News

ఇంట్లో ఇల్లాలు వంటింట్లో ప్రియురాలు కాన్సెప్ట్ ఇపుడు చాలా పాతబడిపోయింది. ప్రస్తుత కాలం లో అక్రమ సంబంధాలు ఎక్కువవుతున్న నేపధ్యం లో వెలుగుచూస్తున్న ఘటనలు ఒక్కోసారి ఆశ్చర్యానికి గురి చేస్తుంటాయి. ఓ ప్రియుడు ఇంట్లో ఇల్లాలి కంట పడకుండా, తన ప్రియురాలిని చేరుకోవడానికి ఓ ప్లాన్ వేసాడు. తన ప్రియురాలి భర్తకు కూడా తెలియకుండా ఇంట్లో బెడ్ రూమ్ లో నుంచి ప్రియురాలి బెడ్ రూమ్ వరకు ఏకం గా ఓ సొరంగాన్ని తవ్వేశాడు. ఇద్దరు గుట్టు గా లాక్కొచ్చారు. అయితే, ఆ ప్రియురాలి భర్తకి అనుమానం రావడం తో వీరిద్దరి బండారం బయటపడింది.

మెక్సికో లోని అల్బెర్టో అనే వ్యక్తి తన ప్రియురాలిని రహస్యం గా కలుసుకోవడం కోసం ఈ పని చేసాడు. అతడి ప్రియురాలి భర్త సెక్యూరిటీ గార్డ్ గా పనిచేస్తాడు. రాత్రి వేళా అతను డ్యూటీ కి వెళ్లిన సమయం లో ఇంట్లో, ఇల్లాలికి తెలియకుండా సొరంగ మార్గం నుంచి ప్రియురాలి ఇంటికి చేరుకొని ఇద్దరు సమయం గడుపుతున్నారు. ఈ క్రమం లో ఓ రోజు ఆ ప్రియురాలి భర్త సగం డ్యూటీ చేసి వచ్చేసాడు. తన వద్ద ఉండే డూప్లికేట్ కీ తో తాళం తీసి లోపలకు వెళ్ళాడు. తీరా చుస్తే, తన భార్య ఎవరితోనో సరసమాడడం గమనించాడు. తానూ లోపలకు వెళ్లేసరికి ఆల్బర్ట్ మంచం కిందకి వెళ్లి సొరంగం లో నుంచి తన ఇంటికి వెళ్ళిపోయాడు.

హఠాత్తుగా ఈ మనిషి ఏమయ్యాడా? అని అనుమానం వచ్చిన భర్త మంచం కింద చూడగా అక్కడ హోల్ కనిపించడం చూసాడు. అతను కూడా ఆ హోల్ లొపలకి దిగాడు. అక్కడ సొరంగం ఉండడం చూసి ఆశ్చర్యపోయాడు. ఆ సొరంగం ద్వారా ఆల్బర్ట్ ఇంటికి చేరుకున్నాడు. అక్కడ ఆల్బర్ట్ తో గొడవ పెట్టుకోగా, ఇక్కడ గొడవ చేయవద్దని, ఈ విషయం తన భార్య కి తెలియదని ఆల్బర్ట్ బతిమాలాడు. అయినా, ఆ భర్త ఆల్బర్ట్ ని పిచ్చకొట్టుడు కొట్టడం తో చుట్టుపక్కల అందరు పోగయ్యారు. ఎవరో పోలీసులకు సమాచారం ఇవ్వడం తో, పోలీసులు కూడా రంగం లోకి దిగి ఆల్బర్ట్ ను అరెస్ట్ చేసారు. ఆల్బర్ట్ ఇటుకలు తయారు చేసే పని చేసేవాడని, అందుకే అతనికి సొరంగం తవ్వడం అంత కష్టం కాలేదని తెలుస్తోంది.

note: images used in this article are for reference purpose. but not the actual characters

ఆస్తుల కోసం తల్లితండ్రుల్ని వేధించే పిల్లలు ఉన్న సమాజం ఇది. రెక్కలు ముక్కలు చేసుకుని ఓ వైపు ఆస్తుల్ని సంపాదిస్తూ.. పిల్లలకు కావలసినవి అమర్చి, పెంచి పెద్ద చేస్తే, తల్లి తండ్రులు ముసలి వాళ్ళు అయ్యాక చూసే పిల్లలు ఎంతమంది ఉన్నారు..? ఎక్కడో ఒక చోట తప్ప, చాలా మంది తల్లితండ్రుల ఆస్తులను మాత్రం తీసుకుని, వారిని వృద్ధాశ్రమాలలో చేర్పించేసేవారు కోకొల్లలు. ఆస్తులు చేతికి వచ్చేసాక, తల్లి తండ్రుల్ని రోడ్డుపైనే వదిలేసేవారు చాలామందే ఉన్నారు.

మగపిల్లలు కాదు, ఆడపిల్లలు కూడా పెళ్లయ్యాక తమకు పుట్టింటి నుంచి ఏమి వస్తాయి అని ఎదురు చూసే వారు ఎక్కువ మంది ఉన్నారు ఈరోజుల్లో. అలాంటిది.. ఈ ముగ్గురు ఆడ కూతుళ్ళ కథ వింటే మీ హృదయం ద్రవిస్తుంది. ఒడిశా లోని నవరంగాపూర్ జిల్లాలో, నవ రంగోర్ ప్రాంతానికి చెందిన ఓ మహిళకు పుష్పాంజలి, గీతాంజలి, శ్రద్ధాంజలి అనే ముగ్గురు కూతుళ్లు ఉన్నారు. వీరు తమ తల్లిని చివరి వరకు చూసుకుని, ఆమె చివరి కోరికను కూడా ఎలాంటి స్వార్ధం లేకుండా నెరవేర్చారు. ఆమె తల్లి పేరు మీద కోట్ల రూపాయల ఆస్తి ఉంది. అయినా వారు ఎలాంటి స్వార్ధం లేకుండా ఆ కన్న తల్లి ఋణం తీర్చుకున్నారు.

ఆ కన్న తల్లి పేరు వైజయంతి మాల. ఆమె ఎంతో ఉన్నతమైన మనసు ఉన్నవారు. డిసెంబర్ 2 వ తేదీన ఆమె మరణించారు. మరో వైపు ఆమె భర్త అనారోగ్యం తో ఉన్నారు. ఆమె పిల్లలు వారికి కంటికి రెప్పలా చూసుకుంటున్నారు. ఆమె చివరి కోరిక ప్రకారం ఆమెకు ఉన్న ఆస్తులను ఆ ముగ్గురు కూతుళ్లు విరాళాలు గా ఇచ్చేసారు. నవ రంగోర్ లో ఉన్న జగన్నాధుని ఆలయానికి ఆమె ఆస్తిని విరాళం గా ఇవ్వాలని వైజయంతి మాల చివరి కోరిక కోరారట.

ఆమెకు ఇచ్చిన మాట ప్రకారమే, ముగ్గురు కూతుళ్లు ఆస్తిని దేవాలయానికి విరాళం గా ఇచ్చేశారట. ఆమెకు మూడంతస్తుల భవనం ఉంది. మొత్తం 25 గదులు ఉన్న ఆ భవనం లో, పది కుటుంబాలు అద్దెకు ఉంటున్నాయి. వీరి నుంచి వచ్చే అద్దె మొత్తం ఇక పై జగన్నాధుని ఆలయానికి చెందుతుంది. అలాగే, వైజయంతీ మాల ఆభరణాలు అన్ని.. ఆలయం లోని పార్వతి దేవికి చెందాలని ఆమె కోరుకున్నారట. ఆమె కోరిక ప్రకారమే ఆమె కూతుళ్లు ఆ ఆభరణాలను పార్వతి దేవి కి సమర్పించేసారట.

జగన్నాధ ఆలయం నిర్మించి దాదాపు మూడు శతాబ్దాలకు పైనే అవుతోంది. కాలం గడుస్తోంది కాబట్టి, ఆలయాన్ని పునరుద్దరించాలని ఆలయ మండలి భావిస్తోందట. ఈ క్రమం లో వైజయంతి మాల ఇచ్చేసిన ఆస్తులు అందుకు సరిపోతాయని ఆలయ నిర్వాహకులు సంతోషం వ్యక్తం చేస్తున్నారు.