News

అలనాటి తార, ప్రముఖ నటి వాణిశ్రీ ఇంట విషాద ఛాయలు అలుముకున్నాయి. ఆమె కుమారుడు అభినయ్‌ వెంకటేష్‌ కార్తీక్‌ మృతిచెందారు. శుక్రవారం రాత్రి నిద్రలోనే గుండెపోటుతో మృతి చెందారని తొలుత వార్తలు వచ్చాయి.. కానీ అభినయ్ ఆత్మహత్య చేసుకున్నారనే అనుమానాలు వ్యక్తం అవుతున్నాయి..పోలీసులు కేసు దర్యాప్తు చేస్తున్నారు..

తెలుగు చిత్రపరిశ్రమలో స్టార్ హీరోయిన్ గా వెలుగొందిన వాణిశ్రీ , తమ ఫ్యామిలి డాక్టర్ కరుణాకరన్ నే వివాహం చేసుకున్నారు.వీరికి ఇద్దరు పిల్లలు అనుపమ, అభినయ్ వెంకటేశ్..కాగా అభినయ్ తండ్రి బాటలోనే డాక్టర్ వృత్తి చేపట్టారు.. అన్నపూర్ణ మెడికల్ కాలేజీలో మెడిసిన్ పూర్తిచేసిన 36 ఏళ్ల అభియన్ వెంకటేశ్, తర్వాత రామచంద్రన్ కాలేజీలో ప్రొఫెసర్‌‌గా విధులు నిర్వహిస్తున్నారు. అభియన్‌కు భార్య, నాలుగేళ్ల కుమారుడు, ఎనిమిది నెలల కుమార్తె  ఉన్నారు.. ఆయన భార్య కూడా డాక్టరే, తను సావిత్రి మనవరాలి హాస్పిటల్లో విధులు నిర్వర్తిస్తున్నారు.

రెండు రోజుల క్రితం ప్యాలెస్ పనుల నిమిత్తం అభినయ్ చెంగల్పట్టుకి వెళ్లారని సమాచారం.. మృతి చెందడానికి ముందు రోజు రాత్రి తన కుమారుడితో సరదాగా గడిపారని, ఉదయానికి విగతజీవిగా పడి ఉన్నారని సన్నిహితులు చెప్తున్నారు.. నిద్రలోనే గుండెపోటు రావడంతో చనిపోయారని కొందరు తెలుపగా.. ఆత్మహత్య చేసుకున్నారనే అనుమానాలు వ్యక్తం అవుతున్నయి.చెంగల్పట్టు నుండి చెన్నైలోని వాణిశ్రీ ఇంటికి అభినయ్ మృతదేహాన్ని తరలించారు.

చెంగల్‌పట్టులోని ప్యాలెస్‌లో ఆత్యహత్య చేసుకున్నట్టు పోలీసులు భావిస్తున్నారు. ఈ ఘటనపై కేసు నమోదు చేసిన పోలీసులు దర్యాప్తు కొనసాగిస్తున్నారు. అభినయ్ అంత్యక్రియలు శనివారం సాయంత్రం జరుగనున్నాయి. అభినయ్ మృతితో తెలుగు చలన చిత్రపరిశ్రమ దిగ్భ్రాంతికి గురైంది. వాణిశ్రీ కుటుంబానికి పలువురు తమ ప్రగాఢ సానుభూతి తెలియజేశారు.

లాక్ డౌన్ కారణంగా రెండు నెలలుగా  సామాన్యుడు, సెలబ్రిటి అని తేడా లేకుండా అందరూ ఇళ్లకే పరిమితమయ్యారు..మరికొందరు ఎక్కడి వాళ్లక్కడే ఆగిపోయారు.. వాళ్ల వాళ్ల ఇన్ఫ్లూయెన్స్ లు ఉపయోగించి ఎక్కడికన్నా వెళ్లడానికైనా కరోనా ఊరుకోదుగా అనే భయంతో ఆగిపోయారు.. అత్యవసర పరిస్థితుల్లో వెళ్లాల్సిచ్చిన వాళ్లు నానా తిప్పలు పడి తాము చేరాలనుకున్న గమ్యం చేరుకుంటున్నారు.. అలాంటి ఇబ్బందులే పడ్డారు బాలీవుడ్ నటి స్వరా భాస్కర్..

తను వెడ్స్ మను, ప్రేమ్ రతన్ ధన్ పాయో లాంటి చిత్రాల్లో సపోర్టింగ్ క్యారెక్టర్స్ లో నటించిన బాలివుడ్ యాక్టర్ స్వరభాస్కర్. పలు సామాజిక అంశాలపై కూడా స్పందించే స్వరభాస్కర్ అందరికి సుపరిచితురాలే..స్వర భాస్కర్ తల్లి ఇరా భాస్కర్ ఢిల్లీలో నివాసం ఉంటారు.. ఢిల్లీలోని JNU(జవహర్ లాల్ నెహ్యూ యూనివర్శిటి)లో ప్రొఫెసర్ గా పని చేస్తున్నారు. లాస్ట్ వీక్ ప్రమాదానికి గురైన ఇరా భాస్కర్ భుజానికి తీవ్ర గాయమైంది..లాక్ డౌన్ ఉండడంతో తల్లిని చూడడానికి వెళ్లలేకపోయిన స్వర భాస్కర్ ఫోన్లోనే తల్లి యోగక్షేమాలు తెలుసుకుంటూ ఉంది.

లాక్ డౌన్ నిబంధనలు సడలించగానే ఒక్క క్షణం ఆలోచించకుండా కార్ తీసుకుని ఢిల్లికి బయల్దేరింది.1400 కిలోమీటర్ల దూరం రోడ్డు ప్రయాణం… మార్గ మధ్యలో ఉదయ్ పూర్ వద్ద నైట్ హాల్ట్ చేసి, చివరకు ఢిల్లీకి చేరుకుంది..తల్లిని కలుసుకోగానే తన గాయం గురించి ఆరా తీసి, హమ్మయ్యా అని సంతోషపడిందో లేదో..ఢిల్లీ పోలీసులు క్వారంటైన్లో ఉండాలని ఆదేశించారు..14రోజుల పాటు సెల్ఫ్ హోం క్వారంటైన్ లో ఉండి తీరాల్సిందే అని అధికారులు చెప్పడంతో దానికి ఒప్పుకున్న స్వరభాస్కర్ ..మొత్తానికి అమ్మను చూడగలిగా అని సంతోషం వెలిబుచ్చింది.

లాక్ డౌన్ 4.0లో కొన్ని సడలింపులు ఇవ్వగానే చాలామంది ప్రయాణాలు మొదలుపెట్టారు..యాక్టర్ నవాజుద్దీన్ సిద్దిఖి కూడా ఫ్యామిలితో ముంబై నుండి సొంత గ్రామానికి పయనమై వెళ్లాడు..అక్కడికి వెళ్లిన తర్వాత కరోనా టెస్టులు చేసారు అధికారులు. ..రిజల్ట్ నెగటివ్ వచ్చింది..అయినప్పటికి 14 రోజుల పాటు సెల్ఫ్ హోం క్వారంటైన్ లో ఉండాలి అని అధికారులు ఆదేశించారు.

ప్రస్తుతం ప్రపంచ వ్యాప్తంగా కోవిడ్ -19 కేసుల సంఖ్య 50లక్షల మార్కుని దాటింది..ఇప్పటి వరకు 3లక్షలపైన మరణాలు సంభవించగా..మన ఇండియాలో మరణాల సంఖ్య 3,435గా నమోదైంది.. 1,12,359 కొవిడ్ -19 కేసులు నమొదయ్యాయి.. లాక్ డౌన్ సడలింపులతో రోజువారి కార్యక్రమాలు కొనసాగుతున్నాయి..ఇలాంటి పరిస్థితుల్లో కరోనా వ్యాప్తిని అరికట్టడానికి ఎవరికి వారే స్వచ్చందంగా జాగ్రత్తలు పాటించాల్సిన అవసరం ఉంది..