News

పీత కష్టాలు పీతవి..సీత కష్టాలు సీతవి అన్నట్టు..ఘజియాభాద్ కి చెందిన గుడ్డు కష్టాలు గుడ్డువి..ఈ లాక్ డౌన్ కాలంలో అన్నమో రామచంద్రా అని కొందరు ఏడుస్తుంటే, మందు లేదని మధ్యం ప్రియులు ఏడుస్తున్నారు.. లాక్ డౌన్ తో ఒక్కొక్కరు ఒక్కో సమస్యతో సతమతమవుతున్నారు. ఇంతకీ గుడ్డు ఎవరు?అతని సమస్యేంటి?? అతని మూలంగా అతని తల్లికి వచ్చిన కష్టం ఏంటి??

లాక్ డౌన్ కాలంలో పోలీసులకి చిత్రివిచిత్ర కేసులు ఎదురవుతున్నాయి.ఘజియాబాద్లోని షహిబాబాద్ కి చెందిన ఒక మహిళ కూడా పోలీసుల ఎదుటికి వచ్చి తన మొర పెట్టుకుంది.. ఇంతకీ తన సమస్య ఏంటంటే “నా కొడుకుని సరుకులు తెమ్మని పంపిస్తే, పెళ్లాన్ని వెంటపెట్టుకొచ్చాడు. ఈ పెళ్లిని నేను ఎట్టిపరిస్థితుల్లో అంగీకరించను..” అంటూ కళ్లనీళ్లు పెట్టుకుంటూ పోలీసులకు వివరించింది తన సమస్య..ఇప్పుడు అర్దమైందా గుడ్డు ఎవరో..ఈ కథలో హీరో.

source: twitter/ANI

ఇరవై ఆరేళ్ల గుడ్డు, సవిత అనే అమ్మాయి ప్రేమించుకుంటున్నారు..పెద్దలు అంగీకరించని కారణంగా ఇద్దరు రెండు నెలల క్రితమే రహస్యంగా హరిద్వార్లోని ఆర్య సమాజ్ లో వివాహం చేసుకున్నాడు..కానీ వీరి పెళ్ళికి సాక్షులు లేకపోవడంతో వివాహధృవీకరణ పత్రాన్ని మంజూరు చేయలేదు సదరు ఆర్యసమాజ్ సంస్థ.. దాంతో సవితను ఢిల్లీలోని రెంట్ ఇంట్లో ఉంచి తను ఇంటికొచ్చేశాడు..

representative image

ఇంటికొచ్చాడనే కాని పెళ్లైనా భార్య ఎక్కడో ఉంది..లాక్ డౌన్ పీరియడ్లో తనెలా ఉందో ఏంటో అనే బాధ, మరోవైపు సవితను ఇల్లు ఖాళీ చేయాల్సిందిగా ఇంటి ఓనర్ ఒత్తిడి చేయడంతో చేసేదేం లేక  ఎలా అయినా తనని ఇంటికి తీసుకురావాలనుకున్నాడు గుడ్డు..దాంతో సరుకులు తెమ్మని అమ్మ బయటికి పంపించగానే ,దొరికిందే ఛాన్స్ అని మళ్లీ హరిద్వార్ వెళ్లి  సవితను వెంటపెట్టుకుని ఇంటికి వచ్చాడు.

ఈ పెళ్లికి ఎట్టిపరిస్థతుల్లో ఒప్పుకోను అని ఆ తల్లి పోలీసులను ఆశ్రయించింది. వాళ్లిద్దరూ మేజర్లు దాంతో పోలీసులు కూడా ఆ పెళ్లిని కాదనలేని పరిస్థతి. దాంతో  ఆ తల్లికి నచ్చచెప్పాలని చూసారు, అయినా కూడా ఆ తల్లి వినకపోవడంతో.. ఆ అమ్మాయి నా గడప తొక్కడానికి వీళ్లేదు అని కరాఖండిగా చెప్పేయడంతో  సవిత ఇంటి ఓనర్ తో మాట్లాడి లాక్ డౌన్ ముగిసే వరకు సవిత , గుడ్డులను ఆ ఇంట్లో ఉండే విధంగా ఒప్పించారు..చివరికి కథ ఇలా ముగిసింది.

ప్రపంచ వ్యాప్తంగా కరోనా మహమ్మారి ఏ రేంజ్ లో విజృంభిస్తుందో అందరికి తెలిసిందే. ఈ వ్యాధి వ్యాప్తిని నియంత్రించేందుకు మన ప్రభుత్వం లాక్ డౌన్ ప్రకటించిన విషయం అందరికి తెలిసిందే. అత్యవసరం అయితే తప్ప బయటకి రావద్దు అంటూ ఆదేశాలు జారీ చేసారు. అయినప్పటికీ కొందరు బయటకి వస్తూనే ఉన్నారు. వారిని నియంత్రించడం కోసం పోలీసులు కష్టపడుతున్నారు. ఈ క్రమంలో లంగర్ హౌస్ లో ఘటన చోటుచేసుకుంది. ఆ వీడియో ఇప్పుడు వైరల్ అవుతుంది. పోలీసులనే భూతులు తిట్టాడు ఆ ద్విచక్రవాహనదారుడు. వీడియో మీరే చూడండి. మనకోసం ప్రభుత్వం పోలీసులు అంత కష్టపడుతుంటే కొందరు మాత్రం ఇలా నీచంగా ప్రవర్తిస్తున్నారు.

సామెతలు ఊరికే పుట్టవు.. ఎనకెటికి ఎవడో తాడిచెట్టు ఎందుకు ఎక్కావురా అంటే దూడని వెతకడానికి అని చెప్పాడట.. ఈ లాక్ డౌన్ సంధర్బంలో రోడ్లపైకి వస్తున్న కొందరు చెప్పే రీజన్స్ చూస్తుంటే ఆ సామెతలన్ని నిజమే అనిపిస్తుంది.వాటికి కొత్త వెర్షన్స్ రాయాలని కూడా అనిపిస్తుంది.  కదిలేకాళ్లు వాగే నోళ్లు ఊరికే ఉండవని పెద్దలంటుంటారు.అట్లా ఈ లాక్ డౌన్ దెబ్బకి ఒక్కసారిగా ఇంట్లోనే ఉండి బయటికి కాళ్లు కదపకుండా ఉండడమంటే ఊపిరాడక అల్లాడిపోతున్నట్టుగా చాలామంది ఫీలవుతున్నారు.. గోధుమ పిండి కోసం వచ్చాడట ఒక మహానుభావుడు. ఇంకో మహాతల్లి ఏమో వడియాలు ఎండబెట్టడానికి వచ్చాను అనే.

ఇన్నిన్ని సిల్లీ రీజన్స్ చెప్తుంటే అసలు అత్యవసర పనులపై  బయటికి వచ్చేవారిని గుర్తించడం ఎలా? ముందు నుండి ప్రభుత్వం చెప్తూనే ఉంది అత్యవసరల పనులు, నిత్యావసర సరుకులకి బయటికి రావొచ్చు అది కూడా ఇంటికొకరు, ఉదయం ఏడు నుండి సాయంత్రం ఆరు గంటలవరకు అని.. కాని మనోళ్లు జేబులో ఒక ట్యాబ్లెట్ పెట్టుకుని ఊరంతా బలాదూర్ తిరగడానికి బయల్దేరతారు . ఎక్కడ పోలీసులు ఆపినా మెడికల్ షాప్ కి ఇది ఒక రీజన్ చాలా సింపుల్ గా చెప్పి తప్పించుకుంటున్నారు.

ఇలాంటి పిచ్చి రీజన్స్ చెప్పేవారిని లాగి పెట్టి కొట్టాలని మీకే అనిపిస్తుందా లేదా ? ఒక్కసారి ఇమాజిన్ చేయండి ఒకవైపు ఎండలు  మండిపోతున్నయి, మరోవైపు కరోనా కనికరం లేకుండా అందరిని టచ్ చేస్తుంది.. ఆ ఎండల్లో డ్యూటీలు చేస్తూ ,కుటుంబాలకు దూరంగా ఉండి పోలీసులు నానా పాట్లు పడుతుంటే , మనం ఇలాంటి పిచ్చి పిచ్చి కారణాలతో బయటికి వస్తే ఎంత మందినని వదిలేస్తారు .. కేవలం మన ఒక్కరికోసం కాదు కదా, నువ్ నీ ఆనందం చూస్కుంటే ఇబ్బంది పడేది నీ కుటుంబమే జస్ట్ ఈ ఒక్కటి మైండ్లో పెట్టుకోండి చాలూ.

ప్రపంచ వ్యాప్తంగా రోజు రోజుకి ఈ కరోనా మహమ్మారి విజృభిస్తుంది .సామజిక దూరం పాటించాలని దాదాపు అన్ని దేశాలలో లాక్ డౌన్ విధించిన విషయం తెలిసిందే ..అత్యవసరం అయితే బయటకు రాకూడదని కేంద్ర రాష్ట్ర ప్రభుత్వాలు పిలుపునిచ్చాయి ..దీంతో అంతా ఇంటికే పరిమితమయ్యారు.ఈ లాక్ డౌన్ లో అవసరం లేకుండా బయట సరదాగా తిరిగేవాళ్లు ఎక్కువైపోవడంతో పోలీస్ లు లాటి ఛార్జ్ చేస్తున్నారు ..

దీంతో పాపం నిజంగా అవసరం ఉండీ బయటకు వచ్చినవాళ్లు కూడా పోలీస్ దెబ్బలకు బలైపోతుండడం మనం సోషల్ మీడియా ద్వారా చూస్తూనే ఉన్నాం…దీంతో బయటకు రావాలంటే పోలీసులు ఎక్కడ కొడతారో అనే భయం ప్రజలలో బలంగా ఏర్పడింది.ఈ నేపథ్యంలో పోలీస్ లకు బయపపడి పారిపోతూ బావిలో పడి మృతి చెందాడు ఓ యువకుడు…వివరాల్లోకి వెళ్తే….

పోలిసుల కధనం ప్రకారం ..కరీంనగర్ జిల్లా జమ్మికుంట మండలం కొత్తపల్లి గ్రామానికి చెందిన ఆడెపు రాజగోపాల్ అనే 23 సవంస్త్రాల యువకుడు పుట్టినరోజు సందర్భంగా ఇల్లంతకుంట మండలం మల్యాల గ్రామంలో తాటి చెట్ల వద్దకు వెళ్ళాడు ..స్నేహితులతో కలిసి కల్లు తాగుతుండగా పోలీసులు వస్తున్నారని సమాచారం రావడంతో భయంతో పరుగెడుతూ అకస్మాత్తుగా బావిలో పడి మృతి చెందాడు.దీంతో పుట్టినరోజే రాజగోపాల్ కు చివరి రోజుగా మారింది ..

ఈ విషయం తెలుసుకున్న కుటుంబ సభ్యులు గుండెలు పగిలేలా రోదిస్తున్నారు .వారిని ఓదార్చడం ఎవరి వాళ్ళ కావట్లేదు.గ్రామస్తులంతా కూడా విషాదంలో మునిగి పోయారు .అనంతరం స్థానికుల సహాయంతో మృత దేహాన్ని బావిలో నుండి బయటకు తీసి ఏరియా ఆసుపత్రికి పోస్ట్ మార్టం నిమ్మితం పంపించారు పోలీసులు ..

ఈ ఘటనపై కేసు నమోదు చేసుకుని దర్యాప్తు చేస్తున్నట్లు పోలీసులు తెలిపారు..ఈ ఘటనపై నెటిజన్లు స్పందిస్తూ ..పోలీస్ లు వస్తే మహా అయితే స్టేషన్ కు తీసుకువెళ్లి కౌన్సలింగ్ ఇచ్చి ఇంటికి పంపుతారు..లేదా జరిమానా విధిస్తారు అంతేగాని ప్రాణాలు తీసెయ్యరుగా పోలీసులు ..రాజగోపాల్ అనవసరంగా భయంతో పారిపోయి ప్రాణాలు పోగుట్టుకున్నాడు అని కామెంట్స్ చేస్తున్నారు ..