Off Beat

సాధారణంగా మనిషికి మెదడు ఉన్నది ఆలోచించడానికే. అందుకే అప్పుడప్పుడు వింత వింత ఆలోచనలు వస్తూ ఉంటాయి. అందరికీ కాకపోయినా కొంతమందికైనా సమాధానం లేని ప్రశ్నలు పుడుతూ ఉంటాయి. మీలో కనీసం ఒక్కరికైనా ఈ ప్రశ్న కచ్చితంగా ఆలోచించి ఉంటారు. అదేంటంటే ఇప్పుడు ఒకవేళ ట్రైన్, ఏరోప్లేన్ లాంటివి నడుపుతున్నప్పుడు లోకో పైలట్ లేదా పైలెట్ కి నిద్ర రాదా? అని.

అంటే మామూలుగా బస్, ఆటో లాంటి వాహనాల్లో అయితే డ్రైవర్లు మనకి కనిపిస్తుంటారు. కానీ ట్రైన్, ఇంకా ఫ్లైట్ లో కనిపించరు కదా? ముఖ్యంగా ట్రైన్ లో అయితే బోగీ లు ఉంటాయి కాబట్టి ఒకవేళ మనం కొంచెం దూరంగా ఉన్న బోగీలో ఉంటే అప్పుడు లోకో పైలట్ మనకి ఇంకా దూరంగా ఉంటారు. ఇంక ప్రశ్న విషయానికొస్తే ఒకవేళ ట్రైను నడిపే లోకో పైలట్ కి నిజంగానే నిద్ర వస్తే ఏమౌతుంది? అనే ప్రశ్నకు జవాబు ఉంది. అదేంటంటే.

లోకో లో ఒక విజిలెన్స్ డివైస్ ఏర్పాటు చేసి ఉంటుంది. లోకో పైలట్ లేదా అసిస్టెంట్ లోకో పైలట్ పుష్ బటన్ ని నిమిషానికి ఒకసారి ప్రెస్ చేయాలట. విజిలెన్స్ డివైస్ ని ఎక్నాలెడ్జ్ చేయడానికి ఇలా నిమిషానికి ఒకసారి బటన్ ప్రెస్ చేస్తారట. ఒకవేళ లోకో పైలట్ అసిస్టెంట్ లోకో పైలట్ ఏదైనా వేరే పని (స్విచ్ ఆపరేట్ చేయడం,హారన్ వేయడం, బ్రేక్ అప్లై చేయడం) లో బిజీగా ఉంటే, అప్పుడు పుష్ బటన్ ప్రెస్ చేయాల్సిన అవసరం లేదట. లోకో పైలట్, అసిస్టెంట్ లోకో పైలట్ పనిచేస్తున్నప్పుడు విజిలెన్స్ డివైస్ దానంతట అదే ఎక్నాలెడ్జ్ అవుతుందట.

ఒకవేళ లోకో పైలట్ ఇంకా అసిస్టెంట్ లోకో పైలట్ ఏదో ఒక కారణం వలన ఎటువంటి పని చేయకపోతే, అంతేకాకుండా పుష్ బటన్ స్విచ్ (BPVG) కూడా ప్రెస్ చేయకపోతే, ఎనిమిది సెకండ్ల వరకు ఒక లాంప్ వెలుగుతుందట. కొన్నిసార్లు లోకో పైలట్ ఏదైనా ఆరోగ్య సమస్యల వలన అపస్మారక స్థితిలో ఉంటే, లాంప్ వెలిగినప్పుడు వచ్చే హెచ్చరికకి కూడా స్పందించలేకపోతుంటే, అప్పుడు ఎమర్జెన్సీ బ్రేక్ వాటంతటవే అప్లై అయ్యి, ట్రైన్ ఆగుతుందట.

ప్రస్తుతం ఉన్న పరిస్థితుల కారణంగా, విద్యాసంస్థలు తెరవలేరు కాబట్టి, స్టూడెంట్స్ కి వీడియో కాల్ ద్వారా ఆన్లైన్ తరగతులను నిర్వహిస్తున్నారు. ఆన్లైన్ క్లాస్ అంటే కచ్చితంగా ఫోన్, లేదా ల్యాప్ టాప్ ఉపయోగించాల్సిందే. సాధారణంగా చాలా మంది తల్లిదండ్రులకి తమ పిల్లలు ఫోన్ లేదా ఇతర గాడ్జెట్స్ కి అలవాటు పడిపోతారు ఏమో అనే భయం ఉంటుంది. నిజంగానే చాలా మంది పిల్లలు కూడా వయసు పరిమితి లేకుండా, అంటే స్కూల్ స్టూడెంట్స్ కూడా ఎక్కువగా ఫోన్ వాడుతున్నారు.

ఇలాంటి సమయంలో ఇంకా ఫోన్ లోనే క్లాసెస్ అంటే, ఒకవేళ పిల్లల చేతికి ఫోన్ ఇచ్చి వెళ్ళిపోతే ఏం చేస్తారో అనే ఆందోళన చాలా మంది తల్లిదండ్రులకి ఉంటుంది. కాబట్టి తమ పిల్లలు ఏం చేస్తున్నారు అనే విషయాన్ని తల్లిదండ్రులు ఎప్పటికప్పుడు గమనించాలి అని అంటున్నారు నిపుణులు.

గమనించడం అంటే ఇప్పుడు ఒక క్లాస్ అయిపోయిన తర్వాత వాళ్ల దగ్గరికి వెళ్లి వాళ్ళ టీచర్ ఏం చెప్పారో చెప్పమని అడగడం, అలాగే ఆ రోజు పాఠాలని చదివించి తిరిగి వాళ్ల చేత చెప్పించడం. ఇంకా పదవ తరగతి లోపు పిల్లలు అయితే, వాళ్లకి ఫోన్ పరిమితికి మించి ఎక్కువ ఇవ్వద్దు అని, అంతే కాకుండా వీలుంటే ఆన్లైన్ క్లాసెస్ జరుగుతున్నప్పుడు వారి పక్కనే కూర్చోవాలి అని అంటున్నారు.

అంతేకాకుండా వీలున్నప్పుడు పిల్లలతో కొంత సమయం గడపడం కూడా మంచిది అని అంటున్నారు. వాళ్లతో కలిసి బయటికి వెళ్లడం, ఎక్సర్సైజ్ చేయడం, ఫ్రెండ్లీ గా ఉండడం చేస్తే తల్లిదండ్రులకి కూడా తమ పిల్లల ప్రవర్తన పై పూర్తి అవగాహన రావడంతో పాటు ఒత్తిడి కూడా తగ్గుతుందట. కాబట్టి ఆన్లైన్ క్లాసెస్ విషయంలో, లేదా పిల్లల చేతిలో ఫోన్ ఉండే విషయంలో ఆందోళన కూడా తగ్గుతుందట.

పిల్లలని పెంచడం అనేది తల్లిదండ్రులు తమ బాధ్యతగా భావిస్తారు అని. ఆ బాధ్యత ఇష్టంతో కాకుండా, భయాందోళనలతో చేస్తే తల్లిదండ్రుల కి ఒత్తిడి ఎక్కువ అవ్వడంతో పాటు , ఆరోగ్య సమస్యలు తలెత్తే అవకాశాలు కూడా ఉంటాయట. కాబట్టి తల్లిదండ్రులు పిల్లలని పెంచడం అనే నిర్ణయం తమ ఇష్టంతోనే తీసుకుంటారు కాబట్టి, అదే ఇష్టం తో ఆ బాధ్యతను కూడా స్వీకరిస్తే ఇలాంటి ఒత్తిడి, ఆందోళన అనేవి రావు అని, నిపుణులు చెప్తున్నారు.

ఉదయం మధ్యాహ్నం రాత్రి కాకుండా వేరే సమయాల్లో ఆకలేసినప్పుడు మనం ఎక్కువగా తినడానికి ఇష్టపడేది బిస్కెట్స్. ఇవి ఎంతో తేలికగా కడుపు నిండేలా ఉంటాయి. కాబట్టి ప్రయాణ సమయాల్లో కూడా  జనాలు ఎక్కువగా బిస్కెట్లు తింటారు. బిస్కెట్లలో ఎన్నో రకాలు ఉన్నాయి. చాలామంది ఇష్టపడేవి మాత్రం క్రీమ్ బిస్కెట్లే.బోర్బొన్ బిస్కెట్లు చాలామందికి తెలిసే ఉంటాయి. ఇది ప్రారంభించి ఎన్నో సంవత్సరాలు అయినా కూడా ఇంకా సేల్స్ అలానే నడవడానికి కారణం వాటి రుచి. మరీ తియ్యగా మరీ చేదుగా కాకుండా ఒక మోస్తరు రుచి లో ఉంటాయి.

ఈ బిస్కెట్ లో క్రీం తింటే దాదాపు చాక్లెట్ తిన్నట్టు గానే అనిపిస్తుంది. ఇలాంటి రుచి వేరే ఏ బిస్కెట్ కి రాదు.తల్చుకుంటేనే నోరూరుతుంది కదా. వాటికున్న ప్రత్యేకత అలాంటిది మరి. మీరెప్పుడైనా ఈ బిస్కెట్ ని గమనిస్తే మధ్య మధ్యలో రంధ్రాలు ఉంటాయి. గమనించే ఉంటాం కానీ వాటిని తినే ధ్యాసలో ఉండి అవి ఎందుకు అన్న విషయాన్ని పట్టించుకోము. కానీ ఇలా రంధ్రాలు ఉండడం వెనుక కూడా ఒక కారణం ఉంది తెలుసా?

ఈ బిస్కెట్లను తయారు చేసే సంస్థ మెక్ విటీస్. దాని బ్రాంచ్ ఒకటి కార్లీసిల్ లో ఉంది. అందులోని టీం మేనేజర్  మార్క్ గ్రీన్వేల్ ఆ కారణం గురించి ఈ విధంగా చెప్పారు. “బిస్కెట్లు తయారు చేసేటప్పుడు అవి వేడిగా ఉంటాయి. ఒకవేళ అలానే తయారు చేసి ప్యాకింగ్ చేసేస్తే లోపల ఉన్న వేడి ఆవిరిగా మారి క్రీం కరిగిపోవడం, బిస్కెట్లు మెత్తబడి పోవడం, విరిగిపోవడం లాంటివి అవుతాయి.అందుకే ఆ రంధ్రాలు వల్ల గాలి బయటికి వెళ్ళి పోయి బిస్కెట్లు మామూలుగా ఉంటాయి” అని చెప్పారు.

అలా ఒక్కొక్క బిస్కెట్ కి 10 రంధ్రాలు ఉంటాయి. ఈ సంస్థ తయారు చేసే జింజర్ బిస్కెట్లు కూడా ఎంతో ప్రాచుర్యం పొందాయి. అవి పగుళ్లు పడిపోయి సులభంగా విరిగి పోయేలా ఉంటాయి. దానికి కారణం ఏమిటో ఇప్పటికీ మీకు అర్థమయ్యే ఉంటుంది. అవును. రంధ్రాలు లేకపోవడం వల్ల ఆ వేడి అలాగే ఉండిపోయి దాని వల్ల పగుళ్లు వచ్చి జింజర్ బిస్కెట్లు అలా ఉంటాయి. ఇవి చూడడానికి బోర్బొన్ కి పూర్తి వ్యతిరేకంగా ఉంటాయి. కానీ దేని ప్రత్యేకత దానిదే దేని రుచి దానికే ఉంటుంది.