News

ప్రస్తుతం కరోనా మహమ్మారి కారణం గా అన్ని పనులు ఇంట్లో నుంచే జరుగుతున్నాయి. పాఠశాలలు కూడా బంద్ అయ్యి.. చివరికి పాఠ్యాంశాలను కూడా ఆన్ లైన్ లోనే బోధించాల్సిన పరిస్థితి ఏర్పడింది. కొందరు పిల్లలకు ఇంట్లో స్మార్ట్ ఫోన్ లేదా లాప్ టాప్ సౌకర్యాలు ఉండడం వలన ఇబ్బందులు లేవు.

కానీ, చాలా మందికి ఈ అవకాశం లేదు. కొందరు మొబైల్ ఫోన్ లు లేక, ఆన్ లైన్ క్లాస్ లు వినలేక చాలా ఇబ్బందులు పడుతున్నారు. జంషెడ్‌పూర్‌లోని 11 ఏళ్ల తులసి కుమారి అనే బాలిక తనకు ఫోన్ లేకపోవడం తో, ఆన్ లైన్ క్లాస్ లు వినలేక ఇబ్బందులు పడుతోంది. అయితే.. మొబైల్ ఫోన్ ను ఎలాగైనా కొనుక్కోవాలన్న సంకల్పం తో ఆమె మామిడిపండ్ల అమ్మకాన్ని ప్రారంభించింది. ఓ వ్యక్తి ఆమె చేస్తున్న పని ని వీడియో తీసి సోషల్ మీడియా లో పోస్ట్ చేసారు. ఆమె పరిస్థితిని వివరించారు.

అయితే.. ఈ పోస్ట్ వైరల్ కావడం తో.. ఆమెకు చాలా రెస్పాన్స్ వచ్చింది. “ఆర్ధిక ఇబ్బందుల వల్లనే తాను చదువుకోలేకపోతున్నానని.. మామిడి పండ్లు అమ్మి, వచ్చిన డబ్బుతో మొబైల్ ఫోన్ కొనుక్కుని ఆన్ లైన్ క్లాస్ లు వినాలని అనుకుంటున్నానని” తులసి చెప్పుకొచ్చింది. ఆమె వీడియో ను చూసి చలించిపోయిన ముంబైకి చెందిన వాల్యుబుల్ ఎడ్యుటైన్మెంట్ ప్రైవేట్ లిమిటెడ్ కంపెనీ ఆమెకు సాయం చేసింది.

ఆమె వద్ద డజన్ మామిడి పండ్లను రూ .1.2 లక్షలకు కొనాలని నిర్ణయించుకుంది. ఒక్కొక్క మామిడి పండుకు పదివేల రూపాయల చొప్పున చెల్లించాలని నిర్ణయించింది. దీనితో తులసి ఇప్పుడు చాలా సంతోషం గా ఉంది.. “తనకు సొంత మొబైల్ ఉండడం వలన ఎంతో సంతోషం గా ఉందని, నా ఆన్ లైన్ క్లాస్ లకు క్రమం తప్పకుండ అటెండ్ అవుతున్నానని తులసి హర్షం వ్యక్తం చేసింది.

సదరు సంస్థ ఆ మొత్తాన్ని తులసి తండ్రి ఖాతా కు జమ చేసారు. చదువు పట్ల తన కుమార్తె ఎంతో చురుకు గా ఉంటుందని.. సరైన మార్గదర్శకం లభిస్తే.. ఆమె తప్పకుండ ఉన్నతం గా ఎదుగుతుందని ఆ తండ్రి ఆశాభావం వ్యక్తం చేసాడు. తులసి తల్లి పద్మిని దేవి కూడా ఈ సాయం పట్ల ఎంతో సంతోషం వ్యక్తం చేసింది. చదువు పట్ల తమ కుమార్తె చూపిన పట్టు దల కి కూడా ఆమె ఎంతో సంతోషించింది.

11-year #Jamshedpur girl gets Rs 1.2 lakh for a dozen of #mangoes after her video, selling mangoes to buy a mobile phone so that she can pursue her studies online during this pandemic, was made viral on social media. @NewIndianXpress @TheMornStandard pic.twitter.com/R2VVNXUUxU

— Mukesh Ranjan (@Mukesh_TNIE) June 28, 2021

చిన్న చిన్న కారణాలకి, సమస్యలకు కూడా నేటి యువతరం ఆత్మహత్య వైపు అడుగులు వేస్తోంది. తాజాగా.. ఓ యువజంట ఆత్మహత్య చేసుకుంటూ తీసుకున్న సెల్ఫీ వీడియో సోషల్ మీడియా లో వైరల్ అవుతోంది. ఈ వీడియో లో ప్రేమికుడు తాను చెప్పాలనుకున్నది చెప్పేసి హ్యాపీ గానే ఉంటాం అంటూ వీడియో ను ముగించారు.

ఈ వైరల్ అవుతున్న వీడియో లో సదరు ప్రేమికుడు ఆల్రెడీ పెళ్లి అయినా అమ్మాయిని ప్రేమ పేరు తో వేధించడం తప్పు అంటూ ఎవరికో హితబోధ చేసాడు. జీవితం లో ఫస్ట్ జాబ్ చూసుకుని సెటిల్ అవ్వాలని ఆ తరువాత అమ్మాయిల గురించి ఆలోచించాలని హిత బోధ చేసాడు. తన ప్రేయసి గాయత్రి అంటే తనకు ప్రాణమని, ఇప్పటి వరకు ఎన్ని తగవులు వచ్చినా హ్యాపీ గానే ఉన్నామని.. కలిసే ఉన్నామని.. ఇక పై కూడా కలిసే ఉండాలని అనుకుంటున్నామని.. ఎప్పటికీ ఇలానే ఉంటామని చెప్పుకొచ్చాడు.

ఆత్మహత్య చేసుకున్న ప్రేమ జంట వారణాసి గాయత్రి, ఎం రాకేష్ లు గా పోలీసులు గుర్తించారు. ఘటనా స్థలం పరిథి లో ఓ బండి అనుమానాస్పదం గా కనిపించడం తో స్థానికులు పోలీసులకు సమాచారం అందించారు. అక్కడే చెప్పులు కనిపించడం, రెండు మాస్క్ లు కూడా కనిపించడం తో పోలీసులు అనుమానం వ్యక్తం చేసారు. మృతదేహాలను వెలికితీయడం కోసం గజ ఈతగాళ్లను కూడా పిలిపించినట్లు పోలీసులు తెలిపారు. ఈ ప్రేమ జంట చేసిన పనికి అందరు ఓ వైపు బాధపడుతున్నారు.. మరో వైపు విమర్శిస్తున్నారు. ఆ వీడియో ని మీరు ఇక్కడ చూడవచ్చు.

Watch Video:

కర్ణాటకలో ఇటీవల చోటు చేసుకున్న ఒక ఘటన చర్చలకు దారి తీసింది. వివరాల్లోకి వెళితే న్యూస్ 18 తెలుగు కథనం ప్రకారం కర్ణాటకలోని, హసన్ జిల్లా, సక్లేశ్ పూర్ లోని, బెలగోడు గ్రామానికి చెందిన ఉదయ్ కాఫీ తోటలో కార్మికుడిగా పని చేస్తున్నారు. ఉదయ్ కి నలుగురు కూతుళ్లు. ఉదయ్ పెద్ద కూతురు అయిన సౌందర్య జర్నలిజంలో గ్రాడ్యుయేషన్ పూర్తి చేశారు.

తన కాళ్ళ మీద తాను నిలబడాలనే ఉద్దేశంతో పెళ్ళికి నిరాకరించారు. దాంతో ఉదయ్ తన రెండో కూతురు ఐశ్వర్యకి గత సంవత్సరం తుమ్కూర్ జిల్లాలోని కునిగల్ తాలూకాలోని కావేరిపురంలో నివసిస్తున్న నాగరాజుతో వివాహం జరిపించారు. వీరిద్దరూ తుమ్కూర్ లోని సరస్వతి పురంలో నివసిస్తున్నారు. ఉదయ్ మిగతా ఇద్దరు ఆడపిల్లలలో ఒకరు పీయూసీ, మరోకరు ఎస్‌ఎస్‌ఎల్‌సీ చదువుతున్నారు.

అయితే సౌందర్య ఫేస్ బుక్ లో ఉమేష్ తో పరిచయం పెంచుకున్నారు. ఉమేష్ ని పెళ్లి చేసుకుంటాను అని ఇంట్లో చెప్పారు సౌందర్య. కానీ ఉమేష్ ది వేరే కులం అవ్వడంతో తల్లిదండ్రులు పెళ్లికి అంగీకరించలేదు. అయినా సౌందర్య ఉమేష్ ని గత సంవత్సరం నవంబర్ లో పెళ్లి చేసుకున్నారు. ఆ తర్వాత భర్తతోనే ఉన్నారు. ఈ సంవత్సరం జూన్ 8వ తేదీన ఐశ్వర్య తన భర్త ఇంట్లో వేసుకున్నారు.

అత్తింటివారు కట్నం కోసం వేధించడం వల్లే తన కూతురు చనిపోయారు అని ఐశ్వర్య తల్లిదండ్రులు మహిళా పోలీస్ స్టేషన్ లో ఫిర్యాదు చేశారు. ఇది జరిగిన 15 రోజులకు అంటే జూన్ 25వ తేదీన సౌందర్య తన భర్త ఇంట్లో అనుమానాస్పద స్థితిలో మరణించారు. ఒకే నెలలో ఇద్దరు కూతుళ్లు మరణించడంతో ఉదయ్ కుటుంబంలో విషాదం చోటు చేసుకుంది.

ఇటీవల హింసాత్మక ఘటనలు ఎక్కువ గా చోటు చేసుకుంటున్నాయి. తాజాగా హైదరాబాద్ లో దారుణమైన ఘటన చోటు చేసుకుంది. అన్నా వదిన అంటూ.. దగ్గరైన ఓ వ్యక్తి మోజులో పడిన భార్య.. తన కన్న కొడుకునే హత్య చేసింది. ఈ ఘటన హైదరాబాద్ లో చింతల్ భగత్ సింగ్ నగర్ లో చోటు చేసుకుంది.

వివరాల్లోకి వెళ్తే, సంగారెడ్డి జిల్లా కి చెందిన ఉదయ మరియు జగద్గిరి గుట్ట కు చెందిన సురేష్ ప్రేమించి పెళ్లి చేసుకున్నారు. వీరికి ఒక బాబు కూడా ఉన్నారు. జగద్గిరి గుట్టలోనే వీరు కాపురం ఉంటున్నారు. అయితే.. సురేష్ కు ఓ రోజు భాస్కర్ అనే వ్యక్తి తో పరిచయం అయింది. సురేష్ ను భాస్కర్ తన వద్దే పనిలో పెట్టుకున్నాడు. అయితే.. భాస్కర్ కూడా సురేష్ ను అన్నా అంటూ పిలిచేవాడు. సురేష్ కూడా భాస్కర్ ను తమ్ముడిలా చూసుకునేవాడు.

భాస్కర్ పై బాగా నమ్మకం కుదరడం తో.. సురేష్ ఓ రోజు భాస్కర్ ను తన ఇంటికి తీసుకెళ్లి భార్య కి కూడా పరిచయం చేసాడు. భాస్కర్ కూడా ఉదయను ఒదినా అని పిలుస్తూ కుటుంబం లో ఓ వ్యక్తి లా మెలిగేవాడు. మరో వైపు ఉదయతో కూడా అతి చనువు ప్రదర్శించే వాడు. భర్త, మూడు సంవత్సరాల కొడుకు ఉన్నా కూడా ఉదయ విచక్షణ విడిచి భాస్కర్ కు దగ్గరైంది. ఓ రోజు సురేష్ కూడా వీరు కలిసి ఉండడం చూడడం తో కాపురం లో చిచ్చు రేగింది.

ఉదయ సురేష్ తో గొడవ పడి అక్కడ నుంచి వెళ్ళిపోయి భగత్ సింగ్ నగర్ లో కాపురం పెట్టింది. అక్కడ ఒంటరి గా ఉంటున్న ఉదయ భాస్కర్ తో తన వివాహేతర సంబంధాన్ని కొనసాగించింది. అయితే.. తమ ప్రేమ కు కొడుకు అడ్డం వస్తున్నాడని భావించేది. ఓ రోజు చిన్నారి అన్నం తినను అంటూ గొడవ చేస్తుండడం తో.. ఉదయ ఆ పిల్లాడిని గట్టి గా కొట్టింది. భాస్కర్ కూడా కరెంటు వైర్ తో కొట్టాడు. కాలితో తన్నాడు. ఈ దెబ్బలు తట్టుకోలేక ఆ పిల్లాడు మరణించాడు. స్థానికులు కలగచేసుకుని ఈ సమాచారాన్ని పోలీసులకు అందించారు.