News

కృష్ణా జిల్లాలో ఇటీవల జరిగిన ఒక సంఘటన వివాదాలకు దారి తీసింది. కృష్ణా జిల్లాలోని జి.కొండూరు లో ఒక మాంసం దుకాణం వద్ద కేజీ వేట మాంసం 200 రూపాయలు మాత్రమే అని బోర్డు పెట్టారు. దాంతో ప్రజలు అందరూ దుకాణం వద్ద లైన్ కట్టారు. దుకాణం వాళ్ళు, వేట మాంసం కొనుక్కోవాలి అనుకునేవాళ్ళు ఆధార్ కచ్చితంగా తీసుకురావాలి అని కండిషన్ పెట్టారు. అయితే మరుసటి రోజు మాత్రం మామూలు రేట్ కి అమ్మారు . దాంతో ప్రజలందరూ ఆగ్రహం వ్యక్తం చేస్తున్నారు.

ముందు ఒకరోజు ఒక ధరకు అమ్మి తర్వాత రోజు ఇంకొక ధరకు అమ్మడం ఏంటి? అని కొంతమంది అంటే మరికొంతమంది మాత్రం అవి చచ్చిపోయిన గొర్రెలు అని అంటున్నారు. నిన్న 200 అని ధర పెట్టి ఇవాళ 600 పెట్టారు అంటూ, దీనిపై అధికారులు చర్యలు తీసుకోవాలి అని అంటున్నారు. అంతేకాకుండా వాళ్ల వ్యాపారం లో అభివృద్ధి చెందడం కోసం చచ్చిపోయిన జీవాల్ని తీసుకొచ్చి ఇలా చేస్తున్నారు అని,

representative image

అసలు కేజీ మటన్ రెండు వందల రూపాయలకు అమ్మడం వెనకాల ఎంత నిజం ఉందో బయటికి తీయాలని అధికారులను కోరుతున్నారు. ఇంకొంత మంది మాత్రం జి.కొండూరు లో వేట మాంసం అమ్మకాల్లో నాణ్యత ఉంటుంది అని పేరు రావడంతో అక్కడ ఉన్న షాప్ ల మధ్య పోటీ పెరిగింది అని, అందుకే ధరలు తగ్గించి అమ్మారు అని, కానీ పరిస్థితి వేరే లాగా అయింది అని చెప్తున్నారు. ఈ విషయం తెలుసుకున్న పోలీసులు రంగంలోకి దిగారు.

లాతేహర్ జిల్లాలోని తోరి లో తానా భగత్స్ రైల్వే ట్రాక్‌ వద్ద ఆందోళనలు నెలకొన్నాయి. ఈ ఆందోళనల కారణంగా రాజధాని ఎక్స్ప్రెస్ రైలు డాల్టన్ గంజ్ దగ్గర ఆగిపోయింది. కొంచెం సేపటి తర్వాత పరిస్థితి మామూలుగా అయిపోతుంది అని అప్పుడు రైలు తిరిగి రాంచీ కి ప్రయాణం అవుతుంది అని అధికారులు అనుకున్నారు. కానీ ఆందోళన కొనసాగడంతో రైల్వే బోర్డు చైర్మన్ కు సమాచారం అందించారు.

ఆ ట్రైన్ లో 930 మంది ప్రయాణికులు ఉన్నారు. రైల్వే బోర్డు చైర్మన్ ట్రైన్ లో ఇరుక్కుపోయిన ప్రయాణికులను బస్సుల ద్వారా రాంచీకి పంపాలని ఆదేశించారు. దాంతో ప్రయాణికులందరూ బస్సులో రాంచీ కి బయలుదేరారు. కానీ అనన్య అనే ఒక యువతి మాత్రం బస్సులో ప్రయాణించడానికి నిరాకరించారు. తను బస్సు లో వెళ్ళాలి అనుకుంటే ట్రైన్ టికెట్ ఎందుకు తీసుకుంటాను అని, టికెట్ మీద రాజధాని ఎక్స్ప్రెస్ అని ఉంది అని, ట్రైన్లోనే రాంచీ కి వెళ్తాను అని అన్నారు.

రైల్వే యాజమాన్యం అనన్యను కారులో పంపాలని ప్రతిపాదించినా కూడా అనన్య అందుకు ఒప్పుకోలేదు. దాంతో రైల్వే బోర్డు చైర్మన్ కు ఈ విషయం చెప్పారు. చర్చలు జరిగిన తర్వాత అనన్యను భద్రతా ఏర్పాట్లతో రాజధాని ఎక్స్ప్రెస్ ద్వారా రాంచీ కి పంపమని డి ఆర్ఎం ను ఆదేశించారు. అనన్య ను జాగ్రత్తగా తన గమ్యస్థానానికి చేర్చడానికి ఆర్పిఎఫ్ మహిళా సైనికులని నియమించారు.

డాల్టన్ గంజ్ నుంచి రాంచీకి 308 కిలోమీటర్ల దూరం ఉంది. సాధారణంగా అయితే ఈ ట్రైన్ రణత్ గంజ్ నుండి రాంచీకి వెళ్లాలి. కానీ ట్రైన్ గయా, అక్కడి నుండి గోమో ఇంకా బొకారో మీదుగా రాంచీ కి మొత్తం 535 కిలోమీటర్లు ప్రయాణించాల్సి వచ్చింది. 25 సంవత్సరాల నుండి రైల్వే శాఖలో పనిచేస్తున్న ఒక అధికారి మాట్లాడుతూ ఒక ప్రయాణికుల కోసం 535 కిలోమీటర్ల దూరం ప్రయాణించడం రైల్వే చరిత్రలో ఇదే మొట్టమొదటి సారి అని అన్నారు.