Off Beat

మీరెప్పుడైనా గమనించారా..? వాటర్ ట్యాంకర్, ఆయిల్, పెట్రోల్ లేదా డీజిల్ వంటి ద్రవ పదార్ధాలను మోసుకొచ్చే లారీలు వెనక రౌండ్ షేప్ లో ఉన్న టాంకర్ ని కలిగి ఉంటాయి. ఎప్పుడైనా సరే ఇలాంటి వాటిని మోసుకురావాలంటే లారీలలో సెపరేట్ కంటైనర్లను ఉంచి తీసుకురారు. కచ్చితంగా సిలిండ్రికల్ షేప్ లో ఉన్న ట్యాంకర్లనే ఉపయోగిస్తారు. అయితే.. వీటినే ఎందుకు ఉపయోగిస్తారో ఇప్పుడు తెలుసుకుందాం..

నీరు, ఆయిల్, గ్యాస్ వంటివాటిని ఒక ప్రదేశం నుంచి మరొక ప్రదేశానికి రవాణా చేయడానికి ఇలాంటి రౌండ్ షేప్ లో ఉన్న ట్యాంకర్లను ప్రత్యేకంగా డిజైన్ చేస్తారు. రవాణా చేయవలసిన ద్రవ రకాన్ని బట్టి ట్యాంక్ ట్రక్కుల యొక్క అనేక రకాలు ఉన్నాయి. ట్యాంక్ ట్రక్కులు పెద్దవిగా లేదా చిన్నవిగా, ఒత్తిడికి గురైనవి లేదా ఒత్తిడి లేనివి, ఇన్సులేట్ చేయబడినవి లేదా ఇన్సులేట్ చేయబడనివి ఇలా రకరకాలుగా ఉంటాయి.

రౌండ్ గా ఉండే ట్యాంకర్లపై ఒత్తిడి తక్కువ గా ఉంటుంది. అదే చదరంగం షేప్ లో కానీ, దీర్ఘ చతురస్రాకారంలో కానీ ఉండే ట్యాంకర్లలో వీక్ పాయింట్స్ ఎక్కువ ఉండే అవకాశం ఉంది. ముఖ్యంగా కార్నర్స్ వద్ద ఎక్కువ ఒత్తిడి పడే అవకాశం ఉంటుంది. దీనివల్ల రవాణా వేగంగా జరగకుండా ఇబ్బంది కలుగుతుంది. విమానాలలో కూడా కిటికీలు బస్సు, ట్రైన్ లలో లాగా దీర్ఘ చతురస్రాకారంలో కాకుండా.. రౌండ్ షేప్ లో ఉండడానికి ఇదే కారణం. ద్రవ పదార్ధాలు బరువు ఎక్కువగా ఉంటాయి. దీనివల్ల ఆ బరువుని, ఒత్తిడిని తట్టుకుని లారీని నడపాల్సి ఉంటుంది. అందుకే ట్యాంకర్లను రౌండ్ షేప్ లోనే డిజైన్ చేస్తూ ఉంటారు.

మండే వాయువులు, ద్రవ పదార్ధాలు వంటివాటిని తీసుకెళ్లే వాహనం ఎక్కువ సేపు స్థిరత్వాన్ని కోల్పోకుండా ఉండాలి. అలా ఉండాలంటే.. గురుత్వాకర్షణ కేంద్రం భూమికి దగ్గరగా ఉండేవిధంగా చూసుకోవాలి. దీర్ఘచతురస్రాకారంలో ఉండే కంటైనర్లకంటే రౌండ్ షేప్ లో ఉండే కంటైనర్లు భూమికి ఎక్కువ దగ్గరగా ఉంటాయి. అందుకే ద్రవపదార్ధాల రవాణా కోసం రౌండ్ షేప్ లో ఉండే కంటైనర్లనే డిజైన్ చేస్తారు.

పబ్లిక్ ప్రదేశాలలో, ప్రయాణ సాధనలలో మద్యం, పొగ త్రాగడం అనేవి నిషేధం. మన దేశం లో అన్ని చోట్ల ఈ నిషేధాన్ని కఠినంగా అమలుపరుస్తారు. ఎవరైనా ఈ నిషేధాన్ని ఉల్లంఘిస్తే వారిపై తక్షణమే చర్యలు తీసుకుంటారు. విమానంలో కూడా ఫైర్ ని కలిగించే సాధనాలను అనుమతించరు. విమానాలలో కూడా పొగ త్రాగడం పై నిషేధం ఉంది. మరి రెస్ట్ రూమ్స్, లావెటరీ వంటి చోట్ల యాష్ ట్రే లను ఎందుకు ఉంచుతారు..?

ఈ విషయాన్నీ ఈ ఆర్టికల్ లో తెలుసుకుందాం. మీరు విమానంలో ప్రయాణం చేసేటప్పుడు ఎప్పుడైనా వాష్ రూమ్ ని గమనించారా? అందులో ఓ చోట యాష్ ట్రే ని కూడా ఏర్పాటు చేసి ఉంచుతారు. నిజానికి విమాన ప్రయాణాల్లో పొగ త్రాగడం నిషేధం. కానీ చట్ట బద్ధమైన రూల్స్ వల్ల విమానాల్లో కూడా యాష్ ట్రే లను ఏర్పాటు చేస్తారు. ఈ రూల్స్ ఎందుకు పెడతారు అంటే.. కొంతమంది నిరంతరం హెచ్చరికలు చేస్తున్నా కూడా ధూమపానం చేయడాన్ని వదిలిపెట్టరు.

అందుకే ఏ విమాన సంస్థ అయినా తమ విమానాలను యాష్ ట్రే లేకుండా నడపదు. అమెరికా లో విమానం లో పొగ త్రాగడానికి అనుమతి ఉన్నా లేకపోయినా.. రెస్ట్ రూమ్స్ లో డోర్ కు వెనుక భాగంలో మాత్రం విధిగా యాష్ ట్రే ను ఉంచాలి అన్న నియమం ఉంది. అలాగే.. 72 గంటల్లోపు ఈ యాష్ ట్రే ను ఖాళీ చేసి..క్లీన్ చేసి ఉంచాలి. ఇక.. ఈ యాష్ ట్రే ఉండాలి అన్న చట్టపరమైన నియమం ఎందుకు ఉందొ ఇప్పుడు చూద్దాం.

చాలా మంది ప్రయాణికులు నియమాలకు వ్యతిరేకంగా స్మోకింగ్ చేస్తూ ఉంటారు. ఆ సమయాల్లో సేఫ్టీ కూడా ముఖ్యమే కాబట్టి విమాన సంస్థలు తప్పనిసరిగా రెస్ట్ రూమ్ డోర్ కి సమీపంలో యాష్ ట్రే లను ఏర్పాటు చేస్తూ ఉంటాయి. కేవలం ధూమానం వల్ల వచ్చే బూడిదని మాత్రమే కాదు.. ఇతర ఫైర్ సంబంధిత వ్యర్ధాలను కూడా ఇందులో పడవేస్తుంటారు. గతంలో కొన్ని సంఘటనలు కొన్ని అనుభవాలని నేర్పాయి. కొందరు తమ సిగరెట్లను డిస్పోజ్ చేయడానికి లావెటరీ పేపర్ ను ఉపయోగించారు. దీనివల్ల మంటలు చెలరేగే ప్రమాదం ఉంది. అందుకే విమాన సంస్థలు విధిగా యాష్ ట్రే ను ఏర్పాటు చేస్తాయి.

మనం ఇంట్లో అల్యూమినియం ఫాయిల్ ని తరచుగా వాడుతూనే ఉంటాము. ఇంట్లో ఉన్న మిగిలిన పదార్ధాలను కవర్ చేయడానికి, ఒవేన్ లో పెట్టేముందు ఆహారపదార్ధాలను కవర్ చేయడానికి అల్యూమినియం ఫాయిల్ ని ఉపయోగిస్తూ ఉంటాము. మీరెప్పుడైనా గమనించారా..? అల్యూమినియం ఫాయిల్ కి ఒక వైపు మెరుస్తూ ఉంటె.. మరొక వైపు డల్ గా ఉంటుంది. ఇలా ఎందుకు ఉంటుందో ఇప్పుడు తెలుసుకుందాం.

అల్యూమినియం ఫాయిల్ ను కేవలం వంటగదిలోని కాదు.. ఎలక్ట్రానిక్ తయారీ వంటి ఇతర పరిశ్రమల్లో కూడా దీన్ని విరివిగా ఉపయోగిస్తారు. అల్యూమినియం ఫాయిల్ రాకముందు.. ప్రజలు టిన్ రేకుని ఉపయోగించేవారు. ఆహారపదార్ధాలను కప్పి ఉంచడం కోసం వాడే ఈ టిన్ రేకు వల్ల ఉపయోగం కంటే ఇబ్బందులే ఎక్కువ ఉండేవి. ఈ రేకు కప్పినా ఆహరం పాడయ్యేది. అంతే కాదు.. రుచిలో కూడా మార్పు కనిపించేది. దీనికి ప్రత్యామ్నాయం కోసం వెతుకుతున్న టైంలో అల్యూమినియం ఫాయిల్ ను కనిపెట్టారు.

టిన్ రేకు కంటే అల్యూమినియం ఫాయిల్ తక్కువ ఖరీదుకే వస్తుంది. దానితో క్రమంగా అల్యూమినియం ఫాయిల్ కు ఆదరణ పెరిగింది. దీనితో ఎక్కువ మొత్తం అల్యూమినియం ఫాయిల్స్ ను తయారు చేయడం ప్రారంభించారు. ఈ ప్రక్రియలో కరిగిన అల్యూమినియం నుండి వేయబడిన అల్యూమినియం స్లాబ్‌లను రోలింగ్ మిల్లులో వేయడం ద్వారా ఎంత మందం లో కావాలో అంత మందంలో ఈ ఫాయిల్స్ ను పొందవచ్చు.

ఈ ప్రక్రియను మిల్లింగ్ అని పిలుస్తారు. ఈ ప్రక్రియ వల్లనే ఫాయిల్ యొక్క రెండు వైపులు భిన్నంగా ఉంటాయి. పలుచని ఫాయిల్ ను తయారు చేయడం కోసం రేకుని సాగదీస్తారు. ఇందుకోసం ఎక్కువ మొత్తం లో ఉష్ణానికి గురి చేస్తారు. ఈ క్రమంలో రేకు విచ్ఛిన్నం అవ్వకుండా ఉండడానికి రెండు పొరలను కలిపి, గట్టిగా నొక్కి పట్టి ఉంచుతారు. రెండు పొరలను ఒకేసారి మిల్లింగ్ చేస్తారు. ఈ క్రమంలో ఒక వైపు డైరెక్ట్ గా మిల్లింగ్ చేయబడుతుంది. మరొక వైపు రెండో పొరకు అతుక్కుని ఉంటుంది. ఇలా రెండో పొరకు అతుక్కుని ఉన్న వైపు డల్ గాను, డైరెక్ట్ గా మిల్లింగ్ చేయబడిన వైపు షైనింగ్ గాను ఉంటుంది.

మామూలుగా తండ్రి,కూతుళ్ళకి ఒక ప్రత్యేకమైన అనుబంధం ఉంది అంటారు. ఒక కూతురికి తన తండ్రి మొదటి హీరో అని చెప్తూ ఉంటారు. అయితే, అలా ఒక కూతురు తన తండ్రి గురించి గొప్పగా చెబుదామని చేసిన ఒక పని, ఆయనను జైలుకు వెళ్లేలా చేసింది. వివరాల్లోకి వెళితే, 2012 లో కెనడాలో నీవా అనే ఒక నాలుగేళ్ల అమ్మాయి ఒక పెయింటింగ్ వేసింది. ఆ పెయింటింగ్ ని తీసుకొని నీవా స్కూల్ కి వెళ్ళింది. ఆ పెయింటింగ్ తన టీచర్ కి చూపించింది. “టీచర్ ఈ పెయింటింగ్ నేనే వేశాను” అని నీవా చెప్పింది.

ఆ పెయింటింగ్ లో ఒక వ్యక్తి ఒక గన్ పట్టుకొని ఉన్నాడు. ఆ టీచర్ పెయింటింగ్ చూసి, “ఈ ఫోటోలో గన్ పట్టుకొని ఉన్న వ్యక్తి ఎవరు?” అని నీవాని అడిగింది. అందుకు నీవా, “ఆయన మా నాన్న. చెడ్డ వాళ్లని చంపుతారు” అని చెప్పింది. దాంతో ఆ స్కూల్ వాళ్ళు నీవా వాళ్ళ తండ్రి మీద కంప్లైంట్ చేశారు. పోలీసులు వచ్చి ఆయనను అరెస్టు చేశారు. బాగా కఠినంగా ఇంటరాగేషన్ చేశారు. ఏమైనా ఆయుధాలు కానీ, లేదా డెడ్ బాడీస్ కానీ ఉన్నాయేమో అని ఇల్లంతా వెతికారు. కానీ అవేమీ దొరకలేదు.

తర్వాత తెలిసిన విషయం ఏంటంటే ఆ పాప సరదాగా అబద్ధం చెప్పింది. పైన కనిపించే ఫోటోలోని బొమ్మ గన్ ఆధారంగానే నీవా ఆ బొమ్మ గీసింది. ఆ సమయంలో నీవా తల్లి 15 నెలల బిడ్డ జాగ్రత్తగా చూసుకుంటూ ఉన్నారు. కానీ ఈ సంఘటన జరగడంతో ఆవిడ బిడ్డని వేరే వారికి అప్పగించి పోలీస్ స్టేషన్ కి వెళ్లాల్సి వచ్చిందట. ఫ్యామిలీ అండ్ చిల్డ్రన్స్ సర్వీసెస్ ఎగ్జిక్యూటివ్ డైరెక్టర్ అయిన అలిసన్ స్కాట్ మాట్లాడుతూ, “పబ్లిక్ సేఫ్టీ కోణం నుండి, ఏ బిడ్డ అయినా తుపాకుల చిత్రాన్ని గీయడం మరియు ఇంట్లో తుపాకులు ఉన్నాయని చెప్పడం వలన లేనిపోని అనుమానాలు వచ్చే అవకాశాలు ఉన్నాయి. ఈ కారణంగా తల్లిదండ్రులతో, అలాగే పిల్లలతో మేము మాట్లాడాల్సి వస్తుంది” అని అన్నారు

ట్రైన్ ప్రయాణం అనగానే.. అందరం ఒకరకమైన జోష్ లోకి వెళ్ళిపోతాం. ఎందుకంటే ఎలాంటి ట్రాఫిక్ చికాకులు లేకుండా.. హాయిగా పీస్ ఫుల్ గా జర్నీ టైమ్ ని ఎక్కువగా ఎంజాయ్ చేయగలిగేది ట్రైన్ లోనే కాబట్టి. అయితే.. రైల్వే శాఖ కూడా ప్రయాణికుల క్షేమం, సుఖం కోసం పలు జాగ్రత్తలు తీసుకుంటూ ఉంటుంది. ప్రయాణికుల అవసరాలను దృష్టిలో ఉంచుకునే ఏర్పాట్లు చేస్తూ ఉంటుంది.

మీరు ఇప్పటికి చాలా సార్లే ట్రైన్ లో ప్రయాణం చేసి ఉంటారు.. కానీ ఈ విషయాన్నీ ఎప్పుడైనా గమనించారా.? ట్రైన్ డోర్ కి రెండు వైపులా ఈ పదాలు రాసి ఉంటాయి. ఒక వైపు లిఫ్ట్ హియర్ అని రాసి ఉంటె మరొక వైపు సైడ్ ఫిల్లింగ్ అని రాసి ఉంటుంది. ఈ సారి ట్రైన్ ఎక్కినప్పుడు సరిగ్గా గమనించి చూడండి. ట్రైన్ లో ప్రతి బోగి పైనా డోర్ కు ఇరువైపులా ఇలా రాసి ఉంటుంది. అయితే.. ఇలా ఎందుకు రాస్తారు అన్న విషయం ఇప్పుడు చూద్దాం.

ట్రైన్ ను మెయింటెనెన్స్ కు తీసుకువెళ్ళేటప్పుడు ప్రతి బోగీని సెపరేట్ చేస్తారు. ఆ సమయం లో బోగీని ఒక క్రేన్ సహాయంతో పైకి లేపుతారు. అయితే.. ఎక్కడ పడితే అక్కడ క్రేన్ ను పెట్టి పైకి లేపితే డామేజ్అయ్యే అవకాశం ఉంది కాబట్టి పర్టికులర్ ప్లేస్ లోనే పెట్టి పైకి లేపుతారు. ఆ ప్లేస్ ఎక్కడో తెలియడం కోసం “లిఫ్ట్ హియర్” అని రాస్తారు. అలాగే.. ట్రైన్ లో నిత్యం నీటి అవసరం ఉంటుంది.

వాష్ రూమ్స్, వాష్ బేసిన్స్ లో నీరు అవసరం అవుతుంది కాబట్టి ట్రైన్ లో ఉండే ట్యాంక్స్ లో వాటర్ ను ఫిల్ చేస్తారు. ప్రతి ట్రైన్ లో నాలుగు ట్యాంక్స్ ఉంటాయి. ఒక్కో టాంకర్ లో ఐదువందల లీటర్ల నీటిని నింపవచ్చు. అంటే ఒక ట్రైన్ లో రెండు వేల లీటర్ల నీటిని నింపుతారు. అయితే ఈ వాటర్ ను ఫిల్ చేసే చోట.. గుర్తు తెలియడం కోసం “సైడ్ ఫిల్లింగ్” అనే పేరుని రాస్తారు.

ప్రస్తుతం ఓటిటిల హవా కొంచం ఎక్కువగానే నడుస్తోంది. అయినప్పటికీ ఫ్యామిలీలో టివి కి ఉండే ప్రాధాన్యత తగ్గేదేమీ కాదు. ఇంట్లో నలుగురు కలిసి సరదాగా టివి చూడడానికి ఇష్టపడుతూ ఉంటారు. అందుకే టివి లలో వచ్చే ఛానెల్స్ కూడా రకరకాల ప్రోగ్రామ్స్, సినిమాలతో బుల్లితెర ప్రేక్షకుల్ని ఎంటర్టైన్ చేయాలనీ భావిస్తూ ఉంటాయి.

అయితే.. బుల్లితెరకు కూడా ప్రధానంగా ఎదురయ్యే సమస్య పైరసీ. టీవీ లో వచ్చే ప్రోగ్రామ్స్ ను ఎవరైనా రికార్డు చేసి ఇతర వెబ్ సైట్లు, సోషల్ మీడియా ప్లాట్ ఫామ్ లలో షేర్ చేస్తూ ఉంటారు. ఇలాంటి ఇబ్బందులు బుల్లితెరకు కూడా తప్పడం లేదు. టెక్నాలజీ పెరుగుతున్న ఈ కాలం లో ఇలాంటి సమస్యలను అధిగమించడానికే టివి లపై ఇలాంటి నెంబర్స్ వచ్చే విధంగా ఏర్పాటు చేసారు.

ఈ నంబర్లు చాలా భిన్నంగా ఉంటాయి. ఏ రెండు టీవీలకు ఒకే నెంబర్ ఉండదు. ఎందుకంటే ప్రతి సెట్-టాప్ బాక్స్ డిఫరెంట్ గానే ఉంటుంది. అందరికి వేరు వేరు సెట్-టాప్ బాక్స్ లు ఉంటాయి కాబట్టి ఈ నంబర్లు కూడా వేరుగా ఉంటాయి. ఈ నెంబర్ ని VC నెంబర్ లేదా కార్డు నెంబర్ అని పిలుస్తారు. ఈ నెంబర్ డిస్ప్లే అవుతూ ఉండడం వలన ఎవరైనా వీడియోని కానీ, ఇతర ప్రోగ్రామ్స్ ని కానీ రికార్డు చేసి యు ట్యూబ్, ఫేస్ బుక్ వంటి ఇతర సోషల్ మీడియా సైట్లలో ఉంచితే ఆ నెంబర్ కూడా రికార్డు అయ్యి డిస్ప్లే అవుతుంది.

అప్పుడు ఆ వీడియో పై డిస్ప్లే అవుతున్న నెంబర్ ద్వారా ఎవరు ఈ పైరసీ కి పాల్పడ్డారో తెలిసిపోతుంది. ఈ నెంబర్ కి ప్రత్యేకమైన సెట్-టాప్ బాక్స్ ఐడి ఉంటుంది. అందులో వినియోగదారుల పేరు, చిరునామా వంటి సమాచారం ఉంటుంది. కాబట్టి ఎవరు పైరవీకి పాల్పడినా ఆ విషయం సులువుగా తెలుసుకుని..అందుకు తగిన చర్యలు తీసుకుంటారు. అందుకోసమే ఈ నెంబర్ ను టీవీ స్క్రీన్ పై డిస్ప్లే చేస్తూ ఉంటారు.

భారత్ లో ఫ్యాన్స్ కి మూడు రెక్కలు ఉంటాయి అని అందరికి తెల్సు.. కానీ, అమెరికా లో ఉండే ఫ్యాన్లకు నాలుగు రెక్కలు ఉంటాయి అనే విషయం చాలా మందికి తెలీదు. అసలు ఫ్యాన్లకు రెక్కలెందుకు ఉంటాయి.? గది లో ఉండే గాలిని మరింత ఎక్కువ గా ప్రసరింప చేయడం కోసం రెక్కలను పెడతారు. ఈ రెక్కలు పొడవుగా ఉండి.. మనం ఫ్యాన్ ని ఆన్ చేసినప్పుడు తిరగడం ద్వారా గాలిని గదంతా వ్యాప్తి చెందిస్తాయి. అందుకే మనం, ఫ్యాన్ ఆన్ చేయగానే హాయిగా గాలి మన శరీరాన్ని తాకుతుంది.

అయితే, భారత్ లో మాత్రం ఏ ఫ్యాన్ కి అయిన మూడు రెక్కలే ఉంటాయి. కానీ, అమెరికా , కెనడా వంటి దేశాలలోని ప్రజలు ఉపయోగించే ఫ్యాన్ లు ఇక్కడి ఫ్యాన్ లకు భిన్నం గా ఉంటాయి. ఈ ఫ్యాన్ లకు నాలుగు రెక్కలు ఉంటాయి. వీటి ద్వారా గది లోని గాలి మరింత ఎక్కువ గా ప్రసరించడానికి అవకాశం ఉంటుంది. ఈ దేశాల్లోని ఫ్యాన్స్ కి నాలుగు రెక్కలు ఉండడానికి గల కారణాలను తెలుసుకోండి.

మొదటి కారణం ఏమిటంటే, అమెరికా, కెనడా వంటి దేశాలు చాలా చల్ల గా ఉంటాయి. ఈ దేశాలు బాగా అభివృద్ధి చెందిన దేశాలు కూడా. అక్కడ కేవలం ఎయిర్ కండిషనర్ ను ఎక్కువ గా వాడుతుంటారు. బయట ఉండే వాతావరణం కంటే.. లోపల ఉండే వాతావరణాన్ని వెచ్చగా ఉంచుకోవడానికి ప్రయత్నిస్తారు. ఈ సమయం లో ఎయిర్ కండిషనర్లు సాయం చేస్తాయి. కాబట్టి ఫ్యాన్ ల అవసరం వారికి సెకండరీ ఛాయస్ గా ఉంటుంది. ఎయిర్ కండిషనర్ ద్వారా వచ్చే గాలిని గది లోని నాలుగు దిక్కులా విస్తరించేందుకు అక్కడి వారు నాలుగు రెక్కలున్న ఫ్యాన్ లను ఉపయోగిస్తారు. కానీ, భారత్ లో పరిస్థితి అది కాదు. ఇక్కడ చాలా మంది ఎయిర్ కండీషనర్ ను కొనలేరు. గాలి కోసం ఫ్యాన్లపైనే ఆధారపడతారు.

మరో కారణం ఏమిటంటే, ఫ్యాన్లకు నాలుగు రెక్కలు ఉండడం వలన మోటార్ పై ఎక్కువ ఒత్తిడి పడుతుంది. ఫలితం గా మూడు రెక్కలు ఉన్న ఫ్యాన్లకంటే నాలుగు రెక్కలున్న ఫ్యాన్లు తక్కువ సామర్ధ్యం తో పని చేస్తాయి. అమెరికా కెనడా వంటి దేశాల్లో గదిని చల్లబరుచుకోవడానికి ఏసీలు ఉంటాయి కాబట్టి వారికి తక్కువ సామర్ధ్యం ఉన్నా సరిపోతుంది. కానీ, భారత్ వంటి ఉష్ణ దేశాల్లో ఎక్కువ గాలిని గదంతా విస్తరించాల్సిన అవసరం ఉంటుంది. అలాంటి చోట్ల మూడు రెక్కలు ఉన్న ఫ్యాన్లు ఎక్కువ అవసరం అవుతాయి. మూడు రెక్కలు ఉండే ఫ్యాన్లలో మోటర్ పై తక్కువ ఒత్తిడి ఉంటుంది కాబట్టి ఎక్కువ వేగం గా, సమర్ధవంతం గా పని చేస్తాయి.

వేరు వేరు దేశాల్లో, వేరు గా ఫ్యాన్ల గురించిన సమాచారం మీకు నచ్చి ఉంటుందని అనుకుంటున్నాం. ఇంకా ఏవైనా ఇతర కారణాలు ఉన్నాయని మీకు అనిపిస్తే, కింద కామెంట్ చేయండి.

సింక్ అనేది ఇప్పుడు అందరి ఇళ్లలోనూ ఉంటుంది. హ్యాండ్ వాష్ చేసుకోవడానికి సింక్ ని మనం ఉపయోగిస్తూ ఉంటాము. ప్రతి దానికి బయటకు వెళ్లి టాప్ తిప్పితే.. ఆ వాటర్ పడి మన బట్టలు పాడైపోకుండా ఉండడానికి ఇంట్లోనే ఓ పక్కన సింక్ కట్టించేసుకుంటూ ఉంటాం. దీనివలన మన పని కూడా సులువు అయిపోతుంది.

అలాగే.. కిచెన్ లో కూడా మనం సింక్ ని తప్పనిసరిగా పెట్టించుకుంటాం. ప్రతి మోడరన్ ఇంట్లోనూ సింక్ అనేది కామన్ అయిపొయింది. అయితే.. మీరు ఎప్పుడైనా గమనించారా?`సింక్ కి మధ్యలో హోల్స్ ఉంటాయి. మనం ఉపయోగించిన నీరు కిందకి వెళ్లిపోవడానికి ఈ ఏర్పాటు చేస్తారు. కానీ టాప్ కి.. ఈ సెంట్రల్ హోల్ కి మధ్యలో మరొక హోల్ ఉంటుంది. ఎప్పుడైనా దీన్ని గమనించారా? దీని ఉపయోగం ఏంటో తెలుసా..?

ఈ హోల్ వలన రెండు ఉపయోగాలు ఉన్నాయి. ఒకటేమిటంటే.. డ్రెయిన్ స్టాపర్‌తో ఓవర్‌ఫ్లో అవ్వకుండా ఉండడానికి ఈ హోల్ అవసరం అవుతుంది. ఈ హోల్ ద్వారా కొంత గాలి లోపలకి ప్రసరించి సింక్ లో పడిన నీరు త్వరగా కిందికి పడిపోవడానికి ఉపయోగపడుతుంది. దీనివలన నీరు పోవడానికి ఇవ్వబడిన పైప్ సక్రమం గా పని చేస్తూ ఉంటుంది. నిజానికి ఇది చాలా చిన్న విషయమే.. కానీ మనం మన చుట్టూ పరిసరాలలో ఉండే విషయాలను చాలా వరకు పట్టించుకోము. జాగ్రత్తగా పరిశీలిస్తే.. ప్రతి చిన్న వస్తువు వల్ల ఏదో ఒక ఉపయోగం ఉంటూనే ఉంటుంది.

మనం రోజూ చాలా వాహనాల వెనకాల విచిత్రమైన కొటేషన్స్ చూస్తూ ఉంటాము. ఇందులో కొన్ని బైక్స్ ఉంటాయి. కొన్ని కార్లు ఉంటాయి. వీటిపై మాత్రమే కాకుండా ఇంకొక ఫోర్ వీలర్ పై కూడా ఇలాగే డిఫరెంట్ కొటేషన్స్ ఉంటాయి అదే లారీ. లారీ వెనకాల కూడా చాలా డిఫరెంట్ డిఫరెంట్ గా కొటేషన్స్ రాసి ఉంటాయి. కొన్ని ఏమో నవ్వు తెప్పించేలా ఉంటాయి.

అయితే లారీ, ట్రక్స్ వెనకాల మనం తరచుగా చూసే ఒక నోట్ మాత్రం హార్న్ ఓకే ప్లీజ్. హార్న్ ప్లీజ్ అంటే సరే కానీ, హార్న్ ఓకే  ప్లీజ్ కి అర్థం ఏంటి అనేది చాలా మందికి తెలియదు. మనం రోజూ చూసే వాటిలో చాలా విషయాలకి మనకి అర్థం తెలియదు. బహుశా ఇది కూడా ఆ కోవకే చెందుతుంది ఏమో. హార్న్ ఓకే ప్లీజ్ అనే పదం యొక్క అర్థం ఏంటో ఇప్పుడు తెలుసుకుందాం.

హిస్టరీ లో ఉన్న ఒక థియరీ ప్రకారం రెండవ ప్రపంచ యుద్ధం సమయంలో ట్రక్స్ మీద ఓకే (OK) అని రాసేవారు. ఓకే అంటే ఆన్ కిరోసిన్ (On Kerosene) అని అర్థం. అంటే ఆ బండి కిరోసిన్ మీద నడుస్తోంది అని అర్థం. ఇది అప్పట్లో ఒక హెచ్చరిక లాగా వాడేవారు. అంటే కిరోసిన్ తో బండి నడుస్తోంది కాబట్టి ఒకవేళ చిన్న ఎగ్జిట్ అయినా కూడా పెద్ద ప్రమాదం జరగొచ్చు అని ఆ హెచ్చరిక వాడేవారు. అదే ఇప్పటి వరకు పాటిస్తున్నారు. దీన్ని మనం తరచుగా చూస్తూనే ఉంటాం కానీ దీని అర్థం మాత్రం మనలో చాలా మందికి తెలియకపోవచ్చు. హార్న్ ఓకే ప్లీజ్ వెనకాల ఉన్న అర్థం ఇదే.

ఇంతకుముందు OTK అని రాసేవారు. overtake అని అర్ధం. హార్న్ కొట్టి ఓవర్టేక్ చేయమని అర్ధం. అంతేకాకుండా వెనక వాహనంలో ఉన్న డ్రైవర్ ok ని క్లియర్ గా చూడగలంటే సేఫ్ డిస్టెన్స్ లో ఉన్నారని అర్ధం.