News

ప్రపంచ వ్యాప్తంగా జనాధారణ పొందిన సోషల్ మీడియా యాప్స్ లో వాట్సప్ ఒకటి. ఛాటింగ్ , కాలింగ్ , ఫొటో స్ మరియు వీడియోస్ సెండ్ చేసుకోవడానికి , అమౌంట్ ట్రాన్స్ఫర్ చేస్కోవడానికి ఇలా ఎన్నో రకాలుగా ఉపయోగపడుతుంది. మనం వాట్సప్ వాడుతున్నప్పటికి కొన్ని సెట్టింగ్స్ పూర్తిగా మనకి తెలీదు. వాటిల్లో ఒకటి బ్లూ టిక్స్ రాకుండా సెట్ చేయడం,అలా సెట్ చేస్తే మన మెసేజ్ చదివారో లేదో తెలియదు. బ్లూ టిక్స్ రాకపోయినా ఎదుటి వ్యక్తి మన మెసేజ్ చదివారో లేదో తెలుసుకోవడం చాలా సింపుల్…అదెలా అంటే..

వాట్సప్ లో వచ్చే బ్లూ టిక్స్ ద్వారా ఎదుటి వ్యక్తి మన మెసెజ్ చూసారో, లేదో తెలిసిపోతుంది . కానీ కొంత మంది ఆ బ్లూ టిక్స్ రాకుండా ఆఫ్ చేస్తారు. దాని కోసం ఏం చేస్తారంటే సెట్టింగ్స్ లోకి వెళ్లి, ప్రైవసీ సెట్టింగ్స్ లో రీడ్ రిసిప్ట్స్ అనే దాన్ని ఆఫ్ లో పెడతారు. దీని వల్ల బ్లూ టిక్స్ రాకుండా , ఎదుటి వ్యక్తి మన మెసేజ్ చూసినప్పటికి చూడనట్టుగానే మనకి కనిపిస్తుంది. కానీ ఆ బ్లూ టిక్స్ రానప్పటికి మన మెసేజ్ చూసింది లేనిది తెలుసుకోవచ్చు. దానికోసం ఏం చేయక్కర్లేదండీ చాల సింపుల్ ఈ సారి మీరు మెసేజ్ టైప్ చేసి పంపించకుండా , ఒక ఆడియో రికార్డ్ చేసి పంపించండి.

జస్ట్ ఫర్ చెకింగ్ కి ఒకటి లేదా రెండు సెకన్ల ఆడియోని ఏం మాట్లాడకుండా రికార్ట్ చేసి పంపండి. అప్పుడు మాత్రం వాళ్లు ఆ ఆడియో మెసెజ్ ఓపెన్ చేయగానే బ్లూ టిక్స్ వచ్చేస్తాయి.. ఇంకేముంది వాళ్ల మన ముందు మెసెజెస్ కూడా చూసారని ఈజీగా తెలిసిపోతుంది. తాడిన తన్నేవాడుంటే వాడి తలదన్నేవాడుంటానే సామెత ఊరికే రాలేదు.

image source: 1 , 2

ఈ మధ్య కాలంలో ఫేస్ బుక్లో ఒక క్యాంపెయిన్ జరుగుతుంది “దావత్ వితవుట్ దారు” అని . మందు లేకుండ దావత్ ఏంది అని మొదట్లో ఇదేం క్యాంపెయిన్ రా అనిపించింది. కానీ ఆ క్యాంపెయిన్ స్టార్ట్ చేసిన సంధర్బం తెలుసుకుని మొదట బాధేసింది. తర్వాత ఎలా అయినా ఈ సారి దావత్ చేస్కుంటే దారుకి దూరంగా ఉండాల్సిందే అనే నిర్ణయం తీసుకోవాలనిపించింది.

నేడు జరిగే ఎన్నో అనర్దాలకు కారణం మధ్యపానం . మద్యం మత్తులో ఏం చేస్తున్నారో సోయి కూడా ఉండదు. ఎన్నో అత్యాచారాలు, యాక్సిడెంట్లూ వీటన్నింటికి కారణం మద్యమే. మూడేళ్ల క్రితం హైదరాబాద్ లోని పంజాగుట్ట ఫ్లైఓవర్ పై ఒక యాక్సిడెంట్ జరిగింది. ఆ యాక్సిడెంట్లో రమ్య అనే చిన్నారి చనిపోయింది. ఆ యాక్సిడెంట్ జరగడానికి మెయిన్ రీజన్ మధ్యం. మద్యం మత్తులో ఉన్న మైనర్ కుర్రాళ్లు స్పీడ్ గా కారు డ్రైవ్ చేస్కుంటూ వెళ్లి మరో కారుపై పడడంతో రమ్యతో పాటు తన కుటుంబసభ్యులు ముగ్గురు ప్రాణాలు కోల్పోయారు.

నగరం నడిబొడ్డులో జరిగిన ఆ యాక్సిడెంట్ అప్పట్లో సంచలనం సృష్టించింది. ఆ యాక్సిడెంట్ తర్వాత పుట్టిందే “దావత్ వితవుట్ దారు” క్యాంపెయిన్ . సోషల్ మీడియాలో వచ్చిన మరో వార్త చదివాక ఈ క్యాంపెయిన్ ఆవశ్యకత చాలా అవసరం ఉందనిపించింది.

source

దేశంలో అన్ని రాష్ట్రాల కంటే తెలంగాణాలోనే వితంతువుల సంఖ్య అధికం అని , అది కూడా వారి భర్తల చావుకి కారణం మధ్యం అనేది దాని సారాంశం . బంగారు తెలంగాణా వస్తే భవిష్యత్ ఉంటుందనుకుంటే , ఎందరో ఆడబిడ్డలకు జీవితమే లేకుండా పోతోంది. ఒకసారి ఆలోచించండి ఒక ఇంటి పెద్ద , అది కూడా మధ్య తరగతి కి చెందిన కుటుంబ పెద్ద మద్యానికి చనిపోతే ఆ కుటుంబం పరిస్తితి ఏంటి?

source

ఇంట్లో సంపాదించే వాడు లేకపోతే కుటుంబం రోడ్డున పడుతుంది. పిల్లలు చదువులు మానేసి చిన్నా చితకా పనులు చేస్కోవాల్సిన పరిస్థితి. దీని వల్ల క్రైమ్ రేట్ పెరుగుతుంది. కాబట్టి తెలంగాణాలో లిక్కర్ పాలసి పట్ల గవర్నమెంట్ దృష్టి సారించాల్సిన అవసరం ఎంతైనా ఉంది. కాబట్టి ఫ్రెండ్స్ చెప్పండి దావత్ వితవుట్ దారూ.

మారుతీ రావు ఆత్మహత్య చేసుకున్న విషయం ప్రస్తుతం ఎంత హల్చల్ అవుతుందో అందరికి తెలిసిందే. కూతురు కులాంతర వివాహం చేసుకోవడం సహించలేని మారుతీరావు మిర్యాలగూడలో ప్రణయ్ అనే యువకుడిని అతి దారుణంగా కత్తితో నరికి నడి రోడ్డుపై హత్య చేయించాడు. ప్రణయ్, అమృతలు 2018 జనవరి 31న ప్రేమ వివాహం చేసుకోగా సెప్టెంబర్‌లో రియల్ ఎస్టేట్ వ్యాపారి అయిన మారుతీ రావు హత్య చేయించారు. అయితే ప్రణయ్ పై దాడి జరిగిన సమయంలో అమృతవర్షిణి పక్కనే ఉంది. ఈ కేసులో మారుతీరావు A1గా, అతని తమ్ముడు శ్రవణ్‌ A2గా ఉన్నారు. ఈ కేసులో ఆయన బెయిల్‌పై బయట ఉన్నాడు.ఈ తరుణంలో ఆయన. హైదరాబాద్‌లోని ఆర్యవైశ్య భవన్‌లో ఉరివేసుకుని ఆత్మహత్య చేసుకున్నారు.

ఇప్పుడు మారుతీ రావు ఆస్తి వివరాలు బయటకి వచ్చాయి. ఆయన ఆస్థి సుమారు 200 కోట్లు ఉన్నట్లు పోలీసులు చార్జ్‌షీట్‌లో పేర్కొన్నారు. అమృత పేరుతో ఓ హాస్పిటల్,స్కూల్, భార్య గిరిజ పేరుతో 10 ఎకరాల భూమి, తల్లి పేరుతో మిర్యాలగూడలో రెండు అంతస్థుల ఇల్లు హైదరాబాద్‌ కొత్తపేట్‌లో 400 గజాల ప్లాట్‌. అంతేకాక హైదరాబాద్ లో అయిదు అపార్ట్మెంట్ లు ఉన్నాయంట. మిర్యాలగూడలో షాపింగ్‌మాల్‌, ఈదులగూడెం క్రాస్‌ రోడ్డులో షాపింగ్‌మాల్‌.మిర్యాలగూడ బైపాస్‌లో 22 గుంటల భూమి. ఇవి ఛార్జ్ షీట్ లో ఉన్నవి. అలాగే అతనికి కొన్ని అప్పులు కూడా ఉన్నాయి అంట.

మారుతీరావు అంత్యక్రియలు మిర్యాలగూడలో పూర్తయ్యాయి. కుటుంబసభ్యులు అంత్యక్రియలు నిర్వహించారు. తమ్ముడు శ్రవణ్ అన్న చితికి నిప్పంటించారు. ప్రణయ్‌ కుటుంబ సభ్యులతో కలిసి పోలీసు వాహనంలో వచ్చిన అమృత తండ్రిని చివరి చూపు చూడకుండానే కొన్ని సెకన్ల వ్యవధిలోనే వెను తిరిగింది. మారుతీరావు కుటుంబ సభ్యులు, స్థానికులు అమృత గో బ్యాక్‌ అంటూ పెద్ద ఎత్తున నినాదాలు చేయడంతో కొంచెం సేపు అక్కడ ఉద్రిక్త పరిస్థితులు నెలకొన్నాయి. అందుకే ఆమె చివరి చూపు చూడలేకపోయింది.

తన తండ్రి మరణం తర్వాత అమృత సంచలన నిర్ణయం తీసుకుంది. భర్త లేకపోతే ఆ బాధ ఎలా ఉంటుందో అనుభవించిన అమృత ప్రస్తుతం తల్లి విషయంలో బాధపడుతుంది. తన తండ్రి ఆత్మహత్య చేసుకోవడం వల్ల తన తల్లి కూడా ఏమైనా అఘాయిత్యం చేసుకుంటుందేమోననే అమృత భయపడిపోతుందంట. తన తండ్రి చివరి కోరిక మేరకు అమృత తన తల్లి దగ్గరకి వెళ్లనుంది అంట. భర్త ఎలాగో పోయాడు.. తండ్రి కూడా పోయాడు.. ఇక మిగిలింది.. కన్నతల్లి కనుక ఆమెకోసమైనా ఇంటికి తిరిగి వెళ్లాలని నిర్ణయించుకుందంట.

జబర్దస్త్ షో గురించి ప్రత్యేకంగా ఇంట్రడక్షన్ అవసరం లేదు . ఎన్ని నెగటివ్ కామెంట్స్ వచ్చినా ఆ ప్రోగ్రామ్ పంథా దానిదే , ఎన్ని విమర్శలు వచ్చినా పట్టించుకోకుండా షో నిర్వాహకుల మొదలుకొని పార్టిసిపెంట్స్ వరకు తమకు నచ్చినట్టుగానే వ్యవహరిస్తున్నారు .ఈ మధ్యకాలంలో జబర్దస్త్లో ఎన్నో పరిణామాలు చోటుచేసుకున్నాయి. తాజాగా కిర్రాక్ ఆర్పి జబర్దస్త్ గురించి కొన్ని షాకింగ్ కామెంట్స్ చేశారు.

టెలివిజన్ రంగంలో కామెడీ షోల వరకు వస్తే జబర్దస్త్ కి ముందు జబర్దస్త్ కి తర్వాత అనుకునే పరిస్థితి షో స్టార్ట్ అయిన కొత్తలో ఇంతగా సూపర్ హిట్ అవుతుందని ఊహించిఉండరు .అణకువగా ఉండే యాంకరింగ్ రంగానికి గ్లామర్ మెరుపులని తీసుకొచ్చింది జబర్దస్తే . ఈ షోలో అనసూయ,రశ్మిల స్కిన్ షో నెవ్వర్ బిఫోర్,ఎవర్ ఆఫ్టర్ .కామెడీ షో కాస్త బూతుషో గా కామెంట్స్ మూటకట్టుకుంది.ఒకవైపు ఎన్నో విమర్శలు అయినప్పటికి షో టిఆర్పీ రేటింగ్స్ మాత్రం ఎక్కడా తగ్గకుండా ఉన్నాయి.

అయితే సినిమా రంగంలో అవకాశాలు లేని కాలంలో ఎందరో కమెడియన్స్ కి జీవితాన్నిచ్చింది జబర్దస్త్ షో అనేది నిజం . జబర్దస్త్ షో తోనే లైఫ్లో సెటిల్ అయిన కమెడియన్స్ ఎందరో . ఈ షోతోనే లైమ్ లైట్లోకి వచ్చిన కమెడియన్స్ ఉన్నారు. జబర్దస్త్ తో పాటు ఎక్స్ట్రా జబర్దస్త్ అంటూ మరికొంత మంది కమెడియన్స్ ని తీసుకొచ్చి, అటు యాంకర్స్ అనసూయ , రశ్మిలకు ఇద్దరికి ఒక్కో రోజు ఇచ్చి న్యాయం చేసింది. కానీ ఇదే విషయంపై కిర్రాక్ ఆర్పి కామెంట్ చేశారు.

ఖాళీగా కూర్చున్న ఆర్పిని తీసుకొచ్చే షో వాళ్లేం అవకాశాలు ఇవ్వలేదు . మా అవసరం వారికి ఉంది, వారి అవసరం మాకుంది . అంతవరకే, అంతే కాని మాకు అవకాశాలిచ్చి మమ్మల్ని నిలబెట్టింది అనడం సరైనది కాదు. మాకు లైఫ్ ఇచ్చింది అనే పదం చాలా పెద్దది అంటూ ఘాటుగా రెస్పాండ్ అయ్యాడు.

ఇటీవల జబర్దస్త్ షో నుండి బయటికి వచ్చిన ఆర్పి మళ్లీ అటువైపు అడుగు పెట్టనని సీరియస్ గా చెప్పాడు. షో నుండి నాగబాబు బయటికి వచ్చి జబర్దస్త్ ని విమర్శిస్తూ  విడతల వారిగా వీడియోలు పెట్టడం పెద్ద షాకింగ్ . జబర్దస్త్ సీనియర్ కంటెస్టంట్స్ కొందరు , నాగబాబు జీలో అదిరింది షో చేస్తున్న సంగతి తెలిసిందే . ఇదే షోకి ఆర్పి వెళ్లాడు .

కొసమెరుపేంటంటే జబర్దస్త్ ఆర్టిస్టులే చేస్తున్నప్పటికి అదిరింది షోలో అస్సలు పసలేకపోవడం, మరోవైపు పాత స్కిట్లే ప్రదర్శిస్తున్నప్పటికి జబర్దస్త్ సూపర్ డూపర్ గా దూసుకుపోవడం .. అదిరింది కాదు దానికంటే ముందు జబర్దస్త్ పంథాలో వచ్చిన ఎన్నో షోస్ మద్యలోనే మాయమయ్యాయి . అన్నింటిని ధీటుగా తట్టుకుంటూ నిలబడడం మామూలు విషయం కాదు.

సోషల్ మీడియా ఎవరిని ఎప్పుడు ఆకాశానికి ఎత్తేస్తుందో దానికే తెలీదు. సోషల్ మీడియా పుణ్యమాని ఓవర్ నైట్ సెలబ్రిటీలు అయిన వాళ్లు ఎందరో. మెయిన్ స్ట్రీం మీడియా పట్టించుకోని చాలామందిని, చాలా వార్తల్ని సోషల్ మీడియా అందరికి చేరవేస్తుంది. స్టార్లని చేస్తుంది. అలాంటి వాడే శ్రీనివాస గౌడ . ఉసేన్ బోల్టుని మించిన వాడని పొగిడిపొగిడి పేజీల నిండా వార్తలు నింపేసింది. మరిప్పుడు శ్రీనివాస గౌడ ఏం చేస్తున్నడు.

జంట దున్నల్ని పట్టుకుని బురద నీటిలో వాటి వెంట పరుగుపెట్టాలి , అదే కంబాలా. కర్ణాటకకి చెందిన ఈ ప్రత్యేకమైన పోటీలను కర్ణాటక మీడియా తప్ప జాతీయ మీడియా పెద్దగా ఫోకస్ చేయదు.అలాంటిది ఒక వీడియో సోషల్ మీడియాలో వైరలైంది. దాంతో మీడియా కూడా అటు వైపు దృష్టి సారించింది.   అలాంటి పోటీల్లో పాల్గొనే శ్రీనివాస గౌడ పరుగుకి సంబంధించిన వీడియో అది . ప్రపంచ పరుగుల వీరుడు ఉసేన్ బోల్ట్ రికార్డుని తిరగరాసాడనేది సారాంశం . ఉసేన్ బోల్టుని మించినవాడని కొందరు కామెంట్ చేస్తే, మరికొందరు బురదనీళ్లల్లో పరిగెత్తడం, ట్రాక్ పైన పరిగెత్తడం ఒకటి కాదని విమర్శించారు.

సోషల్ మీడియాలో వైరలైన ఆ వీడియో సాయ్ వరకు చేరింది. శ్రీనివాస గౌడకు కోచింగ్ ఇప్పిస్తే ఒలంపిక్స్ లో పతకాలే పతకాలు అంటూ సాయ్ కి రికమెండ్ చేశారు . స్పోర్ట్స్ అథారిటి చైర్మన్ కూడా యాక్సెప్ట్ చేశారు. కానీ శ్రీనివాస గౌడ దానికి ఒప్పుకోలేదు. మీరు విన్నది నిజమే. ఒప్పుకోలేదా అని ఆశ్చర్యపోకండి.నిజానికి ట్రాక్ పై పరుగుకి, కంబాలా పోటీలకి చాలా వ్యత్యాసం ఉంటుంది. దాన్నే శ్రీనివాస గురువులు వివరించారు, వాళ్లు చెప్పేది సమ్మతమే అనిపించి శ్రీనివాస్ కూడా తనకు కంబాలే సరైనది అనుకున్నాడు.

స్పోర్ట్స్ అథారటి నుండి వచ్చిన పిలుపుకి నిర్మొహమాటంగా నో చెప్పేసిన శ్రీనివాస్, తన కంబాలా పోటీలు తన లైఫేంటో తను బతుకుతున్నాడు. అలా కాకుండా ఒక వేళ సాయ్ పిలుపుపై వెళ్లుంటే కంబాలా పోటీల్లో దక్కేంత ప్రచారం , పేరు దక్కకపోయేది. ఎందుకంటే ఈ పోటీలు పూర్తిగా భిన్నమైనవి, ఇక్కడ ఎంతో శిక్షణ ఉంటుంది. కాళ్లకి ఏం లేకుండా పరిగెత్తాలి, ట్రాక్ పై అలాకాదు . ఒకవేళ ఉసేన్ బోల్ట్ నే తీస్కొచ్చి కంబాలా పోటీల్లో పరుగుపెట్టిస్తే బోల్ట్ పరిస్థితి ఇంతే.

ప్రస్తుతం శ్రీనివాస తన పనేంటో తను చూసుకుంటున్నాడు. పోటీలు ఉన్నప్పడు బరిలోకి దిగుతాడు. లేని రోజుల్లో కూలి. సిక్స్ ప్యాక్ మెయింటెయిన్ చేస్తున్నాడంటే మనోడి తినే తిండేంటో అని తెలుసుకోవాలనుందా అదేమంత  ప్రత్యేకమైనది కాదు . కర్ణాటకవాసులు తినే సాధారణ తిండే. సోషల్ మీడియా మాయలో పడి కొట్టుకుపోకుండా తన దారేంటో సరిగ్గా అవలోకనం చేసుకున్న ఏకైక వ్యక్తి శ్రీనివాస్.

నిజానికి ఇలా స్టార్లయిన వాళ్లంతా తర్వాత ఏమయ్యారు, ఏం చేస్తున్నారనేది పెద్ద ప్రశ్నే. ఒక పాట వీడియోతో లైమ్ లైట్లోకి వచ్చిన బేబిని సినిమా పరిశ్రమలో కొందరు పెద్దలు అక్కున చేర్చుకున్నారు. ఆ నాలుగు రోజులు ఎక్కడ చూసినా ఆమె గురించిన వార్తలే.రెండు రోజుల్లో ఆమె వేశధారణ మారిపోయింది. సినిమాల్లో పాడే అవకాశం వచ్చిందంటూ ఊదరగొట్టారు. నిజంగానే ఒక సినిమాలో పాట పాడినట్టున్నారు. కానీ తర్వాత ఏమయ్యారో ఎవరికి తెలీదు. ఎవరూ పట్టించుకోరు. ఒకరి తర్వాత ఒకరుగా వస్తుంటారు . పోతుంటారు.ఇదంతా ఒక ప్రపంచం.