News

కరోనా వచ్చిందా లేదా అన్న టెన్షన్ కంటే.. కరోనా టెస్ట్ చేయించుకోవడమే ఎక్కువ టెన్షన్ ని కలిగిస్తోంది. లాంగ్ క్యూలలో నుంచోవాల్సి రావడం, రిపోర్ట్ ల కోసం రోజుల తరబడి ఎదురుచూడాల్సి రావడం వంటి పరిస్థితులతో చాలా మంది కరోనా టెస్ట్ చేయించుకోవడానికి కూడా ఆసక్తి చూపడం లేదు. ఈ క్రమం లో సెల్ఫ్ కరోనా టెస్టింగ్ కిట్ ను పూణే కు చెందిన కంపెనీ రూపొందించింది. తాజాగా.. వీటిని ఇండియన్ కౌన్సిల్ ఆఫ్ మెడికల్ రీసెర్చ్ కూడా ఆమోదించింది.

ఈ కంపెనీ రూపొందించిన కిట్స్ తో ఎవరికీ వారే కరోనా టెస్ట్ లను చేసుకోవచ్చు. ఈ కిట్ ఖరీదు కేవలం 250 రూపాయలు మాత్రమే. కేవలం రెండు నిమిషాల్లో టెస్ట్ పూర్తి అవుతుంది.. 15 నిమిషాల్లో రిజల్ట్ కూడా వచ్చేస్తుంది. మైలాబ్ డిస్కవరీ సొల్యూషన్స్ వారు ఈ ప్రోడక్ట్ ను డెవలప్ చేసారు. వచ్చే వారం నుంచి ఇవి మార్కెట్ లోకి అందుబాటులోకి రానున్నాయి. ఈ కిట్ ఉపయోగించుకున్నాక సేఫ్ గా పడేయడానికి ఓ డిస్పోజల్ బాగ్ ను కూడా వీరు అందిస్తున్నారు. టెస్ట్ చేసుకున్నాక ఒక ఫోటో తీసుకుని సేవ్ చేసుకోవాలి. ఒకవేళ లక్షణాలు కనిపిస్తూ.. ఈ టెస్ట్ లో నెగటివ్ చూపిస్తే.. వారు కచ్చితం గా RT PCR పరీక్ష చేయించుకోవాలి.

ఎప్పుడైనా ఆటో లో కానీ, టాక్సీలలో గాని మన వస్తువుల విషయం లో అప్రమత్తం గానే ఉండాలి. ఏమైనా పోతే అవి తిరిగి దొరుకుతాయన్న గ్యారంటీ ఉండదు. ఇదే పరిస్థితి లండన్‌కు చెందిన షాయ్ సాదే అనే మహిళకు ఎదురైంది. ఆమె ఓ రోజు క్యాబ్ బుక్ చేసుకుని తన ఫోన్ ను క్యాబ్ లో మరిచిపోయింది.

ఆ తర్వాత బాగ్ లో వెతుక్కుంది.. ఇల్లంతా వెతికింది.. కానీ ఫోన్ మాత్రం దొరకలేదు. ఆ రోజు ఆమె చాల టాక్సీలలో తిరిగింది. ఎక్కడ ఫోన్ మర్చిపోయిందో ఆమెకు తెలియదు. దీనితో.. ఆమె ఫోన్ పై ఆశలు వదిలేసుకుంది. ఎనిమిది నెలలు తరువాత ఆమె ఓ క్యాబ్ ఎక్కింది. మీరు నా క్యాబ్ లో ఫోన్ పడేసుకున్నారు కదా… అంటూ ఆ డ్రైవర్ ఆమె ఫోన్ ను చూపించి అడిగాడు. ఆమె తన ఫోన్ ను గుర్తుపట్టి తీసుకుంది. ఆమె ఏ క్యాబ్ లో ఫోన్ పడేసుకుందో దాదాపు 8 నెలల తరువాత అదే క్యాబ్ లో మళ్ళీ ఎక్కింది. ఆరోజు తాను ఫోన్ చేసిన స్విచ్ ఆఫ్ అయి ఉండడం తో ఫోన్ రింగ్ అవలేదు. అప్పటినుంచి ఆ డ్రైవర్ ఆ ఫోన్ ని ఆన్ చేయలేదట. అతనికి ఆ ఫోన్ వాడుకునే ఉద్దేశ్యం లేకపోవడం తోనే ఆన్ చేయలేదట.

ఎన్డీటీవీ కధనం ప్రకారం, ఆస్ట్రేలియా లో 2002 వ సంవత్సరం లో షేన్ స్నెల్‌మన్‌ అనే వ్యక్తి సిడ్నీకి చెందిన బ్రూస్ రాబర్ట్స్ ఇంట్లో దొంగతనం చేయడానికి చొరబడ్డాడు. అయితే.. అతడిని రాబర్ట్స్ హత్య చేసాడు. అయితే ఆ విషయం బయటకు రాకుండా ఉండడానికి శవాన్ని దాచిపెట్టాడు. ఆ శవం నుంచి వాసన రాకుండా ఉండేందుకు దాదాపు 70 ఎయిర్ ఫ్రెష్ నర్స్ ను ఉపయోగించాడట. దీనితో ఈ విషయం ఎవరికీ తెలియలేదు.

ఆ తరువాత, 2017 లో రాబర్ట్స్ కూడా సహజ మరణం పొందాడు. దీనితో.. ఇరుగు పొరుగు వారు ఎమర్జెన్సీ సేవలందించేవారిని అలెర్ట్ చేసారు. ఆయన బాడీ హీటర్ పై పడిపోవడాన్ని వారు గుర్తించారు. కానీ, 2002 లో చనిపోయిన స్నెల్ మన్ శవం గురించి మాత్రం ఎవరికీ తెలియలేదు. ఆ తరువాత ఒక ఏడాది గడిచాక.. ఎస్టేట్ ను క్లియర్ చేయడం కోసం ఆ ఇంటిని క్లీన్ చేయడానికి వచ్చిన క్లీనర్లు స్నెల్ మన్ శవాన్ని గుర్తించారు. రాబర్ట్ తన ఇంట్లోంచి చాలా అరుదుగా బయటకు వచ్చేవాడు. అంతే కాదు.. ఆ ఇంట్లో డజనుకు పైగా తుపాకీ లు కూడా దొరికాయి.