News

రేవంత్ రెడ్డి ప్రభుత్వం తెలంగాణ ప్రజల సమస్యలను తెలుసుకోవడం కోసం ప్రజా భవన్‌గా వేదికగా ప్రజా దర్బార్ ఏర్పాటు చేసిన విషయం తెలిసిందే. వారంలో రెండు రోజులు, మంగళవారం, శుక్రవారాలలో ప్రజా దర్బార్ కార్యక్రమాన్ని నిర్ణయించింది. దీంతో గత శుక్రవారం నాడు నిర్వహించిన ప్రజా దర్బార్ కి ప్రజల నుండి భారీ స్పందన వచ్చింది.

తెలంగాణ నలుమూలల నుండి ప్రజలు పెద్ద ఎత్తున ప్రజా భవన్‌కు చేరుకున్నారు. దాంతో ఆ పరిసరాల్లో ట్రాఫిక్ జామ్ భారీగా ఏర్పడింది. గతంలో ఉద్యోగం కోల్పోయిన ఒక మహిళా హోంగార్డు తన జాబ్ ని మళ్ళీ ఇప్పించమంటూ, ప్రజా దర్బార్ కి వెళ్ళి తన బాధను వెళ్లబోసుకున్నారు. ఆ వివరాలు ఇప్పుడు చూద్దాం..
ప్రజా భవన్‌గా వేదికగా ప్రజా దర్బార్ కార్యక్రమానికి ప్రజల నుండి భారీ స్పందన వస్తున్న విషయం తెలిసిందే. తమ సమస్యలను చెప్పుకోవడానికి శుక్రవారం నాడు భారీగా ప్రజలు తెల్లవారక ముందే ప్రజా భవన్‌కు వచ్చారు.  దాంతో  ఆ ప్రాంతం అంతా ట్రాఫిక్ జామ్ అయ్యింది. సమస్యలు విన్నవించుకోవడానికి వచ్చిన వారిలో మహిళా హోంగార్డు మామిడి పద్మ కూడా ఉన్నారు. గత ప్రభుత్వం ఉన్న సమయంలో తన ఉద్యోగం పోయిందని, దానిని తిరిగి ఇప్పించమని అడగడానికి ఆమె ప్రజా దర్బార్ కి వచ్చారు.
ఉద్యోగం పోవడంతో జీవనోపాధి లేకుండా పోయిందని, దాంతో కుటుంబ పోషణ కూడా భారమైందని, దిక్కుతోచని పరిస్థితిలో ఉన్నందున తనకు మళ్లీ హోంగార్డు ఉద్యోగం ఇప్పించాలని ఆఫీసర్లను వేడుకుంటున్నారు. 2016లో తమ సమస్యలు పరిష్కరించాలని, ఉద్యోగానికి భద్రత ఏర్పరచాలనే డిమాండ్‌తో హోంగార్డులందరు స్ట్రైక్ చేశారు. వారిలో గోదావరిఖనికి చెందిన మామిడి పద్మ కూడా ధర్నాలో పాల్గొని గత ప్రభుత్వ విధానాన్ని విమర్శించారు. అందుకు ఆమె తన ఉద్యోగాన్ని కోల్పోయింది. భర్త వదిలేయడం, ఉద్యోగం పోవడంతో ముగ్గురు పిల్లలను పోషించడం ఆమెకు సమస్యగా మారింది. తన జాబ్ ను తిరిగి ఇప్పించమని సీపీ, డీజీపీ, హోంమినిస్టర్ ను వేడుకున్నారు.
మామిడి పద్మ 2009లో వేములవాడలో హోంగార్డుగా జాయిన్ అయ్యారు. రెండేళ్ళ తర్వాత కరీంనగర్, గోదావరిఖనికి ట్రాన్స్‌ఫర్‌ పైన వెళ్లారు. తమ జీతాలు పెంచడంతో పాటు, ప్రతినెలా జీతాలను చెల్లించాలని డిమాండ్‌ చేస్తూ 7 ఏళ్ళ క్రితం ఇతర జిల్లాల నుండి వచ్చిన హోంగార్డులు గాంధీ ఆస్పత్రి దగ్గర ధర్నా చేశారు. దీనిలో పాల్గొన్నందుకు మామిడి పద్మ ఉద్యోగాన్ని కోల్పోవాల్సి వచ్చింది. తన బాధను చెప్పుకోవడానికి ప్రజాదర్బార్‌కు హాజరయ్యారు. ముఖ్యమంత్రి రేవంత్‌రెడ్డి తన ఉద్యోగాన్ని మళ్ళీ ఇప్పించాలని వేడుకున్నారు.

Also Read: వంట మనిషికి ముఖ్యమంత్రి రేవంత్ రెడ్డి వార్నింగ్..! ఎందుకంటే..?

వైఎస్ షర్మిల ఇంట్లో పెళ్లి బాజాలు మోగనున్నాయి. షర్మిల కుమారుడు రాజారెడ్డి వివాహ ముహూర్తం ఖరారైంది. రాజారెడ్డి చేసుకునే అమ్మాయి పేరు ప్రియా అట్లూరి.

ఈమె కూడా అమెరికాలో విశ్వవిద్యాలయంలో మాస్టర్స్‌ పూర్తి చేసింది. ప్రస్తుతం అక్కడ ఓ కంపెనీలో ఉద్యోగం చేస్తోంది. . ఇప్పుడువివాహ ముహూర్తంతో పాటుగా వేదికను కుటుంబ సభ్యులు ఖరారు చేసారు.

రాజారెడ్డి వివాహం ఫిబ్రవరి 17న జరగనున్నట్టు తెలిసింది. రాజస్థాన్‌లోని జోధ్‌పూర్‌ ఉమేద్‌ ప్యాలెస్ లో కుటుంబసభ్యులు, కొందరు సన్నిహితుల మధ్య ఈ వేడుక నిర్వహించనున్నట్లు సమాచారం. ప్రస్తుతం విజయమ్మ, షర్మిల అమెరికాలోనే ఉన్నారు. జనవరి రెండు లేదా మూడో వారంలో హైదరాబాద్‌లో నిశ్చితార్థం ఉంటుందని తెలిసింది. అమెరికాలో పుట్టి పెరిగిన తెలుగమ్మాయి ప్రియతో రాజారెడ్డి వివాహం ఖరారైన సంగతి తెలిసిందే. ప్రియ తండ్రి అట్లూరి శ్రీనివాస్‌ అమెరికాలో స్థిరపడ్డారు.

అయిత ప్రియా తండ్రి చట్నీస్‌ సంస్థల అధినేత ప్రసాద్‌ తనయుడంటూ సామాజిక మాధ్యమాల్లో ప్రచారం జరిగింది. అయితే ఆయనకు తమ అధినేతకి,చట్నీస్‌ సంస్థలతో ఏ సంబంధం లేదని ఆ కంపెనీ వర్గాలు తెలిపాయి. తాజాగా ప్రియకు షర్మిల తల్లి విజయమ్మ చీర పెట్టిన ఫొటో సోషల్ మీడియాలో వైరల్ అయ్యింది.దగ్గరి బంధువులను మాత్రమే నిశ్చితార్దానికి ఆహ్వానిస్తున్నట్లు తెలుస్తోంది. దీంతో ఎవరెవరు ఈ కార్యక్రమానికి హాజరవుతారనేది ఆసక్తి కరంగా మారుతోంది. సీఎం జగన్ ఈ కార్యక్రమానికి హాజరవుతారా లేదా అనేది వేచి చూడాలి.

తెలంగాణ ముఖ్యమంత్రిగా బాధ్యతలు చేపట్టిన రేవంత్ రెడ్డి పాలనలో తనదైన మార్క్ ను చూపుతున్న విషయం తెలిసిందే.  ఇప్పటికే పలు సంచలన నిర్ణయాలు తీసుకున్నారు. కీలకమైన పోస్ట్ లకు కొత్త అధికారులను తీసుకుని, పాత ఆఫీసర్లను బదిలీ చేశారు.

తెలంగాణ ఆర్థిక పరిస్థితులను దృష్టిలో పెట్టుకుని రేవంత్ రెడ్డి నిర్ణయాలు తీసుకుంటున్నారు. ముఖ్యమంత్రి అయిన తరువాత కూడా తన కారునే వాడుతున్నారు. ఢిల్లీ పర్యటనకు వెళ్లిన సీఎం రేవంత్ రెడ్డి ఇంట్లో వంట మనిషికి వార్నింగ్ ఇచ్చినట్టు తెలుస్తోంది. ఆ వివరాలు  ఇప్పుడు చూద్దాం..
ముఖ్యమంత్రిగా ప్రమాణస్వీకారం చేసిన తర్వాత రేవంత్ రెడ్డి ఢిల్లీకి వెళ్లిన విషయం తెలిసిందే. అయితే ఈ సందర్భంగా తెలంగాణ భవన్ నుండి సీఎం రేవంత్ రెడ్డికి భోజనం వచ్చిందట. ఆ విషయాన్ని ఆయన ఇంట్లో పనిచేసే వంట మనిషి రేవంత్ రెడ్డికి చెప్పారట. ఆ విషయం విన్న ఆయన ఇలా అయితే పనిలో నుంచి నిన్ను తీసేయాల్సి వస్తుందని తన వంట మనిషికి వార్నింగ్ ఇచ్చారట. ప్రోటోకాల్ వంటివి వద్దని, తాను ఇంటి భోజనమే తింటానని, ఎప్పటిలాగే చేయమని తన వంట మనిషికి చెప్పారంట.
కాంగ్రెస్ ప్రభుత్వం ప్రగతి భవన్‌ ను ప్రజా భవన్‌గా మార్చిన  విషయం తెలిసిందే. ప్రజావాణి కార్యక్రమంను అక్కడి నుంచి నిర్వహిస్తున్నారు. ఇందులో ఇంతకు ముందు ముఖ్యమంత్రి క్యాంప్ ఆఫీస్ ఉండేది. ప్రస్తుతం దాన్ని డిప్యూటీ సీఎం అయిన భట్టి విక్రమార్కకు కేటాయించారు. ఇక సీఎం క్యాంప్ ఆఫీస్‌ జూబ్లీహిల్స్‌లో ఎంసీఆర్‌హెచ్‌ఆర్డీలో ఏర్పాటు చేస్తున్నట్టు తెలుస్తోంది.

ఈ క్యాంప్ ఆఫీస్‌ కోసం ఎక్కువ ఖర్చు పెట్టకుండా, షెడ్డ్ వంటిది నిర్మించి ఉపయోగించుకుంటారని తెలుస్తోంది. సొంతకారునే ఉపయోగిస్తున్న సీఎం, తన కారుకే బుల్లెట్ ప్రూఫ్ స్టిక్కరింగ్ చేయమని చెప్పారు. అంతేకాకుండా సీఎం కాన్వాయ్‌లో ఉన్న కార్ల సంఖ్యను కూడా తగ్గించాలని నిర్ణయించారు. అనవసర ఖర్చులు చేయకుండా ప్రజలను ఆకట్టుకునేలా పాలన కొనసాగిస్తున్నారు.

Also Read: ఇందిరమ్మ ఇంట్లో ఉండే పేపర్ బాయ్…ఇప్పుడు కాంగ్రెస్ నుండి గెలిచిన ఎమ్మెల్యే.! ఎవరంటే.?

ప్రస్తుతం రాజకీయాల్లో ఒక ఎమ్మెల్యేగా ఎన్నికవ్వాలంటే రాజకీయ వారసత్వం ఉండాలి. లేదంటే కుప్పల తెప్పలుగా డబ్బు ఉండాలి. ఇంకా వేరే దారి ఏదైనా ఉందంటే దానికి మించి పలుకుబడి ఉండాలి. ఇవేమీ లేకుండా ఎమ్మెల్యే అవ్వడం ఈ రోజుల్లో చాలా కష్టం. ఎందుకంటే ఎమ్మెల్యే టికెట్ తెచ్చుకున్న దగ్గర నుండి ఎన్నికలు అయ్యేంతవరకు విపరీతంగా ఖర్చు చేయాలి.

అడిగిన వాడికి అడిగినంత ఇవ్వాలి, ఓట్లకు డబ్బు పంచాలి ప్రచారానికి డబ్బు ఖర్చు పెట్టాలి, కూడా తిరిగేవారికి డబ్బు ఇవ్వాలి, ఇలా రాజకీయాల్లో ఉండే ప్రతిదీ డబ్బుతో ముడిపడి ఉంటుంది.

తెలంగాణ అసెంబ్లీ ఎన్నికల్లో కొందరు అభ్యర్థులు అనూహ్యంగా తొలిసారి అవకాశం దక్కించుకుని విజయాన్నీ సాధించారు. వీరిలో కొందరు రాజకీయాల్లో ఉద్దండులనూ మట్టికరిపించి సంచలనం సృష్టించారు. ఇక ఈ ఎన్నికల్లో సామాన్యులు కూడా సత్తా చాటారు. ఎలాంటి పొలిటికల్ బ్యాక్ గ్రౌండ్, ఫైనాన్షియల్ సపోర్ట్ లేకున్నా.. ప్రజల ఆశీర్వాదంతో అసెంబ్లీలో అడుగుపెట్టబోతున్నారు

అయితే రాజకీయాల్లో సామాన్యులు రాణించడం కష్టమనే అభిప్రాయం నిజం కాదని నిరూపించాడు ఆదివాసీ గోండు బిడ్డ వెడ్మ బొజ్జు. ఇప్పటికీ కాంగ్రెస్‌ ప్రభుత్వం కేటాయించిన ఇందిరమ్మ ఇంట్లోనే నివాసముంటున్న బొజ్జు నేడు ఆ పార్టీ ఇచ్చిన టికెట్‌పై పోటీ చేసి అసెంబ్లీలో అడుగుపెట్టబోతున్నారు.

నిర్మల్‌ జిల్లా ఖానాపూర్‌ నుంచి కాంగ్రెస్‌ అభ్యర్థిగా వెడ్మా బొజ్జు పటేల్‌ అనూహ్యంగా గెలుపొందారు. భాజపా నుంచి మాజీ ఎంపీ రమేశ్‌ రాథోడ్‌, బీఆర్ఎస్ నుంచి ఎన్నారై, కేటీఆర్ ఫ్రెండ్ భూక్యా జాన్సన్‌లతో పోటీపడినా ఓటర్లు మాత్రం బొజ్జుకే పట్టంకట్టారు. ఆదివాసీ గోండు బిడ్డ అయిన వెడ్మ బొజ్జుది సామాన్య నేపథ్యం. ఉమ్మడి ఆదిలాబాద్‌ జిల్లాలోని ఉట్నూరు మండలం కల్లూర్‌గూడకు చెందిన నిరుపేద ఆదివాసీ దంపతులు వెడ్మ భీంరావు, గిరిజాబాయిల కుమారుడు వెడ్మబొజ్జు పటేల్‌. ఆయన ఇప్పటికీ కాంగ్రెస్‌ ప్రభుత్వం కేటాయించిన ఇందిరమ్మ ఇంట్లో నివాసముంటున్నారు.

పీజీ వరకు చదివిన బొజ్జు తొలుత ఆదివాసీ విద్యార్థి సంఘంలో,తర్వాత ఆదివాసీ హక్కుల పోరాట సమితిలో సలహాదారుడిగా, అనంతరం కాంట్రాక్టు ఉద్యోగిగా పనిచేశారు. రెండేళ్ల క్రితం ఉద్యోగానికి రాజీనామా చేసి పీసీసీ అధ్యక్షుడు రేవంత్‌రెడ్డి సమక్షంలో కాంగ్రెస్‌ పార్టీలో చేరి అధిష్టానం ఆశీస్సులతో టిక్కెట్ దక్కించుకున్నారు.తనకు రూ.8.42 లక్షలు అప్పులున్నాయని, ఉమ్మడి ఏపీలో ఇందిరమ్మ పథకం కింద వచ్చిన ఇంట్లోనే నివాసం ఉంటున్నట్లు నామినేషన్ లో పేర్కొన్నారు. బొజ్జు చదువుకునే సమయంలో పేపర్ బాయ్‌గాను పని చేశారు.ఖానాపూర్‌ నియోజకవర్గం ఏర్పడ్డాక గోండు సామాజిక వర్గం నుంచి మాజీ మంత్రి కోట్నాక్‌ భీంరావు ఒక్కరే ఇక్కడ విజయం సాధించారు. మూడు దశాబ్దాల తర్వాత ఆ ఘనత సాధించిన రెండో వ్యక్తిగా బొజ్జు రికార్డు సృష్టించారు.

మూడు దశాబ్దాల తర్వాత ఆ ఘనత సాధించిన రెండో వ్యక్తి..హ్యాట్సాఫ్.! 🙏🙏

తెలంగాణ రాజకీయాలలో గత రెండు రోజులుగా ఎక్కువగా వినిపిస్తున్న పేరు స్మితా సబర్వాల్. ఆమె సీనియర్ ఐఏఎస్ ఆఫీసర్, డైనమిక్ ఆఫీసర్‌గా స్మితా సబర్వాల్ మంచి పేరుంది. గత తెలంగాణ ప్రభుత్వంలో ఆమె కీలక బాధ్యతలు నిర్వర్తించారు. సీఎంవో అధికారిగా, నీటిపారుదల శాఖ ముఖ్య కార్యదర్శిగా కాళేశ్వరం, మిషన్ భగీరథ పనులను కూడా పర్యవేక్షించారు.

ప్రస్తుతం తెలంగాణలో కాంగ్రెస్ ప్రభుత్వం అధికారంలోకి వచ్చింది. రేవంత్ రెడ్డి ముఖ్యమంత్రి అయిన తరువాత  స్మితా సబర్వాల్ ఇప్పటి వరకు సీఎం రేవంత్‌ రెడ్డిని కలవలేదు. దాంతో ఆమె కేంద్ర సర్వీసుల్లోకి వెళ్తున్నట్లుగా, కేంద్రానికి అప్లై చేసుకున్నట్లు వార్తలు వైరల్ అయ్యాయి. తాజాగా ఆమె పై మాజీ ఐఏఎస్ ఆకునూరి మురళి సంచలన కామెంట్స్ చేశారు. మరి ఆమె ఎవరో, ఆమె బ్యాక్ గ్రౌండ్ ఏమిటో ఇప్పుడు చూద్దాం..
స్మితా సబర్వాల్ 1977 లో పశ్చిమ బెంగాల్‌లోని డార్జిలింగ్‌లో బెంగాలీ ఫ్యామిలిలో ఆర్మీ అధికారి కల్నల్ ప్రణబ్ దాస్, పురబీ దాస్‌లకు జూన్ 19న జన్మించారు. ఆమె సికింద్రాబాద్‌లోని సెయింట్ ఆన్స్ హైస్కూల్‌లో చదువుకున్నారు. ఐసీఎస్ఈ పరీక్షలో స్మితా సబర్వాల్ ఆల్ ఇండియా టాపర్ గా నిలిచారు. హైదరాబాద్‌లోని సెయింట్ ఫ్రాన్సిస్ ఫర్ ఉమెన్ కాలేజ్ నుండి కామర్స్‌లో పట్టా తీసుకున్నారు. 2000లో యూనియన్ పబ్లిక్ సర్వీస్ కమీషన్ పరీక్ష రాసిన ఆమె, ఆల్ ఇండియా స్థాయిలో 4వ ర్యాంక్ సాధించింది. అప్పుడు ఆమె వయసు 22 ఏళ్ళు.
2001లో ముస్సోరీలోని లాల్ బహదూర్ శాస్త్రి నేషనల్ అకాడమీ ఆఫ్ అడ్మినిస్ట్రేషన్‌లో స్మితా సబర్వాల్ అడ్మినిస్ట్రేటివ్ శిక్షణ పూర్తి చేసింది. తన ప్రొబేషన్ టైమ్ లో ఆదిలాబాద్ జిల్లాలో ట్రైనింగ్ పొందారు. ఆ తరువాత చిత్తూరులోని మదనపల్లి సబ్ కలెక్టర్‌గా ఆమె మొదటిసారి బాధ్యతలు స్వీకరించారు. ఆ తర్వాత కడప డిఆర్‌డిఎ ప్రాజెక్టు డైరెక్టర్‌గా గ్రామీణాభివృద్ధి విభాగంలో పనిచేశారు. ఆ తరువాత వరంగల్ మునిసిపల్ కమీషనర్‌గా పనిచేశారు.  ఆమె “ఫండ్ యువర్ సిటీ” అనే పథకాన్ని ప్రవేశపెట్టింది.
ట్రాఫిక్ జంక్షన్లు, ఫుట్ ఓవర్‌బ్రిడ్జ్‌లు, బస్-స్టాప్‌లు, పార్కులు వంటి పెద్ద సంఖ్యలో పబ్లిక్ యుటిలిటీలను పబ్లిక్-ప్రైవేట్ భాగస్వామ్యంతో (PPP) క్రియేట్ చేశారు. ఆ తర్వాత విశాఖపట్నంలో వాణిజ్య పన్నుల శాఖ డిప్యూటీ కమిషనర్‌గా పనిచేశారు. 2011 ఏప్రిల్ లో, సబర్వాల్ కరీంనగర్ జిల్లా కలెక్టర్‌గా బాధ్యతలు స్వీకరించారు. అక్కడ ఆమె ఆరోగ్యం మరియు విద్యా రంగంలో చాలా కృషి చేశారు. ప్రజాప్రతినిధుల సహకారంతో కరీంనగర్ సిటీలో విశాలమైన రోడ్లు, ట్రాఫిక్ జంక్షన్లు, బస్టాప్‌లు, మరుగుదొడ్లు మరియు ఇతర ప్రజా ప్రయోజనాల రూపంలో కొత్త రూపురేఖలను సంతరించుకునేలా చేశారు.
2012–2013లో ప్రధానమంత్రి 20 పాయింట్ల కార్యక్రమంలో కరీంనగర్ జిల్లా ఉత్తమ జిల్లాగా అవార్డు పొందింది. 2014 సార్వత్రిక ఎన్నికల టైమ్ లో ఆమె మెదక్ జిల్లా కలెక్టర్‌గా పనిచేశారు. ఆమె కలెక్టర్ గా కరీంనగర్ మరియు మెదక్ జిల్లాలను రాష్ట్రంలోనే అగ్రగామిగా నిలిపింది. ఇది ఇలా ఉంటే, తాజాగా ఆమె పై మాజీ ఐఏఎస్ ఆకునూరి మురళి సంచలన కామెంట్స్ చేశారు. గత ప్రభుత్వంలో చేసే తప్పులు చేసి, ఇప్పుడు కేంద్ర సర్వీసుల్లోకి వెళ్ళడం ఫ్యాషన్ అయ్యిందని, ఆమెని వెళ్ళకుండా చూడాలని ‘దేశం మొత్తంలో హెలికాప్టర్‌లో వెళ్లి పనులను పర్యవేక్షించే ఏకైక ఐఏఎస్ ఆఫీసర్ ఈమెగారు మాత్రమే’ అంటూ పోస్ట్ లో రాసుకొచ్చారు.

Also Read: సీతక్క మంత్రి అయింది… తన స్వగ్రామానికి బస్సు వచ్చింది…!

మరి కొన్ని నెలలలో జరగనున్న అసెంబ్లీ ఎలెక్షన్స్ టార్గెట్‌గా వైసీఆర్ కాంగ్రెస్ అధిష్టానం తాజాగా సంచలన నిర్ణయం తీసుకుంది. పదకొండు నియోజకవర్గాలలో ఇన్‌ఛార్జ్‌లను మారుస్తున్నట్లు ప్రకటన విడుదల చేసింది. ప్రస్తుతం ఈ విషయం ఏపీ పాలిటిక్స్ లో హాట్ టాపిక్ గా మారింది.

ఒకేసారి ఒకేరోజు రాష్ట్రవ్యాప్తంగా పదకొండు మంది నియోజకవర్గాల ఇన్‌చార్జీల వైసీపీ పార్టీ మార్చేసింది. డిసెంబర్ 11న పదకొండు నియోజకవర్గాలలో ఎంపిక చేసిన నూతన ఇన్‌ఛార్జ్‌ల పేర్లను అనౌన్స్ చేశారు. ఉమ్మడి గుంటూరు జిల్లాలో ఏడుగురు ఇన్‌చార్జీలను మార్చింది. దీంతో వైసీపీ మార్పు వెనుక స్ట్రాటజీ ఏంటని చర్చ జరుగుతోంది.
వచ్చే అసెంబ్లీ ఎలెక్షన్స్ లో 175 నియోజకవర్గాల్లో విజయం సాధించడమే లక్ష్యంగా ప్రణాళికలు వేస్తున్న వైసీపీ, తాజగా 11 నియోజకవర్గాల్లో ఇన్‌చార్జులను మార్చింది. కొండెపి- ఆదిమూలపు సురేష్, మంగళగిరి- గంజి చిరంజీవి, ప్రత్తిపాడు- బాలసాని కిరణ్ కుమార్, వేమూరు- వరికూటి అశోక్ బాబు,సంతనూతలపాడు- మేరుగ నాగార్జున, తాడికొండ- మేకతోటి సుచరిత, చిలకలూరిపేట- మల్లెల రాజేశ్ నాయుడు, అద్దంకి- పాణెం హనిమిరెడ్డి, గుంటూరు పశ్చిమ- విడదల రజినీ, గాజువాక- వరికూటి రామచంద్రరావు, రేపల్లె- ఈవూరు గణేష్ లను ఇన్‌చార్జులగా నియమించారు.యర్రగొండపాలెం నియోజకవర్గానికి ప్రాతినిథ్యం వహిస్తున్న ఆదిమూలపు సురేష్‌ను తాజాగా కొండెపికి ఇన్‌చార్జిగా మార్చడం చర్చకు దారి తీసింది. ఈ నియోజకవర్గంలో ప్రస్తుతం తెలుగుదేశం పార్టీ నాయకుడు డోలా బాలవీరాంజనేయస్వామి స్థానం ఇది. 2014 మరియు 2019 ఎలెక్షన్స్ లో ఇక్కడి నుంచి పోటీ చేసి, విజయం సాధించారు. అందువల్ల వచ్చే ఎన్నికలలో కూడా ఆయనే పోటీ చేసే అవకాశం ఉండవచ్చు.
కొండెపికి ఇన్‌చార్జిగా మార్చడం పై తాజాగా ఆదిమూలపు సురేష్ మాట్లాడారు. నియోజకవర్గ మార్పు విషయంలో పార్టీ నిర్ణయమే పాటిస్తానని, అధిష్టానం ఆదేశాల మేరకు ప‌ని చేస్తాన‌ని వెల్లడించారు. పార్టీ నిర్ణయాన్ని శిరసావహిస్తానని,  సైనికుడిలా పార్టీ విజయం కోసం పనిచేస్తానని అన్నారు. ముఖ్యమంత్రి జగన్ తమకు కెప్టెన్ అని అన్నారు. కొండెపి నియోజకవర్గంలోని పార్టీ కార్యకర్తలను సమన్వయం చేసుకుంటూ పార్టీని బలోపేతం చేయడానికి కృషి చేస్తామని వెల్లడించారు.

Also Read: ఎవరు ఈ శాంభవి..? 13 ఏళ్ళ తరువాత మళ్ళీ ఇప్పుడు బయటకు ఎందుకు వచ్చింది..?