News

కరోనా ను అదుపు చేసేందుకు కుటుంబానికి దూరంగా ఉంటూ తమ ప్రాణాలు సైతం లెక్కచేయకుండా రాత్రి పగలు తేడా లేకుండా కష్టపడుతున్నారు పోలీసులు.ప్రజలు అందరు సామాజిక దూరం పాటించేలా ఎవరూ రోడ్ల మీదకి రాకుండా చూసుకుంటున్నారు.అలంటి పోలీసులతో అనుచితంగా ప్రవర్తించిన కొడుక్కి మాజీమంత్రి గుణపాఠం నేర్పారు .పోలీసులకు క్షమాపణలు చెప్పించడమే కాదు ,రోడ్డుపై చెత్త ఎత్తించి ,మూత్రశాలలు కూడా కడిగించారు.

ఈ ఘటన మధ్యప్రదేశ్ రాష్ట్రం గ్వాలియర్ నగరంలో చోటు చేసుకుంది .కరోనా ను అదుపు చేసేందుకు కష్టపడుతున్న పోలీసులపై కొంతమంది అనుచితంగా ప్రవర్తిస్తున్నారు.లాక్ డౌన్ రూల్స్ అతిక్రమించడమే కాకుండా ,పోలీస్ విధులకు అడ్డు తగులుతున్నారు .వారిపై దాడులు కూడా చేస్తున్నారు ..

ఈ నేపథ్యంలో గురువారం (ఏప్రిల్ 30 ,2020) గ్వాలియర్ నగరంలో బైక్ మీద రోడ్ పైకి వచ్చిన యువకుడిని పోలీసులు ఆపారు .మాస్క్ తప్పనిసరిగా ధరించాలి కదా .మరి నువ్వు ఎందుకు మాస్క్ లేకుండా బయటకు వచ్చావ్ అని అడగగా ..ఆ యువకుడు పోలీసులపై దురుసుగా ప్రవర్తించాడు ..”మా నాన్న ఎవరో తెలుసా ” అంటూ పోలీసులపై జూలు విదిలించాడు ..సదురు సంఘటన కు సంబందించిన వీడియో మొత్తం బయటకు వచ్చింది .దీనిపై మాజీ మంత్రి ప్రద్యమం సింగ్ తోమర్ స్పందించారు.ఇంతకీ పోలీసులతో దురుసుగా ప్రవర్తించింది అయన కుమారుడే ..

తన కొడుకు రిపుదామన్ ప్రవర్తించిన తీరుపై విచారం వ్యక్తం చేసిన మాజీ మంత్రి అంతటితో ఆగకుండా పోలిసుల దగ్గరకు తీసుకెళ్లి క్షమాపణ చెప్పించాడు .లాక్ డౌన్ నియమాలను ఉల్లంఘించినందుకు జరిమానా కూడా చెల్లించారు ..తర్వాత రోజు కొడుకుకి సరైన గుణపాఠం చెప్పారు ..,మునిసిపల్ కార్మికులతో కలిసి చెత్త ఎత్తించారు ..దీంతోపాటు పోలీసులతో తప్పుగా ప్రవర్తించినందుకు పారిశుధ్య పని చేయించారు ..మూత్రశాలలు తన కుమారుడితో కడిగించారు మాజీ మంత్రి ..

ప్రద్యమం సింగ్ తోమర్ మంత్రిగా ఉన్న కాలంలో కూడా ఎంతోమంది అధికారుల నిర్లక్ష్యంపై మండిపడుతూ తానే స్వయంగా రోడ్లను శుభ్రం చేసిన సందర్బాలు కూడా చాలానే ఉన్నాయ్ ..తప్పుగా ప్రవర్తించింది సొంత కొడుకు అయినా సరే ఎలాంటి గుణపాఠాన్ని నేర్పిన మాజీ మంత్రి ని అందరు ప్రశంసిస్తున్నారు.నిజమైన రాజకీయ నాయకుడు అంటే ప్రద్యమం సింగ్ తోమర్ లాగా ఉండాలి అంటూ పలువురు నెటిజన్లు కామెంట్స్ చేస్తున్నారు ..

పిల్లులు అందరకి ఇష్టమైన పెంపుడు జంతువులు కాదు ..ఎందుకంటే అవి కుక్కలు లాగా మనుషులను అంతగా పట్టించుకోవు అని ..కానీ ఒక పిల్లి చూపిన మాతృ ప్రేమతో అసలు మనుషులైన ,జంతువులైన తల్లి హృదయం ఎప్పుడు ఇంతే కదా అని అనిపించేలా చేసిన ఘటన ఇది ..తాజాగా ఇస్తాంబుల్ ఆసుపత్రి అత్యవసర గదిలో తీసిన ఫోటోలు సోషల్ మీడియా లో హల్చల్ చేస్తున్నాయి ..ఒక పిల్లి తన జబ్బుపడిన పిల్లను ఆసుపత్రికి తీసుకువచ్చింది.దీనికి సంబందించిన వార్త ప్రపంచ వ్యాప్తంగా వైరల్ అయింది ..వివరాల్లోకి వెళ్తే ..

అక్కడ ఉండే టర్కిష్ ప్రజలు జంతువులపై ఎక్కువ ప్రేమ కలిగి ఉంటారు.వారు ఆ పిల్లి పిల్ల కు అవసరమైన వైద్యం వెంటనే అందించారు.ఇప్పుడు ఆ పిల్లి బాగానే ఉంది .మొదట టర్కిష్ మీడియా లో ఈ వార్త విస్తృతంగా ప్రచారం అయింది.తర్వాత ట్విట్టర్ లో పిల్లి ఆసుపత్రి గదికి తీసుకువెళ్లే ఫొటోస్ ను షేర్ చేసి ‘ఈ రోజు మేము ఆసుపత్రి యొక్క అత్యవసర గదిలో ఉన్నాము ,ఒక పిల్లి తన పిల్లను నోటితో పట్టుకొని పరిగెత్తుకుంటూ వచ్చింది ‘అని మెర్వ్ యోజాక్ అనే వ్యక్తి పోస్ట్ చేసాడు ..ఈ పిల్లి మాతృ ప్రేమ ఎంతో మంది హృదయాలను కదిలించి వేసింది ..

మొదటగా పిల్లి పిల్లకు అవసరమైన అన్ని పరీక్షలు నిర్వహించాము కానీ మేము వైద్యం చేస్తునంతసేపు ఆ పిల్లి తల్లి మా చుట్టూనే తిరుగుతూ ఉంది అని అక్కడ వైద్య బృందం తెలిపారు..ఆ సమయంలో ఆ తల్లి పిల్లికి మంచి సౌకర్యం కల్పించి పాలు కూడా అందచేశారు అక్కడి డాక్టర్లు .తర్వాత తల్లి పిల్లిని కూడా పరీక్షించగా తల్లి పిల్లి కూడా ఆరోగ్యంగానే ఉందని తెలిపారు ..

ఆ ఆసుపత్రి డాక్టర్లను ,సిబ్బంది చాలా దయగల వారని మంచి చర్యలు వెంటనే తీసుకున్నారని సోషల్ మీడియా వేదికగా నెటిజన్లు ప్రశంసల వర్షం కురిపిస్తున్నారు.ఏ జంతువులైన మనుషులైన తల్లి ప్రేమ మాత్రం తల్లి ప్రేమే ,తల్లికి మించి ప్రేమించేవాళ్ళు ఈ లోకంలో ఎవరు ఉండరు  అంటూ పలువురు నెటిజన్లు భావోద్వేగానికి లోనవుతున్నారు …..

ఇలాంటి మొట్టమొదటి చర్యలో, రైల్వే శుక్రవారం తెలంగాణ నుండి జార్ఖండ్ వరకు 1,200 మంది వలస కార్మికులతో ప్రత్యేక రైలును నడిపింది. జార్ఖండ్ నుండి వచ్చిన కార్మికులకు మే డే బహుమతిగా 12 స్లీపర్ మరియు 4 జనరల్ కంపార్ట్మెంట్లతో లింగంపల్లి స్టేషన్ నుండి రాంచీ జిల్లాలోని హటియా అనే చిన్న పట్టణం వైపు 1,200 మందితో ప్రత్యేక రైలును నడిపింది.

ఈ రోజు ఉదయంతెల్లవారుజామున 4.50 గంటలకు, తెలంగాణ రాష్ట్ర ప్రభుత్వ అభ్యర్థన మేరకు మరియు రైల్వే మంత్రిత్వ శాఖ ఆదేశాల మేరకు లింగంపల్లి (తెలంగాణ) నుండి హటియా (జార్ఖండ్‌) వరకు ఒక ప్రత్యేక రైలును నడిపార ” అని రైల్వే ప్రతినిధి ఒకరు తెలిపారు. సమీప నిర్మాణ స్థలాల నుండి సుమారు 56 బస్సులలో కార్మికులను స్థానిక పోలీసులు మరియు సంగారెడ్డి జిల్లా యంత్రాంగం థర్మల్ స్క్రీన్‌ చేసి, సీనియర్ రైల్వే అధికారులు మరియు రైల్వే పోలీసుల పర్యవేక్షణలో రైల్వే స్టేషన్ కి తీసుకొచ్చి. చెక్ చేసిన తర్వాత రైలు ఎక్కించారు. అత్యంత భద్రత కోసం అన్ని ప్రవేశద్వారం మరియు ఎగ్జిట్ పాయింట్లను పోలీసులు కాపలాగా ఉంచడంతో బయటి వ్యక్తులు చొరబడకుండా ఉండటానికి లింగంపల్లి స్టేషన్ లో బారికేడ్ ఏర్పాటు చేసారు.

టిఎస్ ప్రభుత్వ విజ్ఞప్తి మేరకు ఈ ఆపరేషన్ చేపట్టామని, ముంబైలో జరిగిన సంఘటనలను వెలుగులోకి తీసుకుని అత్యంత రహస్యంగా చేపట్టినట్లు ఎస్‌సిఆర్ ఉన్నతాధికారులు తెలియజేశారు. తెల్లవారుజామున 5 గంటలకు లింగంపల్లి నుంచి బయలుదేరిన ఈ రైలు “వన్-ఆఫ్ స్పెషల్ ట్రైన్” అని, ఇతర రైళ్లు రైల్వే మంత్రిత్వ శాఖ ఆదేశాల మేరకు రెండు రాష్ట్ర ప్రభుత్వాల అభ్యర్థన మేరకు ప్రణాళిక చేయబడతాయని రైల్వే ప్రతినిధి తెలిపారు.

ఈ రైలు నిరంతరాయంగా ఉంటుంది, ప్రయాణానికి 24 గంటల సమయం పట్టే అవకాశం ఉన్నందున, రైల్వే అధికారులు ఆహారం మరియు తాగునీటి సరఫరా కోసం అన్ని ఏర్పాట్లు చేసారు. ప్రతి బోగీలో ఆర్‌పిఎఫ్, జిఆర్‌పి సిబ్బంది భద్రతను జాగ్రత్తగా చూసుకోవడంతో 52 మంది వ్యక్తులు తప్పనిసరిగా సామాజిక దూరాన్ని పాటిస్తున్నారని ఉన్నతాధికారులు తెలిపారు.

“ప్రయాణీకులను ముందుగా పరీక్షించడం, స్టేషన్ మరియు రైలులో సామాజిక దూరాన్ని నిర్వహించడం వంటి అన్ని అవసరమైన జాగ్రత్తలు పాటించారు” అని ప్రతినిధి తెలిపారు. యాదృచ్ఛికంగా, ఒక రోజు క్రితం తగినంత ఆహారం లేదా సరైన వసతి లేనందున ఇంటికి వెళ్ళటానికి అనుమతించాలని డిమాండ్ చేస్తూ జిల్లాలోని వలస కార్మికుల నుండి నిరసనలు జరిగాయి. ఝార్ఖండ్ లో వారు చేరుకున్నారు. వారికి పూలతో స్వాగతం పలికారు.

తిరిగే కాలు, తిట్టే నోరు ఊరికే ఉండవు అని ఒక సామెత.. లాక్ డౌన్ తో ఒక్కసారిగా కాళ్లు, చేతులు కట్టేసి ఇంట్లో కూర్చోపెట్టినట్టుగా ఉంది కొందరికి..దాంతో రకరకాల సాకులతో ఇంటి నుండి బయటకి వస్తున్నారు. బయట పోలీసులు ఊరుకుంటారా? లాఠీలకు బుద్ది చెప్తున్నారు. ఇలా అయితే కాదని ఒక పక్కా ప్లాన్ తో ఇంటి నుండి బయటకి వచ్చారు. వైజాగ్ లో ఒక జంట.. ఇంతకీ వీళ్లు వేసిన ప్లాన్ కి మనకి కూడా బుర్ర తిరిగిపోతుంది.

విశాఖపట్నంలోని గోపాలపట్నంకు చెందిన దంపతులు బైక్‌పై బయటకు వచ్చారు .  పోలీసులు ఆపడంతో తమ బిడ్డకు సీరియస్‌గా ఉందని చెప్పారు. పోలీసులు కూడా నిజమే అనుకుని వదిలేశారు. అక్కడి నుంచి బయల్దేరి NAD జంక్షన్ వరకు చేరుకున్నారు. అక్కడా పోలీసులు బైక్‌ను ఆపడంతో వారికి కూడా మళ్లీ అదే కారణం చెప్పారు. కానీ భార్యాభర్తల తీరుపై ఒక కానిస్టేబుల్‌కు అనుమానం వచ్చింది.

ఒకసారి  పాప‌ను చూపించండి అంటూ మహిళ దగ్గరకు వెళ్లాడు. ముందు బిడ్డను చూపించడానికి నిరాకరించిన మహిళ, తర్వాత చూపించడంతో పోలీసులు అవాక్కయ్యారు.. అక్కడ ఉన్నది పాప కాదు బొమ్మ, పోలీసులకు మస్కా కొట్టడానికి వారు  వేసిన ప్లాన్ కి ఖంగుతిన్నారు.వెంటనే తేరుకుని సీరియస్ అయ్యేసరికి  వెంటనే మహిళ మాట మార్చేసింది. త‌మ బంధువు ఆరోగ్య పరిస్థితి ఆందోళనకరంగా ఉందని, చూడడానికి వెళ్తున్నామని ,ఒక్కసారికి అనుమతించమని కోరింది.

representative image

అడిగింది మహిళ కదా పోలీసులు ఏమీ అనలేక, మరోసారి ఇలాంటి పిచ్చి పనులు చేయొద్దని హెచ్చరించి పంపేశారు .  బంధువుకి అనారోగ్యం అనేది నిజమే అయితే, అత్యవసరం అయితే ప్రభుత్వాలే అనుమతిస్తున్నాయి..ఇంత ప్లాన్ వేయాల్సిన అవసరం ఏముంది..అయినా పోలీసులు ఊరుకున్నారు కాని..కరోనా ఊరుకోదు తల్లి.. మీరు పోలీసులతో ఆటలాడితే, కరోనా మీతో గేమ్స్ ఆడుతుంది..జాగ్రత్తా..