News

సోషల్ మీడియా లో నిత్యం బిజీ గా ఉండే ఓ భార్య భర్తని పట్టించుకోకపోవడం తో.. ఓ భర్త ఆత్మహత్య చేసుకున్న ఘటన హైదరాబాద్ లో చోటు చేసుకుంది. స్టార్ ని అయిపోతా అంటూ కలలు కంటూ.. నిత్యం ఇంస్టాగ్రామ్ లో పోస్ట్ లు, ఫేస్ బుక్ లో చాటింగ్ లతో సమయం గడిపేస్తున్న తన భార్యను మార్చుకోవాలని ఆ భర్త చాలా ప్రయత్నించాడు. ఎంత చెప్పినా ఆమె వినిపించుకోకపోవడం తో మనస్తాపం చెంది ఆత్మహత్య చేసుకున్నాడు.

సమయం కధనం ప్రకారం, సనత్ నగర్ పోలీస్ స్టేషన్ పరిధి లో ఫతేనగర్‌ నివాసి పవన్ నీమ్‌కర్(34)కి ఆరు సంవత్సరాల క్రితం అనగా.. 2015 లో మౌలాలికి చెందిన ప్రియాంకతో వివాహం జరిగింది. పెళ్ళైన కొత్తలో వారి జీవితం సాఫీ గానే సాగిపోయింది. ఐతే.. పెళ్ళై ఆరు సంవత్సరాలు అవుతున్నా పిల్లలు కలగలేదు. దీనితో వారి మధ్య గొడవలు మొదలయ్యాయి. మరోవైపు ప్రియాంక సోషల్ మీడియా ఉచ్చులో చిక్కుకుంది. నిత్యం వీడియోలు తీస్తూ ఫేస్ బుక్, ఇంస్టాగ్రామ్ లలో బిజీ గా ఉండేది.

మరోవైపు పవన్ ఇవన్నీ తనకు ఇష్టం లేదు అని, పద్ధతి మార్చుకోవాలని కోరాడు. ఈ విషయం వలన కూడా వారి మధ్య మరింత ఎక్కువ గా గొడవలు జరిగేవి. ఇటీవల కరోనా కారణం గా పవన్ ఉద్యోగాన్ని పోగొట్టుకున్నాడు. ఈ క్రమం లో మరిన్ని ఇబ్బందులు ఎదురవ్వడం తో ఆమెను మౌలాలి లోని పుట్టింట్లో దింపి.. తిరిగి ఇంటికి వచ్చాడు. ఆ రోజు భార్యతో మరొకసారి గొడవ పడ్డాడని తెలుస్తోంది. ఓ వైపు భార్యతో గొడవ, మరోవైపు ఆర్థిక ఇబ్బందులతో మనస్థాపం చెందిన పవన్ ఇంట్లో ఫ్యాన్ కి ఉరి వేసుకుని ఆత్మహత్య చేసుకున్నాడు.

ఇది గమనించిన పవన్ కుటుంబ సభ్యులు పోలీసులకు సమాచారం అందించాడు. కొడుకు ఆత్మహత్య చేసుకోవడానికి కోడలు ప్రియాంకే కారణమంటూ పవన్ కుటుంబ సభ్యులు ఫిర్యాదు చేసారు. మరో వైపు ప్రియాంక కూడా భర్త మరణం పై తనకు అనుమానాలున్నాయని సనత్ నగర్ పోలీస్ స్టేషన్ లో ఫిర్యాదు చేసారు. మరో వైపు పవన్ బంధువులు ప్రియాంక పై పలు ఆరోపణలు చేస్తున్నారు. భర్త మాట వినేది కాదని, సోషల్ మీడియా లో వీడియోలు చేస్తూ ఉండేదని, చివరకు యాభై వేలు జీతం తెచ్చి ఇస్తే తప్ప పిల్లలను కనడం కుదరదని తమ ముందే చెప్పేది అని చెప్పుకొచ్చారు.

చిన్న వయసులో ఉన్నప్పుడు తమ తల్లిదండ్రులు కనిపించకపోతే పిల్లలు చాలా ఆందోళన చెందుతారు. వారు ఎక్కడ ఉన్నారో అని మొత్తం వెతుకుతారు. ఫోన్ చేసి ఇంటికి రమ్మని చెబుతూ ఉంటారు. వారు తిరిగి రాని లోకాలకు వెళ్లిపోయినా కానీ ఆ పిల్లలకి అర్థం అవ్వదు. ఇలాంటి ఘటన ఒకటి ఇటీవల చోటు చేసుకుంది.

వివరాల్లోకి వెళితే ఈటీవీ భారత్ కథనం ప్రకారం సమ్య కర్ణాటకలోని శివమొగ్గ జిల్లాలోని భద్రావతి మండలం హోసకొప్ప కి చెందిన సమ్య శరణ్ కూతురు. సమ్య పుట్టిన సంవత్సరానికి తన తల్లి మరణించారు. అప్పటి నుంచి శరణ్ సోదరి అయిన అఖిల సహాయంతో సమ్యని చూసుకుంటున్నారు.

బెంగళూరులోని ఒక ప్రైవేట్ కంపెనీలో ఉద్యోగం చేసే శరణ్, గత సంవత్సరం లాక్ డౌన్ కారణంగా శివమొగ్గకి వచ్చారు. సంస్కృతి పేరుతో ఒక స్వచ్ఛంద సంస్థను స్థాపించి కోవిడ్ తో ఇబ్బంది పడుతున్న వారికి సహాయం అందించారు. గత నెల కరోనా సోకడంతో శరణ్ మరణించారు.

దాంతో సమ్య అఖిల వద్ద ఉంటోంది. తన తండ్రికి రోజుకి నాలుగైదు సార్లయినా ఫోన్ చేస్తుంది. ఇంటికి తిరిగి రమ్మని అడుగుతుంది. అంతే కాకుండా తన తండ్రి ఇంటికి తిరిగి రావాలి అని దేవుడికి పూజలు కూడా చేస్తూ ఉంటుంది. తన తండ్రి చనిపోయినట్టు పాపకి తెలియదు అని అఖిల వివరించారు.

అందం గా ఉండడం అదృష్టం అని అనుకుంటూ ఉంటారు. కానీ, ఆ అందమే ఆమె పాలిట శాపమైంది. ఈ ఘటన హైదరాబాదు వనస్థలి పురం లో చోటు చేసుకుంది. వనస్థలీపురానికి చెందిన భర్త తన భార్య కవితను ఎంతో అందం గా ఉందని మురిసిపోయేవాడు. చివరకు, ఆ మురిపెం అనుమానానికి దారితీసింది. ఆమెను హత్య చేసి.. కరోనా తో చనిపోయిందంటూ నమ్మబలికాడు.

అంత్యక్రియలు పూర్తి అయ్యాయి. ఓ వారం రోజులకు కవిత తల్లితండ్రులకు అనుమానం వచ్చింది. ఇంత దగ్గరగా అంత్యక్రియలలో పాల్గొన్నా ఎవరికీ పాజిటివ్ రాకపోవడం తో వారి అనుమానం బలపడింది.ఆ తరువాత ఆసుపత్రిలో ఎంక్వైరీ చేయగా కవితకు కరోనా నెగటివ్ వచ్చినట్లు తేలింది. దీనితో అల్లుడు విజయ్ తమ కూతురుని హత్య చేసి ఉంటాడని ఆ తల్లితండ్రులు భావించారు.

వారు వెంటనే పోలీసులను ఆశ్రయించారు. కవితను చంపేసి.. కరోనా తో మృతి చెందినట్లు కథ అల్లాడని వివరించారు. ఈ మేరకు పోలీసులు కేసు నమోదు చేసుకున్నారు. కవిత స్వగ్రామం అయిన పిల్లిగుంట్ల తండా లోనే అంత్యక్రియలు నిర్వహించారు. అక్కడ పాతిపెట్టిన కవిత శవాన్ని వెలికి తీసి పోస్ట్ మార్టం నిమిత్తం పంపించారు. పోస్టుమార్టమ్ లో కవితకు కరోనా సోకలేదని తేలింది.

కవిత ఊపిరాడకే చనిపోయిందని తేలింది. ఆమె మెడపై కూడా గాయాలున్నాయని తేలింది. దీనితో పోలీసులు విజయ్ ను అదుపులోకి తీసుకుని విచారణ సాగించారు. అతను భర్యను దిండు తో ఊపిరాడకుండా చేసి హత్య చేసినట్లు తేలింది. పోలీసులు నిందితుడిని అరెస్ట్ చేసి, కోర్టు కు తీసుకెళ్లి రిమాండ్ తీసుకున్నారు.

తూర్పు గోదావరి జిల్లా కోరుకొండ మండలానికి చెందిన గాదరాడ గ్రామం లో ఈ దుర్ఘటన చోటు చేసుకుంది. సొంత మేనమామ నే వివాహం చేసుకున్న ఆ యువతి పెళ్ళై కాళ్ళ పారాణి ఆరకుండానే ఆత్మహత్య కు ఒడిగట్టింది. ఆమె ఆత్మహత్య చేసుకోవడానికి కారణాలు తెలియరాలేదు. ఈ విషయమై పోలీసులు విచారణ చేపట్టారు.

పోలిసుల కధనం ప్రకారం, తూర్పు గోదావరి జిల్లా కోరుకొండ మండలానికి చెందిన గాదరాడ గ్రామం లో నివసించే కనుమురెడ్డి అశోక్‌ తో సామర్లకోట మండలం మేడపాడు నివాసి తొండారపు వీరవెంకటలక్ష్మి పెద్ద కూతురు అశ్విని స్వాతి కి ఇచ్చి వివాహం చేయాలనీ పెద్దలు నిశ్చయించుకున్నారు. జూన్ 29 న వీరి వివాహం జరిగింది. రెండు రోజుల క్రితమే వీరు గాదరాడకు వచ్చారు. ఆషాఢమాసం వస్తుండడం చేత, సోమవారం మంచి రోజు చూసుకుని ఆమె ను పుట్టింటికి పంపాలని అనుకున్నారు.

ఇంట్లో పెళ్లి సందడి కొనసాగుతూనే ఉంది. ఆమెను పుట్టింటికి పంపడానికి ఇంట్లో కుటుంబ సభ్యులు ఏర్పాట్లలోనే మునిగిపోయి ఉన్నారు. అంతలోనే స్వాతి ఇంట్లో ఫ్యాన్ కు ఉరి వేసుకుంది. సభ్యులు చూసేటప్పటికి ఆమె మరణించింది. అశోక్ స్వాతి కి మేనమామ వరస అవుతాడు. అతను తాపీ పని చేస్తూ ఉంటారు. ఇటీవలే కొత్త ఇల్లు కట్టుకుని గృహప్రవేశం కూడా చేసారు. అందరు దగ్గరి బంధువులే అవ్వడం తో ఈ విషయం బయటకు రాకుండా మాట్లాడుకున్నారు.

కానీ, ఓ వ్యక్తి పోలీసులకు సమాచారం అందించడం తో ఈ విషయం వెలుగులోకి వచ్చింది. మృతురాలి తల్లి ఇచ్చిన విచారణ మేరకు ఈ కేసు ను పోలీసులు నమోదు చేసుకున్నారు. స్వాతి ఆత్మహత్య చేసుకోవడానికి గల కారణమేమిటో పోలీసులు విచారణ చేపట్టనున్నారు.

ఒక కుటుంబంలో గొడవలు రావడం సహజం. అవి కొన్ని సార్లు మామూలు గొడవలు అయితే, కొన్ని సార్లు మాత్రం ఆస్తికి సంబంధించిన గొడవలు ఉంటాయి. ఈ ఆస్తికి సంబంధించిన గొడవలు పరిష్కరించడానికి కూడా చాలా సమయం పడుతుంది. ఇందులో చాలా లాజిక్ లు ఉంటాయి. మామూలుగా ఆస్తి వారసత్వంగా వస్తుంది అని అంటారు.

అయితే “ఒక వ్యక్తి రెండో పెళ్లి చేసుకుంటే ఆస్తి ఎవరికి చెందుతుంది?” అనే విషయంపై ఇప్పటికి కూడా కొన్ని చోట్ల చర్చలు జరుగుతాయి. ఇటీవల ఇలాంటి ఘటన ఒకటి చోటు చేసుకుంది. వివరాల్లోకి వెళితే డైలీ హంట్ (తుపాకీ.కామ్) కథనం ప్రకారం యూపీ కి చెందిన ఒక వ్యక్తి 14 సంవత్సరాల క్రితం ఒక ముస్లిం మహిళను స్పెషల్ మ్యారేజ్ యాక్ట్ ప్రకారం వివాహం చేసుకున్నారు. అయితే అప్పటికే ఆ వ్యక్తికి పెళ్లి అయ్యింది సంతానం కూడా ఉన్నారు.

2015 లో ఆ వ్యక్తి మరణించారు. ఆయన ఆస్తి ఎవరికి రావాలి? మొదటి సంతానానికా? రెండో భార్యకా? అనే విషయంపై చర్చ మొదలైంది. ఈ విషయంపై మొదటి భార్య సంతానం 2016 లో న్యాయస్థానాన్ని ఆశ్రయించారు. వాళ్ళ తండ్రికి జరిగిన రెండవ వివాహం చెల్లదు అని, ఎందుకంటే ఆ మహిళని ఆయన చట్టబద్దంగా పెళ్లి చేసుకోలేదు అని ఆరోపించారు.

ఆ మహిళ తన మొదటి భర్తకు విడాకులు ఇవ్వకుండానే తమ తండ్రిని పెళ్లి చేసుకుందని, అందుకే ఇది చెల్లదు అని వాదించారు. అయితే ఈ పెళ్ళి ప్రశ్నించే హక్కు మొదటి భార్య సంతానానికి లేదు అని రెండవ భార్య తరపున లాయరు వాదించారు. ఈ వివాహం స్పెషల్ మ్యారేజ్ యాక్ట్ ప్రకారం జరిగింది అని, అంతే కాకుండా పెళ్లయిన 10 సంవత్సరాల తర్వాత ఈ కేసు దాఖలు చేశారు అని, ఆస్తి కోసమే ఇదంతా చేశారు అని వాదించారు.

అయితే ఇద్దరూ అధికారికంగానే వివాహం చేసుకున్నారు ఈ కేసులో చట్టపరంగా ఇద్దరూ భార్యలే. ఈ కేసులో ఇరువర్గాలకు నోటీసులు జారీ చేసింది కోర్ట్. దాంతో స్పెషల్ మ్యారేజ్ యాక్ట్ వివరణను పరిశీలించాలని కోరుతూ ప్రభుత్వానికి కూడా నోటీసులు పంపించింది. తదుపరి విచారణను 6 వారాలకు వాయిదా వేసింది.