సీటు తెచ్చుకుంది. ఇంటర్ ఎంఈసి లో 97 శాతం మార్కులు ఆమెకి వచ్చాయి. తెలంగాణలో టాప్ టెన్ కూడా ఈమె.

representative image

ఆ తర్వాత బుద్వేల్ లో సోషల్ వెల్ఫేర్ కాలేజీలో డిగ్రీ చదివే అవకాశం వచ్చింది. డిగ్రీ మొదటి సంవత్సరం పూర్తి అయ్యాక కమ్యూనిటీ కాలేజీ ఇనిషియేటివ్ ప్రోగ్రాంలో భాగంగా అమెరికా వెళ్లి చదువుకునే అవకాశం వచ్చింది. అయితే ఈ అవకాశం ఎలా వచ్చిందంటే హైదరాబాద్లోనే యూఎస్ కాన్సులేట్ వాళ్లు ప్రతి ఏటా కూడా పెడతారు. దానిలో ఎంపికైన వాళ్ళని కమ్యూనిటీ కాలేజీలో చదువుకోడానికి అమెరికా పంపిస్తారు. అందులో కూడా ఈమె పాస్ అయింది. అయితే ఇక్కడికి వెళ్లాలంటే ఏడాది పాటు ఆమె చదువుకు దూరం అవ్వాలి. నాలుగో సెమిస్టర్ సమయానికి తిరిగి వచ్చి అన్ని పరీక్షలు ఒకేసారి రాయాలని నిర్ణయించుకుంది.

ఇక యూఎస్ లో ఏం చెప్తారు అనేది చూస్తే… అక్కడ విద్యార్థులు ఐటి తరగతులకు హాజరు అవ్వాలి. 70 గంటలు ఇంటర్న్షిప్ చేయాలి. అదేవిధంగా వంద గంటలు వాలెంటరీ సేవలు ఇవ్వాలి. అక్కడ వాళ్ల గురించి తెలుసుకోవడం మన సంప్రదాయాలని వాళ్ళకి తెలపడం వంటివి చేయాలి. అయితే ఈ ఖర్చులు అన్నీ కూడా అమెరికా ప్రభుత్వమే భరిస్తుంది. నిజంగా ఈమె ఆ స్టేజ్ నుండి ఈ స్టేజ్ కి రావడం గొప్ప విషయం. ఇలాంటి విద్యార్థులను ఆదర్శంగా తీసుకుంటే ఏ విద్యార్థి అయినా సక్సెస్ అవ్వగలరు.

తెలంగాణ అమ్మాయి నిఖత్ జరీన్ ప్రపంచ మహిళల బాక్సింగ్ చాంపియన్‌షిప్‌లో విజేతగా నిలిచిన సంగతి తెలిసిందే. సీనియర్ విభాగంలో వరల్డ్ ఛాంపియన్ గా నిలిచిన ఆమె తొలి తెలుగు అమ్మాయిగా రికార్డు సృష్టించింది. ఇటీవల టర్కీలో జరిగిన అంతర్జాతీయ బాక్సింగ్ సంఘం (ఐబీఏ) ప్రపంచ సీనియర్ విమెన్ బాక్సింగ్ లో ఆమె గోల్డ్ మెడల్ సాధించింది.

గురువారం ఫైనల్స్ జరగగా 52 కేజీల విభాగం (ఫ్లై వెయిట్)లో ఆమె 5-0తో జిట్‌పోంగ్ జుటామస్(థాయ్‌లాండ్)పై విజయం సాధించింది. ప్రస్తుతం ఆమె విజయాన్ని యావత్ భారత దేశ ప్రజలు ఆస్వాదిస్తున్నారు. ఆమె గురించి సోషల్ మీడియాలో ఓ రేంజ్ లో చర్చ నడుస్తోంది.

2019 లో కూడా ఆమె బంగారు పతకాన్ని కైవసం చేసుకుంది. తాజాగా ఆమె సీనియర్ విభాగంలో ప్రపంచ ఛాంపియన్ షిప్ గెలవడంతో ఆమె ఆనందానికి అవధులు లేకుండా పోయాయి. నిఖత్ జరీన్ తల్లి తండ్రులు మహ్మద్ జమీల్ అహ్మద్ మరియు పర్వీన్‌. నిఖత్ బాక్సింగ్ లో ఈ స్థాయికి చేరగలదని ఆమె తండ్రి జమీల్ 12 సంవత్సరాల క్రితమే ఊహించారు. నిజామాబాద్ సెక్రటేరియట్ స్టేడియంలో నిఖత్ మొదటి బాక్సింగ్ తరగతులు ప్రారంభించి కొన్ని వారాలు మాత్రమే గడిచింది.

12 ఏళ్ల వయసులో ఉన్న నిఖత్ కు అప్పటికి అనుభవం లేదు. ప్రమాదం వచ్చే అవకాశం ఉన్నప్పటికీ చెక్కు చెదరని ఆత్మవిశ్వాసంతో ఆమె తన బాక్సింగ్ ను కొనసాగించింది. ఆ సమయంలో ఆమె ఎడమ కంటిపై గట్టిగా దెబ్బ తగిలి కంటి చుట్టూ నల్లబడింది. అసలే బాక్సింగ్ లోకి వెళ్లడం ఇష్టం లేని నిఖత్ తల్లి పర్వీన్.. నిఖత్ కు గాయం అవడం చూసి కంగారు పడ్డారు. ఆ తరువాత కోపం తెచ్చుకున్నారు. ఇప్పటికే ఇరుగు పొరుగు వారంతా కూతురుని బాక్సింగ్ కి పంపడం చూసి ముక్కున వేలేసుకుంటున్నారని, ఇంకా ఇలానే కొనసాగితే పిల్లకి ఏమి సంబంధాలు వస్తాయి..? అని ఆమె ఆందోళన చెందేవారు.

అయితే నిఖత్ తండ్రి జమీల్ మాత్రం అందుకు విరుద్ధంగా స్పందించాడు. “పెళ్లి సంబంధాల గురించి ఆలోచించడం మానెయ్. ఏదో ఒక రోజు నా కుమార్తె కారణంగా ప్రపంచం మొత్తం ఒక రోజు మా తలుపు వెలుపల వేచి ఉంటుంది” అని చాలా కాన్ఫిడెంట్ గా చెప్పారు. దాదాపు 12 ఏళ్ల తరువాత అది నిజమైంది. అయితే ఈ పన్నెండేళ్ళలా ఓ ఆడపిల్లగా నిఖత్ తన లక్ష్యాన్ని నెరవేర్చుకోడానికి చాలానే కష్టపడాల్సొచ్చింది. 2011 లో జూనియర్ వరల్డ్ చాంపియన్‌షిప్‌లో స్వర్ణం సాధించిన నిఖత్ తన విజయాల పయనాన్ని కొనసాగిస్తూ నేడు వరల్డ్ ఛాంపియన్ షిప్ లో స్వర్ణ విజేతగా అందరిముందు నిలిచింది.

ఒక మనిషి జీవితంలో మార్పు అనేది చాలా సహజమైన విషయం. ప్రతి మనిషి జీవితంలో ముందుకు వెళ్తున్నప్పుడు ఈ మార్పుని ఎదుర్కోవాల్సిందే. కానీ కొన్నిసార్లు ఆ మార్పు వల్ల ఆ మనిషి తన వ్యక్తిత్వాన్ని కోల్పోతాడు. తాను తన లాగా కాకుండా వేరే ఎవరి లాగానే ఉంటూ ఉంటాడు. ఇందుకు ఉదాహరణ ఇప్పుడు మీరు చదవబోయే కథ.

సంధ్య ఒక సాఫ్ట్వేర్ కంపెనీలో ఉద్యోగం చేస్తోంది. ఉద్యోగంలో చేరిన కొన్ని సంవత్సరాలకి వాళ్ళ ఇంట్లో వారు తనకి పెళ్లి చేశారు. పెళ్లయిన తర్వాత సంధ్య తన భర్తతో, అత్తమామలతో కలిసి ఉంది. సంధ్య కి ఈవినింగ్ షిఫ్ట్. దాంతో సంధ్య షిఫ్ట్ ముగించేటప్పటికి దాదాపు తెల్లవారుజాము అవుతుంది. సంధ్య అప్పుడు పడుకొని 10 గంటల తర్వాత లేస్తుంది.

పెళ్లి కాక ముందు తను ఇలాగే చేసేది. పెళ్లయిన తర్వాత కూడా తను షిఫ్ట్ మూడు గంటలకి పూర్తవడంతో 3 గంటలకి పడుకుని 10 గంటలకి నిద్రలేచింది సంధ్య. నిద్ర లేచి, ఫ్రెషప్ అయ్యి, తన అత్త గారికి సహాయం చేద్దామని వెళ్ళింది. అత్త గారిని చూసి నవ్వుతూ పలకరించింది సంధ్య. కానీ అత్తగారి మొహంలో ఆ నవ్వు లేదు. సంధ్య “ఏమైంది అత్తయ్యా?” అని అడిగింది.

అందుకు సంధ్య వాళ్ళ అత్తగారు “ఇంత ఆలస్యంగా నిద్రలేవడం ఏంటి? 7 గంటలకు నిద్ర లేస్తే ఏమవుతుంది?” అని అడిగింది. అందుకు సంధ్య “అంటే నా షిఫ్ట్ తెల్లవారుజామున అయిపోతుంది అత్తయ్యా. అప్పుడు పడుకొని కొంచెం ఆలస్యంగా నిద్ర లేస్తాను” అని చెప్పింది. అందుకు వాళ్ళ అత్తగారు “ఇలాంటివన్నీ ఇంకా నడవవు. ఉదయం 7 గంటలకు నిద్ర లేవడం అలవాటు చేసుకో” అని సంధ్యని పైనుంచి కిందికి చూసింది. సంధ్య నైట్ డ్రెస్ లో ఉంది.

“ఇక మీదట ఇలాంటి బట్టలు వేసుకోవడం మానేసెయ్. ఇంట్లో మీ మామ గారు కూడా తిరుగుతూ ఉంటారు. తయారయ్యే విధానం మార్చుకో” అని చెప్పింది. సంధ్యకి నిద్ర చాలకపోయినా కూడా అలాగే 7 గంటలకి లేచి అత్తగారికి పనిలో సహాయం చేసేది. తన షిఫ్ట్ మొదలయ్యే టైం కి పని మొత్తం ముగించుకొని ఉద్యోగానికి వెళ్లబోతున్నా కూడా వాళ్ళ అత్తగారు ఆపి ఏదో ఒక పని చెప్పేది.

“ఉద్యోగానికి వెళ్ళాలి” అంటే అయినా “సమయం కాని సమయంలో చేసేది ఏం ఉద్యోగం? ఇలాంటి ఉద్యోగం చేయడం అవసరమా? మానేసి వేరే ఏదైనా చూసుకో” అని చెప్పింది. సంధ్యకి తన భర్త నుండి కానీ, తన మామగారి నుండి కానీ ఎటువంటి మద్దతు లభించలేదు. అంతే కాకుండా వాళ్లు కూడా సంధ్య అత్తగారు అన్న మాటకే మద్దతు ఇచ్చి సంధ్యని వేరే ఉద్యోగం చూసుకోమని చెప్పారు. దాంతో సంధ్య ఒక స్కూల్లో టీచర్ గా జాయిన్ అయింది.

ఇప్పుడు సంధ్య తన అత్తగారికి నచ్చినట్టు గానే జాబ్ చేస్తూ, ఇంట్లో అందరికీ సహాయం చేస్తోంది. దాంతో సంధ్య అత్తగారు, మామగారు, భర్త చాలా సంతోషంగా ఉన్నారు. సంధ్య అత్తగారు అయితే అందరికీ తన కోడలికి తనే ఒక మంచి దారి చూపించినట్టు, ఇలా సమయం కానీ సమయంలో చేసే సాఫ్ట్వేర్ జాబ్ వల్ల ఆరోగ్యం పాడైపోతుంది అని టీచర్ జాబ్ లో చేరాలా చేసినట్లు గొప్పగా చెప్పుకుంది.

వాళ్లందరూ కూడా సంధ్య అత్తగారిని చాలా పొగుడుతున్నారు. అందరూ బాగానే ఉన్నారు. కానీ సంధ్య మాత్రం తన వ్యక్తిత్వాన్ని ఎప్పుడో కోల్పోయింది. సంధ్యకి క్యాంపస్ ప్లేస్మెంట్ లో జాబ్ రాకపోయినా కూడా తనకి సాఫ్ట్వేర్ జాబ్ చేయాలనే ఇష్టం ఉండడంతో ఎంతో కష్టపడి ఎన్నో ఇంటర్వ్యూలలో ఫెయిల్ అయినా కూడా మళ్లీ ప్రయత్నించి ఆ జాబ్ సంపాదించుకుంది.

సంధ్య చేసే హార్డ్ వర్క్ ని, పడే కష్టాన్ని చూసి తనతో ఉద్యోగం చేసే వారందరూ సంధ్యని ఆదర్శంగా తీసుకునే వాళ్ళు. దాంతో సంధ్య మెల్లగా ప్రమోట్ అవుతూ కంపెనీలో టాప్ పొజిషన్ కి వెళ్ళింది. అలా అంత కష్టపడి టాప్ పొజిషన్ కి వెళ్ళిన సంధ్య ఉద్యోగం మానేసి వెళ్లిపోయింది అంటే వాళ్లు కూడా షాక్ అయ్యారు.

సంధ్య లాంటి వాళ్ళు ఈ ప్రపంచంలో ఎంతో మంది ఉంటారు. ప్రపంచ వరకు ఎందుకు మనలో కొంత మంది మన చుట్టూనే ఉన్న ఎంతోమంది సంధ్య ఎదుర్కొన్న సమస్యలను ఎదుర్కొంటుంటారు. అసలు ఇందులో సంధ్య చేసిన తప్పేంటి? అవతల వారి మీద తమ ఇష్టాలని రుద్దడం వల్ల జనాలకు ఏమొస్తుంది? వారికే తెలియాలి.

NOTE: images used in this article are just for representative purpose. But not the actual characters.

సమాజంలో ఎదురయ్యే ఆటుపోట్ల నుండి తట్టుకోవడానికి ఆమెకు వచ్చిన ఒక కొత్త ఆలోచన. సమాజంలో ఎదురయ్యే సమస్యలను తట్టుకొని నిలబడాలి అనుకుందేమో కానీ ఏకంగా ఒకటి కాదు రెండు కాదు, గత 30 ఏళ్లుగా పురుషుడి గా జీవిస్తున్న మహిళ. అవునండి వినడానికి కొంచెం ఆశ్చర్యంగానే అనిపిస్తుంది. ఆమె తమిళనాడులోని కటునాయకన్ పట్టికి చెందిన ముత్తు మాస్టర్. ఆమె ఎస్.పెచ్చియమ్మాళ్.

కటునాయకన్ పట్టి గ్రామానికి వెళ్లి ముత్తు మాస్టర్ గురించి అడిగిన వెంటనే ఎవరైనా చెప్పేస్తారు. గుర్తింపు పేరులోనే కాదు, లింగం లో కూడా మార్చేసుకుంది. ఆమె ఇలా చేయడానికి ఎంతో బలమైన కారణం ఉంది. స్త్రీ సమాజం నుండి ఎదుర్కొనే సమస్యల కారణంగా భర్త మరణంతో పురుషుని వేషంలోకి మారిపోయింది. 20 ఏళ్ళ వయసులో  పెళ్లయిన 15 రోజులకే భర్తను కోల్పోయింది. పోయే సమయంలో ఆవిడ గర్భవతిగా ఉంది. తర్వాత ఆవిడ ఒక ఆడబిడ్డకు జన్మనిచ్చింది. ఆ బిడ్డ పోషణకై జుట్టు కట్ చేసుకొని, షర్ట్ లుంగీ ధరించి తన ఐడెంటిటీని మార్చుకుంది. పురుషులు చేసే ప్రతీ కఠినమైన పని కూడా చేస్తూ కూతుర్ని పోషించకుంది. ఆమె పురుషుడు కాదు స్త్రీ అనే విషయం మీ కుమార్తె కు మరియు కొంతమంది సన్నిహితులకు మాత్రమే తెలుసు. దాదాపు ముప్పై ఏళ్లుగా పురుషుడుగా జీవించిన ఈమె విషయం ఇప్పుడు కొత్తగా వెలుగులోకి వచ్చింది.

వయసు మీద పడడంతో తన అసలు రహస్యాన్ని బయటపెట్టింది. కష్టమైన పనులు చేయలేక ప్రభుత్వం వారు అందించే వితంతు పెన్షన్ కై ఐడెంటిటీని బయట పెట్టింది.  తనకు పెన్షన్ అందించి ఆదుకోవాల్సిందిగా ప్రభుత్వా అధికారులకు విన్నవించుకుంది. పెన్షన్  కొరకై అవసరమైన ఆధార్ కార్డులో ఆమె ఐడెంటిటీ పురుషుడు గాను మరియు భర్త మరణ ధ్రువపత్రం లేకపోవడంతో  ఆమె పెన్షన్ కై  ఇబ్బంది ఎదుర్కొంటుంది.

ఈ సందర్భంగా ఆమె కూతురు మాట్లాడుతూ మా అమ్మ కోసం ఎన్నో త్యాగాలు చేసింది. ఆటుపోట్లను ఎదుర్కొంటూ నన్ను పెంచి పెద్ద చేసింది అని తెలిపింది. ఆమె సన్నిహితుల్లో ఒకరు ముత్తు పురుషుడు కాదు స్త్రీ అనే విషయం తనకు మరియు  తన కుమార్తెకు, ఇద్దరు సన్నిహితులకు మాత్రమే తెలుసు అని వెల్లడించింది.

ప్రేమ అనేది ఎంతో మధురమైనది. సినిమాల్లోనైనా, బయటైనా ప్రేమకథలు ఎంతో విచిత్రంగా ఉంటాయి. అంతే కాదు అటువంటి ప్రేమకధలు జీవితాంతం గుర్తుండిపోతాయి.

ఈ ప్రేమ కథ ఒక రైల్వే స్టేషన్లో మొదలైంది. అందరికీ తెలిసినదే రైల్వేస్టేషన్ ఎప్పుడూ హడావిడిగానే ఉంటుంది పైగా కొంతమంది ఆలస్యంగా రావడం వల్ల ఇంకా హడావుడి చేస్తారు. అలాంటప్పుడే రైల్వే స్టేషన్ లోకి ఒక యువకుడు కంగారుగా వచ్చాడు. అతను ఎక్కాల్సిన ట్రైన్ అప్పటికే మొదలయ్యింది.

ట్రైన్ రన్నింగ్ లో ఎక్కాడు, ఆ తరువాత ఖాళీగా ఉన్న సీట్ వద్ద కూర్చున్నాడు. తనకు దగ్గర్లో ఒక అమ్మాయి వచ్చి కూర్చుంది. ఆ అమ్మాయిని చూసి ఎంతో ఆశ్చర్యపోయాడు యువకుడు. ఏమీ ఆలోచించకుండా మాటలు కలిపాడు. యువకుడు ఏం మాట్లాడినా సరే ఆ అమ్మాయి మాత్రం నవ్వుతూ సమాధానం ఇస్తోంది. కానీ తిరిగి ఇంకొక మాట మాట్లాడలేదు. ఇలా ఏమీ మాట్లాడటం లేదని చాలా నిరుత్సాహపడ్డాడు.

అయినా సరే చాలా ధైర్యం చేసి వెంటనే ఐ లవ్ యు చెప్పేసాడు. ఆ సమయంలోనే ఆ అమ్మాయికి వీడియో కాల్ రావడం జరిగింది. అయితే వీడియో కాల్ లో ఆ అమ్మాయి మాట్లాడకుండా సైగలతో సమాధానమిచ్చింది. అప్పుడు ఆ యువకుడు అమ్మాయి మూగదని అనుకున్నాడు. ఈ విధంగా నిరుత్సాహ పడుతుంటే అమ్మాయి మాత్రం యువకుడి ఫోన్ నెంబర్ ఇవ్వమని అడిగింది.

ఫోన్ నెంబర్ తీసుకున్న వెంటనే, నేనంటే ఇప్పుడు కూడా నీకు ఇష్టమేనా అని మెసేజ్ పెట్టింది. దానికి బదులుగా యువకుడు ఈ విధంగా సమాధానం ఇచ్చాడు. నువ్వు మాట్లాడలేవు అని తెలిసిన వెంటనే బాధపడటం నిజమే. కానీ నేను ఇష్టపడింది నిన్ను కాబట్టి నీలో ఏ లోపం ఉన్నా నాకు ఇష్టమే. కాబట్టి నువ్వు ఒప్పుకుంటే నేను పెళ్లి చేసుకుంటానని అన్నాడు.

ఈ సమయంలోనే స్టేషన్ మాస్టర్ వచ్చి టికెట్ అడిగాడు అయితే సమయం లేకపోవడంతో జనరల్ టికెట్ మాత్రమే తీసుకున్నా అని చెప్పగా ఫైన్ కట్టమన్నారు. అతని వద్ద డబ్బులు లేకపోవడంతో ఆ అమ్మాయి ఫైన్ కట్టేసింది. ఆ తరవాత తను దిగాల్సిన స్టేషన్ రావడంతో ట్రైన్ నుండి దిగిపోయింది. దాంతో ఎంతో బాధపడుతుంటే ఈ మెసేజ్ వచ్చింది.

ఈ రోజు నేను మౌనవ్రతం. అందుకే నీతో మాట్లాడలేకపోయాను, ఐ లవ్ యు టూ అని చెప్పింది. ఆనందానికి హద్దులు లేవు, ట్రైన్ డోర్ దగ్గరకు పరిగెత్తుకుంటూ వెళ్ళి ఆ అమ్మాయిని చూసాడు, తను కూడా తిరిగి చూసింది. ఇద్దరూ ఎంతో సంతోషంగా ఫీల్ అయ్యారు.