Mythology

శ్రీ రామచంద్రుని అనన్య భక్తుడు హనుమంతుని గురించి తెలియని హిందువు ఉండడు. ఆయన బలశాలి, ధైర్య శాలి.. ఎంత బలం ఉన్నా ఎప్పుడు, ఎక్కడ, ఏమి మాట్లాడాలో తెలిసిన వాడు. అందుకే శ్రీరాముడు సైతం ఆంజనేయుడిని అభిమానిస్తూ ఉంటాడు. అయితే.. హనుమంతుడి తోకకు గంటను శ్రీరాముడే పెట్టాడు. దీని వెనుక ఓ కథ ఉంది. ఓ సంఘటనకు గుర్తుగా ఈ గంటను పెట్టుకోమని శ్రీరాముడే స్వయంగా ఇస్తాడు.

కథలోకి వెళ్తే, శ్రీ రాముడు వనవాసంలో ఉన్నప్పుడు సీతాదేవి అపహరించబడుతుందన్న సంగతి తెలిసిందే. అయితే.. సీత జాడ కోసం సుగ్రీవుడు, హనుమంతుడు కూడా శ్రీరామునికి సాయం చేస్తారు. అయితే.. హనుమంతుడు వానర సైన్యాన్ని తీసుకొస్తాడు. ఈ సైన్యంలో చాలా చిన్నవిగా సింగిలీక కోతులు కూడా ఉన్నాయి. ఇవి చాలా చిన్నవి. ఇవి ఏ ఆయుధాలను మొయ్యలేవు. ఈ కోతులు గుంపులు గుంపులుగా తమ వేలి గోర్లతోనే యుద్ధం చేస్తాయి. ఇవి చుట్టుముడితే తప్పించుకోవడం కష్టమే. అందుకే హనుమంతుడు వీటి సాయం కూడా తీసుకుంటాడు.

అందరు సిద్ధం అయ్యి లంకపై యుద్ధానికి బయలుదేరబోతున్న సమయంలో శ్రీ రామచంద్రునికి ఒక్క క్షణం తత్తరపాటు కలుగుతుంది. తన కోసం ఇంతమంది కుటుంబాల్ని వదిలేసి యుద్ధానికి వస్తున్నారని తల్చుకుని బాధపడతాడు. ఆ తరువాత ఆ వానర కుటుంబాలన్నిటికి ప్రమాణం చేస్తాడు. ఎంతమంది సైన్యంతో వెళ్తున్నానో.. అంతమంది సైన్యంతో తిరిగి వస్తానని, అప్పటివరకు ధైర్యంగా ఉండమని చెబుతాడు. వానర సైన్యం శ్రీరాముని మాటలకు సంతసిస్తుంది.

చివరకు యుద్ధం ప్రారంభం అవుతుంది. సింగిలీక కోతులు గుంపులు గుంపులుగా వెళ్లి శత్రువులపై దాడి చేస్తూ ఉంటాయి. ఆ సమయంలో కుంభకర్ణుడు కూడా రంగం లోకి దిగుతాడు. కుంభకర్ణుడిది భారీ శరీరం అన్న సంగతి మనకి తెలిసిందే. కుంభకర్ణుడు రధం కూడా ఆయన సైజుకు తగ్గట్లే ఉంటుంది. ఆ రధంపై ఉన్న గొడుగుకు చిన్న చిన్న గంటలు ఉన్నాయి. అవి చూసేవారికి పెద్ద గంటలుగానే కనిపిస్తాయి. ఒక్కసారిగా కుంభకర్ణుడు వానర సైన్యంపై విరుచుకు పడతాడు.

ఆ టైంలోనే కుంభకర్ణుడి కుడి చేయి తగిలి జండాపై ఉన్న గంటలు కింద పడిపోతాయి. ఆ సమయంలో వేయి సింగిలీక కోతుల గుంపుపై ఓ గంట పడుతుంది. ఈ కోతులన్నీ ఆ గంట కింద ఇరుక్కుపోతాయి. ఆ గంటని కదల్చడానికి వాటి బలం సరిపోదు. చేసేదేమి లేక అక్కడే కూర్చుంటాయి. బయట యుద్ధం జరుగుతున్నా.. లోపల చీమ చిటుక్కుమన్నా వినిపించేటంత నిశ్శబ్దం నెలకొంటుంది. ఇంతలో ఓ కోతి మనం చచ్చిపోతామేమో అని మాట్లాడడం మొదలు పెడుతుంది.

మిగతా కొన్ని కోతులు కూడా మాట్లాడడం మొదలుపెడతాయి. మనల్ని కాపాడడానికి ఎవరైనా వస్తారో లేదో..? అంటూ చర్చించుకుంటూ ఉంటాయి. ఈ చర్చ కాస్తా శ్రీరామునివైపు వెళ్తుంది. అసలు ఈ శ్రీరాముడు ఎవరు..? మన గురించి ఆయనకేమైనా పట్టిందా? ఏదో హనుమంతుడు అడగ్గానే ముందు వెనకా.. ఆలోచించకుండా వచ్చేసాం అంటూ నిందించడం ప్రారంభించాయి. ఆ కోతుల్లోనే.. వయసులో పెద్దదైన ఓ ముసలి కోతి “కారణాలు లేకుండా ఆడిపోసుకోవడం ఎందుకు? ఆ శ్రీరాముడినే స్మరిద్దాం.. ఈ సమస్య నుంచి బయటపడవచ్చు..” అంటూ హితవు చెప్పింది.

ఆ కోతిని చూసి మిగతా కోతులన్నీ నవ్వాయి.. కానీ ఆ కోతి మాత్రం శ్రీరామ నామస్మరణను మానలేదు. కొంతసేపటికి మిగతా కోతులు కూడా ముసలి కోతితో పాటు శ్రీరామ నామాన్ని జపించడం ప్రారంభించాయి. మరో వైపు.. యుద్ధంలో శ్రీరామ చంద్రుడు విజయం సాధించాడు. రావణుడిని ఓడించి యుద్ధంలో గెలుపొందాడు. వానర సైన్యమంతా శ్రీ రామచంద్రుడిని వేనోళ్ళ పొగుడుతోంది. శ్రీరాముడు మాత్రం హనుమంతుడిని పిలుస్తాడు. సైన్యమంతా ఉన్నారో లేదో లెక్క చూడమంటాడు.. ఓ వెయ్యి కోతుల లెక్క తగ్గిందని హనుమంతుడు తెలుపుతాడు. .

శ్రీరాముడు వెంటనే ఆదేశాలు జారీ చేస్తాడు. వారు ఎక్కడ ఉన్నా వెతికి, కాపాడాలని చెబుతాడు. శ్రీ రాముడే స్వయంగా రంగం లోకి సింగిలీక కోతుల్ని వెతకడం ప్రారంభించాడు. అంతలో ఓ చోట ఒక గంట బోర్లించి ఉండడాన్ని చూసాడు రాముడు. ఆ గంట కిందే ఈ కోతులు ఇరుక్కుపోయాయేమో అనుకుని.. హనుమను పిలుస్తాడు. హనుమంతుడు శ్రీ రాముని అంతరంగాన్ని గ్రహించి తోకతో ఆ గంటను పైకి లేపుతాడు. ఆ గంట కింద రామ నామం జపిస్తున్న సింగిలీక కోతులు కనిపిస్తాయి. ఆ సింగిలీక కోతులకు ఉన్నట్లుండి వెలుతురు పడడంతో మెల్లగా కళ్ళు తెరిచి చూస్తాయి.

ఎదురుగా శ్రీ రామ చంద్రుడే కనిపిస్తాడు. తమని కాపాడడం కోసమే వచ్చాడని తెలుసుకొని ఆ కోతులు సంతోషిస్తాయి. ముందుగా.. ఆయన్ను నిందించినందుకు కూడా బాధ పడతాయి. శ్రీరాముని పాదాలపై పడతాయి. అలా వాటి జన్మ ధన్యమైంది. ఆ సమయంలోనే శ్రీరాముడు హనుమ వైపు చూస్తాడు. ఈ సంఘటనకు గుర్తుగా ఆ గంటను అలాగే తోకకు ధరించాలి అని శ్రీ రాముడు హనుమంతుడిని కోరతాడు. అప్పటినుంచి హనుమంతుడు అలా తోకకు గంటను ధరిస్తూ ఉన్నాడన్నమాట.

చాణుక్యుని గురించి తెలియని వారు ఉండరు. సామాజిక జీవితం లో మనిషి మనుగడ సాగించడానికి ఆయన చెప్పిన నీతి వాక్యాలు ఎంతగానో అవసరం అవుతాయి. జీవితం లో ఒక్కసారి అయినా ఆయన ఏమి చెప్పారో అన్న విషయాన్నీ గుర్తు చేసుకోకుండా మనం ఉండలేము. అలాగే.. ఆయన అమ్మాయిల గురించి ఏమి చెప్పారో మనం ఇప్పుడు తెలుసుకుందాం.

1. ఆయన చెప్పిన సూత్రాల ప్రకారం.. ఆడవారు మగవారి కంటే ఎక్కువ ఆహారాన్ని తీసుకుంటారట. “స్త్రీనాం దివ్గుణ ఆహారో” అని ఆయన “చాణక్య నీతి” అనే పుస్తకంలో రాసారు. మహిళలు పురుషుల కంటే ఎక్కువగా కష్టపడి పని చేస్తూ ఉంటారని.. అందుకే వారికి పురుషలకంటే రెండింతలు ఎక్కువగా ఆకలి వేస్తుందని చాణక్యుడు చెప్పుకొచ్చారు.

2. పురుషుల కంటే స్త్రీలు చాలా విషయాలలో నిగ్రహంగా ఉండగల్గుతారట. సందర్భాన్ని బట్టి, సమయాన్ని బట్టి స్పందించడంలో స్త్రీలు పురుషుల కంటే చాలా మెరుగ్గా ఉంటారట. స్త్రీలు పురుషుల కంటే కనీసం ఎనిమిది రెట్లు ఎక్కువగా నిగ్రహంగా ఉంటారట.

3. పురుషుల కంటే స్త్రీలు ఆరు రెట్లు ఎక్కువగా ధైర్యవంతంగా ఉంటారట.

4. అలాగే , తెలివితేటల్లో కూడా పురుషులకంటే స్త్రీలలో ఎక్కువ తెలివితేటలు ఉంటాయట. వారికి ఉన్న తెలివితేటలను అమలు పరచడంలో పురుషులకంటే మెరుగ్గా ఉంటారట. వారి తెలివితేటలతో ఎదురైన సమస్యల్ని సమర్ధవంతంగా పరిష్కరించుకుంటారట.

చాణుక్యుడు భారతీయులందరికి సుపరిచుతుడే. అర్ధశాస్త్రాన్ని ఔపోసన పట్టి, సకల రాజనీతి జ్ఞానాన్ని సముపార్జించిన వాడు చాణుక్యుడు. అర్ధశాస్త్రాన్ని రచించింది ఈయనే అని మనకి తెలిసినదే. ఈయన రచయిత గా, సలహాదారుని గా ఎనలేని ఖ్యాతి గడించారు. ఈయన చెప్పిన నీతి వాక్యాలు నేటికీ చిరస్మరణీయాలు. ఈయన చెప్పిన నీతి సూత్రాలు నేటికీ ఆచరించుకుని ఉత్తమ ఫలితాలను పొందవచ్చు. జీవితంలో మనం పైకి ఎదుగుతున్న కొద్దీ మనకు శత్రువులు కూడా పెరుగుతూ ఉంటారు. అయితే.. వారిని ఎలా ఎదుర్కొంటాం అన్నది మన తెలివితేటలపైనా, శక్తిసామర్ధ్యాల పైనా ఆధారపడి ఉంటుంది. చాణక్యుడు సమర్ధవంతంగా ఎలా ఎదుర్కోవాలి అన్న విషయమై కొన్ని సలహాలు చెప్పారు. అవేంటో ఇప్పుడు చూద్దాం.

శక్తిని పెంచుకోవడం: ఫోన్ లో సాఫ్ట్ వేర్ లను ఎప్పటికప్పుడు అప్ డేట్ చేసినట్లు మీ శక్తియుక్తులను కూడా ఎప్పటికప్పుడు పెంచుకుంటూ ఉండాలి. సమయానికి తగ్గట్లు మీ బలాన్ని పెంచుకోవడం వల్ల మీ శత్రువులకు మీకు ఏమైనా ఇబ్బంది కలిగించాలన్నా ఆలోచనలో పడతారు. ఎవరైనా బలహీనంగా ఉన్నపుడే శత్రువులు దాడికి ఉపక్రమిస్తారు. అందుకే మీ శక్తియుక్తుల్ని పెంచుకోవడం అవసరం.

ప్లానింగ్: చాణక్యుడు చెప్పిన రెండో విషయం ఏంటంటే ప్రణాళిక వేసుకోవడం. ఏ పని చేయదలచుకున్న అందుకు అవసరమైన ప్లానింగ్ ను ముందుగానే వేసుకుని పధకం ప్రకారం నడుచుకోవాలి. ఏదైనా ముఖ్యమైన పని కూడా సరైన ప్లానింగ్ తో చేస్తే అద్భుతమైన ఫలితం ఉంటుంది. అలాగే మీ ప్రణాళిక ఏమిటో ఎవ్వరికీ తెలియనివ్వకపోవడమే మంచిది. పని పూర్తి అయ్యేవరకు సహనం వహించాలి. లేదంటే అదను చూసి శత్రువులు దెబ్బకొట్టే అవకాశం ఉంటుంది.

మాటతీరు: చికత్స కంటే నివారణే ముఖ్యం అన్న సామెత ఉండనే ఉంది కదా.. శత్రువులు ఉంటె ఎదుర్కోవాల్సిన అవసరం వస్తుంది. అసలు శత్రువులే లేకుండా ఏ గొడవా ఉండదు. అందుకే.. మన మాటతీరు మంచిగా ఉండాలి. నోరు మంచిదైతే ఊరు మంచిదవుతుంది. మీ మాట తీరు బాగుంటే.. మీరు అందరిని ఆకట్టుకోగలుగుతారు. శత్రువులు కూడా తక్కువగా ఉంటారు.

వినయం: శత్రువులు తక్కువగా ఉండాలంటే మీరు ముందు వినయ విధేయతలతో ఉండాలని చాణుక్యుడు చెబుతున్నాడు. అహంకారం అన్ని అనర్ధాలను తీసుకొస్తుంది. శత్రువుల్ని పెంచుతుంది. అదే వినయంగా ఉన్నవారికి జనబలం ఉంటుంది. అందరి ఆప్యాయతలు లభిస్తాయి. అలాంటివారిని చూసి శత్రువు సైతం భయపడతాడు.

ఆశ్వయుజ మాసం వచ్చిందంటే చాలు తెలంగాణలో ప్రతి ఊరు, ప్రతి వాడలో బతుకమ్మ సంబరాలు మొదలవుతాయి. అచ్చ తెలంగాణ ఆడపడచు ప్రతి ఏడూ పుట్టింటికి వెళ్లి చేసుకునే పండగే బతుకమ్మ. దసరాకు తొమ్మిది రోజుల ముందే బతుకమ్మ వేడుకలు మొదలవుతాయి.

అత్తింటి నుంచి పుట్టింటికి చేరుకున్న ఆడపిల్లలు రకరకాల పూలను త్రికోణాకారం లో పేర్చి బతుకమ్మను ఆహ్వానిస్తారు. ఆ బతుకమ్మను ఆడపిల్లలంతా ఓ చోట పేర్చి.. దాని చుట్టూ తిరుగుతూ పాటలు పాడుతూ.. ఆటలు ఆడుతూ ఉంటారు. “బతకమ్మ బతకమ్మ ఉయ్యాలో బంగారు బతుకమ్మ ఉయ్యాలో” అంటూ బతుకమ్మ చుట్టూ తిరుగుతూ పాట పాడుతారు. ఎంగిలి పువ్వు బతుకమ్మతో మొదలుపెట్టి దసరా కి ముందు చేసే సద్దుల బతుకమ్మ వరకు ప్రతి ఇంట్లోనూ సంబరమే నెలకొని ఉంటుంది.

మగవాళ్లేమో తంగేడు, గూనుగ వంటి రకరకాల పూలను ఉత్సాహంతో సేకరిస్తారు. ఆడపిల్లలు తాము అందం గా అలంకరించుకుని.. ఈ పూలను కూడా బతుకమ్మకు అలంకరించి ముస్తాబు చేస్తారు. ఈ బతుకమ్మను మధ్యలో పెట్టి.. చుట్టూ తిరుగుతూ పాటలు పాడుతారు.. ఆటలు ఆడుతారు. ఆ తరువాత ఈ బతుకమ్మను తీసుకెళ్లి నీటిలో వదిలివేస్తారు.

బతుకమ్మని నీటిలోనే ఎందుకు వదిలేస్తారో తెలుసా? రాబోయే కాలం వర్షాకాలం. ఈ కాలం లో వాగులు, నదులలో నీరు పొంగి ఉంటుంది. బతుకమ్మలో పెట్టె గానుగ, తంగేడు పూలకు నీటిని శుభ్రపరిచే గుణం ఉంటుంది. అందుకే బతుకమ్మను నీటిలో వదిలివేస్తే ఈ పూలు నీటిని శుభ్రపరిచి పర్యావరణాన్ని కాపాడతాయని పెద్దలు అలాంటి ఆనవాయితీ ని పెట్టారు.

దసరా.. హిందువులకు అత్యంత ప్రీతిపాత్రమైన పెద్ద పండుగల్లో ఒకటి. దుర్గాదేవి మహిషాసురుడు అనే రాక్షసుడిని సంహరించిన రోజును మనం దసరా పండుగ గా జరుపుకుంటాం. శ్రీ రాముడు తొమ్మిది రోజులు దుర్గను పూజించి.. ఆ తరువాత రావణుడిపై యుద్ధం లో గెలిచాడని చెబుతుంటారు. అందుకే చెడు పై మంచి చేసే యుద్ధానికి ప్రతీకగా దసరా పండుగను వేడుక లా చేసుకుంటారు.

భారత దేశమంతా తొమ్మిది రోజుల పాటు.. తొమ్మిది అవతారాలలో దుర్గాదేవిని పూజిస్తారు. చివరి రోజైన దశమిని “విజయ దశమి” గా జరుపుకుంటారు. ఆ రోజే పాండవులు కూడా తమ ఆయుధాలను శమీ చెట్టు పైనుంచి దింపి పూజ చేసుకుని యుద్ధం చేసారని.. వారు కూడా విజయం సాధించారని చెబుతుంటారు. అందుకే విజయ దశమి రోజున ఎవరి ఆయుధాలను వారు పూజించుకుని ఏ కార్యం తలపెట్టినా విజయం సాధిస్తారని చెబుతారు.

పురాణం లో చెప్పబడ్డ మహిషాసుర వధ కథను తెలుసుకుందాం. పూర్వం మహిషాసురుడు అనే రాక్షసుడు మానవులను, ఋషులను, దేవతలను సైతం హింసించేవాడట. మహిషం అంటే దున్నపోతు అని అర్ధం. ఈ రాక్షసుడి తల కూడా దున్నపోతు తలలా ఉండేదట. అతన్ని సంహరించడం కోసమే.. దేవతలంతా కలిసి దుర్గాదేవిని సృష్టించారట. అయితే.. ఆమె అందాన్ని చూసి మహిషాసురుడు మోహిస్తాడట. తనను పెళ్లి చేసుకోవాలని కోరతాడట.

అందుకు ఆ అంబ కొన్ని షరతులు పెడుతుంది. తనతో యుద్ధం చేసి గెలవాలని కోరుతుంది. గెలిస్తే.. పెళ్లాడతానని మాటిస్తుంది. అలా మొదలైన యుద్ధం తొమ్మిదిరోజుల పాటు సాగుతుంది. తొమ్మిదవరోజున, అమ్మ మహిషాసురుడిని అంతం చేస్తుంది. అతని తలని నరికేస్తుంది. ఆరోజు ప్రజలంతా పండగ చేసుకుంటారు. అందుకే నేటికీ.. కొన్ని ప్రాంతాలలో దున్నపోతు తలను నరికి అమ్మకు బలిస్తుంటారు. ఈ తొమ్మిది రోజుల పాటు తొమ్మిది రూపాలలో దుర్గాన్ని కొలిచి.. ఆమెను ప్రసన్నం చేస్తారు.

మరో కథ కూడా ప్రచారం లో ఉంది. అమ్మ వారు పరమేశ్వరుడి దగ్గర ఓ వరం పొందుతుంది. అదేంటంటే..ప్రతి ఏటా తొమ్మిది రోజుల పాటు ఆమె తన తల్లి అయిన భూమి వద్ద ఉండడానికి శివుడు ఆమెకు వరమిస్తాడు.  అందుకే ప్రతి ఏడాది ఆమె వచ్చే తొమ్మిది రోజులను మనం నవరాత్రులుగా జరుపుకుని ఆమెను సంతుష్టపరుస్తాం. దసరా రోజున, చాలా ప్రాంతాల్లో ఆయుధ పూజలు చేస్తారు. తమ కార్యాలు విజయవంతం కావాలని అమ్మవారిని వేడుకుంటారు.

మహిళలు అలంకార ప్రియులు. ఫ్యాషన్ గా ఉండేవాళ్ళకి ట్రెండీ జ్యువెలరీ ఉండనే ఉంది.  మోడరన్ అమ్మాయి అయినా, క్లాసీ అమ్మాయి అయినా ఆభరణాలను చూస్తే మనసు పారేసుకోవడం మాత్రం ఖాయమే. అలాగే.. పెళ్లి అయిన తరువాత అమ్మాయిల వద్దకు కొత్త ఆభరణాలు ఆడ్ అవుతూ ఉంటాయి. నిత్యం ధరించే మంగళ సూత్రాలు, గాజులు, కాలి మెట్టెలు, నల్ల పూసలు లాంటివన్నమాట.

అయితే.. ప్రస్తుతం నడుస్తున్న మోడరన్ యుగం లో చాలా మంది నల్లపూసలు, కాలి మెట్టెలు ధరించడం లేదు. కొంతమంది అయితే అసలు మంగళసూత్రాలు ధరించడానికి కూడా ఆసక్తి కనబరచడం లేదు. అసలు ఇవి భారతీయ వివాహ సంప్రదాయం లో ఎందుకు పెట్టారు..? మంగళసూత్రాలు వేసుకుంటే సరిపోతుందా? నల్లపూసలు కూడా కచ్చితం గా వేసుకోవాలా? అన్నది ఈరోజు ఆర్టికల్ లో తెలుసుకుందాం.

హిందూ సంప్రదాయం లో నల్లపూసలు చాలా విశిష్టత ఉంది. పూర్వం నల్లపూసలని నల్ల మట్టితో తయారు చేసేవారు. ఈ పూసలు ఛాతి మీద వరకు వేసుకునే వారు. కొంతమంది మంగళసూత్రాలలోనే రెండు పెద్ద నల్లపూసలు, రెండు ఎర్ర పూసలు వేసేవారు. ఇవి ఛాతీ మీద వచ్చే ఉష్ణాన్ని పీల్చుకునేవి అనే నమ్మకం తో వీటిని ధరించేవారు. ఇప్పుడు వచ్చే నల్ల పూసలు తయారీ విధానమే మారిపోయింది. అయితే.. శాస్త్రం గురించి తెలిసిన వారు మాత్రం తమకోసం ప్రత్యేకం గా తయారు చేయించుకుంటున్నారు.

వివాహ సమయం లోనే అత్తింటివారు ఓ కన్యతో నల్లపూసలను కుట్టిస్తారు. వాటిని వధూవరులిద్దరి చేత నీల లోహిత గౌరీ దేవి ముందు ఉంచి పూజ చేయిస్తారు. వాటిని ధరించడం వలన నీల లోహిత గౌరీ దేవి అనుగ్రహం లభించి వారు జీవితాంతం కలిసి ఉంటారు అని శాస్త్రం చెబుతోంది. అయితే.. ఇప్పుడు మాత్రం పెళ్లి లో పూజ చేసిన నల్లపూసలను ఎక్కువ కాలం ధరించడం లేదు. బంగారం షాపుల్లో రెడీ మేడ్ గా చేసిన వాటినే కొనుక్కుని వేసుకుంటున్నారు. మన పెద్దలు ఏమి చెప్పినా.. దాన్ని ఎంతో దూరం ఆలోచించి, ఆచరించే చెప్పారు. అందుకే వారు చెప్పినట్లే పాటించడం ఉత్తమం.

భారతదేశం అంటేనే సంప్రదాయాలకు పెట్టింది పేరు. మన భారతదేశంలో మనం ఎన్నో ఆచారాలను పాటిస్తాం. కొన్ని ఒక ప్రాంతానికి మాత్రమే పరిమితం అయితే, కొన్ని మాత్రం భారతదేశ వ్యాప్తంగా పాటిస్తాం. అయితే అలా పాటించే ఆచారాలు అన్నిటికీ మనకు అర్థం తెలియాలి అని రూలేమీ లేదు.

మనం భారతదేశంలో ఎక్కువగా పాటించే ఆచారాల్లో గుమ్మానికి నిమ్మకాయలు, మిరపకాయలు కట్టి వేలాడదీయడం ఒకటి. ఇలా కట్టడానికి వెనకాల ఉన్న గల కారణం చాలా మందికి తెలియదు. ఇలా కట్టడం వల్ల దుష్టశక్తులు, ఆత్మలు ఇంట్లోకి రావు అని అంటూ ఉంటారు. కానీ అలా నిమ్మకాయలు, మిరపకాయలు వేలాడదీయడానికి వెనకాల ఒక సైన్స్ కి సంబంధించిన కారణం ఉంది.

పూర్వం చాలా మంది మట్టి ఇళ్ళలో ఉండే వారు. దాంతో పురుగులు, దోమలు వంటివి ఇళ్లల్లోకి ఎక్కువగా వచ్చేవి. అప్పుడు ఇప్పుడు ఉన్నట్టు మస్కిటో కాయిల్స్ లాంటి కెమికల్ పదార్థాలు లేవు. నిమ్మకాయ, మిరపకాయల్లో విటమిన్ సి ఉంటుంది. మిరపకాయలో అయితే విటమిన్ సి పుష్కలంగా ఉంటుంది.

నిమ్మకాయలో ఉండే సిట్రిక్ యాసిడ్ మనం నిమ్మకాయని దారానికి గుచ్చినప్పుడు ఆ దారానికి అంటుకొని ఆ ప్రదేశం మొత్తం వ్యాపిస్తుంది. దాంతో దోమలు, ఈగలు లేదా ఇతర కీటకాలు అక్కడికి రాకుండా ఉంటాయి. ఈ కారణంగానే పూర్వంలో నిమ్మకాయ, పచ్చి మిరపకాయలు దారానికి కలిపి కట్టేవారు. ఇదే పద్ధతిని మనం తరతరాల నుండి ఇప్పటి వరకు పాటిస్తూ వస్తున్నాం.

కుక్క అరుపుకి, మనిషి చావుకి సంబంధం ఉంది అంటారు. అంటే ఒక వేళ కుక్క అరిస్తే ఆ చుట్టుపక్కల ఉన్న ఎవరైనా ఒక వ్యక్తి చనిపోబోతున్నారు అని ఆ కుక్క ముందే గ్రహించింది అని చెప్తూ ఉంటారు. ఇది ఎన్నో సంవత్సరాల నుండి మనదేశంలో నమ్మే ఒక విషయం. కానీ ఇందులో ఎంతవరకు నిజం ఉందో మాత్రం ఎవరికీ తెలియదు. తెలిసినా కూడా ఆ విషయం పెద్దగా బయటకు రాలేదు. కానీ అసలు ఇందులో నిజం లేదు అని శాస్త్రవేత్తలు చెప్తున్నారు.

అసలు ఈ విషయాన్ని నిరూపించటానికి పురాణాలకు సంబంధించిన, లేదా చరిత్రకు సంబంధించిన ఎలాంటి ఆధారాలు లేవు. ఎంతో మంది శాస్త్రవేత్తలు కూడా ఈ విషయంపై పరిశోధనలు చేసి ఇది తప్పు అని నిరూపించడానికి ప్రయత్నించారు. కానీ ఫలితాలు అంతంతమాత్రంగానే ఉన్నాయి. అసలు కుక్కలకి అతీంద్రియ శక్తులు ఉన్నాయి అనే నమ్మకం గ్రీక్ నుండి వచ్చింది. కుక్కలు చావుని గ్రహించగలరు అనే నమ్మకం కుడా గ్రీకుల నుండే మొదలయ్యింది అని అంటారు. వారు ఈ నమ్మకాన్ని పెంచుకోవడానికి గల కారణం ఏంటో తెలియదు.

ఒక అమెరికన్ రచయిత ఏడు గిత్తలు ఉన్న కుక్కలకి దెయ్యాలు కనిపిస్తాయి అని ఒక పుస్తకంలో రాశారు.  కుక్క ఏదైనా శూన్యంలోకి చూసి అరుస్తూ ఉంటే అక్కడ దెయ్యం ఉండే ఉంటుంది అని, ఆ కుక్క రెండు చెవుల మధ్యలో నుండి చూస్తే మనకి కూడా కనిపిస్తుంది అని ఆ రచయిత రాశాడు. దీనిని కొంత మంది అలా ఏముండదు అని అంటే, కొంత మంది మాత్రం నమ్మారు. కానీ శాస్త్రవేత్తలు మాత్రం కుక్కలు దెయ్యాలని చూడటం లాంటివేమీ ఉండవు అని అంటున్నారు.

ఒక వేళ గాలిలో ఏదైనా రసాయనిక మార్పులు వస్తే, ఆ గాలి ఎవరైనా చావుకి దగ్గరగా, అంటే, అనారోగ్యంగా ఉన్న మనిషికి సోకితే, అదే గాలి కుక్కలకు తెలిసి, ఒకవేళ మనిషికి ఏదైనా ప్రమాదం ఉంటే గ్రహించగలుగుతాయి కానీ, చావుని పసిగట్టే శక్తి కుక్కలకి లేదు అని చెప్పారు. పైగా తెలియని వ్యక్తి చనిపోతే కుక్క ఏడుస్తుంది అనడం కూడా పొరపాటు అని అంటున్నారు. కుక్కలు ఏడవటానికి అనారోగ్యం కానీ లేదా ఇంక వేరే ఏదైనా కారణం కానీ ఉండొచ్చు అని అన్నారు.

గణపతి పురుష రూపం. ఏకదంతం, తొండం కలిగిన ధీశాలి గణపతి. ఈయన విఘ్నాలకు అధిపతి కాబట్టి ఆయనను విఘ్నేశ్వరుడు అని కూడా పిలుస్తూ ఉంటాం. మనందరికీ గణపతి గురించి తెలుసు.. కానీ తెలియని విషయం ఏమిటంటే.. గణపతి కి స్త్రీ రూపం కూడా ఉందని. ఆ రూపం గురించి మనం ఇప్పుడు తెలుసుకుందాం.

తంత్ర శాస్త్రం లో గణపతి స్త్రీ రూపం గురించి చెప్పబడింది. ఈ రూపాన్ని వినాయకి అన్న పేరుతో పిలుస్తారట. అయితే.. ఈ రూపాన్ని పూజించడానికి చాలా నియమ నిష్టలు అవసరం. ఈ రూపం యొక్క బీజ మంత్రాన్ని నిష్ఠగా పూజిస్తే.. వినాయకి కరుణించి తన అనుగ్రహాన్ని ప్రసాదిస్తుందట. ఈ బీజ మంత్రం లోనే ఇతర దేవతలకు సంబంధించిన బీజాక్షరాలు కూడా కనిపిస్తుంటాయి. అందువల్లే.. ఈ మంత్రాన్ని నిష్ఠగా జపించడం వలన కోరిన కోరికలు తీరతాయట.

|| ఓం శ్రీం హ్రీం క్లీం గ్లౌం గం ఐం హ స ఏ ఈ ల హ్రీం తత్ సవిత్సవరేణ్యం గణపతయే క్లీం హ స క హ ల హ్రీం భర్గోదేవస్య ధీమహి వర వరద సౌ స క ల హ్రీం థియో యోనః ప్రచోదయాత్ సర్వ జనమ్మే వశమానయ స్వాహా ||

ఈ గణపతి రూపానికి వాంఛా కల్పలత గణపతి అన్న పేరు కూడా ఉంది. వాంఛా అంటే కోరిక అని అర్ధం. కల్పలత అంటే ఇచ్చునది అని అర్ధం. కోరిన కోరికలను తీర్చే గణపతి కాబట్టే ఈ రూపాన్ని ఈ పేరుతో పిలుస్తారట. ఈవిడనే శ్రీ విద్యా గణపతి అని కూడా పిలుస్తారట. ఈ బీజా మంత్రాన్ని గురువు ద్వారా స్వీకరించి జపం చేయాలట. మహాగణపతి మంత్రాన్ని 444 సార్లు పఠించడం వల్ల ఎలాంటి ఫలితాలు కలుగుతాయి ఈ వాంఛా కల్పలత గణపతిని పూజించడం వలన కూడా అలంటి ఫలితాలే కలుగుతాయట.

వివాహం ఆలస్యం అవుతుండడం, దాంపత్య సుఖం లేకపోవడం, పిల్లలు లేకపోవడం, విద్యాపరంగా అభివృద్ధి లేకపోవడం, ఉద్యోగపరం గా ఎదురయ్యే సమస్యల పరిష్కారం కోసం… ఈ గణపతి ని ఆరాధిస్తే కోరిన కోరికలు నెరవేరతాయట. అయితే.. జపం, తర్పణం వంటి పూజలను వామాచార విధానం లో ఆచరించడం వలన శుభ ఫలితాలు ఉంటాయట.

నోట్ : ఈ వివరాలను కేవలం ఒక అవగాహనా కోసం మాత్రమే ఇవ్వడం జరిగింది.

చాణుక్యుడు భారతీయులందరికి సుపరిచుతుడే. అర్ధశాస్త్రాన్ని ఔపోసన పట్టి, సకల రాజనీతి జ్ఞానాన్ని సముపార్జించిన వాడు చాణుక్యుడు. అర్ధశాస్త్రాన్ని రచించింది ఈయనే అని మనకి తెలిసినదే. ఈయన రచయిత గా, సలహాదారుని గా ఎనలేని ఖ్యాతి గడించారు. ఈయన చెప్పిన నీతి వాక్యాలు నేటికీ చిరస్మరణీయాలు. ఈయన చెప్పిన నీతి సూత్రాలు నేటికీ ఆచరించుకుని ఉత్తమ ఫలితాలను పొందవచ్చు.

అయితే, మన చుట్టూ ఉండే వ్యక్తుల స్వభావాలను ఎలా తెలుసుకోవచ్చో కూడా చాణుక్యుడు వివరించాడు. అందుకు నాలుగు అంశాలను పరిశీలించాలని తెలిపాడు. అవేంటో ఇప్పుడు చూద్దాం.

#మీ చుట్టూ పక్కల వ్యక్తుల వ్యక్తిత్వాన్ని అంచనా వేసే ముందు వారి స్వభావాన్ని గమనించండి. పరిస్థితులలో.. వారి పాత్ర ఏ విధం గా ఉంటోందో అంచనా వేయాలి. కొంత మంది మంచి స్వభావం ఉన్న వారు అయితే.. ఎలాంటి పరిస్థితుల్లో అయినా అర్ధం చేసుకుంటారు. అలాంటి వారిని మనం నిస్సందేహం గా నమ్మవచ్చు.

# మరో విషయం ఏమిటంటే.. వారి లక్షణాలను గమనించి ఒక అంచనా కు రావాలి. అహంకారం, అబద్ధాలు చెప్పే స్వభావం, కోపం, స్వార్ధం, సోమరితనం ఇలాంటి లక్షణాలు ఉన్న వారు అయితే.. వారిని ఎప్పటికీ నమ్మకండి. అలాగే ఎల్లప్పుడూ మర్యాదను ఇచ్చిపుచ్చుకుంటూ, ప్రశాంతం గా, నిజాయితీ గా జీవనం గడిపేవారిని విశ్వసించండి.

# సాధారణం గా వ్యక్తులు స్వార్ధ భావనతోనే ఉంటారు. తమ గురించి తామే ఆలోచించుకుంటూ ఉంటారు. అలా కాకుండా కొందరు పరిత్యాగిలా ఇతరుల పట్ల కూడా త్యాగ భావాన్ని చూపిస్తూ ఉంటారు. మానవత్వం ఉన్న వ్యక్తులు మాత్రమే ఇలా ఆలోచించగలుగుతారు. మీ చుట్టూ ఉన్న వారిలో ఇలాంటి వారు ఎవరైనా ఉంటె వారిని కచ్చితం గా నమ్మొచ్చు.

# ధర్మం, అధర్మం అన్నవి అన్నిచోట్లా ఉంటాయి. ఓ వ్యక్తి స్వభావాన్ని పరిశీలించేటప్పుడు అతను ధర్మ మార్గం లో వెళ్తున్నాడా..? అధర్మ మార్గం లో వెళ్తున్నాడా? అన్న విషయాన్ని కచ్చితం గా పరిశీలించాలి. ధర్మ మార్గం లో నడిచేవారు విషయం లో అనుమానం అవసరం లేదు. కానీ, అధర్మ మార్గాన్ని అనుసరించేవారు ఎప్పటికైనా మోసం చేసే అవకాశం ఉంటుంది. జాగ్రత్త వహించక తప్పదు.