News

rచెందిన కిరణ్ కు విస్మయ ని ఇచ్చి వివాహం చేయాలనీ పెద్దలే నిర్ణయించారు. 2020 లో వీరి వివాహం జరిగింది. కిరణ్ కుమార్ ఆర్డీఏ లో ఇన్స్పెక్టర్ కావడం తో మంచి సంబంధం వచ్చిందని విస్మయ తల్లితండ్రులు మురిసిపోయారు. భారీ గా కట్నకానుకలు కూడా సమర్పించారు. అయితే.. వివాహం అయినా కొద్దిరోజులకే.. కట్నం కింద తనకు ఇచ్చిన కారుకి బదులు నగదు ఇవ్వాలని, అది కాకుండా అదనపు కట్నం తీసుకురావాలని కిరణ్ విస్మయ ను వేధించే వాడు.

ఓ సారి పార్టీ సందర్భం గా విస్మయ భర్త కిరణ్ తో కలిసి పుట్టింటికి వెళ్ళింది. అతిగా మద్యం సేవించిన కిరణ్ మద్యం మత్తులో తల్లితండ్రుల ముందే విస్మయ పై చేయి చేసుకున్నాడు. దీనితో అడ్డుపడిన విస్మయ అన్న పై కూడా దాడి చేసాడు. అప్పటినుంచి విస్మయ తల్లితండ్రుల వద్దే ఉండిపోయింది. ఆ తరువాత రెండు నెలల కిందటే బిఎంఎస్ పరీక్ష రాయడం కోసం విస్మయ కాలేజీ కి వెళ్ళింది. ఆ సమయం లోనే కిరణ్ ఆమెను బలవంతం గా ఇంటికి తీసుకెళ్లాడు. అప్పటి నుంచి తిరిగి ఇంటికి పంపలేదు.

ఆమెను హింసించడమే కాకుండా.. అదనపు కట్నం కోసం వేధించే వాడు. ఇందుకు సంబంధించిన దెబ్బల తాలూకు ఫోటోలను కూడా విస్మయ తనవాళ్లతో పంచుకుంది. అయితే.. కొన్నాళ్లకే ఆమె విగత జీవిగా మారడం తో పలు అనుమానాలు వ్యక్తం అయ్యాయి. ఈ క్రమం లో నిందితుడిగా ఉన్న కిరణ్ కు శిక్ష కూడా విధించారు. అతన్ని ప్రభుత్వ ఉద్యోగం నుంచి తొలగించడమే కాకుండా.. 304 బి, 498 ఏ, 306 . 323 , 506 సెక్షన్ల కింద కేసు నమోదు చేసారు. ఈ కేసుకు సంబంధించిన తీర్పుని నేడు ఇవ్వాల్సి ఉంది.

అయితే ఈ కేసుకు సంబంధించిన విచారణలో కీలకంగా మారిన ఆడియో క్లిప్ వెలుగులోకి వచ్చింది. ఈ ఆడియో క్లిప్ లో విస్మయ చివరగా తన తండ్రితో మాట్లాడిన మాటలు ఉన్నాయి. ఇక్కడ వదిలేయద్దు నాన్నా.. భయమేస్తోంది.. అంటూ విస్మయ మాట్లాడుతున్న మాటలు వింటే ఎవరికైనా ఒళ్ళు జలదరిస్తుంది. ఈ దుర్ఘటనకు కారణమైన కిరణ్ ను కోర్టు తప్పకుండ శిక్షిస్తుందని విస్మయ కుటుంబ సభ్యులు, సన్నిహితులు భావిస్తున్నారు.

ఇటీవల పెళ్లిళ్లలో వింత వింత ఘటనలు చోటు చేసుకుంటున్నాయి. నిండు నూరేళ్లు పిల్లా పాపలతో కళకళలాడాల్సిన కొత్త జంటలు అటు ఆహ్వానితులకు.. ఇటు ప్రజలకు చూడలేని షాకులు ఇస్తున్నారు. కొందరు పెళ్లి పీటల మీదే విడిపోతుంటే.. మరికొందరేమో మరొకరిని పెళ్లి చేసేసుకుని తాము చేసుకోబోయే వారికే షాకులు ఇస్తున్నారు.

తాజాగా.. ఇటువంటి మరో షాకింగ్ ఘటన చోటు చేసుకుంది. ఇందుకు సంబంధించిన ఫోటోలు సోషల్ మీడియాలో తెగ వైరల్ అవుతున్నాయి. ఇంతకీ ఆ ఘటన ఏంటో ఓ లుక్ వేయండి.

కొత్తగా పెళ్లి చేసుకుని అట్టరనిటికి తన భర్తతో పాటు కలిసి వచ్చిన ఓ నవ వధువు చేసిన పని అక్కడ ఉన్న వారందరికీ షాక్ కు గురి అయ్యేలా చేసింది. ఇంట్లోకి అడుగు పెట్టకుండానే గుమ్మం వద్దే ఆమె అందరికీ షాకిచ్చింది. ఆమె చేసిన పని వలన చుట్టూ ఉండే ఇరుగు పొరుగు వారు కూడా ఇబ్బందులు పడాల్సి వచ్చింది. ఇందుకు సంబంధించిన ఫోటోలు సోషల్ మీడియాలో వైరల్ అవుతుండడంతో.. ఆమె గురించి నెటిజన్స్ రకరకాలుగా కామెంట్స్ చేస్తున్నారు.

ఆగ్రాకు చెందిన ఈ యువతీ యువకులు ఒకరినొకరు ఇష్టపడ్డారు. వీరికి వివాహం చేయడానికి ఇరు వర్గాల పెద్దలు అంగీకరించి ముహూర్తం నిర్ణయించారు. పెళ్లి అయ్యాక నూతన వధువురులను అత్తారింటికి తీసుకొచ్చారు. వారికి సంప్రదాయబద్ధంగా మంగళ హారతిని ఇచ్చారు. ఆమెను భర్తతో కలిసి లోపలకి రావాల్సిందిగా ఆహ్వానించారు. అయితే ఆమె లోపలకి రాకుండా భర్త సాయంతో తుపాకీ తీసుకుని గాల్లోకి కాల్పులు జరిపింది. దీనితో అక్కడ ఉన్న వారు షాక్ అయ్యారు. ఇందుకు సంబంధించిన ఫోటో నెట్టింట్లో వైరల్ అవ్వడంతో నెటిజన్స్ ఓ రేంజ్ లో కామెంట్స్ చేస్తున్నారు. భర్తతో కలిసి ఇంట్లోకి వెళ్లకుండా ఇవేమి పనులంటూ తిట్టిపోస్తున్నారు.

రోడ్డుపై అడుగు పెట్టమంటే అప్రమత్తంగా ఉండక తప్పని పరిస్థితులు నెలకొన్నాయి. ప్రస్తుతం ఉన్న గడ్డు రోజులలో ఎవరు ఎలాంటి వారో చెప్పడం కష్టతరమైపోతోంది. ఇటీవల సికింద్రాబాద్ రైల్వే స్టేషన్ వద్ద ఓ దొంగతనం చోటు చేసుకుంది. చాలా తెలివిగా ఓ మహిళ ఈ దొంగతనం చేసింది.

ఓ మహిళ 53.01 తులాల బంగారు ఆభరణాలను తన బ్యాగ్ లో పెట్టుకుని సికింద్రాబాద్ రైల్వే స్టేషన్ వద్దకు ట్రైన్ ఎక్కడానికి వచ్చింది. ఆమెను అనుసరిస్తూ వచ్చిన మరో మహిళ ఆమె వద్ద నుంచి గుట్టు చప్పుడు కాకుండా నగలు దొంగతనం చేసింది.

అయితే దొంగతనం చేసిన మహిళను గుర్తించడానికి పోలీసులు ఏకంగా మూడొందల సిసి టివి కెమెరా ఫుటేజీలను పరిశీలించారు. నగరానికి చెందిన ఓ మహిళ 53.1 తులాల బంగారు ఆభరణాలను తీసుకుని తన కుమార్తె ఇంట జరిగే శుభకార్యానికి వెళ్ళడానికి ఈ నెల పదిహేడవ తేదీన బయలుదేరింది. అయితే.. అదే సమయంలో గేటు నెం. 4 నుంచి ప్లాట్‌ఫాం వైపు వెళ్తున్న టైం లో కూకట్‌పల్లి ఆల్విన్‌ కాలనీ తులసీనగర్‌కు చెందిన ఆరూరి ప్రియ (40) అనే మహిళ ఆమెని అనుసరించింది. ఆమెను అనుసరిస్తూ సికింద్రాబాద్ రైల్వే స్టేషన్ కు చేరుకుంది. అక్కడ ఆమె వెనకే లిఫ్ట్ లో ఎక్కింది. చీర కొంగుని అడ్డుపెట్టి బ్యాగ్ లో ఉన్న బంగారు ఆభరణాలను తీసేసుకుని సైలెంట్ గా బయటకు వెళ్ళిపోయింది.

అయితే.. కొంత సేపటికి బ్యాగ్ జిప్ తెరచి ఉండడం గమనించిన మహిళ అందులో నగలు లేకపోవడాన్ని గమనించింది. దీనితో ఆమె వెంటనే రైల్వే పోలీసులను సంప్రదించింది. దీనితో పోలీసులు అప్రమత్తమై సిసి టివి ఫుటేజీలను చెక్ చేసారు. దాదాపు 300 ల కెమెరాలు పరిశీలించిన తరువాత సదరు మహిళ దొంగతనం చేసిన దృశ్యాలు.. ఆమె కూకట్ పల్లి ఆల్విన్ కాలనీలో ఉంటోందని గుర్తించారు. ఆమెపై నిఘా పెట్టిన పోలీసులు 18 వ తేదీన ఆమె సికింద్రాబాద్‌ స్టేషన్‌ 4వ గేటు వద్ద ఉన్నట్లు గుర్తించి ఆమెని అదుపులోకి తీసుకున్నారు. ఆమె వద్ద ఆభరణాలను స్వాధీనం చేసుకుని.. అరెస్ట్ చేసి రిమాండ్ కు తరలించారు.

వైజాగ్ లో కొత్త పెళ్లి కూతురు సృజన పెళ్లి పీటల మీదే కుప్ప కూలిన ఘటన రెండు తెలుగు రాష్ట్రాల్లోనూ కలకలం రేపిన సంగతి తెలిసిందే. అయితే ఆమె మృతిని అనుమానాస్పదంగా గుర్తించారు. అయితే ఆమె ఎలా మరణించిందన్న విషయం మాత్రం మిస్టరీగా మిగిలిపోయింది. మొత్తానికి ఈ కేసు మిస్టరీని పోలీసులు ఎట్టకేలకు ఛేదించారు.

ప్రేమ వ్యవహారమే సృజన మృతికి కారణమని తేల్చారు. పీఎం పాలెం పోలీసులు ఈ కేసుని ఎట్టకేలకు ఛేదించారు. పోలీసులు తెలిపిన వివరాల ప్రకారం.. పెళ్లి ఆపాలనే ప్రయత్నంలోనే సృజన తన ప్రాణాలను కోల్పోయిందని వివరించారు.

సృజన మృతికి మూడు రోజుల ముందు ఏమి జరిగింది అనే విషయాలను పోలీసులు వివరించారు. కొత్త పెళ్లి కూతురు సృజన.. మోహన్ అనే మరో యువకుడిని ప్రేమించింది. సృజన ఇంటర్మీడియట్ చదువుతున్న సమయం నుంచే వీరిద్దరూ ఒకరినొకరు ప్రేమించుకుంటూ ఉన్నారు. మోహన్ పరవాడ మండలం దేశపాత్రునిపాలెం గ్రామానికి చెందిన వ్యక్తి. పెళ్ళికి మూడు రోజుల ముందు సృజన మోహన్ తో ఇన్స్టా గ్రామ్ లో చాట్ చేసింది.

ఈ పెళ్లి వద్దని.. ఎక్కడికైనా వెళ్ళిపోయి పెళ్లి చేసుకుందామని సృజన మోహన్ ని కోరింది. అయితే.. తనకు సరైన ఉద్యోగం లేదని.. పెళ్ళికి కనీసం రెండేళ్ల సమయం అయినా కావాలని మోహన్ పేర్కొన్నాడు. దీనితో పెళ్లి ఆపడానికి ట్రై చేస్తానని సృజన మోహన్ తో చాట్ లో పేర్కొంది. అయితే.. పెళ్లి ఆపడం కోసమే సృజన విషం తీసుకుంది. అయితే డోస్ ఎక్కువ అయిపోవడంతో ఆమె పరిస్థితి ఇబ్బందికరంగా మారింది. ఆసుపత్రిలో చికిత్స తీసుకుంటూనే మృతి చెందింది. మోహన్ తో చాట్ చేసిన తరువాత ఆమె తన డేటా మొత్తాన్ని డిలీట్ చేసింది. అయితే డయల్ రికార్డులను రికవర్ చేయడానికి పోలీసులు ప్రయత్నిస్తున్నారు.

చరిత్రలో జరిగిన అన్ని యుద్ధాల వెనక చాలా పెద్ద ప్రణాళికలే ఉంటాయి. అదే విధంగా బంగ్లాదేశ్ యుద్దానికి కూడా ఒక ప్రత్యేకత ఉంది. దాని గురించి ఇప్పుడు చూద్దాం. ఈ యుద్ధంలో భారతదేశం చాలా ముందుగానే ఆలోచించి ప్రణాళికను తయారు చేసి చైనా, అమెరికా మరియు పాకిస్తాన్, ఈ మూడు దేశాలను ఆశ్చర్య పరిచేలా చేసింది. నిజానికి ఆ సమయంలో ఆ దేశాల వారికి ఏం చేయాలో కూడా తెలియని పరిస్థితి ఏర్పడింది. దాని వల్లనే ఆ సందర్భంలో పాకిస్థాన్ రెండు భాగాలుగా ఏర్పడింది.

ఇదంతా జరగడానికి మన భారతదేశ సైన్యం సుమారు ఒక సంవత్సరం కష్టపడి ప్రణాళికను రూపొందించడం విశేషం మరియు ముఖ్యంగా దాన్ని అనుసరించిగలిగారు. దాంతోనే ఇప్పుడు బంగ్లాదేశ్ దేశం ఉందని చెప్పాలి. బంగ్లాదేశ్ ఏర్పడి 50 ఏళ్ళు పూర్తయ్యాయి. అయితే బంగ్లాదేశ్ యుద్ధం లో చివరి రోజు డిసెంబర్ 16. ఆ రోజున ఎన్నో గుర్తుండిపోయే సంఘటనలు ఏర్పడ్డాయి. ముఖ్యంగా పాకిస్తాన్ దేశానికి సంబంధించిన సైనికులను మరియు అధికారులను భారతదేశపు సైన్యం మానసికంగా వాళ్లని దెబ్బతీశారు. అదంతా ఒక మైండ్ గేమ్ ద్వారానే సాధ్యం అయిందని చెప్పాలి.

అసలు ఈ యుద్ధం మొదలు పెట్టింది పాకిస్తాన్ దేశం వాళ్లే. డిసెంబర్ మూడవ తేదీన ఆపరేషన్ ఛెంఘిజ్ఖాన్ అని ప్రారంభించారు. కానీ వారి ఆపరేషన్ ఫెయిల్ అయింది, భారతదేశ సైన్యం ఆపరేషన్ ట్రైడెంట్ తో దాన్ని ఆపగలిగారు. అయితే రష్యా లో ఉన్న ట్రీటీ ఆఫ్ ఫ్రెండ్షిప్ అండ్ కోపరేషన్ ఒప్పందాన్ని ఆ సమయంలో అమెరికా మరియు బ్రిటన్ వారు వాడుకున్నారు. దాంతో వీరి నావికాదళాలు యుద్ధంలోకి చొరబడకుండా చేసుకోగలిగారు. దీని తర్వాతనే తంగైల్ పారాడ్రాప్ మొదలైంది.

పాకిస్తాన్ సైన్యం డిసెంబర్ 11 న, సాయంత్రం కాగానే భారత్ లోకి 50 విమానాలు తో దండెత్తి బంగ్లాదేశ్ మధ్యలో ఉన్న ప్రాంతం వైపు వెళ్ళాయి. దాంతో భారత సైన్యం కొన్ని రకాల ఆయుధాలు మరియు ఇతర సాధన సంపత్తితో ఆ ప్రదేశానికి చేరుకున్నాయి, రెండు బెటాలియన్ల కమాండోలు కూడా పాల్గొన్నారు. ఈ భారతదేశ సంబంధించిన కమాండోలు జమునా నది పైన వంతెనను స్వాధీనం చేసుకున్నారు. అయితే అక్కడి స్థానికులు కూడా భారతదేశ సైన్యానికి తోడుగా నిలిచారు.

ఈ విథంగా పాకిస్తాన్ సైన్యం డాకా వైపు వెళ్లేందుకు మార్గం లేకుండా చేశారు. ఇదే యుద్ధం ఒక రోజు పాటు కొనసాగి 350 మంది పాకిస్తాన్ సైనికులు చనిపోవడం జరిగింది. అయితే ఇదే పోరు కొనసాగిన తర్వాత భారత సైన్యం డిసెంబర్ 16 వ తేదీన డాకాకు చేరుకున్నారు, డాకా ప్రాంతం నుండి పాకిస్థాన్ కు చెందిన లెఫ్టినెంట్ జనరల్ ఏఏకె నియాజీను లొంగిపొమ్మని కోరారు. పైగా ఉదయం తొమ్మిది గంటల వరకు సమయం ఇవ్వడం జరిగింది. అయితే పాకిస్థాన్ సైన్యం నుండి ఎటువంటి జవాబు రాలేదు.

దాంతో భారత సైన్యానికి సంబంధించిన మేజర్ జనరల్ గాంధర్వ నాగ్ర ఈ సందేశాన్ని పంపించారు, డియర్ అబ్దుల్లా నువ్వు లొంగిపో నేను డాకా లోనే ఉన్నాను నిన్ను కూడా సురక్షితంగా చూసుకుంటాను. ఈ సందేశాన్ని తీసుకువెళ్ళిన అధికారులు నియాజీ లొంగిపోవడంతో అతన్ని తీసుకొని వచ్చారు. దాంతో కాల్పుల విరమణ సమయాన్ని సాయంత్రం 5 గంటల వరకు పొడగించడం జరిగింది. ఆ సమయంలో పాకిస్తాన్ మేజర్ మానసికంగా ఎంతో కుంగిపోవడం జరిగింది. పైగా భారత జనరల్ ను చూసిన వెంటనే కన్నీళ్లు ఆగలేదు, మీ ద్రోహులు మమ్మల్ని చంపేశారు అని నియాజీ చెప్పారు.

అయితే ఒక లొంగుబాటు పత్రాన్ని నిపుణులతో ఆరోజు మధ్యాహ్నమే రాయించి భారత మేజర్ జనరల్ జకాబ్ డాక చేరుకున్నారు. నేరుగా డాక లో ఏఏకే నియాజి ఉన్న సైనిక ప్రధాన కార్యాలయానికి వెళ్లారు. లొంగుబాటు పత్రంలోని వివరాలను ఆయన చదివారు. అక్కడ నియాజీ తో పాటు ఫర్ మాన్ అలీ అనే సైనిక అధికారి కూడా ఉన్నారు. అయితే చివరి ప్రయత్నం చేద్దామని జకానీ కాస్త తెలివిగా అనుసరించబోయారు. లొంగి పోతున్నాం అని ఎవరన్నారు..? కాల్పుల విరమణ దళాల ఉపసంహరణపై చర్చిద్దామని రమ్మని చెప్పాను అని తెలివిగా మాట్లాడాడు.

నియాజీ మానసిక పరిస్థితిని అర్థం చేసుకున్న జాకబ్ అతనికి నచ్చజెప్పడానికి చూశాడు. అయితే ఫలితం ఏమాత్రమూ లేకపోయింది. అయితే మీరు కనుక లొంగిపోతే జెనీవా ఒప్పందం ప్రకారం గౌరవంగా చూసుకుంటాము. ఒకవేళ కనుక అంగీకరించకపోతే ఆ తర్వాత పరిణామాలకు బాధ్యత మాది కాదు అరగంట సమయం ఇస్తున్నాను అని చెప్పాడు. ఒకవేళ కనుక తిరస్కరిస్తే యుద్ధం కొనసాగుతుంది అని చెప్పారు. అలానే బాంబింగ్ మొదలవుతుందని అన్నారు. సమాధానం కోసం చూడకుండా వెంటనే గదిలో నుంచి బయటకు వచ్చేశారు. అయితే జకాబ్ లోపల ఎంత ఆందోళన చెందుతున్న బయటకు మాత్రం చాలా ఆత్మవిశ్వాసంతో కనపడ్డారు.

అరగంట తర్వాత లొంగిపోతున్నా అని రెండుసార్లు ప్రశ్నించడం జరిగింది కానీ నియాజీ మౌనంగా ఉన్నారు. మూడో సారి అడిగిన తర్వాత మీ మౌనం అంగీకారంగా భావిస్తున్నాను అని చెప్పారు. అలానే పత్రంపై సంతకాలు చేయడానికి రేస్ కోర్స్ లో ఏర్పాటు మొదలు అవుతున్నాయని అన్నారు. అలానే అయితే ఖడ్గాన్ని అందరి ముందు అప్పగించాలని కూడా సూచించారు. కానీ ఖడ్గం లేదు అని రివాల్వర్ ని ఇవ్వడానికి సిద్ధం అయ్యారు. అందరి ఎదుటకి వెళ్లి లొంగుబాటు పత్రంపై సంతకాలు చేయమనడం మాత్రం పాక్ జనరల్ ని ఇబ్బంది పెట్టింది. అలాగే భారతీయ ఈస్టర్న్ కమాండ్ జీఓసి ఆరోడాకి గౌరవవందనం ఇవ్వాలని పాక్ సైనిక జనరల్ కు షరతు విధించారు. కానీ దానికి ఒప్పుకోలేదు.

అక్కడ పరిస్థితి అర్థం చేసుకున్న భారత ఆర్మీ చీఫ్ జనరల్ శామ్ మానిక్ షా కి ఈస్టర్న్ కమాండ్ జీవోసి ఇన్ సి ఉదయం కాల్ చేసి పత్రాల లొంగుబాటు కార్యక్రమాన్ని చూసుకోవాలని చెప్పారు. దీనికి ఆరోడ సతీమణి కూడా వచ్చారు. సాయంత్రం నాలుగున్నర సమయంలో లెఫ్టినెంట్ జనరల్ సతీ సమేతంగా వెళ్లారు. లొంగుబాటు పత్రంపై 4:55 నిమిషాలకు నియాజి సంతకాలు చేశారు. నిజానికి 04:31 కి సంతకాలు చేయాల్సి ఉంది.

అయితే మొదటి సారి చేసినా సంతకాలు పత్రంలో లోపం ఉంది అందుకనే రెండోసారి కూడా సంతకాలు చేశారు. టైమ్స్ లండన్ లో ప్రచురించిన తంగల్ ఎయిర్ డ్రాప్ చిత్రం మనోభావాల్ని దెబ్బతీస్తుందని. ఆ తర్వాత స్వయంగా దీనిని ఏఏకే నియాజీ అంగీకరించారు. బ్రిగేడ్ మొత్తం డాక లో దిగినట్లు వుంది అని అన్నారు. అయితే భారత్ ఒక బెటాలియన్ లో దాదాపు 700 నుంచి 1000 లోపు సైనికులు మాత్రమే కలిగి ఉంటుంది. మిగిలిన చోట్ల కేవలం పారాచూట్ లను మాత్రమే వదిలారు. అయితే వాస్తవానికి ఆగ్రాలో భారత సైనికులు చేసిన విన్యాసాలు ఫోటోలని మీడియాకు చూపడంతో అది పాక్ మానసిక స్తైర్యాన్ని కోల్పోయేలా చేసింది.

ఇటీవలి కాలంలో ప్రేమ వివాహాలు ఎక్కువగా జరుగుతున్న సంగతి తెలిసిందే. రోజులు మారుతున్నా ప్రేమ వివాహాలపై ఉన్న అభ్యంతరాలు మాత్రం తొలగడంలేదు. ఈ క్రమంలో పరువు హత్యలు కూడా ఎక్కువగా జరిగిపోతున్నాయి. తాజాగా హైదరాబాద్ లో ఓ దారుణం చోటు చేసుకుంది. కులాంతర వివాహం చేసుకున్నాడన్న కారణంగా ఓ యువకుడిని నడిరోడ్డుపైనే నరికి చంపారు.

పోలీసులు తెలిపిన వివరాల ప్రకారం.. మార్వాడీ మాలి క్షత్రియ వర్గానికి చెందిన నీరజ్ కుమార్ రాజస్థానీ మూలాలు ఉన్న వ్యక్తి. అతను  గౌలి యాదవ కులానికి చెందిన సంజనను ప్రేమించి ఏడాదిన్నర క్రితం వివాహం చేసుకున్నారు. వీరికి నెలల వయసు ఉన్న బాబు కూడా ఉన్నాడు.

అయితే.. కులాంతర వివాహం చేసుకోవడంపై సంజన కుటుంబ సభ్యులు అభ్యంతరం లేవనెత్తారు. నీరజ్ కుమార్ పై కోపం పెంచుకుని అతన్ని హత్య చేయడానికి కూడా వెనుకాడలేదు. స్థానికంగా వ్యాపారం చేసుకుంటున్న నీరజ్.. సంజనను పెళ్లి చేసుకున్నప్పుడే తనకు ప్రాణహాని ఉందని  అఫ్జల్‌గంజ్ పోలీసులకు ఫిర్యాదు చేసాడు. గత శుక్రవారం రాత్రి ఏడున్నర గంటల ప్రాంతంలో ఈ దారుణ హత్య చోటు చేసుకుంది.

నీరజ్ రోడ్డు దాటుతున్న సమయంలో.. నడి రోడ్డుపైనే అందరు చూస్తూ ఉండగానే.. దుండగులు నీరజ్ తలపై  గ్రానైట్ రాయితో మోదారు. ఆ తరువాత కొబ్బరి బొండాల కత్తితో దాదాపు ఇరవై సార్లు పొడిచారు. అతనిని హత్య చేయడం కోసం చాలా కాలంగానే ప్రణాళిక రచించినట్లు తెలుస్తోంది. అతని రాకపోకలను గమనిస్తూ గత శుక్రవారం నడిరోడ్డుపైనే అతనిని దారుణంగా హత్య చేసారు. ఈ హత్య బేగంబజార్ లో చోటు చేసుకుంది. అక్కడ స్థానికులు నివ్వెరపోయారు. అర్ధరాత్రి హెచ్చు సంఖ్యలో రోడ్లపైకి వచ్చి ఆందోళన చేపట్టారు. శనివారం బంద్ పాటించారు. ఈ ఘటనలో ఇప్పటివరకు పది మందిని పోలీసులు అదుపులోకి తీసుకున్నారు.