News

ఇండియాలో ప్రతినెల మొదటి రోజు అనగా ఒకటవ తేదీన ఎన్నో మార్పులు జరుగుతాయి. అలాగే కొత్త రూల్స్ కూడా అమలులోకి వస్తుంటాయి. అలాగే వచ్చే అంటే ఏప్రిల్‌ 1వ తారీఖు నుండి అనేక మార్పులు జరగబోతున్నాయి. దానికి కారణం కొత్త ఆర్థిక ఏడాది ఈ రోజు నుంచే మొదలవుతుంది.

2023-24 ఆర్థిక సంవత్సరం ఏప్రిల్ 1 నుండి ప్రారంభం కానుంది. ఈ క్రమంలో కొత్త రూల్స్, అలాగే వస్తువుల ధరలలో కూడా మార్పులు చోటు చేసుకుంటాయి. కొన్ని వస్తువుల ధరలు తగ్గితే, మారికొన్ని వస్తువుల ధరలు పెరుగుతూ ఉంటాయి. పాన్-ఆధార్ లింక్ మరియు ఆదాయపు పన్ను రూల్స్, మ్యూచువల్ ఫండ్స్‌ లాంటి అనేక అంశాలలో మార్పులు జరగనున్నాయి.  కొత్త రీల్స్ అనగానే ప్రజలకు గుండెల్లో అలజడి ఏర్పడుతుంది. ఏ వస్తువుల ధరలు పెరుగుతాయో అని ఆందోళన పడుతుంటారు. సాధారణంగా ఆర్థిక సంవత్సరం మారినప్పుడు కొన్ని వస్తువుల రేట్లలో మార్పులు జరుగుతూ ఉంటాయి. కేంద్ర బడ్జెట్‌లో టాక్స్‌ స్లాబ్స్‌, ఇంపోర్ట్‌ డ్యూటీలలో మార్పులు రావడంతో వస్తువుల రేట్లలో కూడా మార్పులు జరగబోతున్నాయి. ఆ వివరాల గురించి  ఇప్పుడు చూద్దాం..
ధరలు పెరుగే వస్తువులు ఇవే:
ధరలు పెరిగే వస్తువుల జాబితాలో హెలికాప్టర్లు, ప్రైవేటు జెట్స్‌, దిగుమతి అయ్యే ఎలక్ట్రానిక్ వస్తువులు, బంగారు ఆభరణాలు, ప్లాస్టిక్ వస్తువులు లాంటివి ఉన్నాయి. అలాగే వీటితో పాటు ప్లాటినం ధరలు, వెండి వస్తువుల ధరలు  కూడా పెరగబోతున్నాయి. ఎలక్ట్రిక్ కిచెన్ చిమ్నీలు, ఇమిటేషన్‌ ఆభరణాలు, సిగరెట్ల ధరలు ఏప్రిల్ నెల నుండి  పెరగనున్నాయి.ధరలు తగ్గే వస్తువులు ఇవే:
ధరలు తగ్గే జాబితాలో వజ్రాలు, రంగు రాళ్లు, దుస్తులు, సైకిళ్లు, బొమ్మలు, టీవీల ధరలు తగ్గబోతున్నాయి. ఇక వీటితో పాటుగా కాఫీ గింజలు, ఇంగువ, శీతలీకరించిన నత్తగుల్లలు, మొబైల్ ఫోన్ ఛార్జర్లు, మొబైల్‌ ఫోన్లు, కెమెరా లెన్స్‌  లాంటి ఎలక్ట్రిక్‌ వస్తువులు రేట్లు తగ్గనున్నాయి. ఇండియాలో తయారయ్యే ఎలక్ట్రానిక్ వెహికిల్స్ తో పాటు పెట్రోలియం ఉత్పత్తులకు కావలసిన కొన్ని రకాల కెమికల్స్, లిథియం అయాన్ బ్యాటరీల రేట్లు తగ్గనున్నాయి.
Also Read: వీరు పాన్‌ కార్డ్ ను ఆధార్ నంబర్ తో లింక్ చేయనవసరం లేదు..

సాధారణంగా సినిమా ఇండస్ట్రీలో ఎన్నో సినిమాలు ప్రకటించడం తర్వాత అవి మొదలు పెట్టడం మధ్యలో ఆపేయడం అనేది సహజం. అందులో చాలా మంది పెద్ద హీరోల సినిమాలు కూడా ఉంటాయి.

ఆ సినిమాలు ఆపేయడానికి ఎన్నో కారణాలు ఉంటాయి. అలా రామ్ చరణ్ హీరోగా నటించిన కొన్ని సినిమాలు కూడా ప్రకటించిన తర్వాత ఆగిపోయినవి ఉన్నాయి. ఆ సినిమాలు ఏంటో ఇప్పుడు చూద్దాం.

1. మణి రత్నం ప్రాజెక్ట్

అప్పట్లో రామ్ చరణ్ మణిరత్నంతో కలిసి మూవీ చేస్తున్నట్టు ఇండస్ట్రీలో టాప్ నడిచింది. అయితే ఈ విషయం గురించి అఫీషియల్ గా ఎటువంటి ప్రకటన బయటకు రాలేదు. కానీ రూమర్స్ ప్రకారం ఇది ఒక యాక్షన్ డ్రామా అని, కొన్ని అనుకోని కారణాల వల్ల ప్రాజెక్టు ముందుకు సాగలేదని తెలుస్తుంది.

2. త్రివిక్రమ్ శ్రీనివాస్ ప్రాజెక్ట్

పవర్ స్టార్ పవన్ కళ్యాణ్ ప్రొడక్షన్ లో త్రివిక్రమ్ శ్రీనివాస్ రామ్ చరణ్ కాంబినేషన్ లో ఓ మూవీ రాబోతున్నట్లు అప్పట్లో వార్తలు వచ్చాయి. కానీ ఆ తరువాత దాని గురించి ఎటువంటి ఊసు బయటకు రాలేదు.

3. మెరుపు

2010 రొమాంటిక్ హిట్ ఆరెంజ్ మూవీ తర్వాత రామ్ చరణ్ మెరుపు అని స్పోర్ట్స్ డ్రామా మూవీ కోసం రెడీ అయ్యాడు. ఈ మూవీ కి డైరెక్టర్ గా తమిళ్ డైరెక్టర్ ధరణి ని ఎంచుకున్నారు.ఇది ఒక రకంగా రామ్ చరణ్ డ్రీమ్ ప్రాజెక్ట్. కానీ తెలియని కారణాలవల్ల ఈ చిత్రం ఆగిపోయింది. ఈ మూవీ గురించి మాట్లాడుతూ రామ్ చరణ్ ” నేను కంటెంట్-ఆధారిత స్పోర్ట్స్ డ్రామా చేయాలనుకుంటున్నాను మరియు సరైన స్క్రిప్ట్ కోసం నేను ఆసక్తిగా ఎదురుచూస్తున్నాను. నా కెరీర్ ప్రారంభంలో నేను R.B. చౌదరి తో క్రీడల నేపథ్యం ఆధారంగా ఒక చిత్రాన్ని ప్రారంభించాను. కానీ కొని అనుకోని కారణాల వల్ల, అది ఆగిపొయింది. ఇంక ఆ తర్వాత, నాకు క్రీడలకు సంబంధించిన సబ్జెక్ట్‌లు ఏవీ రాలేదు” అని చెప్పారు.

4. ఏఆర్ మురుగదాస్ ప్రాజెక్ట్

ఒకసారి ఏదో ఫంక్షన్ లో రామ్ చరణ్ స్వయంగా మురుగన్ తో సినిమా చేయాలని ఉందని చెప్పారు. దాంతో వెంటనే వీళ్ళిద్దరి కాంబోలో సినిమా వస్తుంది అని వార్త బాగా వైరల్ అయింది. కానీ ఆ తర్వాత ఈ విషయం గురించి ఎటువంటి వార్తలు బయటకు రాలేదు.

5. కొరటాల శివ ఫిల్మ్

కొరటాల శివ రామ్ చరణ్ తో మూవీ చేయాలి అని అనుకున్నాడట. ఆ మూవీకి సంబంధించిన అధికారిక ప్రకటన ,పూజా కార్యక్రమం కూడా జరిగింది. కానీ తెలియని కారణాలవల్ల ఆ సినిమా సెట్స్ కి వెళ్ళకముందే ఆగిపోయింది.

6. గౌతమ్ తిన్ననూరి ప్రాజెక్ట్

ఈ ప్రాజెక్టు గురించి అధికారికంగా ఎటువంటి ప్రకటన బయటకు రాలేదు. కానీ ఈ ప్రాజెక్ట్ షెల్వ్ అయినట్టు మాత్రం రిపోర్ట్స్ వచ్చాయి. ఈ మూవీలో ఫస్ట్ హాఫ్ బాగుంది కానీ సెకండ్ హాఫ్ స్టోరీ చరణ్ కు నచ్చలేదంట. మార్పులు చేసినప్పటికీ ఈ చిత్రం సెకండ్ హాఫ్ చరణ్ కి సంతృప్తిని ఇవ్వలేదంట. అదే ఈ ప్రాజెక్టు ఆగిపోవడానికి కారణం అని భావిస్తున్నారు.

పెళ్లి అన‌గానే ఎంత హడావుడి, బంధు మిత్రులు సందడి, పెద్ద ఎత్తున భోజ‌నాలు, పట్టుచీరలు, ఆభరణాల ధగధగలు.. అబ్బో ల‌క్షల్లో ఖ‌ర్చు. జీవితంలో ఒక్కసారి మాత్రమే వచ్చే కాబట్టి చాలామంది తమ పెళ్లి వేడుక ప్రత్యేకంగా ఉండాలనుకుంటారు. మధ్యతరగతి వారే ఇలా అనుకుంటే.. మైనింగ్ కింగ్ గా పేరు సంపాదించిన గాలి జనార్ధన్ రెడ్డి తన కుమార్తె పెళ్లి అంగరంగవైభవం గా జరిపించారు.

కర్ణాటక మాజీ మంత్రి గాలి జనార్ధన్ రెడ్డి కూతురు బ్రహ్మణి వివాహం నవంబర్ 6, 2016లో జరిగింది. ఈ వివాహానికి 500 కోట్ల రూపాయలు ఖర్చు పెట్టారు మాజీ మంత్రి. 50 వేల మందికిపైగా అతిథులు ఈ పెళ్లికి హాజరయ్యారు. 5 రోజుల రోజుల పాటు ఈ వివాహ వేడుకలు జరిగాయి. ఇన్విటేషన్ కార్డు నుంచి భారీ సెట్టింగ్స్ వరకు దేశవ్యాప్తంగా ఈ పెళ్లి వైరల్ అయ్యింది. ప్రస్తుతం పెళ్లిళ్ల సీజన్ కావడం తో ఈ పెళ్లి విషయం మరోసారి వైరల్ హైలైట్ అయ్యింది.

గాలి బ్రాహ్మణి వివాహ ఆహ్వాన పత్రిక గా డిజిటల్ ఇన్విటేషన్ కార్డుని అతిథులకు పంపారు. ఈ పెళ్లి కార్డులపై ఎల్‌సీడీ స్క్రీన్స్ ప్లే చేశారు. ఈ స్క్రీన్ ఒక బాక్స్‌లో ఉంటుంది. అందులో రెడ్డీ కుటుంబ సభ్యులు బంధువులు, అతిథులను ఆహ్వానిస్తున్న వీడియో ఉంది. పెళ్లికి వచ్చిన అతిథులను 40 లగ్జరీ బుల్లోక్ కార్ట్స్‌‌లోకి ఎక్కించి గేటు నుంచి పెళ్లి మండపానికి తీసుకెళ్లారు.

రూ.150 కోట్లతో విజయ నగర ఆలయం మాదిరిగా పెళ్లి మండపాన్ని పలువురు బాలీవుడ్ ఆర్ట్ డైరెక్టర్లు రూపొదించారు. డైనింగ్ ఏరియాను బెల్లారి గ్రామం మాదిరిగా డిజైన్ చేశారు. అతిథులను పెళ్లి మండపానికి తీసుకొచ్చేందుకు 2000 కార్లు, 15 హెలికాప్టర్లను అద్దెకు తీసుకున్నారు. వారు ఉండడటానికి బెంగళూరులో ఫైవ్ స్టార్, త్రీ స్టార్ హోటళ్లలో 1500 రూమ్స్ బుక్ చేశారు.

అలాగే అతిథులకు టువంటి ఇబ్బందులు, అసౌకర్యం కలగకుండా వుండటం కోసం 1 లక్ష మంది గ్రౌండ్ స్టాఫ్, 2500 మంది సూపర్‌వైజర్లు, 1000 మంది మేనేజర్లని నియమించారు. ఈ పెళ్ళిలో గాలి జనార్ధన్ రెడ్డి కుమార్తె బ్రాహ్మణి రూ.17 కోట్లు విలువైన కంజివరమ్ శారీ కట్టుకున్నారు. ఈ చీరలో స్వచ్ఛమైన బంగారం దారాలను వినియోగించారు.

పెళ్లి లో ఆమె ధరించిన వజ్రాభరణాల విలువ రూ.90 కోట్లు ఉంటుందని అంచనా. పెళ్లి కుమార్తె మేకప్ కోసం ముంబై నుంచి 50 మంది టాప్ మేకప్ ఆర్టిస్టులను రప్పించారు. దీని కోసం ఏకంగా రూ.30 లక్షలు ఖర్చు చేశారు. వెయ్యి వంటకాలతో మెనూ తయారు చేసారు. దీని కోసమే 100 కోట్లు ఖర్చు అయ్యాయట. మొత్తంగా ఈ వివాహానికి 500 కోట్లు ఖర్చు చేసారని తెలుస్తోంది.

కని పెంచిన అమ్మ కోసం ఏదైనా చేయొచ్చు. తన పిల్లల భవిష్యత్తు  కోసం తన జీవితాన్ని, సర్వస్వాన్ని  త్యాగం చేసి, వాళ్ల కోసమే ప్రాణం పెట్టె మాతృమూర్తి కోసం ఏదైనా చేయొచ్చు. ఇక అటువంటి తల్లి  కోసం ఒక కుమారుడు చేసిన పని ప్రస్తుతం అందరినీ ఆశ్చర్యపోయేలా చేస్తోంది. మరి ఆ తనయుడు తలలో కోసం ఏం చేశాడో ఇప్పుడు చూద్దాం..

కర్ణాటకలోని మైసూర్ ప్రాంతానికి చెందిన కృష్ణ కుమార్ సాఫ్ట్ వేర్ ఇంజనీర్ గా వర్క్ చేస్తున్నారు. అతను తన మాతృమూర్తి కోసం లక్షకు పైగా వేతనం వచ్చే సాఫ్ట్ వేర్ జాబ్ ని విడిచిపెట్టాడు. అతను అలా ఎందుకు చేశాడు అంటే ఆయన తల్లి రత్నమ్మ కలలను తీర్చడం కోసం. అయితే  కృష్ణ కుమార్ అలాంటి  నిర్ణయం తీసుకుంటాడని  ఎవరూ ఊహించలేదు. తల్లిదండ్రులు ఇద్దరు సంతోషంగా జీవనం సాగిస్తున్నారు.  వారి కలలు తీరే సమయానికి  భర్త మరణంతో రత్నమ్మ తన కల ఇక పై తీరదని అనుకున్నారు. కానీ తన తల్లి కల గురించి తెలియగానే కృష్ణ కుమార్ తల్లి  కోరికను ఎలాగైనా తీర్చాలని భావించాడు.
అనుకున్నదే తడవుగా ఇండియాలోని తీర్థయాత్రలకు మాత్రమే కాకుండా, వేరే దేశాలలోని తీర్థయాత్రలకు కూడా రత్నమ్మ తీసుకెళ్తూ ఆమె కోరికను నెరవేరుస్తున్నాడు.  ఇక అమ్మ కోరిక నెరవేర్చడం కోసం కృష్ణకుమార్ ఇంతవరకు వివాహం కూడా చేసుకోలేదు. 2018లో తల్లిని స్కూటర్ పై తీసుకొని ప్రయాణం మొదలు పెట్టిన కృష్ణ కుమార్, ఇప్పటి దాకా రత్నమ్మ కు ఎన్నో పుణ్య క్షేత్రాలను, ప్రాంతాలను కూడా చూపించాడు.
అయితే 2020లో కరోనా కారణంగా వీరి తీర్థయాత్రలకు బ్రేక్ వచ్చింది. కరోనా తగ్గడంతో 6 నెలల నుండి మళ్లీ ప్రయాణం కొనసాగిస్తున్నారు. కృష్ణకుమార్ అమ్మకి  గైడ్ గా మారి పుణ్యక్షేత్రాల దర్శనం చేయిస్తూ ఆమెను ఆనంద పెడుతున్నాడు. అలా ఇప్పటివరకు స్కూటర్ పై  దాదాపు 66 వేల కిలోమీటర్ల వరకు ప్రయాణం చేశారు. కర్ణాటక ఒడిశా, తమిళనాడు, ఏపీ, చత్తీస్ గడ్, అరుణాచల్ ప్రదేశ్, జార్ఖండ్ మాత్రమే కాకుండా  బూటాన్, నేపాల్, మయన్మార్ దేశాలలోని పుణ్య క్షేత్రాలను కూడా సందర్శించారు. తాజాగా తెలంగాణాలోని బాసర సరస్వతి పుణ్య క్షేత్రాన్ని కూడా  దర్శించుకున్నారు. ఈ సందర్భంలో కృష్ణ కుమార్ మాట్లాడుతూ తన తల్లి కలను నెరవర్చడం కోసం తీసుకున్న నిర్ణయం చాలా సంతోషాన్ని కలిగించిందని తెలిపారు. Also Read: పెళ్లి జరిగిన తర్వాత అత్తారింటికి వెళ్ళను అని కారులో నుండి దిగిపోయింది..! వరుడికి ఆ సమస్య ఉండడంతో..?

తెలంగాణలో ప్రకంపనలు సృష్టిస్తోన్న టీఎస్పీఎస్సీ పరీక్ష పేపర్ల లీకేజీ కేసులో కీలక విషయాలు వెలుగులోకి వస్తున్నాయి. ఈ కేసులో ఇప్పటికే 9 మందిని అరెస్ట్ చేసారు పోలీసులు. అయితే ఈ కేసు లో సిట్ దర్యాప్తులో కొత్త విషయాలు బయటకు వస్తున్నాయి. నిందితులను 6 రోజుల కస్టడీకి తీసుకున్న పోలీసులు వారిపై ప్రశ్నల వర్ధం కురిపిస్తున్నారు. రెండో రోజు అధికారులు నిందితులను 7 గంటల పాటు సుదీర్ఘంగా విచారించారు.

న్యూస్ 18 కథనం ప్రకారం.. ఈ కేసులో ప్రధాన నిందితులైన రేణుక, ప్రవీణ్, రాజశేఖర్ ను అధికారులు విడివిడిగా ప్రశ్నించినట్లు తెలుస్తుంది. ఈ నేపథ్యం లో పలు కొత్త విషయాలు వెలుగులోకి వచ్చినట్లు సమాచారం. నిందితుల వాట్సాప్ చాట్ లను పరిశీలించగా కొత్త లింకుల గురించి తెలిసినట్లు తెలుస్తుంది. దర్యాప్తులో భాగంగా నిన్న సీన్ రీకన్ స్ట్రక్షన్ చేసిన అధికారులు నిందితుల పరిచయాలు, బ్యాంకు లావాదేవీలకు సంబంధించి సమాచారం సేకరిస్తున్నారు.

ప్రస్తుతం వాట్సాప్ చాట్ ల ఆధారం గా నిందితులను ప్రశ్నిస్తున్నారు. ప్రవీణ్, రాజశేఖర్ కుట్రపూరితంగానే పేపర్ లీక్ చేసి.. చాలా మందికి పంపినట్లు అధికారులు గుర్తించారు. అలాగే వారిరువురి కంప్యూటర్స్ నుంచి డేటాను రిట్రీవ్ చేశారు. దీని ఆధారంగా సిట్ అధికారులు దర్యాప్తు ముమ్మరం చేశారు. అలాగే ఈ కేసు లో రాజశేఖరే ప్రధాన సూత్రధారి అని అధికారులు గుర్తించారు. అంతేకాదు అతను ఉద్దేశ్యపూర్వకంగానే TSPSC లోకి వచ్చినట్లు తెలుస్తుంది. టెక్నీకల్ ఆఫీసర్ గా ఉన్న రాజశేఖర్ డిప్యుటేషన్ పై TSPSC కి సిస్టమ్ అడ్మినిస్ట్రేటర్ గా వచ్చాడు.

ఈ క్రమంలో ప్రవీణ్ తో సంబంధాలు కొనసాగించి ఆ తర్వాత సిస్టం ని హాక్ చేసి పాస్వర్డ్ దొంగిలించినట్లు గుర్తించారు. తరువాత ఓ పెన్ డ్రైవ్ లో 5 పరీక్ష పత్రాలను రాజశేఖర్ కాపీ చేసుకొని ప్రవీణ్ కి ఇచ్చాడు. ప్రవీణ్ ఏఈ హెగ్జామ్ పేపర్ ను రేణుకకు లీక్ చేశాడు. అలాగే గ్రూప్ 1 పేపర్ కూడా లీక్ అయినట్లు సిట్ గుర్తించింది. అంతకు ముందు ప్రవీణ్ కు గ్రూప్ 1 ప్రిలిమ్స్ లో 103 మార్కులు రావడంపై కూడా అధికారులు కూపీ లాగారు. రానున్న రోజుల్లో సిట్ విచారణలో కీలక విషయాలు బయటకు వచ్చే అవకాశం ఉన్నట్లు తెలుస్తోంది.

చిన్న వయసులోనే భర్తను పోగొట్టుకుని, పిల్లలను కష్టపడి పెంచి ప్రయోజకుల్ని చేస్తోనన తల్లులను మన చుట్టుపక్కల చూస్తూనే ఉంటాం. భర్తలేని ఒంటరి మహిళలను మళ్లీ పెళ్లి చేసుకుని కొత్త జీవితాన్ని ప్రారంభించమని చెప్పేవాళ్లు చాలా అరుదు. కానీ కన్న బిడ్డలు దగ్గరుండి తమ తల్లికి పెళ్లి చేయడం ఎక్కడైనా చూశామా.. తమిళనాడులోని ఇద్దరు కుమారులు తమ తల్లిని ఒప్పించి పెళ్లి చేసిన ఘటన ప్రస్తుతం సోషల్‌ మీడియాలో వైరల్ అవుతోంది.

కల్లకురిచి జిల్లా వలయమ్పట్టు గ్రామానికి చెందిన సెల్వి అనే మహిళకు ఇద్దరు కుమారులు సంతానం. పెద్ద కొడుకకు భాస్కర్, చిన్న కొడుకు వివేక్. వీరు చిన్నతనంలోనే తండ్రిని కోల్పోయారు. పిల్లల్ని కస్టపడి ప్రయోజకుల్ని చేసారు సెల్వి. భాస్కర్ డిగ్రీ మూడో ఏడాది చదువుతున్నప్పుడు అతడి టీచర్ మీ అమ్మకు ఎందుకు రెండో పెళ్లి చేయకూడదు అని ప్రశ్నించింది. ఆ సమయంలో టీచర్‌ అన్నమాటలు భాస్కర్ జీర్ణించుకోలేకపోయాడు.

ఆ తర్వాత తన కాలేజీ చదువు ముగించుకుని, ఉద్యోగంలో చేరిపోయాడు. దాదాపు తన టీచర్‌ చెప్పిన ఆ మాటలు మర్చిపోయాడు. అయితే, భాస్కర్‌కు పుస్తకాలు చదివే అలవాటు ఉండటంతో ప్రముఖ తమిళ రచయిత పెరియార్ రాసిన పుస్తకాలు చదివేవాడు. అందులో వితంతు పునర్వివాహాలు పెరియార్ సమర్ధిస్తూ గొప్పగా రాయడంతో భాస్కర్ మదిలో టీచర్‌ తన తల్లి గురించి చెప్పిన మాటలు గుర్తుకురాసాగాయి. భర్తను కోల్పోయిన తన తల్లి కూడా ఒంటరిగా గడుపుతోందని, ఆమె మళ్లీ పెళ్లి ఎందుకు చేసుకోకూడదని ఆలోచించాడు.

ఇదే విషయాన్ని తన తమ్ముడు వివేక్‌తో చర్చించాడు. ఇద్దరు కలిసి తమ తల్లిని ఒప్పించారు. తల్లిని తొలుత వివాహం చేసుకోవాలని, ఆ తర్వాత తాము కూడా పెళ్లిళ్లు చేసుకుంటామని సెల్వితో అన్నారు. కొడుకులు మాటలు విని ఆమె నిర్ఘాంతపోయింది. వారిని తిట్టి పోసింది. కానీ పిల్లలిద్దరూ రోజూ ఇదే విషయమై ఆమెను బతిమిలాడటంతో చివరకు రెండో వివాహానికి సెల్వీ అంగీకరించింది.

సెల్వీ రెండో పెళ్లికి అంగీకరించినట్టు తెలిసిన వారి బంధువులు తీవ్ర అభ్యంతరం చెప్పారు. కానీ, కష్టాల్లో ఉన్నప్పుడు ఆదుకోనివారికి తన రెండో పెళ్లి గురించి మాట్లాడే అధికారం లేదని బంధువులకు గట్టిగా సమాధానం ఇచ్చింది. ఒంటరి మహిళలు ఎన్నో సమస్యలు ఎదుర్కొంటున్నారు అని ఆమె పేర్కొంది. తాను వివాహం చేసుకోవడం వల్ల తనలాంటి ఎందరో మహిళలకు ప్రేరణగా నిలుస్తానని సెల్వీ బలంగా నమ్మింది.

తల్లికి తగిన వ్యక్తికోసం వెతికిన ఆమె కుమారులు.. చివరకు యేలుమలై అనే ఓ రైతు కూలీని చూసి సెల్వికి వివాహం జరిపించారు. కానీ, ఆమె పునర్వివివాహానికి బంధువులు ఎవ్వరూ హాజరుకాలేదు. ఎన్నో ఇబ్బందులను ఎదుర్కొని పెరిగిన తన కుమారులు సమాజంలో జరిగే ప్రతి విషయాన్ని బాగా అర్థం చేసుకున్నారని, వారిని చూస్తే నా కెంతో గర్వంగా ఉందని సెల్వీ సంతోషం వ్యక్తం చేశారు.