News

అన్నదాతలు లేకపోతే మనకి బతుకే లేదు.. అయితే చాలా మంది రైతులను చిన్నచూపు చూస్తూ ఉంటారు. వారిని ఎప్పుడు చూసినా అవమానిస్తూ ఉంటారు. ఇదే మొదటిసారి కాదు. గతంలో కూడా ఇలాంటి అవమానాలు చాలా మంది రైతులు ఎదుర్కొన్న సంఘటనలని చూసాము. తాజాగా ఇలాంటి ఘటన ఒక రైతు కి చోటు చేసుకుంది. ఉచితంగా బొప్పాయి పండ్లు ఇవ్వలేదని ఆర్టిసి బస్సు డ్రైవరు బస్సు ఎక్కించుకోలేదు.

ఇక రైతు ఆ డ్రైవర్ కంగుతినేలా చేశాడు. మరి ఇక దీని కోసం పూర్తి వివరాల్లోకి వెళితే… నాగర్ కర్నూలు జిల్లాలోని పెద్ద కొత్తపల్లి మండలంమారేడు మాన్ దిన్నె గ్రామం నల్లమల్ల అడవి సమీపంలో ఉన్న మారుమూల గ్రామం. అక్కడికి కేవలం ఒకే ఒక బస్సు వెళుతుంది. ఆ గ్రామానికి చెందిన రైతు గోపయ్య బొప్పాయిలని పండించి వాటిని కొల్లాపూర్ పట్టణానికి తీసుకువెళ్లి అమ్ముకుంటూ ఉంటాడు.

ఎప్పటిలాగే బొప్పాయి పండ్లని బస్సులో తీసుకు వెళ్లడానికి రోడ్డుపై ఉంచాడు. అయితే డ్రైవర్ కి ఉచితంగా పండ్లు ఇవ్వలేదన్న కోపంతో బస్సు ఎక్కించుకో లేదు డ్రైవర్. ఆవేదన కి లోనై రైతు బొప్పాయి పండ్లని రోడ్డు మీద పెట్టి అక్కడే కూర్చుని గంట పాటు నిరసన వ్యక్తం చేశాడు. బొప్పాయి పండ్లను సాగు చేసి ప్రతి రోజూ అచ్చంపేట డిపో నుండి కొల్లాపూర్ కి వెళ్లే ఆర్టీసీ బస్సులో తనతో పాటు పండ్లకు టికెట్ తీసుకుని పట్టణానికి వెళుతూ ఉంటాడు. అయితే ఎప్పుడు కూడా ఉచితంగా బస్సు డ్రైవర్ కి పండ్లు ఇస్తానని చెప్పాడు.

ఒకరోజు మాత్రం మర్చిపోయి పండ్లు ఇవ్వలేదు. ఆ కోపంతో డ్రైవర్ బస్సు ఎక్కించుకో లేదు. ఇంకేముంది ఆవేదనతో రైతు గోపయ్య రోడ్డుకి అడ్డంగా పండ్ల బుట్ట పెట్టి తిరిగి వెళ్తున్న బస్సుని గంట పాటు వెళ్లకుండా నిరసన చేసాడు. ఇలాంటి డ్రైవర్లు ఉంటే ఆర్టీసీకి చెడ్డపేరు అని కూడా గోపయ్య అన్నాడు. ఇలాంటి డ్రైవర్లపై కఠిన చర్యలు తీసుకోవాలని గోపయ్య కోరాడు.

చాలామంది భారతీయులకి విదేశాల్లో సెటిల్ అవ్వాలని కల ఉంటుంది. కొంత మంది అయితే వివిధ కారణాల వల్ల విదేశాలకు వెళ్లి అక్కడే సెటిల్ అవుతూ ఉంటారు. తాజాగా విదేశాలకు వెళ్ళిన భారతీయ కుటుంబం దారి మధ్యలోనే మృతి చెందారు. ఈ విషాద ఘటన జనవరి 19న చోటు చేసుకుంది.

కెనడా అమెరికా సరిహద్దుల్లో ఒక కుటుంబం తనువు చాలించింది. ఇక అసలు ఏమైంది అనే దాని గురించి చూస్తే..జగదీశ్‌ బల్‌దేవ్‌భాయ్‌ పటేల్‌ (39) అతని భార్య వైశాలినిబెన్‌ (37), కుమార్తె విహంగి (11), కొడుకు ధార్మిక్‌ పటేల్‌ (3) కెనెడా ఫ్లైట్ ఎక్కారు. అక్కడికి వెళ్లిన జగదీష్ కుటుంబ సమేతంగా చలికి తట్టుకోలేక చనిపోయినట్లు అధికారులు గుర్తించారు.

అధికారులు వీళ్ళని భారతీయులుగా గుర్తించారు. ఈ కుటుంబం జనవరి 12న కెనడాకి టూరిస్ట్ వీసా మీద వచ్చారు. వీళ్ల సొంతూరు గుజరాత్ లోని గాంధీ నగర్ జిల్లా కలోల్‌ తహశీల్‌లోని దింగుచా గ్రామం. ఈ గ్రామంలో చాలా మంది విదేశాల్లో సెటిల్ అయ్యారు. ఇలా స్థిరపడడం అక్కడ గౌరవంగా భావిస్తారు. బంధువులెవరూ కనుక విదేశాల్లో సెటిల్ అవ్వకపోతే పెళ్లి సంబంధాలు కూడా ఇవ్వరట. అందుకని అందరి లాగే తాను కూడా విదేశాలకు వెళ్లాలని అనుకున్న జగదీష్ జనవరి 12 న కుటుంబంతో సహా కెనడా ఫ్లైట్ ఎక్కాడు. అనధికారికంగా అమెరికా వెళ్ళాలని అనుకున్నాడు.

స్థానిక ఏజెంట్లు సహాయంతో కెనడాలోని మానిటోబా దగ్గర సరిహద్దు దాటడానికి ప్రయత్నం చేశారు ఈ కుటుంబం. వాహనాల నుంచి దిగిపోయి కాలినడకన సరిహద్దు దాటాలని అనుకున్నారు. అయితే అక్కడ మైనస్‌ 35 సెల్సియస్‌ డిగ్రీల ఉష్ణోగ్రతలు నమోదయ్యాయి. ఈ వాతావరణానికి తట్టుకోలేక జగదీష్ కుటుంబం మృతి చెందింది.

ట్రావెల్ ఏజెంట్లు సహాయం చేస్తామన్నారు కానీ గస్తీ ఎక్కువగా కావడంతో మార్గం మధ్యంలోనే వాళ్ళని వదిలేశారు. ఈ విపరీతమైన చలిని తట్టుకోలేక పోయారు. దీంతో ఊపిరి వదిలేశారు. విదేశాల్లో స్థిరపడాలంటే కచ్చితంగా సరైన పత్రాలు ఉండాలి లేదంటే ఇబ్బందులు పడాల్సి వస్తుంది.

మనవరాలి మరణాన్ని తట్టుకోలేక అవ్వ కూడా ప్రాణాలు విడిచింది. మనవరాలు నేనున్నానంటూ ఎప్పుడూ దగ్గరుండి చూసుకునేది. కానీ ఆమె చనిపోయింది అని తెలిసే సరికి అవ్వ కూడా ప్రాణాలు విడిచింది. ఎప్పుడు బాగా చూసుకుంటూ ఉండేది మనవరాలు. అలానే మందులు ఇచ్చేది. ఇంత ప్రేమగా చూసుకునే మనవరాలు విడిచి వెళ్ళి పోయిన వార్త తట్టుకోలేక పోయింది అవ్వ.

దీంతో ఆమె కూడా మృతి చెందింది. ఇక దీని కోసం పూర్తి వివరాల్లోకి వెళితే.. 17 ఏళ్లుగా మనవరాలు, అవ్వ కలిసి వున్నారు. ఎంతో ప్రేమగా వీళ్ళు ఉండేవారు. అకస్మాత్తుగా మనవరాలు చనిపోవడం అనేది తట్టుకో లేక పోయింది. వారం రోజుల క్రితం కూలి పనులకు వెళ్లిన మనవరాలు పాము కాటుకు గురై మంగళవారం చని పోయింది. ఈ ఘటన గడివేముల మండలం బిలకల గూడూరు లోని చోటు చేసుకుంది.

కాటెపోగు వెంకట సుబ్బయ్య, వెంకట లక్ష్మమ్మలకు ముగ్గురు కూతుర్లు, ఒక కొడుకు ఉన్నారు. చివరి కూతురు రాణెమ్మ కి 17 సంవత్సరాలు. తాను కూడా తల్లిదండ్రులతో పాటు కూలి పనులు చేసేది. రోజు లాగే ఆమె పనికి వెళ్ళింది. అయితే పొలం లో ఆమె కలుపు తీస్తుండగా అక్కడ పాము కాటేయడం తో చనిపోయింది. నంద్యాల ఆస్పత్రికి తీసుకెళ్లినా ఫలితం లేక పోయింది.

అయితే ఆ విషయం తెలిసిన అవ్వ రాణెమ్మ జేజమ్మ వెంకట లక్ష్మమ్మ (72) కుప్పకూలి ప్రాణాలు విడిచింది. ఇద్దరూ ఒకే రోజు మృతి చెందడంతో కుటుంబ లో తీవ్ర విషాదం అలుముకుంది. అవ్వ, మనవరాలి మరణం ఒకే కాలం లో సంభవించడంతో ఆ గ్రామ వాసులు హృదయ విదారకంగా దీని గురించి చెప్పుకుంటున్నారు.

వాక్సిన్ వేయించుకోవడం దాదాపు పూర్తి కావొస్తున్నా.. మానవాళి ఈ కరోనా బెడద ఇంకా తప్పలేదు. థర్డ్ వేవ్ రూపంలో ఈ మహమ్మారి మరో సారి రావడంతో ప్రభుత్వాలు సైతం ప్రజలను అప్రమత్తం చేస్తున్నాయి. ఇప్పటికే ఢిల్లీ, ఆంధ్ర ప్రదేశ్ రాష్ట్ర ప్రభుత్వాలు కరోనా నిబంధనలను అమలు చేస్తున్నాయి.

మరో వైపు కొన్ని చోట్ల ఇప్పటికే థర్డ్ వేవ్ తీవ్ర స్థాయిలో ఉంది. ఇది ఇలా ఉంటె.. ఓమిక్రాన్ వేరియెంట్ రూపంలో ఈ మహమ్మారి దాడి చేస్తోంది. ఇప్పటికే కోవిడ్, డెల్టా, ఓమిక్రాన్ వంటి వేరియెంట్ లతో ప్రజలు అల్లకల్లోలంలో ఉన్నారు.

#1.

#2.

#3.

#4.

#5.

#6.

#7.

ఈ పరిస్థితిల్లో ఇప్పుడు వస్తున్న మరో వార్త ప్రజలను భయాందోళనలకు గురి చేసే విధంగా ఉంది. ప్రస్తుతం NeoCov అనే వేరియెంట్ సౌత్ ఆఫ్రికాలో గుర్తించబడింది అని తెలుస్తోంది. అయితే.. ఈ వేరియెంట్ అన్ని వైరస్ వేరియెంట్ల కంటే ప్రమాదకరంగా ఉందని సమాచారం.

#8.

#9.

#10.

#11.

#12.

లక్షణాలు, డెత్ రేట్ విషయంలో ఈ వైరస్ తీవ్ర స్థాయిలో దాడి చేసే అవకాశాలున్నాయని తెలుస్తోంది. దీనితో ప్రభుత్వాలు అలెర్ట్ అవుతున్నాయి. మాస్క్ ధరించాలని, కరోనా నిబంధనలను పాటించాలని కోరుతున్నాయి. మరో వైపు సోషల్ మీడియాలో ఈ వైరస్ పై ట్రోలింగ్ మొదలైంది. ఈ వైరస్ పై ట్రెండ్ అవుతున్న టాప్ 10 ట్రోల్స్ పై ఓ లుక్ వేయండి.

#13.

#14.

#15.

#16.

#17.

#18.

#19.

#20.

#21.

శ్రీకాకుళం కి చెందిన అమ్మాయి టెర్రర్ ఎటాక్ నుండి తప్పించుకుంది. అలాగే తాను తప్పించుకోవడం మాత్రమే కాకుండా తన కుటుంబాన్ని కూడా కాపాడింది. అయితే మరి ఇంతకీ ఆ అమ్మాయి అసలు ఎలా టెర్రరిస్టుల చేతిలో పడింది..? ఎలా బయటపడింది అనే దాని గురించి చూద్దాం.

శ్రీకాకుళంలో ఈ కుటుంబం ఉంటున్నారు. వీళ్లది ఆర్మీ ఫ్యామిలీ. సత్యనారాయణ, పద్మావతి కుమార్తె హిమ ప్రియ. నాలుగేళ్ల క్రితం సత్యనారాయణ జమ్మూ అండ్ కాశ్మీర్ లోని ఉదంపూర్ లో ఆర్మీ డ్యూటీ చేసేవారు. అప్పుడు వాళ్ళు జమ్ములో హెడ్ క్వార్ట్రర్స్ లో కుటుంబంతో ఉండేవాళ్ళు. నాలుగేళ్ల క్రితం హిమ ప్రియకి ఎనిమిదేళ్లు. ఆర్మీ రెసిడెన్షియల్ హెడ్ క్వార్టర్స్ లోకి టెర్రరిస్టులు వచ్చి ఎటాక్ చేయడం మొదలుపెట్టారు.

అయితే హేమ ప్రియ తల్లి హిమ ప్రియని మరియు మరో ఇద్దరు పిల్లల్ని కూడా తీసుకుని లోపలికి వెళ్లి తలుపు గడియ వేసుకున్నారు. టెర్రరిస్టులు లోపలికి రావడానికి ప్రయత్నించినా హిమ ప్రియ మరియు పద్మావతి మూడు గంటల పాటు టెర్రరిస్టులు రాకుండా తలుపు దగ్గరే ఉండి అడ్డుకున్నారు. ఇంక టెర్రరిస్టులు విసిగిపోయి వీళ్ల మీదకు హ్యాండ్ గ్రెనడా ఎక్స్ప్లోషన్ ని పేల్చేశారు. దీనితో తల్లి పద్మావతి గాయాలతో పడిపోయారు.

హిమ ప్రియ కి కూడా గాయాలు అయ్యాయి. అయితే హిమ ప్రియ మాత్రం తల్లి పడిపోయినా ఒక్కర్తే టెర్రరిస్టులు రాకుండా అడ్డుకుంది. అయితే ఇంక కుదరదు అని చెప్పి టెర్రరిస్టులతో ఆమె మాట్లాడింది. ఒక గంట నుంచి రెండు గంటల పాటు వాళ్ళతో మాట్లాడింది. వాళ్ళని ఎలా అయినా ఒప్పించాలని ఎంతగానో ప్రయత్నం చేసింది. ఆఖరికి టెర్రరిస్టులు ఆమె మాటలు విన్నారు. తల్లిని మరియు ఆ పిల్లల్ని సురక్షితంగా బయటకి తీసుకు వెళ్ళింది. ఆర్మీ కి సమాచారాన్ని అందించింది.

తన తండ్రి డ్యూటీలో ఉండటంతో ఇతర ఆర్మీ ఆఫీసర్లు వచ్చి ఆస్పత్రికి జాగ్రత్తగా తీసుకువెళ్లారు. ఎనిమిదేళ్ళ వయసులో ఈమె టెర్రర్ ఎటాక్ నుండి బయటపడడం.. తాను మాత్రమే కాకుండా మిగిలిన వాళ్ళని కూడా సురక్షితంగా ఉంచింది. అలా సేవ్ చేసినందుకు ప్రధాని నరేంద్ర మోడీ గారు ప్రధానమంత్రి రాష్ట్రీయ బాలల పురస్కారాన్ని సోమవారం జరిగిన వర్చ్యువల్ మీటింగ్ లో ఆమెకు ఇచ్చారు. ఆమెకి అవార్డు, సర్టిఫికేట్ తో పాటు లక్ష రూపాయలు శ్రీకాకుళం డిస్ట్రిక్ట్ కలెక్టర్ ఆఫీస్ దగ్గర ఇచ్చారు. హిమ ప్రియ తన తండ్రి తనకు ఆదర్శం అని చెప్పింది.

హైదరాబాదులో సాఫ్ట్వేర్ ఉద్యోగం చేస్తోంది అశ్విని. మూడు నెలల క్రితం ఆమెకు వివాహమైంది. ఈమె జీవితమంతా సాఫీగా సాగుతోంది. కానీ ఇంతలో కాలువలో శవమై తేలింది. ఇక అసలు ఏమైంది అనే దాని గురించి పూర్తి వివరాల్లోకి వెళితే.. పశ్చిమ గోదావరి జిల్లా మొగల్తూరు మండలం కాళీపట్నం పడమరకు చెందిన జక్కంశెట్టి ధర్మారావు, తులసి కి ముగ్గురు కుమార్తెలు. వారిలో పెద్దమ్మాయి అశ్విని.

ఈమె హైదరాబాద్ లో సాఫ్ట్ వేర్ ఇంజనీర్ గా పని చేస్తుంది. 3 నెలల క్రితం భీమవరానికి చెందిన రామకృష్ణ తో అశ్వినికి పెళ్లయింది. కరోనా మహమ్మారి వల్ల వర్క్ ఫ్రొం హోమ్ చేస్తోంది అశ్విని. సంక్రాంతికి తన భర్త తో పాటు పుట్టింటికి వెళ్ళింది. సంక్రాంతి పండగ కూడా చేసుకున్నారు. తర్వాత భర్త రామకృష్ణ హైదరాబాద్ కి తిరిగి వెళ్ళి పోయాడు.

గురువారం అర్ధరాత్రి ముత్యాల పల్లి వైపు అశ్విని బండి మీద వెళుతూ ఉప్పుటేరులో దూకి ఆత్మహత్య చేసుకుంది. అయితే తన కుమార్తె ఇంకా ఇంటికి రాక పోవడంతో చుట్టుపక్కల ప్రాంతం అంతా వెతికారు కుటుంబ సభ్యులు. అయితే ఉప్పుటేరులో బండి ఉండటం చూసి వెతకగా మృతదేహం కనబడింది. గత సంవత్సరం కరోనా కారణంగా అశ్విని తండ్రి మరణించాడు. అయితే తన తండ్రి ఇక లేడు అన్న బాధ తో ఆమె ఆత్మహత్య చేసుకుందని తెలుస్తోంది.

ఇదే ఆమె మరణానికి కారణం అని ఇంకా తెలియలేదు. ఇది ఇలా ఉంటే భర్తతో ఏమైనా విభేదాలు ఉన్నాయ అని కూడా పోలీసులు విచారిస్తున్నారు. అంతే కాకుండా సెల్ ఫోన్ డేటా ని కూడా పరిశీలిస్తున్నారు. ఇలా వివిధ కోణాలను పోలీసులు చూస్తున్నారు. ఏది ఏమైనా ఈమె మరణంతో కుటుంబం అంతా కూడా శోకసంద్రంలో మునిగిపోయింది.

జీవితమన్నాక ప్రతి ఒక్కరికి కష్టాలు తప్పవు. అయితే వాటిని ఓర్చుకుని ముందుకు సాగే మనోధైర్యాన్ని అలవర్చుకోవాలి. అందుకోసమే మోటివేషనల్ స్పీకర్స్ పని చేస్తూ ఉంటారు. వారి మాటలతో అందరిలో ఉత్తేజాన్ని నింపుతారు. వారి సంకల్ప బలాన్ని పెంచుతారు. అలాంటి మోటివేషనల్ స్పీకర్స్ తమ జీవితంలోని ఒడిదుడుకుల్ని తట్టుకోలేకపోతే..?

ఇటీవల, నిజామాబాద్ జిల్లాకు చెందిన ప్రముఖ మోటివేషనల్ స్పీకర్ కాసాల జైపాల్ రెడ్డి ఆత్మహత్య చేసుకున్నారు. ఆయన ఎంతో మందికి తన ప్రసంగాల ద్వారా స్ఫూర్తినిచ్చారు.

జీవితంలోని ఒడిదుడుకులతో విసిగి వేసారిపోయిన వ్యక్తులకు తన మాటలతో ఉత్సాహాన్ని నింపారు. ఎంతో మంది జీవితాల్లో వెలుగులు నింపారు. కానీ, ఆయన జీవితంలోని చీకట్లని ఎవరు ఆర్పలేకపోయారు. టీవీ 9 సమాచారం ప్రకారం, జైపాల్ రెడ్డి సోమవారం ఉదయమే నిజాం సాగర్ ప్రాజెక్టు వద్దకు వెళ్లి అందులోకి దూకేసి ఆత్మహత్య చేసుకున్నారు. అయితే.. ఆయనకు తీవ్ర ఆరోగ్య సమస్యలు ఉన్నాయి. వాటిని భరించలేకే ఆత్మహత్య చేసుకుంటున్నట్లు ఫేస్ బుక్ లో పోస్ట్ పెట్టి ఆత్మహత్య చేసుకున్నారు.

ఆయన కామారెడ్డి జిల్లా పిట్లం మండలం అల్లాపూర్ గ్రామ నివాసి. ఆయన మరణంతో కుటుంబ సభ్యులు విషాదంలో మునిగిపోయారు. ఎంతో మందికి తన రచనల ద్వారా స్ఫూర్తిని నింపిన ఆయన లేకపోవడం విషాదకరం. ఆయన ఇప్పటివరకు ఎనిమిదివేల పైగా సదస్సులు నిర్వహించారని స్థానికులు చెబుతున్నారు. ఫేస్ బుక్, యూట్యూబ్ వంటి సామాజిక మాధ్యమాల ద్వారా కూడా ఆయన తన ప్రసంగాలను అందించేవారు. సమస్యలు ఎన్ని ఉన్నా.. ఆత్మహత్య మాత్రం పరిష్కారం కాదు. ఎంతో మందికి స్ఫూర్తినిచ్చిన ఆయన జీవితంలో ఇలా జరగడం బాధాకరం.

రోజు రోజుకి ఎన్నో మార్పులు చోటు చేసుకుంటున్నా, ఎంతో అభివృద్ధి జరుగుతున్నా ఇలాంటి సమస్యలు మాత్రం అలానే ఉన్నాయి. చాలా మంది స్త్రీలు కట్నం వేధింపుల వల్ల ఎన్నో ఇబ్బందులు ఎదుర్కొని ఆఖరికి మరణమే సమాధానం అనుకుని ఆత్మహత్య చేసుకుంటున్నారు.

తాజాగా ఇలాంటి సంఘటన ఒకటి చోటు చేసుకుంది. అదనపు కట్నం, వేధింపులు భరించ లేక ఈమె ఆత్మహత్య చేసుకుంది. ఇక దీని కోసం పూర్తి వివరాల్లోకి వెళితే… సాక్షి కథనం ప్రకారం, 2016 లో వైఎస్ఆర్ జిల్లా పొద్దుటూరుకు చెందిన కొండయ్య, గంగా దేవి కుమార్తె వెంకట సుజనని ధర్మవరం లోని నేసేపేటకి చెందిన వెంకట కృష్ణ తో వివాహం చేశారు. వెంకట కృష్ణ బ్యాంకు ఉద్యోగి. పెళ్లి కి 18 లక్షల కట్నం, 30 తులాల బంగారు నగలు అబ్బాయికి ఇచ్చారు.

అయితే కొన్నేళ్ల పాటు వీళ్ళ మధ్య ఎలాంటి ఇబ్బందులు లేకుండా వీళ్ళ జీవితం సాఫీగా సాగింది. వీరికి ఇద్దరు పిల్లలు. అయితే కొంత కాలం నుండి కూడా వీళ్ళ మధ్య ఏదో ఒక గొడవ వస్తూనే ఉంది. ఇక వీటన్నిటినీ తట్టుకో లేక శనివారం అర్ధ రాత్రి దాటాక మూడో అంతస్తులో సుజన ఉరి వేసుకుని చనిపోయింది. పోస్టుమార్టం నిమ్మిత్తం ఆసుపత్రికి తరలించారు పోలీసులు. అదనపు కట్నం వల్లే ఆత్మహత్య చేసుకున్నట్టు తెలుస్తోంది.

అయితే తన కుమార్తెని అదనపు కట్నం కోసం వేధించి హతమార్చారని… ఆత్మహత్య చేసుకుందని నమ్మిస్తున్నారని వెంకట కృష్ణ మరియు అతని కుటుంబ సభ్యులపై మృతురాలి తల్లిదండ్రులు వాగ్వాదానికి దిగారు. వెంకట కృష్ణ మరియు కుటుంబ సభ్యుల పై పోలీసులు కేసు నమోదు చేశారు వారిని అదుపు లోకి తీసుకుని విచారణ చేస్తున్నారు పోలీసులు.

కరోనా మహమ్మారి వలన చాలా మంది ఎన్నో సమస్యలతో ఇబ్బంది పడ్డారు, పడుతున్నారు. ఒమీక్రాన్ వలన ఇప్పుడు చాలా మంది ఇబ్బంది పడుతున్నారు. ఏది ఏమైనా సరే ఈ మహమ్మారి బారిన పడకుండా జాగ్రత్తలు తీసుకోవాలి. గత కొన్ని రోజుల నుండి చూసుకున్నట్లయితే ప్రతి ఒక్కరు కూడా తల నొప్పి, జ్వరం, దగ్గు, జలుబు వంటి సమస్యలతో ఇబ్బంది పడుతున్నారు.

ఒక్క సారిగా ఏమైందో తెలియదు కానీ ఇంటికి ఒకరైన సరే ఈ సమస్యల బారిన పడుతున్నారు. అయితే వీటి నుంచి బయట పడడానికి డోలో 650 వేసుకుంటున్నారు. ఈ డోలో వినియోగం ఎంతలా వుంది అంటే ఏకంగా సోషల్ మీడియా లో మీమ్స్ కూడా వచ్చేసాయి. పైగా డోలో అమ్మకాలు కూడా భారీగా పెరిగిపోయాయి. కరోనా మహమ్మారి రాక ముందు ఇంత సేల్స్ లేవు. కరోనా వచ్చిన తరవాతే ఈ మాత్రల సేల్స్ పెరిగింది.

కరోనా కాలంలో డోలో 650 కి పెరిగిన డిమాండ్ అంతా ఇంతా కాదు. పైగా కరోనా నుంచి బయట పడడానికి కూడా వైద్యులు ఈ డోలో ని వేసుకోమంటున్నారు. నిజానికి డోలో 650 ఒక సెలబ్రిటీగా మారిపోయింది. ఒక అరుదైన రికార్డును కూడా ఈ టాబ్లెట్ సొంతం చేసుకుంది. ఆ రికార్డ్ ఏమిటంటే..? కరోనా సమయంలో దేశంలోనే అత్యధికంగా అమ్ముడయిన టాబ్లెట్ గా ఈ డోలో నిలిచింది.

ఇక ఎన్ని టాబ్లెట్లు అమ్ముడుపోయాయి అన్న విషయానికి వస్తే.. గత ఏడాది అంటే 2020లో 350 కోట్ల డోలో ట్యాబ్లెట్స్‌ సేల్ అయ్యాయి. కానీ కరోనా ముందు ఇంత సేల్స్ లేవు. 2019లో 75 మిలియన్ల డోలో మాత్రలని విక్రయించగా.. 307 కోట్ల టర్నోవర్ 2021 లోని నమోదు అయ్యింది. పైగా ఈ డోలో 650 భార‌త్‌ లో అత్యంత ప్ర‌జాద‌ర‌ణ పొందిన ట్యాబ్లెట్స్‌లో రెండవ స్థానంలో వుంది. మొదటి స్థానంలో అయితే కాల్‌పోల్ వుంది.

ఏ అత్తా తన కోడలికి తల్లి కాలేదు. అలాగే.. ఏ కూతురు అత్తింటికి వచ్చాక తన అత్తని తల్లిలా భావించలేదు. కానీ, ఈ అత్తా కోడళ్ళు మాత్రం అందుకు పూర్తిగా భిన్నం. మిగతా వారి సంగతి ఎట్లా ఉన్నా.. ఈ అత్త మాత్రం తన కోడలిని సొంత కూతురిలానే చూసుకుంది. చివరకు మరో వ్యక్తితో పెళ్లి కూడా చేసి పంపించింది.

ఆశ్చర్యంగా ఉంది కదా.. అసలు స్టోరీ ఏంటో మీరే చదవండి. వివరాల్లోకి వెళితే.. రాజస్థాన్‌ సికార్‌లో కమలా దేవి, దిలావర్‌ దంపతులు నివసిస్తున్నారు. వీరికి శుభమ్ అనే ఒక కొడుకు ఉన్నాడు.

2016 లో వీరు తమ కొడుక్కి పెళ్లి చేయాలనుకున్నారు. చాలా సంబంధాలను చూసారు. చివరకు ఓ నిరుపేద కుటుంబం నుంచి వచ్చిన సునీతను పెళ్లి చేసుకున్నారు. సునీత చాలా అందగత్తె. ఇద్దరు ఈడు జోడు బాగున్నారు అంటూ బంధువులంతా మెచ్చుకున్నారు. ఘనంగా వారి పెళ్లి జరిగింది. పేద కుటుంబం కావడంతో.. కమలా దేవి రూపాయి కట్నం కూడా తీసుకోకుండానే పెళ్లి జరిపించారు.

అయితే, వారిని చూసి విధి కుళ్ళుకుంది. కొడుకు మరణం రూపంలో విధి వారిని వెక్కిరించింది. పెళ్లి జరిగిన ఆరు నెలలకే శుభమ్ మరణించాడు. దీనితో సునీతకు సూటి పోటి మాటలు ఎక్కువ అయ్యాయి. ఆమె నష్టజాతకురాలు కావడం వల్లే భర్త మరణించాడు అంటూ బంధువులంతా ఆడిపోసుకున్నారు. కానీ కమలా దేవి వారందరిని వారించింది. శుభమ్ బ్రెయిన్ డెడ్ తో మరణించాడు. కొడుకు చనిపోతే.. అందులో కోడలి తప్పు ఏముందని కమలాదేవి ప్రశ్నించింది.

బంధువుల నోర్లు మూయించి సునీతను కన్న కూతురిలా చూసుకుంది. ఆమెది పేద కుటుంబం కావడంతో తల్లి తండ్రుల వద్దకు పంపకుండా తన వద్దే ఉంచుకుని ఆమెను చదివించింది. తాజాగా, ఎంఏ బీఈడీ ను పూర్తి చేసిన సునీత జూనియర్ లెక్చరర్ గా ప్రభుత్వ ఉద్యోగాన్ని కూడా సంపాదించుకుంది. తాజాగా శనివారం నాడు కమలాదేవి ఆమెకు ముఖేష్‌ అనే వ్యక్తితో వివాహం కూడా చేయించింది. కమలాదేవి, దిలావర్ దంపతులే కాళ్ళు కడిగి కన్యాదానం చేసారు. తాజాగా ఈ ఫోటోలు సోషల్ మీడియాలో వైరల్ అవుతున్నాయి.