Off Beat

భారత్ లో ఫ్యాన్స్ కి మూడు రెక్కలు ఉంటాయి అని అందరికి తెల్సు.. కానీ, అమెరికా లో ఉండే ఫ్యాన్లకు నాలుగు రెక్కలు ఉంటాయి అనే విషయం చాలా మందికి తెలీదు. అసలు ఫ్యాన్లకు రెక్కలెందుకు ఉంటాయి.? గది లో ఉండే గాలిని మరింత ఎక్కువ గా ప్రసరింప చేయడం కోసం రెక్కలను పెడతారు. ఈ రెక్కలు పొడవుగా ఉండి.. మనం ఫ్యాన్ ని ఆన్ చేసినప్పుడు తిరగడం ద్వారా గాలిని గదంతా వ్యాప్తి చెందిస్తాయి. అందుకే మనం, ఫ్యాన్ ఆన్ చేయగానే హాయిగా గాలి మన శరీరాన్ని తాకుతుంది.

అయితే, భారత్ లో మాత్రం ఏ ఫ్యాన్ కి అయిన మూడు రెక్కలే ఉంటాయి. కానీ, అమెరికా , కెనడా వంటి దేశాలలోని ప్రజలు ఉపయోగించే ఫ్యాన్ లు ఇక్కడి ఫ్యాన్ లకు భిన్నం గా ఉంటాయి. ఈ ఫ్యాన్ లకు నాలుగు రెక్కలు ఉంటాయి. వీటి ద్వారా గది లోని గాలి మరింత ఎక్కువ గా ప్రసరించడానికి అవకాశం ఉంటుంది. ఈ దేశాల్లోని ఫ్యాన్స్ కి నాలుగు రెక్కలు ఉండడానికి గల కారణాలను తెలుసుకోండి.

మొదటి కారణం ఏమిటంటే, అమెరికా, కెనడా వంటి దేశాలు చాలా చల్ల గా ఉంటాయి. ఈ దేశాలు బాగా అభివృద్ధి చెందిన దేశాలు కూడా. అక్కడ కేవలం ఎయిర్ కండిషనర్ ను ఎక్కువ గా వాడుతుంటారు. బయట ఉండే వాతావరణం కంటే.. లోపల ఉండే వాతావరణాన్ని వెచ్చగా ఉంచుకోవడానికి ప్రయత్నిస్తారు. ఈ సమయం లో ఎయిర్ కండిషనర్లు సాయం చేస్తాయి. కాబట్టి ఫ్యాన్ ల అవసరం వారికి సెకండరీ ఛాయస్ గా ఉంటుంది. ఎయిర్ కండిషనర్ ద్వారా వచ్చే గాలిని గది లోని నాలుగు దిక్కులా విస్తరించేందుకు అక్కడి వారు నాలుగు రెక్కలున్న ఫ్యాన్ లను ఉపయోగిస్తారు. కానీ, భారత్ లో పరిస్థితి అది కాదు. ఇక్కడ చాలా మంది ఎయిర్ కండీషనర్ ను కొనలేరు. గాలి కోసం ఫ్యాన్లపైనే ఆధారపడతారు.

మరో కారణం ఏమిటంటే, ఫ్యాన్లకు నాలుగు రెక్కలు ఉండడం వలన మోటార్ పై ఎక్కువ ఒత్తిడి పడుతుంది. ఫలితం గా మూడు రెక్కలు ఉన్న ఫ్యాన్లకంటే నాలుగు రెక్కలున్న ఫ్యాన్లు తక్కువ సామర్ధ్యం తో పని చేస్తాయి. అమెరికా కెనడా వంటి దేశాల్లో గదిని చల్లబరుచుకోవడానికి ఏసీలు ఉంటాయి కాబట్టి వారికి తక్కువ సామర్ధ్యం ఉన్నా సరిపోతుంది. కానీ, భారత్ వంటి ఉష్ణ దేశాల్లో ఎక్కువ గాలిని గదంతా విస్తరించాల్సిన అవసరం ఉంటుంది. అలాంటి చోట్ల మూడు రెక్కలు ఉన్న ఫ్యాన్లు ఎక్కువ అవసరం అవుతాయి. మూడు రెక్కలు ఉండే ఫ్యాన్లలో మోటర్ పై తక్కువ ఒత్తిడి ఉంటుంది కాబట్టి ఎక్కువ వేగం గా, సమర్ధవంతం గా పని చేస్తాయి.

వేరు వేరు దేశాల్లో, వేరు గా ఫ్యాన్ల గురించిన సమాచారం మీకు నచ్చి ఉంటుందని అనుకుంటున్నాం. ఇంకా ఏవైనా ఇతర కారణాలు ఉన్నాయని మీకు అనిపిస్తే, కింద కామెంట్ చేయండి.

సింక్ అనేది ఇప్పుడు అందరి ఇళ్లలోనూ ఉంటుంది. హ్యాండ్ వాష్ చేసుకోవడానికి సింక్ ని మనం ఉపయోగిస్తూ ఉంటాము. ప్రతి దానికి బయటకు వెళ్లి టాప్ తిప్పితే.. ఆ వాటర్ పడి మన బట్టలు పాడైపోకుండా ఉండడానికి ఇంట్లోనే ఓ పక్కన సింక్ కట్టించేసుకుంటూ ఉంటాం. దీనివలన మన పని కూడా సులువు అయిపోతుంది.

అలాగే.. కిచెన్ లో కూడా మనం సింక్ ని తప్పనిసరిగా పెట్టించుకుంటాం. ప్రతి మోడరన్ ఇంట్లోనూ సింక్ అనేది కామన్ అయిపొయింది. అయితే.. మీరు ఎప్పుడైనా గమనించారా?`సింక్ కి మధ్యలో హోల్స్ ఉంటాయి. మనం ఉపయోగించిన నీరు కిందకి వెళ్లిపోవడానికి ఈ ఏర్పాటు చేస్తారు. కానీ టాప్ కి.. ఈ సెంట్రల్ హోల్ కి మధ్యలో మరొక హోల్ ఉంటుంది. ఎప్పుడైనా దీన్ని గమనించారా? దీని ఉపయోగం ఏంటో తెలుసా..?

ఈ హోల్ వలన రెండు ఉపయోగాలు ఉన్నాయి. ఒకటేమిటంటే.. డ్రెయిన్ స్టాపర్‌తో ఓవర్‌ఫ్లో అవ్వకుండా ఉండడానికి ఈ హోల్ అవసరం అవుతుంది. ఈ హోల్ ద్వారా కొంత గాలి లోపలకి ప్రసరించి సింక్ లో పడిన నీరు త్వరగా కిందికి పడిపోవడానికి ఉపయోగపడుతుంది. దీనివలన నీరు పోవడానికి ఇవ్వబడిన పైప్ సక్రమం గా పని చేస్తూ ఉంటుంది. నిజానికి ఇది చాలా చిన్న విషయమే.. కానీ మనం మన చుట్టూ పరిసరాలలో ఉండే విషయాలను చాలా వరకు పట్టించుకోము. జాగ్రత్తగా పరిశీలిస్తే.. ప్రతి చిన్న వస్తువు వల్ల ఏదో ఒక ఉపయోగం ఉంటూనే ఉంటుంది.

మనం రోజూ చాలా వాహనాల వెనకాల విచిత్రమైన కొటేషన్స్ చూస్తూ ఉంటాము. ఇందులో కొన్ని బైక్స్ ఉంటాయి. కొన్ని కార్లు ఉంటాయి. వీటిపై మాత్రమే కాకుండా ఇంకొక ఫోర్ వీలర్ పై కూడా ఇలాగే డిఫరెంట్ కొటేషన్స్ ఉంటాయి అదే లారీ. లారీ వెనకాల కూడా చాలా డిఫరెంట్ డిఫరెంట్ గా కొటేషన్స్ రాసి ఉంటాయి. కొన్ని ఏమో నవ్వు తెప్పించేలా ఉంటాయి.

అయితే లారీ, ట్రక్స్ వెనకాల మనం తరచుగా చూసే ఒక నోట్ మాత్రం హార్న్ ఓకే ప్లీజ్. హార్న్ ప్లీజ్ అంటే సరే కానీ, హార్న్ ఓకే  ప్లీజ్ కి అర్థం ఏంటి అనేది చాలా మందికి తెలియదు. మనం రోజూ చూసే వాటిలో చాలా విషయాలకి మనకి అర్థం తెలియదు. బహుశా ఇది కూడా ఆ కోవకే చెందుతుంది ఏమో. హార్న్ ఓకే ప్లీజ్ అనే పదం యొక్క అర్థం ఏంటో ఇప్పుడు తెలుసుకుందాం.

హిస్టరీ లో ఉన్న ఒక థియరీ ప్రకారం రెండవ ప్రపంచ యుద్ధం సమయంలో ట్రక్స్ మీద ఓకే (OK) అని రాసేవారు. ఓకే అంటే ఆన్ కిరోసిన్ (On Kerosene) అని అర్థం. అంటే ఆ బండి కిరోసిన్ మీద నడుస్తోంది అని అర్థం. ఇది అప్పట్లో ఒక హెచ్చరిక లాగా వాడేవారు. అంటే కిరోసిన్ తో బండి నడుస్తోంది కాబట్టి ఒకవేళ చిన్న ఎగ్జిట్ అయినా కూడా పెద్ద ప్రమాదం జరగొచ్చు అని ఆ హెచ్చరిక వాడేవారు. అదే ఇప్పటి వరకు పాటిస్తున్నారు. దీన్ని మనం తరచుగా చూస్తూనే ఉంటాం కానీ దీని అర్థం మాత్రం మనలో చాలా మందికి తెలియకపోవచ్చు. హార్న్ ఓకే ప్లీజ్ వెనకాల ఉన్న అర్థం ఇదే.

ఇంతకుముందు OTK అని రాసేవారు. overtake అని అర్ధం. హార్న్ కొట్టి ఓవర్టేక్ చేయమని అర్ధం. అంతేకాకుండా వెనక వాహనంలో ఉన్న డ్రైవర్ ok ని క్లియర్ గా చూడగలంటే సేఫ్ డిస్టెన్స్ లో ఉన్నారని అర్ధం.

మన జీవితం లో చాలా సార్లు ప్రయాణాలు చేయాల్సిన అవసరం వస్తూనే ఉంటుంది. అయితే.. ఈ ప్రయాణాలు చేసే సమయంలో మనకి ఎంటర్టైన్మెంట్ ఏదైనా ఉంది అంటే అది మన మొబైల్ మాత్రమే. చాల మంది ప్రయాణాలు చేసే సమయంలో సినిమాలు చూడడానికో, లేకపోతే పాటలు వినడానికో ఇష్టపడుతూ ఉంటారు.

అందుకే జర్నీ ఉందంటే చాలు ముందు మనం మన మొబైల్ ను ఛార్జ్ చేస్తాం. బ్యాటరీ ఫుల్ అయ్యాకే బయలుదేరుతాం. అయితే.. మనకి ఫోన్ అవసరం ఉందని ముందే తెలుస్తుందో ఏమో బ్యాటరీ ఫాస్ట్ గా డౌన్ అయిపోతూ ఉంటుంది. మీరెప్పుడైనా గమనించారా? నార్మల్ డేస్ లో మీకు రోజంతా స్టాండ్ బై వచ్చిన బ్యాటరీ జర్నీ డేస్ లో మాత్రం రాదు.

మీరు నాలుగైదు గంటల జర్నీ లో మొబైల్ వాడుతూ ఉండడం వల్ల అయిపొయింది ఏమో అని అనుకుంటారు. కానీ, అది నిజం కాదు. నిజానికి, జర్నీలో ఉన్న సమయంలో సిగ్నల్స్ పోతూ ఉంటాయి. జర్నీ చేస్తున్నపుడు మనం ఒక ప్లేస్ నుంచి మరో ప్లేస్ కు మూవ్ అవుతూనే ఉంటాం. అంటే.. ఒక సెల్ టవర్ నుంచి మరో సెల్ టవర్ వైపుకు మనతో పాటు మన మొబైల్ కూడా మూవ్ అవుతుంది.

ఈ క్రమంలో మన మొబైల్ సిగ్నల్స్ కోసం ప్రయత్నిస్తూనే ఉంటుంది. ఒక టవర్ కి కనెక్ట్ అవగానే.. మనం ఆ ప్లేస్ నుంచి మూవ్ అయిపోవడం వలన మరో సెల్ టవర్ కోసం ఫోన్ సెర్చ్ చేస్తుంది. ముఖ్యంగా లో సిగ్నల్ జోన్ లో ఉన్న సమయంలో మొబైల్ ట్రాన్స్మిటర్ పవర్ ను ఎక్కువ చేస్తుంది. దీనివల్ల బ్యాటరీ తొందరగా డ్రైన్ అయిపోతుంది. అదన్నమాట అసలు సంగతి.

మనం ఆడుకుంటున్నప్పుడో.. లేక అటు ఇటు తిరుగుతున్నప్పుడో శరీరానికి దెబ్బలు తగలడం సహజమే. అయితే.. ఈ దెబ్బలు ఎక్కడ తగిలినా మనం కొద్దిగా తట్టుకోగలుగుతాము. కానీ, మోచేతిపై దెబ్బ తగిలితే మాత్రం అస్సలు తట్టుకోలేము. ఆ ప్లేస్ లో దెబ్బ తగలగానే ఒళ్ళంతా జివ్వుమంటుంది. ఎక్కువగా బండి మీద నుంచి పడిపోయినప్పుడు.. కార్నర్ లకు దగ్గరగా నడుస్తున్నపుడు ఇలా దెబ్బలు తగులుతూ ఉంటాయి.

మోకాలి వద్ద కూడా అంతే.. మోకాలి కీలుపై కానీ, మోచేతి వద్ద కానీ దెబ్బ తగిలినప్పుడు ఒళ్ళంతా షాక్ కొట్టిన ఫీలింగ్ కలుగుతుంది. మీకెప్పుడైనా ఇలాంటి ఫీలింగ్ అనుభవం అయిందా? చాలా మందికి సైకిల్ నేర్చుకునే కొత్తల్లోనో.. లేక బైక్ నేర్చుకునే కొత్తల్లోనో.. అదుపు తప్పి కింద పడిపోయినప్పుడు ఇలా మోచేయి మరియు మోకాళ్ళకి దెబ్బలు తగులుతూ ఉంటాయి.

మోకాలు కానీ, మోచేయి కానీ పైకి గట్టిగా కనిపించినా.. నిజానికి సున్నితమైన ప్రదేశాలు. ఈ జాయింట్స్ లో ఉండే ఎముకలు ఏ మాత్రం కదిలినా చాలా అవస్థ పడాల్సి వస్తుంది. నిజానికి ఈ ప్లేస్ లో దెబ్బ తగలగానే అందరు ఎముకకు దెబ్బ తగలడం వల్ల నొప్పిగా ఉందని అనుకుంటారు. కానీ, అది వాస్తవం కాదు.. ఆ ప్లేస్ లో ఉండే నరానికి దెబ్బ తగలడం వల్ల నొప్పి వస్తుంది. ఆ నరం శరీరమంతా వ్యాపించి ఉంటుంది కాబట్టి.. ఆ ప్లేస్ లో దెబ్బ తగలగానే ఒళ్ళంతా జివ్వుమన్నట్లు అనిపిస్తుంది.

ఈ నరాన్ని అల్నార్ నరం అని పిలుస్తారు. ఇది చిటికెన వేలు, ఉంగరం వేలు చివర్ల నుంచి వెన్నెముక అంతా వ్యాపించి ఉంటుంది. మోచేతి కీలు వద్ద ఈ నరానికి రక్షణ తక్కువగా ఉంటుంది. అందుకే అక్కడ దెబ్బ తగలగానే ఆ ప్రభావం పడి, ఒళ్ళంతా జివ్వుమన్నట్లు అనిపిస్తుంది.

రైలు ప్రయాణం అంటే ఇష్టం లేని వారు ఎవరు ఉంటారు. ట్రాఫిక్ ఇబ్బందులు ఉండవు. హాయిగా విండో సీట్ దొరికితే.. మొబైల్ లో కావాల్సినంత ఛార్జింగ్ ఉంటె.. ఎంత దూరం అయినా వెళ్లిపోవడానికి ఇష్టపడేవాళ్లు ఉంటారు. దూర ప్రయాణాలలో ఎక్కువ కంఫర్ట్ తో ప్రయాణించాలి అని అనుకునే వారు ఎక్కువగా రైలు ప్రయాణాలనే ఎంచుకుంటూ ఉంటారు.

అయితే.. ఒక ట్రైన్ లో ఎక్కిన ప్రయాణికులను సురక్షితంగా గమ్యస్థానాలకు చేర్చడానికి ఎన్నో జాగ్రత్తలు తీసుకుంటూ ఉంటారు. ప్రతి చిన్న విషయాన్నీ పరిశీలించి ఇబ్బందులు రాకుండా చూసుకుంటారు. ఈ ట్రైన్ పై ప్లేట్స్ పెట్టడం కూడా ప్రయాణికుల సురక్షితం కోసమే.. అర్ధం కాలేదా…? అసలు ఈ ప్లేట్స్ వల్ల ఉపయోగం ఏంటో ఇప్పుడు చూద్దాం.

సాధారణంగా ఒక ట్రైన్ లో వెయ్యి మందికి పైగా ప్రయాణిస్తారు. కేవలం రిజర్వేషన్ ఉన్నవారే ఇంతమంది ఉంటారు. ఇక జనరల్ టికెట్ బుక్ చేసుకుని ఎక్కే వారి సంఖ్యను చెప్పలేము. మరి ఒక ట్రైన్ లో ఇంతమంది ఎక్కినప్పుడు కచ్చితం గా వారి ఉచ్వాస నిశ్వాసల వలన ట్రైన్ బోగీలలో వేడి పెరుగుతుంది. ట్రైన్ పై ఒత్తిడి కూడా పెరుగుతుంది. ఈ క్రమం లో ట్రైన్ బ్యాలన్స్ తప్పే అవకాశం ఉంటుంది.

అందుకే ట్రైన్ పైన వెంటిలేషన్ కోసం హోల్స్ ను ఏర్పాటు చేస్తారు. వీటిని రూఫ్ వెంటిలేటర్స్ అని పిలుస్తారు. ఐతే.. ఈ హోల్స్ ని అలాగే వదిలేస్తే.. వర్షం పడినప్పుడు నీరు లోపలకి వచ్చేస్తుంది. అందుకే ఈ వెంటిలేషన్ హోల్స్ పైన ప్లేట్స్ ని పెడతారు. నిజానికి ట్రైన్స్ లో ఉండే కిటికీల వలన కూడా ఎయిర్ సర్క్యులేట్ అవుతుంది. కానీ.. ఎక్కువ మొత్తంలో ప్రయాణికులు ఉన్నప్పుడు.. లేదా వర్షం పడుతున్నప్పుడు కిటికీలు మూసేసినప్పుడు ఇబ్బంది కాకుండా ఉండడం కోసం ఈ రూఫ్ వెంటిలేటర్స్ ను ఏర్పాటు చేసారు.

ఇటీవలి కాలం లో విడాకులు ఎక్కువ అవుతున్నాయి. ఆర్ధిక స్వేచ్ఛ, మితిమీరిన టెక్నాలజీ వాడకం, చిన్న గొడవలకు విడిపోవాలన్న ఆలోచనలు వస్తుండడం, ఇలా కారణం ఏదైతేనేమి.. విడాకుల సంఖ్య మాత్రం ఎక్కువగానే ఉంటోంది. అయితే.. విడాకులు తీసుకున్నాక భర్త.. ఎంతో కొంత మొత్తాన్ని భార్యకు భరణంగా ఇవ్వాల్సి ఉంటుంది. అప్పటివరకు బాగోగులు చూసుకున్న భర్త లేకపోతే.. ఆ మహిళ రోజులు గడవడానికి ఇబ్బందిపడాలి కాబట్టి భరణం అన్న దానిని తీసుకొచ్చారు.

కానీ, ఈరోజుల్లో మాత్రం మహిళలు భరణాన్ని సున్నితంగా తిరస్కరిస్తున్నారు. ఇటీవల సమంత, నాగ చైతన్యలు కూడా విడాకులు తీసుకున్నారు. భరణంగా నాగచైతన్య ఇవ్వాల్సిన 200 ల కోట్ల రూపాయలను సమంత తిరస్కరించింది అన్న వార్తలు కూడా వస్తున్నాయి. అయితే, ఇది అధికారికం కాదు. గతంలోకి చూసుకున్నా, మెకంజీ కూడా భరణం కింద వచ్చే రెండున్నర లక్షల కోట్ల రూపాయలను తిరస్కరించింది.

కేవలం సెలెబ్రిటీలే కాదు, సాధారణ మహిళల్లో కూడా భరణాన్ని తిరస్కరించే మహిళలు ఎక్కువ అవుతున్నారు అని నిపుణులు చెబుతున్నారు. దీనికి ఐదు కారణాలున్నాయి. అవేంటో చూద్దాం.

#1. ఈకాలం లో అమ్మాయిలు స్వతంత్రంగా బతుకుతున్నారు. విద్యారంగం లో రాణించి, తమ చదువుకు తగ్గ కొలువును ఎంచుకుని ఆర్ధిక స్వేచ్ఛ తో జీవిస్తున్నారు. వీరు భర్త నుంచి భరణం పై ఆధారపడడానికి ఇష్టంలేక తిరస్కరిస్తున్నారు.

#2. విడిపోయేదాకా వచ్చారంటే.. భార్యాభర్తల మధ్య గొడవలు ఓ రేంజ్ లో జరిగివుంటాయి. భర్త లక్షణాలపైన ఇష్టం లేకపోవడం, భర్త ప్రవర్తనపైనా విసుగు చెంది ఉంటారు. తిరిగి అలాంటి భర్త దగ్గర డబ్బును తీసుకోవడానికి చాలామంది ఇష్టపడడంలేదు. భర్త సంపాదించే అక్రమ సంపాదనలు నచ్చనివారు కూడా తిరస్కరిస్తూ ఉండి ఉండవచ్చు.

#3. భర్త మోసం చేసిన వాడైతే.. సహజంగానే ఏ అమ్మాయికి అయినా అతనిపట్ల విరక్తి కలుగుతుంది. అతని డబ్బు పట్ల కూడా అదే రకమైన ఏహ్యభావం ఉంటుంది. కొందరు భర్త నుంచి భరణం కొరకపోవడానికి ఇది కూడా ఒక కారణం.

#4. హిందూ వివాహ చట్టాల ప్రకారం విడాకులు ఇచ్చిన భార్య మళ్ళీ పెళ్లి చేసుకుంటే.. ఆమెకు మాజీ భర్త భరణం ఇవ్వాల్సిన అవసరం లేదు. ఇది దృష్టి లో ఉంచుకునే చాలామంది భరణం అవసరంలేదని ముందే చెప్పేస్తున్నారు.

#5. కొందరు భార్యలకు ఇష్టం లేకున్నా విడాకులు తీసుకుంటూ ఉంటారు. ఈ క్రమంలో భర్తపై పెంచుకున్న కోపంతో కూడా తమకు భరణం అవసరం లేదని చెబుతున్నారట. మహిళలు తమ ఆత్మవిశ్వాసం దెబ్బతినకుండా చూసుకునే క్రమంలోనే ఈ భరణం వద్దని చెబుతున్నారట.

Note: Images used in this content are for reference purposes only.

ప్రస్తుతం మనం ఎక్కువగా డిజిటల్ బ్యాంకింగ్ నే ఉపయోగిస్తున్నాం. ఫోన్ పే, గూగుల్ పే, పేటీమ్.. వంటి ఆప్ ల ద్వారా నగదు లావాదేవీలు జరుపుతున్నాం. అయితే.. అధికారిక పేమెంట్స్, ఎక్కువ మొత్తం లో డబ్బులు లావాదేవీలు జరపాలన్న.. మరికొందరేమో భద్రతా దృష్ట్యా చెక్ ల ద్వారా నగదు చెల్లిస్తూ ఉంటారు.

అయితే.. ఎవరికైనా చెక్ ను ఇచ్చేముందు కచ్చితం గా కొన్ని అంశాలను పరిగణనలోకి తీసుకోవాల్సి ఉంటుంది. ఏదైనా పొరపాటు జరిగినా ఫైన్ చెల్లించాల్సి వస్తుంది. మనం ఎవరికైనా చెక్ ఇచ్చేముందు.. అందులో రాసిన అమౌంట్ కు సరిపడినంత బాలన్స్ మన బ్యాంకు లో ఉందో లేదో చూసుకోవాలి. లేదంటే.. చెక్ బౌన్స్ అయ్యి.. మీకు ఫైన్ పడే అవకాశం ఉంటుంది.

మనం ఇచ్చిన చెక్ లను ఆర్బీఐ ఆటోమేటెడ్ క్లియరింగ్ హౌస్ క్లియర్ చేస్తుంది. ఈ విభాగం 24 గంటలు పని చేస్తుంది. ఆదివారాలు కూడా ఈ విభాగం తన పని తాను చేసుకుంటూ పోతుందట. ఈ లెక్కన చెక్ వెళ్ళగానే.. రెండు మూడు రోజుల్లో అమౌంట్ ట్రాన్స్ ఫర్ అయిపోవచ్చు. అలాగే.. చెక్ వల్ల ఎలాంటి ఇబ్బందులు రాకుండా ఉండడానికి ఆర్బీఐ కొత్త పద్ధతిని ప్రవేశ పెట్టింది.

మీరు ఎవరికైనా చెక్ ను ఇస్తే.. ఆ చెక్ ను ఒక ఫోటో తీసుకుని సేవ్ చేసుకోవాలి. తరువాత సదరు బ్యాంకు అప్లికేషన్ లో మీరు ఆ ఫోటో ను అప్ లోడ్ చేయాల్సి ఉంటుంది. మీరు ఎవరికైతే చెక్ ఇస్తారో.. వారు బ్యాంకు కు వెళ్లి ఆ చెక్ ను ఇచ్చినప్పుడు.. బ్యాంకు సిబ్బంది మీ అకౌంట్ లో మీరు అప్ లోడ్ చేసిన ఫోటో ను చూసి, అన్ని వివరాలు సరిగ్గా ఉంటేనే.. ఆ వ్యక్తి కి అమౌంట్ ఇస్తారు. ఒకవేళ.. మీరు ఇచ్చిన చెక్ లో వివరాలు వేరు గా ఉంటె..ఆ చెక్ ను బ్యాంకు సిబ్బంది తిరస్కరిస్తారు.

సాధారణంగా ఇంగ్లీష్ సినిమాలు అనగానే ప్రపంచవ్యాప్తంగా ఒక రకమైన క్రేజ్ ఉంటుంది. ఇంగ్లీష్ సినిమాలు కేవలం హాలీవుడ్‌లో మాత్రమే కాకుండా, ఇతర దేశాల్లో కూడా బాగా పాపులర్ అవుతాయి. ఇంగ్లీష్ సినిమాల్లో పాటలు తక్కువగా ఉంటాయి. ఫైట్స్, గ్రాఫిక్స్ లాంటివి కూడా చాలా హై క్వాలిటీలో ఉంటాయి. అందుకనే మన దేశంలో ఏదైనా మంచి సినిమా విడుదల అయినప్పుడు, “హాలీవుడ్ రేంజ్ సినిమా” అని అంటారు. కానీ ఇంగ్లీష్ సినిమాలు అంటే మాత్రం చాలా మందికి గుర్తొచ్చేది అందులో ఉండే రొమాంటిక్ సీన్స్.

మనదేశంలో విడుదలయ్యే సినిమాలతో పోల్చి చూస్తే ఇంగ్లీష్ సినిమాల్లో అడల్ట్ కంటెంట్ ఎక్కువగా ఉంటుంది. కేవలం హాలీవుడ్‌లో మాత్రమే కాదు. ఇతర దేశాలకు చెందిన కొన్ని సినిమాల్లో అడల్ట్ కంటెంట్ ఎక్కువగా ఉంటుంది. కానీ సాధారణంగా అలాంటి రొమాంటిక్ సీన్స్ అంటే మాత్రం మనకు ఇంగ్లీష్ సినిమాలే గుర్తొస్తాయి. భారతదేశంలో అలా శృతిమించిన రొమాంటిక్ సీన్స్ ఉంటే సెన్సార్ బోర్డ్ వాటిని కట్ చేస్తుంది. కానీ హాలీవుడ్‌లో మాత్రం అలాంటి పరిమితులు ఏమీ ఉండవు. సినిమాకి తగ్గట్టు సర్టిఫికేషన్ ఇస్తారు. మనం వాళ్ళు పబ్లిసిటీ కోసమో, లేదా క్రేజ్ పెంచుకోవడం కోసం ఇలాంటి సీన్స్ పెడతారు అని అనుకుంటాం. కానీ అలా ఇంగ్లీష్ సినిమాల్లో అడల్ట్ కంటెంట్ ఎక్కువగా ఉండడం వెనుక ఒక బలమైన కారణం ఉంది. అదేంటంటే.

అమెరికా, జర్మనీ, జపాన్ తదితర దేశాల మనుషుల్లో ఆక్సిటోసిన్ చాలా తక్కువగా విడుదల అవుతుంది. దీనిని లవ్ హార్మోన్ అని కూడా అంటారు. ఈ హార్మోన్ తక్కువగా రిలీజ్ అవ్వడం వల్ల వాళ్లు రొమాంటిక్ సీన్స్ చూసినా కూడా వారికి ఎటువంటి ఫీలింగ్స్ కలగవు. అక్కడ ఉండే జనాలకి ఫీలింగ్స్ రావడం కోసం ఎంత వీలుంటే అంత అడల్ట్ కంటెంట్ తీయడానికి అక్కడి ప్రభుత్వం సినిమా వారికి అనుమతి ఇచ్చింది. అలా ప్రభుత్వం అనుమతి ఇవ్వడానికి ఇంకొక కారణం, ఆ దేశంలో జరిగిన సర్వే ప్రకారం ప్రజల్లో ఫీలింగ్స్ తక్కువగా ఉండటంతో వైవాహిక జీవితంలో కూడా ఇబ్బందులు ఎదుర్కొంటున్నారు.

దీంతో ఒకరిమీద ఒకరికి ప్రేమ లేక, పెళ్లి బంధాలు తొందరగా విడిపోతున్నాయి. ఈ కారణంగా, అక్కడ పెళ్లయిన తర్వాత కూడా ఇంకొకరిని ఇష్టపడడం వంటి సంబంధాలు ఎక్కువైపోతున్నాయి. అందుకే సినిమాల్లో అలాంటి అడల్ట్ కంటెంట్ పెట్టి చాలా మంది వైవాహిక జీవితాన్ని నిలబెట్టాలని ప్రయత్నంతో కూడా ఇలాంటి సీన్స్ చిత్రీకరించడానికి ప్రభుత్వం అనుమతి ఇచ్చింది. మన భారతదేశంలో అయితే ఆక్సిటోసిన్ ఎక్కువగా విడుదల అవుతుంది. ఈ హార్మోన్ మన దేశ ప్రజల్లో ఎంత ఎక్కువగా ఉంటుంది అంటే, ప్రేమ కోసం జనాలు పరితపిస్తుంటారు. ప్రాణాలు తీసుకోవడానికి కూడా వెనకాడరు.

ఇలాంటి ఎట్రాక్షన్స్ ని క్యాష్ చేసుకుని ఫారినర్స్ అడల్ట్ కంటెంట్ తీసి వెబ్‌సైట్స్ లో అప్‌లోడ్ చేస్తూ ఉంటారు. దీని ద్వారా వాళ్ళకి కొన్ని కోట్లలో బిజినెస్ అవుతుంది. మన భారతదేశంలో కేవలం ఇద్దరు మనుషుల మధ్య ఆకర్షణ మాత్రమే కాదు. వస్తువులపై కూడా ఆకర్షణ ఎక్కువగానే ఉంటుంది. గేమ్స్, మందు, సిగరెట్ ఇలా భారతదేశంలో ఉండే వాళ్ళు చాలా వాటికి ఆకర్షితులవుతారు. తర్వాత ఇవే వ్యసనంగా కూడా మారుతాయి. కానీ ఇతర దేశాల్లో మాత్రం ఇద్దరు వ్యక్తులకు మధ్య ఇంతగా ఎట్రాక్షన్ ఉండదు. అలా ఇంగ్లీష్ సినిమాల్లో రొమాంటిక్ సీన్స్ ఉండడానికి వెనకాల ఇంత బలమైన కారణాలు ఉన్నాయి అన్నమాట.

ఈరోజుల్లో స్మార్ట్ ఫోన్ లేని వ్యక్తి ఎవరు ఉండడం లేదు. ఇంటర్నెట్ వినియోగం కూడా గతంతో పోలిస్తే ఇప్పుడు చాలా ఎక్కువగా నడుస్తోంది. వాట్సాప్, ఫేస్ బుక్ వంటి సోషల్ మీడియా అప్లికేషన్స్ వచ్చిన తరువాత ఫోన్ వాడకం మరింత పెరిగింది. ఫోన్ వాడాలి అంటే అందులో కచ్చితంగా ఛార్జింగ్ ఉండాలి కదా మరి. అక్కడే వస్తుంది సమస్య. ఎంత బాటరీ బ్యాక్ అప్ ఉన్న ఫోన్ అయినా ఎప్పుడో ఒకప్పుడు బాటరీ ఛార్జ్ అయిపోక తప్పదు.

తిరిగి బ్యాటరీని ఛార్జ్ చేయడానికి మన వద్ద సూటబుల్ ఛార్జింగ్ కేబుల్ ఉండాలి. అయితే ఈ ఛార్జింగ్ కేబుల్స్ పెద్ద లెంగ్త్ ఉండవు. కనీసం అర మీటరు నుంచి మీటరు పొడవు వరకు ఉంటాయి. దీనితో మనకి ఛార్జింగ్ పెట్టుకునేటప్పుడు అనేక ఇబ్బందులు వస్తూ ఉంటాయి. ఛార్జింగ్ లో పెట్టిన తరువాత ఫోన్ పెట్టుకోవడానికి దగ్గరలోనే ఏదైనా టేబుల్ లాంటిది ఉండాల్సి ఉంటుంది. కింద వరకు పెట్టడానికి కేబుల్ సరిపోదు.

మనం ఫోన్ ని ఛార్జ్ లో పెట్టి ఓ పక్కన కూర్చుని చూసుకుందామన్నా కూడా ఈ కేబుల్ అంత దూరం రాదు. ఛార్జింగ్ కేబుల్ లెంగ్త్ చిన్నదిగా ఉండడం వలన మనం దానిని పట్టుకుని అక్కడే ఎక్కువ సేపు కూర్చోలేము. తద్వారా మనం ఫోన్ వాడకాన్ని కూడా తగ్గిస్తాము. ఛార్జ్ పెడుతున్న టైంలో ఫోన్ వాడకం మంచిది కాదు. దీని వెనుక ఉన్న సైంటిఫిక్ కారణం ఏంటో ఇప్పుడు చూద్దాం..

# స్మార్ట్ ఫోన్ కు ఛార్జ్ పెడుతున్న టైం లో ఎక్కువ మొత్తం లో SAR రేడియేషన్ ఎనర్జీ విడుదల అవుతూ ఉంటుంది. దీని నుంచి రక్షించడం కోసం ఎక్కువ సేపు ఫోన్ వద్ద ఉండకుండా ఉండడానికి కేబుల్స్ ను చిన్నవిగా డిజైన్ చేసారు.

# చార్జర్ కేబుల్ పెద్దదిగా ఉన్నపుడు కరెంటును పాస్ చేయడానికి ఎక్కువ రెసిస్టన్స్ అవసరమవుతుంది. దీనివల్ల విద్యుత్ చలనం తగ్గిపోతుంది. ఫలితంగా ఫోన్ పూర్తిగా ఛార్జ్ అవడానికి ఎక్కువ సమయం పడుతుంది. అంటే, కేబుల్ లెంగ్త్ పెరగడం వల్ల కరెంట్ పాసేజ్ తగ్గుతుంది.

# ఈ మధ్య వచ్చే అన్ని ఛార్జర్లు USB పోర్ట్ తో వస్తున్నాయి. తద్వారా మనం అడాప్టర్ లేకపోయినా.. ఈ కేబుల్ ను డైరెక్ట్ గా CPU కి గాని, లాప్ టాప్ కి గాని అటాచ్ చేసి వాడుకోవచ్చు. ఇందుకోసం కేవలం అరమీటర్ కేబుల్ ఉన్న సరిపోతుంది. ఫోన్ ను CPU కి కనెక్ట్ చేసి, ఫోన్ ని డెస్క్టాప్ పైన పెట్టుకోవచ్చు. దీనివల్ల అనవసరం ఎలక్ట్రానిక్ మెటీరియల్ వేస్ట్ అవడం ఉండదు. అలాగే.. ప్యాకేజీ కాస్ట్ కూడా తగ్గుతుంది.

# ఇందులో ఉండే వ్యాపార సూత్రం ఏమిటంటే.. షార్ట్ గా ఉండే కేబుల్ ను చార్జర్ తో పాటు ఇచ్చేసి.. లాంగ్ కేబుల్స్ ను కూడా విడిగా అమ్ముతుంటారు. మీ ఫోన్ కి కంపాటిబుల్ అయ్యే అడాప్టర్ మరియు కేబుల్ ని మాత్రమే వాడడం మంచిది. లేదంటే ఫోన్ లు పేలిపోయే ప్రమాదం ఉంటుంది.