Human angle

ఒక ప్రశ్నకి ప్రపంచం మొత్తంలో ఎక్కడినుంచైనా సమాధానం దొరికే చోటు కోరా. ఇందులో ఎంతో మంది ఎన్నో రకాల ప్రశ్నలు పోస్ట్ చేస్తే, దానికి ఎంతో మంది తాము ఏం అనుకుంటున్నాం అనేది వ్యక్తపరుస్తారు. అలా కొంతకాలం క్రితం ఒకరు “మీ పార్టనర్ పై మీకు ఉన్న ఆకర్షణ మీలో ఏ విధంగా మార్పుని తెచ్చింది?” అనే ప్రశ్నని కోరా లో పోస్ట్ చేశారు. అందుకు శ్వేత గార్గ్ ఈ విధంగా సమాధానం ఇచ్చారు.

“మాది లవ్ మ్యారేజ్ కాదు. భారతీయ సంప్రదాయం ప్రకారం జరిగిన అరేంజ్డ్ మ్యారేజ్. నాకు అప్పుడు 19 సంవత్సరాలు. నాకు యాక్టర్ అవ్వాలనే కల ఉండేది. అంత తొందరగా పెళ్లి చేసుకోవాలనే ఆలోచన నాకు లేదు. అందుకే వద్దని చెప్పాను. జూన్ 2013 లో మా అమ్మకి క్యాన్సర్ ఉందని తెలిసింది. మా అమ్మ నేను తనని ఎంత తొందరగా వీలైతే అంత తొందరగా పెళ్లి చేసుకోవాలని అనుకున్నారు.

నా భర్తకి నాకు పది సంవత్సరాల ఏజ్ డిఫరెన్స్ ఉండడం నాకు అంత బాగా అనిపించలేదు. ఏమవుతుందో? ఎలా ఉంటుందో? అతను నాకంటే చాలా పెద్దవాడు. నేను అసలు ఎలా అడ్జస్ట్ అవుతానో? ఇలాంటి చాలా ప్రశ్నలు నా మెదడులో ఉన్నాయి. నాకు ఇంక వేరే ఆప్షన్ లేదు. డిసెంబర్ 2013 లో మేం పెళ్లి చేసుకున్నాం. అలా మా ఇద్దరి జర్నీ మొదలైంది.

పెళ్లవ్వక  ముందు నేను ఇంట్రవర్ట్ ని. నా యాక్టింగ్ మోడలింగ్ అనే డ్రీమ్స్ వల్ల ఇంట్లో గొడవలు అవడంతో నేను మా తల్లిదండ్రులతో అలాగే బ్రదర్ తో మాట్లాడే దాన్ని కాదు. కానీ నా పెళ్లి అయిన నెల తర్వాత వాళ్లు బాగా గుర్తు వచ్చే వాళ్ళు. అప్పుడే నాకు కుటుంబం ఎంత ముఖ్యమో అనే విషయం అర్థం అయ్యింది. ప్రతి సండే నా భర్త నన్ను నా కుటుంబం దగ్గరికి తీసుకెళ్లే వాళ్ళు. నా తల్లిదండ్రులను కూడా తన తల్లిదండ్రులలానే ట్రీట్ చేసేవారు.

నన్ను ఎప్పుడూ ఇంటి పనులు చేయమని బలవంతం చేయలేదు. రోజులు గడిచేకొద్దీ నేను ఇంకా మంచి వ్యక్తిని అవుతున్నాను. నా భర్తని ఇష్టపడటం మొదలు పెట్టాను. కానీ నా కెరీర్ విషయంలో మాత్రం హ్యాపీగా లేను. నాకు ఏదో ఒకటి సాధించాలి అని ఉండేది. ఇప్పుడైతే నా కలలు మారాయి. సివిల్ సర్వీసెస్ లో జాయిన్ అవ్వాలి అని ఉండేది. నాకు నా భర్త పూర్తి సపోర్ట్ ఇచ్చారు. 2014 సెప్టెంబర్ లో నాకు అబ్బాయి పుట్టాడు.

నాకు ఎప్పుడూ యాక్టర్ అవ్వాలని కల ఉండేది అందుకే లుక్స్ విషయంలో నేను చాలా జాగ్రత్తగా ఉండేదాన్ని. కానీ ప్రెగ్నెన్సీ తర్వాత నాకు పింపుల్స్ వచ్చాయి. స్ట్రెచ్ మార్క్స్ వచ్చాయి. జుట్టు రాలిపోవడం మొదలైంది. అప్పుడు కూడా నా భర్త నాతో మామూలుగానే ప్రవర్తించేవారు. లుక్స్ గురించి అంత పట్టించుకోవద్దు అని చెప్పేవారు. సంతోషంగా ఉండమని అనేవారు.

ఇప్పుడు నాకు నా భర్త ఇంకా నా కొడుకు జీవితం అయ్యారు. నేను నా భర్తని ఎంతో గౌరవిస్తాను. మేమిద్దరం మా కుటుంబానికి ఒక ఐడియల్ కపుల్. ఒక్కొక్కసారి మనకు ఏది మంచిదో మనకి తెలియదు. కానీ మన తల్లిదండ్రులకు తెలుసు. ఇవాళ నా భర్తని నాకు లైఫ్ పార్టనర్ గా ఎంచుకున్నందుకు నా తల్లిదండ్రులకు నేను థాంక్స్ చెప్తున్నాను. నన్ను హ్యాండిల్ చేయగలిగే వ్యక్తి నా భర్త మాత్రమే” అని చెప్పారు.

image credits: quora/shweta-garg

భారతీయుల్లో ఎక్కువ శాతం మంది బ్రౌన్ కలర్ మేని ఛాయను కలిగి ఉంటారు. రంగు అనేది ప్రాంతాల్లో ఉష్ణోగ్రతలను బట్టి చాలా ఏళ్ల క్రితమే ఏర్పడిందని మనందరికీ తెలుసు. కానీ, భారతీయుల్లోనే వర్ణ వివక్ష ఎక్కువ గా కనిపిస్తుంటుంది. తెల్లగా ఉంటె అందంగా ఉన్నట్లు.. నల్లగా ఉంటె అందం లేనట్లు ఒక భావన చాలా మందికి ఉంటుంది. అయితే.. వీరందరికి సోషల్ మీడియా ద్వారా ఐషు అనే అమ్మాయి పాట ద్వారా వర్ణ వివక్ష గురించి వివరిస్తోంది. ఆ అమ్మాయి కథ ఏమిటో మనం ఇపుడు తెలుసుకుందాం.

గత కొన్నేళ్లు గా బ్యూటీ ప్రొడక్ట్స్ హెచ్చు స్థాయి లో పుట్టుకొచ్చాయి. నల్లగా ఉండేవారికి కష్టాలు కూడా పుట్టుకొచ్చాయి. నల్లగా ఉండేవారికి చాలా మంది పలు సూచనలు చేస్తూ ఉంటారు. ఆ క్రీం వాడితే ఛాయా బాగుంటుంది.. ఈ క్రీం వాడితే చర్మం మెరుస్తుంది వగైరాలు.. కానీ, ఇవన్నీ ట్రై చేసి.. ట్రై చేసి ఓ దశలో ఎంతగా విసుగు చెందుతారో.. ఎంతగా కాన్ఫిడెన్స్ ని కోల్పోతారో ఐషు స్వయం గా అనుభవించింది. అలాంటివారి కోసం తానేమైనా చేయాలనుకుంది.

లాక్ డౌన్ టైం లో ఆమె తన డాన్స్ వీడియో లను ఇంస్టాగ్రామ్ లో పోస్ట్ చేసేది. ఎనర్జిటిక్ డాన్స్ గర్ల్ గా ఆమె పేరు తెచ్చుకుంది. చాలా మంది ఫాలోవర్స్ ను సంపాదించుకుంది. వారిలో ఆమెకు చాలా మంది తెల్లగా అవడానికి సూచనలు చేసేవారు. వారందరికీ ఓ పాట ద్వారా ఐషు తన అభిప్రాయాన్ని సున్నితం గా తెలియచేసింది. నల్లగా ఉండడం నా తప్పేమి కాదు.. అది నా అందాన్ని తగ్గించదు. తెల్లగా లేకపోవడం నా తప్పు కాదు. నలుపు కూడా అందమైనదే. నా శరీర రంగు గురించి ఎలాంటి శ్రద్ద తీసుకోవాలో నేను ఎవరిని అభిప్రాయాలూ అడగడం లేదు…శరీర రంగు కోసం బ్లీచింగ్ క్రీమ్స్ వాడాలంటూ సూచనలు చేయొద్దని ఆమె సున్నితం గా కోరింది.

ఇంకా ఈ వీడియో ను తనకోసమే చేయలేదని.. తనలాంటి వాళ్ళు బాధపడకూడదనే చేసినట్లు పేర్కొంది. చిన్నతనం లోఈ సమస్య పై పోరాడినట్లు తెలిపింది. తన చిన్నప్పుడు కూడా చాలా మంది సూచనలు చేసేవారని, పసుపు ముద్దలు పూసుకోవడం, ఫెయిర్ నెస్ క్రీములు వాడటం వంటివి చేసేదానినని చెప్పుకొచ్చింది. ఒక దశలో తనపై తానూ కాన్ఫిడెన్స్ ను కోల్పోయినట్లు తెలిపింది. ఆ తరువాత ఎవరు ఏమి చెప్పినా పట్టించుకోవడం మానేశానని చెప్పుకొచ్చింది. డాన్స్ ని అమితం గా ఇష్టపడే నేను డాన్స్ పై పట్టు సాధించడానికి ప్రయత్నించానని పేర్కొంది. నల్లగా ఉన్నవారు చాలా మంది వర్ణ వివక్షను ఎదుర్కొంటున్నారని.. దీనికి వ్యతిరేకంగా ఎవరికీ వారు తమ అభిప్రాయాలను వెల్లడించాల్సిన అవసరం ఎంతైనా ఉందని ఆమె పేర్కొన్నారు.

 

View this post on Instagram

 

A post shared by Aishu (Aishwarya) (@aishuadd)

ఓ సింహం సిన్సియర్ పోలీస్ ఆఫీసర్ నిజాయితీ గా పని చేస్తే ఎలా ఉంటుందో సింగం సినిమా లో చూసాం. మెరిన్ జోసెఫ్ కూడా అలాంటి లేడీ సింగమే. అసలు సిసలు ఖాకి చొక్కా తొడిగిన లేడీ సింగం ఆమె. ఆమె పెండింగ్ కేసుల ఫైల్స్ తెరిచిందంటే కేసు క్లోజ్ చేసే వరకు నిద్రపోదు. అలాంటి ఓ క్లిష్టమైన కేసును మెరిన్ జోసెఫ్ ఛేదించింది.

దేశాలు దాటి వెళ్లిపోయిన నిందితుడిని పరాయి దేశం లోనే అరెస్ట్ చేసి తీసుకొచ్చి జైల్లో పడేసింది. వివరాల్లోకెళితే, మెరిన్ జోసెఫ్ కేరళకు చెందిన ఐపీఎస్ ఆఫీసర్. 2012 బ్యాచ్ ఐపీఎస్ ఆఫీసర్ ఆమె. ఇటీవలే ఆమె కేరళ రాష్ట్రం లో కొల్లంలో కమిషనర్ గా ఆమె బాధ్యతలు స్వీకరించింది. పాత కేసుల తాలూకు ఫైల్స్ అన్నిటిని ఓపెన్ చేసింది. వాటిలో ఓ బాలికపై లైంగిక దాడి, అత్యాచారం కేసు ను చూసి ఆమె చలించిపోయింది. అయితే ఆ బాలిక ప్రస్తుతం ఈ లోకం లో లేకపోయినప్పటికీ ఆమెకు న్యాయం చేయాలనీ నిర్ణయం తీసుకుంది.

ఈ కేసు ఏమిటంటే, ఓ మైనర్ బాలికను సునీల్ కుమార్ బర్దన్ అనే ఓ దుర్మార్గుడు దాదాపు మూడు నెలల పాటు లైంగికం గా వేధిస్తూ , తన కోరికలను తీర్చుకున్నాడు. అతని పై ఆ బాలిక తండ్రి పోలీసులకు ఫిర్యాదు కూడా చేసాడు. పోలీసులు అతడిని పట్టుకోలేకపోయారు. ఈ లోపు ఆ దుర్మార్గుడు దేశాన్ని వదిలి దుబాయ్ కి వెళ్లిపోయారు. పోలీసులు కూడా ఈ కేసును పట్టించుకోవడం మానేశారు.

ఆ బాలిక జరిగినదని తలుచుకుని, అవమానం భరించలేక ఆత్మహత్య చేసుకుంది. కొన్ని రోజులకు ఆ బాలిక తండ్రి కూడా ఆత్మహత్య చేసుకున్నాడు. ఈ కేసుని టేక్ అప్ చేసిన మెరిన్ జోసెఫ్ ఎలాగైనా అతడిని చట్టపరం గా శిక్షించాలనుకుంది. అతడిని తిరిగి భారత్ రప్పించడానికి ఆమె చేయని ప్రయత్నం లేదు. ఢిల్లీ లో సీబీఐ వద్ద మొదలుపెట్టిన దర్యాప్తు దుబాయి లోని ఇండియన్ ఎంబసీ వరకు కొనసాగింది.

కానీ, ఒక్కరు ఆమెకు సహకరించలేదు. నీకెందుకింత పర్సనల్ ఇంట్రస్ట్ అన్న వెకిలి ప్రశ్నలే తప్ప ఎవరి వద్ద నుంచి ఆమెకు సహకారం అందకపోవడం తో.. తానే ఓ టీం ను తీసుకుని దుబాయి కి వెళ్ళిపోయింది. అక్కడ ఇండియన్ ఎంబసీ అధికారులను కలిసి పరిస్థితిని వివరించి.. ఆ నీచుడిని అక్కడే అరెస్ట్ చేసింది. ఆ తరువాత తీసుకొచ్చి కేరళ జైల్లో పడేసింది. అక్కడితో శాంతించలేదు. ఆ నీచుడి పై పర్ఫెక్ట్ ఛార్జ్ షీట్ ను ప్రిపేర్ చేసింది. బెయిల్ కి కూడా వీలు లేని విధం గా సెక్షన్లను జత చేసింది.

ఈ కేసు లో ఆ నిందితుడి కి త్వరలోనే శిక్ష పడనుంది. ఆ బాలిక బతికే ఉంటె తనకు జరగబోయే న్యాయం పట్ల సంతృప్తి చెందేదేమో. ఇలాంటి అఘాయిత్యాలు మళ్ళీ మళ్ళీ జరగకుండా ఉండాలి అంటే.. మెరిన్ జోసెఫ్ లాంటి పోలీస్ సింహాలు ఉండాల్సిందే. ఓ పోలీస్ ఆఫీసర్ సిన్సియర్ గా పని చేస్తే ఎలా ఉంటుందో..మెరిన్ జోసెఫ్ నిరూపించింది.

భారత వ్యాపార దిగ్గజం రతన్ టాటా సక్సెస్ స్టోరీ గురించి ప్రత్యేకంగా చెప్పాల్సిన అవసరం లేదు. ఆయన, వ్యాపార రంగం లోకి అడుగుపెట్టాలనుకునే ఎంతోమందికి స్ఫూర్తినిచ్చారు. అయితే ఎప్పుడైనా సరే మనం ఒక విషయం మాత్రం గుర్తు పెట్టుకోవాలి. ఎలాంటి గొప్ప స్థానంలో ఉన్న వ్యక్తికి అయినా సరే ఆ స్థానం అంత సులభంగా రాదు. మధ్యలో కొన్ని ఇబ్బందులు అలాగే అవమానాలు ఎదుర్కోవాల్సి వస్తుంది.

అలా ఎంతో కష్టపడి రతన్ టాటా గారు వ్యాపార దిగ్గజంగా ఎదిగారు. ప్రతి సంవత్సరం ప్రపంచంలో అతి సంపన్నుల జాబితా ఒకటి విడుదల అవుతుంది. అందులో మన భారత దేశానికి చెందిన ఎంతో మంది పేర్లు ఉంటాయి. కానీ మీరు ఎప్పుడైనా గమనిస్తే ఆ జాబితాలో రతన్ టాటా గారి పేరు ఉండదు.

దాంతో చాలా మందికి “రతన్ టాటా గారి పేరు ఎందుకు లేదు?” అనే ప్రశ్న వస్తుంది. అత్యంత సంపన్నుల జాబితాలో రతన్ టాటా గారు ఉండకపోవడానికి గల కారణం ఏంటి అంటే. తన కంపెనీకి, ఇంకా కుటుంబానికి సంబంధించిన ఆదాయంలో 60 శాతం చారిటీ కి వెళ్తుంది. పలు కథనాల ప్రకారం రతన్ టాటా గారు కరోనా పై పోరాడడానికి సహాయంగా 500 కోట్ల విరాళాన్ని అందజేశారు.

అంతే కాకుండా పదిహేను వందల కోట్లు ఇవ్వాలి అని రతన్ టాటా గారు నిర్ణయించుకున్నట్టు సమాచారం. తన సంస్థలో పని చేసే ఉద్యోగుల కోసం కూడా పెన్షన్, మెటర్నిటీ సెలవులు, మెడికల్ సదుపాయాలతో పాటు ఇంకా ఎన్నో పథకాలను అమలు చేశారు. తన కంపెనీ చేసిన లాభాలు రతన్ టాటా గారి వ్యక్తిగత ఆదాయంలోకి వెళ్లవు. ఆ మొత్తం స్వచ్ఛంద సంస్థలకు వెళుతుంది.

ఈరోజుల్లో ఎక్కడ సందు దొరుకుతుందా ఎక్కువ డబ్బు గుంజేద్దాం అన్న బాపతు వ్యక్తులే ఎక్కువ మంది ఉన్నారు. ఎలాంటి సిట్యుయేషన్ లో అయినా.. నిజాయితీని వదలని వారు మనకి అక్కడక్కడా తారస పడుతూనే ఉన్నారు. వీరిలో ఈ ఆటో అన్న కూడా ఒకరు. అతనెవరు..? ఈ స్టోరీ ఏంటో.. ఈ ఆర్టికల్ చదివితే తెలుస్తుంది.

అది రద్దీ గా ఉండే చెన్నై సిటీ లో ఓ రోడ్. ఆటో నడుపుకునే డ్రైవర్ శరవణ కుమార్ కి ఓ కిరాయి దొరికింది. పాల్ అనే వ్యక్తి ఓ పెళ్లి వేడుకకు వెళ్లి తిరిగి ఇంటికి వెళ్ళడానికి శరవణ ఆటో ని కిరాయి మాట్లాడుకున్నారు. పాల్ కి అప్పటికే కొంచం ఎక్కువ లగేజ్ ఉంది. ఆటో ఎక్కినప్పటినుంచి ఫోన్ మాట్లాడుతూనే ఉన్నాడు. కంగారులో ఉన్నాడేమో ఆటో దిగే సమయం లో హడావిడి గా లగేజ్ తీసుకుని వెళ్ళిపోయాడు. కానీ చాలా బాగ్ లు ఉండడం తో.. వాటిల్లోని ఓ చిన్న నల్లని బాగ్ ఆటోలోనే వెనకాలకు పడిపోయింది. పాల్ అది గమనించుకోకుండా ఆటో దిగి వెళ్ళిపోయాడు.

చాలా సేపటి తరువాత డ్రైవర్ శరవణ కుమార్ ఆటో లో వెనకాల చిన్న బాగ్ ఉండడాన్ని గమనించాడు. అది తెరచి చూస్తే అందులో దాదాపు ఇరవై లక్షలు విలువ చేసే నగలు ఉన్నాయి. వీటిని తిరిగి ఇచ్చేయాలని అనుకున్నాడు. కానీ, ఎలా ఇవ్వాలి..? ఆ ఆటో లో ఎక్కిన అతని పేరు గాని ఊరు గాని తెలియవు. మరో వైపు, పాల్ కూడా బాగ్ మిస్ అవ్వడాన్ని గుర్తించాడు. ఆ ఆటో లోనే పడిపోయి ఉంటుందని గ్రహించాడు.

కానీ, ఆ ఆటో అతని నెంబర్ కూడా తెలియదు. దీనితో పోలీస్ స్టేషన్ లో కంప్లైంట్ ఇచ్చాడు.. ఆటో ను ట్రేస్ చేసి కనుక్కోవాల్సింది గా పోలీసులను కోరాడు. కానీ, అంత అవసరం లేకుండా.. శరవణ కుమార్ పోలీస్ స్టేషన్ లోనే వెళ్లి ఈ నగలను ఇచ్చేసాడు. అతని నిజాయితీకి పోలీసులు అభినందించకుండా ఉండలేకపోయారు. అతనికి ఒక బొకే ఇచ్చి గౌరవించారు.

ఏదైనా ఊరికి సర్పంచ్ అంటే.. వారు ఎంత దర్జాగా ఉంటారో మనందరికీ తెలిసిందే. కానీ, ఈ సర్పంచ్ అలా కాదు. ఊరికి పెద్దనే అయినా.. నా ఉపాధి నేను చూసుకోవడం లో తప్పు లేదని ఆమె భావిస్తోంది. కూరలను పండించి జిల్లా కేంద్రం లో వాటిని విక్రయిస్తూ ఉపాధి పొందుతోంది. ఆమె ఎవరో.. ఆమె కథ ఏమిటో ఈ ఆర్టికల్ చదివి తెలుసుకోండి.

ఆమె పేరు గుగులోతు లక్ష్మి రామ చంద్రు. మహబూబాబాద్‌ జిల్లా రేగడి తండా గ్రామ పంచాయతీ కి ఆమె ఏకగ్రీవం గా ఎన్నికయ్యారు. చెప్పుకోవడానికి సర్పంచ్ అయినా.. ఆమె తన జీవనోపాధి కోసం వ్యవసాయాన్ని నమ్ముకున్నారు. తన కు ఉన్న భూమిలో కాయగూరలు పండించి వాటిని జిల్లా కేంద్రం లో విక్రయించుకుంటున్నారు. కరోనా వచ్చాక పరిస్థితిలు మరింత అధ్వాన్నం గా తయారయ్యాయి. ఇటీవలే లాక్ డౌన్ టైం లో సాఫ్ట్ వేర్ ఉద్యోగం చేసిన యువతీ కూడా కూరల వ్యాపారం చేయాల్సి వచ్చిన సంగతి తెలిసిందే. నిత్యావసరాల ధరలు పెరగడం.. కాస్ట్ ఆఫ్ లివింగ్ కూడా పెరుగుతుండడం తో.. ఆమె తన జీవనోపాధి కోసం ఇలా కష్టపడుతున్నారు.

ప్రస్తుతం ఉన్న పరిస్థితులు అందరికి ఇబ్బందికరం గా ఉన్నవే. మరో వైపు పెట్రోల్ ఖర్చులు కూడా ఎక్కువ గానే ఉన్నాయి. ఈ క్రమం లో ప్రభుత్వం నుంచి వచ్చే జీతం ఆమె పెట్రోల్ ఖర్చులకు కూడా సరిపోవడం లేదట. అందుకే ఉపాధి కోసం ఆమె కూరల వ్యాపారం వైపు మొగ్గు చూపారట. అక్రమాలకు పాల్పడకుండా.. తనకు తోచింది ఎదో తానూ చేసుకుంటూ సర్పంచ్ అయినప్పటికీ.. సామాన్యురాలి గా జీవనం వెళ్లదీస్తున్న లక్ష్మి అందరికి ఆదర్శం గా నిలుస్తున్నారు. మన పని మనం చేసుకుంటే తప్పేముంది అంటూ.. ఆమె తన వ్యాపారాన్ని చూసుకుంటున్నారు. ఆమె గురించి తెలిసిన అందరు ఆమె ను అభినందిస్తున్నారు.

కొంతమందికి పేరు, గుర్తింపు కావాలి అని ఉంటుంది. దానికోసం వాళ్ళు చాలా కష్టపడతారు. తర్వాత ఒక టైంలో వాళ్లు అనుకున్న స్థాయికి ఎదుగుతారు. అయితే ఇంకొంతమంది మాత్రం అనుకోకుండా స్పాట్ లైట్ వెలుగులోకి వెళ్తారు. సడన్ గా ఫేమస్ అయిపోతారు. వివరాల్లోకి వెళితే. కొంతకాలం క్రితం నేపాల్ లో ఒక అమ్మాయి కూరగాయల బుట్ట పట్టుకొని బ్రిడ్జ్ మీద వెళ్తున్న ఒక ఫోటో , అదే అమ్మాయి ఫోన్ లో మాట్లాడుతున్న మరొక ఫోటో సోషల్ మీడియా లో పోస్ట్ చేశారు.

తర్వాత ఆ ఫోటోలు చాలా వైరల్ అయ్యాయి. నెటిజన్లు “ఆ అమ్మాయి ఎవరు?” అని సర్చ్ చేయడం మొదలుపెట్టారు. ఆ అమ్మాయి పేరు కుసుమ్ శ్రేష్ట. బిబిసి కి ఇచ్చిన ఇంటర్వ్యూలో కుసుమ్ మాట్లాడుతూ తనకి సెలవులు కావడంతో తన తల్లిదండ్రులకు సహాయం చేయడానికి ఆ రోజు తను మార్కెట్ కి కూరగాయలు తీసుకొని వెళ్లిందని, అప్పుడే ఈ ఫోటో తీశారు అని చెప్పారు.

ప్రముఖ ఫోటోగ్రాఫర్ రూప్ చంద్ర మహర్జన్ కుసుమ్ ఫోటో తీశారు. కుసుమ్ మాట్లాడుతూ ” ఆ వైరల్ అయిన ఫోటోలలో ఉన్న అమ్మాయి నేనేనా అని నా స్నేహితురాలు నన్ను అడిగింది. కానీ నాకు అప్పటివరకు తెలియదు. తను నాకు  అప్పుడు ఫోటోలను పంపింది. అప్పుడు అర్థమైంది ఆ ఫోటోలు నావే అని.

నేను నా తల్లిదండ్రులకు సహాయం చేయడానికి కూరగాయలు అమ్మడానికి వచ్చాను. ఆ ఫోటోలు నేను దారిలో ఉన్నప్పుడు తీసినవి. కానీ ఆ టైంలో నన్ను ఫోటో తీసిన విషయం నాకు అర్థం కాలేదు” అని అన్నారు. ఇంటర్వ్యూలో, “ఒకవేళ మోడలింగ్ అవకాశాలు వస్తే వెళ్తారా?” అని అడగగా, “వెళ్తాను” అని చెప్పారు కుసుమ్.

కుసుమ్ తండ్రి మాట్లాడుతూ “తను నాకు ఒక్కతే కూతురు నేను తనని ఎంత వీలైతే అంత చదివించాలని అనుకుంటున్నాను. కానీ నా ఆర్థిక పరిస్థితి గురించి కూడా నేను ఆలోచించాలి. తనకి నర్సింగ్ అంటే ఇష్టం ఉన్నా కూడా నర్సింగ్ కాలేజీలో చేర్పించలేకపోయాను” అని అన్నారు. కుసుమ్ ఫోటోలు వైరల్ అవ్వడంపై ఆయన మాట్లాడుతూ ఆ ఫోటోలపై జనాలకి ఉన్న ఆసక్తి, వారికి రైతులు అంటే ఎంత గౌరవమో అనే విషయాన్ని తెలుపుతుంది అని అన్నారు.