News

జీవితమన్నాక ప్రతి ఒక్కరికి కష్టాలు తప్పవు. అయితే వాటిని ఓర్చుకుని ముందుకు సాగే మనోధైర్యాన్ని అలవర్చుకోవాలి. అందుకోసమే మోటివేషనల్ స్పీకర్స్ పని చేస్తూ ఉంటారు. వారి మాటలతో అందరిలో ఉత్తేజాన్ని నింపుతారు. వారి సంకల్ప బలాన్ని పెంచుతారు. అలాంటి మోటివేషనల్ స్పీకర్స్ తమ జీవితంలోని ఒడిదుడుకుల్ని తట్టుకోలేకపోతే..?

ఇటీవల, నిజామాబాద్ జిల్లాకు చెందిన ప్రముఖ మోటివేషనల్ స్పీకర్ కాసాల జైపాల్ రెడ్డి ఆత్మహత్య చేసుకున్నారు. ఆయన ఎంతో మందికి తన ప్రసంగాల ద్వారా స్ఫూర్తినిచ్చారు.

జీవితంలోని ఒడిదుడుకులతో విసిగి వేసారిపోయిన వ్యక్తులకు తన మాటలతో ఉత్సాహాన్ని నింపారు. ఎంతో మంది జీవితాల్లో వెలుగులు నింపారు. కానీ, ఆయన జీవితంలోని చీకట్లని ఎవరు ఆర్పలేకపోయారు. టీవీ 9 సమాచారం ప్రకారం, జైపాల్ రెడ్డి సోమవారం ఉదయమే నిజాం సాగర్ ప్రాజెక్టు వద్దకు వెళ్లి అందులోకి దూకేసి ఆత్మహత్య చేసుకున్నారు. అయితే.. ఆయనకు తీవ్ర ఆరోగ్య సమస్యలు ఉన్నాయి. వాటిని భరించలేకే ఆత్మహత్య చేసుకుంటున్నట్లు ఫేస్ బుక్ లో పోస్ట్ పెట్టి ఆత్మహత్య చేసుకున్నారు.

ఆయన కామారెడ్డి జిల్లా పిట్లం మండలం అల్లాపూర్ గ్రామ నివాసి. ఆయన మరణంతో కుటుంబ సభ్యులు విషాదంలో మునిగిపోయారు. ఎంతో మందికి తన రచనల ద్వారా స్ఫూర్తిని నింపిన ఆయన లేకపోవడం విషాదకరం. ఆయన ఇప్పటివరకు ఎనిమిదివేల పైగా సదస్సులు నిర్వహించారని స్థానికులు చెబుతున్నారు. ఫేస్ బుక్, యూట్యూబ్ వంటి సామాజిక మాధ్యమాల ద్వారా కూడా ఆయన తన ప్రసంగాలను అందించేవారు. సమస్యలు ఎన్ని ఉన్నా.. ఆత్మహత్య మాత్రం పరిష్కారం కాదు. ఎంతో మందికి స్ఫూర్తినిచ్చిన ఆయన జీవితంలో ఇలా జరగడం బాధాకరం.

రోజు రోజుకి ఎన్నో మార్పులు చోటు చేసుకుంటున్నా, ఎంతో అభివృద్ధి జరుగుతున్నా ఇలాంటి సమస్యలు మాత్రం అలానే ఉన్నాయి. చాలా మంది స్త్రీలు కట్నం వేధింపుల వల్ల ఎన్నో ఇబ్బందులు ఎదుర్కొని ఆఖరికి మరణమే సమాధానం అనుకుని ఆత్మహత్య చేసుకుంటున్నారు.

తాజాగా ఇలాంటి సంఘటన ఒకటి చోటు చేసుకుంది. అదనపు కట్నం, వేధింపులు భరించ లేక ఈమె ఆత్మహత్య చేసుకుంది. ఇక దీని కోసం పూర్తి వివరాల్లోకి వెళితే… సాక్షి కథనం ప్రకారం, 2016 లో వైఎస్ఆర్ జిల్లా పొద్దుటూరుకు చెందిన కొండయ్య, గంగా దేవి కుమార్తె వెంకట సుజనని ధర్మవరం లోని నేసేపేటకి చెందిన వెంకట కృష్ణ తో వివాహం చేశారు. వెంకట కృష్ణ బ్యాంకు ఉద్యోగి. పెళ్లి కి 18 లక్షల కట్నం, 30 తులాల బంగారు నగలు అబ్బాయికి ఇచ్చారు.

అయితే కొన్నేళ్ల పాటు వీళ్ళ మధ్య ఎలాంటి ఇబ్బందులు లేకుండా వీళ్ళ జీవితం సాఫీగా సాగింది. వీరికి ఇద్దరు పిల్లలు. అయితే కొంత కాలం నుండి కూడా వీళ్ళ మధ్య ఏదో ఒక గొడవ వస్తూనే ఉంది. ఇక వీటన్నిటినీ తట్టుకో లేక శనివారం అర్ధ రాత్రి దాటాక మూడో అంతస్తులో సుజన ఉరి వేసుకుని చనిపోయింది. పోస్టుమార్టం నిమ్మిత్తం ఆసుపత్రికి తరలించారు పోలీసులు. అదనపు కట్నం వల్లే ఆత్మహత్య చేసుకున్నట్టు తెలుస్తోంది.

అయితే తన కుమార్తెని అదనపు కట్నం కోసం వేధించి హతమార్చారని… ఆత్మహత్య చేసుకుందని నమ్మిస్తున్నారని వెంకట కృష్ణ మరియు అతని కుటుంబ సభ్యులపై మృతురాలి తల్లిదండ్రులు వాగ్వాదానికి దిగారు. వెంకట కృష్ణ మరియు కుటుంబ సభ్యుల పై పోలీసులు కేసు నమోదు చేశారు వారిని అదుపు లోకి తీసుకుని విచారణ చేస్తున్నారు పోలీసులు.

కరోనా మహమ్మారి వలన చాలా మంది ఎన్నో సమస్యలతో ఇబ్బంది పడ్డారు, పడుతున్నారు. ఒమీక్రాన్ వలన ఇప్పుడు చాలా మంది ఇబ్బంది పడుతున్నారు. ఏది ఏమైనా సరే ఈ మహమ్మారి బారిన పడకుండా జాగ్రత్తలు తీసుకోవాలి. గత కొన్ని రోజుల నుండి చూసుకున్నట్లయితే ప్రతి ఒక్కరు కూడా తల నొప్పి, జ్వరం, దగ్గు, జలుబు వంటి సమస్యలతో ఇబ్బంది పడుతున్నారు.

ఒక్క సారిగా ఏమైందో తెలియదు కానీ ఇంటికి ఒకరైన సరే ఈ సమస్యల బారిన పడుతున్నారు. అయితే వీటి నుంచి బయట పడడానికి డోలో 650 వేసుకుంటున్నారు. ఈ డోలో వినియోగం ఎంతలా వుంది అంటే ఏకంగా సోషల్ మీడియా లో మీమ్స్ కూడా వచ్చేసాయి. పైగా డోలో అమ్మకాలు కూడా భారీగా పెరిగిపోయాయి. కరోనా మహమ్మారి రాక ముందు ఇంత సేల్స్ లేవు. కరోనా వచ్చిన తరవాతే ఈ మాత్రల సేల్స్ పెరిగింది.

కరోనా కాలంలో డోలో 650 కి పెరిగిన డిమాండ్ అంతా ఇంతా కాదు. పైగా కరోనా నుంచి బయట పడడానికి కూడా వైద్యులు ఈ డోలో ని వేసుకోమంటున్నారు. నిజానికి డోలో 650 ఒక సెలబ్రిటీగా మారిపోయింది. ఒక అరుదైన రికార్డును కూడా ఈ టాబ్లెట్ సొంతం చేసుకుంది. ఆ రికార్డ్ ఏమిటంటే..? కరోనా సమయంలో దేశంలోనే అత్యధికంగా అమ్ముడయిన టాబ్లెట్ గా ఈ డోలో నిలిచింది.

ఇక ఎన్ని టాబ్లెట్లు అమ్ముడుపోయాయి అన్న విషయానికి వస్తే.. గత ఏడాది అంటే 2020లో 350 కోట్ల డోలో ట్యాబ్లెట్స్‌ సేల్ అయ్యాయి. కానీ కరోనా ముందు ఇంత సేల్స్ లేవు. 2019లో 75 మిలియన్ల డోలో మాత్రలని విక్రయించగా.. 307 కోట్ల టర్నోవర్ 2021 లోని నమోదు అయ్యింది. పైగా ఈ డోలో 650 భార‌త్‌ లో అత్యంత ప్ర‌జాద‌ర‌ణ పొందిన ట్యాబ్లెట్స్‌లో రెండవ స్థానంలో వుంది. మొదటి స్థానంలో అయితే కాల్‌పోల్ వుంది.

ఏ అత్తా తన కోడలికి తల్లి కాలేదు. అలాగే.. ఏ కూతురు అత్తింటికి వచ్చాక తన అత్తని తల్లిలా భావించలేదు. కానీ, ఈ అత్తా కోడళ్ళు మాత్రం అందుకు పూర్తిగా భిన్నం. మిగతా వారి సంగతి ఎట్లా ఉన్నా.. ఈ అత్త మాత్రం తన కోడలిని సొంత కూతురిలానే చూసుకుంది. చివరకు మరో వ్యక్తితో పెళ్లి కూడా చేసి పంపించింది.

ఆశ్చర్యంగా ఉంది కదా.. అసలు స్టోరీ ఏంటో మీరే చదవండి. వివరాల్లోకి వెళితే.. రాజస్థాన్‌ సికార్‌లో కమలా దేవి, దిలావర్‌ దంపతులు నివసిస్తున్నారు. వీరికి శుభమ్ అనే ఒక కొడుకు ఉన్నాడు.

2016 లో వీరు తమ కొడుక్కి పెళ్లి చేయాలనుకున్నారు. చాలా సంబంధాలను చూసారు. చివరకు ఓ నిరుపేద కుటుంబం నుంచి వచ్చిన సునీతను పెళ్లి చేసుకున్నారు. సునీత చాలా అందగత్తె. ఇద్దరు ఈడు జోడు బాగున్నారు అంటూ బంధువులంతా మెచ్చుకున్నారు. ఘనంగా వారి పెళ్లి జరిగింది. పేద కుటుంబం కావడంతో.. కమలా దేవి రూపాయి కట్నం కూడా తీసుకోకుండానే పెళ్లి జరిపించారు.

అయితే, వారిని చూసి విధి కుళ్ళుకుంది. కొడుకు మరణం రూపంలో విధి వారిని వెక్కిరించింది. పెళ్లి జరిగిన ఆరు నెలలకే శుభమ్ మరణించాడు. దీనితో సునీతకు సూటి పోటి మాటలు ఎక్కువ అయ్యాయి. ఆమె నష్టజాతకురాలు కావడం వల్లే భర్త మరణించాడు అంటూ బంధువులంతా ఆడిపోసుకున్నారు. కానీ కమలా దేవి వారందరిని వారించింది. శుభమ్ బ్రెయిన్ డెడ్ తో మరణించాడు. కొడుకు చనిపోతే.. అందులో కోడలి తప్పు ఏముందని కమలాదేవి ప్రశ్నించింది.

బంధువుల నోర్లు మూయించి సునీతను కన్న కూతురిలా చూసుకుంది. ఆమెది పేద కుటుంబం కావడంతో తల్లి తండ్రుల వద్దకు పంపకుండా తన వద్దే ఉంచుకుని ఆమెను చదివించింది. తాజాగా, ఎంఏ బీఈడీ ను పూర్తి చేసిన సునీత జూనియర్ లెక్చరర్ గా ప్రభుత్వ ఉద్యోగాన్ని కూడా సంపాదించుకుంది. తాజాగా శనివారం నాడు కమలాదేవి ఆమెకు ముఖేష్‌ అనే వ్యక్తితో వివాహం కూడా చేయించింది. కమలాదేవి, దిలావర్ దంపతులే కాళ్ళు కడిగి కన్యాదానం చేసారు. తాజాగా ఈ ఫోటోలు సోషల్ మీడియాలో వైరల్ అవుతున్నాయి.

ఇటీవల మహిళలపై అనేక అఘాయిత్యాలు జరగడం చూస్తూనే ఉన్నాం. తెలిసిన వారినే అయిన నమ్మకుండా ఉండడమే ఉత్తమం. ఎవరు ఎటువైపునుంచి మోసం చేస్తారో తెలియని పరిస్థితి నెలకొంది. తాజాగా.. ఇటువంటి ఘటనే రాజస్థాన్‌లోని కోట ప్రాంతంలో చోటు చేసుకుంది.

మార్కెట్ నుంచి వస్తున్న తల్లి, కూతుళ్ళకు లిఫ్ట్ ఇస్తాను అంటూ ఓ వ్యక్తి అడిగాడు. అతను తెలిసిన వ్యక్తే అవడంతో వారు ఒప్పుకున్నారు. మొదట బైక్ ఎక్కించుకుని కొంతదూరం వెళ్ళాక.. ముగ్గురం వెళ్లడం కష్టమని..మొదట తల్లిని దింపేసి వస్తానని చెప్పాడు.

చెప్పినట్లే.. కూతురుని అక్కడే ఉంచేసి తల్లిని బండిపై ఎక్కించుకుని ఇంటివరకు వెళ్లి దింపేసి వచ్చాడు. ఆ తరువాత ఆ కూతురుని కూడా ఎక్కించుకుని ఇంటివైపుకు కాకుండా.. ఊరి చివరకు తీసుకెళ్లాడు. చీకటి పడుతున్నా.. కూతురు ఇంటికి రాకపోవడంతో మరో వైపు ఆ తల్లి కంగారుపడుతూ ఉండసాగింది.

మరుసటిరోజు ఉదయమే ఓ కాలవ పైప్ దగ్గర కూతురు మృతదేహం కనిపించింది. ఆమె పేరు మన్మార్ బాయి. మూడేళ్ల క్రితం యోగేంద్ర అనే వ్యక్తి తో ఆమె వివాహం జరిగింది. అయితే అతనితో పడకపోవడంతో.. మన్మార్ బాయి పుట్టింట్లోనే ఉంటోంది. భర్త ఎన్నిసార్లు పిలిచినా ఆమె వెళ్ళలేదు. ఇప్పుడు ఉన్నట్లుండి ఆమె శవమై తేలడంతో.. పోలీసులు అనుమానాస్పద మృతి కేసుగా నమోదు చేసుకున్నారు. వారికి లిఫ్ట్ ఇచ్చిన వ్యక్తి కోసం పోలీసులు గాలిస్తున్నారు.

పెద్దవాళ్లు ఉసిరికాయని రాత్రి పూట మరియు ఆదివారం రోజుల్లో తినకూడదు అని చెప్తూ ఉంటారు. ఎప్పుడైనా ఎందుకు పెద్ద వాళ్ళు అలా చెబుతున్నారు దీని వెనక ఉండే కారణం ఏమిటి అని ఆలోచించారా…? అయితే మరి దానికి సమాధానం ఇక్కడ ఉంది. దానిని చూసేయండి. పూర్వం రోజుల్లో రాత్రిపూట ఉసిరికాయ అడిగితే తినకూడదు అని చెప్పేవారు.

అలాగే పెద్దలు ఉసిరికాయ పదం కూడా పలకకూడదని కూడా చెప్తూ ఉండేవారు. ఇప్పటికి కూడా చాలా మంది ఇళ్లల్లో ఈ పద్ధతి నడుస్తోంది. అయితే ఇప్పుడు వాళ్ళకి తెలియక పోయినా సరే పెద్దవాళ్ళు అప్పుడు అలా చెప్పారని అలానే చెప్పేస్తున్నారు. అలానే పాటిస్తున్నారు. అయితే మరి ఆ నియమం వెనక ఉండే అర్థం గురించి ఇప్పుడు చూద్దాం.

ఉసిరికాయలో విటమిన్ సి సమృద్ధిగా ఉంటుంది. అలానే ఇది పేగుల్లో ఉండే ఆమ్లంని పెంచుతుంది. దీని వల్ల ఏమవుతుందంటే రాత్రి తిన్న అన్నం సరిగా జీర్ణం అవ్వదు. దీనితో డైజేషన్ లో సమస్యలు కలుగుతాయి. అలానే గుండె మంటగా ఉంటుంది.

అంతే కాకుండా ఉసిరి శక్తిని ఉత్పత్తి చేస్తుంది. దీంతో రాత్రి నిద్ర కూడా సరిగ్గా పట్టదు. ఆరోగ్యరీత్యని దృష్టిలో పెట్టుకుని పెద్ద వాళ్ళు ఈ నియమాన్ని పెట్టారు. అందుకనే రాత్రి పూట ఉసిరికాయ తినకూడదు. ఒకవేళ తింటే ఈ ఇబ్బందులు తప్పవు. అందుకే రాత్రి పూట ఉసిరికాయ తినకపోవడమే మంచిది. ఒకవేళ మీరు రాత్రి పూట ఉసిరితో చేసిన పచ్చడిని కానీ ఉసిరిని కానీ తింటుంటే ఆ తప్పు చెయ్యకండి.

ప్రేమించుకోవడం, ప్రేమించుకున్న తర్వాత పెద్దవాళ్ళు ఒప్పుకోకపోవడంతో ఆత్మహత్య చేసుకోవడం.. ఇలాంటి వార్తలు చాలానే చూశాం. అయితే ఇది మాత్రం కాస్త వెరైటీ. ఒక మైనర్ బాలిక వరసకు బావ అయిన యువకుడిని ఇష్టపడింది. అతనికి కూడా ఈమె అంటే ఇష్టం. అయితే ఆ వ్యక్తికి మరొకరితో పెళ్లి అయిపోయింది. అయినప్పటికీ సరే ప్రేమించిన ఆ మైనర్ బాలికని పెళ్ళిచేసుకోవాలని అనుకున్నాడు. ఇంట్లో ఈ విషయం తెలిసింది. పెద్దలు మాత్రం ఇలా చేయడం సరి కాదని చెప్పేశారు.

అయితే వేరువేరుగా బ్రతకడం కష్టమని కలిసి చనిపోవాలని ఇద్దరు అనుకుని ప్రాణాలు తీసుకున్నారు. ఇక దీనికోసం పూర్తి వివరాల్లోకి వెళితే… ఉమ్మడి మహబూబ్ నగర్ జిల్లా పరిధిలో గల వనపర్తి జిల్లా, రేపల్లె మండలం గుడిపల్లి వద్ద ఈ ఘటన చోటు చేసుకుంది.

ఆరేళ్ళ క్రిందట అచ్చం పేట గ్రామానికి చెందిన అమ్మాయితో నరేష్ పెళ్లి అయ్యింది. వీరికి ఆరు నెలల పాప కూడా ఉంది. కానీ నరేష్ నాలుగేళ్ల నుంచి కూడా కల్వకుర్తి పట్టణానికి చెందిన యువతితో ప్రేమ లో ఉన్నాడు. ఈ అమ్మాయి వయసు 15 సంవత్సరాలు. ఈమె నరేష్ భార్యకి చెల్లెలు అవుతుంది.

వీళ్లిద్దరూ కూడా నాలుగేళ్ల నుంచి ప్రేమలో మునిగిపోయారు. గతంలో ఈ విషయం పెద్దలకి తెలిసి గొడవలు కూడా అయ్యాయి. అయితే పెద్దలు ప్రేమని అర్థం చేసుకోవడం లేదని.. ఆ అమ్మాయి ఇంట్లో నుంచి వెళ్ళిపోయింది. నరేష్ కూడా ఇంట్లో నుండి వెళ్ళిపోయాడు. ఇరువురు కూడా పెద్దలు ప్రేమని అంగీకరించడం లేదని గుడిపల్లి జలాశయంలో దూకేశారు. అయితే ఒడ్డున ఒక సెల్ ఫోన్ ఉంది.

అందులో ప్రేమని అంగీకరించకపోవడంతో ఆత్మహత్య చేసుకుంటున్నామని ఒకరికి మెసేజ్ పంపారు. వీళ్ళ కోసం గజ ఈతగాళ్లు, పోలీసులు, అగ్నిమాపక సిబ్బంది గత రెండు రోజుల నుండి కూడా గాలింపు చర్యలు చేపట్టగా.. ఆఖరికి మృతదేహాలు దొరికాయి. సాయంత్రం మూడు మోటార్లతో నీటిని తోడించి వెతకగా ఆఖరికి రాళ్ల మధ్య రెండు మృతదేహాలు లభించాయి. పోస్టుమార్టం నిమిత్తం ప్రభుత్వాసుపత్రికి మృతదేహాన్ని తరలించారు. యువతి తండ్రి ఫిర్యాదు మేరకు కేసు నమోదు చేసి పోలీసులు దర్యాప్తు చేస్తున్నారు.

తల్లిదండ్రులు పిల్లల్ని ఎంతో చక్కగా చూసుకుంటూ ఉంటారు. పైగా ఎలాంటి లోటు లేకుండా వాళ్ళని పెంచుతూ ఉంటారు. కానీ కొందరి పిల్లలకి మాత్రం అంత అదృష్టం ఉండదు. రోడ్డు మీద అనాధల్లా బతకాల్సి వస్తుంది. తిండి లేక.. సరైన బట్టలు లేక.. ఇల్లు లేక అవస్థలు పడుతూ ఉంటారు. అలా ఉన్న ఈ చిన్నారుల గురించి కూడా చూస్తే మీరు కచ్చితంగా కంటతడి పెట్టుకుంటారు.

ఇక వివరాల్లోకి వెళితే… హర్యానాలోని హిస్సార్ లోని చైల్డ్ ప్రొటెక్షన్ సభ్యుడైన మనోజ్ శర్మ మంగళవారం నాడు ఇంటికి వెళ్తున్నాడు. అప్పుడు సమయం రాత్రి ఒంటి గంట అవుతోంది. చలి ఎక్కువగా ఉందని కారులో హీటర్ కూడా ఆన్ చేశాడు. అయినప్పటికీ కూడా విపరీతంగా చలి వేస్తోంది. ఇంతలో రోడ్డు మీద ఒక పక్క నలుగురు చిన్న పిల్లల్ని చూశారు.

వెంటనే అక్కడ కారు ఆపేసి వాళ్ళని వివరాలు అడిగారు. అక్కడ ఉన్న బాలుడు ఈ విధంగా చెప్పుకొచ్చాడు. మా నాన్న చనిపోయాడు. మా అమ్మ వేరే వ్యక్తిని పెళ్లి చేసుకుంది. మేము రాజస్థాన్ లో వుండే వాళ్ళం. అయితే అమ్మని పెళ్లి చేసుకున్న వ్యక్తి తన బంధువులకు అప్పగించారు. ఆ వ్యక్తి నన్ను రాజస్థాన్ నుండి ఇక్కడకి కి తీసుకు వచ్చేసారు.

ఇక్కడ ఉండి రోజంతా మమ్మల్ని బిచ్చమెత్తుకుని ఉండమన్నాడు. ప్రతి మూడు గంటలకు ఒకసారి వచ్చి అందరు ఇచ్చిన డబ్బులు తీసుకు వెళ్ళిపోతూ ఉంటాడు. మా ఇంటికి పంపించమని ఎంత ఏడుస్తున్న పంపించడం లేదు. చైల్డ్ ప్రొటెక్షన్ టీమ్ ఇక్కడ ఉన్న నలుగురిని ఒకే వ్యక్తి రాజస్థాన్ నుండి తీసుకువస్తున్నట్లు అనుకుంటున్నారు. మనోజ్ శర్మ పోలీసులకి ఫిర్యాదు చేసి ఈ నలుగురు పిల్లల్ని కూడా వసతి గృహానికి పంపించారు. వీరిలో ఇద్దరు బాలురు, ఇద్దరు బాలికలు ఉన్నారు అని మనోజ్ అన్నారు.

ఈ అమ్మాయి వయసు నిండా పందొమ్మిదేళ్ళు కూడా ఉండవు. కానీ.. ఈ అమ్మాయి చేస్తున్న పనుల గురించి తెలిస్తే షాక్ అవ్వకుండా ఉండలేరు. బైక్స్ పై మోడరన్ గా ఎంతో అందంగా కనిపిస్తున్న ఈ అమ్మాయి గురించి షాకింగ్ విషయాలు వెలుగులోకి వస్తున్నాయి. ఆమె గురించి తెలిస్తే.. ఈమె కనిపించినంత అమాయకురాలేమి కాదు అని మీరే అంటారు.

ఇంతకీ.. ఈ అమ్మాయి అసలు స్టోరీ ఏంటో చూద్దాం. ఈ అమ్మాయి పేరు రేఖా మీనా. రాజస్థాన్‌లోని కరౌలీ ప్రాంతానికి చెందిన అమ్మాయి. ఆమె చిన్న వయసులో ఉండగానే తల్లి మరణించడంతో ఆమె తండ్రి అల్లారుముద్దుగా పెంచాడు.

ఓ ప్రైవేట్ స్కూల్ లో కూడా జాయిన్ చేసాడు. కానీ, ఈ అమ్మాయి తండ్రి కోరిక మీద చదువు సాగించలేదు. చదువుపై ఆసక్తి సన్నగిల్లడంతో ఆమె దారి తప్పింది. తప్పుడు మార్గాలను ఎంచుకుని చిన్న వయసులోనే నేరస్తురాలిగా మారిపోయింది. లగ్జరీ బైక్స్ పై తిరగడానికి ఎక్కువ ఆసక్తి కనబరిచింది.

ఈమెని పట్టుకోవడానికి పోలీసులకు రెండున్నర నెలలకు పైనే పట్టింది. తప్పుడు మార్గాన్ని ఎంచుకుని నేరాలు చేయడమే కాదు.. సోషల్ మీడియాలో కూడా కొన్ని వీడియోస్ పోస్ట్ చేస్తూ ఆక్టివ్ గా ఉండేది. ఓసారి గన్ తో బాలీవుడ్ పాటకి రీల్స్ ని చేసి ఆ వీడియోస్ కూడా పోస్ట్ చేసింది. ఈ వీడియోస్ కి చాలానే రెస్పాన్స్ వచ్చింది. చాలా మంది రేఖా మీనాకు అనుచరులుగా మారారు. దీనితో ఆమె సెటిల్మెంట్స్ చేయడం కూడా మొదలుపెట్టింది. అందులో వచ్చిన డబ్బుతో జల్సాలు చేయడం మొదలుపెట్టింది. ఖరీదైన లగ్జరీ బైక్స్ ని కొని వాటిపై తిరుగుతూ ఎంజాయ్ చేసేది.

అయితే ఆమె సెటిల్ మెంట్స్ తీవ్ర స్థాయికి చేరారు. రేఖా అనుచరులు ఓ వ్యక్తిపై దాడి చేసారు. అతని కుటుంబ సభ్యులని కూడా చావబాదారు. దీనితో పోలీసులు రంగంలోకి దిగారు. ఆమె కోసం అన్ని చోట్ల గాలించారు. దాదాపు రెండున్నర నెలల పాటు శ్రమించి ఆమెని పట్టుకున్నారు. ఆమె వద్ద నుంచి దాదాపుగా 15 తుపాకీలను స్వాధీనం చేసుకున్నారు. ఆమె పై పలు సెక్షన్ల కింద కేసు నమోదు చేసి, అరెస్ట్ చేసారు.

ఈ మధ్య కాలంలో ప్రేమ పెళ్లిళ్లు ఎక్కువైపోయాయి. ప్రేమలో పడటం ఆ తర్వాత ఇంట్లో వాళ్లని ఎదిరించి పెళ్లి చేసుకోవడం.. లేదు అంటే ఇంట్లో చెప్పకుండా వెళ్లిపోవడం లాంటివి చేస్తున్నారు. తరచూ మనం ఇలాంటివి చూస్తూనే ఉంటాం. తల్లిదండ్రుల ఇష్టాన్ని కూడా అస్సలు పట్టించుకోవడం లేదు ఈ కాలం పిల్లలు. అయితే ఇదే పరిస్థితి ఒక తండ్రికి వచ్చింది.

తన కూతురు ఇష్టం లేని వివాహం చేసుకోవడంతో ఆ తండ్రి కుంగిపోయాడు. దీనితో ఒక నిర్ణయం తీసుకున్నాడు. అదేంటంటే తనకి ఇష్టం లేని పెళ్లి కూతురు చేసుకోవడంతో కోపం వచ్చి ఆమె బతికుండగానే పిండం పెట్టాడు తండ్రి. పైగా గుండు కూడా కొట్టించుకుని దిన కర్మలు కూడా చేశాడు. ఇక దీనికి సంబంధించి పూర్తి వివరాల్లోకి వెళితే… మహబూబ్ నగర్ జిల్లా, చిన్నచింతకుంట మండలం, మద్దూరు గ్రామానికి చెందిన భార్గవికి అదే ప్రాంతానికి చెందిన వెంకటేష్ అనే ఒక యువకుడు పరిచయం అయ్యాడు.

ఆ తరవాత వీళ్ళ పరిచయం కాస్తా ప్రేమగా మారింది. అయితే జీవితాంతం కలిసి ఉండాలని వీళ్ళు అనుకున్నారు. పెళ్లి చేసుకోవాలని అనుకుని పెద్దలని అడిగే సరికి వాళ్ళు ఒప్పుకోలేదు. అయినా సరే వీళ్ళ ప్రేమని నెగ్గించుకోవాలనుకుని.. పెద్దల్ని ఎదిరించి ఈనెల 13 న ఒక ఆలయంలో వివాహం చేసుకున్నారు. అయితే వద్దన్న వ్యక్తిని పెళ్లి చేసుకుందన్న కోపంతో తండ్రి గుండు గీయించుకుని కూతురికి కర్మకాండలు చేశాడు.

ఆమె ఫోటో కి పూల దండ వేసి శ్రద్ధాంజలి ఘటించాడు. ఇప్పుడు ఈ వార్త చర్చనీయాంశంగా మారింది. తనకు విలువ లేనందుకు కోపంతో తండ్రి ఆమెకి పిండ ప్రదానం చేస్తున్నాడంటూ ఈ వార్త ఇప్పుడు సోషల్ మీడియాలో వైరల్ గా మారుతోంది.