Mythology

మహాభారతం అందరికి తెలిసినదే.. కానీ పూర్తి గ్రంధాన్ని తెలుసుకున్న వారు చాలా తక్కువ మందే ఉంటారు. ఈ మధ్య కాలం లో మహాభారతం పైన కధలు, వెబ్ సిరీస్ లు ఎక్కువ గా వస్తున్నాయి కాబట్టి ఈ మాత్రం అవగాహనా అయినా ఏర్పడుతోంది. మహాభారతం ఎన్ని సార్లు చదివినా.. చూసినా.. ప్రతిసారి ఓ కొత్త విషయం బోధపడుతూ ఉంటుంది. చాలామంది.. కురుక్షేత్ర యుద్ధం తో మహాభారతం ముగిసింది అనుకుంటూ ఉంటారు.

కానీ అది అవాస్తవం. మహాభారత యుద్ధం జరిగాక చాలా ఘట్టాలు చోటు చేసుకున్నాయి. ప్రస్తుతం మనం యుద్ధం పూర్తి అయ్యాక అసలు ఏమి జరిగిందో.. పాండవులు ఏమయ్యారో తెలుసుకుందాం. కురుక్షేత్రం లో యుద్ధం దాదాపు పద్దెనిమిది రోజుల పాటు సాగింది. ఈ యుద్ధం లో కౌరవులు ఓడిపోతే.. పాండవులు విజయం సాధించారని మనందరికీ తెలుసు. దాదాపు ఎనభై శాతం మంది పురుష జనాభా ఈ యుద్ధం లో మరణించింది. ఈ యుద్ధం పూర్తయ్యాక ఎవరెవరు బతికారు.. వారు ఏమి చేసారు అన్నది చాలా తక్కువ మందికి తెలుసు.

పాండవులు విజయం సాధించాక.. వారు హస్తినాపురానికి రాజులు అయ్యి.. పాలనా కొనసాగించారు. కౌరవులు యుద్ధం లో ఓడిపోయి మరణించడం తో.. కౌరవుల తల్లి అయిన గాంధారి శ్రీకృష్ణుడిని శపిస్తుంది. నా కొడుకులలానే చనిపోతావు అంటూ శాపం పెడుతుంది. అందుకే అవతార పరిసమాప్తి సమయం లో శ్రీకృష్ణుడు అడవిలో ఓ చోట కూర్చుండగా… ఆయన కాళ్ళకి ఉన్న పారాణిని చూసి.. ఓ వేటగాడు జంతువు అనుకోని భ్రమపడి చాటు నుంచి బాణం వేస్తాడు.

రామావతారం లో వాలి పెట్టిన శాపం వల్లనే ఈ పరిస్థితి ఏర్పడుతుంది. చాటు గా రాముడు వాలి పై బాణం వేసాడని మనందరికి తెలుసు. అప్పుడు వాలి రాముడికి కూడా అలాంటి చావు తప్పదంటూ శపిస్తాడు. మరొక అవతారం లో ఆ శాపాన్ని అనుభవిస్తానని రాముడు మాట ఇస్తాడు.. కృష్ణావతారం లో ఇలా చాటు గా వేటగాడు బాణం వేయడం వలన మరణిస్తాడు. ఇక పాండవుల విషయానికి వస్తే.. దాదాపు 36 సంవత్సరాల పాలన తరువాత వారు కూడా కృష్ణుడి మరణాన్ని తెలుసుకుని తమ జన్మని చాలించే సమయం ఆసన్నమైందని అనుకుంటారు.

ద్వాపర యుగం పూర్తయ్యి కలియుగం ప్రారంభం అవ్వబోతోందని వారు గ్రహిస్తారు. శ్రీ కృష్ణుని మరణానంతరం పాండవులు కూడా తమ గమ్యం పూర్తి అయిందని భావించారని వేదవ్యాసుడు చెబుతాడు. వారంతా స్వర్గాన్ని చేరుకోవడం కోసం హిమాలయాలను ఎక్కడం ప్రారంభిస్తారు. వారికి తెలియకుండా యమ ధర్మరాజు కూడా శునకం రూపం లో వారితోనే వెళుతూ ఉంటాడు.

హిమాలయాలు ఎక్కుతున్న సమయం లోనే.. ద్రౌపది, భీముడు.. ఇలా ఒక్కొక్కరి నెలకొరుగుతూ ఉంటారు. వారు చేసిన కొన్ని పాప కర్మల వలన వారు నరకానికి చేరుకుంటారు. ఇక యుధిష్టరుడు మాత్రం చివర వరకు ఎక్కగలుగుతాడు. యుధిష్టరుడు ఒక్కడు మిగిలిపోయినతరువాత.. యమధర్మ రాజు శునకరూపాన్ని వీడి.. అసలు రూపం ధరిస్తాడు. తన సోదరులు ఎలాంటి పనులకు ఎలాంటి శిక్షలు అనుభవిస్తున్నారో చూపిస్తానని నరకానికి తీసుకెళ్లి చూపిస్తాడు. ఆ తరువాత.. స్వర్గలోకాధిపతి ఇంద్రుడు ఆయనను స్వర్గానికి తీసుకెళ్ళిపోతారు. వీరంతా.. ఈ భూమిని విడిచిపెట్టాకే కలియుగం మొదలైందని చెబుతుంటారు.

అన్నం పరబ్రహ్మ స్వరూపం అని పెద్దలు అంటుంటారు. చాలా మంది తినడానికి తిండి లేక అవస్థలు పడుతూ ఉంటారు. అందుకే అన్నం తినడానికి దొరికిన వారు అదృష్టవంతులు. తినే ఆహార పదార్ధాలను వృధా చేయరాదని చెబుతూ ఉంటారు. మన పళ్లెం లోకి అన్నం రావడం వెనుక రైతుల కష్టం చాలానే ఉంది.

అందుకే అన్నం ముందు కూర్చుని తిట్టుకోవడం లాంటివి చేయకుండా.. అన్నాన్ని గౌరవించి మౌనంగా భోజనం పూర్తి చేయాలి. పళ్లెం లో పెట్టుకున్న తరువాత ఆ అన్నాన్ని తినలేక పారవేయకూడదు.

అన్నం తిన్న తరువాత ఈ 5 తప్పులను అస్సలు చేయకూడదట. ఆ తప్పులేంటో ఇప్పుడు చూద్దాం.
# అన్నం తినేటప్పుడు మీ ప్లేట్ చుట్టూ మెతుకులు పోయకుండా తినడం అలవాటు చేసుకోవాలి. ఒకవేళ పొరపాటున పడినా వాటిని తీసేయాలి. అన్నం మెతుకులు ఎవరూ తొక్కకూడదు.

#అలాగే అన్నం తినేటప్పుడు గట్టిగా అరుస్తూ, నవ్వుతు మాట్లాడకూడదు. మౌనంగా భోజనాన్ని ముగించాలి. భోజనం చేయడం పూర్తి అయ్యాక తిన్న పళ్లెం లోనే చేతులు కడగకూడదు.

# అలాగే తిన్న పళ్లెం ఎండిపోయేదాకా పడేయకూడదు. ఆ పళ్ళేన్ని వెంటనే కడిగివేయాలి. తిన్న పళ్లెం లోనే చేతులు కడిగినా.. ఆ పళ్లెం ఎండిపోయినా దారిద్య్రాన్ని తెచ్చిపెడుతుందని విశ్వసిస్తుంటారు.

#అలాగే అన్నం తినే మధ్యలో దగ్గు లేదా, తుమ్ము వచ్చినప్పుడు, పొలమారినప్పుడు అక్కడి నుంచి లేచి వెళ్లి ఉమ్మేయాలి. చేతులు శుభ్రంగా కడుక్కుని వచ్చి భోజనం చేయాలి.

# కూర్చునే భోజనం చేయాలి. నిలబడి చేయడం మంచిది కాదు. అలాగే తిన్న తరువాత బద్ధకంగా ఎంగిలి పళ్లెం పక్కనే చాలా మంది పడుకుంటూ ఉంటారు. ఇది దారిద్య్రాన్ని తెచ్చి పెడుతుంది. తిన్న పళ్లెం పక్కనే ఎప్పుడూ పడుకోకూడదు. చేతులు కడుక్కుని తిన్న ప్లేస్ ను శుభ్రం చేసిన తరువాతే పడుకోవాలి.

భక్త సులభుడైన భోళా శంకరుడికి భారత్ లో భక్తులకు కొదవలేదు. లింగ రూపంలో పూజలు అభిషేకాలు అందుకునే శివయ్యకు భారత్ లోనే కాదు.. ప్రపంచ వ్యాప్తంగా హిందువులు భక్తులే.

అయితే.. ఓ దేశం లో.. కేవలం హిందువులే కాదు క్రైస్తవులు కూడా శివుడిని ఆరాధిస్తారట. ఈ దేవాలయం ఎక్కడ ఉందొ.. దాని విశేషాలు ఏమిటో ఇప్పుడు తెలుసుకుందాం..

యూరప్ లోని ఐర్లాండ్ లో ఈ శివాలయం ఉంది. అయితే.. ఈ శివాలయం ఇక్కడకు ఎప్పుడు.. ఎలా వచ్చిందో ఎవరికీ తెలియదు. ఈ లింగోద్భవం ఇప్పటికీ అంతు తెలియని మిస్టరీ గానే మిగిలిపోయింది. ఓ కొండ పై ఈ శివలింగం ఉంది. చుట్టూ ఇటుకలు గుండ్రని ఆకారం లో పేర్చబడి ఉన్నాయి. లియా ఫాయిల్ గా పిలవబడే ఈ రష్యా రాయిని అక్కడి వారు పరమ భక్తి శ్రద్ధలతో పూజిస్తారు. అతి పురాతన లింగం గా వెలుగొందుతున్న ఈ విగ్రహాన్ని క్రైస్తవులు పునరుత్పత్తి కి చిహ్నం గా భావిస్తూ కొలుస్తున్నారు.

ఈ లింగం గురించి ” మైనర్స్ ఆఫ్ ది ఫోర్ మాస్టర్స్” అనే గ్రంధం లో కూడా చెప్పబడి ఉంది. అక్కడి చారిత్రాత్మక కధనం ప్రకారం.. క్రీస్తుశకం 1632 నుంచి 1636 మధ్య కాలం లో త్వాతా డి డానన్ అను వ్యక్తి తీసుకొచ్చాడని ప్రతీతి. త్వాతా డి డానన్ అనే వ్యక్తిని డాను అనే దేవత యొక్క కొడుకు గా అక్కడివారు చెప్పుకుంటారు. ఈ దేవత గురించిన ప్రస్తావన మన గ్రంధాలలో కూడా ఉంటుంది.

కశ్యప ముని, అతని భార్య దక్ష లకు జన్మించిన కూతురే డాను అని చెప్తుంటారు. డాను అంటే జలానికి అధిపతి అని అర్ధమట. అలా.. లియో ఫాయిల్స్ లోని శివలింగానికి , భారతీయ వేద సంస్కృతి లో వర్ణించబడ్డ శివుడికి సంబంధం ఉన్నదని అక్కడి కధనం. వారి భాషలో లియా ఫెల్ అంటే అదృష్ట శిలా అని అర్ధమట. ఈ రాయిని నాశనం చేయాలనీ ఎన్నోసార్లు ప్రయత్నించినా ఎవరితరం కాలేదట. 2012 జూన్ లోను, 2014 లోను కూడా ఈ లింగం పై దాడి జరిగిందట. ఈ లింగాన్ని కాపాడాలంటూ అక్కడివారు ఐర్లాండ్ ప్రభుత్వాన్ని కోరుతున్నారు.

మనం మనస్ఫూర్తిగా దేవుడిని పూజిస్తే అనుకున్న కోరికలు నెరవేరుతాయి. అయితే నిజానికి చాలా మంది పూజలు చేసేటప్పుడు కొన్ని తప్పులు చేస్తారు. ముఖ్యంగా పూజ సమయం విషయంలో చాలా మంది తప్పులు చేయడం జరుగుతుంది. ఏ సమయంలో పూజ చేస్తున్నాం అన్నది కూడా చాలా ముఖ్యం.

ఎవరి వీలుని బట్టి వాళ్ళు నచ్చిన సమయంలో పూజ చేయకూడదు. అయితే దైవానుగ్రహం పొందాలంటే ఏ సమయంలో పూజ చేయాలి అనేది తప్పక తెలుసుకోండి.

మరి పండితులు ఏ సమయంలో పూజ చేస్తే మంచిది అని అంటున్నారో ఇప్పుడు చూద్దాం. సమయపాలన పూజ విషయంలో చాలా ముఖ్యం. ప్రతి పుణ్యక్షేత్రంలో కూడా సమయపాలన పాటించి పూజలు చేస్తూ ఉంటారు. అదే విధంగా మనం కూడా సమయపాలన ప్రకారం ఆచరించాలి. ఏ సమయంలో పూజ చేయాలి అనేది తప్పకుండా తెలుసుకుని దానికి తగ్గట్టుగా అనుసరించాలి.

ఇంట్లో పూజ కాస్త అటూ ఇటూ అయితే పరవాలేదు. కానీ మిట్టమధ్యాహ్నం వేళలో పూజ చేయడం మంచిది కాదు. ప్రతి వారం లేదా ప్రతి రోజూ చేసుకునే పూజా అయితే ఉదయం 10 గంటల లోపు పూర్తి చేస్తే మంచిది. ఒకవేళ 11 గంటల వరకు అయినా పర్వాలేదు. కానీ మళ్లీ మధ్యాహ్నం పూట పూజ చేయొద్దు.

ఇలా చేయడం నిజంగా మంచిది కాదు. రాత్రి పూజలు చేయడం కేవలం దుష్టశక్తుల్ని ఆవాహనం చేసుకునేందుకు తప్ప దైవానుగ్రహం పొందలేరు అని పండితులు చెబుతున్నారు. అందుకే తెల్లవారుజామున చేసే పూజల వల్ల సత్ఫలితాలు దక్కుతాయి. ఉదయం ఎనిమిది దాటకుండా పూజ అయ్యి పోతే మరీ మంచిది. దైవ అనుగ్రహం పొందాలంటే తప్పకుండా వీటిని పాటించండి. దీనితో మీకు అంతా శుభమే కలుగుతుంది.

తల్లిదండ్రులు ఇచ్చే సంస్కారాన్ని బట్టి పిల్లలు ఎదుగుతారు. తల్లిదండ్రులు పిల్లలకి మంచి విలువలు నేర్పితే వాళ్లు కూడా మంచి మార్గంలోనే వెళతారు. లేదంటే చెడు మార్గంలో వెళ్లడం జరుగుతుంది. నిజానికి మీ పిల్లలు సరైన మార్గం లో వెళ్లాలంటే వాళ్ళకి బాధ్యతలను అలవాటు చేయాలి.

అప్పుడు మిమ్మల్ని గర్వపడేలా చేస్తారు పిల్లలు. కానీ తల్లిదండ్రులే సక్రమంగా నడుచుకోక పోతే పిల్లలు చెడ్డ దారిన వెళ్లక మరేం చేస్తారు..? ఆచార్య చాణక్య చాణక్య నీతి ద్వారా ఎన్నో మంచి విషయాలను తెలిపారు.

తల్లిదండ్రులు, పిల్లలకు సంబంధించిన చాలా విషయాలను ఆయన చాణక్య నీతి ద్వారా తెలియజేయడం జరిగింది. అయితే తల్లిదండ్రుల్లో ఇలాంటి లక్షణాలు ఉన్నాయి అంటే నిజానికి వాళ్ళే పిల్లలకి పెద్ద శత్రువులు అని చెప్పారు. మరి వాటి కోసం ఇప్పుడు చూద్దాం.

#1. తప్పుడు ఆలోచనలను రానివ్వదు:

తల్లిదండ్రులు ఎప్పుడూ కూడా పిల్లలకి తప్పుడు ఆలోచనలను కలిగేలా చేయకూడదు. అలానే మీ కోరికను లేదా మీరు అనుకున్నది చేయడానికి వాళ్లపై ఒత్తిడి పెట్టకండి. అలానే సొంత ప్రయోజనాల కోసం అబద్దాలు చెప్పడం వాళ్ళకి నేర్పద్దు అని చాణక్య అంటున్నారు.

#2. చదువుని తేలిగ్గా తీసుకోవద్దు:

పిల్లలు చదువు పట్ల శ్రద్ధ పెట్టాలి తల్లిదండ్రులు. అంతేకానీ లైట్ తీసుకోకండి. పిల్లల చదువు పట్ల శ్రద్ధ పెట్టని తల్లిదండ్రులు శత్రువులతో సమానం అని అన్నారు.

#3. మితిమీరిన ప్రేమ, ఆప్యాయత వద్దు:

ఎప్పుడూ కూడా తల్లిదండ్రులు ఎక్కువ ప్రేమను పిల్లలతో పంచుకోకూడదు. ఇది నిజానికి వాళ్ళని మొండిగా మారుస్తుంది. కాబట్టి ఈ తప్పులు తల్లిదండ్రులు చేస్తే పిల్లలు కూడా మంచిగా ఉండలేరు. చక్కటి దారిలో వెళ్లలేరు. కాబట్టి మీరే వాళ్ళకి పెద్ద శత్రువులు అవుతారు.