Category:

Off Beat

టూవీలర్స్ కు మార్నింగ్ టైం లో కూడా హెడ్ లైట్ ఎందుకు ఆన్ లో ఉండాలి..? దీని వలన పెట్రోల్ ఎక్కువ అవుతుందా..?

by Anudeep April 15, 2021

written by Anudeep

మీరు గమనించే ఉంటారు. 2017 తరువాత వచ్చిన అన్ని టూవీలర్స్ లో హెడ్ లైట్స్ ఆన్ లోనే ఉంటున్నాయి. కనీసం.. వాటిని టర్న్ ఆఫ్ చేసుకోవడానికి కూడా మనకి అవకాశం ఉండదు. సాధారణం గా ఉదయం సమయాల్లో వెలుతురు గానే ఉంటుంది కాబట్టి మనకి హెడ్ లైట్స్ అవసరం లేదు. కానీ, ఈ లైట్స్ ని ఆఫ్ చేసే అవకాశం లేకపోవడం తో అవి వెలుగుతూనే ఉంటాయి.

ఇలా ఎందుకు ఉంటాయి. మార్నింగ్ టైం లో కూడా హెడ్ లైట్ ఆన్ లో ఉండాల్సిన అవసరం ఏంటో.. మనం ఇప్పుడు తెలుసుకుందాం. మార్కెట్లోకి వచ్చే అన్ని కొత్త మోటార్ బైక్స్ మరియు స్కూటర్లు ఏప్రిల్ 1, 2017 నుండి AHO ని కలిగి ఉండాలి. AHO అంటే ఆల్-టైమ్ హెడ్‌లైట్ ఆన్ లేదా ఆటోమేటిక్ హెడ్‌లైట్ ఆన్ సిస్టమ్ అని అర్ధం.

ఈ పేరు కు తగ్గట్లే, ఏప్రిల్ 1, 2017 తర్వాత విక్రయించబడిన మరియు రిజిస్టర్ చేయబడిన కొత్త మోటార్ సైకిళ్ళు మరియు స్కూటర్లు అన్ని సమయాల్లో హెడ్ లైట్లను కలిగి ఉండాలి. ఈ మేరకు భారత రోడ్డు మరియు రవాణా మంత్రిత్వ శాఖ నోటీసు జారీ చేసింది. AHO ఉన్న బైక్స్ కి లైట్ ని ఆఫ్ చేయడానికి బటన్ ఏమి ఉండదు. హెడ్ లైట్స్ ఎప్పుడు ఆన్ లోనే ఉంటాయి.

అయితే, హై బీమ్, లో బీమ్ బటన్స్ మాత్రం ఉంటాయి. తద్వారా మనం లైటింగ్ కెపాసిటీ ని తగ్గించుకోవచ్చు లేదా పెంచుకోవచ్చు. భద్రతను దృష్టిలో ఉంచుకునే ఈ రూల్ ను తీసుకొచ్చారు. మబ్బు పట్టినప్పుడు, సాయం సమయాల్లోనూ ఇలా ఎప్పుడు హెడ్ లైట్స్ ఆన్ లోనే ఉండడం వలన దూరం గా ఉన్న వాహనాలను కూడా మనం గుర్తించగలుగుతాం.

అయితే దీనివలన బండి బాటరీ పై కొంత ఒత్తిడి పడినప్పటికీ, బాటరీ ఏమి పాడవదు. చాలా బైక్స్ లేటెస్ట్ టెక్నాలజీ బాటరీ ఆల్టర్నేషన్ వ్యవస్థ తో రూపొందించబడ్డాయి. కాబట్టి ఎలాంటి ఇబ్బంది ఉండదు. అధునాతన టెక్నాలజీ ని వినియోగించడం వలన ఫ్యూయల్ వ్యవస్థ పై కూడా ఎక్కువ ఒత్తిడేమి ఉండదు. దానివలన పెట్రోల్ కూడా ఎక్కువ గా వృధా కాదు. కాబట్టి ఈ విషయం లో ఆందోళన అవసరం లేదు.

April 15, 2021

ఐపీఎల్ లో ఉండే అంపైర్ లకు సాలరీస్ ఎంత ఉంటాయో తెలుసా..? వారికి డబ్బులు ఎవరు చెల్లిస్తారు..?

by Anudeep April 15, 2021

written by Anudeep

“ఐపీఎల్”.. ప్రతి క్రికెట్ ప్రేమికుడు ఎంతగానో ఎదురుచూసేది ఐపీఎల్ కోసమే… భారత ఆటగాళ్ల సత్తా రుజువయ్యేది ఈ ఐపీఎల్ తోనే.. అతిపెద్ద క్రికెట్ కుంభమేళా గా ఐపీఎల్ కు పేరుంది. ప్రపంచవ్యాప్తం గా పలువురు ఆటగాళ్లు ఐపీఎల్ లో ఆడటానికి మొగ్గుచూపుతుంటారు. ప్రస్తుతం ఐపీఎల్ హడావిడి మొదలైంది. గతేడాది ఆలస్యం గా జరిగింది. అది కూడా పరాయి గడ్డ అయినా యుఏఐ లో జరిగింది. ఈసారి మన దేశం లోనే జరుగుతున్నా టివీల్లోనే చూడాల్సి వస్తోంది.

సరే, ఆటను ఎలా అయినా మనం ఎంజాయ్ చేస్తాం.. కానీ.. ఐపీఎల్ చూసే వారికీ సాధారణం గా వచ్చే డౌట్ అంపైర్ల గురించి. అసలు వారికి సాలరీస్ ఎంత వస్తాయో.. ఎవరు ఇస్తారు..? అన్న సందేహాలు చాలా మందికే ఉండి ఉంటాయి. వాటికి ఆన్సర్స్ ఇప్పుడు చర్చిద్దాం. గతేడాది ఐపీఎల్ లో పార్టిసిపేట్ చేసిన అంపైర్ లు అనిల్ చౌదరి, సి. షంషుద్దీన్, వీరేందర్ శర్మ, కె.ఎన్. అనంతపద్మనాభన్, నితిన్ మీనన్, ఎస్. రవి, వినీత్ కులకర్ణి, యశ్వంత్ బార్డే, ఉల్హాస్ గాంధే, అనిల్ దండేకర్, కె. శ్రీనివాసన్, పశ్చిమ్ పాఠక్.

ఈ ఏడాది కూడా వీరు కొనసాగనున్నారు. అంపైర్ లు కూడా ప్లేయర్స్ లాగానే, మ్యాచ్ లో పాల్గొనే ముందు పరీక్ష చేయించుకోవడం, క్వారంటైన్ లో ఉండటం తప్పనిసరి. ఫారిన్ అంపైర్లు రిచర్డ్ ఇల్లింగ్‌వర్త్ (ఇంగ్లాండ్), పాల్ రీఫెల్ (ఆస్ట్రేలియా), క్రిస్టోఫర్ గఫానీ (న్యూజిలాండ్). ఈ సంవత్సరం ఐపీఎల్ అంపైర్లని పేటీఎం స్పాన్సర్ చేస్తున్నారు.

టోర్నమెంట్ అయిపోయిన తర్వాత వాళ్లకి 7,33,000 రూపాయలు ఇస్తారు. ఎలైట్ ప్యానెల్ అంపైర్లకి మ్యాచ్ కి 1,98,000 రూపాయలు, డెవలప్మెంట్ అంపైర్లకి ఒక మ్యాచ్ కి 59,000 రూపాయలు అందుతాయి.

అనిల్ చౌదరి, సి. షంషుద్దీన్, నితిన్ మీనన్, ఎస్. రవి, వినీత్ కులకర్ణి, ఉల్హాస్ గాంధే, రిచర్డ్ ఇల్లింగ్‌వర్త్, పాల్ రీఫెల్, క్రిస్టోఫర్ గఫానీ ఎలైట్ అంపైర్ల జాబితాలోకి వస్తారు. వీరేందర్ శర్మ, కె. ఎన్. అనంతపద్మనాభన్, యశ్వంత్ బార్డే, అనిల్ దండేకర్, కె.శ్రీనివాసన్, పశ్చిమ్ పాఠక్ డెవలప్మెంట్ అంపైర్ల జాబితాలోకి వస్తారు. ఐసిసి ఎలైట్ ప్యానెల్‌ లో ఉన్న నాలుగవ అధికారి నితీష్ మీనన్.

April 15, 2021

Featured Information Off Beat

కార్ వెనక అద్దంపై ఆ గీతలు ఎందుకు ఉంటాయో తెలుసా? షో కోసం కాదు…కారణం ఇదే.!

by Sainath Gopi April 13, 2021

written by Sainath Gopi

ప్రపంచం రోజు రోజుకి ముందుకు సాగుతూ అభివృద్ధి చెందుతుంది అంటే దానికి కారణం టెక్నాలజీ ..నూనె దీపం దగ్గర నుండి ట్యూబ్ లైట్ దాక , టెలిఫోన్ నుండి స్మార్ట్ ఫోన్ దాక అంత ఇలా జరిగిందే ..చిన్న చిన్న ఆవిష్కరణలే పెను మార్పులు తీసుకువస్తాయి ..ఈ రోజున ప్రపంచం లో కష్టతరమైన పనులు అన్ని కూడా మెషిన్ల సహాయంతో సులువు అయిపోయాయి . అన్ని రంగాలలోను టెక్నాలజీ అభివృద్ధి చెందుతుంది.ఎంతో ఉపయోగకరమైన అంశాలని కూడా చిన్నవిగా ఉండటం వలన మనం గమనించం కానీ వాటిలో ఎంతో గొప్ప నైపుణ్యం దాగి ఉంటుంది ..సరిగ్గా అలాంటిదే కార్ విండోస్ పై ఉపయోగించిన టెక్నాలజీ కూడా …ఆలస్యమెందుకు అదేంటో తెలుసుకుందాము రండి.

సామాన్యంగా కార్ విండోస్ పై వైపర్ బ్లేడ్స్ ఉంటాయి ..వర్షం పడే సమయంలో ఇవి బాగా ఉపయోగపడతాయి.వర్షం నీరు పడి ఎదురుగ వస్తున్నవి కనపడని సమయంలో ఇవి నీటిని క్లీన్ చేస్తూ చూసే వ్యూని స్పష్టంగా కనపడేలా చేస్తాయి ..దాని తర్వాత దీనికి అడ్వాన్స్డ్ టెక్నాలజీ ఏంటంటే… విండ్ షీల్డ్ లైన్స్ …మీరు ఈ సన్నని లైన్స్ ని కార్ వెనక విండోస్ మీద గమనించి వుంటారు ..కానీ అవి ఎందుకు ఉంటాయి అని ఎప్పుడైనా ఆలోచించారా? షో కోసం అనుకుంటే మీరు పప్పులో కాలేసినట్టే.

విండోస్ మీద వుండే ఈ లైన్స్ ని Defoggers అని అంటారు ..ఇవి ఎలక్ట్రికల్ లైన్స్ …వీటి గుండా కరెంటు ప్రహహిస్తుంది ..దాని వలన విండో గ్లాస్ వేడి ఎక్కుతుంది దాంతో విండో మీద చేరిన తేమ మంచు తొలిగిపోయి స్పష్టమైన వ్యూ వస్తుంది ..కారులోని ఈ చిన్న విషయం పెద్ద టెక్నాలజీ గా అనిపించకపోవచ్చు ,కానీ అవి ప్రయాణికులకు భద్రత మరియు సౌకర్యానికి వీలుగా ఉంటాయి ..ఈసారి మీరు లాంగ్ డ్రైవ్ వెళ్ళినప్పుడు ఆ లైన్స్ పనితనాన్ని జాగ్రత్తగా గమనించండి . ఏమైనా కార్ల తయారీ సంస్థలు ఇలాంటి చిన్న విషయాలపై శ్రద్ద చూపిస్తుందంటే మెచ్చుకోదగ్గ విషయమే కదా .

April 13, 2021

Featured Filmy Adda News Off Beat

“పోకిరి” గురించి చాలామందికి తెలియని 8 విషయాలివే…!

by Anudeep April 13, 2021

written by Anudeep

“ఎవడు కొడితే దిమ్మ తిరిగి మైండ్ బ్లాక్ అయిపోద్దో వాడే పండుగాడు..” ఈ డైలాగ్ మామూలు ఫేమస్ కాదు.. మహేశ్ కెరీర్లోనే బిగ్గెస్ట్ హిట్ పోకిరి వచ్చి నేటికి పద్నాలుగు ఏళ్లు పూర్తి.. మహేశ్ కెరీర్ చూస్కుంటే పోకిరికి ముందు పోకిరికి తర్వాత అని చెప్పుకునేంత సూపర్ హిట్..మహేశ్ ని సూపర్ స్టార్ ని చేసిన హిట్.. మహేశ్ ఫ్యాన్స్ ని అమాంతం పెంచేసిన హిట్..

ఆగండాగండి ఇక్కడ మాట్లాడుకోవాల్సిన మరోవ్యక్తి పూరీ.. రాముడు మంచి బాలుడు లా ఉండే హీరో క్యారెక్టర్స్ ని పోకిరి, దేశముదురుగా మార్చిన క్రెడిట్ పూరిదే.. నేనెంత వెధవనో నాకే తెలీదు అని వెధవలందరికి ఎక్కడలేని గొప్పతనం అంటకట్టి, వాళ్లు కాలరెగరేసేలా చేసిన క్రెడిట్ కూడా పూరిదే…సర్లేండి పూరీ టైటిల్స్ పై, డైలాగ్స్ పై వ్యతిరేకత అనేది ఉంది..అది ఇక్కడ మ్యాటర్ కాదు..ఇక్కడ మ్యాటరేంటంటే పోకిరి హీరో మహేశ్, హీరోయిన్ ఇలియానా, పూరీ డైరెక్టర్ ఇవన్ని తెలిసిన విషయాలే..తెలియని కొన్ని ఆసక్తికరమైన విషయాలు ఇప్పుడు చెప్పుకుందాం..

#1. “పండు” ఆ పేరులో ఒక వైబ్రేషన్ ఉంది. ఉత్తమ్ సింగ్ ఇదేంటి ఇంత చెత్తగా ఉంది అనుకుంటున్నరా..నిజానికి పోకిరికి ముందు అనుకున్న టైటిల్ అదే ఉత్తమ్ సింగ్.. పంజాబ్ బ్యాక్ డ్రాప్లో కథ అనుకున్నారు.. కథ అంతా ఇదే కాకపోతే పంజాబ్ ఫ్యామిలిలో పెరిగిన కుర్రాడు, చివరికి అండర్ కవర్ కాప్ అని తేలుతుంది అనేది విషయం..పూరీ ఇదే స్టోరిలైన్ మహేశ్ కి చెప్తే, కథ ఒకె కాని బ్యాక్ డ్రాప్ , టైటిల్ బాగలేవు, ఛేంజ్ చేయమన్నాడట మహేశ్..

#2. ఎలాగూ హీరో అల్లరి చిల్లరిగా తిరిగేవాడు కాబట్టి పోకిరి అని పెడితే ఎలా ఉంటుంది అని పూరి అడగడం మహేశ్ ఒకె చేయడం చకచకా జరిగిపోయాయి..ఇంతకీ పండు ఎవరో తెలుసా.. తన వైఫ్ లావణ్యని పూరి ముద్దుగా పండు అని పిలుచుకుంటున్నారు..ఆ పండు కాస్తా పండుగాడు అయ్యిందన్నమాట..

#3. ఏళ్లకేళ్లు సాగదీయకుండా షూటింగ్స్ త్వరగా కంప్లీట్ చేయడం పూరికి ఉన్న మేజర్ ప్లస్ పాయింట్, అదే తన అభిమానులకి తనలో నచ్చే అంశం కూడా..పోకిరి షూటింగ్ మొత్తాన్ని 70రోజుల్లో కంప్లీట్ చేశారు..అది కూడా సింగిల్ టేక్స్ లోనే ఒకె చేసేవారట పూరి..మహేశ్ కి మొదట్లో ఇదంతా కొత్తగా ఉన్నా, తర్వాత తనకి అలవాటైపోయిందట.

#4. “ఇలియానా” సెలక్ట్ చేయడానికన్నా ముందు హీరోయిన్ సెలక్షన్ గురించి పెద్ద కసరత్తే జరిగింది..అయేషా టకియా నుండి దీపికా పదుకునే వరకు ఎందరినో అనుకుని, కొందరు కొత్త వాళ్లని ఆడిషన్స్ చేసి ఎవరూ నచ్చక, చివరికి ఎవరో ఇచ్చిన సజెషన్ తో ఇలియానకి ఓటేశారు మహేశ్ ,పూరి.. అప్పటికి దేవదాసు సినిమాతో ఇలియానా కుర్రకారు మనసు దోచేసింది..పోకిరిలో తన అందచందాల్తో ఏకంగా వాళ్ల గుండెల్లో తిష్ట వేసుకుని కూర్చునేలా మాయ చేసింది..

#5. గలగల పారుతున్న గోదారిలా పాటలో మహేశ్ , ఇలియాన మధ్య రొమాన్స్ ఇప్పటికి క్రేజే..ఒక సారి విదేశాలకు వెళ్లిన పూరికి అక్కడ వీదుల్లో గిటార్ ప్లే చేస్తున్న అతను పాడిన సాంగ్ వినగానే ఇది మన తెలుగు పాటే అనుకున్నాడట, కాని నిజానికి తెలుగులో క్రిష్ణగారి గౌరి సినిమాలోకి ఆ పాటని ఇంగ్లీష్ సాంగ్ నే తెలుగులో గలగలపారుతున్న గోదారిలా అని తీశారని తెలిసి.. ఆ పాటని పోకిరిలో పెట్టారు. సినిమా ఎంత హిట్టో ఆ పాట అంత హిట్..

#6. “జగడమే” అని పాట వస్తుంటే ఇప్పటికి కుర్రాళ్ల రోమాలు నిక్కబొడుచుకుంటాయి.. విషయం ఏంటంటే ఆ సినిమా మొత్తానికి కెమెరామాన్ శ్యామ్ కె నాయుడు అయితే, ఈ పాటకి పని చేసింది మాత్రం కెవి గుహన్.. ఆ పాటలో మహేశ్ ఎక్స్ప్రెషన్స్, టేకింగ్, మేకింగ్,సినిమాటోగ్రఫి అన్ని కలగలిసి ఆ పాటకి అంత పేరు తీసుకొచ్చాయి..

#7. చాలా మైన్యూట్ ఛేంజెస్ కూడా ఒక్కోసారి పెద్ద రిజల్ట్స్ ని ఇస్తాయి..సినిమా క్లైమాక్స్ లో మహేశ్ బాబు ప్రకాశ్ రాజ్ ని లాగిపెట్టి గూబ గుయ్ మనిపించే సీన్లో బీప్ సౌండ్ వస్తుంది.. ఈ ఐడియా ఇచ్చింది ఫైట్ మాస్టర్ విజయన్.. ఈ సీన్ సూపర్ గా పండడానికి ఆ చిన్న చేంజే కారణం, ఆడియన్స్ ఇప్పటికి ఎంజాయ్ చేస్తారు..

#8. పోకిరి షూటింగ్ అయిపోయింది..ఎడిటింగ్ రూంలో ఎడిటింగ్ జరిగేప్పుడు కేవలం మహేశ్ ,పూరిలిద్దరికి తప్ప ఎవ్వరికి ఆ సినిమా హిట్ అవుతుందనే నమ్మకం లేదట..అంతేకాదు మాపియా, పోలీసులు..ఉమన్ రోల్స్ ఎక్కువ లేవు ఎవరు చూస్తారు ఈ సినిమా అని ప్రొడ్యూసర్స్ రిజక్ట్ చేయడంతో ప్ మహేశ్, పూరి ఇద్దరే వారి సొంత బ్యానర్లో రిలీజ్ చేసారు..తర్వాత బాక్సాపీస్ బద్దలు కొట్టిన ఈ సినిమా హింది, తమిళ, కన్నడ,బెంగాళీలలో కూడా రీమేకై సూపర్ డూపర్ హిట్ అయింది..

April 13, 2021

Off Beat Sports Adda

5 కంటే ఎక్కువ ఐపీఎల్ టీమ్స్ లో ఆడిన 11 మంది ప్లేయర్స్ వీళ్లే.! అందరికంటే ఎక్కువ ఎవరంటే.?

by Mohana Priya April 13, 2021

written by Mohana Priya

ఇండియన్ ప్రీమియర్ లీగ్ 2008 లో మొదలయ్యింది. అప్పటి నుంచి ఇప్పటి వరకు ప్రతి సీజన్ కి క్రేజ్ పెరుగుతూ వచ్చింది. మధ్యలో కొన్ని టీమ్స్ వచ్చాయి, తర్వాత వేరే సీజన్ నుండి మళ్లీ కొన్ని టీమ్స్ కనిపించలేదు. కొన్ని టీమ్స్ పేర్లు మార్చుకున్నాయి. కొన్ని టీమ్స్ ఓనర్స్ కూడా మారారు.

ప్లేయర్స్ విషయంలో కూడా, చాలా మంది టీమ్స్ మారారు. అందులో కొంత మంది మాత్రం ఐదు కంటే ఎక్కువ టీమ్స్ తరపున ఆడారు. అలా ఐదు కంటే ఎక్కువ టీమ్స్ తరపున ఆడిన ప్లేయర్స్ ఎవరంటే.

#1 మనీష్ పాండే

మనీష్ పాండే 5 ఐపిఎల్ ఫ్రాంచైజీల తరపున ఆడారు.

ముంబై ఇండియన్స్ – 2008
రాయల్ ఛాలెంజర్స్ బెంగళూరు – (2009 – 2010)
పూణే వారియర్స్ – (2011 – 2013)
కోల్‌కతా నైట్ రైడర్స్ – (2014 – 2017)
సన్ ‌రైజర్స్ హైదరాబాద్ – 2018

#2 అశోక్ డిండా

అశోక్ డిండా 5 ఐపిఎల్ ఫ్రాంచైజీల తరపున ఆడారు.

కోల్కతా నైట్ రైడర్స్ – (2008 – 2010)
ఢిల్లీ డేర్ ‌డెవిల్స్ – 2011
పూణే వారియర్స్ – (2012 – 2013)
రాయల్ ఛాలెంజర్స్ బెంగళూరు – (2014 – 2015)
రైజింగ్ పూణే సూపర్ జయింట్స్ – (2016 – 2017)

#3 ఆశిష్ నెహ్రా

ఆశిష్ నెహ్రా 5 ఐపిఎల్ ఫ్రాంచైజీల తరపున ఆడారు.

ముంబై ఇండియన్స్ – 2008
ఢిల్లీ డేర్‌ డెవిల్స్ – (2009 – 2010)
పూణే వారియర్స్ – (2011 – 2012)
చెన్నై సూపర్ కింగ్స్ – (2014 – 2015)
సన్‌ రైజర్స్ హైదరాబాద్ – (2016 – 2017)

#4 ఆర్పి సింగ్

ఆర్పి సింగ్ 5 ఐపిఎల్ ఫ్రాంచైజీల తరపున ఆడారు.

డెక్కన్ ఛార్జర్స్ – (2008 – 2010)
కొచ్చి టస్కర్స్ కేరళ – 2011
ముంబై ఇండియన్స్ – 2012
రాయల్ ఛాలెంజర్స్ బెంగళూరు – 2013
రైజింగ్ పూణే సూపర్ జయింట్స్ – 2016

#5 రాబిన్ ఉతప్ప

రాబిన్ ఉతప్ప 5 ఐపిఎల్ ఫ్రాంచైజీల తరపున ఆడారు.

ముంబై ఇండియన్ – 2008
రాయల్ ఛాలెంజర్స్ బెంగళూరు – (2009 – 2010)
పూణే వారియర్స్ – (2011 – 2013)
కోల్‌కతా నైట్ రైడర్స్ – (2014 – 2019)
రాజస్థాన్ రాయల్స్ – 2020
చెన్నై సూపర్ కింగ్స్ – 2021

#6 ఇషాంత్ శర్మ

ఇషాంత్ శర్మ 6 ఐపిఎల్ ఫ్రాంచైజీల తరపున ఆడారు.

కోల్కతా నైట్ రైడర్స్ – (2008 – 2010)
డెక్కన్ ఛార్జర్స్ – (2011 – 2012)
సన్ ‌రైజర్స్ హైదరాబాద్ – (2013 – 2014)
రైజింగ్ పూణే సూపర్ జయింట్స్ – 2017
కింగ్స్ ఎలెవన్ పంజాబ్ – 2018
ఢిల్లీ క్యాపిటల్స్ – 2019

#7 ఇర్ఫాన్ పఠాన్

ఇర్ఫాన్ పఠాన్ 6 ఐపిఎల్ ఫ్రాంచైజీల తరపున ఆడారు.

కింగ్స్ ఎలెవన్ పంజాబ్ – (2008 – 2010)
ఢిల్లీ డేర్‌ డెవిల్స్ – (2011 – 2013)
సన్ ‌రైజర్స్ హైదరాబాద్ – 2014
చెన్నై సూపర్ కింగ్స్ – 2015
రైజింగ్ పూణే సూపర్ జయింట్స్ – 2016
గుజరాత్ లయన్స్ – 2017

#8 యువరాజ్ సింగ్

యువరాజ్ సింగ్ 6 ఐపిఎల్ ఫ్రాంచైజీల తరపున ఆడారు.

కింగ్స్ ఎలెవన్ పంజాబ్ – (2008 – 2010)
పూణే వారియర్స్ – (2011 – 2013)
రాయల్ ఛాలెంజర్స్ బెంగళూరు – 2014
ఢిల్లీ డేర్‌ డెవిల్స్ – 2015
సన్ ‌రైజర్స్ హైదరాబాద్ – (2016 – 2017)
ముంబై ఇండియన్స్ – 2019

#9 తిసర పెరెరా

తిసారా పెరెరా 6 ఐపిఎల్ ఫ్రాంచైజీల తరపున ఆడారు.

చెన్నై సూపర్ కింగ్స్ – 2010
కొచ్చి టస్కర్స్ కేరళ – 2011
ముంబై ఇండియన్స్ – 2012
సన్ ‌రైజర్స్ హైదరాబాద్ – 2013
కింగ్స్ ఎలెవన్ పంజాబ్ – (2014 – 2015)
రైజింగ్ పూణే సూపర్ జయింట్స్ – 2016

#10 దినేష్ కార్తీక్

దినేష్ కార్తీక్ 7 ఐపిఎల్ ఫ్రాంచైజీల తరపున ఆడారు.

ఢిల్లీ డేర్ డెవిల్స్ – (2008 – 2010)
కింగ్స్ ఎలెవన్ పంజాబ్ – 2011
ముంబై ఇండియన్స్ – (2012 – 2013)
ఢిల్లీ డేర్ డెవిల్స్ – 2014
రాయల్ ఛాలెంజర్స్ బెంగళూరు – 2015
గుజరాత్ లయన్స్ – (2016 – 2017)
కోల్కతా నైట్ రైడర్స్ – 2018

#11 పార్థివ్ పటేల్

పార్థివ్ పటేల్ 7 ఐపిఎల్ ఫ్రాంచైజీల తరపున ఆడారు.

చెన్నై సూపర్ కింగ్స్ – (2008 – 2010)
కొచ్చి టస్కర్స్ కేరళ – 2011
డెక్కన్ ఛార్జర్స్ – 2012
సన్ రైజర్స్ హైదరాబాద్ – 2013
రాయల్ ఛాలెంజర్స్ బెంగళూరు – 2014
ముంబై ఇండియన్స్ – (2015 – 2017)
రాయల్ ఛాలెంజర్స్ బెంగళూరు – 2018

#12 ఆరోన్ ఫించ్

ఆరోన్ ఫించ్ 8 ఐపిఎల్ ఫ్రాంచైజీల తరపున ఆడారు.

రాజస్థాన్ రాయల్స్ – 2010
ఢిల్లీ డేర్ డెవిల్స్ – (2011- 2012)
పూణే వారియర్స్ – 2013
సన్ రైజర్స్ హైదరాబాద్ – 2014
ముంబై ఇండియన్స్ – 2015
గుజరాత్ లయన్స్ – (2016 – 2017)
కింగ్స్ ఎలెవన్ పంజాబ్ – 2018
రాయల్ ఛాలెంజర్స్ బెంగళూరు – 2020

April 13, 2021

Featured Information Off Beat

ఆర్మీ, నేవీ, ఎయిర్ ఫోర్స్ సెల్యుట్ల వెనకున్న అర్థం తెలుసా? మూడు ఒకేలాగా ఉండవు..!

by Mohana Priya April 10, 2021

written by Mohana Priya

ఎయిర్ ఫోర్స్, ఆర్మీ, నేవీ అందరూ దేశానికి సైనిక దళాల కోవకి చెందిన వాళ్లే. కానీ ఎవరి ప్రత్యేకత వాళ్ళకి ఉంటుంది. అదేవిధంగా వారు చేసే సెల్యూట్ కూడా చూడడానికి ఒకేలా ఉన్నా ఆ దళాలకి ప్రత్యేకత ఉన్నట్టు వారి సెల్యూట్ కూడా ప్రతి రంగానికి వేరుగానే ఉంటాయి.

ఆర్మీ

ఆర్మీ వాళ్ళు చేయి ఎదుటి వాళ్లకు కనబడేలా పెట్టి, వేళ్ళన్ని దగ్గరగా ఉంచి మూడవ వేలు తమ కనుబొమ్మల కి కానీ, లేదా హ్యాట్ బ్యాండ్ కి కానీ తాకేలా పెడతారు. అది వాళ్ల మీద వాళ్ళకి ఉన్న నమ్మకాన్ని చూపించడమే కాకుండా, తమ లో ఎలాంటి చెడు ఆలోచనలు లేవు అని తాము ఎలాంటి ఆయుధాలు దాచలేదు అని చెప్తున్నట్టు అర్థం.

నేవీ

చేయి 90 డిగ్రీల యాంగిల్ లో పెట్టి అరచేయి కిందకి చూపిస్తున్నట్టు ఉంటుంది వీరి సెల్యూట్. అలా పెట్టడం వెనకాల ఉన్న కారణం ఏంటి అంటే ఆ సేయిలర్స్ షిప్ లో పనిచేస్తున్నప్పుడు చేతికి నూనె లేదా గ్రీస్ అంటడం, లేదా దుమ్ము పట్టే అవకాశం ఉంటుంది. అవి కనిపించకుండా ఉండటానికి అరచేయి భూమివైపు పెడతారు.

ఎయిర్ ఫోర్స్

45 డిగ్రీల యాంగిల్ లో అరచేయి కుడి పక్కకి వచ్చేలా కుడి భుజం ముందుకు కనిపించేలా పెడతారు. వీళ్ళ సెల్యూట్ ఆర్మీ వాళ్ళ సెల్యూట్ కి నేవీ వాళ్ల సెల్యూట్ కి మధ్యలో ఉంటుంది. ముందు ఎయిర్ ఫోర్స్ వాళ్ళ సెల్యూట్ కూడా ఆర్మీ వాళ్ల సెల్యూట్ లానే ఉండేది. 2006లో ఎయిర్ ఫోర్స్ వాళ్ళకి కొత్త పద్ధతిలో సెల్యూట్ చేసే విధానాన్ని అమలు చేశారు.

ఇలా ఒక్కొక్క సైనిక దళానికి ఒక్కొక్క ప్రత్యేకత ఉన్నట్టు వారి సెల్యూట్ కి కూడా ప్రత్యేకత ఉంది.

April 10, 2021

Off Beat Sports Adda

ఐపీఎల్ నిర్వహించడం ద్వారా డబ్బులు ఎవరికి వస్తాయి? ఎలా వస్తాయి?

by Mohana Priya April 10, 2021

written by Mohana Priya

ప్రస్తుతం ఎక్కడ చూసినా ఒకటే హవా. అదే ఇండియన్ ప్రీమియర్ లీగ్.అసలు ఐపీఎల్ ద్వారా డబ్బులు ఎలా వస్తాయి? ఎవరికి వస్తాయి? క్రికెటర్లకు ఎంత చెల్లిస్తారు? ఇవన్నీ ఎప్పుడైనా అనుకున్నారా? ఎప్పుడో ఒకసారి అయినా అనుకునే ఉంటారు. ఈ ప్రశ్నలన్నిటికీ సమాధానం ఇప్పుడు తెలుసుకుందాం.

బీసీసీఐ :

ఐపీఎల్ ని బీసీసీఐ నిర్వహిస్తుంది. ఇలా మ్యాచ్ లను నిర్వహించడం వల్ల బీసీసీఐకి లాభం ఏమిటంటే, ఈ మ్యాచ్ టెలికాస్ట్ చేయడానికి ఛానల్స్ యాజమాన్యం బీసీసీఐకి పెద్ద మొత్తాన్ని చెల్లిస్తారు. 2008 లో సోనీ పిక్చర్స్ నెట్వర్క్స్ పదేళ్ల పాటు ఐపీఎల్ టెలికాస్ట్ చేయడానికి అనుమతుల కోసం బీసీసీఐ కి 8,200 కోట్లు చెల్లించింది. 2018 లో అయిదేళ్ల పాటు టీవీ లో ఇంకా, ఇంటర్నెట్ లో టెలికాస్ట్ చేయడానికి రైట్స్ ని 16,347 కోట్లతో స్టార్ ఇండియా తీసుకుంది.

ఐపీఎల్ ద్వారా బీసీసీఐకి డబ్బులు వచ్చే ఇంకొక మాధ్యమం స్పాన్సర్ షిప్స్. ప్రతి సంవత్సరం ఐపీఎల్ ని ఏదో ఒక సంస్థ స్పాన్సర్ చేస్తుంది. 2008 నుండి 2012 వరకూ డిఎల్ఎఫ్ కంపెనీ 200 కోట్లకు ఐపీఎల్ స్పాన్సర్ షిప్ తీసుకుంది. 2013 నుండి 2015 వరకు పెప్సీ కంపెనీ 200 కోట్లు చెల్లించి స్పాన్సర్ షిప్ తీసుకుంది. 2016, 2017 టైటిల్ స్పాన్సర్ షిప్ ని వివో కంపెనీ 200 కోట్లు పెట్టి తీసుకుంది.

2018 నుండి 2022 వరకు టైటిల్ స్పాన్సర్ షిప్ ని 2,200 కోట్లు పెట్టి వివో తీసుకుంది. కానీ ఇప్పుడు చైనా, ఇండియా మధ్య గొడవలు రావడంతో వివో స్పాన్సర్ షిప్ రద్దు చేసింది. 2020 టైటిల్ స్పాన్సర్ షిప్ ని డ్రీం 11, 200 కోట్లు చెల్లించి తీసుకుంది. ఇదే కాకుండా అసోసియేట్ స్పాన్సర్ షిప్స్ కోసం కూడా కొన్ని కంపెనీలు బీసీసీఐకి డబ్బులు చెల్లిస్తాయి.

టీం ఓనర్స్ :

ఇంక టీం ఓనర్స్ డబ్బులు ఎలా సంపాదిస్తారు అంటే, మ్యాచ్ ఏ ప్రదేశంలో నిర్వహిస్తే, ఆ స్టేడియం లో టికెట్ డబ్బులు, ఫుడ్ ఐటమ్స్ నుండి వచ్చే ప్రాఫిట్స్ అన్నీ, ఆ ప్రదేశం రిప్రజెంట్ చేస్తున్న జట్టు ఓనర్ కి వెళ్తాయి. ఇంకొకటి స్పాన్సర్ షిప్ ద్వారా. రాయల్ ఛాలెంజర్స్ బెంగళూరు జట్టు జెర్సీ మీద ముత్తూట్ ఫిన్ కార్ప్ అని ఉంటుంది.

అంటే వాళ్లు ఈ జట్టుని స్పాన్సర్ చేస్తున్నట్టు. ఇది ఒకటే కాదు స్పాన్సర్ చేసే కంపెనీల పేర్లు అన్నీ ఆ జట్టు జెర్సీ మీద ఉంటాయి. అలా జెర్సీ మీద పేరు రావడానికి, అంటే ఆ జట్టు ని స్పాన్సర్ చేయడానికి ఆ కంపెనీలు జట్టు యాజమాన్యానికి పెద్ద మొత్తం చెల్లిస్తారు.

ఇంకొకటి ఆ జట్టు జెర్సీలను, అలాగే ఆ జట్టు పేరు ఉన్న యాక్సెసరీలను స్టేడియంలో అలాగే ఆన్లైన్లో అమ్మడం ద్వారా కూడా డబ్బులు వస్తాయి. అంతే కాకుండా బీసీసీఐకి స్పాన్సర్ షిప్స్ నుండి, బ్రాడ్ కాస్టింగ్ రైట్స్ నుండి వచ్చే మొత్తంలో 50 శాతాన్ని ఐపీఎల్ టీమ్ ఓనర్స్ కి ఇస్తారు.

ఐపీఎల్ మొత్తం అయిపోయిన తర్వాత ప్రతీ టీం కి వాళ్లకి బయట ఉన్న క్రేజ్ ప్రకారం, వాళ్ల పర్ఫామెన్స్ ప్రకారం డబ్బులు చెల్లిస్తారు. అంటే ఎక్కువ మ్యాచ్ లు గెలిస్తే ఎక్కువ డబ్బులు చెల్లిస్తారు. తక్కువ మ్యాచ్ లు గెలిస్తే తక్కువ డబ్బులు చెల్లిస్తారు. బీసీసీఐ, తాము తిరిగి ఇచ్చే 50% లో కొంత మొత్తాన్ని ప్రైజ్ మనీ కోసం పక్కన పెడతారు.

ప్లేయర్స్ :

ప్రతి ప్లేయర్ కి పారితోషికంతో పాటు, ప్రతి ఐపీఎల్ లో పర్పుల్ క్యాప్, ఆరెంజ్ క్యాప్, ప్లేయర్ ఆఫ్ ది మ్యాచ్ ఇలా అవార్డ్స్ ఉంటాయి. వీటి ద్వారా ప్లేయర్స్ కి డబ్బులు వస్తాయి.

టీవీ ఛానల్స్ :

టీవీ ఛానల్స్ డబ్బులు ఎలా సంపాదిస్తారు అంటే, అడ్వర్టైజ్మెంట్స్ ద్వారా. ఒక ఎడ్వర్టైజ్మెంట్ ఉండే నిడివిని బట్టి ఆ కంపెనీ యాజమాన్యం ఛానల్ కి డబ్బులు చెల్లిస్తారు. ఇంకొకటి, ఇప్పుడు అందరి ఇళ్లలోనూ ఐపీఎల్ ప్రసారమయ్యే ఛానల్స్ రావాలి అని రూలేమీ లేదు.

అంటే ప్యాక్ బేస్డ్ సబ్స్క్రిప్షన్ ఉంటుంది కాబట్టి అందరి సబ్స్క్రిప్షన్ ఒకటే లాగా ఉండవు. కాబట్టి కొంత మంది ఐపీఎల్ చూడాలి అనుకుంటే వాళ్ల దగ్గర ఆ ఛానల్ లేకపోతే డబ్బులు చెల్లించి ఛానల్ కి సబ్స్క్రిప్షన్ చేయించుకుంటారు. అలా కొన్ని కోట్ల మంది సబ్స్క్రిప్షన్ చేయించుకుంటారు. దాంతో ఆ డబ్బులు ఛానల్ కి వెళ్తాయి.

ఎలా ఉపయోగిస్తారు :

ఇలా వచ్చే డబ్బులను బీసీసీఐ, డొమెస్టిక్ ఇంకా ఇంటర్నేషనల్ మ్యాచ్ లను కండక్ట్ చేయడానికి, అడ్మినిస్ట్రేషన్ కి ఉపయోగిస్తారు. మిగిలిన మొత్తాన్ని బ్యాంకులో భద్రపరుస్తారు. ట్రావెలింగ్ ఖర్చులు, స్టాఫ్ ఖర్చులు, ఎకామిడేషన్ (హోటల్) ఖర్చులు ఇవన్నీ ఐపీఎల్ టీమ్ ఓనర్లు భరిస్తారు.

ప్రభుత్వం :

ఐపీఎల్ లో ఇన్వాల్వ్ అయిన ప్రతి ఒక్కరికి ఏదో ఒక విధంగా ప్రాఫిట్ వస్తుంది. దాంతో వాళ్లు కొంత మొత్తాన్ని టాక్స్ రూపంలో ప్రభుత్వానికి చెల్లిస్తారు. దాంతో ఐపీఎల్ ద్వారా ప్రభుత్వం కూడా కొంత లాభం పొందుతుందన్నమాట.

April 10, 2021

Gallery Off Beat

ఈ 17 ఫోటోలు చూస్తే నవ్వాపుకోలేరు..! ఇంతకంటే దరిద్రంగా రోజు వారికి ఇంకోటి ఉండదు.! 9 వ ది హైలైట్!

by Megha Varna April 9, 2021

written by Megha Varna

ఎప్పుడు ఎవ‌రి జీవితంలో ఏం జ‌రుగుతుందో ఎవ‌రికీ తెలియ‌దు.జీవితం అంటేనే అనేక సంఘ‌ట‌న‌లు, భావోద్వేగాలు, అంశాలు, ఎత్తు ప‌ల్లాలు, సుఖ దుఃఖాలమయం. కాకపోతే కొన్నిసార్లు కొంద‌రికి జ‌రిగే సంఘ‌ట‌న‌లు మాత్రం ఇత‌రుల‌కు న‌వ్వు తెప్పిస్తాయి. ఇక అలాంటి సంద‌ర్భాల్లో ఎవ‌రైనా ఆ ఘ‌ట‌న‌లను కాస్తా ఫొటో తీశారు అనుకోండి, అవి అంత‌టా వైర‌ల్ అవుతాయి. ఈ క్ర‌మంలో వాటిని అడ్డుకోవ‌డం ఎవ‌రి వ‌ల్లా కాదు. స‌రే.. ఈ విష‌యం ప‌క్క‌న పెడితే.. కింద ఇచ్చిన కొన్ని ఫొటోలు చూడండి. మ‌న‌కు న‌వ్వు తెప్పిస్తాయి. కానీ.. వారికి మాత్రం ఈ ఫొటోలు చాలా ఇబ్బందిగా ఉంటాయి.. మ‌రి ఆ ఫొటోల‌పై ఓ లుక్కేయండి .

1 ) సరిగ్గా చూడు లేకపోతే షాక్ కొడుతుంది.

2) ఈమె కోకా కోలాను తాగాల‌నుకుంది. కానీ పాపం ఏం చేస్తాం, ఆమె నోరు కాదు ముక్కే తాగేసింది.

3) అబ్బా.. దుర‌ద పెట్టింది బ్ర‌ద‌రూ.. ఏం చేయాలి..!

4) బెస్టాఫ్ ల‌క్ భ‌య్యా. క‌నీసం ఇలా అయినా ఆ అమ్మాయి నీ ల‌వ్‌లో ప‌డుతుందేమో చూద్దాం..!

5) దండ వాస‌న వ‌స్తుందా, లేక పెళ్లి అంటే ఇష్టం లేదా..? చూస్తుంటే పెళ్లంటేనే ఇష్టం లేన‌ట్టు ఉంది.

6) ఇలాంటి సంఘ‌ట‌న ప‌గ‌వాడికి కూడా ఎదురుకాకూడ‌ద‌ని కోరుకుందాం.

7) మ‌రీ ఇంత సిగ్గ‌యితే ప‌నికి రాద‌మ్మా. చూడండి.. మీ వారి ప్యాంటు ఎలా త‌డిసిపోయిందో..!

8) నిర‌సన చేసేట‌ప్పుడు న‌వ్వ‌కూడ‌దు బ్ర‌ద‌ర్‌. తంతారు… అఫ్‌కోర్స్‌.. న‌వ్వ‌క‌పోయినా తంతార‌నుకోండి..!

9) ఛ‌.. కొత్త స్కూట‌ర్. గ‌ర్ల్ ఫ్రెండ్‌ను ఎక్కించుకుందామ‌నుకున్నా.. ఇంత‌లోనే గుంత‌లో ప‌డ్డా.

10) వ‌ర‌ద వ‌చ్చినా, తుపాను వ‌చ్చినా టీవీ సీరియ‌ల్ చూడ‌డం మాత్రం ఆప‌రు క‌దా.

11) ఛ‌.. స‌న్నీలియోన్ వ‌చ్చిన రోజే నాకు హోం వ‌ర్క్ చేయ‌లేద‌ని ప‌నిష్‌మెంట్ ప‌డాలా..! అబ్బా…

12) ఎంత పెళ్లి కొడుకైనా ఇలాంటి అర్జెంట్ సంద‌ర్భాల్లో ఎవ‌రూ ఏమీ చేయ‌లేరు క‌దా..!

13) ఈయ‌నెవ‌రో యోగాలో మ‌రీ శ‌వాస‌నం ఎక్కువ సేపు వేసిన‌ట్టున్నారు. గాఢంగా నిద్ర ప‌ట్టేసింది. కొంచెం లేపండ‌ర్రా…

14) ఛ‌.. తిడ‌దాం అంటే స్వ‌యానా నా కూతురు అయింది. ఇప్పుడేం చేయాలి.

April 9, 2021

Off Beat

ఈ 8 గుర్తులు మీలో గుర్తించారా? అయితే మీరు జీనియస్ కిందే లెక్క.. అవేంటో చూడండి..!

by Anudeep April 6, 2021

written by Anudeep

అసలు జీనియస్ అంటే ఏంటి..? వందకి వంద మార్కులు వచ్చేస్తే వాళ్ళు టాలెంటెడ్ పర్సన్స్ అని మీరు అనుకుంటున్నారా. అయితే మీరు పప్పులో కాలేసినట్లే. ఎందుకంటే, టాలెంట్, తెలివి తేటలు ఇవన్నీ మార్కులను బట్టి ఉండవు. మనకు వచ్చే సిట్యుయేషన్స్ ను మనం డీల్ చేసే విధానాన్ని బట్టి మన తెలివి తేటలు ఆధారపడి ఉంటాయి. మరి, మనం జీనియస్ ఏనా కాదా అన్న సంగతి ఎలా తెలుస్తుంది..? ఈ కింద పాయింట్స్ చదవండి. ఈ పది అలవాట్లు మీకు ఉన్నాయో లేవో తెలుసుకోండి.

1. రాత్రిళ్ళు ఎక్కువ సేపు మెలకువ గా ఉండడం:
మనలో చాలామంది నిద్ర పట్టడం లేదు అంటూ ఉంటారు. మధ్యాహ్నం నిద్రపోయిన వారి సంగతి పక్కన పెడితే, రాత్రుళ్ళు నిద్రపట్టక ఎదో ఆలోచిస్తూ ఉంటున్నారా..? అయితే మీరు జీనియస్ కిందే లెక్క. ఎందుకంటే జీనియస్ ల మెదడు నిరంతరం ఆలోచిస్తూనో.. ఏదో ఒక పని చేస్తూనో ఉంటుంది. అందుకే రాత్రిళ్ళు వీరికి తొందరగా నిద్రపట్టదు. అయితే మెదడు మెలకువ గా ఉన్న ఆ సమయాన్ని సినిమాలు చూస్తూ వృధా చేసుకోవడం కంటే.. ఏదైనా జ్ఞానాన్ని పెంచే వీడియోస్ చూడడం లేదా బుక్స్ చదవడం మంచిది. లియోనార్డో డావిన్సి, నికోలా టెస్లా వంటి వారు కూడా రోజుకు రెండు నుంచి మూడు గంటలు పడుకునేవారట. అంతకుమించి వారికి నిద్ర పట్టేది కాదట.

2. బద్ధకం:
బద్ధకం అంటే పనులను మానేయడం మాత్రమే కాదు.. వాటిని రొటీన్ గా కంటే డిఫరెంట్ గా తొందరగా అయిపోయేలా చేసేయడం. ఎక్కువ సేపు, ఎక్కువ ప్రాసెస్ ఉండే పనుల్ని వీరు చేయడానికి బద్దకించి వాటిని తొందరగా పూర్తి చేసే స్మార్ట్ వర్క్ ను అలవాటు చేసుకుంటారు. సో కొన్ని సార్లు బద్ధకం కూడా టైం ని సేవ్ చేస్తుందన్నమాట. అలా బద్ధకం ఉండబట్టే కదా ఇప్పుడు మనం చేయాల్సిన పనులకి టెక్నాలజీ రూపం లో అనేక ఆల్టర్నేటివ్స్ దొరికాయి.

3. జనాలతో తక్కువ కలవడం:
మీకు సోషల్ లైఫ్ అంత గా ఇష్టం ఉండదా? అయితే మీరు కూడా జీనియస్ నే. ఎందుకంటే పబ్లిక్ గేదరింగ్స్ ను ఇంటెలిజెంట్ బ్రైన్స్ ఎక్కువ గా ఇష్టపడవు. ఇంటెలిజెంట్ మెదడు ఉన్నవారు ఒంటరిగా కూర్చుని ఆలోచనలు చేయడాన్ని ఇష్టపడతారు. వీరు చాలా తక్కువ మాట్లాడతారు. కానీ, వీరు మాట్లాడిన మాటలు కొన్ని వేలమందిని ఆలోచింప చేసేవిధం గా ఉంటాయి.

4. నిద్రపోయేముందు ఎక్కువ ఆలోచిస్తున్నారా..?
నిద్రపోయేముందు ఎక్కువ సేపు ఆలోచించే అలవాటు ఉన్నవారు కూడా జీనియస్ లే. ఎందుకంటే, జీనియస్ బ్రెయిన్ ఎల్లప్పుడూ ప్రతి విషయాన్నీ కూలంకుషం గా ఆలోచించి పని చేస్తుంది. తద్వారా జరిగినవన్నీ గుర్తుపెట్టుకుని, జరగబోయేవాటిని సమర్ధవంతం గా ఎదుర్కొంటుంది.

5. దేనికైనా అడిక్ట్ అయిపోయారా?
ఏదైనా పని చేయడం లేదా పేపర్ చదవడం వంటి ఏదైనా పని కి మీరు బాగా అడిక్ట్ అయిపోయారా..? దానికి కారణం ఏంటంటే మెదడు లో రిలీజ్ అయ్యే డోపామైన్. ఇది ఏదైనా పని పట్ల, వ్యక్తి పట్ల, హాబీ ల పట్ల ఇష్టం కలిగేలా చేస్తుంది. జీనియస్ లకు వారి అడిక్షన్ కి కారణం వారి మెదడు లో రిలీజ్ అయ్యే డోపమైనే.

6. మీలో మీరే మాట్లాడుకోవడం:
జీనియస్ లు ఎప్పుడు ఏదో ఒకటి ఆలోచిస్తూ ఉంటారని చెప్పుకున్నాం కదా. కొన్ని సార్లు వారిలో వారే మాట్లాడేసుకుంటూ ఉంటారు. దీనికి కారణం వారి మెదడు నిత్యం ఆలోచిస్తూనే ఉంటుంది. వీరు ప్రతి చిన్నవిషయాన్ని భిన్నం గా గమనిస్తూ ఉంటాడు. అందుకే తనలో తానె చర్చించుకుంటాడు. అందుకే వీరు చాలా కాన్ఫిడెంట్ గా ఉండగలుగుతారు.

7. బ్లూ ఐస్:
ఈ ప్రపంచం లో మొత్తం 787 కోట్ల మంది జనాభా ఉండగా, వారిలో 8 శాతం మందికి మాత్రమే బ్లూ ఐస్ ఉన్నాయి. ఓ సర్వే ప్రకారం వీరి మెదడు ఎంతో ఉన్నతం గా ఆలోచించగలదట.

8. మీ గోర్లపై ఇలా ఉందా..?
మీ గోర్లపై వైట్ సైన్ ఉందా..? ఇలా చాలా మందికి ఉంటుంది. అయితే, ఎవరికి అయితే ఎక్కువ గా ఉంటుందో.. వారు అంత ఎక్కువ లాజికల్ గా ఆలోచించగలుగుతారట. బ్లూ ఐస్ లాగ… ఈ లక్షణం కూడా చాలా తక్కువ మందిలో కనిపిస్తుంది.

సో, ఈ లక్షణాలు మీలో కూడా ఉన్నాయా..? కంగ్రాట్యులేషన్స్. మీరు కూడా జీనియస్ లే. అయితే.. ఏ అలవాటుని అయినా మనం ఎలా ఉపయోగించుకున్నామన్న దానిపై మన సక్సెస్ ఆధారపడి ఉంటుంది.

April 6, 2021

Off Beat

చైనా లో పిల్లలతో ఇలా చేయిస్తే తప్పేమి కాదట.. అది వాళ్ళ హక్కు అట.. ఇలా ఎందుకంటే..?

by Anudeep April 5, 2021

written by Anudeep

అలవాట్లు ఒక్కో దేశం లోను ఒక్కోలా ఉంటాయి. అవి ఆ దేశ పరిస్థితులను బట్టి.. ఆ దేశ ప్రజల అవసరాలను బట్టి ఏర్పడుతూ ఉంటాయి. సామాన్యం గా మన దేశం లో బహిరంగ మలమూత్ర విసర్జన తప్పు. పబ్లిక్ టాయిలెట్స్ ను ఉపయోగించకుండా.. రోడ్డు పైనే మలమూత్ర విసర్జన చేయడం తప్పుకిందకే వస్తుంది. పిల్లలైనా సరే పబ్లిక్ టాయిలెట్స్ నే ఉపయోగించాలి.

కానీ, చైనా లో మాత్రం పిల్లలకు ఎక్కడైనా మలమూత్ర విసర్జన చేసే అవకాశం ఉంటుందట. ఈ విషయం గురించి ఓ కోరా యూజర్ ఈ విధం గా తెలిపాడు. అతను బిజినెస్ పని మీద చైనా కు వెళ్ళినపుడు.. అక్కడ ఓ మహిళ రోడ్డు పై ఓ పక్క గా తన కిడ్ చేత మలమూత్ర విసర్జన చేయిస్తోంది. ఆమెను చూడబోతే.. పైనుంచి కింది వరకు ఫుల్ గా బ్రాండెడ్ దుస్తులనే ధరించింది. చూస్తే, నాగరిక మహిళ లాగా కనిపిస్తున్నప్పటికీ.. ఆమె తన కిడ్ తో ఇలా చేయించడం తో సదరు వ్యక్తి ఆశ్చర్య పోయాడట.

సామాన్యం గా చాలా దేశాలలో మహిళలు తమ పిల్లల కోసం డైపర్లను వినియోగిస్తారు. ఎక్కడ పడితే అక్కడ మలమూత్ర విసర్జన చేయడానికి అవకాశం ఉండదు కాబట్టి వారు ఇలా చేస్తూ ఉంటారు. అయితే, చైనా లో మాత్రం బహిరంగ మల మూత్ర విసర్జన అనేది పిల్లలకు హక్కు కింద వస్తుందట. ఎవరైనా తమ పిల్లలచే ఎక్కడైనా విసర్జన చేయించుకోవడానికి అనుమతులు ఉంటాయట.

అక్కడి పబ్లిక్ టాయిలెట్స్ అంత పరిశుభ్రం గా ఉండవని, క్రిములు ఎక్కువ గా ఉండే అవకాశం ఉండడం వల్లనే పిల్లలకు ఇలాంటి వెసులుబాటు కల్పించి ఉంటారని మరో కోరా యూజర్ కామెంట్ చేసారు. కొన్ని కొన్ని అలవాట్లు పరిస్థితులను బట్టి ఏర్పడతాయని ఇందుకే అంటారేమో మరి.

April 5, 2021

Newer Posts

Older Posts