Mythology

కలియుగ దైవం శ్రీ వెంకటేశ్వరస్వామికి అత్యంత ఇష్టమైన గానాలలో సుప్రభాతం ఒకటి. ప్రతి రోజు తిరుమలలో కూడా ఆయనకు సుప్రభాతాన్ని వినిపిస్తూనే సేవలను ప్రారంభిస్తారు. అయితే మీరెప్పుడైనా గమనించారా..? సుప్రభాతం ఎప్పుడూ శ్రీరాముని కీర్తనతో ప్రారంభం అవుతుంది.

“కౌసల్యా సుప్రజా.. రామా..” అంటూ ఈ సుప్రభాతం మొదలవుతుంది. మీకెప్పుడైనా డౌట్ వచ్చిందా..? వెంకటేశ్వర స్వామి సుప్రభాతాన్ని శ్రీరాముని కీర్తనతో ఎందుకు ప్రారంభిస్తారు అని..?

అయితే ఈ ఆర్టికల్ చదివేయండి. అసలు ఈ సుప్రభాతాన్ని మొదటగా ఎవరు పాడారో తెలుసా..? ఈ సుప్రభాతాన్ని మొదట విశ్వామిత్రుల వారు పాడారు. శ్రీరాముడిని, లక్ష్మణుడిని తనతో పాటు అరణ్యానికి తీసుకువెళ్ళినప్పుడు శ్రీరాముడిని మేల్కొలపడానికి తొలుత విశ్వామిత్రుల వారు ఈ సుప్రభాతాన్ని ఆలపించారు. అలాగే ఈ గానంలోని రెండవ శ్లోకం “‘ఉత్తిష్ఠోత్తిష్ట గోవింద’ ” అంటూ మొదలవుతుంది. ఇది శ్రీకృష్ణుడిని ఉద్దేశించినది.

అలా వరుసగా వచ్చే శ్లోకాలలో శ్రీ మహా విష్ణువు దశావతారాలను కీర్తించడం జరుగుతుంది. వెంకటేశ్వర స్వామి అంటే శ్రీ మహావిష్ణువనే అర్ధం. ఆయన పది అవతారాలలో రామావతారం, కృష్ణావతారం, పరశురామావతారం.. వంటి అవతారాలను కీర్తిస్తూ సుప్రభాతంలోని శ్లోకాలు ఉంటాయి. ఈ సుప్రభాతం వెంకటేశ్వర స్వామి వారికి అత్యంత ప్రీతికరమైనది కాబట్టి ఆయన దేవాలయాల్లో ఎక్కువగా దీనిని ఆలపిస్తూ ఉంటారు. భక్తి శ్రద్ధలతో సుప్రభాతాన్ని ఆలపించిన వారిపై వేంకటేశ్వరస్వామి కరుణ కటాక్షాలు ఎల్లప్పుడూ ఉంటాయి.

గౌతమ బుద్ధుడు గురించి తెలియని వాళ్లు ఉండరు. బౌద్ధ ధర్మానికి మూలకారకుడయిన గౌతమబుద్ధుడు నాటి ఆధ్యాత్మిక గురువులలో ఒకరు. బుద్ధుడు అసలు పేరు సిద్దార్థుడు. సిద్ధార్ధుడు కపిలవస్తు దేశానికి చెందిన లుంబిని పట్టణంలో జన్మించారు. ఈ ప్రాంతం ప్రస్తుతం నేపాల్ దేశంలో ఉంది. కానీ అప్పట్లో ఇది భారత దేశం లోకి వస్తుంది. అయితే బుద్ధుడు గొప్పతనం గురించి మనందరికీ ఎన్నో విషయాలు తెలుసు.

కానీ అయిన భార్య అయిన యశోధర గురించి చాలా మందికి తెలియదు. నిజానికి ఆమె తన భర్త కంటే కూడా గొప్పది. బుద్ధుడు జ్ఞానాన్ని సంపాదించడం కోసం భార్యా, బిడ్డని వదిలి వెళ్ళిపోతాడు. కొండలు, అడవులు, ఆశ్రమాలు ఇవన్నీ వెతుక్కుని భార్య, బిడ్డని అలా వదిలేసి వెళ్ళిపోతాడు. అయితే కొంతకాలం తర్వాత బుద్ధుడు భార్య, బిడ్డని చూడడానికి వస్తాడు.

అప్పుడు భార్య ఇలా అడుగుతుంది. ”నన్ను వదిలి వెళ్ళిపోయారు కదా ఒక్కసారి వెళ్లినప్పుడు నాకు చెప్పచ్చు కదా” అని… అలానే మీ ఆలోచనకి నేను ఏ మాత్రం అడ్డు చెప్పను కదా అని అంటుంది. అప్పుడు బుద్ధుడు భార్యని క్షమించమని అడుగుతాడు. ఆ తర్వాత నీకు భయపడి కాదు నాకు భయపడి నేను చెప్పలేదు అని సమాధానమిస్తాడు బుద్ధుడు.

నీకు చెప్పడానికి వచ్చినప్పుడు నా మనసు ఎక్కడ మారిపోతుందో అని చెప్పకుండా వెళ్ళిపోయాను అని బదులిస్తాడు. ఆ తర్వాత తన భార్య మళ్లీ ప్రశ్నిస్తుంది ఎందుకు మీరు ఈ రాజ్యాన్ని వదిలి వెళ్లడం..? ఇంత జ్ఞానాన్ని మీరు ఇక్కడ ఉండి కూడా సంపాదించ వచ్చు కదా..? అని అడుగుతుంది. అప్పుడు బుద్ధుడు అవును నిజమే కానీ అప్పుడు నాకు ఈ విషయం తెలియలేదు అని ఆమెతో చెప్తాడు. అయితే నిజానికి అందరూ బుద్ధుడి గురించి ఎంతగానో చెప్పుకుంటూ ఉంటారు. కానీ తన భార్య గురించి, ఆమె గొప్పతనాన్ని గురించి ఎవరూ చెప్పుకోరు.

భర్త వెళ్లిపోయాడు అంటే అతన్ని ఎవరూ ఏమీ అనరు. అదే భార్య ఎక్కడికైనా వెళ్ళిపోయింది అంటే ఈ లోకమంతా కూడా ఆమెను వేలెత్తి చూపిస్తుంది. ఎన్నో మాటలు అంటుంది. అయితే బుద్ధుడు వెళ్ళిపోయినప్పుడు కూడా తన భార్య ఎన్నో మాటలు పడాల్సి వచ్చింది. ఇంకా ఆమె అందంగా ఉంది కదా..?, పెద్ద వయసు ఏమీ రాలేదు కదా..? ఇంత రాజ్యం ఆమె సొంతం అయింది కదా..? ఆవిడకి నచ్చినట్టు ఉండొచ్చు కదా..? ఇలా ఎన్నో నిందలు వేశారు.

పైగా పసిపిల్లవాడు అమ్మా నాన్న ఎక్కడున్నారు అంటే ఏమని చెప్పాలో ఆమెకి అర్థం కాలేదు. అన్నీ ఉండి కూడా ఆమె ఎంతో దుఃఖాన్ని భరించాల్సి వచ్చింది. ఎవరు సన్యాసం తీసుకున్నారు నిజానికి..? బుద్ధుడా..?, అతని భార్యా..? మీరేమంటారు..?

చాణుక్యుడు ఎంతటి మహాజ్ఞానో మనందరికీ తెలిసిందే. ఆయన చెప్పిన నీతి సూత్రాలు, ఆర్థిక సూత్రాలు నేటికీ ఎంతో ఆచరణీయమైనవి. ఆయన రచించిన అర్థశాస్త్రంలో ఎంతో జ్ఞానం మిళితమై ఉంది.

ఈయన రచయితగా, సలహాదారునిగా ఎనలేని ఖ్యాతి గడించారు. ఈయన చెప్పిన నీతి వాక్యాలు నేటికీ చిరస్మరణీయాలు. వాటిని తరువాతి తరానికి కూడా అందచేసి.. మంచి భవిష్యత్ ను రూపొందించుకునేలా తోడ్పడాలి. చాణిక్య నీతి ఎన్నో ముఖ్యమైన విషయాలు చెబుతోంది.

ఆయన చెప్పే విషయాలు నేటికీ ఆచరణీయమైనవి. ఎటువంటి కాలంలో అయినా సమాజంలో మనిషి మనుగడకు ఆయన వాక్యాలు దోహదం చేస్తాయి. పడకగది విషయాలు కూడా బహిరంగం అయిపోతున్న ఈ రోజుల్లో.. కాకి, కొంగ, సింహం వంటి పశుపక్ష్యాదుల నుంచి చాలా విషయాలను నేర్చుకుని ఆచరించాలని చాణుక్యుడు చెప్పాడు. దేని నుంచి ఏ ఏ విషయాలను నేర్చుకోవాలో చాణుక్యుడు ఏమి చెప్పారో ఇప్పుడు చూద్దాం..

సింహం:

సింహం ఏ పని చేసినా.. తన శక్తిని పూర్తిగా వినియోగిస్తుంది. తన శక్తిని అంచనా వేసుకుని.. పూర్తి నిబద్ధతతో చేస్తుంది. ఈ విషయాన్నే మనం సింహం నుంచి నేర్చుకోవాలి.

కోడిపుంజు:

కోడిపుంజు ఉదయాన్నే వేళకి నిద్ర లేస్తుంది. ఎల్లవేళలా ధైర్యంగా ఉంటుంది. ఎప్పుడైనా అది యుద్ధానికి సిద్ధంగానే ఉంటుంది. తనకి రావాల్సిన ఆహారాన్ని పోట్లాడి మరీ తీసుకోవడంలో కోడిపుంజు ముందుంటుంది. ఈ నాలుగు విషయాలను మనం కోడిపుంజు నుంచి నేర్చుకోవాలి.

కాకి:

కాకి కూడా ఎప్పుడూ ధైర్యంగా ఉంటుంది. రెండో విషయం ఏంటంటే.. కాకులు ఎప్పుడూ సంభోగం చెందుతాయో ఎవ్వరికీ తెలియదు. ఎవరు లేని, ఎవరు చూడని సమయంలోనే అవి సంభోగం చెందుతాయి. పడకగది విషయాలు కూడా బహిర్గతం అయిపోతున్న ఈరోజుల్లో.. ప్రతి ఒక్కరు కాకి వద్ద నుంచి ఈ విషయాన్నీ నేర్చుకోవాలి. ఇవి ఒకసారి భాగస్వామిని ఎంచుకున్నాయంటే.. జీవితాంతం మార్చవు. అదే భాగస్వామితో జీవితాన్ని గడుపుతాయి. ఇక ఇతరుల కార్యకలాపాల్ని కూడా ఇవి నిశితంగా గమనిస్తాయి. ఇంకా సమయాన్ని బట్టి.. సందర్భాన్ని బట్టి ఇవి తెలివిగా వ్యవహరిస్తాయి. ఈ ఐదు విషయాలను మనం కాకుల నుంచి నేర్చుకోవాలి.

గాడిద:

గాడిద తన పై ఎంత బరువు పెట్టినా.. అలసిపోకుండా.. పని ఆపకుండా పూర్తి చేస్తుంది. వాతావరణంలో ఎంత వేడి ఉన్నా.. ఎంత చల్లదనం ఉన్నా అది పట్టించుకోదు. దాని పని అది చేసుకుంటూ వెళ్ళిపోతుంది. మూడవ విషయం ఏంటంటే.. ఏది పెట్టినా సంతృప్తి చెందుతుంది. ఈ విషయాలని గాడిద నుంచి నేర్చుకోవాలి.

కొంగ:

కొంగ నుంచి రెండు విషయాలను నేర్చుకోవాలి. వాటిలో ఒకటి ఇంద్రియ నిగ్రహం. ఇంకొకటి ఏమిటంటే స్థానం, శక్తీ, సందర్భం వంటి విషయాలలో కొంగలకు చాలా అవగాహన ఉంటుంది. ఈ విషయాలను మనం నేర్చుకోవాలి.

కుక్క:

కుక్క ఏ ఆహారాన్నైనా తినగలదు. కానీ అది దానికి దొరికినదానితోనే తృప్తి పడుతుంది. ఎంత గాఢ నిద్ర లో ఉన్నా, చిన్న చప్పుడు అయితే లేచి కూర్చుంటుంది. బాధ్యతలనుంచి తప్పించుకోవాలని అనుకోదు. తన యజమాని పట్ల విశ్వాసాన్ని కలిగి ఉంటుంది. ఎల్లవేళలా ధైర్యంగా ముందుకు ఉరకడానికి సిద్ధంగా ఉంటుంది. ఈ విషయాలను మనం కుక్క నుంచి నేర్చుకోవాలి.

ప్రేమ కావాలి అని ప్రతి ఒక్కరూ కోరుకుంటారు. మనకు నచ్చిన వారిని ప్రేమించడం.. వారితో జీవితాన్ని పంచుకోవాలని అనుకోవడం సహజమే. అయితే.. ఇది అందరి విషయంలోనూ ఒకేలా ఉండకపోవచ్చు. ఒక్కోసారి అవతలివారు మన ప్రేమను అంగీకరించవచ్చు. ఒక్కోసారి అది కూడా కుదరకపోవచ్చు.

కొన్నిసార్లు ప్రేమ విఫలం అవ్వొచ్చు. మనకు ఇష్టమైన వారు కేవలం మాజీగా మిగిలిపోవచ్చు. అయితే బలీయమైన ప్రేమ కలిగిన వారు తిరిగి తమ మాజీలను దక్కించుకోవాలని ప్రయత్నిస్తుంటారు. అయితే.. ఏ ఏ రాశుల వారు ఇలా చేస్తారో.. ఫలితాలు ఎలా ఉంటాయో ఇప్పుడు చూద్దాం..

తులా:

వీరు తొందరగా కఠినమైన నిర్ణయాలు తీసుకోలేరు. చాలా దయ కలిగి ఉంటారు. వీరు తమ మాజీలు ప్రతికూల అలవాట్లని మార్చుకుంటారని.. తిరిగి తమకు దగ్గరవుతారని భావిస్తారు.

కర్కాటకం:

వీరు ప్రేమిస్తే మనస్ఫూర్తిగా ప్రేమిస్తారు. వీరు ప్రేమించిన వారికి క్షణకాలమైన దూరంగా ఉండడానికి ఇష్టపడరు. వీరికి ప్రేమ తప్ప ఇంకేమి అక్కర్లేదు. మాజి కోసం రాజీ పడడానికి కూడా సిద్ధపడతారు.

కన్య:

వీరు చాలా మొండిగా ఉంటారు. తప్పులు చేసినా.. వాటి నుంచి ఏ పాఠాన్ని నేర్చుకోరు. వీరు ఆప్యాయత కోసం అర్రులు చాస్తారు. అమూల్యమైన ప్రేమ భరితమైన క్షణాలను తిరిగి పొందాలని ప్రయత్నం చేస్తూ ఉంటారు.

వృషభం:

వీరు ఎవరినైనా ఇష్టపడితే వారికి సర్వస్వాన్ని ఇచ్చేస్తారు. ఒకవేళ ఆ ప్రేమ విఫలం అయితే.. వీరి హృదయం ముక్కలవుతుంది. తిరిగి ఆ ప్రేమను దక్కించుకోవడానికి అన్ని ప్రయత్నాలు చేస్తారు.

మీనం:

వీరు లైఫ్ పట్ల సానుకూల దృక్పధాన్ని కలిగి ఉంటారు. ఎక్కువగా మాజీల గురించే ఆలోచిస్తారు. ఏ అవకాశం ఉన్నా తిరిగి వారితో కలిసిపోవాలని అనుకుంటారు. అయితే.. వీరి సున్నిత స్వభావం వలన తరచుగా వీరి హృదయం గాయపడుతుంది.

రహదారులన్నాక ఎన్ని జాగ్రత్తలు తీసుకున్నా ఒక్కోసారి యాక్సిడెంట్లు జరుగుతూ ఉంటాయి. ముఖ్యంగా రాత్రి సమయాల్లో మరింత అప్రమత్తంగా ఉండాల్సిన అవసరం ఎంతైనా ఉంటుంది. ఒక్కోసారి మన తప్పు లేకపోయినా యాక్సిడెంట్ బారిన పడాల్సి వస్తూ ఉంటుంది.

ఇక ఎక్కువగా మలుపులు ఉన్న హై వే ల సంగతి అయితే చెప్పక్కర్లేదు. ఎక్కువగా యాక్సిడెంట్లు జరిగే అవకాశాలు ఉంటాయి. అలాంటి రోడ్లలో గాజువాక నుంచి విశాఖపట్నం వెళ్లే హై వే కూడా ఒకటి.

ఈ రహదారిపై చాలా ప్రమాదకర మలుపులు ఉన్నాయి. ఆ రోడ్ పై నిత్యం వందలాది వాహనాలు తిరుగుతూ ఉంటాయి. విశాఖ పట్ణణానికి చెందిన పెద్ద పెద్ద కంపెనీలన్నీ ఆ రోడ్ పైనే ఉంటాయి. 1993 – 95 మధ్య కాలంలో ఆ రోడ్ లో ప్రతి రోజూ ఏదో ఒక యాక్సిడెంట్ జరుగుతూనే ఉంది. అక్కడికీ, ప్రభుత్వం చాలా జాగ్రత్తలే తీసుకుంది. ఆ యాక్సిడెంట్లని అడ్డుకోవడానికి ప్రభుత్వం ఎన్నో హెచ్చరికల బోర్డులను కూడా ఏర్పాటు చేసింది. కానీ, యాక్సిడెంట్లు మాత్రం ఆగలేదు. అయితే.. ఓ స్వామిజి ఇచ్చిన సలహా ప్రకారం.. అక్కడి స్థానికులంతా కలిసి చందాలు వేసుకుని ఓ పెద్ద ఆంజనేయ స్వామి విగ్రహాన్ని ప్రతిష్టించారు. ఆ తరువాత యాక్సిడెంట్లు క్రమంగా తగ్గిపోయాయి.

ఆంజనేయ స్వామి వారే అక్కడి ప్రమాదాలను నివారించారని స్థానికులు బలంగా నమ్ముతారు. కొంచం తర్కం ఆలోచిస్తే.. ఆ రోడ్ పై వెళ్లే వాహనాలను నడిపే డ్రైవర్లలో చాలా మంది ఆంజనేయ స్వామి విగ్రహాన్ని చూడగానే.. బండి కొంచం స్లో చేసి.. ఆయనకు దణ్ణం పెట్టుకుని వెళ్లేవారు. దీనితో సహజంగానే అక్కడ ప్రమాదాలు తగ్గిపోయాయి. అందుకే హై వే లపై పెద్ద పెద్ద ఆంజనేయ విగ్రహాలను ఏర్పాటు చేస్తుంటారు. దూరం నుంచే డ్రైవర్లకు కనిపించే విధంగా ఈ విగ్రహాలను ప్రతిష్టిస్తారు. మనకి భగవంతుడిపై భక్తి ఉంటె.. ఆ భక్తే మహత్యాలు చేయగలదు అని చెప్పడానికి ఇదే ఉదాహరణ.

చాలా మందికి చినజీయర్ స్వామీజీ గురించి తెలిసే ఉంటుంది. శ్రీశ్రీశ్రీ త్రిదండి చిన్న శ్రీమన్నారాయణ రామానుజ జీయర్ స్వామి అన్న పేరు చాలా మందికి తెలియదు. కానీ చిన జీయర్ స్వామీజీ అంటే మాత్రం టక్కున గుర్తుపట్టేస్తారు. ఆయన టీవీలలో కూడా పలు ఆధ్యాత్మిక ప్రవచనాలు ఇస్తూ.. ప్రజలకు ఆధ్యాత్మిక జ్ఞానాన్ని ప్రబోధిస్తున్నారు.

రెండు తెలుగు రాష్ట్రాలలోను చినజీయర్ స్వామీజీ తెలియని వారు ఉండరంటే అతిశయోక్తి కాదు. ఇటీవల హైదరాబాద్ సమీపంలోని ముచ్చింతల్ లో శ్రీరామానుజ సహస్రాబ్ది వేడుకలు నిర్వహిస్తున్న సంగతి తెలిసిందే.

ఇందులో భాగంగానే భారీ సమతా మూర్తి రామానుజాచార్యుల వారి పంచలోహ విగ్రహాన్ని ఏర్పాటు చేసారు. ఇందుకోసం ప్రధాని మోడీ కూడా విచ్చేసారు. దీనితో ఈ అంశం చాలా ప్రాధాన్యతను సంతరించుకుంది. ఈ భారీ విగ్రహం ఏర్పాటు చేయడంలో చినజీయర్ స్వామివారు కీలక పాత్ర పోషించారు. ప్రస్తుతం ప్రజలందరి దృష్టి ఈ విగ్రహం పైనే ఉంది. దీనితో.. చినజీయర్ స్వామీజీ ఎవరు..? ఆయన జీవితం ఎక్కడ ప్రారంభమైంది..? అంటూ ఆయన గురించి తెలుసుకోవడం మొదలు పెట్టారు.

చినజీయర్ స్వామి ఓ సాధారణ వైష్ణవ బ్రాహ్మణ కుటుంబంలో జన్మించారు. 1956 సంవత్సరం నవంబర్ 3 తేదీన, దీపావళి రోజున ఆయన జన్మించారు. అలమేలు మంగతాయారు, వేంకటాచార్యుల వారు చినజీయర్ స్వామి వారి తల్లి తండ్రులు. చినజీయర్ స్వామివారికి తల్లితండ్రులు మొదటగా పెట్టిన పేరు శ్రీమన్నారాయణాచార్యులు. ఆయన గౌతమ విద్యాపీఠంలో వైష్ణవ సంప్రదాయాలు, వేద గ్రంధాలపైన శిక్షణ పొందారు. అలాగే నల్లాన్‌ చక్రవర్తుల రఘునాథాచార్యస్వామి వద్ద సంస్కృతాన్ని, తర్క శాస్త్రాన్ని అభ్యసించారు.

అలాగే రాజమండ్రిలోనే ఓరియంటల్ స్కూల్ లో పదవ తరగతి వరకు చదువుకున్నారు. అయితే.. ఆ సమయంలోనే ఆయన తండ్రిగారు స్వర్గస్తులయ్యారు. దీనితో.. ఆయనపై కుటుంబ పోషణ భారం పడింది. దీనితో ఆయన ఏదైనా ఉద్యోగం చేయాలనుకున్నారు. ఉద్యోగం కోసం ఒక్క చేతి సంచితో హైదరాబాద్ కు చేరుకున్నారు. మొదట్లో ఎన్నో చేదు అనుభవాల తరువాత ఒక చిన్న ఉద్యోగం లభించింది. ఇక్కడే టైపు, షార్ట్ హ్యాండ్ ను కూడా నేర్చుకున్నారు. తరువాత ఆ ఉద్యోగంలో మరో పైమెట్టు ఎక్కారు.

ఆ సమయంలో అనగా 1975 నాటికి ఓ సారి పెద్ద జీయర్ స్వామిజీ కాకినాడకు విచ్చేసారు. ఓ యజ్ఞం నిమిత్తం ఆయన విచ్చేసారు. యజ్ఞ క్రతువు సాగిస్తుండగా.. అనుకోకుండా.. పెద్ద జీయర్ స్వామిజీ తో శ్రీమన్నారాయణాచార్యులకు (ప్రస్తుతం చిన జీయర్ స్వామిజీ) పరిచయం ఏర్పడింది. ఆ సమయంలో తనకు ఒక స్టెనోగ్రాఫర్ కావాలి అని పెద్ద జీయర్ స్వామిజీ కోరడంతో.. ఆ పని తానే చేస్తానని, అప్పటికే తానూ టైపు, షార్ట్ హ్యాండ్ నేర్చుకున్నానని చినజీయర్ స్వామిజీ పేర్కొన్నారు.

అలా ఇంట్లో తల్లి వద్ద అనుమతి తీసుకున్న శ్రీమన్నారాయణాచార్యులు పెద్ద జీయర్ స్వామీజీ వెంటే తమ ప్రయాణాన్ని ప్రారంభించారు. ఆ తరువాత 23 సంవత్సరాల వయసులో ఆయన తల్లి అనుమతితోనే సన్యాసాశ్రమాన్ని స్వీకరించారు. ఆ తర్వాత కొన్ని సంవత్సరాలకి ఆయన గీతాజ్యోతి ఉద్యమాన్ని ప్రారంభించారు. భగవద్గీత కు ప్రాచుర్యం తీసుకురావడంతో పాటు సమాజంలో బద్ధకాన్ని తొలగించి.. ప్రజల మధ్య సౌభాతృత్వ భావనని పెంపొందించే లక్ష్యంతో ఈ ఉద్యమాన్ని ప్రారంభించారు. అయితే.. చినజీయర్ స్వామిజీ వారు ఇక్కడితో ఆగలేదు.

అంధుల కోసం కాలేజీలు కట్టించారు. వారికి కళ్ళు లేకున్నా కంప్యూటర్ శాస్త్రంలో నిపుణులు అవ్వాలని కృషి చేసారు. అంధులకు శిక్షణ ఇవ్వడం కోసం నిపుణులను కూడా నియమించారు. అంతే కాదు.. సమస్త జీవకోటికి జ్ఞానాన్ని అందించే వేద విద్య సారాన్ని అందరికి అందించడం కోసం ఆయన ఎన్నో ఆశ్రమాలను స్థాపించారు. వేద పాఠశాలలను గురుకుల పాఠశాలలుగా తీర్చిదిద్దారు. అక్కడ అన్ని రకాల సదుపాయాలను ఏర్పాటు చేసారు. అంతే కాదు, ఆయన 12 నెలల్లో 12 భాషలను నేర్చుకున్నారు. శ్రీరామ నగరం, శంషాబాద్ లో జిమ్స్ అనే ఆసుపత్రిలో ఉచిత వైద్య విధానాన్ని అమలు చేసి వైద్యరంగాన్ని కూడా అనుగ్రహించారు. పొట్టకూటి కోసం హైదరాబాద్ కు వచ్చి, నేడు ప్రపంచానికే సమతామూర్తిని అందించిన ఘనత చినజీయర్ స్వామీజీకే దక్కుతుంది.

చాణుక్యుడు ఎంతటి మహాజ్ఞానో మనందరికీ తెలిసిందే. ఆయన చెప్పిన నీతి సూత్రాలు, ఆర్థిక సూత్రాలు నేటికీ ఎంతో ఆచరణీయమైనవి. ఆయన రచించిన అర్థశాస్త్రంలో ఎంతో జ్ఞానం మిళితమై ఉంది.

ఈయన రచయితగా, సలహాదారునిగా ఎనలేని ఖ్యాతి గడించారు. ఈయన చెప్పిన నీతి వాక్యాలు నేటికీ చిరస్మరణీయాలు. వాటిని తరువాతి తరానికి కూడా అందచేసి.. మంచి భవిష్యత్ ను రూపొందించుకునేలా తోడ్పడాలి. చాణిక్య నీతి ఎన్నో ముఖ్యమైన విషయాలు చెబుతోంది.

సమయం గురించి కూడా చాణక్యనీతి ఎన్నో ముఖ్యమైన విషయాలు చెప్పింది. జీవితంలో సమయాన్ని వృధా చేయకుండా సద్వినియోగం చేసుకుంటే లక్ష్యాలను చేరుకోవడానికి సులభంగా ఉంటుంది. సమయాన్ని వృధా చేస్తే ఎప్పటికీ లక్ష్యాల్ని చేరుకోలేరు. అలానే ఆచార్య చాణక్య కొన్ని విషయాలలో దాగి ఉన్న విజయ రహస్యాన్ని చెప్పారు. మరి వాటి కోసం ఇప్పుడే చూద్దాం.

#1. త్వరగా నిద్ర లేవడం మంచిది:

ప్రతి ఒక్కరు కూడా సూర్యోదయానికి ముందే నిద్ర లేస్తే ఎంతో మంచిది. దీనివల్ల మన పనులు త్వరగా పూర్తి చేసుకోవడానికి అవుతుంది. అలానే బద్ధకం కూడా ఉండదు.

#2. పౌష్టికాహారం తీసుకోవడం:

పౌష్టికాహారం తీసుకుంటే ఆరోగ్యం బాగుంటుంది. అలాగే అనారోగ్య సమస్యలు మీ దరిచేరవు. పౌష్టికాహారం తీసుకోవడం వల్ల రోజంతా మనకి శక్తి ఉంటుంది. అలానే వ్యాధులతో పోరాడగలము.

#3. మధురంగా మాట్లాడటం:

చక్కగా మాట్లాడటం చాలా అవసరం. మధురంగా మాట్లాడటం ద్వారా మనిషి ఎంత పెద్ద పనైనా సరే ఈజీగా చేసుకోగలరు.

#4. వినయంగా ప్రవర్తించడం:

వినయం మంచి గుణం. వినయం ఉన్న చోట గౌరవం లభిస్తుంది.

#5. క్రమశిక్షణ అవసరం:

ప్రతి ఒక్కరికి క్రమశిక్షణ ఉండాలి. క్రమశిక్షణ ఉంటే మనిషి విజయం సాధిస్తాడు. ఎంతటి కష్టమైన లక్ష్యాన్ని అయినా సరే క్రమశిక్షణ ఉంటే చేరుకోవడానికి అవుతుంది.

జీవితంలో మనిషికి ముఖ్యమైనవి రెండే రెండు రోజులు. ఒకటి తను ప్రపంచంలోకి అడుగుపెట్టిన రోజు. ఇంకొకటి తను ప్రపంచాన్ని వదిలి వెళ్ళిపోయిన రోజు. అంటే జననం ఇంకా మరణం. పుట్టిన తర్వాత బారసాల అన్నప్రాసన, చనిపోయిన తర్వాత అంత్యక్రియలు మనిషి ప్రమేయం లేకుండానే జరిగిపోతాయి.

పుట్టిన తర్వాత జరిగే ఈ కార్యక్రమానికి ఒక కారణం సందర్భం ఉంటుంది. చనిపోయిన తర్వాత చేసే అంతక్రియలు లో పాటించే కొన్ని వీధులకి కూడా కారణం ఉంటుంది. అందులో ఒకటి అంత్యక్రియలు చేసేటప్పుడు మొలతాడు తీసేయడం.

అంత్యక్రియలు చేసేటప్పుడు మృతదేహానికి మొలతాడు కూడా ఉండకూడదట. ఏ మనిషి అయినా అమ్మ కడుపులోకి ఎలా వస్తాడో.. అలానే మరణించాక కూడా వెళ్ళిపోతాడట. మనిషి ఈ భూమిపైకి దిగంబరంగా వస్తాడు. అలానే వెళ్లిపోయేటప్పుడు కూడా అలానే వెళ్తాడు. బతికి ఉన్నంత కాలం మోసాలు, అక్రమాలు, బతుకు దెరువు కోసం తిప్పలు… అన్నీ పడి చివరకు ఏమి లేకుండానే పైకి వెళ్ళిపోతాడు. మరణించిన వారిని చూసి ఇది నేర్చుకోవాలి అని చెప్పడానికే ఇలా మృతదేహాన్ని ఇలా చేసి అంత్యక్రియలు నిర్వహిస్తారట.

ఏ వ్యక్తి అయినా మరణించాక.. అతని భార్య గుమ్మం వరకు, కొడుకు కాటి వరకు మాత్రమే వస్తాడని.. ఆ తరువాత ప్రయాణమంతా ఒంటరిగానే చేయాలనీ హిందూ ధర్మం చెబుతుంది. దేహం లోంచి జీవం పోయాక.. ఒంటిపై మొలతాడు కూడా మిగలదు.. అనవసరమైన వాటికోసం ప్రాకులాడవద్దు అని చెప్పడం కోసమే ఈ సంప్రదాయం పెట్టారట.

ధనం ప్రతి ఒక్కరికీ అవసరమైనదే. అందరు అందుకోసమే కష్టపడుతూ ఉంటారు. కొందరు సంపాదించిన డబ్బుని జాగ్రత్తగా దాచుకుంటూ ధనవంతులవుతూ ఉంటారు. మరికొందరేమో ఎంత డబ్బు సంపాదించుకున్నా అది నిలవక ఇబ్బందులు పడుతూ ఉంటారు. అయితే.. కొన్ని విషయాలను తెలుసుకుని, జాగ్రత్త పడితే డబ్బు ఖర్చు అవ్వకుండా జాగ్రత్త పడచ్చు.

చాలా మంది ఇంట్లో అవసరం లేని పాత వస్తువులను బయట పడేయకుండా ఇంట్లోనే ఉంచుకుంటూ ఉంటారు. తర్వాత ఎప్పుడో అవసరమవుతాయన్న ఉద్దేశ్యంలోనో, లేక పడేయడం ఇష్టం లేకో వాటిని ఇంట్లోనే అటకపై పెట్టడమో.. లేదా టెర్రస్ పైన పడేయడమో చేస్తుంటారు.

కానీ, ఇలా చేయడం వలన ఇంట్లో ఆర్ధిక ఇబ్బందులు పెరిగే అవకాశం ఉంటుందట. వాస్తు శాస్త్రం ప్రకారం కొన్ని వస్తువులు ఇంట్లో ఆర్ధిక ఇక్కట్లను తీసుకొచ్చి, ఎక్కువ డబ్బు ఖర్చు అయ్యేలా చేస్తాయట. ముఖ్యంగా పగిలిపోయిన అద్దాన్ని ఇంట్లో ఉంచకూడదు. ఆ అద్దాన్ని అస్సలు వాడకూడదు. అద్దం పగిలిన వెంటనే బయటపడేయాలి. అలానే ఇంటికి సమీపంలో తేనెతుట్టలు పట్టుకుంటే.. కొందరు వాటిని అలానే వదిలేస్తారు. అలా కాకుండా వాటిని వెంటనే వదిలించుకోవాలి.

అలాగే ఇళ్ల కిటికీలపై, ఇంట్లో అరలపై పక్షులు గుడ్లు, గూళ్ళు పెట్టుకుంటే.. వాటిని కూడా తొలగించుకోవడం మంచిది. ఇంట్లో సాలీడు పురుగులు గూళ్ళు పేర్చుకున్నా కూడా అప్పులు పెరుగుతుంటాయి. ఇవన్నీ చేసుకుంటూ.. కేవలం అదృష్టాన్ని మాత్రమే కాకుండా మన కష్టాన్ని కూడా నమ్ముకోవాలి.