News

జబర్దస్త్ పేరు వినగానే ముందు గుర్తొచ్చేది జడ్జి గా వ్యవహరించే రోజా నే. ఒకప్పటి హీరోయిన్ రోజా ప్రస్తుతం పాలిటిక్స్ లో దూసుకెళ్తూనే.. మరో వైపు బుల్లితెరపైనా రాణిస్తున్నారు. డబల్ మీనింగ్ లు ఎక్కువ గా ఉంటాయని జబర్దస్త్ కు పేరున్నా.. ఈ షో రేటింగ్స్ ఏ మాత్రం తగ్గలేదు. ఎక్కువ మంది అభిమానుల్ని, ప్రేక్షకుల్ని జబర్దస్త్ సంపాదించుకుంది. ఈ షో లో జడ్జి గా వ్యవహరిస్తున్న రోజా కూడా కంటెస్టెంట్ లతో పాటు జోకులేస్తూ.. వాళ్ళు వేసే జోకుల్ని సరదాగా తీసుకుంటూ.. ఈ షో ను మరింత రక్తి కట్టిస్తున్నారు.

అయితే, లేటెస్ట్ గా రిలీజ్ ఐన ఎపిసోడ్ లో రోజా కనిపించలేదు. ఆమె స్థానం లో జడ్జి గా ఇంద్రజ వ్యవహరిస్తున్నారు. ఇంద్రజ కూడా ఆకట్టుకుంటున్నప్పటికీ.. రోజాకి ఏమైందన్న సందేహాలు చాలా మందిలో మొదలయ్యాయి.. 2019 వరకు నాగబాబు తో కలిసి జడ్జిమెంట్ ఇచ్చిన రోజా.. ఆ తరువాత నుంచి సింగర్ మను తో కలిసి స్టేజి పంచుకున్నారు. రోజా కు ఆరోగ్యం బాగుండలేదని, ఆసుపత్రి లో ఉన్నారని వార్తలు వినిపిస్తున్నాయి.

ఆమె కు రెండు మేజర్ సర్జరీ లు చేశారని రోజా భర్త సెల్వమణి వివరించారు. అయితే, అభిమానులను ఆందోళన చెందవద్దని సెల్వమణి కోరారు. రోజా ప్రస్తుతం కోలుకుంటున్నారని.. ఆమె ఆరోగ్యం గానే ఉన్నారని సెల్వమణి వివరించారు. అయితే, మరో రెండు వారాల పాటు ఆమె పూర్తి గా విశ్రాంతి తీసుకుంటారని వివరించారు. అభిమానులు కంగారు పడి ఆసుపత్రికి రావద్దంటూ ఆయన విజ్ఞప్తి చేసారు. రోజా గారు తొందరగానే కోలుకుని తిరిగి బుల్లితెరపై సందడి చేయాలని కోరుకుందాం..

ఓ బాలికను అత్యాచారం చేయడమే అమానుషం. ఆమె పదహారేళ్ళ వయసులో ఉంది. ఆమెను రేప్ చేయడం తో.. ఆ ఊరి ప్రజలు ఆమె పట్ల అమానుషం గా ప్రవర్తించారు. ఆమెతో పాటు నేరస్తుడిని కూడా కట్టివేసి.. వారిద్దరిని ఊర్లో ఊరేగింపు లాగ తిప్పారు.. “భారత్ మాతా కి జై” అంటూ నినాదాలు కూడా చేసారు. భారత దేశం లో ఆడపిల్లలకు రక్షణ గా నిలవాల్సింది పోయి ఇలాంటి ఘటన చోటు చేసుకోవడం పట్ల నెటిజన్లు తీవ్రం గా స్పందిస్తున్నారు.

నెట్టింట్లో ఓ వీడియో వైరల్ అవుతూ వస్తోంది. పదహారేళ్ళ బాలికను, ఆమెను రేప్ చేసిన వ్యక్తిని తాళ్లతో కట్టివేసి వారితో పెరేడ్ లాగ నడుచుకుంటూ ఊరంతా తిప్పారు. వారిని తిప్పుతూ భారత్ మాతా కి జయ్ అంటూ స్లొగన్స్ ను చదువుతున్నారు. ఈ ఘటనపై పోలీసులు రెండు కేసులను నమోదు చేసారు. ఈ మేరకు పోలీస్ ఆఫీసర్ దిలీప్ సింగ్ బిల్వాల్ పేర్కొన్నారు. ఆ బాలికను, రేప్ చేసిన వ్యక్తిని ఆ ఊరి వారు వెలేసినట్లు ప్రవర్తించారు. ఈ సంఘటన ఆదివారం గిరిజన ఆధిపత్య ప్రాంతమైన అలిరాజ్ పూర్ ప్రాంతం లో చోటు చేసుకుంది.

నివేదికల ప్రకారం, అత్యాచారం చేయబడ్డ ఆ బాలిక కుటుంబ సభ్యులు కూడా ఈ ఘాతుకానికి ఒడిగట్టడం లో పాలు పంచుకున్నారని తెలుస్తోంది. ఈ ఘటనపై స్పందించిన పోలీస్ ఆఫీసర్ అత్యాచారం ఆరోపణలు ఎదుర్కొంటున్న 21 ఏళ్ల వ్యక్తిపై కేసు నమోదైంది. గ్రామంలో పరేడ్ చేసి ఆమెను కొట్టినందుకు బాలిక కుటుంబ సభ్యులు మరియు గ్రామస్తులపై మరో ఎఫ్ఐఆర్ నమోదు అయినట్లు పేర్కొన్నారు.

ఈ మధ్య దొంగతనాలు ఎక్కువైనా సంగతి తెలిసిందే. సిసి టీవీ ఏర్పాటు ఉన్న వారి ఇంట్లో సంగతులు ఎలా ఉన్నా…తాళాలు వేసిన వారి ఇళ్లల్లో కూడా దొంగతనాలు జరుగుతున్నాయి. అనుక్షణం కనిపెట్టుకుని ఉండాల్సిన అవసరం ఎంతైనా ఉంది. ఇటీవలే జరిగిన ఓ సంఘటన స్థానికం గా కలకలం రేపుతోంది. తలుపులు వేసి ఓ ఇంట్లోని వ్యక్తి బయటకు వెళ్లి తిరిగి వచ్చేసరికి తలుపులు తెరచి ఉండడాన్ని చూసి ఖంగు తిన్నాడు.

ఇంటి లోపలకి వెళ్లే సరికి టివి ఆన్ చేసి ఉంది. వెంటనే ఇంట్లోంచి ఓ ఇద్దరు మహిళలు వచ్చి.. ఏంటి ఇంట్లోకి వచ్చేస్తున్నావు..? ఎవరు మీరు? అడక్కుండా వచ్చేయడమేనా..? ఎందుకొచ్చారు..? అంటూ వరుస పెట్టి ప్రశ్నలతో దబాయించేసారు. దీనితో సదరు వ్యక్తి కి పిచ్చి కోపం వచ్చింది. అసలు నా ఇంట్లోకి నేను వస్తే.. అడగడానికి మీరెవరు అంటూ మండిపడ్డాడు. దీనితో, ఆ ఆడవాళ్లు ఇద్దరు కలిసి ఈ వ్యక్తిని లోపలకు లాగడానికి ప్రయత్నించగా.. సదరు వ్యక్తి విడిపించుకుని బయటకు వచ్చి.. చుట్టు పక్కల వారిని పోగేసాడు. న్యూస్ 18 కథనం ప్రకారం అతని పేరు పచ్చిపాల కోటేశ్వరరావు. కృష్ణా జిల్లా కంకిపాడు బస్టాండ్ కు దగ్గరలో నివాసం ఉంటున్నాడు. ఆటో డ్రైవర్ గా పని చేస్తున్న కోటేశ్వరావు పని ఉండి తలుపులు వేసి బయటకు వెళ్లగా.. తిరిగి వచ్చేసరికి ఈ ఘటన చోటు చేసుకుంది.

బయట ఉన్న స్థానికులు కూడా అక్కడ పోగు అయ్యి ఆ ఇద్దరు మహిళలను అదుపులోకి తీసుకున్నారు. వారిద్దరూ విజయవాడ మార్చవరానికి చెందిన అత్తాకోడళ్ళట. వారి పేర్లు బోయపాటి ధనలక్ష్మి, సాత్విత అని తేలింది. వారిద్దరూ దొంగతనాలనే తమ వృత్తి గా చేసుకున్నట్లు తెలుస్తోంది. ఇది ఇలా ఉంటె, సాత్విత నెలరోజుల క్రితమే బిడ్డకు జన్మనిచ్చింది. వారు ఆ స్థలానికి బిడ్డతో సహా వచ్చారు. బిడ్డ డైపర్ లో కూడా బంగారు ఆభరణాలు ఉండడం చూసిన స్థానికులు షాక్ అయ్యారు. వీరు ఇళ్లలోకి వెళ్లి, టీవీ ఆన్ చేసి మరీ దొంగతనాలు చేస్తుంటారు. సమాచారం అందిన వెంటనే.. పోలీసులు ఘటన స్థలానికి చేరుకొని వారి వస్తువులను స్వాధీనం చేసుకున్నారు.

టాలీవుడ్ నటుడు నాగయ్య తిరిగి రాని లోకాలకు వెళ్లిపోయారు. నాగయ్య చాలా మందికి సుపరిచితులు. ఈయన వేదం మూవీ లో శ్రీను అనే ఓ బాబు కు తాత లాగ నటించి.. ఆ సినిమా చూసిన వారందరిచేతా కన్నీరు పెట్టించారు. ఆ సినిమా లో బన్నీ తో కూడా ఆయన తాత అని పిలిపించుకుంటారు. ఈ సినిమా ఆయనకు మంచి గుర్తింపు తెచ్చిపెట్టింది. ఆ సినిమా రిలీజ్ అయినప్పటినుంచి ఆయన పేరు “వేదం” నాగయ్య గా మారిపోయింది.

ఆ సినిమా తరువాత కూడా నాగయ్య పలు సినిమాల్లో నటించారు. వయసు మీద పడ్డా, ఆయన తన నటనతో అందరిని ఆకట్టుకున్నారు. దాదాపు 30 సినిమాలలో నాగయ్య నటించారు. రామయ్య వస్తావయ్యా, లీడర్, స్పైడర్, నాగవల్లి వంటి సినిమాలు నాగయ్య కి మరింత గుర్తింపు తీసుకొచ్చాయి. ఆయన ఆర్ధిక సమస్యల కారణం గా సినిమాల్లో నటించడం ప్రారంభించారు. అయినప్పటికీ, ఆర్ధిక ఇక్కట్లు తీరలేదు. చాలా సార్లు అవకాశాలు అంతగా రాలేదని, ఆర్ధిక ఇబ్బందులున్నాయని సన్నిహితులతో చెప్పుకునేవారట.

నాగయ్య మరణవార్త తెలిసిన తరువాత, వేదం లో నాగయ్య సహనటి అనుష్క శెట్టి స్పందించింది.
ఇన్స్టాగ్రామ్ మాధ్యమం ద్వారా ఆమె నాగయ్య కు సంతాపం తెలిపింది. “ఈరోజు ఓ మంచి ఆత్మ లోకాన్ని వీడిపోయింది. ఈ విషాదం నుంచి నాగయ్య గారి కుటుంబం త్వరగా కోలుకోవాలని, వారిని ఆ భగవంతుడు ఆశీర్వదించాలని కోరుకుంటున్నాను. ఓం శాంతి” అని ట్విట్టర్ మాధ్యమం లో పేర్కొంది. వేదం మూవీ ఈవెంట్ లో నాగయ్య తో కలిసి ఉన్న పిక్చర్ ను కూడా షేర్ చేసింది. ఆమె తరువాత దర్శకుడు క్రిష్ కూడా స్పందించారు. ” రాములు గారు మీరు మీ మగ్గనికి సెలవిచ్చారు.. కానీ, మీరెప్పటికీ ఉంటారని” ట్విట్టర్ లో రాసుకొచ్చారు. నాగయ్య మృతి మీడియా పట్టించుకున్నంత గా సినీ ఇండస్ట్రీ పట్టించుకోలేదని చాలా మంది భావిస్తున్నారు.

 

View this post on Instagram

 

A post shared by AnushkaShetty (@anushkashettyofficial)

Also check : వామ్మో ‘వకీల్ సాబ్’ బెనిఫిట్ షో టికెట్ ధర ఎంతో తెలుసా ?