Off Beat

కరోనాపై గెలవాలంటే ఒక్కటే మార్గం సోషల్ డిస్టెన్సింగ్ . మనుషుల మధ్య సామాజిక దూరం ఉండాలనే నేపద్యంలో విధించిన కర్ఫ్యూ మూలంగా ఎక్కడి వాళ్లక్కడ ఆగిపోయారు . వాళ్లల్లో పొరుగూర్లలో ఉంటున్న కుటుంబ సభ్యులు ఉన్నారు . మన వాళ్లందరం ఒక దగ్గర ఉంటే కొంచెం ధైర్యంగా ఉంటాం నిజమే . కాని ప్రస్తుతం అందరం ఒక దగ్గర ఉండడం కంటే ఎక్కడ చిక్కుకుపోయిన వాళ్లు అక్కడే ఉండిపోవడం చాలా ఉత్తమం.అలాంటి సందేశాన్నిచ్చే ఒక వీడియోని ప్రధాని నరేంద్రమోడీ తన ట్విటర్లో పోస్టు చేశారు.

ఆ వీడియోలో ఒక చిన్నారి తన తండ్రికి లేఖ రాస్తుంటుంది, ఆ లేఖ సారాంశం ఏంటంటే “నాన్న, మిమ్మల్ని నేను అస్సలు మిస్ కావడం లేదు . అమ్మ కూడా మిస్ కావట్లేదు . మీరు ఇప్పటికిప్పుడు ముంబయ్ నుండి ఇంటికి వచ్చేయాల్సిన అవసరం అస్సలు లేదు.. కాబట్టి మీరు ఎక్కడ ఉన్నారో అక్కడే ఉండండి. మీరు బయటికి వస్తే కరోనా గెలుస్తుంది . మనం అందరం కరోనాను ఓడించాలి నాన్నా”

పిల్లలకు అమ్మానాన్నే సర్వస్వం , వాళ్లు పక్కన ఉంటే ఎంత పెద్ద సమస్యనైనా సులువుగా ఎదుర్కొంటామనే ధైర్యం . అయినా కూడా తండ్రిని రావొద్దని చిన్నారే స్వయంగా చెప్తుంది. అలాంటి చిన్నారులను తలచుకుంటే మనసు తరుక్కుపోతుంది. అయినా కూడా గుండె నిబ్బరం చేసుకుని ఉండాల్సిందే .కేవలం ఆ పాప వాళ్ల నాన్నే కాదు మనం అందరం కరోనాని ఓడించాలి , దానికోసం సోషల్ డిస్టెన్సింగ్ పాటించి తీరాలి . ప్రస్తుతం స్టేజ్ 2 లో ఉన్న కరోనా స్టేజ్ 3 లోకి ప్రవేశించకుండా ఉండాలంటే  మన వంతు బాద్యత మనం నిర్వర్తించి తీరాలి.

సామాజిక దూరంతో పాటు చేతులు శుభ్రం చేసుకోవడం, ముఖాన్న తడిమే అలవాటు మానుకోవడం చేయాలి .మనతో పాటు మన చుట్టు పక్కల ఉన్నవాళ్లని ఎడ్యుకేట్ చేయాల్సిన అవసరం ఎంతైనా ఉంది. ఇన్నాళ్లు మనల్ని ఆ పని చేయ్ , ఈ పని చేయ్ అనేవాళ్లు, దేశం కోసం ఏం చేసావురా అని ప్రశ్నించేవారు . తిని తిరగడమేనా అని తిట్టేవాళ్లు కాని ఇప్పుడు ఏ పని చేయకపోయినా పర్లేదు బుద్దిగా ఇంట్లోనే ఉండూ అని అంటున్నారు.  కాబట్టి తీవ్రతని అర్దం చేస్కోండి . ప్రభుత్వాలకు సహకరించండి.

A young girl’s message to her father. Do watch. #IndiaFightsCorona pic.twitter.com/gF7ZVNzGVb

— Narendra Modi (@narendramodi) March 27, 2020

కరోనా మహమ్మారిని అదుపు చేయడానికి దేశమంతా ప్రధాని నరేంద్ర మోడీ సూచనాల ప్రకారం నడుచుకుంటుంది ..ఈ నేపథ్యంలో కొన్ని రోజుల క్రితం ప్రజలందరూ కూడా సాయంత్రం ఐదు గంటలకు బయటకు వచ్చి చప్పట్లు కొట్టి ఐకమత్యాన్ని చాటవల్సిందిగా  పిలుపునివ్వగా ప్రజలందరూ  ఆ కార్యక్రమాన్ని విజయవంతం చేసారు ..అదే విధంగా ఏప్రిల్ 5 రాత్రి 9 గంటలకు పవర్ ఆఫ్ చేసి చీకట్లో కొవ్వత్తులతోను  దివ్వెలను లేదా సెల్ ఫ్లాష్ తో లైట్ లను తొమ్మది నిమిషాల పటు చూపించి కరోనా సమయంలో మన భారతీయాలందరు ఒక్కటి అని ఈ చీకట్లతో  కరోనా మీద యుద్ధంలో మనమందరం ఒక్కటే అని ఐకమత్యాన్ని చూపించాల్సిందిగా ప్రధాని మోడీ శుక్రవారం పిలుపునిచ్చారు ..కాగా ఒకేసారి పవర్ ఆఫ్ చేసి ఆన్ చేస్తే వచ్చే ఫ్లయాక్టువషన్ ప్రాబ్లెమ్ గురించి కొన్ని అభిప్రాయాలూ వినపడుతున్నాయి …వివరాలలోకి వెళ్తే

లైట్స్ తొమ్మిది నిమిషాల పటు ఆపివేయాలని ప్రధాని నరేంద్ర మోడీ పిలుపునిచ్చారు ..దీనిని గ్రిడ్ ష్తడౌన్ గా తెలిపారు. అంటే విద్యుత్ అనుసంధానం నిలిపి వేయడం .ఈ గ్రిడ్ ష్తడౌన్ కొంతమందిలో భయాన్ని కలిగించినప్పటికీ అసలు దీనిలో భయపడాల్సిన అవసరం లేదు .దీనికి కారణం భారతదేశ విద్యుత్ యొక్క గృహ డిమాండ్ ఒక్క శాతం మాత్రమే .భారతీయుల గరిష్ట విద్యుత్ డిమాండ్ 170 GW .

అయినప్పటికీ ,లాక్ డౌన్ కారణంగా ,డిమాండ్ 20 శాతానికి పడిపోయింది మరియు ప్రస్తుతం ఏది 120 – 130 మధ్య నడుస్తుంది ..ఇందులో గృహంలో కేవలం 10 – 12 శాతం ఉంటుంది . విద్యుత్ షట్ డౌన్ గురించి భయపడాల్సిన అవసరం లేదు ఎందుకంటే ఇది ఇప్పటికే 15 GW వరుకు హెచ్చుతగ్గులను నిర్వహించడానికి సిద్ధంగా వుంది .కావున తొమ్మిది నిమిషాల షట్ డౌన్ వలన ఎటువంటి ఇబ్బంది జరగదని అధికారులు చెప్తున్నారు.

మేము 15 GW హెచ్చుతగ్గులకు సరిఅయిన ఏర్పాట్లతో సిద్ధం అవుతున్నాము . డిమాండ్ కి తగినంత బ్యాక్అప్ కూడా సిద్ధంగా ఉంది అని ఒక అధికారి తెలిపారు . ఈ విషయంలో విద్యుత్ మంత్రి ఆర్కే సింగ్ పవర్ గ్రిడ్ కార్పొరేషన్ ఆఫ్ ఇండియా ( పిజిసిఐఎల్ ) మరియు లోడ్ డిస్పెచెర్ పవర్ సిస్టం ఆపరేషన్ కార్పొరేషన్ లిమిటెడ్ (పోసోకో ) ను కలిశారు ..డిమాండ్ అకస్మాత్తుగా పడిపోయిన నిర్వహించగల సామర్థ్యం ఉంది అని సింగ్ తెలిపారు ..

ఏప్రిల్ 14 వరుకు దేశం అపూర్వమైన 21 రోజుల లాక్ డౌన్ ను ఎదుర్కుంటున్న కారణంగా చాలా పరిశ్రమలు, ఆఫీసులు, విద్య సంస్థలు మొదలైనవి మూసి వెయ్యబడ్డ కారణంగా ఇప్పటికే విద్యుత్ డిమాండ్ ను తగ్గించింది ..దీని కారణంగా తగినంత విద్యుత్ సరఫరాను కలిగి ఉంది అని తెలిపారు ..కావున ఈ గ్రిడ్ షట్ డౌన్ వల్ల జరిగే ప్రమాదం ఏమిలేదని అధికారులు తెలుపుతున్నారు .. అయినా లైట్స్ మాత్రమే ఆపండి. ఇంట్లో ఇతర పరికరాలు ఫ్రిడ్జ్ లాంటివి ఆన్ లోనే ఉంచండి.

కొత్తగా కరోనా వైరస్ covid 19 ను అధికారికంగా సార్స్-కొవ్- 2 అని పరిగణస్తున్నారు .మనం ఈ వైరస్ ను శ్వాసగా  పీల్చినప్పుడు తాకినప్పుడు ఈ వైరస్ వ్యాప్తి చెంతుంది .ముందుగా గొంతు ,శ్వాస నాళాలు ,ఊపిరితిత్తుల్లో వున్నా కణాలలోకి వ్యాపిస్తుంది .అక్కడ నుండి వైరస్ వృద్ధి చెంది అక్కడ నుండి మిగతా కణాల మీద దాడి చేస్తుంది .ఇది మొదటి దశ .ఈ దశలో మనం జబ్బు ఉన్నదని  గుర్తించలేము కొందమందిలో అయితే ఈ ప్రాథమిక లక్షణాలు కూడా కనపడవు .

ఇంక్యూబేషన్ పీరియడ్ అంటే వ్యాధి శరీరంలో మొదలైనప్పటి నుండి లక్షణాలు కనపడే వరుకు ఒక్కొక్కరిలోను ఒక్కో రకంగా ఉంటుంది .అయితే ఈ వైరస్ సోకినవారికి ట్రీట్మెంట్ చేయడం దగ్గరి నుండి వ్యాప్తి చెందకుండా ఉండేందుకు మరియు చనిపోయిన వారి మృతదేహాలను అంత్యక్రియలు చెయ్యడం చాల కష్టమైన పద్దతి ..

ముఖ్యంగా కరోనా తో మరణించిన వారి మృతదేహాలను మాములు మృతదేహాలుగా అంత్యక్రియలు చెయ్యడం కుదరదు .ఐసొలేషన్ వార్డ్ నుండి స్మశానవాటికకు తీసుకెళ్లి అంత్యక్రియలు చేయడానికి ఎన్నో జాగ్రత్తలు తీసుకోవలసి వస్తుంది .అయితే కేంద్ర ప్రభుత్వం వీటి విషయంలో కొన్ని నిబంధనలు విధించింది . వాటిని తూచా తప్పకుండ పాటించాలి .

ఐసొలేషన్ వార్డ్ లు , మార్చురీ ,అంబులెన్సు ,స్మశాన వాటికలో విధులు నిర్వర్తించే వారు ప్రతేకమైన ట్రైనింగ్ తీసుకుంటారు .దీనితో పాటు చాలా జాగ్రత్తలు తీసుకోవాల్సి ఉంటుంది .డెడ్ బాడీ ని ప్రత్యేకంగా తయారు చేసిన ప్లాస్టిక్ బ్యాగ్ లో ఉంచాలి .బ్యాగ్ లోపలి భాగాన్ని హైపో క్లోరైడ్ తో శుభ్రం చెయ్యాలి .మృత దేహాన్ని తరలించే వాహనాన్ని ఒక శాతం సోడియం హైపో క్లోరైడ్ ద్రవంతో శుభ్రం చెయ్యాలి ..

బాడీ ని ఉంచిన బ్యాగ్ ను ముఖం వరకు తెరిచి ఉంచాలి .దేహానికి సంబందించిన  వారిని ఆఖరి సారి చూసేందుకు అనుమతించవచ్చు .శరీరాన్ని తాకడం ముట్టడం వంటివి చేయకూడదు, కానీ మతపరమైన ప్రార్థనలు చేసుకోవచ్చు .సోషల్ డిస్టెన్స్ తప్పక పాటించాలి .ఎక్కువమంది రాకూడదు మరియు గుమిగూడి ఉండకూడదు .అనంతరం స్మశాన వాటిక సిబ్బందితో పాటు వచ్చినవారు చేతులు శుభ్రంగా కడుక్కోవాలి .

ఐసొలేషన్ వార్డ్ నుండి బాడీని తరలించే ముందు కుటుంబ సభ్యులు చూడాలనుకుంటే దానికి తగిన నిబంధనలు పాటించాల్సి ఉంటుంది .ఐసొలేషన్ ప్రాంతంలో వున్న అన్ని వస్తువులని హైపోక్లోరైడ్ ద్రవంతో శుభ్రం చెయ్యాలి .డెడ్ బాడీ ని సుమారు 4 డిగ్రీల వద్ద కోల్డ్ ఛాంబర్లో ఉంచాలి. స్మశానవాటికనుండి ఇంటికి వచ్చాక. ఇంటిలోపల మరియు చుట్టూ హైపో క్లోరైడ్ సొల్యూషన్ తో శుభ్రం చేయాలి. ఒకవేళ మృతదేహంకి సంబందించిన వస్తువులు హాస్పిటల్ యాజమాన్యం అందచేస్తే అవి కూడా హైపో క్లోరైడ్ సొల్యూషన్ తో శుభ్రం చేయాలి.

ప్రపంచం మొత్తం కరోనా చేస్తున్న విలయతాండవానికి కకావికలం అవుతోంది. ఎక్కడిక్కడ షట్ డౌన్ అయపోయింది. మన దేశంలో ఇరవైఒక్క రోజుల లాక్ డౌన్,చైనా అయితే ఏకంగా రెండు నెలల పాటు చీకటిలోనే గడిపింది. మిగతా దేశాలు కూడా లాక్ డౌన్ ప్రకటించుకున్నాయి.ఇటలీ పరిస్థితి ఇంకా అదుపులోకి రాలేదు.. కానీ  కేవలం జపాన్ మాత్రం ఎప్పటిలానే తన పనులు తాను చేసుకుంటోంది..అది ఎలా సాధ్యం..అక్కడ వైరస్ వ్యాప్తి లేదా??ఎవరూ వైరస్ బారిన పడలేదా? ఇలా ఎన్నో డౌట్లు.. వాటన్నింటికి సమాధానాలివిగో..ఇవి సమాదానాలే కాదు ఒక పాఠం కూడా.

నిజానికి చైనా నుండి జనవరిలోనే జపాన్ కి కరోనా వైరస్ వ్యాప్తి చెందింది. ఈ పాటికి యూరోపియన్ కంట్రీస్లో విజృంబించినట్టుగా ఉండుంటే జపాన్లో  కూడా ఫోర్త్ స్టేజ్ ఉండేది.. కానీ అక్కడ ఈ రోజుకి కూడా అంతా నార్మల్ గా ఉంది.రవాణా స్తంబించలేదు. మాల్స్ మూసేయలేదు.ఎటువంటి లాక్ డౌన్ లేదు.. మెట్రో ట్రెయిన్స్, బుల్లెట్ ట్రెయిన్స్ అన్ని నార్మల్ గానే తిరుగుతున్నయి. ఇంటర్నేషనల్ బార్డర్స్ కూడా క్లోజ్ చేయలేదు..జపాన్ రాజధాని టోక్యో టూరిస్ట్ ప్లేస్,అక్కడ ఇప్పటికి విదేశీయులని అనుమతిస్తునే ఉన్నారు..కేవలం స్కూల్స్ ని మాత్రమేక్లోజ్ చేశారు.  మరియు పబ్లిక్ ఈవెంట్స్ ని నిశేదించారు.

కేవలం లాక్ డౌన్ ద్వారా మాత్రమే వైరస్ వ్యాప్తిని అరికట్టగలం అని చెప్తున్నారు కదా..అలాగే వైరస్ వ్యాప్తి చెందకుండా ఉండాలంటే శుభ్రత కూడా అవసరం,సామాజిక దూరం అవసరం అని ఎన్నో నియమాలు చెప్పుకుంటున్నాం .వీటన్నింటిని జపాన్ వాళ్లు చిన్నప్పటి నుండే పాటిస్తారట.. అంటే కొత్తగా వైరస్ వచ్చింది కాబట్టి అని కాకుండా వాళ్ల రోజువారి జీవితంలో ఇవి భాగం అన్నమాట.

కరోనా వైరస్ గురించిన న్యూస్ రాగానే మాస్కులకి,శానిటైజర్లకి బాగా డిమాండ్ పెరిగిపోయింది. జపనీస్ ఇంటి నుండి బయటికి రావడమే మాస్క్ తో వస్తారట.ఏదైనా ప్రయాణం చేసేది ఉన్నా మాస్క్ కంపల్సరి. 60% మంది రెగ్యులర్ గా మాస్క్లని వినియోగిస్తుంటారు. ఈ అలవాటు వైరస్ స్ప్రెడ్ అవకుండా చూడడంలో ఉపయోగపడుతోంది. అంతేకాదు ప్రజలతోనేరుగా కలిసే పర్సన్స్ అంటే రిసెప్షనిస్ట్, గవర్నమెంట్ ఆఫీసర్స్, డాక్టర్స్, నర్సెస్, స్టేషన్ మాష్టార్స్, పోలీస్ ఇలాంటి వాళ్లందరూ వాళ్ల వాళ్ల పనుల దగ్గర ఖచ్చితంగా మాస్క్ ధరించితీరాల్సిందే.

చలికాలం వచ్చిందంటే పిల్లలకు మాస్క్ కంపల్సరీ జపాన్లో ..ఎందుకంటే జలుబు అనేది అంటువ్యాధి అనేది మనకు తెలిసిందే కదా. అలాంటి అంటువ్యాధులు సోకకుండా ముందు జాగ్రత్త చర్య. మన దగ్గర ఎలా పడితే అలా ఉమ్ముఊసేస్తుంటా,కాని అక్కడ ఖచ్చితంగా డస్ట్ బిన్ యూజ్ చేయాల్సిందే..శుభ్రత అనేది వారి సంప్రదాయంలో ఒక భాగం.  శుబ్రత పాటించడం, పెద్దలతో ఎలా మసలుకోవాలి అనే వాటిని అక్కడ అక్షరాలు నేర్చుకోవడానికంటే ముందు స్కూల్స్ లో నేర్పే పాఠాలు. షేక్ హ్యాండ్ అనేది జపాన్లో ఇవ్వనే ఇవ్వరు, దాని బదులు బౌ(bow) ద్వారా గ్రీట్ చేస్తారు.

అంతేకాదు చేతులు కడుక్కోవడం అనేది కూడా సంప్రదాయంలో భాగమే. సోప్స్, శానిటైజర్స్ అనేవి పబ్లిక్ టాయిలెట్స్, ఆఫీస్ ఎంట్రన్స్ లలో, పబ్లిక్ ప్లేసెస్లో కంపల్సరిగా ఉంటాయి. శానిటైజర్ వాడడం అనేది అక్కడ సర్వసాధారణ విషయం.. ఇది వైరస్ వ్యాప్తి నిరోధించడంలో ముఖ్యపాత్ర పోషిస్తుంది. ఎక్కడైనా బయట ట్యాప్ ని వాడాల్సొచ్చినప్పడు వాడిన తర్వాత ట్యాప్ ని, సింక్ ని క్లీన్ చేయడం వారి అలవాటు, నెక్స్ట్ పర్సన్ ఇబ్బంది పడకుండా..మన దగ్గర ఇలాంటి పనులకి బోలెడు నామోషి ఫీలవుతుంటాం.

టిష్యూ పేపర్స్ అనేవి వారి హ్యాండ్ బ్యాగ్స్ లో ఉండే అతి ముఖ్యమైన వస్తువుల్లో ఒకటి. అవి లేకుండా బయటికి రారు. అదేవిధంగా సోషల్ డిస్టెన్సింగ్ అనేది వాళ్లు రెగ్యులర్ గా పాటించేది.దీని గురించి సినిమా నటుడు సుబ్బరాజు బా చెప్తారు.జపాన్ పర్యటనకి వెళ్లినప్పుడు బాహుబలిలో కుమారస్వామి క్యారెక్టర్ కి అక్కడి వాళ్లు ఫిధా అయపోయి, ఆటోగ్రాఫ్ కోసం వెయిట్ చేశారట.అది కూడా ఒక క్యూ పద్దతిలో వచ్చి మరీ ఆటోగ్రాప్ తీసుకున్నారట..అదే మన దగ్గర సినిమా యాక్టర్ కనపడితే సీన్ ఎలా ఉంటుందో ఊహించుకోండి. ఇవండీ జపాన్ వాళ్ల ఆరోగ్య రహస్యం..ఇవన్ని కూడా అక్కడ చదువుకునే ఒక స్టూడెంట్ చేసిన వాట్సప్ మెసేజ్ ఆధారంగా తెలిసిన విషయాలు.

సినిమా హీరోయిన్ అయినా,సీరియల్ హీరోయిన్ అయినా అసలెలా ఉండాలి..తెల్లటి తెలుపు, కోటేరుముక్కు, గులాభిపెదాలంటూ మనకు మనం ఒక ప్రొఫైల్ పెట్టుకున్నాం..అసలు అమ్మాయిలు కూడా అలాగే ఉండాలి అనుకుంటున్నారు..నలుపు రంగుకి ప్రాధాన్యత తక్కువ అనేది అనేక సంధర్బాల్లో స్ఫష్టమయింది..ఇప్పుడు దానిపై కూడా వ్యతిరేకత వస్తుంది అది వేరే విషయం.నలుపుగా ఉన్న కళ ఉండేవాళ్లు చాలా మందే ఉన్నారు..తెల్లగా ఉన్నా వికారంగా కనపడే వారూ ఉన్నారు..నలుపుగా ఉన్నాకూడా తన నటనతో నవ్వుతో కట్టిపడేస్తుంది ప్రేమి విశ్వనాధ్.

స్టార్ మా లో కార్తీక దీపం అనే సీరియల్ వస్తుంది..బుల్లితెర హీరో నిరుపమ్ లీడ్ రోల్ పోషిస్తున్న సీరియల్లో ,అతడి సరసన ఇద్దరు నటీమణులు నటిస్తున్నారు..వారిలో ఒకరు ప్రేమి విశ్వనాధ్..మేనిఛాయ నలుపు అయినప్పటికీ ఆకట్టుకునే రూపం..నటన..వాస్తవానికి ప్రేమి శరీర రంగు నలుపు కాదు..ఆవిడేంటి అలా ఉంది..ఆమెని సీరియల్లోకి ఎలా తీసుకున్నారు అనుకుని ఇంటర్నెట్ లో సెర్చ్ చేసిన వారికి ప్రేమి అసలైన ఫోటోలు చూసి ఆశ్చర్యపోయారు.

ఇప్పుడు కార్తీక దీపం సీరియల్ టీవీలో అన్ని షోస్ ని దాటేసింది. ఎంత కొత్త సినిమా వచ్చినా, ఎన్ని స్పెషల్ ప్రోగ్రామ్స్‌ వచ్చినా కార్తీక దీపం సీరీయల్‌ చూడకుండా ఉండలేకపోతున్నారట జనం. అంతలా మెప్పించిన కార్తీక దీపం సీరీయల్‌కు వంటలక్క పాత్ర కీలకమైంది. జనం ఆమె యాక్టింగ్‌కు టీవీలకు అతుక్కుపోతున్నారు.

మన ఆడియన్స్ అయితే వంటలక్కను తమ ఇంట్లో మనిషిగా భావిస్తున్నారు. అసలు అది సీరియల్ అనే సంగతే మరిచిపోతున్నారు. కార్తీకదీపంలో వంటలక్కను డాక్టర్‌బాబు ఇబ్బందిపెడుతుంటాడు. ఆమెను ప్రతి సందర్భంలోనూ తప్పుగానే అర్థం చేసుకుంటున్నాడు. వంటలక్కను తప్పుగా అర్థం చేసుకుంటున్నారు డాక్టర్ బాబు అంటూ… టిక్‌ టాక్‌లో డాక్టర్‌బాబుకు స్పెషల్ రిక్వెస్ట్‌లు, సలహాలు, సూచనలు ఇస్తూ వంటలక్క కోసం మొరపెట్టుకుంటున్నారు. సీరీయల్‌ ప్రభావం మరీ ఇంత ఉందా అని కొందరు, అవును ఆ సీరీయల్ బావుంటందని కొందరు, ఇంట్లో వాళ్లతో అలవాటైపోయింది. తప్పటం లేదు కానీ బాగానే ఉంటుందని కొందరు కార్తీకదీపం సీరీయల్‌పై వ్యాఖ్యానిస్తున్నారు.

రోజుకు వేల సంఖ్యలో వైరస్ బారిన పడుతున్నవారు… వందల సంఖ్యల్లో మరణాలు ..  ఇది ఇటలీ పరిస్థితి , ఇప్పుడు అమెరికా కూడా కరోనా బాదితుల సంఖ్యలో చైనాని మించి పోయింది.  అయితే కరోనా పుట్టినిల్లైన చైనాలోని ఉహాన్ ఇప్పుడిప్పుడే కోలుకుంటోంది . మరి అమెరికా , ఇటలీల్లో ఎందుకు పరిస్థితి ఇంత భయంకరంగా మారిపోయింది, దానికి  డాక్టర్ నాగేశ్వర్ గారు చెప్పిన కారణాలు ఏంటో తెలుసా?

నిజానికి మన దేశంలో కరోనా బాదితుల సంఖ్య మిగతా దేశాలతో పోలిస్తే తక్కువే , దీనికి ఎవరెన్ని కారణాలు చెప్పినప్పటికి మనం పాటిస్తున్న లాక్ డౌన్ కూడా చాలా పెద్ద కారణం . వైరస్ వ్యాప్తి చెందకుండా ఉండాలంటే సోషల్ డిస్టెన్స్ ఒక్కటే సరైన పరిష్కారం ప్రస్తుతం మన దేశంలో దాన్నే చాలా స్థిరంగా అమలుపరుస్తున్నారు.  ఇతర దేశాలు కూడా వేటికవే లాక్ డౌన్ ప్రకటించుకున్నాయి . కాని ఇటలీ , అమెరికా దేశాల్లో పరిస్థితి చేయిదాటిపోయింది.

ఇటలీ, అమెరికాల్లో వైరస్ కేసులు ఎక్కువగా నమోదు కావడానికి కారణం, ఆయా దేశాల్లో మనకంటే ముందుగానే  వైరస్ వెలుగులోకి వచ్చింది. డిసెంబర్ నెలాఖరున చైనాలో మొట్టమొదటి కేసు నమోదు కాగ, ఇటలీలో జనవరి నాటికి స్ప్రెడ్ అయిపోయింది. అమెరికాలో కూడా ఇంచుమించుగా అదే సమయంలో వైరస్ వ్యాప్తి ప్రారంభమయింది. అయితే వైరస్ వ్యాప్తి ప్రారంభ దశలోనే తగిన జాగ్రత్తలు తీస్కోవడంలో పూర్తిగా విఫలమయ్యాయి ఆ రెండు దేశాలు.

ఇటలీ జనాభాలో  ఎనభైఏళ్లు పై బడిన వారి శాతం ఎక్కువ . కరోనా బారిన పడేది ఎక్కువగా వారే కాబట్టి మరణాలు ఎక్కువగా నమోదవడానికి గల కారణం కూడా అదే. అదే విధంగా ఆయా దేశాల్లో ధూమపానం అనేది చాలా ఎక్కువ, హైపర్ టెన్షన్, డయాబెటిస్ బాదితులు కూడా ఎక్కువే . వారికి వైరస్ ని తట్టుకునే శక్తి తక్కువ, చాలా ఈజీగా వైరస్ సోకి ఇన్ని మరణాలు సంబవిస్తున్నాయి.

అయితే ఇక్కడ ఒక ఆసక్తికరమైన విషయం ఏంటంటే, చైనా నుండి ఇటలీకి స్ప్రెడ్ అయిన వైరస్, ఇటలీ నుండి స్పెయిన్ కి స్ప్రెడ్ అయిన వైరస్లో కొన్ని మేజర్ చేంజెస్ ఉన్నాయని, దాంతో రిస్కీ వైరస్ గా మారి పరిస్థితి మరింత డేంజరస్ గా తయారయింది.  ఈ కారణాల రీత్యా ఇటలీ, అమెరికాల్లో పరిస్థితి దారుణంగా ఉంది. అదే విధంగా మన దేశంలో వైరస్ గురించి కూడా నాగేశ్వర్ రావు గారు ఒక ఆసక్తికరమైన విషయం చెప్పారు.అదేంటో  ఆయన మాటల్లోనే ఈ వీడియోలో చూడండి.

watch video: