News

ప్రధాని నరేంద్ర మోడీ ప్రారంభించినప్పటి నుండి వందే భారత్ ఎక్స్ ప్రెస్ రైళ్ల గురించి తరచుగా ఏదో ఒక వార్త చర్చల్లో నిలుస్తునే ఉంది. రాళ్ల దాడులు, వరుసగా ప్రమాదాలు, వందే భారత్‌ ట్రైన్ లో నీళ్లు కారడం లాంటి అనేక  సంఘటనలు వింటూనే ఉన్నాం.

తాజాగా వందే భారత్‌ ఎక్స్‌ప్రెస్ ట్రైన్ లో జరిగిన ఒక ఇన్సిడెంట్ కు సంబంధించిన వీడియో ఒకటి సోషల్ మీడియాలో తెగ వైరల్ అవుతోంది. దీనిని చూసిన నెటిజెన్లు కామెంట్స్ చేస్తున్నారు. దీంతో రైల్వే ఉన్నతాధికారులు ఈ ఘటన పై దర్యాప్తు చేపట్టారు. ఆ వివరాలు ఏమిటో ఇప్పుడు చూద్దాం.. వందేభారత్‌ ట్రైన్స్ తో  రైల్వే డిపార్ట్మెంట్ లో మార్పులు చోటుచేసుకుంటున్నాయి. ఈ రైళ్లు వేగవంతంగా ప్రయాణికులను తమ గమ్యస్థానాలకు చేరుస్తున్నాయి. ఏపీ, తెలంగాణతో పాటు దేశంలోని కొన్ని రాష్ట్రాల్లో వందే భారత్‌ రైళ్లు ప్రారంభం అయ్యాయి. అది మాత్రమే కాకుండా ప్రయాణికుల కోరిక మేరకు ప్రతి నెలా కొత్త వందే భారత్‌ రైళ్లను మొదలుపెడుతున్నారు. ఇక ఇప్పటిదాకా మధ్యాహ్న సమయంలో మాత్రమే ఈ ట్రైన్స్ నడుస్తున్నాయి. అయితే  వందే భారత్ స్లీపర్ రైళ్లను త్వరలో అందుబాటులోకి రానున్నాయని తెలుస్తోంది. అయితే రైలు, బస్సు, విమానం వంటి వాటిలో ప్రయాణం చేయాలంటే ఎవరైనా సరే టికెట్‌ ఉండాల్సిందే. అయితే తాజాగా యూపీకి చెందిన కానిస్టేబుల్ వందే భారత్‌ రైలులో టికెట్‌ లేకుండా ప్రయాణించాడు. ఆయన తన పక్క సీట్లో తన లగేజ్ పెట్టుకున్నారు. టీసీ ప్రయాణికులందరి దగ్గర టికెట్ చెక్ చేస్తూ వచ్చారు. కానిస్టేబుల్ ను టికెట్ చూపించమని ఆడడడంతో టికెట్ లేదని, తాను ఎక్కాల్సిన రైలు మిస్ అవడంతో, ఈ ట్రైన్ ఎక్కాల్సి వచ్చిందని చెప్పారు. దాంతో టికెట్ లేకుండా ఎలా ఎక్కుతారని, అలా అసలు ఎక్కకూడదని టీసీ చెప్పారు. నెక్స్ట్ స్టేషన్‌లో అతన్ని దిగిపోమని సూచించారు. ఈ ఘటనను రైల్లో ఉన్న పాసింజర్లు వీడియో తీసి, నెట్టింట్లోషేర్ చేశారు. ఆవీడియో వైరల్ అవడంతో ఈ విషయం రైల్వే శాఖ వరకూ వెళ్లింది. ఈ ఘటనపై ఉన్నతాధికారులు దర్యాప్తుకు ఆదేశించారు. https://twitter.com/razzbsingh/status/1711266701483159844?ref_src=twsrc%5Etfw%7Ctwcamp%5Etweetembed%7Ctwterm%5E1711266701483159844%7Ctwgr%5E9112c634cf91eb6f719a50387a6ea7f88a8eab96%7Ctwcon%5Es1_&ref_url=https%3A%2F%2F10tv.in%2Fnational%2Fviral-video-up-police-personnel-boarded-vande-bharat-without-ticket-tte-reprimanded-719966.html Also Read: ఐఫోన్ మీద ప్రేమతో ఈ వ్యక్తి ఏం చేశాడో తెలుసా..? డైరెక్ట్ షాప్ కి వెళ్లి..?

ఇజ్రాయెల్, పాలస్తీనా యుద్ధం రోజు రోజుకు తీవ్ర రూపు దాల్చుతోంది. రెండు వైపులా భారీ ప్రాణ నష్టం సంభవిస్తోంది. శనివారం ఉదయం ఇజ్రాయెల్‌ పై హమాస్ మిలిటెంట్లు వేలాది రాకెట్లతో విరుచుకుపడ్డారు. ఈ దాడిలో ఇజ్రాయెల్ దక్షిణ ప్రాంతం అధికంగా దెబ్బతింది.

దాంతో ఇజ్రాయెల్ కూడా ఎదురుదాడికి దిగింది. ఈ క్రమంలో భారీగా మృతుల సంఖ్య, గాయపడిన వారి సంఖ్య పెరుగుతోంది. అయితే దక్షిణ ప్రాంతంలో పెద్ద సంఖ్యలో ఇండియన్స్ నివసిస్తున్నారు. ఇజ్రాయిల్ లో ఉన్న తెలుగువారి పరిస్థితి ఏమిటో? మొత్తం ఎంతమంది భారతీయులు ఉన్నారో ఇప్పుడు చూద్దాం..
బీబీసి న్యూస్ తెలుగు కథనం ప్రకారం, పాలస్తీనాకు చెందిన హమాస్ మిలిటెంట్లు శనివారం ఉదయం ఇజ్రాయెల్‌ పై వేలాది రాకెట్లతోదాడి చేశారు. ఇజ్రాయెల్ సౌత్ ప్రాంతం ఈ దాడిలో ఎక్కువగా దెబ్బతింది. ఈ ప్రాంతంలో పెద్ద సంఖ్యలో ఇండియన్స్, ఇండియా మూలాలు కలిగిన  ప్రజలు నివసిస్తున్నారు. వీరిలో కొందరు కిడ్నాప్ కు గురయ్యారని, కొందరు చనిపోయినట్లుగా పలు రిపోర్ట్ లు చెబుతున్నాయి.
ఇజ్రాయెల్‌లో భారత సంతతికి చెందిన యూదులు సుమారు 95,000 మంది, భారతీయులు 18,000 మంది నివసిస్తున్నారని తెలుస్తోంది. యుద్ధం జరుగుతున్నప్పటికీ కొందరు భారతీయులు పెద్దగా ఆందోళన పడడం లేదు. సెక్యూరిటీకి సంబంధించిన సూచనలను పాటించినట్లయితే ఇబ్బంది ఉండదని చెబుతున్నారు. దాడి ఎక్కువగా ఇజ్రాయెల్ దక్షిణ ప్రాంతంలోనే జరుగుతుందని, మిగతా ప్రాంతాల్లో అంతగా దాడులు జరగట్లేదు. అందువల్ల ప్రజలు సురక్షిత ప్రాంతాలకు చేరుకుంటే దాడుల వల్ల కలిగే ప్రమాదం తక్కువ అని అధికారులు ఇప్పటికే సూచనలు జారీ చేశారు.
రాకెట్లు ఎక్కువగా అష్కెలోన్ సిటీలోనే పడ్డాయి. ఇక ఈ ప్రాంతంలో ఉండే తెలంగాణకు చెందిన ఎల్లే ప్రసాద్ ”చాలా అలర్ట్ గా ఉండాలి, సైరన్ మోగిన వెంటనే షెల్టర్‌కు వెళ్ళాలి” అని అన్నారు. హిబ్రూ యూనివర్శిటీకి చెందిన రీసెర్చ్ స్టూడెంట్ బిందు మాట్లాడుతూ సేఫ్టీ ప్రోటోకాల్‌లను ఫాలో అయ్యానని, సురక్షితంగా ఉన్నానని వెల్లడించారు. అలాగే  ఇండియన్ స్టూడెంట్స్ అందరూ పరస్పరం టచ్‌లోనే ఉన్నారని, ఎప్పటికప్పుడు పరిస్థితిని తెలుసుకుంటున్నారని  తెలిపారు.

ఏపీ స్కిల్ డెవలప్‌మెంట్ కేసులో మాజీ సీఎం, టీడీపీ అధినేత చంద్రబాబు క్వాష్ పిటిషన్‌ పై నేడు సుప్రీంకోర్టులో వాదనలు సీరియస్ గా జరిగాయి. ఆ తరువాత ఈ కేసు విచారణను శుక్రవారానికి సుప్రీంకోర్టు వాయిదా వేసింది.

శుక్రవారం నాడు మధ్యాహ్నం రెండు గంటలకు తదుపరి విచారణ చేపడతామని కోర్టు వెల్లడించింది. అయితే ఈరోజు (మంగళవారం) ఇరుపక్షాల లాయర్లు హోరాహోరీగా తమ వాదనలు వినిపించారు. ఏపీ గవర్నమెంట్ తరఫున లాయర్ ముకుల్ రోహత్గి, చంద్రబాబు తరఫున హరీశ్ సాల్వే వాదనలు వినిపించారు. ఆ వివరాలు ఇప్పుడు చూద్దాం..
ఈ కేసులో ముఖ్యంగా సెక్షన్ 17A చుట్టూ వాదనలు జరిగాయి. చంద్రబాబు తరుపున సుప్రీంకోర్టు సీనియర్‌ లాయర్ హరీశ్‌ సాల్వే 17A సెక్షన్‌కు చెందిన వివిధ అంశాలు, గతంలో కొన్ని కేసుల్లో ఇచ్చిన తీర్పుల గురించి ధర్మాసనం ముందు ఉంచారు. వాటిలో రఫేల్‌ కొనుగోళ్ల విషయంలో యశ్వంత్‌ సిన్హా వేసిన పిటిషన్‌, అలాగే రఫేల్‌ కేసులో ఇచ్చిన తీర్పును కూడా కోర్టు ముందు ఉంచారు. రఫేల్‌ కొనుగోళ్ల పై 2019లో యశ్వంత్‌ సిన్హా వేసిన రివ్యూ పిటిషన్లను జస్టిస్‌ కేఎం జోసెఫ్‌ డిస్మిస్ చేసిన విషయాన్ని కోర్టుకు గుర్తుచేశారు.
బుల్లర్ కేసుతో పాటు పలు కేసులలో తీర్పులను వివరించిన సాల్వే, స్కిల్‌ కేసులో చంద్రబాబు నాయుడు పై రిజిస్టర్ అయిన ఎఫ్‌ఐఆర్‌ చట్టబద్ధం కాదని అన్నారు. ఈ కేసులో బుల్లర్ కేసులో ఇచ్చిన తీర్పును  పరిగణలోకి తీసుకోవాలని కోరుతున్నానని ధర్మాసనాన్ని సాల్వే కోరారు. చంద్రబాబు పై రిజిస్టర్ అయిన ఎఫ్ఐఆర్‍ ను తాను సవాల్ చేస్తున్నట్టుగా వెల్లడించారు. దానిలో ఎక్కడా చంద్రబాబు నాయుడు పేరు లేదని సాల్వే వాదించారు. ఆ తరువాత ఏపీ సీఐడీ తరఫున లాయర్ ముకుల్‌ రోహత్గీ వాదనలు వినిపించారు.
రోహత్గీ వాదిస్తూ, 2018కి ముందు కొంతవరకు విచారణ జరిగి ఆగిపోయిందని, అంతేకాని విచారణ జరగలేదని కాదని వాదించారు. హైకోర్టులో విచారణ పూర్తి అయ్యాక పత్రాలు ఇచ్చామని, దానిని లెక్కలోకి తీసుకోవాల్సిన అవసరం ఏమాత్రం లేదన్నారు. 2018 చట్ట సవరణ చేసిన అనంతరం చంద్రబాబును ఎఫ్‌ఐఆర్‌లో చేర్చితే, దానిని రాజకీయ ప్రతీకార చర్యగా వ్యవహరించకూడదని అన్నారు.
చంద్రబాబు మీద తగిన ఆధారాలు లభించిన అనంతరం 2021లో కేసు రిజిస్టర్ చేశారని, ఈ కేసులో ఆయనను ఎప్పుడు చేర్చినా కూడా విచారణ కొనసాగుతున్నట్లుగా పరిగణించాలని కోర్టులో వాదించారు. ఇక నేరం ఎప్పుడు జరిగిందో, అప్పుడు ఉన్న చట్టం ప్రకారంగానే  విచారణ చేయాలని సుప్రీం కోర్టు ముందుకు తీసుకెళ్లారు. తదుపరి విచారణను సుప్రీం కోర్టు శుక్రవారంకు వాయిదా వేసింది.

Also Read: చంద్రబాబు నాయుడు లాయర్ కోర్టులో వినిపించిన వాదనలు ఏంటి..? అసలు ఏం జరిగిందంటే..?

ఏపీ స్కిల్ స్కామ్ కేసులో అరెస్ట్ అయిన టీడీపీ అధినేత, మాజీ ముఖ్యమంత్రి నారా చంద్రబాబు నాయుడుకు  మరోసారి ఎదురుదెబ్బ తగిలింది. నేడు ఏసీబీ కోర్టులో చంద్రబాబు బెయిల్ మరియు కస్టడీ పిటిషన్ల పై తీర్పు ఈరోజుకి వాయిదా పడిన విషయం తెలిసిందే.

ఫైబర్‌ నెట్‌ కేసు, అమరావతి రింగ్‌ రోడ్డు కేసు మరియు అంగళ్లు కేసులలో చంద్రబాబు నాయుడు తరుపున వేసిన ముందస్తు బెయిల్‌ పిటిషన్ల మీద సైతం ఈరోజు ఏసీబీ కోర్టు తీర్పు ఇచ్చింది. ఆ వివరాలు ఇప్పుడు చూద్దాం..
ఏపీ స్కిల్ డెవలప్‌మెంట్ కేసులో అరెస్ట్ అయిన మాజీ సీఎం చంద్రబాబు నాయుడు 30 రోజులుగా జైల్లో ఉన్నారు. ఈ కేసులో సెప్టెంబరు 10న అరెస్ట్ అయిన చంద్రబాబు, రాజమండ్రి సెంట్రల్ జైలులో రిమాండ్ ఖైదీగా ఉన్నారు.  అక్టోబరు 5న మూడవసారి ఆయనకు ఏసీబీ కోర్టు రిమాండ్ ను పొడిగించిన సంగతి తెలిసిందే. చంద్రబాబు దాఖలు చేసిన 3 ముందస్తు బెయిల్‌ పిటిషన్లు ఏసీబీ కోర్టు కొట్టివేసింది.
ఫైబర్‌నెట్‌, అమరావతి రింగ్‌ రోడ్డు, అంగళ్లు కేసుల్లో చంద్రబాబు ముందస్తు బెయిల్‌ పిటిషన్లను ఏపీ హైకోర్టు కొట్టివేసింది. ఫైబర్‌ నెట్‌ కేసులో చంద్రబాబు A-24గా, అమరావతి రింగ్‌ రోడ్డు కేసులో A-1 గా, అంగళ్లు అల్లర్ల కేసులో చంద్రబాబు A1గా ఉన్నారు. అయితే సీఐడీ అధికారులు చంద్రబాబును కస్టడీకి ఇవ్వాలని కోరుతూ వేసిన పిటిషన్‌ను కూడా ఏసీబీ కోర్టు తిరస్కరించింది.
మరో వైపు స్కిల్‌ డెవలప్‌మెంట్‌ కేసులో సీఐడీ తన పై రిజిస్టర్ చేసిన కేసును కొట్టివేయాలని చంద్రబాబు తరపున దాఖలు అయిన క్వాష్‌ పిటిషన్‌ పై సుప్రీంకోర్టులో విచారణ జరిగింది. జస్టిస్‌ బోస్‌, జస్టిస్‌ త్రివేదీ బెంచ్‌ ముందు సీఐడీ తరపున లాయర్ రోహత్గీ, మాజీ సీఎం చంద్రబాబు తరపున సిద్ధార్థ్‌ లూథ్రా, హరీష్‌ సాల్వే, మనుషేక్‌ సింగ్‌ సింఘ్వీ వాదించారు. 17ఏ చుట్టూనే వాదనలు జరుగుతున్నాయి. రాజకీయల వల్ల కక్ష సాధింపుకు పాల్పడకుండానే సెక్షన్ 17ఏను తీసుకొచ్చారని లాయర్ హరీశ్ సాల్వే వాదిస్తున్నారు.

Also Read: సుప్రీం కోర్ట్ లోనే మొదటిసారి ఇలా… అసలు విషయం తెలిస్తే ఆమెకి హ్యాట్సాఫ్ అనాల్సిందే.!

సాధారణంగా పబ్లిక్ ప్రదేశాల్లో కానీ, లేదా పబ్లిక్ వాహనాల్లో కానీ కొన్ని పనులు చేస్తే జరిమానా విధించడం అనేది సహజమైన విషయమే. అందుకే చాలా పబ్లిక్ ప్రదేశాల్లో కొన్ని ప్రత్యేకమైన పదార్థాలు తీసుకోవద్దు అని రాసి ఉంటుంది.

అయితే ఇటీవల ఒక వ్యక్తి పబ్లిక్ ట్రాన్స్పోర్ట్ అయిన మెట్రోలో చేసిన ఒక పని వల్ల అతనికి 500 జరిమానా పడింది. జరిమానా పడింది అంటే అతను ఏదో తప్పు పని చేశాడు అనుకుంటే పొరపాటే. అతను ఆహారం తీసుకున్నాడు అంతే. అది కూడా మంచూరియా.

బెంగళూరులో మెట్రోలో ఒక వ్యక్తి గోబీ మంచూరియా తింటున్నాడు. ఇది సోషల్ మీడియాలోకి వచ్చింది. ఈ వీడియోలో అతను తింటూ ఉంటే, అతని చుట్టుపక్కన వాళ్ళు అది తప్పు అని చెప్తున్నారు. అయినా కూడా అతను వినిపించుకోలేదు. ఇలా మెట్రోలో ఆహారం తీసుకోవడం అనేది బెంగళూరు మెట్రో నియమాల ప్రకారం చట్ట పరంగా నేరమే అయినా కూడా అంతకుముందు ఎవరికీ జరిమానా విధించలేదు.

ఈ వీడియో పోస్ట్ అయిన తర్వాత యాజమాన్యం దీనిపై కఠిన చర్యలు తీసుకోవాలి అని నిర్ణయించుకుంది. దాంతో అతనికి 500 రూపాయలు జరిమానా విధించింది. ఈ సంఘటన జయా నగర్, సంపంగి రోడ్ స్టేషన్ మధ్యలో జరిగింది. జయ నగర్ పోలీస్ స్టేషన్ పరిధిలో ఈ వ్యక్తి మీద కంప్లైంట్ రిజిస్టర్ చేశారు. అంతే కాకుండా నియమాలు అధిగమించినందుకు అతనికి జరిమానా కూడా వేశారు. ప్రస్తుతం వస్తున్న వార్తల ప్రకారం ఇతని పేరు కుమార్ అని తెలుస్తోంది.

ఇతనికి పెనాల్టీ వేయడం మాత్రమే కాకుండా, ఇలాంటి పని ఇంకొకసారి చేయను అని అర్థం వచ్చేలాగా ఒక అండర్ టేకింగ్ ఫామ్ రాయించి దానిమీద సంతకం కూడా పెట్టించుకున్నారు. అయితే ఇలాంటిది మొదటి సారి ఏమీ కాదు. అంతకుముందు కూడా ఒక యూట్యూబర్ ఇలాగే టికెట్ లేకుండా ప్రయాణం చేస్తున్నాడు అని వీడియో తీసి పెట్టాడు. ఆ తర్వాత అతని మీద బెంగుళూరు మెట్రో యాజమాన్యం కేస్ కూడా ఫైల్ చేశారు. ఇప్పుడు ఇలాంటి సంఘటన కూడా బయటికి రావడంతో, ప్రజలు ఇలాంటి నియమాలని ఇంకా గట్టిగా పాటిస్తున్నారు.

watch video :

This was the video he had circulated earlier on social media which got hin into trouble pic.twitter.com/UQ8lnFExft

— S. Lalitha (@Lolita_TNIE) October 5, 2023

ALSO READ : పెళ్లి కార్డులో ఇలాంటి వివరాలు కూడా పెడతారా..? ఈ వెడ్డింగ్ కార్డ్ చూస్తే షాక్ అవ్వాల్సిందే..!

ఇటీవల కాలంలో ఉపాధ్యాయులు పిల్లలను కొట్టడం, రకరకాలుగా శిక్షించడం, వాటికి తట్టుకోలేని పిల్లలు చనిపోవడం, లేదా ఉపాధ్యాయులు వేధించడం వల్ల కొందరు పిల్లలు ప్రాణాలు తీసుకోవడం తరచూ వార్తల్లో వినడం, చూడడం జరుగుతూనే ఉంది.

అయితే ఇలాంటి తరుణంలో ఒక ప్రభుత్వ పాఠశాల హెడ్ మాస్టర్ స్కూల్ కు రాని స్టూడెంట్స్ ఇళ్లకు వెళ్లి తల్లిదండ్రులను బ్రతిమిలాడాడు. చదువుకోమని మోకాళ్ళ పై కూర్చుని ఓ స్టూడెంట్ కి చేతులెత్తి దండం పెట్టి  చెప్పాడు. ఈ సంఘటన ఎప్పుడు, ఎక్కడ జరిగిందో ఇప్పుడు చూద్దాం..
ఈ సంఘటన 2018 లో ఫిబ్రవరిలో సోషల్ మీడియాలో వైరల్ గా మారింది. ఆ హెడ్ మాస్టర్ పేరు డి బాలు.  తమిళనాడులోని విల్లుపురంలో మునిసిపల్ సెకండరీ పాఠశాలకు హెడ్ మాస్టర్ పనిచేస్తున్నారు. ఆయన పనిచేస్తున్న పాఠశాలకు ఆ ప్రాంతంలోని విద్యార్థులు హాజరుకాకపోవడం అనేది అక్కడ చాలా సాధారణ విషయం. దాంతో విద్యార్థులు పాఠశాలకు తీసుకురావడానికి  ప్రత్యేకంగా ఏదైనా చేయాలని, అక్కడ ఉన్న కట్టుబాటును మార్చాలని డి బాలు నిర్ణయించుకున్నారు.
ఆ హెడ్ మాస్టర్ వయసు 56 ఏళ్ళు , ఆయన గత 30 సంవత్సరాలుగా ఉపాధ్యాయ వృత్తిలో కొనసాగుతున్నారు. చదువు మీద ఇంట్రెస్ట్ లేక పాఠశాల మానేసిన పిల్లలు, పాఠశాలకు హాజరు కానీ విద్యార్థులు, చదువును నిర్లక్ష్యం చేసే విద్యార్థుల ఇళ్ళకు ఆ హెడ్ మాస్టర్ ప్రతిరోజూ వెళతాడు. విద్యార్థుల తల్లిదండ్రులను పిల్లలను పాఠశాలకు పంపించమని వారిని అభ్యర్థిస్తాడు. ఒక విద్యార్థి క్రమం తప్పకుండా పాఠశాలకు వెళ్లడం లేదు. దాంతో బాలు మోకాళ్ళపై కూర్చుని చేతులు జోడించి చదువుకోమని వేడుకుంటున్నాడు.
విద్యార్థులు పాఠశాలకు క్రమం తప్పకుండా హాజరు కావాలని, బాగా చదువుకుని జీవితంలో పురోగతి సాధించాలని చెప్తూ బతిమిలాడుతున్నారు. వీటికి సంబంధించిన వీడియోలు మరియు ఫోటోలు అప్పట్లో సోషల్ మీడియాలో విపరీతంగా వైరల్ అయ్యాయి. విద్యార్థుల ఫ్యూచర్ కోసం ఈ హెడ్ మాస్టర్ గారు చేస్తున్న పనికి నెటిజెన్లు అభినందిస్తూ కామెంట్లు పెట్టారు.

Also Read: సుప్రీం కోర్ట్ లోనే మొదటిసారి ఇలా… అసలు విషయం తెలిస్తే ఆమెకి హ్యాట్సాఫ్ అనాల్సిందే.!

సోషల్ మీడియాలో చేసిన ఒక పోస్ట్ వల్ల మూడు సంవత్సరాల క్రితం తప్పి పోయిన ఒక మహిళ తన కుటుంబాన్ని చేరుకుంది. ఈ సంఘటన తమిళనాడులోని పుదుక్కోట్టై గవర్నమెంట్ మెడికల్ కాలేజీలో ఈ ఘటన చోటుచేసుకుంది. ఆ వివరాలు ఇప్పుడు చూద్దాం..

రాజస్థాన్‌కు చెందిన 24 ఏళ్ళ మెడికల్ స్టూడెంట్ ప్రమీలా బిష్ణోయ్ పుదుక్కోట్టైలోని గవర్నమెంట్ మెడికల్ కాలేజీలో ఎంబీబీఎస్  చదువుకుంటోంది. ప్రమీలా ట్రైనింగ్‌లో భాగంగా సెప్టెంబరు 27న మానసిక అనారోగ్యంతో బాధపడుతున్న  45 ఏళ్ళ మహిళను పుదుక్కోట్టై ఆసుపత్రిలో కలిసింది.
మానసిక చికిత్స పొందుతున్న ఆ మహిళతో సాన్నిహిత్యం ఏర్పడడంతో ప్రమీల ఆమె గురించి అడిగింది. అప్పుడు సదరు మహిళ తాను మహారాష్ట్రలోని జల్గావ్ జిల్లాకు చెందినట్టుగా, తనకు ఇద్దరు కుమారులు ఉన్నారని తెలిపింది.  మూడు సంవత్సరాల క్రితం తాను ఎక్కాల్సిన రైలు కాకుండా వేరే రైలులో ఎక్కానని చెప్పారు. ఆమెకు తన కుటుంబ సభ్యులను సంప్రదించడానికి వివరాలు కూడా లేకపోవడంతో పుదుక్కోట్టైలో చిక్కుకుపోయానని ఆ మహిళ చెప్పింది.
వివరాలు తెలుసుకున్న ఆ మెడికల్ స్టూడెంట్ ఆ మహికు సహాయం చేయాలని నిర్ణయించుకుంది. ఆ మహిళ ఫొటోను మరియు వివరాలను సోషల్ మీడియా వేదిక ఎక్స్ లో పోస్ట్ చేసింది. ఆ పోస్ట్ వైరల్ కావడంతో ఆ మహిళ పేషెంట్ స్నేహితురాలికి ఆ పోస్ట్ కనిపించింది. స్నేహితురాలు వెంటనే వీడియో కాల్ చేసి మహిళతో మాట్లాడింది. గత శుక్రవారం ఆ మహిళను ఆమె భర్తతో మాట్లాడించారు.
వీడియో కాల్ తర్వాత, మహిళ కుటుంబం తరువాతి రోజు శనివారం ఆమెను కలవడానికి  పుదుక్కోట్టైకి వచ్చింది. ఆ మహిళ తప్పిపోయినపుడు ఆమె కుటుంబసభ్యులు లోకల్ పోలీస్ స్టేషన్‌లో మిస్సింగ్ కేసు పెట్టారు. కానీ ఆ మహిళ ఆచూకీ దొరకలేదు. దాంతో ఆమె మరణించి ఉంటుందని అనుకున్నారు. మానసిక చికిత్స వల్ల మహిళ పరిస్థితి మెరుగుపడిన తరువాత ఆమెకు తన వివరాలు గుర్తుకు వచ్చాయి. ఒక్క పోస్ట్ వల్ల మూడు సంవత్సరాల తర్వాత తన కుటుంబాన్ని కలుసుకుంది.

Also Read: తండ్రినే అమ్మకానికి పెట్టిన కూతురు..! కారణం చూస్తే షాక్ అవ్వాల్సిందే..?